|
|
Venres, 30 de abril de 2010 A Concellería de Sanidade e Benestar Social organiza unha charla sobre a comunicación na familia A Concellería de Sanidade e Benestar Social do Concello de Tomiño, que dirixe o centrista Pablo Baquero Álvarez, organiza dentro da Escola Municipal de Nais e Pais, a charla “Mellorando a comunicación na familia”. A cita será hoxe, venres, ás 20.00 horas na Casa da Cultura. A actividade desenvolverase en forma de obradoiro coordinado por Esteban Figueirido, técnico do Programa de Educación Familiar. Para facilitar a asistencia, cóntase cun servizo de ludoteca, ofrecido por educadores sociais co fin de coidar dos pequenos e pequenas durante a charla. Para inscribirse e facer uso da ludoteca, é preciso chamar ao número de teléfono 986 623 211, ou escribir unha mensaxe ao enderezo electrónico educacionfamiliar.programa@gmail.com
A Concellaría de Tráfico consigue para Tomiño inspeccións técnicas de vehículos, incluídos os agrícolas Os vindeiros días 28 e 31 de maio e 1 e 2 de xuño realizaranse en Tomiño inspeccións técnicas de todo tipo de vehículos, incluídos os agrícolas. A responsable de Seguridade, Tráfico e Transporte, Julia Cascón, indicou que conseguir estas inspeccións de vehículos, especialmente dos agrícolas, foi para a Concellaría un tema prioritario, dado o elevado número deste tipo de transportes no municipio. O horario de atención será de 09.00 a 13.30 e de 15.30 a 18.00 horas, excepto o último día (2 de xuño), no que o horario será só de 09.00 a 13.30 horas. As inspeccións levaranse a cabo na zona industrial de Gabín (Forcadela), onde se colocará a unidade móbil de inspección. O día e a hora de atención ao público asignarase directamente na unidade móbil desde o primeiro día de chegada á localidade ou a través do teléfono 881 920 981.
Xoves, 29 de abril de 2010 A III Festa do Kiwi reunirá en Tomiño uns 70 stands de produtores e comercializadores da zona A III Festa de Exaltación do Kiwi Galego Tomiño-2010, que terá lugar os días 8 e 9 de maio, reunirá a case 70 produtores e comercializadores de kiwi e entidades relacionadas coa elaboración e derivados do produto. A festa foi presentada onte en Tomiño polo responsable da Concellería de Cultura, Educación e Participación Veciñal do Concello de Tomiño, o centrista Jesús Castiñeira Diz, acompañado pola presidenta da Asociación de Kiwicultores, Mª Dolores Muñoz Sánchez-Roda; o presidente da Asociación de Empresarios e Comerciantes de Tomiño (ADETO), Fernando Martínez, e o director comarcal de Caixanova, Lino Álvarez. Nesta terceira edición, os organizadores lograron dobrar o número de expositores, pasando dos 30 da primeira festa aos case 70 desta edición. Segundo o concelleiro, como ocorrera nas anteriores citas, conseguiuse tamén nesta terceira festa implicar aos veciños, convertendo unha vez máis esta cita nun auténtico escaparate de produtos típicos, agroalimentarios e artesanais. Neste sentido, agradeceu a labor de mediación feita pola Federación de Asociacións Terra Miño, e indicou que esperaban superar os 12.000 visitantes do ano pasado. Castiñeira agradeceu a colaboración dos comerciantes de Tomiño, da Asociación de Kiwicultores, Caixanova, Kiwi Atlántico e de Galicia Calidade. “Tamén quero recoñecer”, dixo, “o labor que se está facendo dende as empresas comercializadoras, concretamente dende Kiwi Atlántico e dende Galicia Calidade por incorporar o kiwi aos produtos amparados por esta marca, xa que o kiwi é un produto plenamente integrado na economía galega, e temos que tratar de investir na súa imaxe facendo tamén que se recoñeza a súa calidade superior nos mercados internacionais”. O concelleiro referiuse tamén á competencia de mercados exteriores que está a provocar na actualidade a caída de prezos, “a cal ten que facernos reflexionar sobre a maneira de facer máis competitivas as explotacións”. Na mesma liña incidiu Mª Dolores Muñoz Sánchez-Roda, animando aos produtores a integrarse dentro da demarcación Galicia Calidade co fin de conseguir unha maior valoración do produto dentro e fóra do país. Neste senso salientou a necesidade dun control máis exhaustivo do kiwi que entra en Galicia dende outros países, coma Italia e Nova Zelanda. A presidenta da Asociación de Kiwicultores referiuse á importancia de que as plantacións de kiwi de Galicia continúen na zona, para o que subliñou a necesidade de chegar a acordos satisfactorios cos arrendadores dos terreos, cuxos contratos están próximos a rematar. Fernando Martínez, presidente de ADETO, agradeceu pola súa banda, a posibilidade de participar na festa e reiterou o apoio do comercio local. Bolsa de investigación Lino Álvarez, responsable comarcal de Caixanova anunciou a creación dunha bolsa profesional de seis meses de duración para investigación sobre o kiwi, a súa produción, comercialización e conservación. “Nun momento de crise como o que estamos a pasar, quixemos darlle un pouquiño de cabida ao inxenio e a investigación co fin de mellorar e facer máis competitivo este mercado”, explicou Álvarez. A iniciativa foi aplaudida tanto polo concello de Tomiño como pola Asociación de Kiwicultores, posibles titores do bolseiro. Programa A III Festa do Kiwi organízase en colaboración coa Asociación Profesional de Kiwicultores de Galicia, e outras entidades como a Consellería de Medio Rural, Deputación de Pontevedra, Caixanova, Asociación de Empresarios e Comerciantes de Tomiño, Federación de Veciños Terra Miño, Kiwi Atlántico e Kiwi España. A festa consistirá na exposición de kiwi e produtos novidosos a base desta froita, con degustacións gratuítas da mesma, brochetas de kiwi e “kiwitas”. Como vén sendo habitual, a empresa Kiwi Atlántico será a encargada de aportar entre 1.000 e 1.500 quilos de kiwi que se consumirán durante a festa. O sábado, día 8 de maio, ás 12.00 horas terá lugar a inauguración oficial que ten confirmada a presenza de José Manuel Cores Tourís, delegado territorial da Xunta en Pontevedra, e Carlos Vila Enríquez, xerente de Galicia Calidade, ademais de varias autoridades comarcais e locais. Nesta terceira edición é de salientar especialmente as degustacións populares, o primeiro simposio de pintura e as actuacións de música folk “A Roda” e “Can de Palleiro” e de “Mucha e Nucha”, dúo humorístico formado polos actores Culleredo Marcos Pereiro e Xosé Antonio Touriñán. No marco da festa entregaranse varios premios e distincións, como o Kiwi de ouro, mellor stand, mellor caseta; concurso da mascota da festa e mellor debuxo. O Kiwi de Ouro será este ano para o Servizo de Extensión Agraria, situado no Rosal, e especialmente para os técnicos do mesmo, Clara Pousa Ortega e José Crego Labandeira, “polo seu constante labor de asesoramento e axuda ao sector agrario do Baixo Miño en xeral, e ao dos Kiwicultores en particular". Nesta terceira edición da festa, haberá tamén xornadas informativas e obradoiros de sobremesas a base de kiwi. As primeiras estarán a cargo de Mª Ángeles Romero Rodríguez, da Área de Tecnoloxía dos Alimentos, da Facultade de Ciencias da Universidade de Lugo, e versará sobre as novas posibilidades na transformación e conservación do kiwi. Datos de interese Tomiño é o municipio con maior produción de kiwi a nivel autonómico e nacional. Segundo os datos aportados polo concelleiro de Cultura, este ano a produción deste froito bateu o récord de produción cun 15% ou 20% máis que en anos anteriores. No Baixo Miño atópase o 60% das plantacións de kiwi de toda España. Durante o ano 2009, máis de 400 hectáreas estiveron dedicadas á produción de kiwi, xerando máis de 9.500 toneladas.
A PACIVAC rexeita a alternativa sur e reclama que a autovía vaia polo monte A Asociación de Afectados pola Vía de Alta Capacidade Tui-A Guarda, PACIVAC, vén de manifestar en nota de prensa, a súa postura sobre a última proposta presentada pola Xunta para o tramo 2. Dende PACIVAC sinalan que o tramo é idéntico ao do ano 2004, que contradí o manifestado polo Conselleiro Agustín Hernández quen sinalaba que se mellorara. Engaden que non se ten en conta o Plan de Ordenación do Litoral facendo desaparecer a franxa litoral dende a Ponte de Goián ata Arbo para poder construír a autovía polo río. Por outra parte sinalan que a propia Consellería manifesta na memoria de alternativas que no trazado de 2004 existían “zonas sensibles” a respectar ao longo do río que van salvar con viadutos. Dende a Asociación pregúntanse se os viadutos son invisibles xa que discorren polo mesmo lugar e coa mesma altura que os taludes. Critican dende a PACIVAC que neste tramo se gasten 22 millóns de euros máis cando a Xunta pregona que hai que aforrar. E engade que a proposta da Xunta vén reforzar a postura da asociación dende 2004 na que defenden que o máis coherente e funcional para Tomiño é que a alternativa da autovía debe ser polo monte para dar servizo ás zonas peor comunicadas, e para circunvalar o casco urbano do Seixo, e dar acceso ao futuro polígono industrial. Dese xeito expoñen que se deixaría libre de impactos medioambientais e paisaxísticos a zona máis sensible e fértil do concello coma é o río Miño. Para rexeitar calquera proposta que invada o Miño a PACIVAC presentou 2.200 alegación á alternativa proposta pola Xunta. Do mesmo xeito avanzan que recorrerán á vía xudicial, presentando alegacións colectivas, para que a autovía vaia polo monte Por último sinala a Asociación de Afectados pola Vía de Alta Capacidade Tui-A Guarda que co fin de defender algo que cren xusto presentaron un recurso contencioso ante o Tribunal Superior de Xustiza de Galicia, que foi admitido, para defender o río Miño.
