Índice

www.galiciasuroeste.info

 

FEBREIRO

 

Martes, 28  de febreiro de 2017  

O ferry suspenderá temporalmente o seu servizo a partir do 2 de marzo debido a traballos de revisión obrigatorios

O servizo do ferry que une A Guarda e a localidade portuguesa de Caminha verá interrompida temporalmente a súa actividade, o 2 de marzo a partir das 13'30 horas, por mor dos traballos de revisión obligatorios, entrando na tarde dese día no astelario co fin de renovar os certificados de navegabilidade necesarios para continuar a súa actividade, cuxa reanudación se dará a coñecer no seu momento.

 

Martes, 28  de febreiro de 2017  

O Concello da Guarda homenaxeará aos seus deportistas o 3 de marzo na X Gala do Deporte Guardés

O Concello da Guarda celebrará o venres, 3 de marzo, ás 20'30 horas, no Centro Cultural, a X Gala do Deporte Guardés, coa que se homenaxea e recoñece aos deportistas da vila e os éxitos que acadaron durante a pasada tempada.

Neste evento, conducido polo presentador Terio Carrera, entregaranse diversos premios e recoñecementos a deportistas de distintas disciplinas polos títulos conseguidos e polas súas traxectorias, ademais de pór en valor destacadas iniciativas deportivas.

Os máis de 20 galardóns que se entregarán nesta velada inclúen premios para os mellores deportistas individuais e para os mellores equipos; así como recoñecementos á mellor iniciativa deportiva, á promoción e dedicación ao deporte e á proposta innovadora.

Nesta décima gala o invitado que exercerá como padriño do evento será Vladimir “Vlado” Gudelj, ex xogador do Real Club Celta de Vigo.

 

Luns, 27  de febreiro de 2017  

A última conferencia na Casa dos comuneiros de Camposancos reuniu a 55 persoas

O pasado sábado, coa asistencia de 55 persoas, Carlos Rodríguez Castro, contou a súa experiencia como voluntario na ONG Moas, nuna cita na que intercalou fotos e vídeos, nos que se amosa parte das súas vivenzas no Mediterráneo, en Grecia e na costa con Turquia.

A  xunta reitora da Comunidade de Montes de Camposancos, valorou positivamente a acollida que tiveron as charlas, o que anima a este colectivo a pensar en novas propostas, apuntando que “os que terían que ser dinamizadores da vida Cultural do pobo non o fan”, a pesares de que son conscientes de que “a nosa prioridade ten que ser a inversión no monte, pero entendemos como moi importante que non debemos descuidar o eido cultural”, asegura Fernando Martínez.

Nestes momentos os comuneiros de Camposancos están cunha nova intervención no parque forestal de Chans co obxectivo de melloralo, en colaboración co Centro Avelaíña que conseguiron un curso subvencionado pola ONCE e xa empezaron a traballar nesta contotorna, nun proxecto no que a Comunidade de Montes de Camposancos asume os custes das árbores e materiais necesarios e a ONCE abona as horas de traballo.

 

Sábado, 25  de febreiro de 2017  

O Concello da Guarda traballa conxuntamente coa hostalería para mellorar a atención ao peregrino

Representantes do goberno local mantiveron un encontro de traballo cos establecementos adheridos á campaña de atención ao peregrino que se porá en marcha nas próximas semanas.

A esta mesa de traballo asistiu o alcalde, Antonio Lomba; os concelleiros de Turismo e de Patrimonio, Montserrat Magallanes e Javier Crespo, e unha representación dos establecementos adheridos. A reunión permitiu informar dos pasos que se foron dando dende o 2009, co recoñecemento deste camiño, ata acadar a súa oficialidade en 2016. Deuse conta das accións que o Concello da Guarda puxo en marcha para mellorar o Camiño do Portugués da Costa como a sinalización, apertura do albergue e diversas iniciativas de divulgación e coñecemento do camiño. Ademais informouse da promoción en FITUR do Camiño Portugués da Costa e se proxectou o  novo vídeo promocional do camiño elaborado pola Deputación de Pontevedra

O Camiño Portugués da Costa non deixa de crecer en número de peregrinos e xa é habitual a imaxe dos mesmos percorrendo as rúas da Guarda. Moitos continúan cara O Rosal e Oia despois de cruzar o río Miño e outros escollen o albergue ou os establecementos hoteleiros da Guarda para pernoctar.

En 2016 duplicouse o número de peregrinos que pernoctaron no Albergue da Guarda. Consultados outros concellos e albergues do camiño como Esposende, Oia e Baiona trasladaron ao concello da Guarda que tamén duplicaron os seus rexistros polo que se confirma esta tendencia.

Co paso dos anos, por tanto, o volume de peregrinos foi aumentando e vaise coñecendo mellor as súas necesidades. En 2016 o concello da Guarda comezou a traballar consultando ao sector hostaleiro e comercial da Guarda e, despois destes primeiros contactos, son 32 os  establecementos adheridos á mencionada campaña. Restaurantes, empresas de aloxamento, cafeterías, pastelerías, panaderías e comercio artesán estarán nun folleto informativo que será distribuído aos peregrinos e onde se informará dos horarios dos almorzos, menús especiais ou descontos para peregrinos.

A finalidade desta campaña é facilitar a estancia dos peregrinos ofrecendo os horarios e promocións dirixidas aos peregrinos para que gocen dunha experiencia de calidade na Guarda.

 

Sábado, 25  de febreiro de 2017  

O mércores, 1 de marzo, ábrese o prazo para pedir cita para a renovación do DNI na Guarda

O Concello da Guarda informa que o vindeiro mércores, 1 de marzo, abrirase o prazo para solicitar cita para a renovación do DNI nos próximos meses de abril, maio e xuño.

As citas poden pedirse tanto de forma presencial no Concello, de luns a venres de 9 a 14 horas, coma chamando ao número de teléfono 986 61 00 00.

O día fixado para realizar as renovacións no mes de abril é o 18, sendo o 21 o día para recoller o DNI. En maio terán lugar o mércores día 10, sendo o 15 o día para recoller o documento. Pola súa banda en xuño as citas son para o día 15 e a data para recollelo é o 20.

Haberá un total de 70 citas para cada unha destas datas.

 

Venres, 24  de febreiro de 2017  

Actualización do curso Formación Básica na Confraría de Pescadores da Guarda

A Confraría de Pescadores Santa Tecla, da Guarda, oferta un curso de Actualización de Formación Básica, destinado a tripulantes que non poideron cumplir o requisito da actualización que esixían nas Capitanias, que eran de ter 6 meses de embarques no último ano ou 12 meses nos últimos 5 anos.

O mencionado curso celebrarase o 29 e 30 de marzo, de 10:00 a 14:00 horas e de 15:30 a 19:30 horas, nas Aulas de formación da Confraria da Guarda

Os interesados presentarán como documentación D.N.I., Certificado de Formación Básica e Vida laboral nas oficinas da Confraria de A Guarda (Rúa do Porto, s/n) podendo solicitar máis información na mesma confraría ou no teléfono 986 61 03 07.

 

Xoves, 23  de febreiro de 2017  

O PP lamenta que A Guarda morra sen solo industrial e propón solucións urxentes

O Partido Popular da Guarda lamenta que un dos maiores problemas do concello sexa a falta de solo industrial que permitan unha ampliación de negocio ás empresas que xa establecidas  no municipio ou que outros empresarios de diversos sectores productivos  poidan instalar a súa empresa na Guarda e contribuír desta maneira á creación de novos postos de traballo e a reactivar o sector económico. “Esta debería ser unha das principais preocupacións do alcalde, pero vemos que non lle interesa en absoluto crear emprego e mentres A Guarda morre sen solo industrial o alcalde está de brazos cruzados”, explica a voceira do PP.

 “Sabemos de empresas que preguntaron polo solo industrial dispoñible para establecer unha empresa na Guarda e non tiveron resposta e tamén coñecemos empresas que estaban ubicadas na Guarda e agora se trasladaron a outros concellos veciños. Unha situación moi triste que tería fácil solución se o Goberno local tivera iniciativa propia”, sinala a voceira do PP, Conchi Ortega.

É por todo isto que os populares presentan unha moción no próximo pleno no que se propoñen solución urxentes e que se poderían executar a curto prazo, “antes de que máis empresas marchen do concello”. Conchi Ortega cre que a solución desexable pasaría por ter un Novo Plan Xeral actualizado, pero desde maio de 2015  Consultora Galega informou do seu desexo abandonar este traballo, e posteriormente rescinde o contrato.

A voceira popular explica que unha solución parcial ao problema e de acordo co plan vixente desde 1993 sería que o Goberno local retomase as conversas cos propietarios do solo urbanizable número 6 para chegar a un acordo entre as partes e que se asegure que os usos do novo polígono sexan os suficientes para dar cabida a todo tipo de naves ligadas á actividade industrial e posibilitadas no Plan Xeral vixente.

Segundo explica a voceira popular, propoñen ademais que os servizos de urbanismo do Concello de a Guarda redacten o plan parcial para a ordenación detallada do solo urbanizable nº 6, ou que divida o polígono  previamente noutros co límite inferior legal de 3 Ha para facilitar a súa viabilidade, para posteriormente desenvolver os seus respectivos plans parciais, e os leven despois a pleno para a súa tramitación urbanística e segundo as leis vixentes.

 “A Guarda necesita tomar medidas urxentes porque son moitos os empresarios que preguntan por solo industrial para instalar as súas empresas no noso Concello e o Goberno local sábeo pero como sempre non fan nada para solucionar este problema”, explica a voceira popular, que asegura que “mentres outros concellos fan o imposible por atraer novas empresas para os seus concellos, na Guarda parece que non son ben recibidas”.

 

Xoves, 23  de febreiro de 2017  

O Menú de Entroido repite na Guarda pódese degustar en sete restaurantes

Arruaz, Brisamar, Camping Santa Tecla, La Pizzicata, Novo Funil, Xantar e Xeito son os sete restaurantes da Guarda que neste Entroido propoñen desfrutar dun dos pratos por excelencia da gastronomía galega: o lacón con grelos.

