Xoves, 31 de decembro de 2009  

A entrega dos premios do concurso de beléns terá lugar o vindeiro día 2

A entrega dos premios do I Concurso de Beléns Tomiño 2009, terá lugar o sábado, 2 de xaneiro, na Casa da Cultura, a partir das seis da tarde.

O certame, organizado pola Asociación Cultural Deportiva e Recreativa Solleiro, conta coa colaboración da Concellaría de Cultura, Educación e Participación Veciñal e Asociación de Comerciantes de Tomiño (ADETO).

Farase entrega dun primeiro e segundo premio en cada unha das categorías establecidas, segundo o fallo do xurado, formado polo concelleiro de Cultura, o presidente da Asociación Solleiro, un membro de ADETO, un representante escolar e un vogal.

A Concellería de Deportes organiza o I Torneo de Tenis de Mesa Concello de Tomiño

A Concellaría de Deportes e Lecer do Concello de Tomiño organiza, en colaboración coa Agrupación Deportiva Baixo Miño (AGRUDEBAM), o I Torneo de Tenis de Mesa Concello de Tomiño, que terá lugar os sábados 23 e 30 de xaneiro no Pavillón de Tomiño.

As persoas interesadas terán como prazo para apuntarse ata o día 19 de xaneiro en horario de mañá, ou ben, chamando ao teléfono 986 622 988.

Para poder participar establécese unha idade mínima de 15 anos e un número de prazas de entre 10 e 24 xogadores.

Haberá premios para os tres primeiros clasificados (trofeo máis 100, 80 e 60 euros respectivamente) e o resto de participantes recibirán un agasallo.

O sorteo da orde de participación terá lugar o venres 22 de xaneiro ás 21.00 horas no pavillón de deportes tomiñés.

O concelleiro de Deportes, Fernando Álvarez, explicou que este torneo encádrase no marco do traballo que vén desenvolvendo a Concellaría coa finalidade de ampliar e diversificar a oferta deportiva do Concello. Nesta mesma liña, celebrouse hai uns días o segundo torneo de tenis, no que participaron numerosas persoas da localidade e zona de influenza.

O Valedor do Pobo admite a trámite a queixa da Plataforma do Furnia contra o concello de Tomiño

O pasado día 11 de decembro o Valedor do Pobo admitiu a trámite a queixa da Plataforma en Defensa do Río Furnia e outros contra o concello de Tomiño por non permitir a Concellería de Medio Ambiente o acceso ao expediente de saneamento dos barrios de Tomiño que verten a este río.

Segundo o voceiro da plataforma, Xosé Gundín, “é de lamentar que o Valedor do Pobo teña que tomar cartas neste asunto, por mor da actitude inexplicable do concelleiro de Medio Ambiente de Tomiño, Sr. Santiago Vergara, que vén de negar repetidamente o acceso á documentación sobre o saneamento, non valendo de nada os esforzos da Plataforma por tentar de arranxar este tema pola vía do diálogo”.

Na escrito enviado polo Valedor do Pobo á Plataforma do Río Furnia comunícase que a queixa presenteada polo comportamento do concello de Tomiño pode ter cobertura legal no artigo 45 (medio ambiente e calidade de vida) da Constitución Española, e se inician as actuacións necesarias neste asunto.

A Concellaría de Deportes asina un convenio de colaboración para o mantemento da Unión Deportiva Cereixo

A Concellaría de Deportes e Lecer do Concello de Tomiño asinou un convenio de colaboración coa Unión Deportiva Cereixo para mantemento ordinario do Club por valor de 3.000 euros.

O presidente da entidade, Javier Verísimo, foi o encargado de asinar o devandito convenio de colaboración co concelleiro de Deportes, Fernando Álvarez, quen manifestou a súa intención de continuar apoiando a todos os clubs e organizacións que traballen por difundir o deporte entre a cidadanía.

Mércores, 30 de decembro de 2009  

A “Unión del Porvenir” recuperou o esplendor da arquitectura indiana que a caracteriza

A primeira fase da recuperación da antiga escola indiana “Unión del Porvenir”, situada entre as parroquias de Taborda e Piñeiro, foi clausurada, onte, coa presenza do delegado da Xunta de Galicia en Pontevedra, José Manuel Coures Tourís.

O acto de clausura comezou ao mediodía coa visita ao edificio das autoridades, técnicos e veciños das parroquias de Taborda e Piñeiro. O percorrido foi guiado polo director do Obradoiro, Daniel Paz Antón, e o arquitecto responsable da obra, Carlos Álvarez. Este explicou que a filosofía do proxecto foi respectar e dar protagonismo á antiga construción, aínda que se construíu unha parte nova para maior funcionalidade do espazo, no que hai que distinguir entre zona de ocio e locais anexos de traballo e almacén.

O arquitecto referiuse ao enorme traballo realizado polo equipo humano do obradoiro, que tivo ao seu cargo dende a demolición da antiga estrutura interna ata a construción da parte nova. “Houbo fases críticas porque o traballo foi durísimo pero todo se resolveu satisfactoriamente”, enfatizou. Indicou así mesmo que a reconstrución intentou facerse dun xeito artesanal e tradicional, recuperando por exemplo, as vigas antigas que foron reforzadas con outras novas, de maneira que os elementos modernos non competiran cos históricos.