Excursión da Asociación de Veciños de Amorín á Ribeira Sacra A Asociación de Veciños de Amorín organiza unha visita cultural á Ribeira Sacra e ao Val de Lemos para o sábado 15 de maio. A saída está prevista ás 8 da mañá dende o torreiro de Amorín. En Sober unha guía da Oficina Municipal de Turismo incorporarase ao grupo para realizar todo o percorrido. Iniciarán a visita nos muíños do Xabrega, o xantar farano nun restaurante rural, e logo visitarán a adega Regina Viarum, o obradoiro de alfarería de Gundivós, e volverán por Monforte de Lemos. O prezo da viaxe no que se inclúe transporte, xantar e as visitas é de 30 euros para socios e 35 para non socios. Os nenos fillos de socios pagarán 25 euros. As persoas interesadas en participar neste visita poden inscribirse ao través da web www.damorin.es nos teléfonos 605 09 48 52 e 607 44 40 20 ou cada domingo de 11 a 12 na Casa do Pobo de Amorín.
Mércores, 27 de abril de 2010 César Pérez Ares posible candidato do PP en Tomiño A Xunta Local do PP en Tomiño acordou recentemente propor a César Pérez Ares coma candidato popular ás elección municipais de 2011 tendo en conta a súa traxectoria política. Pérez Ares, en declaracións á Radio Municipal de Tui, agradeceu esa designación e confianza dos seus compañeiros de partido ao tempo que manifestaba que sempre lle estará agradecido aos cidadáns de Tomiño e sempre se deberá ao municipio, e tamén ao Partido Popular. Por todo isto dicía que non se pode negar a esa petición de encabezar a lista popular, amosando a súa disposición a ser o candidato sempre que o PP, tanto en Pontevedra como en Santiago, así o decidan. No parecer de César Pérez Ares nos últimos catro anos non se aproveitaron os cartos do Plan E, nin os cartos do remanente de tesourería que segundo el terían que terse investido en saneamento integral, reordenación do ordenamento xeral, polígono industrial, piscina municipal, por contra fixéronse pequenas obras que non eran prioritarias. Engadía o posible candidato popular que día a día segue pendente do que é a actualidade municipal en Tomiño tanto ao través das reunións que mantén co seu grupo, coma dos comentarios que lle fan os propios veciños. Criticaba o que cualificaba de “tremendo gasto” nos concelleiros con dedicación exclusiva e persoal de confianza que anualmente supón 385 mil euros. Tamén criticaba o empréstito de 2 millóns de euros que o Concello de Tomiño vai pedir nun momento de austeridade. Avanzaba César Pérez Ares que de cara ás eleccións municipais de 2011 precisan xuntarse as forzas políticas do centro dereita, e avanzaba que proximamente iniciarán conversas con Alternativa Tomiñesa e con Centristas de Tomiño. Expresaba o seu desexo de chegar a acordos para que o centro dereita se presente unido o próximo ano e amosaba a súa disposición en pasar a un segundo plano no caso de que a súa persoa fose un obstáculo para esa unión porque precisan a alianza entre os tres partidos para lograr a maioría absoluta.
Martes, 27 de abril de 2010 Medio Ambiente pon en marcha o programa “A nosa auga dá vida” con motivo do Ano Mundial da Biodiversidade A Concellaría de Medio Ambiente do Concello de Tomiño vén de pór en marcha o programa “A nosa auga dá vida”, un proxecto dirixido a varios ámbitos sociais que “intentará dar a coñecer a importancia do patrimonio natural do concello”, segundo indicou o concelleiro de Medio Ambiente, Santiago Vergara. O programa, organizado con motivo do Ano Mundial da Biodiversidade, contempla diferentes actividades nos centros veciñais, colexios, familias e público en xeral. As actividades nos centros veciñais consistirán nun obradoiro ambiental para toda a familia no que se combinará a exposición dun audiovisual sobre a diversidade natural e paisaxística de Tomiño. Nos centros de ensino a actividade chamarase “Natureza na escola” e consistirá en xornadas sobre biodiversidade dirixidas a rapaces de entre 6 e 16 anos que comprenderá a proxección de distintos ecosistemas e espazos naturais do concello. Tras as xornadas, realizaranse talleres creativos coa colaboración dos mestres de cada centro. Tanto os centros veciñais como os colexios interesados deben solicitar a actividade nos teléfonos do Concello (986 62 20 01/03). Observatorio astronómicoOutra vertente da campaña son as “actividades para descubrir o mundo”, dirixidas á veciñanza en xeral. Dentro destas actividades inclúese unha Estación de observación astronómica, para observar e interpretar o ceo estrelado, que se levará a cabo o sábado 14 de agosto coa axuda dun experto astrónomo, e os percorridos por diferentes ecosistemas do municipio para a identificación e recollida de cogomelos da man dun micólogo, cita que se desenvolverá o 18 de setembro. Por último, o programa propón a actividade “Natureza nos camiños”, que consistirá en percorridos polos principais espazos naturais do concello coa compaña de guías intérpretes, que axudarán a coñecer mellor e conservar os elementos máis destacados do patrimonio natural e etnográfico. A primeira saída será o 9 de maio, pola Cabeceira do río Cereixo; a segunda, o 23 de maio, no Sendeiro do río Furnia, e a terceira, programada para o 6 de xuño, abarcará o Espazo da Rede Natura no Baixo Miño.
Mocidade convoca un concurso audiovisual que terá coma premio asistir á rodaxe dun curto con Uxía Blanco o día dez en Tomiño A Concellería de Mocidade do Concello de Tomiño, en colaboración coa Escola de Imaxe e Son de Vigo (EISV), co fin de fomentar a creatividade e promover o relato xornalístico entre a mocidade, convoca o I Concurso de Reportaxe Audiovisual OMIX Tomiño. Co obxectivo de contribuír ao desenvolvemento dunha cultura que inclúa formas de pensar e actitudes non sexistas, proponse o tema “Embarazos non desexados, responsabilidade de dous”. Os traballos presentados consistirán en pezas audiovisuais (valen as cámaras de fotos que gravan vídeos, as cámaras de vídeo independentemente do tipo, e inclusive os móbiles) que narren historias ou feitos en torno a este tema e que recollan opinións de mozos e mozas, homes e mulleres ao respecto. As reportaxes, que serán de estilo libre, utilizando os elementos propios do xénero, teñen que informar sobre o tema, aportando datos, indagando na opinión pública, detallando efectos. Segundo as bases do concurso, poderán participar de forma individual ou en equipo (máximo tres persas) mozos e mozas que teñan entre 14 e 18 anos. As obras deben ser orixinais e non premiadas en ningún outro concurso, e presentarse en formato DVD, cunha duración entre 5 e 15 minutos. Os traballos terán que acompañarse dunha portada, en cuxo frontal se indicará o autor (modalidade libre) ou nome do equipo (en caso de grupo); título da obra, e no reverso, incluirase unha sinopse (5 liñas máximo en letra Arial tamaño 10). O envío ou presentación dos traballos deberán facerse na Oficina Municipal de Información Xuvenil (OMIX) sita no Campo da Feira s/n. 36740 Tomiño, de luns a venres de 08.00 a 15.00 horas e de 16.00 a 20.00 horas (agás os venres que pola tarde está pechado). A data límite de presentación dos traballos será o 7 de maio de 2010. Establécese un único premio que consistirá na asistencia o día 10 de maio, á rodaxe dunha curtametraxe rodada integramente en Tomiño, e que contará coa participación de Uxía Blanco, Catuxa García e outro actor de prestixio. Coas obras seleccionadas editarase un DVD para uso e proxección naqueles espazos nos que se estime a súa oportunidade. Os traballos premiados pasarán a ser propiedade do concello de Tomiño, que poderá utilizalos de forma libre.
Presentación da Festa do Kiwi en Tomiño Mañá, mércores, ás 11 horas, terán lugar no Salón de Plenos da Casa Consistorial de Tomiño, a presentación, ante os medios de comunicación, da III Festa do Kiwi que se celebrará nesta localidade miñota os días 8 e 9 de maio. Participarán neste acto o concelleiro de Cultura de Tomiño, o responsable comarcal de Caixonova, a presidenta da Asociación de Kiwicultores, o presidente de Adeto (Asociación de Comerciantes de tomiño), o presidente da Federación de Veciños Terra Miño e un representante de Kiwi Atlántico.