O Menú do Entroido póderase degustar desde o venres, día 24, ata o martes, 28 de febreiro, tanto para o xantar como para a cea.

Os sete restaurantes participantes ofrecerán este menú por un prezo de 15 € por persoa, que estará composto por un primeiro prato de caldo, un segundo de lacón con grelos e unha sobremesa tamén típica nestas festas: filloas ou orellas de Entroido. Incluídos viño e café.

Recoméndase a reserva previa nos propios restaurantes para que o servizo ofrecido sexa o mellor posible.

 

Mércores, 22  de febreiro de 2017  

O estudo de mobilidade da Deputación propón pechar ao tráfico o casco vello da Guarda e priorizar o tránsito peonil por Concepción Arenal

O deputado provincial de Mobilidade, Uxío Benítez, presentou onte as conclusións do Estudo de Mobilidade e Espazos Públicos encargado pola Deputación para o núcleo urbano de A Guarda. Este documento -unha folla de ruta a curto, medio e longo prazo para que o Concello poida ordenar o espazo público da vila de forma eficiente- propón como principais medidas a peonalización do casco vello, priorizar os tránsitos peonís na arteria viaria que vai ao Porto e buscar alternativas de acceso máis eficientes para os vehículos, redeseñar progresivamente as rúas do resto da vila, e crear unha rede de bolsas de aparcamento.

Segundo explicou Benítez, o Estudo de Mobilidade pretende ser un “plantexamento global do novo modelo de mobilidade sustentable para A Guarda que permita aumentar a calidade urbana e de vida á veciñanza”. “Estes criterios técnicos son os que hai que seguir  e, a partir de aí, farase o que o Concello de A Guarda considere oportuno. A Deputación estará sempre a disposición de chegar a acordos para actuar sempre seguindo eses criterios, polo que haberá que ver como concretar despois a actuación en Concepción Arenal”, subliñou.

O documento final do Estudo de Mobilidade e Espazos foi elaborado logo dun proceso participativo no que se tiveron en conta as opinións dos veciños e de diferentes sectores económicos e políticos por medio de reunións e enquisas. As necesidades plantexadas nesa participación foron contrastadas cos datos de poboación, fluxos de tráfico rodado e peonil e con outros aspectos técnicos para dar lugar ás propostas. “Este documento marca as potencialidades que A Guarda pode desenvolver. É unha proposta que pasa dun modelo orientado ao automóbil cara un modelo orientado aos peóns”, subliñou Benítez.

As actuacións que se expuxeron pasan principalmente pola peonalización do casco vello e da zona de San Caetano que, segundo o equipo redactor do estudo, pode facerse de xeito inmediato mediante actuacións e solucións sinxelas –como sinalizacións- que permitirán grandes melloras do espazo público.

Por outra parte, proponse o redeseño e mellora da actual vía de acceso ao Porto –a estrada provincial Concepción Arenal- para implantar a prioridade peonil, cuestión que se define unha “actuación estratéxica”. Neste sentido, o Estudo de Mobilidade considera que é necesario enlazar a zona portuaria mediante eixos de comunicación máis eficientes que os actuais para os vehículos, evitando que camións de grandes dimensións e tonelaxe teñan que pasar polo núcleo da vila. Así, proponse retomar e potenciar o proxecto de ‘Acceso Sur’ que leva varios anos en estudo –pendente da Xunta de Galicia-.

Outra das propostas pasa por crear e mellorar bolsas de estacionamento en localizacións estratéxicas co fin de eliminar certos aparcamentos irregulares nas estradas, gañando esas áreas para o uso da veciñanza. Tamén se sinalou a necesidade de crear camiños escolares seguros cara a zona da Santiña e dos equipamentos deportivos.

Por outra banda, e de cara a fomentar a accesibilidade e tamén tirar un posible rendemento turístico polo seu atractivo, púxose sobre a mesa a posibilidade de instalar dous elevadores mecánicos nas escaleiras do Concello e nas do edificio da confraría, que levarían directamente ao Porto.

 

Mércores, 22  de febreiro de 2017  

4ª Charla coloquio na Casa Cultural da Comunidade de montes de Camposancos

Para cerrar o ciclo de charlas que a Comunidade de Montes de Camposancos está a organizar na Casa da Comunidade,o vindeiro día 25, ás 20 horas, Carlos Rodríguez Castro, de Camposancos, e rescatador do servicio aéreo de guardacostas de Galicia, falará da súas vacacións dedicadas a colaborar con a ONG MOAS, en Asia para axudar ás persoas dos campos de refuxiados, e contará como el mesmo foi retido por darlle unas chocolatinas a unhs nenos. Durante a conferencia proxectará un video.

 

Sexta ediçom do Da-lhe co sacho! No Fuscalho

A sexta-feira 24 de fevereiro, ademáis de a palestra sobre a loita da mulher no Kurdistám, pola noite botaremos a andar a sexta ediçom do Da-lhe co sacho!

Desta volta contamos com quatro bandas coas que choraredes de gusto:

A noite abrirase com Ovejas Violadas, banda vanguardista na Guarda polo seu estilo punk zoofílico, se quadra tambén o é na Galiza! Mozos rebeldes que pretendem profanar a orde do sistema estabelecido.

Milhomes, som um dúo que valem por mil; noise inspirado no autor do 'Olho de Vidro'.

Depois da súa primeira demo, estam a gravar o seu album de estrea em Hertzsound studio, co caminhense Marco Lima aos mandos.

Gog y las hienas telepáticas, som um trio pontevedrés que factura um punk agreste, noise ocasional e baladas nihilistas. Repartem amor desde 2011 e com vista de ir a por máis, pois estam a gravar o seu terceiro album.

The Charrans com um estilo de punk furtivo formado por gente da Guarda e Mougás, os membros formaram parte de Asegún e Frakaso Skolar.

O nihilismo é parte do seu ADN, seu objectivo é expresarse, divertirse e pasalo bem.

 

Martes, 21  de febreiro de 2017  

Arranca a “Semana por Rosalía” na Guarda

Onte, luns, deron comezo na Guarda as actividades programadas dentro da “Semana Por Rosalía”, que se prolongarán ao longo de cinco días adicados á figura de Rosalía de Castro, en conmemoración do 180 aniversario do nacemento da escritora, o 24 de febreiro.

A primeira das actividades foi “Rosalía na Escola”, un recital de poemas ofrecidos por Maruxo nos centros de primaria. 

Outra das actividades que tamén se iniciaron é a realización dun “Mural por Rosalía”, que os alumnos dos centros de secundaria da Guarda comezaron a realizar para render homenaxe a autora máis importante das nosas letras a través dun deseño.

Durante o resto da semana seguiranse desenvolvendo estas e outras actividades adicadas a Rosalía de Castro, como a sesión de Contos Contados do sábado, 25 de febreiro, que se celebrará ás 11'30 horas na Biblioteca Municipal, e que servirá para que os máis cativos aprendan máis sobre a poetisa.

Sen súbida a cita principal da “Semana por Rosalía” terá lugar o xoves, 23 de febreiro, no “Festival por Rosalía” organizado dende o Concello da Guarda, ás 20'30 horas no Centro Cultural, cun recital de poemas de Rosalía a cargo de Maruxo e de rapaces da vila, actuacións de Coro Fuscalheiro, Son'Godins e o grupo de baile Xamaraina.

Dende o Concello convídase a todos a esta celebración da vida e obra de Rosalía de Castro, asistindo ao “Festival por Rosalía” deste xoves e uníndose na iniciativa “Cada día un poema”, compartindo de luns a venres un poema da escritora, nas redes sociais.

 

Primagas canalizará e distribuirá gas natural no Concello da Guarda

A compañía enerxética Primagas canalizará e distribuirá gas natural no Concello da Guarda.

O municipio pontevedrés é un dos puntos chave da expansión de Primagas en Galicia. Esta compañía preséntase como unha alternativa ao oligopolio de gasóleo actual, ofrecendo unha enerxía limpa e eficiente en zonas non urbanas que se encontran afastadas dos gasodutos principais.

“En Primagas poremos o noso foco nos próximos anos en atender esta demanda de gas natural. Pensamos que a nosa presenza será moi positiva para Galicia e as súas zonas rurais”, declara Joost Korver, director general de Primagas.

Nos vindeiros anos, Primagas investirá máis de 20 millóns de euros en Galicia. Está partida irá destinada a clientes, para axudalos nos cambios de gasóleo a gas, como a infraestruturas que leven o gas a vilas ou barrios enteiros. Ademais, tamén investirán en Galicia en instalacións para a almacenaxe de gas preto dos seus clientes para poder ofrecer así un servizo óptimo.

Primagas na Guarda

Está previsto que as obras de Primagas comecen nos próximos meses de verano e avancen de xeito que provoquen as menores molestias posibles á vila. Desta forma, as primeiras subministracións empezaranse a realizar a comezos do outono.

Ademais, a partires de verán habilitarán unha oficina comercial na Guarda, lugar no que se atenderá a todos aqueles que desexen beneficiarse do gas cidade.

Actualmente, Primagas está a traballar co Concello trazando o circuíto que realizará esta nova rede enerxética no municipio. “Fixemos un estudo detallado da zona e estamos a traballar coa administración para coordinalo todo e ocasionar as menores molestias posibles á vila, debido ás obras”, afirma Joost Korver.

Primagas é unha empresa especializada en gas, con máis de 20 anos de experiencia, para todo tipo de clientes das zonas non urbanas. Aparta do consumo familiar, tamén ofrecen gas propano ou gas natural licuado ás empresas e industrias.

Sobre Primagas

Primagas, compañía enerxética presente no mercado español desde 1996, forma parte do Grupo SHV Energy, líder mundial en distribución de gas que dá servizo a máis de 30 millóns de clientes en todo o mundo. O obxectivo de Primagas é converterse na empresa de referencia no mercado enerxético das zonas non urbanas, mellorando as condicións de vida dos seus clientes, a través dunha solución enerxética eficiente e limpa.

Primagas, con máis de 12.000 clientes en España, está formada por un cadro de persoal de 50 persoas e unha extensa rede de instaladores acreditados repartidos polo territorio español. Ademais, a compañía conta con catro delegacións comerciais en Cataluña, Madrid, País Vasco e Galicia, así como con tres plantas situadas no Porto de Barcelona, Zaragoza e mais Segovia.

