Índice

www.galiciasuroeste.info

 

Comarca Baixo Miño

 

Venres, 17 de febreiro de 2017  

Deputación e alcaldes reivindican o investimento de máis fondos da Unión Europea no territorio transfronteirizo do Miño

A Deputación de Pontevedra, a CIM Alto Minho e os alcaldes dos concellos transfronteirizos da provincia e Portugal reivindicaron en Valença o investimento de máis fondos da Unión Europea no territorio transfronteirizo do río Miño. Así o fixeron nun acto no que cualificaron de “indignante” que a candidatura ‘Visit Río Minho’ presentada á primeira convocatoria europea do programa INTERREG V A –POCTEP non fora admitida por un “formalismo administrativo”. Os representantes galego-portugueses aseguraron que, de non aceptarse as alegacións que permitan que a candidatura sexa validada, as súas protestas “chegarán a Bruxelas”.

O deputado de Cooperación Transfronteiriza da Deputación de Pontevedra, Uxío Benítez, destacou que o proxecto ‘Visit Río Minho’ é o único de todos os que se presentaron para obter fondos do POCTEP que realmente beneficia relamente á veciñanza da fronteira entre España e Portugal.  “Cada vez máis os fondos europeos están deturpados e concédense a rexións  e proxectos non transfronteirizas. Nós demostramos que realmente conseguimos unha proposta forte de cooperación conxunta despois dun grande esforzo e traballo entre os concellos, deixando de lado localismos en favor dunha idea común para facer forte á fronteirar real”, subliñou.  “Os fondos europeos deben compensar esas barreiras político administrativas e é moi grave que eses cartos se destinen a outra finalidade que non foi para a que se crearon”, insistiu.

Alegacións

Os responsables da candidatura veñen de presentar alegacións, que se deben resolver nas vindeiras semanas. De feito, oficialmente aínda non hai unha decisión sobre as propostas que recibirán os fondos da UE.

Nas alegacións solicítase que se reconsidere a candidatura galego portuguesa, que nin sequera foi valorada no seu contido, e esta poida optar aos fondos europeos. De non prosperar a reclamación, en calquera caso, o territorio transfronteirizo do Miño aínda ten opcións de seguir adiante coa candidatura, xa que nos vindeiros meses abrirase unha segunda quenda (con fondos específicos a maiores) para admitir propostas.

Segundo explicou o presidente da CIM Alto Miño, entidade responsable de presentar a candidatura ‘Visit Rio Minho’ na plataforma dixital europea onde se recollían os datos, o rexeitamento da iniciativa galego-portuguesa debeuse a un formalismo burocrático-administrativo “incualificable”. O problema radicou, dixo, en que non foi el, o propio presidente da CIM, o que coa súa carta persoal de cidadán introduciu os datos da candidatura, senón un funcionario da entidade no seu nome. “Que non se acepte unha candidatura de tantos concellos por unha interpretación dun formalismo de burócratas prodúcenos indignación. Agardamos ter unha resolución positiva en breve”, dixo.

Accións específicas ata 2019

A candidatura ‘Visit Río Miño’ desenvolve accións específicas que se pretenden executar ata o 31 de decembro de 2019. O investimento global de todas esas actuacións concretas ascende aos 7,5 millóns de euros, cunha achega do 75% de fondos comunitarios. 

O fundamental da proposta ‘Visit Río Miño’ para o POCTEP é  consolidar a marca 'Río Miño' a través da elaboración dun plano estratéxico para posicionarse turísticamente a nivel internacional e así desenvolver a economía da zona.  Preténdese traballar na preservación e interpretación do patrimonio natural transfronteirizo tratando de mellorar o seu coñecemento, os recursos naturais e os novos modelos de turismo verde na rede de espazos naturais tanto de montaña como de río. Así mesmo, traballarase na cualificación e posta en valor da rede de percorridos transfronteirizos a través de modelos de sinalización de rutas transfronteirizas e de pequenas intervencións co obxectivo de vertebrar o espazo común e a rehabilitación do patrimonio natural e cultural do río Miño.