Luns, 26 de abril de 2010 Ata o 30 de abril pode realizarse a reserva anticipada para degustar as especialidades da VII Festa da Costela e da Lamprea Amorín celebrará, o vindeiro 1 de maio, a VII Festa da Costela e da Lamprea, organizada pola Comisión de Festas da Virxe da Agonía e a Confraría de Pescadores de Amorín. Esta cita gastronómica comezará ás dez da mañá, poidendo degustarse as especialidades de Costela de porco á brasa, Lamprea á burgalesa e Empanada de lamprea. A reserva anticipada de racións pode realizarse no autoservizo-bar Abelleira, autoservizo-bar Quinteiro e Restaurante Cortixo de San Martiño, at ao 30 de abril. A VII Festa da Costela e da Lamprea estará amenizada polo trío musical “Hada”.
Aberta a inscrición para a visita lúdico-cultural á Ribeira Sacra e Val do Lemos organizada pola A.V. de Amorín A Asociación Veciños de Amorín, organiza unha visita cultural á Ribeira Sacra e Val do Lemos, o sábado 15 de maio, saíndo un autobús do torreiro de Amorín, as 8 da mañá. En Sober, unha guía da Oficina Municipal de Turismo, incorporarase ao grupo para descubrir os valores da zona a visitar, iniciándose o percorrido nos muíños do Xábrega, regueiro no que se atopa o máis importante conxunto de muíños do municipio de Sober. En pouco máis de tres quilómetros de lonxitude, as súas augas movían 28 muíños e dous batáns. Tratase dun excepcional conxunto etnográfico. A comida do mediodía terá lugar no restaurante rural A Cantina, establecemento situado nun entorno de viñas e mosteiros, nados a carón do río Sil. A Cantina, establecemento recentemente restaurado, conserva, desde 1947, a tradición familiar na cociña. Logo do xantar iniciarase a visita a Adega Regina Viarum, que se atopa no corazón da Ribeira Sacra, en Amandi. Coma outras adegas, está situada nunha terra única, na que os romanos se instalaron, as beiras do río Sil, para principiar a plantación da uva e a elaboración do viño que enviaban a Roma. Hoxendía, aínda se poden disfrutar das lembranzas desta civilización: os restos dunha calzada romana que se atopa nas inmediacións da Adega. A continuación, visitarase a alfarería de Gundivós, tendo a oportunidade de ver ao último alfarerito da contorna que fará unha demostración da elaboración das pezas de barro. En plena Ribeira Sacra, recibindo os saberes de xeración en xeneración, Gundivós segue a ser un referente na alfarería de Galicia. O seu innegable valor etnográfico pódese apreciar nas pezas que ali se elaboran sendo a máis emblemática é o "Xarro". O regreso desta excursión lúdico-cultural farase por Monforte de Lemos. O prezo desta visita cultural é de 30 euros para os socios e de 35 euros para os que non o son, aboando 25 euros os fillos dos asociados. No prezo inclúese o transporte, a comida e todas as visitas. As persoas que desexen anotarse, poden facelo chamando aos teléfonos 605 09 48 52 ou 607 44 40 20; tamén persoalmente acudindo os domingos, de 11 a 12, á Casa do Pobo.
Sábado, 24 de abril de 2010 A gala de abertura da IV Mostra de Teatro do Miño deu comezo ao festival que se celebra esta fin de semana en tres concellos da comarca A Gala de Abertura da IV Mostra de Teatro do Miño deu comezo a esta cuarta edición do festival no que participan seis compañías escollidas entre 36 aspirantes. O acto contou coa presenza da alcaldesa de Tomiño, do alcalde da Guarda, o concelleiro de Cultura de Tomiño e a concelleira de Cultura do Rosal, así como outras autoridades locais e comarcais. O concelleiro de Cultura de Tomiño, en calidade de anfitrión, transmitiulle os parabéns á Asociación Cultural Feixó Araúxo, organizadora do certame, dende o convencemento de que o teatro é unha canle ideal de transmisión e intercambio cultural, especialmente no ámbito transfronteirizo. “Cremos necesario un constante intercambio e entendemento entre as dúas beiras miñotas, tal e como acontece nesta Mostra na que participan grupos teatrais dos dous países”. Castiñeira tamén referíuse ao carácter comarcal polo que esta mostra apostou desde un principio e a importancia da cooperación entre concellos para poder potenciar este tipo de acontecementos. A alcaldesa, pola súa banda, tamén felicitou aos organizadores, agradecendo o traballo realizado e a cooperación das institucións públicas e privadas. O grupo de clown “Os 7 magníficos máis un” puxo a nota de humor ao longo da gala con diferentes propostas que arrincaron as risas do público. Na gala houbo tamén dúas actuacións da Escola de Danza de Paula Cobián e estreouse o documental “Bastidores” de Xurxo González, filmado ao longo da pasada edición da mostra.
Venres, 23 de abril de 2010 Nace en Tomiño, a asociación xuvenil A Senlleira Un grupo de mozas e mozos de Tomiño, con inquedanzas culturais, deportivas e sociais, veñen de constituírse como asociación xuvenil para comezar, en breve, as súas actividades entre as que mencionan unha xornada deportiva e de ocio no rio Miño, programación de concertos musicais, e outras iniciativas que irán xurdindo no seo deste novo colectivo.
"Convivindo coa enfermidade mental” charla para sensibilizar e informar sobre la enfermedad mental en la Casa de la Cultura
Este viernes, 23 de abril, a las 20.30 horas se llevará
a cabo en la casa de la Cultura de Tomiño la Charla-coloquio “Convivindo
coa enfermidade mental”. La iniciativa de la Asociación La relatora de esta charla será la psicóloga Begoña Conde, directora técnica de la Asociación Avelaíña, quien abordará temas de interés general sobre la enfermedad mental y los tipos de enfermedad que existen, los primeros síntomas de alerta ante un posible problema de salud mental, el impacto de la enfermedad en la persona afectada, su familia y la sociedad, así como los recursos de atención sanitaria disponibles en Baixo Miño.
Enrique Álvarez, presidente de Terras do Baixo Miño,
destaca la importancia de este tipo de charlas-coloquio con el fin de
sensibilizar a la sociedad y ayudar a los afectados, y agradece la
colaboración de la Concejalía de Sanidad y Bienestar Social del
Ayuntamiento de Tomiño y a Rafael Álvarez, gerente de Avelaíña, indicó que para su asociación esta charla-coloquio se enmarca en una campaña más amplia de sensibilización denominada “Todos podemos perdernos”, que implica la distribución de carteles, material informativo sobre la enfermedad mental y la organización de visitas de escolares y de profesores al Centro de Rehabilitación Psicosocial de A Guarda, entre otras iniciativas.
Renovación do convenio de colaboración con caixanova ADETO e Caixanova renovaron onte, 22 de abril, o convenio de colaboración que veñen mantendo dende hai anos. Caixanova, a través dos presupostos da súa Obra Social destinados ao apoio de sectores produtivos, poderá axudar a impulsar e desenvolver as iniciativas emprendidas por Adeto que, conforme ós seus fins, teñan por obxecto promover as actividades comerciais dos seus asociados, promocionar a venda dos seus produtos nos mercados e ós clientes ós que se dirixan, estimular o desenrolo das súas canles de distribución físicas e telemáticas, favorecer a introducción e utilización das novas tecnoloxías, mellorar a eficacia e a eficiencia na xestión, potenciar a posta en marcha de accións de marketing que incrementen a produtividade, fomentar a creación de emprego e facilitar a rehabilitación e reacondicionamento de establecementos comerciais
Mércores, 21 de abril de 2010 Hospital celebra as festas da Virxe Milagrosa con humor, música e actividades lúdicas para os miúdos Co remate de abril e comezo de maio vanse celebrar en Hospital, Tomiño, as festas en honor da Virxe Milagrosa. Os actos comezarán o día 30 de abril, venres, coa presenza do dúo de humoristas de sona na comarca, “Os Campelos”, que chegan convidados pola Asociación de Veciños de Hospital e o concello de Tomiño. Será ás 22.30 horas cando esta parella do Rosal porá a nota de humor nos festexos de Hospital. O sábado, día 1 de maio, ás oito da mañá, unha salva de bombas lembrará que é día de festa. A verbena desta xornada estará amenizada polas orquestras “Los Satélites” e “Compostela”. O domingo, 2 de maio, ás 12 do mediodía oficiarase a Misa Solemne, coa Real Banda de Gaitas de San Vicente de Barrantes e a Coral Polifónica de Tomiño. Pola tarde de 18.00 a 20.00 horas haberá pallasos e talleres de globoflexia e maquillaxe, entre outras alternativas para os máis pequenos. Ás 20.00 horas actuación do cantautor guardés, Tino Baz, patrocinada polo concello de Tomiño, rematando as festas a orquestra “Capitol”.