 

Martes, 21 de febreiro de 2017  

El Sporting Guardés cede los puntos al Candeán

Informa José Mª Salcidos

Partido disputado en Municipal de “A Sangriña” entre los equipos Sporting Guardés y A.V. C.D. Candeán , correspondiente a la vigésimo tercera jornada del campeonato de 1ª División Autonómica; Grupo V.

Antes de dar comienzo el partido, se guardó un minuto de silencio en memoria de Doña Mª. Rosa Pacheco, esposa del que fuera presidente del Sporting , D. Basilio Vicente Santiago fallecida recientemente en la República Dominicana. D.E.P.

Temperatura primaveral, 17º; floja entrada.

Sporting  guardés,  0   -   U.V.C.D. candeán,  1

Sporting guardés: Pazos; Kimi (Ferru, min.64); Sergio Pérez; Saúl; Sergio; Iglesias; Javi (Mafi, min. 54); Ita (Tucho, min. 54); Anxo (Santi, min. 54); Iván y Manu Aballe

U.V.C.D. candeán: Toni; Santi; Jose; Chema; Pablo; Alex Castro; Mosto (Santi, min.88); Sindo; Jacobo (Alex Fernández, min. 80); Richi (Pere, min. 72); Joel ( Borja, min. 66)

Goles: 0 – 1; Richi a pase de Sindi.

Árbitro: Miguel Ángel Pérez Cabaleiro, de Vigo, auxiliado en las bandas por Pedro Comesaña Veiga y David González Collazo. Amonestó, por el U.V.C.D. Candeán a Alex Castro y Mosto y por el Sporting Guardés el amonestado fue Kimi.

Buena labor, pasó desapercibido. Dejó de señalar un claro penalty, a nuestro juicio, en el área local.

Primera  parte muy igualada en la que los dos equipos tuvieron oportunidades de mover el marcador pero, a raiz de marcar el gol los visitantes, min. 48, el partido entró en una dinámica con dominio del U.V.C.D. Candeán.

Después de esta jornada el Sporting Guardés se sitúa en la 11ª posición en la tabla con 28 puntos visitando la próxima jornada al Chain.

 

Martes, 21  de febreiro de 2017  

O Concurso Drag Queen Guardés, gran novidade do Entroido 2017

Entre a variada programación do Entroido guardés, a Concellería de Cultura da Guarda organiza o sábado, día 25, na Carpa da Alameda á 1 da madrugada, as representacións dos Drag Queen acompañadas pola música dun DJ. No caso dos participantes, prégase que cheguen á carpa media hora antes do inicio do concurso para identificarse ante os organizadores, que estarán na zona do palco.

Neste concurso pode participar calquera home ou muller maior de 18 anos vestido de muller e as inscricións poden realizarse no Departamento de Cultura do concello ata o 23 de febreiro, de 9 a 14 horas, no correo electrónico cultura@aguarda.es ou o propio sábado, 25, ata unha hora antes do concurso. Non é necesario achegar ningunha documentación, só nome, apelidos, teléfono de contacto e o nome que usarán no concurso.

O xurado valorará cinco apartados principais: vestiario, maquillaxe, posta en escena e interpretación, naturalidade e estilo e orixinalidade. Os tres concursantes que acaden a maior nota, terán premio. Para o primeiro clasificado, será unha cea para dúas persoas. O segundo e terceiro posto recibirán un vale de compra en establecementos da Guarda.

 

Martes, 21  de febreiro de 2017  

A OMIX da Guarda organiza un obradoiro de cociña sobre a elaboración de chocolates

A OMIX da Guarda, dependente da Concellería de Xuventude, organiza un obradoiro no sector da cociña, sobre elaboración de chocolates, no que os participantes aprenderán a realizar chocolates con froitos secos, chocolates con crema e froita, pralinés e bombóns ou filigranas e decoracións, entre outras cousas.

O prezo desta actividade é de 26 euros, no que xa se inclúen todos os materiais que serán necesarios para a realización dos chocolates. O obradoiro terá lugar os días 15, 22 e 29 de marzo, das 19 ás 21 horas.

Para realizar as inscricións e para máis información pode dirixirse á OMIX, a través do teléfono 986614546, no mail informacion@aguarda.es  ou no perfil de FACEBOOK da OMIX.

 

Palestra sobre a loita das mulheres no Kurdistám, no Centro Cultural da Guarda organizada polo Fuscalho

Este venres, 24 às 20:00h, o centro social o Fuscalho organiza no Centro Cultural de a Guarda umha palestra sobre a loita das mulheres no Kurdistám.

Durante estes días, o Fuscalho junto com outras asociaçons galegas, organiza umha serie de palestras que procuram dar a conhecer a realidade kurda. Ditas palestras seram impartidas por umha componhente da plataforma Rojava Azadí.

A palestra achegara-nos a atualidade desta loita de liberaçom das mulheres no Oriente próximo. A través de umha análise histórico moderna sobre o papel da mulher dentro do Partido dos Trabalhadores do Kurdistám e sobre a pelexa dupla, interna e externa, que as mulheres tiverom e tenhem que desenvolupar. 

Mostrarase quales som as estruturas organizativas das mulheres nas quatro partes do Kurdistám, nas organizaçons que a componhem e sobre as súas práticas atuais no terreo.  Mediante um repaso histórico de figuras femininas dentro da história moderna do país, porase em valor a súa labor para as companheiras kurdas.

A palestra, rematará com um repaso das teorías de liberaçom da mulher e a súa filosofía, condensada em um novo paradigma científico, político e ideológico, conhecido como Jineolojî.

 

Luns, 20  de febreiro de 2017  

O gas natural chega a A Guarda

Primagas realizará durante este ano a canalización e distribución de gas natural no Concello de A Guarda. Está previsto que as obras comecen no verán e as primeiras subministracións, en outubro.

A utilización de gas natural permitirá a retirada de máis dunha vintena de depósitos de gas propano presentes no casco urbano do Concello. A substitución dos tanques de gas non implicará transformacións importantes nas instalacións das casas. Ademais, evitará a circulación e descarga de camións de gas propano na vía pública do Concello.

Os veciños poderán substituír as súas caldeiras e quentadores de gasóleo ou butano por outras con mellores prestacións e máis eficientes, reducindo os seus custes.

 

Luns, 20  de febreiro de 2017  

Cerca de 70 asistentes na charla en Camposancos sobre o transxénero

O pasado sábado, 18 de febreiro, celebrouse na Casa Cultural de montes de Camposancos, con preto de 70 asistentes, unha charla coloquio co título "Transxenero: como respectar a verdadeira identidade”, impartida por Sara Silva Uris, mestra, e o escritor e tamén mestro, Javier Constela Ribadeo, cun longo debate ao rematar a ponencia.

Neste ciclo de charlas organizadas, polos comuneiros de Camposancos, o próximo sábado, día 25, falará Carlos Rodríguez Castro, quen contará as súas viviencias en Siria, como voluntario nos campos de refuxiados

 

Sábado, 18  de febreiro de 2017  

O helicóptero PESCA 1 de Gardacostas de Galicia realizou uns exercicios de salvamento no porto da Guarda

A primeira hora da mañá, realizouse un simulacro de evacuación de incendios nun centro educativo da Guarda, organizado pola dirección do mesmo, ao que ía acudir o G.E.S da vila, o 061, a Garda Civil e Policía Local. Os sinistros producidos neste día no VAC Goián - A Guarda imposibilitaron o completo desenvolvemento deste simulacro no C.E.I.P. A Sangriña, ao non poder participar no mesmo o G.E.S. da Guarda por motivos de servizo.

Esta xornada tamén tiña prevista unha segunda parte que se levou a cabo, consistente na realización dun exercicio de salvamento efectuado no porto da Guarda polo helicóptero PESCA 1, ao que asistiron alumnos do mencionado colexio. Esta exhibición levouse a cabo aproveitando que o helicóptero de Gardacostas de Galicia realizaba exercicios de adestramento.

Dende o concello da Guarda consideran que este tipo de actividades é moi beneficiosa e xa se mantiveron conversas co xefe de Gardacostas de Galicia para poder organizar dentro duns meses outra xornada, na que os alumnos doutros colexios interesados nesta actividade teñan a oportunidade de coñecer esta actividade.

 

O PP da Guarda arremete contra os concelleiros vinculados a asociacións

Despois de que a corporación da Guarda dera a aprobación inicial aos orzamentos de 2017 cos votos en contra do PP e BNG e coa intención de poñer obstáculos a aprobación definitiva dos orzamentos, o PP, adoptando unha actitude sen precedentes, presentou por rexistro a recusación dos votos de tres concelleiros do equipo de goberno por pertencer a asociacións. Os concelleiros do PP pretenden alterar a vontade democrática do pleno do concello da Guarda ao solicitar a anulación dos votos dos concelleiros, que teñen o dereito e a obriga de votar nos asuntos municipais que van a pleno, dado que para elo foron elixidos, por sufraxio directo, polos veciños da Guarda.

Aínda que hai outros concelleiros nas condicións que o PP alega para pedir a anulación do voto, as iras dos populares van dirixidas ao goberno municipal: a Elena Baz, concelleira de Cultura, pola súa pertenza a Xamaraina; a Paulino Rodríguez, concelleiro de Servizos, pola súa vinculación coa asociación de veciños O Percamino da Gándara, e contra Montse Magallanes, concelleira de facenda, por ter responsabilidades na asociación das Mulleres Progresistas.

Tradicionalmente, a hora de elaborar as listas para as eleccións municipais, sobre todo nas vilas pequenas como A Guarda, os partidos políticos buscan algúns dos seus candidatos entre activistas sociais. En practicamente tódalas vilas hai membros das corporacións vinculados con asociacións. A Guarda, localidade que destaca por ter moitas organizacións asociativas, non é nin nunca foi unha excepción. Algúns exemplos notables dos últimos anos son: o alcalde do Partido Popular, José Luis Alonso Riego, que foi presidente do Sporting Guardés na súa época como rexedor e o actual tenente de Alcalde, Miguel Español, foi presidente da asociación Pedra Furada, que organizaba as festas do Monte, a vez que ostentaba a tenencia de alcaldía.