A segunda parte do acto de clausura tivo lugar no Auditorio de Goián a partir da unha do mediodía. Trala proxección dun vídeo realizado coas distintas fases do proxecto, a alcaldesa de Tomiño, Sandra González, agradeceu o esforzo e dedicación de todo o equipo humano do obradoiro de emprego, facendo especial fincapé no feito de que 20 dos 25 alumnos eran mulleres. A rexedora agradeceu especialmente a “xenerosidade e visión de futuro dos veciños de Taborda e Piñeiro por acompañar e colaborar nesta recuperación dun edificio que será para o seu goce”.

Coures Tourís, pola súa banda,  salientou  o traballo realizado no edificio recuperado pero tamén incidiu no labor social e formativo do proxecto. O delegado adiantou tamén o seu apoio para a segunda fase do proxecto e para outras obras de recuperación do patrimonio.

O proceso

O emblemático edificio foi recuperado polos alumnos traballadores do Obradoiro de Emprego concedido pola Xunta de Galicia (Consellería de Traballo e Benestar e cofinanciado pola Unión Europea).

Cun  investimento de máis de 650.000 euros e un prazo dun ano de execución, a obra de rehabilitación e ampliación foi tomando forma, co fin de converter o inmoble nun centro cultural e veciñal de ambas parroquias.

O proxecto, no que participaron 25 persoas desempregadas, constou de dous módulos: albanelaría e carpintaría que, pouco a pouco, foron devolvendo ao edificio a súa consistencia orixinal. Dado o estado de deterioro do inmoble antigo, conservouse só a estrutura exterior, procedéndose á construción das novas plantas.

Na actualidade a estrutura do inmoble atópase rematada así coma o pechamento exterior. Nestas últimas semanas estivo a procederse ao revestimento dos muros exteriores e a impermeabilización de cubertas e terrazas.

Os integrantes do módulo de carpintaría tiveron ao seu cargo a fabricación das portas e ventás realizadas en madeira de “iroko”, un material de gran resistencia e durabilidade. Cada ventá, con dobre cristal e estilo batente, pesa uns 130 quilos, polo que a súa colocación foi unha das partes máis difíciles.

O novo edificio constará de dúas plantas e terraza. A planta baixa albergará cafetería, oficina e ascensor. Na planta alta haberá unha sala de usos múltiples, sala de ordenadores e almacén. Pola súa banda, a ampliación constará de baños e varios locais para uso de asociacións veciñais e culturais de ambas parroquias.

Segundo adiantou o director do obradoiro, queda pendente a fontanería, a electricidade, o equipamento interior e a xardinería exterior;  tarefas pendentes dunha segunda fase para a cal o Concello está a xestionar financiamento.

Outros datos de interese

25 alumnos:  20 mulleres e 5 homes. Desempregados, contratados en réxime de “alumnos/as-traballadores/as”.

Período: do 29/12/2008 a 28/12 2009-03-10

2 módulos: albanelería e carpintería.

Nivel de estudos: FP2 (1); FP1 (1); BUP (2); ESO (1); G. Escolar (17); certificado de escolaridade (3).

Recibiron formación en:

Técnicas de construcción e debuxo técnico; orientación laboral, asesoramento, información profesional e xestión empresarial; prevención de riscos laborais, igualdade de xénero, sensibilización ambiental, iniciación á informática e técnicas instrumentais básicas (cálculo, expresión escrita, etc.)

Proxecto: Rehabilitación antiga escola Unión del Porvenir

O proxecto contemplou a reforma da antiga escola indiana con dúas plantas e ampliación do edificio.

A construcción consta de dúas plantas, de 178 metros cadrados cada unha, máis terraza.

A planta baixa alberga cafetería, oficina, ascensor.

A planta alta: sala de usos múltiples, sala de ordenadores, almacén, etc.

A ampliación, pegada ao antigo edificio, ten varios baños,  dous locais abaixo e outros dous arriba para uso de asociacións veciñais e culturais de ambas parroquias.

Datos históricos do edificio

Un grupo de galegos e galegas emigrados das parroquias de Taborda e Piñeiro crearon en Nova York a Sociedade “Unión del Porvenir” como punto de unión, en 1918. Axiña abriron sedes en Arxentina e Lisboa. Grazas ás achegas particulares e ás cotas mensuais lograron xuntar os recursos necesarios para erguer un edificio que se inaugurou en 1933: a escola Unión del Porvenir. Pero a partir dos anos sesenta a escola caeu nun lamentable estado de abandono.

Martes, 29 de decembro de 2009  

A Concellaría de Medio Ambiente emprende as obras para abastecer de auga ao pavillón de Sobrada

A Concellaría de Medio Ambiente do concello de Tomiño, dentro do Plan de Mellora de Abastecemento levado a cabo nas parroquias dende o inicio da lexislatura, vén de emprender a construcción dun pozo con bombeo para subministrar auga ao pavillón de Sobrada.