Benítez quixo lembrar hoxe que os movementos transfronteirizos entre o Alto Miño e a provincia de Pontevedra representan preto do 47% dos fluxos de vehículos lixeiros rexistrados entre Portugal e España, sendo a fronteira de Valença-Tui  o punto fronteirizo con maior intensidade media diaria de tráfico de pasaxeiros ao nivel estatal, con valores claramente superiores aos rexistrados por exemplo na fronteira do Algarve.

Por outra parte, o deputado tamén destacou que “Galicia é hoxe o principal cliente portugués en España e é cada vez máis un fenómeno de integración transfronteiriza na Península Ibérica. Se fose un país autónomo, Galicia sería o oitavo maior destino de exportación de Portugal, con valores de exportacións máis altos que os rexistrados a Italia ou á Bélxica e preto de tres veces superiores aos destinados ao Brasil. Fixo referencia tamén aos importantes fluxos turísticos entre o sur de Galicia e Portugal, sendo as durmidas de viaxeiros de ambas parten unha importante porcentaxe nos establecementos hoteleiros galegos e portugueses, así como a afluencia da veciñanza aos diferentes aeroportos da Eurorrexión.

Por todo isto, lembrou, é fundamental que os gobernos español e portugués “coa máxima urxencia”, dean unha “adecuada e definitiva resolución das cuestións relacionadas coa aprobación da candidatura ‘Visit Rio Miño’ que permita desenvolver economicamente unha fronteira que traballa en conxunto cun horizonte común”.

No acto de hoxe estiveron representante dos concellos de A Guarda, O Rosal, Tomiño, Tui, Salvaterra, As Neves, Arbo e Crecente, así como á CIM Alto Minho, cos municipios de Paredes de Coura, Melgaço, Vila Nova de Cerveira, Valença, Monção e Camiña. Todos eles, de xeito simbólico, participaron nunha fotografía na que ensinaron os seus documentos de identidade persoai, para demostrar que a candidatura ‘Visit Río Miño’ está avalada polas institucións que dirixen. 

 

Venres, 10 de febreiro de 2017  

A Asociación de Desenvolvemento Rural MAIV- Baixo Miño estivo presente na Xornada de Desenvolvemento Rural Inclusivo

A Asociación de Desenvolvemento Rural MAIV- Baixo Miño vén de participar nunha Xornada de Desenvolvemento Rural Inclusivo, convocada por Red Rural Nacional coa Colaboración do CERMI (Comité Español de Representantes de Personas con Discapacidad), á que acudiron en nome do colectivo comarcal o xerente, Marco Antonio García Rodríguez, e Miguel Pazo Paramos, como membro da xunta cirectiva da asociación e presidente de la Asociación de Personas con Discapacidad, Vontade.

Na Xornada, que tivo lugar en Madrid, diferentes entidades presentaron as súas inciativas respecto ós proxectos a desenvolver no medio rural no eido da inclusión social.

O proxecto presentado pola Asociación do Baixo Miño representa unha aposta extratéxica que xa conta co apoio da Red Rural Nacional e coa participación de máis de 19  Asociacións de Desenvolvemento Rural, tanto de Galicia como do resto España.

“Potenciando Capacidades” é un proxecto innovador que trata sobre a formación das persoas en risco de exclusión do medio rural.

 

Venres, 27 de xaneiro de 2017  

A ADR Maiv-Baixo Miño participou nun encontro de cooperación e boas prácticas do Programa Leader 2014 – 2020

A presidenta da ADR MAIV-Baixo Miño e o presidente da ADR As Mariñas-Betanzos participaron nunha xornada sobre accións de cooperación do Programa Leader 2014-2020, que se levou a cabo no territorio da Reserva da Biosfera “Mariñas Coruñesas e Terras do Mandeo”, nunha xornada enmarcada nos procesos colaborativos de desenvolvemento local.

A presidenta da Asociación de Desenvolvemento Rural Maiv - Baixo Miño, Sandra González Álvarez,  e o presidente da ADR As Mariñas - Betanzos, José Antonio Santiso Miramontes, participaron xunto a membros das respectivas xuntas directivas e equipos técnicos nesta xornada que tiña por obxectivo mellorar os coñecementos das asociacións e establecer lazos para futuros proxectos de cooperación destinados a potenciar o desenvolvemento rural, a conservación da biodiversidade e xerar oportunidades que contribúan  a un extenso, integrado e multifuncional uso do territorio.