Baixo o punto de vista do equipo de goberno do concello da Guarda é inxustificable a actitude dos populares que pretenderon gañar con subterfuxios o que perderon nunhas votacións democráticas, romperon para o futuro un clima de respecto da corporación polas asociacións que se viña mantendo dende as primeiras eleccións municipais da democracia.

O resultado final deste ataque á vontade da corporación non tivo o efecto pretendido polo PP. Visto o informe do secretario do concello da Guarda o alcalde non admitiu as recusacións manténdose así o dereito a votar dos concelleiros cuestionados o que significa un triunfo para a democracia.

 

La explicación del PP al comunicado de grupo de gobierno

La portavoz del Partido Popular dice que “El informe de Secretaria nos da la razón en cuanto a que se no puede pagar una subvención a una persona jurídica mientras su representación legal (presidente) sea  concejal”,  asi lo dice textualmente el informe.

En cuanto a la intervención, nos dá la razón  en el reparo 123/2016, que supone claramente que Secretaria e Intervención nos dan la razón en cuanto a lo planteado, que puede llegar a provocar daños innecesarios en las Asociaciones.

Nosotros pretendemos que lo solucionen, pero no podemos ver para otro lado si la intervención dice que no se le puede pagar a esas asociaciones. Lo que queremos es que se le pueda pagar legalmente, sin que intervención informe negativamente en un reparo, que cuando es reiterado puede tener efectos para el alcalde por levantarlo, eso ya es su  problema, pero si nos preocupa el efecto sobre las asociaciones.

Por el bien de las asociaciones pedimos que se arregle conforme a la ley de Subvenciones, ya saben estos concejales implicados lo que tiene que hacer, para que  nadie,  incluido los tribunales, puedan cuestionar lo que reciben las asociaciones del Ayuntamiento, nuestro único fin.

Por otra parte nos hacemos eco, de varias quejas sobre la forma en que se reparten las subvenciones, no hay baremos, no hay ordenanza, y se producen injusticias entre asociaciones, que indignan algunas de ellas según nos hacen llegar.

 

Sábado, 18  de febreiro de 2017  

Primagas canalizará e distribuirá gas natural no Concello de A Guarda

A compañía enerxética Primagas canalizará e distribuirá gas natural no municipio da Guarda, do que informará o luns. 20 de febreiro, nunha rolda de prensa no Concello para presentar o plan de actividades neste municipio. 

Na rolda de prensa estarán presentes o alcalde da Guarda, Antonio Lomba Baz; o director xeral de Primagas, Joost Korver; a concelleira de Turismo, Facenda e Comercio, Montserrat Magallanes; o concelleiro de Vías e Obras, Miguel Español, e o concelleiro de Tráfico, Servizos e Medio Ambiente, Paulino Rodríguez.

Está previsto que as obras comecen nos próximos meses e que avancen de forma que provoquen as menores molestias posibles aos veciños do Concello. 

Primagas é unha empresa especializada en gas, con máis de 20 anos de experiencia, que ofrece solucións enerxéticas eficientes e limpas en zonas non urbanas. Galicia é un lugar clave nos seus plans de expansión. Primagas quere traer ás zonas que se atopan lonxe dos gasodutos tradicionais unha enerxía máis limpa e eficiente, como o é o gas natural. 

 

Sábado, 18  de febreiro de 2017  

O concello da Guarda inicia a formación de cara a implantación da súa nova sede de administración electrónica

O alcalde da Guarda, Antonio Lomba Baz; Ignacio Varela, da Deputación de Pontevedra, e dúas representantes da empresa EsPublico Gestiona, encargada de poñer en marcha a nova sede de administración electrónica do Concello da Guarda, explicaron aos traballadores do concello os aspectos xerais dunha sede que permitirá que a A Guarda dispoña das ferramentas necesarias para realizar unha xestión informatizada e máis eficaz dos trámites.

O alcalde asegurou que isto suporá un antes e un despois na forma de facer as cousas da administración local, pois repercutirá directamente no cidadán e traerá unha mellora da produtividade, de xeito que o Concello sexa capaz de facer máis traballo e mellor.

Pola súa banda dende a Deputación de Pontevedra expresaron a súa confianza nesta aplicación, que permitirá cumprir as obrigas legais e que ten un uso moi sinxelo. Tamén reiteraron o seu compromiso co concello no desenvolvemento desta sede.

Alejandra e Aurora, representantes da empresa EsPublico Gestiona, explicaron en que consiste a sede, como lles permitirá cumprir as obrigas legais e que, sobre todo, ten como obxectivo último camiñar cara o expediente electrónico e eliminar ata nun 80% a utilización de papel na administración. A clave, explicaron, está na conxunción dunha ferramenta xa testada en miles de administracións, na actualización xurídica constante que farán dende a empresa e na xestión dos cambios que realizarán os traballadores do concello. Para isto, este mesmo mércores comezou a ronda de reunións da empresa con cada departamento, para ver como se realiza e tramita a documentación e as peculiaridades dos traballos de cada persoa e departamento en relación coa sede electrónica.

Deste xeito, A Guarda camiña cara unha administración e forma de traballar máis eficaz, que poderá responder coa maior brevidade aos problemas dos cidadáns, creando uns procedementos máis sinxelos e adaptados aos tempos.

 

Venres, 17 de febreiro de 2017  

O CIM da Guarda organizará o vindeiro mes de xuño unha das accións do programa “Mulleres en acción: violencia zero” 

Onte, representantes do Servizo de Igualdade da Deputación de Pontevedra, así como do Centro de Información á Muller (CIM) do Concello da Guarda, xunto ao alcalde, Antonio Lomba, e a concelleira de Servizos Sociais e Igualdade, Teresa Vicente, mantiveron unha reunión no Concello da Guarda, para concretar a acción que organizará o CIM da Guarda, subvencionado pola Deputación de Pontevedra, como parte do programa “Mulleres en Acción: violencia zero”. Trátase dun proxecto de acción artística que se desenvolve no espazo público co fin de reivindicar a igualdade de xénero, concienciar sobre a violencia machista e, sobre todo, tratar de unir forzas para loitar contra esta lacra. En total o programa inclúe 25 accións de arte contemporáneo (pintura, música, danza, teatro, poesía e performance) que se están a levar a cabo, ata novembro, en 25 concellos da provincia.

A actividade que acollerá o Concello da Guarda no vindeiro mes de xuño, dentro desta iniciativa estará ao cargo da pintora sevillana Ana Arregui quen, ante o público, realizará en tempo real retratos a gran tamaño dos presentes. Con esta actividade (O sexo forte) e a través da súa pintura, a multidisciplinar artista fará reflexionar aos presentes ao tempo que a súa obra  supón unha reivindicación da igualdade. Busca levar a unha reflexión en canto ás causas da violencia e da discriminación, nun acto performativo onde se dilúen os sexos para disolver os roles que se lle adoitan asociar a cada un deles.

 

O concello da Guarda apoia a Fibromiño na súa nova andaina

A concelleira de asuntos sociais, Tere Vicente, e o alcalde da Guarda, Antonio Lomba, reuníronse cunha representación da asociación de enfermos de fibromialxia do Baixo Miño, Fibromiño, cuxa sede está situada no edificio do Sinde Vello. O obxectivo da visita era coñecer a nova directiva deste colectivo, escoitar os seus plans de futuro e ofrecerlle a colaboración e apoio municipal.

Conscientes de que nos últimos tempos a asociación reduciu a súa actividade, a nova directiva pretende reactivala, dado que hai moitos enfermos e familias que necesitan o seu apoio, polo que establecerán novas canles de información para axudar ás persoas afectadas por esta enfermidade e incluso estendelo a outras enfermidades raras. Plantexaron a necesidade de realizar cursos, conferencias e xornadas para chegar aos afectados e a cidadanía en xeral.

Durante a reunión, tamén se falou do ámbito comarcal da asociación e da necesidade de que os concellos do Baixo Miño se impliquen e colaboren para chegar a tódolos enfermos e familias que o necesiten. Para elo, nesta primeira fase da súa andaina como directiva, teñen a intención de achegarse aos concellos baixomiñotos e dar a coñecer os seus plans aos responsables municipais.

Dende o concello da Guarda, como xa sucedeu no pasado, o alcalde e a concelleira reiteraron a súa disposición para axudar a Fibromiño no que sexa preciso, facendo de interlocutores diante doutras administracións, axudando a organizar actividades e ofrecendo os espazos e medios que necesiten. Por último o alcalde agradeceu aos presentes a súa implicación e ganas de traballar, recordando que na Guarda témonos que sentir orgullosos por tódalas as asociacións, sociais, culturais e deportivas que desenvolven a súa actividade na localidade.

 

Venres, 17 de febreiro de 2017  

Continúa aberto o prazo de inscrición para o Desfile-Concurso do Entroido guardés 2017 ata o 22 de febreiro

A Guarda celebrará, entre o 24 e 28 de febreiro, o Entroido que terá como parte destacada o Desfile-Concurso, que sairá o martes 28 de febreiro, ás 17'30 horas, desde a Praza de San Bernardo (“Esquina Famosa”), pola rúa Galicia e Rosalía de Castro, ata finalizar na Alameda. Os participantes deben presentarse entre as 16.30 e as 17,15 horas na saída para colocarse nos logares determinados pola Concellería de Cultura.

No concurso, cuxo prazo de inscrición continúa aberta ata o próximo día 22, debendo entregarse cuberto o formulario anexo ás bases e a documentación necesaria, ata o 22 de febreiro de 2017, en horario de 9 a 14h. de luns a venres, no Rexistro Xeral do Concello establécense cinco modalidades diferentes de participación: carrozas, comparsas, grupos, individual e parellas infantil, individual e parellas xuvenil-adulto, con distintos premios.

Tamém poderán remitirse as inscricións por vía postal, selladas na oficina de Correos sobre o propio impreso de solicitude e acompañadas da documentación requerida, adiantando por fax a copia da solicitude sellada na oficina de Correos.