Éxito da VII Mostra de Cultivos do Baixo Miño con máis de 15.000 persoas e numerosos contactos comerciais A VII Mostra de Cultivos do Baixo Miño, organizada polo Concello de Tomiño conxuntamente cos Produtores do Baixo Miño consolidouse como punto de encontro entre profesionais dos sectores da planta ornamental, a horta, a flor e as empresas auxiliares do campo e xardín. Máis de 15.000 persoas pasaron pola mostra a pasada fin de semana, segundo os datos facilitados pola organización. Asemade, foron moi numerosos os contactos comerciais realizados entre profesionais do sector co fin de chegar a posteriores acordos e negocios, rexistrándose un bo número de visitas dos profesionais do país veciño. A mostra contou coa presenza de empresas dedicadas á horta, á froita e á flor cortada, pero sobre todo á planta ornamental. Tamén se atoparon na feira empresas auxiliares do campo e xardín, como as de rego, materiais para invernadoiros e maquinaria. Dentro deste último apartado, e como novidade, puido verse un robot corta céspede bautizado como “Mow”, que se pode programar semanalmente para cortar a herba cada día a unha hora determinada. Esta foi unha das principais atraccións desta edición de cara ao público. Outras consultas destacadas pola súa repetición foron as relacionadas co deseño de xardíns e maquinaria e sistemas de rego axeitados. A alcaldesa de Tomiño, Sandra González, salientou o traballo da antiga directiva e tamén da nova para conseguir unha feira “que non quere perder esa dobre finalidade coa que foi concibida: por un lado, a vertente profesional e por outro á dedicada ao público en xeral”. A rexedora animou aos produtores a seguir no camiño da modernización e da formación, seguindo o exemplo doutros países europeos desenvolvidos e que non renuncian ao seu sector primario. Xornadas técnicas e talleres As xornadas técnicas celebráronse tamén con éxito no Auditorio de Goián, dedicándose este ano ás plantas ornamentais de baixo custe de mantemento, xardíns verticais e árbores monumentais de Galicia. Os talleres de plantación para adultos e nenos celebrados o domingo tiveron tamén unha grande aceptación. A carón do pavillón polideportivo de Goián instalouse unha carpa onde se celebrou en horario de mañá e tarde un taller de plantación dirixido aos nenos, que chegou a rexistrar máis de 400 visitas. Premios No auditorio puido visitarse ademais una exposición de bonsais e outra de debuxos dos escolares tomiñeses que visitaron os viveiros da localidade, dentro das actividades organizadas pola mostra. Os gañadores deste concurso de debuxo recibiron os premios de man da alcaldesa e produtores o domingo por la tarde. Os distinguidos co primeiro premio foron Iria Rodríguez Huertas (CEIP Sobrada); Adrián Carrera Vesada (CEIP Tebra); Ainhoa Rodríguez Álvarez (CEIP Barrantes); Julia Kesia Santos Pereira (CEIP Pintor Antonio Fernández. Goián) e Luís Miguel Souto Álvarez (CEP Pedro Cáselles).
Martes, 20 de abril de 2010 Charla coloquio sobre enfermidade mental na Casa da Cultura A asociación Avelaíña organiza, coa colaboración da asociación Terras do Baixo Miño e a Concellaría de Sanidade e Benestar Social, a charla coloquio “Convivindo coa enfermidade mental”. Terá lugar o venres, 23 de abril, ás 20.30 horas na Casa da Cultura de Tomiño. A actividade contará coa participación da psicóloga Begoña Conde, directora técnica da asociación Avelaíña.
Campaña de recollida de alimentos para o pobo saharaui A asociación Solidariedade Galega co Pobo Saharui organiza unha campaña de recollida de alimentos dentro da iniciativa “Caravana pola Paz”, coa finalidade de achegar produtos de primeira necesitada aos campamentos do Sáhara. O Concello de Tomiño colabora coa iniciativa ofrecendo un local onde poden achegarse as doazóns, nos locais dos Servizos Sociais, sitos no barrio da Rocha, en horario de 08.00 a 15.00 horas. Os produtos que poden doarse son aqueles envasados cun período de caducidade amplo, como garavanzos, lentellas, atún, aceite de oliva e produtos de hixiene para nenos (pañais, toalliñas húmidas, biberóns, tetiñas, etc.)
Luns, 19 de abril de 2010 Club Deportivo Miño Teixugos gaña a 2ª competición da Copa Galega de Promoción de Slalom Informa Rosa Fernández.- O domingo celebrouse, en Gondomar, a 2ª competición da Copa Galega de Promoción de Slalom organizada polo Club de Piragüísmo Val Miñor- Frioya. Cabe destacar a deportividade e bo ambiente da mesma, cousa que vén sendo habitual nestas competicións.O club de Tomiño acudiu con 11 piragüístas, algúns dos cales participaron en dúas categorias: Kayak e canoa. En K1 benxamín masculino Marco Patiño conseguiu a medalla de ouro; en K1 alevín feminino outro ouro para Clara González; na mesma categoria, pero masculina, Manuel Ochoa e Brais Castro fixéronse coa prata e o bronce respectivamente; en K1 infantil feminino Andrea Gonzalez e Isabel Valcárcel tamén foron prata e bronce repetindo posto as dúas na categoría C1 damas alevín. Por equipos, o Club Deportivo Miño Teixugos acadou a primeira praza, seguidos dos anfitrións do Val Miñor-Frioya e terceiros o Piragüísmo Dumbría. Pode seguirse a reportaxe dos Teixugos premendo AQUÍ
Venres, 16 de abril de 2010 A Concellaría de Cultura celebra o Día Internacional da Danza cunha serie de actividades A Concellaría de Cultura, Educación e Participación Veciñal do concello de Tomiño, que dirixe Jesús Castiñeira, organiza a través da Escola Municipal de Teatro e Danza, unha serie de actividades formativas con motivo da celebración do Día Internacional da Danza o vindeiro 29 de abril. O programa de actividades preparado pola Escola Municipal, sección danza, dirixido pola profesora Cristina García Cameselle, prevé a participación do alumnado nun encontro de danza entre escolas municipais, conservatorios e universidades, que se celebrará o vindeiro día 24 en Narón (A Coruña). Por outra banda, o día 28 impartirase unha clase especial para as alumnas da escola, e o 15 de maio terá lugar un curso de iniciación á danza contemporánea impartido por Armando Martén, bailarín e coreógrafo da compañía “Entremáns” e profesor do Conservatorio da Coruña. Por último, celebrarase unha función de danza contemporánea con duetos coa participación das prestixiosas compañías “Dúos” e “Solos”. Será tamén o día 15 de maio a partir das 21.00 horas. O concelleiro de Cultura e tenente alcalde, Jesús Castiñeira, subliñou o importante labor que está a desempeñar a Escola Municipal de Teatro e Danza de Tomiño, á que asisten nenos e nenas con inquedanzas artísticas das diferentes parroquias do concello, e adiantou a intención de seguir traballando nesta liña, dada a ampla aceptación lograda polo proxecto.