 

El GALP Ría de Vigo – A Guarda y MicroBank suscriben un convenio de colaboración para incentivar el autoempleo y la actividad emprendedora

El presidente del Grupo de Acción Local do Sector Pesqueiro Ría de Vigo – A Guarda, José Manuel Gregorio; la directora de Negocio de MicroBank, Núria Danés, y el director del Área de Negocio de CaixaBank en Pontevedra Sur, Ígor Antonio de las Heras, firmaron un convenio de colaboración para facilitar la financiación de proyectos empresariales a través de microcréditos. Con la firma de este acuerdo se establece una línea de financiación de 1 millón de euros. Los beneficiarios serán personas físicas y microempresas con menos de diez trabajadores y una facturación anual inferior a dos millones de euros.

Los solicitantes podrán optar a microcréditos por un importe máximo de hasta 25.000 euros (con un límite del 95% de la inversión). Los proyectos deberán contar con un plan de empresa y el informe favorable de viabilidad elaborado por el Grupo de Acción Local.
El criterio de concesión de microcréditos por parte de MicroBank atiende fundamentalmente a la confianza en la persona o el equipo que solicita el préstamo y a la viabilidad del proyecto, pudiendo acceder personas carentes de garantías y avales.

En virtud de este convenio, el Grupo de Acción Local se compromete a detectar las necesidades de financiación, dirigidas a promover el autoempleo y al establecimiento, consolidación o ampliación de microempresas y negocios de autónomos, así como a facilitar servicios de apoyo y asesoramiento empresarial, analizar la viabilidad del proyecto y dirigir a las personas físicas o jurídicas asesoradas por la asociación a MicroBank para que éste analice, y en su caso apruebe, las solicitudes de financiación.

                El Grupo de Acción Local do Sector Pesqueiro Ría de Vigo – A Guarda es una asociación que dispone de una línea de financiación dirigida a potenciar el autoempleo e incentivar la actividad emprendedora favoreciendo la igualdad de oportunidades de hombres y mujeres, nuevos residentes, personas con discapacidades y con especial atención a los colectivos vulnerables en situación de exclusión financiera. También financia el establecimiento, consolidación o ampliación de microempresas, negocios de autónomos y proyectos de autoempleo con el objetivo de contribuir al desarrollo del tejido productivo, la creación y consolidación de empleo y la contribución al progreso social.

MicroBank, el banco social especializado en microfinanzas participado íntegramente por CaixaBank, es el único banco en España dedicado exclusivamente a la financiación de proyectos a través de microcréditos.  La entidad fue pionera en su modelo de negocio y continúa siendo la que más recursos destina a la financiación de proyectos a través de microcréditos. El banco ofrece microcréditos destinados a autónomos, emprendedores y microempresas; y microcréditos personales y familiares, que tienen como objetivo atender necesidades que permitan superar una dificultad temporal y faciliten el desarrollo personal y familiar. 

Durante el ejercicio de 2016, MicroBank concedió en Galicia un total de 641 préstamos destinados a autónomos, emprendedores y microempresas por un importe de 6,9 millones de euros. Para financiar proyectos personales y familiares, el banco ha aportado 21,5 millones de euros a 4.136 iniciativas.

Acuerdos con más de 570 entidades sociales

En la concesión de los microcréditos, además de la red de más de 5.000 oficinas de CaixaBank, colaboran entidades que aportan conocimiento de las personas destinatarias de los créditos, además de asesorar y realizar el seguimiento de los proyectos. Hasta la fecha,  MicroBank ha firmado convenios con 577 entidades sociales de toda España que velan por la viabilidad de los proyectos financiados. Las entidades sociales colaboradoras son organizaciones de todo tipo con experiencia en acciones de asistencia económica o social dirigidas a potenciar la creación de microempresas, fomentar el autoempleo e incentivar la actividad emprendedora.