Respecto dos premios, as categorías de comparsas e carrozas terán un primeiro e segundo premio cada unha, de 250  e 150 euros, respectivamente. No resto de categorías haberá seis premios cunha contía que vai dende os 150 aos 30 euros. Ademais as 10 primeiras comparsas ou carrozas que se inscriban recibiran unha axuda de 200 euros  e os nenos que participen terán un agasallo.

 

Venres, 17 de febreiro de 2017  

O Concello da Guarda organiza dous cursos de formación gratuítos dirixidos ao sector da hostalaría, do comercio e persoas desempregadas

A OMIX da Guarda, xunto coa Axente de Emprego e Desenvolvemento Local (AEDL) do Concello, organiza dous cursos de formación que darán comezo o vindeiro mes de marzo.

Estes cursos están dirixidos principalmente a persoas que traballan no sector da hostalaría e do comercio, pero tamén a desempregados/as interesados nestas accións formativas.

A primeira destas accións é un curso de inglés de atención ao público e se impartirá os mércores de 17 a 19 horas. Ademais tamén se levará a cabo un curso de habilidades sociais e atención ao público. Neste caso, as aulas terán lugar os xoves de 20:30 a 22:30 horas.

Os dous cursos son de balde, darán comezo no mes de marzo e terán unha duración total de 20 horas cada un. Toda a información e inscricións poderase atopar na OMIX, a través do teléfono 986614546, nos mails informacion@aguarda.es e emprego@aguarda.es ou no perfil de FACEBOOK da OMIX.

 

Mércores, 15 de febreiro de 2017  

"Transxénero: Como respectar a verdadeira identidade" charla na Comunidade de Montes de Camposancos

O sábado,18 de febreiro, ás 20.00h, na Casa da Comunidade de Montes de Camposancos, terá lugar unha charla informativa na que se abordará o tema do transxénero infantil e adolescente.

"Transxénero: Como respectar a verdadeira identidade" contará coa participación de Javier Constenla, mestre que fará un contacontos baseado no seu libro "Pedro y los igualenses", da editorial Bellaterra, e a mestra Sara Silva Uris, que explicará temas como a necesidade de educar na diversidade, recoñecer a diversidade sexual, a identidade de xénero, e o Fenómeno Trans*, dende un punto de vista xeral e educativo, coa finalidade de erradicar a transfobia e visibilizar unha realidade que ata agora estaba oculta.

 

O BNG advirte de posíbel contratación ilegal de persoal para a recollida do lixo na Guarda

O Bloque Nacionalista Galego presentou un escrito no rexistro do concello da Guarda sobre a contratación de persoal dunha empresa privada para a recollida do lixo no camión do municipal.

Dende o BNG lémbraselle ao Alcalde da Guarda e ao grupo de goberno que a recollida do lixo é competencia municipal e que ten que ter persoal suficiente para realizalo.

Un dos puntos que o goberno do PSOE deberá aclarar é se houbo a subcontratación do servizo ou o convenio asinado coa empresa para poder exercer ese traballo.

O BNG advirte de que o Concello da Guarda pode estar caendo nunha “Cesión ilegal de traballadores”, dado que no caso de existir tal subcontrata os traballadores non poden mesturarse cos do concello nin utilizar medios materiais do mesmo.

“Durante o proceso de redacción da nova ordenanza do lixo, o BNG botou en falta un estudo de custes onde, entre outras cousas, contemplase a plantilla necesaria para este servizo e do que o Goberno municipal sempre escapou”, comentou Ángel Baz portavoz municipal do BNG na Guarda.

Ante semellante situación o BNG solicita ao Alcalde da Guarda e ao seu grupo de goberno que aclare esta situación dado que non foron satisfactorias as respostas dadas ao BNG no último pleno ordinario.

 

Mércores, 15 de febreiro de 2017  

O deputado Carlos Font visitou na Guarda a rehabilitación e construción do miradoiro do Pirún obras realizadas no marco do “Plan Concellos 2016”

O deputado provincial, Carlos Font, acompañado polo alcalde da Guarda, Antonio Lomba, visitou algunhas das actuacións desenvolvidas no marco do Plan Concellos 2016, entre as que se atopan a rehabilitación e construción do miradoiro de Pirún. En concreto, esta obra, enmarcada na liña 1 do plan, supuxo un investimento de preto de 40.000 € a través dos cales se mellorou unha infraestrutura municipal e se configurou un novo espazo de lecer e tempo libre.

En concreto, tal e como informou o deputado provincial, “a achega da Deputación de Pontevedra permitiu á Guarda rehabilitar e construír o miradoiro do Pirún, o que permite facilitar o tránsito das veciñas e ós veciños desta zona cara ao porto e o acceso ás súas vivendas, así como crear un novo recurso turístico no concello, posto que desde este lugar temos unhas espectaculares vistas da costa da Guarda”.

Carlos Font lembrou que o Plan Concellos 2016 destinou á Guarda un total de 719.969,26 € o que supón un 30% máis que durante o 2015. Tamén subliñou o deputado que “grazas a este plan, amais das obras do miradoiro do Pirún, aprobáronse, no marco da liña 1, investimentos para impulsar o aforro enerxético na vila, mellorar o pavillón das Solanas, reparar o campo de fútbol municipal, adquirir diverso mobiliario urbano ou acometer diversas obras de mellora nos parques infantís da Guarda”.

O deputado tamén recordou que “durante o ano 2016 a Deputación de Pontevedra fixo un investimento de preto dun millón de euros na vila da Guarda, facendo que os veciños e as veciñas deste concello poidan ter unha mellor calidade de vida” e reiterou que “este Goberno provincial seguirá apostando polos pequenos concellos, que son os que máis necesitan a actuación directa da Deputación de Pontevedra”.

 

Mércores, 15 de febreiro de 2017  

A OMIX da Guarda organizou un Obradoiro gratuíto de bixutería de reciclaxe

A OMIX do Concello da Guarda, dependente da Concellería de Xuventude, ofertou un Obradoiro de bixutería de reciclaxe, no que as participantes, dentro da corrente do “faino ti mesmo”, aprenderon a elaboración de complementos orixinais, diferentes e renovados utilizando material de refugallo.

 

A Guarda vivirá unha intensa fin de semana cunha nova barferencia e teatro para toda a familia

Dentro das actividades porpostas para a fin de semana na Guarda, a primeira cita será a barferencia que como tema “A Cidade dos nenos”, correrá a cargo de Mónica Martínez Baleirón, profesora e tradutora que falará na Cervecería The Celtic Harp, a partir das 20'30 horas deste próximo venres, sobre o libro do pedagogo Francesco Tonucci, que traduciu ao galego.

“A Cidade dos nenos” é un modelo e xeito de entender a cidade, creado polo italiano e que xa se está a levar a moitas urbes europeas, como Pontevedra. Ten como base a idea de que unha cidade á medida da infancia redunda nunha mellor calidade de vida para todos.

O sábado, 18 de febreiro, a compañía A Tropa Trapalleira estreará, ás 17'30 horas no Centro Cultural, o espectáculo familiar “Pequena trapallada e algunha que outra batalla”. Trátase dun espectáculo que fará reflexionar ao público asistente sobre o absurdo da guerra e as súas consecuencias. A través do traballo corporal dos actores, e apoiándose na música e na videocreación, constrúen un universo de diversión no que se poñen en valor cousas tan importantes como a amizade, o respecto, o compañeirismo e o humor. Trátase dun catálogo de trapalladas bélicas que, a través do humor, pretende invocar a tolerancia e a solución pacífica dos conflitos como bálsamo necesario nestes inquedantes tempos armados.

Os tickets para esta función son balde e poden recollerse durante toda a semana, ata agotarse, no Centro Cultural en horario de 10 a 13 e de 17 a 20 horas de luns a venres, e o propio sábado durante a mañá de 10 a 13 horas.

 

Martes, 14 de febreiro de 2017  

A Guarda acolle este xoves unha xornada informativa das axudas e sensibilización medioambiental

O Grupo de Acción Local do Sector Pesqueiro Ría de Vigo – A Guarda está a levar a cabo unha serie de xornadas de presentación de axudas e sensibilización medioambiental, das que esta semana se levarán a cabo dúas.

A primeira destas xornadas terá lugar na Guarda, na Confraría de Pescadores Santa Tecla, o xoves, día 16, a partir das 18'30 horas coa apertura a cargo de Silvia Crespo Campos, Patroa Maior da Confraría de Pescadores “Santa Tecla”. Tras esta introdución dará comezo a presentación da orde de axudas e Estratexia de desenvolvemento local participativo con Elena Herbello. A continuación comezará a exposición de Manuel Garci sobre as Mareas Vermellas, tema principal da xornada e rematarán cunha mesa redonda-coloquio.

A outra charla terá lugar no concello de Moaña o venres, día 17, sobre "A educación como ferramenta para a sostenibilidade no marisqueo na Ría de Vigo".

Os destinatarios destas accións son a xente do mar, emprendedores en actividades vinculadas ao mar, sectores auxiliares da pesca, asociacións e público en xeral.

 

O concello da Guarda felicita aos seus deportistas polos recentes éxitos acadados

Catro deportistas guardeses recibiron a felicitación do concello da Guarda polos recentes éxitos acadados nas distintas disciplinas nas que participaron.

Óscar Alonso Alonso vén de gañar, a medalla de ouro no Campionato Galego de Remoergómetro, celebrado en Ferrol e unha de prata no Campionato Nacional.

Damián Alonso Alonso conseguiu dúas medallas de ouro, no Campionato de Europa celebrado en París, nas distancias de 2000 e 500 metros.

Elsa Pena Vicente logrou o primeiro posto nos 3000 metros lisos na categoría cadete do Campionato de Galicia de Pista Cuberta, co que acadou tamén a mínima para o  Campionato de España.

E Rosalía Soler Lomba fíxose co Campionato Galego Absoluto en 100 metros Mariposa.

Estes deportistas, adiantaron desde a institución local, terán o seu recoñecemento na X Gala do Deporte Guardés, que se celebrará o vindeiro 3 de marzo.