Xoves, 15 de abril de 2010 A VII Mostra de Cultivos do Baixo Miño reúne esta fin de semana en Goián a corenta expositores de Tomiño e comarca A sétima Mostra de Cultivos do Baixo Miño organizada pola asociación de Produtores do Baixo Miño coa colaboración do concello de Tomiño, reunirá os vindeiros días 17 e 18 de abril no Pavillón Polideportivo de Goián, a uns 40 expositores de Tomiño e comarca dos sectores de viveiros, flor cortada, horta e empresas auxiliares. O Baixo Miño é unha comarca rica na producción de planta ornamental, así o reflicten as máis de 100 hectáreas ocupadas nesta actividade e cuxa maior concentración atópase en Tomiño. Dar a coñecer este potencial e posibilitar a expansión económica do sector son dous dos principais obxectivos dos organizadores. A presentación da sétima mostra celebrouse na mañá de onte no Auditorio de Goián, a carón do pavillón polideportivo onde terá lugar a feira. Acompañaron á alcaldesa de Tomiño, Sandra González, en calidade de membros da directiva da asociación de produtores, Natalia Peixoto (Viveiros Nilo); Sandra Moreiro (Viveiros Baixo Miño) e Saúl Fernández (Brotes). ”Para nós é fundamental que este evento sexa tanto un encontro profesional do sector, como que adquira tamén unha dimensión social e cultural, de maneira que a poboación en xeral coñeza mellor este mundo e se identifique cun sector tan importante na nosa economía”, salientou a alcaldesa. A rexedora indicou que o sector da agricultura é un dos que mellor resiste as fluctuacións do mercado e segue a xerar emprego, en comparación con outros máis afectados pola crise económica. “Esta é unha realidade que o concello debe aproveitar para dar a coñecer e por en valor as nosas potencialidades”, puntualizou. Os produtores, pola súa banda, agradeceron a colaboración do Concello así como o apoio das empresas Fibanc Mediolanum e La Caixa, e coincidiron en salientar as dúas vertentes nas que se vertebra este ano a mostra; unha máis profesional, cunhas xornadas técnicas pensadas especialmente para produtores e comercializadores pero tamén para o público en xeral, e outra lúdica, orientada á poboación máis nova do municipio, con talleres de plantas e visitas a viveiros. Neste último apartado celebrarase o obradoiro infantil “Xoga coa natureza”, dirixido aos máis pequenos, que terán a oportunidade de coñecer o proceso da plantación de man de monitores. Será o domingo 18 a carón do pavillón. “Ante a excelente resposta do ano pasado, nesta edicion quixemos ir mais lonxe neste achegamento da Mostra de Cultivos aos mais novos e con este fin achegamos aos nenos e nenas do noso municipio o interesante mundo da planta ornamental, onde os/as participantes poderán coñecer o proceso da plantación de principio a fin”, explicou Sandra Moreiro. Ademais, como preludio á mostra, o concello de Tomiño organizou as pasadas semanas, unha serie de visitas de escolares aos viveiros da localidade, coa finalidade de achegar a pequenos e mozos as particularidades do traballo nun viveiro, tendo en conta que estes forman parte importante da economía e fisionomía de Tomiño. Pero esta actividade non remata aquí, xa que tras a visita, os alumnos/as tiveron un prazo de sete días para realizar un debuxo sobre o tema do viveirismo. O xurado elixirá tres premios por colexio, que serán entregados o domingo 18 antes da clausura da mostra. Os debuxos na súa totalidade serán expostos nos corredores da exposición no pavillón de Goián. Por outra banda, tamén no auditorio, haberá unha exposición de bonsais e outras actividades infantís. Xornadas técnicas A Mostra de Cultivos ten tamén, como vén sendo habitual nos últimos anos, un perfil de formación no que teñen cabida esta vez as terceiras Xornadas Técnicas dedicadas á planta ornamental na comarca e organizadas pola Consellería de Medio Rural. Un ano máis, a selección dos temas pretende reforzar a formación dos produtores, técnicos e xardineiros. As materias tratadas mesturan tradición e innovación, sustentabilidade nas plantacións, aforro de auga e mantemento. Ao mesmo tempo, téntase fomentar o consumo de plantas de tempada introducindo un taller onde quen participe poida coñecer, combinar e utilizar as plantas que decorarán os seus xardíns, balcóns ou terrazas. O sector do viveirimo do Baixo Miño en datos: -A maior parte da agricultura do Baixo Miño apóiase en 4 pilares: Viñedo Fruticultura: fundamentalmente kiwi e mirabel Horta Planta ornamental e floricultura -FLORICULTURA:empresas comercializadoras con producción propia ou que compran a pequenos productores de flor (rosa, clavel, bulbosas, crisantemos, etc.). Superficie aproximada de 15 ha. -PLANTA ORNAMENTAL: 29 viveiros na comarca (23 deles en Tomiño) 78 ha de superficie cultivada (64 en Tomiño) Esta actividade xera aproximadamente 200 postos de traballo en toda a comarca (80% mulleres) Principais variedades: camelia, buxus, actinidia, juniperus, rododendro, entre outras.
Mércores, 14 de abril de 2010 O Delegado Territorial recibiu a Plataforma en Defensa do Saneamento de Tomiño que esixe a conclusión do colector xeral O delegado territorial da Xunta en Pontevedra, José Manuel Cores Tourís, reuniuse en Tomiño coa Plataforma en Defensa do Saneamento deste municipio comprometéndose a trasladar as súas demandas ao conselleiro de Medio Ambiente, Territorio e Infraestruturas, Agustín Hernández. Os membros desta Plataforma transmitíronlle nesta xuntanza ao responsable territorial a necesidade que ten este municipio da construción do colector entre Carregal e Torrón de cara a completar o colector xeral “porque de nada serviría por en marcha un saneamento secundario se non se completa primeiro a actuación principal”. José Manuel Cores Tourís asegurou estar de acordo cos membros do colectivo veciñal pero recordoulles que non só ten que apostar por esta obra a Xunta de Galicia. “É necesario que, ademais, o concello de Tomiño tamén se comprometa coa execución deste tramo do colector xeral. Non podemos obviar que se trata dunha obra que beneficiará aos veciños deste municipio e por tanto, o goberno local debe tamén implicarse económicamente”. A Plataforma engadiu que o orzamento da obra solicitada ronda o millón e medio de euros dando servizo a máis de 5.000 veciños. “Axudaría a máis do 30% da poboación de Tomiño xa que o abuso dos pozos negros está a provocar a contaminación dos pozos artesanais e iso é un problema real ao que teñen que enfrontarse moitos dos cidadáns que viven nas sete parroquias as que daría servizo ese tramo do colector xeral”. O delegado territorial comprometeuse a trasladar este asunto ao conselleiro de Medio Ambiente, Territorio e Infraestruturas, Agustín Hernández, con quen a Plataforma tamén solicita unha entrevista, así coma a debatilo coa alcaldesa da vila, Sandra González. A maiores, José Manuel Cores Tourís tamén dará traslado aos responsables autonómicos da preocupación dos veciños en relación as taxas no servizo de recollida dos residuos dos pozos negros. “Estamos a pagar 80 euros por casa cinco metros cúbicos”, explicou un dos membros da Plataforma. “Destes cartos, 17 son taxas”. Neste senso, o delegado territorial matizou que xa está en negociacións coa alcaldesa para que o concello poña a disposición dos veciños un servizo de recollida con cisterna para poder así abaratar o custo da eliminación dos residuos fecais. Ademais, José Manuel Cores Tourís tamén recibiu a Mari Luz Rivas, portavoz da Plataforma Defende o Medio de Tomiño, quen lle solicitou maior axilidade nas obras de construción do vial Tui-A Guarda. Rivas espúxsolle ao delegado territorial, o apoio do seu colectivo ao proxecto que manexa a Xunta en relación a esta infraestrutura.
Encontro de asociacións en tomiño esta vindeira fin de semana A Federación de Asociacións Terramiño de Tomiño, organiza o terceiro Encontro Cultural, os días 17, sábado, e 18, domingo, coa participación de asociacións veciñais de Vilachán, Amorín, Barrantes, Carregal, Currás, Pinzás, Sobrada e Taborda. Tamén se conta coa colaboración do concello de Tomiño (Concellería de Cultura, Educación e Participación Veciñal). A inauguración deste encontro será o sábado, día 17, as 17.00 horas. Cada unha das asociacións participantes, levará unha mostra do seu traballo. Haberá actuacións musicais de grupos das diferentes asociacións, mostras de artesanía, manualidades e proxeccións. O domingo pola tarde, haberá un contacontos para os máis cativos.
Martes, 13 de abril de 2010 Cores Tourís anuncia o remate da concentración parcelaria de Goián (Tomiño) ao longo do presente ano O delegado territorial da Xunta en Pontevedra, José Manuel Cores Tourís, visitou onte a parroquia de Goián para informar aos veciños acerca dos avances na concentración parcelaria nesta zona, destacando que está previsto o remate da mesma ao longo de 2010 e a entrega dos títulos en 2011. No acto o delegado territorial estivo acompañado da alcaldesa da localidade, Sandra González, e do xefe territorial de Medio Rural, Gerardo Zugasti. José Manuel Cores Tourís agradeceu aos veciños a súa colaboración para o desenvolvemento da concentración parcelaria destacando que “foron 1.288 os propietarios implicados nestos traballos que permitiron actuar sobre 776 hectáreas”. Deste xeito, tamén destacou o delegado territorial que a concentración parcelaria de Goián partiu dun total de 12.000 parcelas e que “na actualidade reducíuse este número ata as 2.700, pasando así dunha media de extensión por finca de 650 metros cadrados a 3.000”. Pola súa banda, o xefe territorial de Medio Rural, destacou que “a concentración parcelaria de Estás-Goián-Figueiró comezou no ano 1993 e naquel entón, a media de fincas por veciño era de case dez, mentras agora, co traballo realizado, a cifra é de dúas”. Deste xeito, insistiu en que os traballos de concentración parcelaria “están moi avanzados nesta zona de Tomiño. De feito, só faltan por incluír 160 modificacións aportadas polos veciños”. Aínda así, os responsables da Delegación Territorial de Pontevedra tamén fixeron mención a outro problema que retrasará lixeiramente a tramitación da parcelaria. “Trátase da afección do treito número III da vía rápida Tui-A Guarda, o que vai significar a execución de varias expropiacións”. A Xunta de Galicia investiu ata o momento 3.278.592,96 euros na concentración parcelaria de Tomiño, o que supón, según engadiu Cores Tourís, “algo máis de 4.200 euros por hectárea”. “A maiores, en 2010 levaranse a cabo investimentos neste eido por un montante total de 369.649,70 euros, en especial en melloras de infraestruturas viarias agrarias”, concluíu o delegado territorial da Xunta en Pontevedra.