 

Xoves, 26 de xaneiro de 2017  

O BNG  apoia e chama á veciñanza do Baixo Miño  a participar na manifestación nacional, convocada pola CIG, en defensa do sistema público de pensións

O BNG denuncia que  as contrarreformas laborais que se están  aplicando non teñen carácter conxuntural, senón que veñen para quedarse.

Actualmente o  PP non ten maioría absoluta no Congreso dos Deputados, por iso hai que aproveitar o momento para "obrigar" ao goberno do Estado a dar pasos de cara a mudar esta situación.

Cada vez que se fala do sistema público de pensións, o goberno  trata de  reducir e dificultar o acceso ás pensións públicas co obxectivo de derivar cartos cara o sistema complementario, as pensións privadas.

Consideramos que o sistema público de pensións é moito máis garantista, porque non está condicionado polas subidas e baixadas do sistema financeiro, así pois, desde o BNG facemos un chamamento aos veciños e veciñas do Baixo Miño para que participen na manifestación nacional  que a CIG ten convocada para o día 28 de xaneiro, en Compostela, unha manifestación nacional na  defensa do sitema público de pensións.

Desde o BNG informan que a central sindical nacionalista vai fletar autobuses de balde desde o Baixo Miño con paradas na Guarda, O Rosal, Tomiño e Tui, para iso é preciso reservar praza nos teléfonos: 986 61 04 65/616 09 06 32.

 

Martes, 24 de xaneiro de 2017  

Carmela Silva amosa a súa satisfacción polo éxito acadado en Fitur do “Camiño Portugués pola Costa”

A Presidenta da Deputación de Pontevedra, Carmela Silva, manifestou a súa satisfacción polo éxito acadado en Fitur do “Camiño Portugués pola Costa”, unha ruta que transcorre por quince concellos da provincia de Pontevedra, comezando na Guarda e dirixíndose cara o Norte polo Rosal, Oia, Baiona, Nigrán, Vigo, Redondela, Soutomaior, Vilaboa, Pontevedra, Barro, Portas, Caldas, Valga e Pontecesures. De feito, Silva engadiu que “a nosa presentación foi a que máis soprendeu, sumando máis do dobre de asistentes, con ducias de persoas de pe porque xa non había espazo no que sentarse”, convertendo á Deputación de Pontevedra na estrela do stand de Galicia.

A actuación promocional do “Camiño Portugués pola Costa” apoiábase nunha serie de pezas audiovisuais - en palabras da Presidenta provincial-  “espectaculares, nas que as persoas eran as protagonistas, en concreto, unha redeira, un arqueólogo, un investigador en aves mariñas, unha viticultora, unha experta en termalismo e outra en cascos históricos e, por outra banda, o Camiño Portugués pola Costa a través do percorrido que vai realizando un peregrino”.

Carmela Silva manifestou que outra das cuestións que “sorprendeu en Fitur foi o caderno de viaxe que recolle as etapas do Camiño Portugués pola Costa e os principais recursos turísticos que as peregrinas e peregrinos poden visitar mentres percorren a ruta, algúns deles pódense ver mediante a aplicación Rías Baixas RA de realidade aumentada”.

En concreto, o caderno de viaxe iníciase coa etapa entre A Guarda e Mougás, continúa entre Mougás e A Ramallosa, A Ramallosa- Vigo, Vigo- Redondela, Redondela-Pontevedra, Pontevedra-Caldas de Reis e Caldas de Reis-Pontecesures. En todas e cada unha destas etapas, é posible ver algúns recursos turísticos a través da realidade aumentada, ler información relativa á distancia, desnivel, albergues, onde marcar a credencial e escribir ou colocar fotografías nos espazos destinados a estes fins.

Amais, a Presidenta da Deputación de Pontevedra sinalou que a canción “Un lugar en el mundo”, escrita polo músico das Rías Baixas Teo Cardalda e inspirada na brisa do Atlántico mentres se percorre o Camiño Portugués pola Costa, foi tamén “unha sorpresa” en Fitur, sumando a máis persoas á presentación do destino Rías Baixas.