 

Martes, 14 de febreiro de 2017  

A Guarda celebrou un festival solidario a favor da acción contra a fame da ONG Manos Unidas

O pasado sábado, o Centro Cultural da Guarda completou o aforo na celebración do Festival solidario Manos Unidas, evento presentado por Emilia Otero, que tiña como obxectivo principal loitar contra as desigualdades e buscar a colaboración dos asistentes na loita contra a fame.

O festival contou con numerosas e diversas actuacións musicais e de baile; ademais da presentación dun libro, abrindo o espectáculo o acordeonista Daniel Vilanova. Seguiron a esta actuación a presentación do libro “La Voz del Silencio”, de Oliva María Pereira González, intervindo Begoña Cebrián Acuña, presidenta da delegación de Manos Unidas na provincia, que expresou o seu agradecemento aos asistentes e colaboradores do evento e fixo unha pequena presentación dos proxectos que está a desenvolver a ONG como, por exemplo, o que están a levar a cabo en zonas vulnerables de El Salvador.

En segundo lugar interviu a xornalista e poetisa Áurea Sánchez, encargada de introducir a vida e obra da autora de “La Voz del Silencio”. Así fixo unha pequena achega sobre a súa relación persoal e profesional, repasou as obras anteriores de Oliva María e falou da súa biografía, destacando que a solidariedade e a capacidade da autora para dar voz aos que non a teñen son as súas principais características. Para rematar, a propia Oliva María falou da súa obra e da motivación para realizala, que en esencia é a de axudar aos desfavorecidas. E afirmou que no libro conta os seus soños, luces e sombras e que os lectores se verán reflexados neles.

A continuación subiron ao escenario o Trío Luetto interpretando os temas “Aleluya” e “Tu gitana”. O Grupo Baile Moderno Xamaraina, bailou dous temas de estilos diferentes. Dúas nenas leron sendos poemas recollidos en “La Voz del Silencio”, para continuar cos grupos de baile do Ximnasio Do Majó, a actuación das Pandereteiras Coiro Vello, o grupo vigués de Baile Bambalina, rematando este acto a prol de Manos Unidas coa entrega dos agasallos en agradecemento aos participantes, sorteándose os premios das rifas vendidas na entrada do evento para colaborar con esta acción que foi pechada pola Coral do Rosal.

 

Martes, 14 de febreiro de 2017  

Programa de actividades do Entroido guardés 2017

A Concellería de Cultura do Concello da Guarda elaborou a programación do Entropido Guardés que comezará o venres, 24 de febreiro co desfile do “Entroido dos coles”, a partir das 12 horas, desfilando desde a Alameda para rematar na Esquina do Gallo.

O día seguinte, 25 de febreiro, celébrase o “Sábado da mocidade”, ás 17,30 horas, no Centro  Cultural, coa proxección do filme Vicky El Vikingo, e ás 23.30 horas a Carpa da Alameda acollerá o concerto do grupo pontevedrés Gold and Colt con música country-soul. Tras o concerto, á 1 da madrugada, dará comezo o Concurso Drag Queen Guardés, cos homes guardeses disfrazados de muller. As inscricións poden realizarse do 15 ao 23 de febreiro no Departamento de Cultura do Concello, entre as 9 e as 14 horas, no e-mail cultura@aguarda.es ou o mesmo día do concurso ata unha hora antes da súa celebración. Despois do concurso seguirá a noite coa Festa Retro que contará coa actuación de DJ Celig.

O domingo 26 de febreiro terá lugar o “Día das familias”, a partir das 18 horas, coa orquestra Carambola na Carpa da Alameda.

O luns de Entroido, 27 de febreiro, haberá un Obradoiro de Máscaras e Pintacaras na Biblioteca Municipal, ás 11,30 horas. Pola tarde, ás 18 horas na Carpa da Alameda, terá lugar o concerto do Trío Refugallo, grupo de música tradicional infantil. E a partir das 19,30 horas continuará a festa coa Orquestra Estelares.

O martes, día 28, ás 17.30 horas terá lugar, desde a Esquina Famosa, o Desfile de Entroido, cuxo prazo de inscrición nas diferentes categorías (carrozas, comparsas, grupos, individual e parellas infantil, individual e parellas xuvenil-adulto) estará aberto ata o 22 de febreiro. Despois haberá festa coa Charanga Os Charamujas.

 

Sábado, 11 de febreiro de 2017  

Aberta ao público ata o 18 de febreiro a exposición “Camiños da Imaxe” no Centro Cultural da Guarda

Hai unha semana rendeuse unha nova homenaxe ao fotógrafo guardés Joaquín García Portela, “Costiña”, con motivo da publicación do libro “Camiños da Imaxe” que recolle a súa vida e obra, e a inauguración da exposición que xa estivera o pasado verán na Casa dos Alonsos.

Pioneiro da fotografía e filmografía na Guarda, a obra de “Costiña” pode visitarse ata o día 18 de febreiro, no Centro Cultural da Guarda, de luns a sábado, de 10 a 13 horas e de 17 a 20 horas; excepto os sábados, só en horario de mañá.

Costiña é un dos fotógrafos máis lembrados e destacados da vila, que viviu entre 1894 e 1957. Na mostra “Camiños da Imaxe” os visitantes poden atopar imaxes que fixo a veciños da localidade e da súa contorna, fotografías persoais do artista que ilustran a súa biografía e tamén os seus filmes familiares, realizados entre 1926 e 1929 e que supoñen as primeiras películas filmadas na Guarda e por un guardés.

Nestes filmes, que fan de Costiña o pioneiro do cinema na Guarda, hai escenas familiares na súa casa, escenas das festas da Guarda, dos mariñeiros e da costa ou doutros recunchos da localidade que fan destas imaxes uns documentos patrimoniais de gran valor.

 

Sábado, 11 de febreiro de 2017  

O colexio PP. Somascos acolle o martes unha charla sobre prevención do consumo de drogas organizada pola Concellería de Xuventude da Guarda

A Concellería de Xuventude do Concello da Guarda está a levar a cabo distintas actividades destinadas á xuventude, entre elas a prevención da drogodependencia en relación co uso das redes sociais polos mozos como a súa canle de comunicación habitual.

A acción educativa está formada por dúas partes: por unha banda está o traballo que realiza a asociación Érguete cos rapaces de 1º da ESO dos centros educativos do municipio; e por outra banda o traballo coas familias, que consiste nunhas xornadas didácticas nos centros conducidas por Esteban Figueirido, psicólogo e terapeuta familiar.

A través das charlas, unha por cada centro educativo de secundaria do municipio, móstranse as ferramentas e habilidades que axudan ás familias a tratar estes temas cos fillos.  Trala primeira charla no Colexio San José da Guarda, o próximo martes, 14 de febreiro, celebrarase a segunda no Colexio PP. Somascos ás 19:30 horas. E a última terá lugar o 28 de marzo no I.E.S. A Sagriña.

Dende o concello da Guarda convídase a participar a todos os pais, educadores e a a comunidade educativa dos centros, para deste xeito poder acadar coñecementos cos que previr e enfrontarse a un problema tan importante como é o consumo das drogas, sobre todo na poboación máis nova.

 

A E.E.I. A Gándara pide a colaboración do Concello da Guarda para garantir a súa continuidade

Representantes dos pais dos alumnos da Escola Unitaria (E.E.I) da Gándara, que acolle as clases de educación infantil, con escolares de 3 a 5 anos, contamdo nestes momentos con 9 alumnos, acudiron onte ao concello da Guarda, para reunirse co alcalde, Antonio Lomba, e a concelleira de Educación, Elena Baz, aos que recordaron nen este centro hai prazas dispoñibles para que se inscriban nenos da Gándara e de Salcidos, amosando tamén o desexo de que a Escola e os rapaces teñan unha maior presenza e participación na vida cultural da vila.

Desde o concello manifestaron o seu apoio ó labor desta escola, xa que as Escolas Unitarias teñen un gran valor e importancia, en especial no medio rural. Ademais animaron aos pais a seguir apoiando a campaña de promoción da única escola unitaria da vila para manter o número de alumnos necesarios e evitar o seu peche.

 

Sábado, 11 de febreiro de 2017  

Festival solidario de Manos Unidas na Guarda

Hoxe, sábado, ás 19 horas, no Centro Cultural da A Guarda, celébrase o Festival Solidario “Manos Unidas”, coas actuacións da escola de baile Bambalina, o acordeanista Daniel Vilanova, o Grupo de Panderetas Coiro Vello, o Grupo Xamaraina de Baile Moderno, a agrupación Musical Coral do Rosal, o Trío Luetto e o Ximnasio Do Majo Danza Moderna. Haberá tamén un breve rincón de poesía e o acto incluirá a presentación do libro “La Voz del Silencio”, de Oliva María, en favor de Manos Unidas. Tamén se celebrará un sorteo de agasallos aportados polos  establecementos colaboradores, entre os que se atopa un cadro ao óleo de Nanda Rodríguez.

 

O concello da Guarda apoia a campaña a prol dos refuxiados #EuAcollo

O pasado xoves, o alcalde da Guarda, Antonio Lomba, recibiu a representantes da ONG Amnistía Internacional, que acudiron ao concello para presentar ante a súa campaña #EuAcollo, unha iniciativa motivada pola excepcional situación de millóns de refuxiados en todo o mundo. Por primeira vez dende a Segunda Guerra Mundial o número de persoas desprazadas dos seus fogares como consecuencia dos conflitos, a persecución, e as violacións de dereitos humanos nos seus países de orixe superou os 65 millóns. Por isto, e ante a escasa resposta da comunidade internacional e os gobernos europeos, que non están dando unha resposta adecuada á situación, Amnistía Internacional lanza esta campaña para impulsar e promover a acollida de refuxiados.

Na reunión mantida co alcalde da Guarda, dende Amnistía Internacional pedíronlle a presentación da moción sobre o refuxio no próximo pleno da vila. O alcalde adquiriu o compromiso de levar a moción á próxima comisión de asuntos plenarios. Os concellos que se unen a este manifesto instan ao Goberno de España a axilizar o proceso de traslado de persoas refuxiadas a España mediante a súa recolocación e reasentamento e a cumprir no prazo previsto os compromisos acordados coa UE de acoller a 17.337 persoas, das que de momento só acolleu a 979.