A presentación da Mostra de Cultivos do Baixo Miño trasládase para mañá Por razóns de forza maior, a organización da VII Mostra de Cultivos do Baixo Miño modifica a data de presentación deste evento e, en vez de hoxe, como estaba previsto,trasládase para mañá, mércores, 14 de abril, manténdose o lugar e a hora: Auditorio de Goián, ás 11.30 horas.
Sábado, 10 de abril de 2010 VIII edición da Festa da Orella- 2010 que se celebra en Figueiró Mañá, domingo, vaise celebrar en Fiegueiró a 8ª Festa da Orella organizada pola Comisión de Festas de San Campio e coa colaboración da Concellería de Cultura, Educación e Participación Veciñal do concello de Tomiño. A partir das 10.30 horas, e durante todo o día, servírase orella “á feira” e á vinagreta na Praza do Telleiro, onde hai habilitada unha gran carpa para poder degustar comodamente este prato típico galego. Tamén se servirán chourizos fritos e carne ao caldeiro. Os precios serán populares e ademais regálase prato conmemorativo. Todo esto pódese acompañar de bos viños das Rías Baixas. Amenizará o acto festivo a Treboada Baixo Miño de Tomiño. Ademais este ano, hoxe, sábado como novidade con respecto a edicións anteriores, haberá chocolate con churros a partir das 21.30 horas na mesma carpa. A Comisión de Festas de San Campio 2010, aproveita a ocasión para invitar a tódolos veciños da parroquia e da comarca a esta 8ª Festa da Orella, ao pé do Santuario de San Campio.
A Asociación Polo Saneamento de Tomiño, recentemente constituída, loitará por este servizo no municipio O 7 de febreiro do presente ano quedou constituída en Tomiño a Asociación Polo Saneamento de Tomiño coa finalidade fundamental de conseguir, como explica a denominación deste colectivo, o saneamento do municipio e defender o medio ambente. Esta Asociación nace pola iniciativa das asociacións que forman a Federación de Asociacións Terramiño do concello, xa que as parroquias que carecen de saneamento son as que teñen un desenvolvemento urbanístico e un crecemento da poboación maior. Tamén forman parte desta iniciativa a Asociación en Defensa do río Furnia e outros colectivos. Outro factor que impulsou o inicio da asociación é a falta de inversións por parte da administración competente, posto que actualmente non existe ningún plan de invesimentos nesta materia para o concello de Tomiño. Colectivos que forman parte da Asociación As asociacións que forman parte da Asociación Polo Saneamento de Tomiño son as asociacións de veciños de Taborda, Barrantes, Pinzás, Currás, Carregal, Amorín e Sobrada; as comunidades de montes de Sobrada, Amorín, Currás, Piñeiro e Taborda, e persoas a título individual. O órgano directivo da Asociación quedou formado da seguinte maneira: presidente, Germán Sio Rimert; vicepresidente, José Quinteiro Domínguez; secretario, Francisco José Cadilha Passos; vicesecretaria, María Ángeles Querol Bessa; tesoureiro, Carlos Manuel Guerra Vidal; vogais, Juan Carlos Díaz Domínguez, Germán Salgueiro Martínez, Pedro Míguez Mariño, Verónica González Fernández, José María Regueiro Otero, Miguel Domínguez Martínez, Manuel Moreira Freiría, Germán Castro Barbosa, Ángel Martín Santos, David Pereira Fernández, Gonzalo Díaz Baz e Andrés Seves Lorenzo. Unha vez formada a Asociación definíronse as liñas principais de traballo en tres eidos: Informativa: Levar a información sobre a Asociación e a súa actividade a todas as parroquias afectadas; Colaboradora, promover un traballo de colaboración, na medida do posible, co Concello, e Independente, Mantendo a actividade ao marxe de posturas partidistas. Con respecto a liña informativa a Asociación mantivo reunións nas parroquias de Taborda, Carregal e Amorín, quedando pendentes as de Sobrada, Currás, Piñeiro, Barrantes e Pinzás; tamén se fixo unha presentación oficial da Asociación no salón de plenos, a tódolos grupos políticos que compoñen a Corporación de Tomiño, e estase intentando manter reunións con tódolos grupos políticos municipais para expor a necesidade do saneamento e obter os apoios necesarios para que se execute canto antes.
O Partido Popular de Tomiño pedirá que César Pérez Ares encabece a candidatura ás municipais de 2011 A Xunta Local do Partido Popular tomiñés celebrou unha reunión con carácter extraordinario para debatir diversos asuntos considerados por esta formación de suma importancia. A portavoz do Grupo municipal popular, Esperanza Calzado, destacou que a principal decisión que se acordou de forma unánime é propoñerlle a César Pérez que acepte encabezar a candidatura ás próximas eleccións municipais de 2011 para, seguidamente, transmitirlle esta decisión ao presidente Provincial Rafael Louzán. O Comité Local manifestou que é o momento idóneo para trasladar aos veciños deste concello que o Partido Popular de Tomiño constitúe unha clara e indudable alternativa de goberno ao actual tripartito que calificaron de derrochador. Por ende, aposta por un candidato con experiencia e con capacidade de traballo, cunha traxectoria que non dá lugar a dúbidas. En definitiva, un referente de xestión e bo facer como queda avalado tralo seu paso polas distintas administracións. No ámbito municipal formou parte do goberno tomiñés presidido polo anterior alcalde, José Luis Fernández Lorenzo, como responsable da Concellería de Educación, Cultura e Sanidade. Unha etapa que reportou grandes logros e que supuxo un gran avance no eido educativo e cultural deste Concello como quedou materializado en moitas obras destacando, pola súa dimensión e relevancia, dúas delas que marcaron un “antes e un despois” no progreso do concello, como son o Instituto de Ensinanza Secundaria e o Auditorio municipal. Máis recentemente, e xa no ámbito sanitario salienta a formación popular o novo Centro de Saúde. Infraestructuras moi importantes e trascendentais para o benestar de todos os veciños de Tomiño que foron posibles grazas a boa xestión realizada polo anterior Goberno, do cal formou parte, e ao compromiso e á implicación das Institucións gobernadas polo Partido Popular. César Pérez Ares, tamén tivo responsablidades no Parlamento autonómico como deputado, representando ás comarcas do Baixo Milo, A Louriña e Condado e Paradanta. Na actualidade desempeña o cargo de Xefe Territorial de Educación da provincia de Pontevedra. Desde o Partido Popular tomiñés coidan que esta bagaxe da que é poseedor o César Pérez Ares redundará en beneficio do concello que hoxe, engaden, máis que nunca, necesita de persoas con iniciativa, entusiasmo e capacidade de xestión para que Tomiño non se pare. Tamén, na mencionada reunión se tomou a decisión de crear unha comisión para manter reunións cos Grupos Alternativa Tomiñesa e Centristas de Tomiño co obxectivo de acercar posicións e acadar acordos de presente e futuro.
Presentación da VII Mostra de Cultivos do Baixo Miño O próximo martes, 13 de abril, ás 11.30 horas, terá lugar no Auditorio de Goián a presentación da VII Mostra de Cultivos do Baixo Miño. Durante este acto daranse a coñecer as novidades desta nova edición, expositores e outras novas que teñen que ver con este evento.
A Concellaría de Cultura celebra o Día Internacional da danza cunha serie de actividades A Concellaría de Cultura, Educación e Participación Veciñal do concello de Tomiño, que dirixe Jesús Castiñeira, organiza a través da Escola Municipal de Teatro e Danza, unha serie de actividades formativas con motivo da celebración do Día Internacional da Danza o vindeiro 29 de abril. O programa de actividades preparado pola escola municipal, sección danza, dirixido pola profesora Cristina García Cameselle, prevé a participación do alumnado nun encontro de danza entre escolas municipais, conservatorios e universidades, que se celebrará o vindeiro día 24 en Narón (A Coruña). Por outra banda, o día 28 impartirase unha clase especial para as alumnas da escola, e o 15 de maio terá lugar un curso de iniciación á danza contemporánea impartido por Armando Martén, bailarín e coreógrafo da compañía “Entremáns” e profesor do Conservatorio da Coruña. Por último, celebrarase unha función de danza contemporánea con duetos coa participación das prestixiosas compañías “Dúos” e “Solos”. Será tamén o día 15 de maio a partir das 21.00 horas. O concelleiro de Cultura e tenente de alcalde, Jesús Castiñeira, subliñou o importante labor que está a desempeñar a Escola Municipal de Teatro e Danza de Tomiño, á que asisten nenos e nenas con inquedanzas artísticas das diferentes parroquias do concello, e adiantou a intención de seguir traballando nesta liña, dada a ampla aceptación lograda polo proxecto.
Venres, 9 de abril de 2010 A Concellaría de Cultura organiza un concerto da banda “La Minitípica” o sábado no Auditorio de Goián A Concellaría de Cultura, Educación e Participación Veciñal do Concello de Tomiño, que dirixe Jesús Castiñeira, presenta o sábado, 10 de abril, un concerto da banda de tango “La Minitípica”. O espectáculo do grupo, que actuará acompañado polos seus bailaríns, será no Auditorio Municipal de Goián ás 21.30 horas. “La Minitípica” é unha formación composta por tres músicos bonaerenses e un galego: Gerardo Rebagliati (voz e segunda guitarra), Juanma Ons (guitarra e segunda voz), Alejandro Szabo (bandoneón) e Brian Moure (contrabaixo). A formación ten gravados varios discos e acostuma a facer numerosos directos dando a coñecer o seu amplo repertorio, ofrecendo ao público música de tango, pero tamén milongas e candombé, así como outras manifestacións do folclore arxentino.