O concelleiro da área, Santiago Vergara, salientou a colaboración permanente da comunidade de montes para sacar adiante as obras. Miguel Domínguez, tesoureiro da comunidade, pola súa banda, agradeceu o apoio da Concellaría reiterando a súa disposición para máis actuacións deste tipo.

O Plan de Mellora de Abastecemento foi incrementando a súa dotación ao longo da lexislatura, de maneira que en 2009 investiuse un total superior aos 40.000 euros, que permitiron a construcción dun novo depósito en Carballal (Tebra); unha importante mellora en extensión na rede de Vilar e Vilachán, ademais doutras actuacións en parroquias coma a de Piñeiro.

O responsable da concellaría explicou que a previsión do xoncello para o ano 2010 é continuar estas actuacións cun investimento municipal que superará os 50.000 euros. Ademais, a Concellaría espera contar co apoio da Xunta de Galicia para a construcción dun novo depósito que permita rematar cos problemas de falta de presión no subministro na zona do Seixo.

Medio Ambiente ten previsto tamén colaborar coas traídas de auga de Sobrada, especialmente a través de asesoramento e reposición dos servizos que puideran verse afectados a causa das obras do tramo 1 do vial de alta capacidade entre Tui e A Guarda.

La Concellería de Cultura, Educación y Participación Vecinal firma el convenio para financiar  la restauración de “cruceiros” y lavaderos

Cruceiros y lavaderos, que forman parte del patrimonio cultural y etnográfico de Tomiño, están siendo restauradosdesde la Concejalía de Cultura, una actuación cuya financiación había sido comprometida por el teniente-alcalde Jesús Castiñeira, con la Asociación de Vecinos O Árbol de Vilachán, desarrollada a lo largo de este año, aunque la tramitación ya se había iniciado en el 2008 con la petición de licencias y permisos, tanto a patrimonio como al área de urbanismo de la propia entidad local.

La financiación municipal supone el 80% del coste total, con un montante de 8.000 euros.

Las obras han supuesto, entre otras actuaciones, la rehabilitación y reforzamiento de la base del cruceiro de Sanomedio y de varios lavaderos. Estas actuaciones, según Castiñeira, se completarán con la recuperación de a Fonte do Cholro, pendiente de ejecutar su  segunda fase, que se ha incluído en el Plan de Actuación de la Diputación Provincial y será a esta entidad a quien le corresponda su adjudicación.

En el momento de la firma, el Teniente-Alcalde elogió la labor de la asociación. Según palabras textuales: “desde su constitución ha resultado ser una de las más dinámicas de Tomiño, organizando cursos, fiestas gastronómicas, actividades culturales, creando una pequeña biblioteca, restaurando patrimonio, presentando iniciativas ante las administraciones públicas o creando una de las páginas web más visitadas del municipio (www.oarbol.com)”.

Por su parte, Modesto Rouco Fonseca, Presidente de la Federación de Vecinos y encargado de firmar el Convenio, en representación de la Asociación O Árbol, agradeció la colaboración que desde la Concejalía de Cultura se viene manteniendo con las distintas asociaciones, aprovechando para pedir que en el 2010 se mantengan las ayudas y  se diseñen circuitos culturales para las parroquias, con actividades que se puedan rotar en los distintos centros sociales.

Luns, 28 de decembro de 2009  

Mañá terá lugar a clausura do Obradoiro de emprego que restaurou a Escola do Povenir

Mañá, martes, terá lugar o acto de clausura do Obradoiro de Emprego "Unión del Porvenir" cunha serie de actos que comezarán ás doce do medio día, coa recepción de autoridades e invitados.  Ás 12.15 horas visitaranse as obras realizadas no edificio Unión del Porvenir; ás 13.00 horas acudirase ao Obradoiro de Emprego, en Goián; ás13.15 horas, presentarase o proxecto no Auditorio de Goián; ás 13.30 horas está prevista a Intervención das autoridades, e ás 13.45 horas: procederase á entrega de diplomas e certificados.

Ao acto están especialmente invitadas as asociacións culturais e veciñais, comunidade de montes e outros organismos e persoas das parroquias de Piñeiro e Taborda, beneficiarias do edificio restaurado.

Magnífico concierto  de la Orquesta Clásica de Vigo en Amorín

Ayer, domingo, a las 20.30 horas, la Iglesia parroquial de Amorín acogió el Concierto de Navidad organizado por la Asociación Veciños de esta parroquia con la colaboración de la Diputación de Pontevedra y la Federación de Asociaciones Terramiño.

El  mal tiempo, con viento, frío y lluvia, no impidió que más de cien espectadores llenasen el templo y disfrutasen de un concierto protagonizado por el Cuarteto de Cuerda de la Orquesta Clásica de Vigo, en el que vibraron las cuerdas de los violines de Héctor Varela y Mauro Mariño; la viola de Jennifer Gómez y el violonchelo de David Rodríguez  que interpretaron obras de Bach, Mozart, Vivaldi, y otras de temas ya clásicos como “Yesteday” o bandas sonoras conocidas, como Doctor Zhivago o La Misión.

´           Los calurosos aplausos del público fueron el mejor agradecimiento que recibieron los músicos por parte de un público entregado.