Xunto coa acción para acadar a participación dos concellos, a campaña #EuAcollo tamén busca a unión dos cidadáns, de modo que quen o desexe pode adherirse no enlace https://www.es.amnesty.org/actua/acciones/manifiesto-yoacojo/ a un manifesto semellante de xeito individual para pedirl ao goberno que cumpra coas obrigas internacionais e proporcione aos refuxiados unhas condicións de acollida dignas.

 

Venres, 10 de febreiro de 2017  

A Guarda ofrece unha Guía de Empresas na App Concello da Guarda

A Guía de Empresas da App do concello da Guarda estase completando, chegando neste momento a máis de 300 as altas realizadas.

A finalidade coa que se crea esta guía en formato dixital é a de contar cun rexistro actualizado das empresas da localidade, tendo acceso a esta guía todas aquelas persoas que o desexen a través da Aplicación para móbiles App Concello da Guarda, unha aplicación de descarga gratuíta con gran variedade de contidos, que tenta ser unha canle informativa de referencia no Concello.

Para darse de alta as empresas, de forma gratuíta, pode facerse presencialmente na Oficina de Turismo do Concello (planta baixa) ou telefonicamente, chamando ao 986 61 45 46, de 8:00 a 15:00 de luns a venres e enviando un correo electrónico ao enderezo turismo@aguarda.es

Solicitaranse ao anunciante datos coma o nome comercial da empresa, o enderezo, o teléfono de contacto, o horario de atención ao público, o enderezo electrónico (e-mail) e o nome da páxina web ou perfil en rede social (en caso de contar cos mesmos).

 

Mércores, 8 de febreiro de 2017  

A Senda Litoral tamén sufriu os efectos do temporal

Despois de feitas as valoracións dos desperfectos provocados polo temporal do pasado xoves, 2 de febreiro, o concello da Guarda considera como desperfectos importantes, ademais do xa coñecido a través dos medios de comunicación do Espigón do porto, os efectos producidos polo temporal na Senda Litoral.

O mar afectou aproximadamente uns 200 metros de senda, nalgúns casos movéndoa do seu lugar e, nunha lonxitude aproximada de 50 metros, facéndoa desaparecer. Os restos da senda acabaron esparcidos polas fincas ata onde chegou a auga do mar. Ademais disto, na propia senda o temporal provocou unha avaría no colector que vai á depuradora no que están traballando os servizos municipais para darlle unha solución de urxencia.

O alcalde da Guarda, este mesmo luns, púxose en contacto con Costas do Estado para solicitar axuda para reparala o antes posible, dado a gran cantidade de usuarios que ten esta infraestrutura.

Ademais destes dous grandes desperfectos, nunha valoración pormenorizada, obsérvase un gran número de pequenos incidentes como baldosas levantadas, bancos rotos e desaparición de papeleiras, que haberá que ir repoñendo nas próximas semanas.

 

Martes, 7 de febreiro de 2017  

O Club Atletismo Tui-Thermalia proclamouse campión de Galicia Cadete de Campo a Través Individual e por Equipo

Informa Alberto Pena

O equipo do Club Atletismo Tui-Thermalia subiu ao máis alto do podium recibindo o trofeo que as acredita como novas campionas galegas por equipos de campo a través.

Nunha magnífica matinal as cadetes do club foron capaces de saír vitoriosas do gran reto que tiñan: conseguir por primeira vez na historia do club clasificarse entre as mellores de Galicia nunha proba federada e por equipos. Obxectivo conseguido polas novas campionas galegas, adestradas por Daniel Mouriño: Elsa, Laura, Lucía e Cinthia. Con esta vitoria conseguiron clasificarse para representar a Galicia no campionato de España que se celebrará o día 25 de febreiro en Oropesa.

 

 

Martes, 7 de febreiro de 2017  

A Guarda espera la actuación de Portos y Costas para acometer los arreglos causados por los pasados temporales

            Después de los temporales que se registraron la pasada semana, y que provocaron daños materiales, por suerte no hubo que registrar víctimas en A Guarda, ahora esta localidad espera la actuación de las administraciones con competencias para acometer, a la mayor brevedad, las actuaciones más urgentes. Así lo señaló el alcalde el pasado viernes, recordando que los mayores daños se produjeron en el espigón norte, que impide la entrada de las olas por ese lugar siendo necesario para que el oleaje rompa antes de invadir la Rúa do Porto, evitando daños en las viviendas y restaurantes de esta zona, como sucedía antes de la construcción de este espigón.

            El jefe de Portos, que visitó A Guarda a finales de la pasada semana, ya conoció los daños del dique, donde el mar arrancó literalmente unos 30 metros del espigón. Será el Servicio Técnico de Portos quienes harán la valoración adecuada de esta actuación, que desde el gobierno municipal consideran urgente.

            Pero también el Servicio de Costas tiene tarea en A Guarda, aunque de menor impacto, pues el mar deterioró o arrojó materiales al Sendero Azul, que recorre el litoral guardés desde la desembocadura del Miño hasta las Cetáreas del norte, por donde también discurre un tramo del Camiño Portugués pola Costa.

Según  datos del GES, este grupo realizó 40 intervenciones la mayoría incidencias relacionadas con el tendido eléctrico y líneas relefónicas caídos, árboles que cortaban las carreteras y desprendimientos de piedras. En la PO-552 el GES, tuvo que retirar ramas y árboles que cortaban la vía, así como en carreteras secundarias de los municipios de O Rosal y Tomiño. En la zona de Area Grande hubo desprendimiento de rocas.

Las incidencias registradas afectaron también a galpones, tejas levantadas, cierres privados arrancados o destruidos, como es el caso del colegio As Solanas, que linda con el mar por el oeste.           

 

Sábado, 4 de febreiro de 2017  

Fátima Iglesias consigue sacar adelante las dos mociones que defendía en el pleno ordinario de A Guarda

La concejala no adscrita en el concello de A Guarda, Fátima Iglesias, sacó adelante las dos mociones que presentaba dentro del orden del día del pleno ordinario celebrado en A Guarda el pasado jueves. La moción para solicitar a la Consellería de Educación la modalidad de Bachillerato de Artes para impartirse en el IES A Sangriña, que no se imparte en ningún centro de la comarca, contó con la unanimidad de los votos de todos los concejales, agradeciendo la edil el apoyo de la corporación y a los centros educativos, a los directores de IES A Sangriña, PP Somascos, CPI Manuel Suárez Marquier de O Rosal, CP Mestre Manuel García de Oia y al orientador de HH. Carmelitas, por su colaboración para llevar a cabo el sondeo. Alrededor de 20 jóvenes de 4º de E.S.O. manifestaron su deseo de optar por el bachillerato de artes el próximo curso. Agradece también la concejala el apoyo de miembros de las AMPAS y padres que manifestaron su interés a través de las redes sociales.

La segunda moción aprobada con los votos de la oposición y el voto en contra del grupo de gobierno socialista, solicita la revisión de los badenes y reductores de velocidad del municipio para que se adapten si no lo están a la normativa vigente.

 

Venres, 3 de febreiro de 2017  

O BNG presenta unha moción para garantir o subministro eléctrico ás persoas sen recursos

O Bloque Nacionalista Galego presentou unha moción para que os Gobernos galego e español do PP garantan o subministro eléctrico ás persoas con poucos recursos.

O BNG lembra que en Galiza a taxa de risco de pobreza situouse no ano 2.015 no 19,4%, o que significa que máis de 700.000 persoas están en risco de exclusión social ou pobreza.

A moción insta ao Goberno galego a realizar as modificacións lexislativas necesarias para garantir o subministro enerxético ás familias que estean en situación de pobreza e, adopte medidas prácticas para evitas as dramáticas consecuencias desta problemática nos fogares galegos máis desfavorecidos.

Ademais, insta ao Goberno español a regular a prohibición de corte de subministro unilateral por parte das empresas subministradoras de servizos esenciais como enerxía para evitar cortes ás familias sen recursos.

“O goberno local non só debe garantir por medio da administración municipal e dos servizos sociais públicos o apoio as persoas que o precisaren, senón que tamén debe impulsar diante do Estado español e da Xunta de Galiza iniciativas para a prestación de servizos básicos destinados aos grupos máis desfavorecidos”, comentou Ángel Baz, portavoz municipal do BNG.

A moción do BNG solicita do Goberno español a creación dunha tarifa eléctrica galega atendendo á condición de Galiza como excedentaria na produción de electricidade que posibilite unha baixa das tarifas tanto para o consumo doméstico como para as empresas.

 

Venres, 3 de febreiro de 2017  

O PP da Guarda esixen  a retirada das palmeiras mortas nos espazos públicos e a solución ao perigo que supón a fonte da Alameda

Segundo a voceira Conchi Ortega “as palmeiras mortas polas pragas como a do picudo vermello, presentan na actualidade un aspecto lamentable, e atópanse en total situación de abandono con  perigo potencial das palmas que permanecen unidas ao tronco xa que en caso de temporal, as palmas poderían voar e alcanzar a unha persoa ou un vehículo, provocando un serio accidente”.

Por este motivo veñen de presentar moción no pleno ordinario esixindo que  o grupo de goberno proceda á retirada inmediata dos espazos públicos das palmeiras afectadas, para evitar así o risco de accidentes.

Ademais O  Partido Popular de A Guarda,  denuncia que a Fonte da Alameda, de dubidosa calidade funcional e estética, supón un potencial perigo para a xente que pasa ao seu carón e especialmente para os nenos que xogan neste máis concorrido, por non dicir o único espazo de lecer que posúe a nosa vila. Presenta unha moción para buscarlle solución xa que son moitas as familias que están realmente preocupadas polo perigo que representa esa fonte, principalmente pola súa xeometría e os afilados cantos do seu bordiño.

No pleno, o PP presentou 5 mocións que afectan directamente A Guarda: a obra pendente da rúa A Cal, o cambio de nome de tres rúas, informar do regulamento do lixo, quitar as palmeiras mortas e solucionar os problemas de seguridade da fonte da Alameda. 