A Concellaría de Cultura organiza un concurso para elixir a mascota da Festa do Kiwi 2011 A Concellaría de Cultura, Educación e Participación Veciñal do voncello de Tomiño, que dirixe Jesús Castiñeira, convoca un concurso para o deseño da mascota oficial da Festa do Kiwi do vindeiro ano. A Concellaría convida a todos os rapaces e rapazas de Tomiño con idades comprendidas entre os 5 e os 17, anos a participar no concurso de debuxo e manualidades para deseñar a devandita mascota, establecendo un primeiro premio consistente nunha vídeo consola Nintendo WII; un segundo, dotado cunha videoconsola Nintendo DS, e un terceiro premio que consistirá nunha bicicleta. Segundo as correspondentes bases, poderá participar calquera neno ou nena que, residindo en Tomiño, estea cursando estudios de Infantil, Primaria ou Secundaria. Cada participante so poderá presentar unha mascota, relacionada co kiwi, que entregará en formato de debuxo, papel maché, maqueta, marioneta, etc. O prazo para a recepción dos traballos remata o día 3 de maio de 2010 no departamento de Cultura do Concello. O xurado dará a coñecer os gañadores do concurso o domingo 9 de maio ás 17.00 horas inmediatamente antes da entrega dos premios. Os participantes premiados cederán á Concellaría de Cultura o seu traballo para a súa posterior divulgación como soporte do deseño da cartelaría da vindeira edición. O resto das bases do concurso poden consultarse no departamento de Cultura (rúa Colon, 2. 1º andar, en horario de mañá) ou consultando a páxina web do Concello (concellotomino.com). O concelleiro de Cultura e tenente de alcalde, Jesús Castiñeira, salienta a súa satisfacción ante os resultados do primeiro concurso de mascotas celebrado o ano pasado, e anima a todos os nenos e nenas tomiñeses a participar neste novo certame, no que se premiará a creatividade e orixinalidade dos seus traballos. A III Festa do Kiwi terá lugar a vindeira fin de semana do 8 e 9 de maio, na Praza do Seixo. Á cita asistirán, como nas convocatorias anteriores, empresas produtoras e comercializadoras de kiwi e produtos derivados, así como asociacións veciñais e culturais da localidade.
Xoves, 8 de abril de 2010 Concerto no Auditorio de Goián Organizado pola Concellaría de Cultura, Educación e Participación Veciñal, o Auditorio de Goián acollerá o próximo sábado, ás 21.30 horas, o concerto de La Minitípica e os seus bailaríns.
O concelleiro de Deportes de Tomiño lamenta o incidente ocorrido o pasado domingo no campo de fútbol da localidade O concelleiro de Deportes do xoncello de Tomiño, Fernando Álvarez, cualifica de lamentables os feitos ocorridos o pasado domingo no transcurso e despois do partido entre o Tomiño e o Bueu no marco da Copa Galicia. Álvarez puntualizou, coincidindo coa directiva do club tomiñés, que non deben consentirse situacións de violencia como as ocorridas o domingo, xa que danan á imaxe do deporte e dos deportistas. O concelleiro pide que se investiguen os feitos e se sancionen ás persoas responsables para que non volvan suceder incidentes como os ocorridos, non desexa prexuzgar situacións pero tamén quere mostrar o seu total apoio ao Club Tomiño F.C. e que, ao seu criterio, está actuando neste asunto de xeito exemplar. O club Tomiño F.C., pola súa banda, solicitou ao Subcomité de Competición que sexan sancionadas as xogadoras do C.D. Bueu implicadas nos sucesos.
Comunicado del Tomiño F.C. en relación a los incidentes ocurridos en domingo en el partido contra el Bueu El partido del 4.04.2010 Tomiño F.C. – Bueu se disputó con total normalidad salvo algunos incidentes con los aficionados del Bueu al ser expulsado el entrenador del equipo visitante (Bueu) donde tuvo que intervenir el delegado del campo, como lo demuestra el acta del partido. Nosotros como Club somos responsables de nuestros directivos y de nuestras jugadoras. El objetivo del Tomiño F.C. Femenino y de todas sus jugadoras es de jugar al fútbol y en ningún momento de incitar y/o provocar al público a la violencia. Tanto las jugadoras como la directiva del Tomiño NO estuvieron en ningún momento involucradas en la pelea que hubo fuera del recinto del campo “O Alivio” y por eso no vemos motivo alguno para tener que justificarnos ante la prensa. Lamentamos que una vez más el fútbol y el deporte en general sea noticia por lo sucedido fuera del campo y no por noticias más agradables. Cada uno se tiene que hacer responsable de sus actos y entendemos que quienes participaron en la pelea se tendrán que justificar ante la justicia. Desde nuestro punto de vista no se deben permitir situaciones similares a las acontecidas que degradan, tan lamentablemente, la esencia de este deporte y desprecian principios básicos que han de prevalecer por encima de cualquier interés particular, esto es, la educación y el civismo.
A Asociación de Veciños de Amorín reinicia as andainas de primavera Coa chegada da primavera e do o bo tempo, comezan de novo as Andainas en Amorío organizadas pola Asociación Veciños, que sairán cada sábado, ás oito da tarde, do torreiro facendo un percorrido de aproximadamente unha hora. Os percorridos iranse facendo pola beira do Rio Miño, integrada na Rede Natura; pola Aula Aberta do Rio Furnia, recentemente creada, e polos diferentes barrios da parroquia. A cada participante daráselle unha camiseta, e haberá premio á participación. As andainas en Amorín, comezan xa este sábado, dia 10 de abril.
Mércores, 7 de abril de 2010 O Cineclub Poleiro proxecta “El Divo” de Paolo Sorrentino mañá, xoves, no Auditorio de Goián O xoves, 8 de abril , ás 21.30 horas proxectarase no auditorio de Goián unha nova longametraxe ofrecida polo cineclub Poleiro. Destavolta trátase de “Il Divo”, dirixida por Paolo Sorrentino. A película é un repaso autobiográfico, en clave satírica, da última etapa de mandato do exprimeiro ministro italiano, Giulio Andreotti, líder da Democracia Cristiana italiana durante corenta anos. Un retrato dunha das figuras máis controvertidas da política italiana, xefe de Governo en sete ocasions. Cine político que se centra nas teses que incriminan ao político coa Loxia masónica e a mafia que terían servido para eliminar atrancos na súa carreira política. Por estes delictos foi procesado nos anos 90 e absolto por falta de probas. Un cine que debuxa un personaxe, un partido e un país onde se mesturan a verdade e a mentira e os mafiosos queren pasar por años e os políticos semellan lobos encubertos. Próximas películas Xoves, 6 de maio, “Tropa de Élite”, un triller do director brasileiro José Padilha. Oso de Ouro á mellor película no Festival de Berlín, 2008 Remata o ciclo o xoves 3 de xuño con “A voda de Tua” do director chinés Wan Quan’an. Un drama rural ambientado en Mongolia que foi premiado co Oso de Ouro no festival de Berlín 2007.
Martes, 6 de abril de 2010 Centristas de Tomiño rechaza que la VAC Tui-A Guarda atraviese Forcadela y deje incomunicado el futuro polígono de Tebra La Junta Directiva de Centristas de Tomiño (CdT) valora positivamente que se haya publicado el estudio comparativo de los trazados que ahora se han dado en llamar Norte y Sur e incluso considera que se deben agilizar mucho más los trámites administrativos y la previsión de construcción, ya que su terminación para el 2015 es un plazo difícil de asumir por el dinamismo y crecimiento de toda la comarca, siendo una infraestructura inaplazable para evitar el estancamiento económico. Por otra parte también considera que el actual Trazado Sur, presentado por la Consellería de Medio Ambiente, Territorio e Infraestructuras, mejora la propuesta anterior, en cuanto a la mayor permeabilidad de la fauna e incluso desde el punto de vista de la estética, mediante la incorporación de importantes tramos de viaducto en la traza paralela al río Miño, así como también corrige pequeñas afecciones en áreas de protección. Sin embargo, CdT rechaza que la VAC deba atravesar los barrios de A Pedra, Solleiro, Cruceiro, Ramo y Sobreaveiga, ya que considera que hay una alternativa más viable que sería cruzarla un poco antes, desde A Chan (Taborda) hacia Carregal-Forcadela, a la altura de Hormigones Valle Miñor, con la construcción de una gran raqueta de entrada y salida a la altura de la actual carretera PO-552. Tal y como se presenta el trazado de la Autovía Sur, afectaría gravemente al Parque recién construido, con fondos públicos, en Forcadela y afectaría gravemente al conjunto arquitectónico formado por el entorno de la Iglesia de San Pedro, además de afectar a numerosas viviendas y solares. CdT culpa al Partido Popular Local de connivencia con esta propuesta y pide que se dialogue la introducción de esta modificación (cortando la traza hacia Carregal) por ser, según califican, de sentido común, ya que no hay razones técnicas que lo impidan y dejaría a la VAC sin prácticamente afectados (casas y solares) a su paso por Tomiño. Finalmente, también se manifiestan en contra de que no se prevea una conexión al futuro polígono de Tebra, ya que el enlace que se hace en el barrio de O Pombal, a su criterio, no soluciona nada, incluso los Centristas no le encuentran otra explicación que no sea la de favorecer ciertos intereses privados. De la lectura que se puede hacer de la propuesta de trazado con respecto al Polígono es que la Xunta parece abandonar la idea de dotar al municipio de Suelo Industrial, al menos a corto y medio plazo. Según Jesús Castiñeira, portavoz de CdT, “Podemos entender que en época de crisis se deje de construir una piscina o un gimnasio pero no es normal que se aplace la construcción de infraestructuras básicas como el polígono de Tebra. Se necesita más que nunca dotar de suelo a las empresas, dándoles facilidades para crear empleo y riqueza. En Tomiño el parque empresarial es necesario e inaplazable y la VAC no debería hacerse de espaldas a este hecho”.