A presenza física de Turismo Rías Baixas en Fitur trasladouse ó mundo dixital con grande éxito en redes sociais,  “o que –en palabras de Carmela Silva- nos anima a seguir apostando polas novas tecnoloxías no sector turístico”.  En concreto, a Presidenta referiuse ás máis de 288.000 persoas que seguiron a etiqueta #RiasBaixasWay, “contabilizándose 1,9 millóns de impresións ou impactos, o que supón un grande éxito en redes sociais” e engadiu que “as páxinas de Facebook da Deputación e de Turismo Rías Baixas, tiveron un alcance de 145.895 persoas, con contidos e vídeos que se reproduciron máis de 41.000 veces. Amais, as pezas audiovisuais que presentamos en Fitur dispostas nas canles de Youtube da Deputación e de Turismo Rías Baixas foron reproducidas máis de 2.20o veces e os vídeos de demostración da realidade aumentada contabilizan na primeira fin de semana máis de 12.000 reproducións e impresións nas redes sociais”.

 

Venres, 20 de xaneiro de 2017  

Os concellos do Baixo Miño deixan a súa pegada en Fitur na presentación da Deputación do “Camiño Portugués pola Costa”

Os concellos de A Guarda, O Rosal e Oia foron protagonistas hoxe na presentación do destino do Camiño Portugués pola Costa que fixo a Deputación de Pontevedra na Feira Internacional de Turismo (FITUR) en Madrid. A presidenta, Carmela Silva, destacou na súa intervención os “innegables atractivos que estes concellos ofrecen aos visitantes que opten por facer este novo tramo do Camiño Portugués, que foi recoñecido oficialmente o ano pasado”.

Silva destacou que o concello de A Guarda é o comezo do camiño pola costa no estuario do Miño  “onde é necesaria a visita ao Monte Trega para coñecer o asentamento arqueolóxico máis importante de Galicia que data do século V a. C.”. Si o estuario do río Miño ten un extraordinario interese natural, non é menos a propia vila mariñeira de A Guarda, “onde se poden visitar as típicas casas mariñeiras e o seu porto impregnado pola salitre do océano Atlántico”.

O percorrido continúa polo concello de O Rosal onde, segundo a Presidenta da Deputación, destacan os seus acantilados sobre o mar  pero, sobre todo, “o turismo vinculado coa enoloxía por ser unha zona bendecida polo clima para o cultivo dos mellores caldos da denominación Rías Baixas”. Parada obrigada é tamén o Mosteiro de Santa María de Oia, do que Carmela Silva subliñou que é o único a pé de mar. Pero a localidade de Oia tamén ofrece un importante xacemento arqueolóxico, coñecido como “A Cabeciña”, con máis de catro mil anos de antigüidade  e nos que se poden ver uns gravados rupestres únicos en Galicia. 

O alcalde da Guarda, Antonio Lomba, asegurou que “en 2009 xa comezamos con este proxecto marcando cunhas frechas amarelas os lugares polos que transcorría o Camiño. Non sabiamos onde ía chegar o proxecto, pero si que tiña moito futuro” e salientou diversos recursos turísticos da vila, como o Monte de Santa Trega, co seu xacemento arqueolóxico e as vistas á desembocadura do río Miño no Océano Atlántico e a fronteira con Portugal. O alcalde do Rosal, Jesús María Fernández Portela, asegurou que “soamente achegamos dous quilómetros de costa pero moi ricos, cuns dos mellores percebes de Galicia, con turismo verde, a ruta dos Muíños do Folón e do Picón recollida en todos os sendeiros de Galicia cunhas impresionantes vistas sobre Portugal, A Guarda e todo o val do Rosal” e “o produto estrela: o viño do Rosal”.

Pola súa parte, a alcaldesa de Oia, Cristina Correa, puxo en valor “o Mosteiro de Oia, único cisterciense en Europa a carón do mar”, como unha “peza única e máxima, coa súa combinación de estilos e o seu encrave”. Tamén puxo o punto de mira “no proxecto Costa dos Castros, unha ruta lineal de sendeirismo na que estamos a traballar para que poidan devir outras rutas circulares”.