Éxito das Xornadas Musicais Semana Santa 2010 organizadas pola Agrupación Musical de Goián A Agrupación Musical de Goián organizou con grande éxito, e coa colaboración da Concellaría de Cultura e a Deputación Provincial, as Xornadas Musicais Semana Santa 2010, que tiveron lugar entre o 1 e o 4 de abril pasados no Auditorio Municipal de Goián. Mestres do nivel de Bart Picqueur, compositor de música de cámara e orquestra no conservatorio de Oostende (Bélgica); Ángel A. Montes, profesor de harmonía, coro, banda e informática musical no Conservatorio Profesional de Música de Vigo, e Esteban Valverde, asesor en temas musicais na Consellería de Educación da Xunta de Galicia e profesor de clarinete e director do Conservatorio Profesional de Música de Vigo entre os anos 2003 e 2008, foron os encargados de dar as clases maxistrais nestas xornadas centradas na composición, informática musical e clarinete. Por outra banda e coma complemento da actividade, houbo tamén eventos de carácter público coma o concerto do sábado 3 de abril ás 20.00 horas ofrecido pola Agrupación Musical de Goián baixo a batuta dos mestres Bart Picqueur e David Pérez Trigo, ou o recital de clarinete do domingo a cargo de Esteban Valverde e alumnos do curso acompañados polo pianista Alejo Amoedo. Contidos No curso de composición tratáronse aspectos relacionados coa instrumentación para banda, harmonía, forma e textura das obras, análise da música para banda e traballo individual sobre obras dos alumnos. No curso de informática musical, impartíronse coñecementos de edición de partituras e maquetación co programa informático “Finale 2009”. Por último, o módulo de clarinete xirou ao redor dos principios básicos da respiración, a “columna do aire”, o “picado”, o son e a música de cámara. Os responsables da Agrupación Musical de Goián manifestaron a súa satisfacción polos resultados acadados nestas xornadas internacionais, ás que asistiron estudantes de música de Tomiño e outras localidades galegas e portuguesas. Escola de música A banda da Agrupación Musical de Goián conta na actualidade cunha decena de profesores especializados en solfexo, frauta, oboe, clarinete, saxofón, trompa, trompeta, trombón, bombardino, tuba e percusión, fagot e violoncelo. A agrupación tamén conta cunha banda infantil onde os alumnos (medio centenar na actualidade) que aínda non alcanzan o nivel necesario para entrar na banda principal, vanse formando e ao mesmo tempo tocando en grupo, que é un das aprendizaxes máis importantes para os futuros músicos. Permanece aberto o prazo para a inscrición de novos alumnos, polo que a directiva anima a todos os nenos e nenas que lles guste a música a que se poñan en contacto coa agrupación en enviando un correo á dirección electrónica bandagoian@hotmail.com
Luns, 5 de abril de 2010 A Deputación investirá 299.140 euros do PID na mellora dun vial en Forcadela e na pavimentación da rúa Tollo en Tomiño A Xunta de Goberno da Deputación aprobou os proxectos de mellora dun vial en Forcadela e de pavimentación da rúa Tollo en Tomiño, nos que investirá 299.140 euros do Plan de Investimentos da Deputación (PID). Neste municipio o PID prevé a execución de obras por un importe total de 1.541.219 euros no período 2009-2011. Cómpre sinalar que a día de hoxe xa foron aprobados o 88% dos proxectos presentados polo concello no marco deste plan. Ademais das mencionadas obras, en Tomiño executaranse accións como a mellora de acceso á igrexa de Sobrada, a pavimentación dos camiños de Carregal de Arriba a Taborda, o acondicionamento da fonte de A Salgosa, e o saneamento en Cotro, entre outras. O PID 2009-2011, dirixido a colaborar e fomentar o desenvolvemento dos concellos da provincia, achegará en total uns 70 millóns de euros. Estes, irán destinados a acometer máis de 520 obras na provincia e posibilitarán máis de 3.000 postos de traballo. As cantidades asignadas ós Concellos do Plan de Investimentos da Deputación repartíronse tomando como criterio o 50% de poboación e o 50% de superficie.
Tomiño inaugura a primeira Aula Aberta da Natureza ao paso do río Furnia por Amorín A Concellaría de Medio Ambiente do Concello de Tomiño vén de por en marcha a Aula Aberta da Natureza do Río Furnia, situada na ribeira do devandito río na parroquia de Amorín. A aula, a primeira do seu tipo no concello, “ten como obxectivo principal axudar a coñecer e valorar o ecosistema que se forma ao redor do río”, segundo explicou o concelleiro de Medio Ambiente, Santiago Vergara. A intervención consiste na instalación de varios paneis de diferente tamaño que informan da biodiversidade e características da flora desta zona húmida; unha zona medioambientalmente protexida, na que se pode atopar un bosque de amieiros, máis de 20 especies distintas de árbores e arbustos e 60 especies de pequenas plantas e fentos. Aínda que esta nova aula aberta da natureza está pensada especialmente como zona de lecer a outoaprendizaxe, Santiago Vergara indica que a partir das próximas semanas están previstas visitas guiadas dos colexios da vila, sendo os primeiros os primeiros os alumnos e alumnas do CEIP de Sobrada. A iniciativa, que contou coa colaboración da Asociación dos Veciños de Amorín e a Comunidade de Montes desta parroquia, fíxose con cargo a fondos propios da concellaría, despois de que a Confederación Hidrográfica limpase a ribeira e canle do río hai uns meses. A actuación enmárcase dentro do programa da Concellaría de Medioambiente destinado a poñer en valor o patrimonio natural do municipio. Á ruta, sinalizada na estrada Tui-A Guarda, pode accederse polo camiño que pasa xunto ao campo de fútbol de Amorín.
Venres, 2 de abril de 2010 Cultura convoca o primeiro Simposio de Pintura con motivo da III Festa do Kiwi A Concellaría de Cultura, Educación e Participación Veciñal do Concello de Tomiño en colaboración con AGAEC (Asociación Galega de Arte e Cultura) e Asociación de Kiwicultores de Galicia, convoca o primeiro Simposio de Pintura, que terá lugar os días 8 e 9 de maio con motivo da III Festa do Kiwi. O simposio durará dous días: o sábado 8 de maio será a inauguración e o domingo, día 9, a entrega dos premios ás obras gañadoras. Os participantes no evento terán que desenvolver a súa obra no interior dunha carpa habilitada na Praza do Seixo. O material a utilizar será lenzo ou lámina en calquera das variedades existentes tendo como dimensións máximas de 100 x 100 cm., e o tema terá que estar relacionado co kiwi e admitíndose diferentes técnicas pictóricas. Cada participante utilizará os seus propios útiles e ferramentas de traballo e o fallo do xurado será inapelable, pasando as obras premiadas a ser propiedade do Concello. Establécense tres premios de 600, 300 e 200 euros. O simposio é aberto, polo que os artistas interesados en participar deberán enviar a súa solicitude indicando teléfono e correo electrónico á Concellaría de Cultura Educación e Participación Veciñal e indicando I Simposio de Pintura. Concello de Tomiño. Praza do Seixo, 1. 36740 Tomiño (Pontevedra), ou ben a cultura@concellotomino.com”. O prazo para a recepción de solicitudes conclúe o día 3 de maio de 2010. Segundo as bases do certame, a estancia e manutención dos artistas que residan fóra da comarca correrá a cargo da concellaría para as quince primeiras persoas inscritas. O concelleiro de Cultura, Jesús Castiñeira, salientou que “se trata dunha iniciativa novedosa no Concello, xa que é a primeira vez que se convoca un evento destas características e se espera a presenza de artistas noveles e consagrados; neste senso debemos agradecer a Asociación Galega de Arte e Cultura polo asesoramento e colaboración prestada”. (Ver BASES) |
|
|