 

Venres, 3 de febreiro de 2017  

Nueva temporada en carretera del Club Ciclista Guardés

Para el próximo domingo 5 de febrero, el Club Ciclista Guardés, comienza na nueva temporada en bicicleta de carretera.

Desde este club esperan que este año se desarrolle como mínimo igual que el anterior y sobre todo que con mayor cuidado en las carreteras.

 

Xoves, 2 de febreiro de 2017  

Hoxe, Pleno da Corporación da Guarda ás 20 horas

                A Coporación da Guarda celebrará hoxe, xoves, ás 20 horas, sesión ordinaria de Pleno coa seguinte Orde do Día:

PUNTO 1.- APROBACIÓN ACTAS DAS SESIÓNS ANTERIORES (ORD. 25/11/2016 E EXTRAORD. 21/12/2016)

PUNTO 2.- DAR CONTA DOS DECRETOS.

PUNTO 3.- PROPOSTA DA ALCALDÍA DE APROBACIÓN DO RECOÑECEMENTO EXTRAXUDICIAL Nº 1/2017.

PUNTO 4.- PROPOSTA DA ALCALDÍA DE APROBACION DA ADDENDA Ó CONVENIO DE COLABORACIÓN ENTRE OS CONCELLOS DE TUI E A GUARDA RELATIVO Á SUBMINISTRACIÓN DE AUGA A ESTE ÚLTIMO CONCELLO UTILIZANDO INSTALACIÓNS DE TITULARIDADE DO CONCELLO DE TUI.

PUNTO 5.-  MOCIÓNS.

1.             RE nº 7.402 de CCD asumida mediante escrito RE 55 polo Partido Popular.- Moción para o inicio das obras da rúa A Cal  no tramo da fonte da Cal hacia a estrada de Circunvalación.

2.             RE nº 8.003 de CG.- Moción para a disolución da Agrupación de Voluntarios de Protección Civil de A Guarda.

3.             RE nº 8.039 de CG – Xacementos arqueolóxicos.

4.             RE nº 231 do BNG – Moción para garantir o subministro eléctrico ás persoas sen recursos.

5.             RE nº 232 do BNG.- Moción para prevención, control e corrección dos efectos que provoca o xabarín.

6.             RE nº 265 da Peña Celtista do Baixo Miño asumida por escrito RE 285 do Partido Popular.- Cambio de denominación de rúas.

7.             RE nº 273 da Concelleira non Adscrita.- Moción para que o Concello da Guarda solicite a modalidade de bacharelato de arte para o IES A Sangriña de A Guarda

8.             RE nº 407 de CG.-  Reordenación e saneamento do espacio entre as casetas e o muño de Mazaracos.

9.             RE nº 408 de CG.- Expedición de DNI na Casa dos Alonsos

10.     RE nº 432 de CG.- Polo mantemento do servizo de ADIF en Guillarei.

11.     RE nº 469 do PP.- Moción para publicitar o regulamento de lixo.

12.     RE 470 do PP.- Moción para a retirada das palmeiras mortas do espazos públicos.

13.     RE 471 do PP.- Moción par a modificación da fonte da Alameda.

14.     RE 484 da Concelleira non Adscrita.- Moción para a revisión dos reductores de velocidade existentes no municipio e adaptación, se é preciso, á normativa vixente.

15.     RE 485 de CG.- Proposta de creación da ordenanza fiscal reguladora da taxa pola utilización privativa ou aproveitamento especial do dominio público local das instalacións de transporte de enerxía electrica, gas, auga e hidrocarburos.

16.     RE 486 do BNG.- Moción para promover o coñecemento da obra e do compromiso coa lingua, coas mulleres e co pais de Rosalía de Castro.

PUNTO  6.- ROGOS E PREGUNTAS

 

Xoves, 2 de febreiro de 2017  

O concello da Guarda promove o seu sector turístico e gastronómico na XVIII edición de “Xantar”

O concello da Guarda está presente nunha nova edición de Xantar, o Salón Internacional de Turismo Gastronómico. Esta feira, que acadou en 2014 o recoñecemento de Internacional, celebra do 1 ao 5 de febreiro a súa 18º edición no recinto de Expourense, ao que se espera que se acheguen miles de persoas durante estes cinco días.

Esta é a segunda feira á que concello da Guarda acude neste ano 2017 para promocionarse como destino turístico tras a súa participación na Feira Internacional de Turismo de Madrid o pasado mes de xaneiro. Nesta ocasión a representación do concello acude a unha cita coa gastronomía e o turismo para seguir impulsando o seu sector turístico nunha data que reúne 232 expositores procedentes de 11 países diferentes. Nestes días en Expourense estarán presentes 15 restaurantes e o recinto acollerá unha gran diversidade de actividades como un Encontro de Bloggers Gastronómicos de España e Portugal a través das redes sociais, numerosas catas e degustacións ou talleres didácticos con chefs de prestixio dos diversos países participantes. Ademais haberá conferencias, presentacións literarias, exposicións de arte e ata máis de 200 actividades diferentes.

Deste xeito, ademais de recrear experiencias gastronómicas dos lugares presentes na Feira, como é o caso da Guarda, coa que se exaltan as materias primas e a gastronomía de cada destino, Xantar tamén é un punto de encontro dos recursos turísticos. Dentro do recinto de Expourense danse a coñecer os atractivos gastronómicos, paisaxísticos e históricos de cada rexión.

A Guarda conta co seu propio stand no que os visitantes poderán informarse das novidades da vila como a Rede do Museos, o Centro de Interpretación das Fortalezas Transfronteirizas, as festas e lugares de interese da vila ou as visitas guiadas que se poden realizar ao MASAT (Museo Arqueolóxico Monte Santa Trega), ao Castelo de Santa Cruz ou ao Museo do Mar.

Trátase dunha feira á que se achegan visitantes de toda a provincia de Ourense, así como do norte de Portugal, de León e da provincia de Lugo, un público que tradicionalmente visita e pasa as súas vacacións de xeito asiduo na vila. Coa súa presencia, o concello da Guarda busca atraer visitantes de proximidade, que en pouco máis de hora e media podan achegarse á Guarda.

Ademais, sempre houbo unha forte vinculación con familias de Ourense que escollían A Guarda para os seus días de vacacións. Xantar serve para reforzar este vínculo e amplialo, dando a coñecer  e promocionando os numerosos atractivos turísticos que ten para ofrecer a vila e as novidades dos últimos anos.

 

Xoves, 2 de febreiro de 2017  

A Guarda homenaxea co libro “Camiños da Imaxe” e aulas especiais nos colexios a figura de Joaquín García Portela “Costiña”

O Concello da Guarda, en colaboración co Proxecto Socheo, organiza unha serie de actividades arredor da figura e obra de Joaquín García Portela, máis coñecido polo alcume do Costiña. As actividades céntranse na presentación dunha unidade didáctica nas escolas da Guarda e rematarán coa presentación do libro que leva por título Camiños da Imaxe, coordinado por Xurxo González e Beli Martínez.

As películas do Costiña, filmadas na década de 1920 e recuperadas recentemente cun chisco de fortuna, son as máis antigas realizadas na Guarda ou por un guardés das que se teñen constancia.

Este programa forma parte da homenaxe que lle quere tributar a vila da Guarda á memoria do Costiña. Concretamente vén sendo a segunda parte despois da exposición con fotografías e máis a exhibición dos seus filmes restaurados que tivo lugar nos meses de xullo e agosto do 2016 na Casa dos Alonsos.

Dende aquela, e da man da Deputación de Pontevedra, traballouse na edición dunha publicación que dá testemuña á figura e máis a obra do senlleiro fotógrafo guardés.

A presentación do libro terá lugar mañá, venres, 3 de febreiro, ás 20:30, horas no Centro Cultural guardés. Este acto terá como colofón a proxección dos filmes familiares de Joaquín Portela, musicados ao piano polo mestre Karolis Biveinis.

Esta semana cultural complétase cunha serie de presentacións dos filmes do Costiña nos centros educativos da Guarda onde porase en práctica unha unidade didáctica deseñada para a ocasión. Os centros que se adheriron a esta iniciativa son: Pais Somascos, Manuel Rodríguez Sinde, A Sangriña e San José – HH. Carmelitas.

Asemade, nunha das salas do Centro Cultural volverase pendurar a colección de fotografías recuperadas para a exposición debido a excelente acollida que tivo este material entre veciños e visitantes.

A unidade didáctica pódese consultar en https://proxectosocheo.wordpress.com/unidadecostina/

 

As gravacións de Joaquín García Portela e a súa descuberta

Joaquín García foi un dos fotógrafos máis lembrados na Guarda, na que viviu entre os anos 1894 e 1957.

Entre os anos 1926 e 1929 realizou unha serie de filmes familiares que permaneceron ocultas ata que, no Nadal do 2015 e durante unha limpeza do faiado, as súas netas Joaquina e Celia Martínez  atoparon unha caixa con 8 rolos de películas no formato 9,5 mm da Casa Pathé.

A familia contactou có Proxecto Socheo e púxose en marcha un traballo de análise e posta en valor que permitiu a súa dixitalización e exhibición pública.

A maioría da súa metraxe  son variadas secuencias costumistas relacionadas co mundo do mar: mariñeiros, actividade no porto, vida na Ribeira, recollida de argazo, redeiras, embarcacións, arranxando gamelas, temporais… Mais tamén atopáronse rexistros de celebracións guardesas como a fogueira de San Xoán no muíño de Mazaracos, misa e procesión da Festa da Guía, Festa do Monte ou a Romaría de Santa Trega. Tampouco faltan  secuencias do mundo rural da zona de Salcidos e o Castro: recollida de patacas, cría de animais, escenas campestres… Ademais de imaxes da Guarda tamén hainas do Berbés, en Vigo.

 Sobre o Proxecto Socheo

O Proxecto Socheo comezou a súa andaina no 2011, dende entón recibiu galardóns como o o Premio de Alfabetización Audiovisual do Ministerio de Educación, Cultura e Deporte, xunto o IES A Sangriña, ou o segundo premio do Concurso de Proxectos e Ideas para a Xestión Cultural; tamén foi protagonista de sesións e atención en lugares e institucións como o Festival Cineuropa de Santiago, exposición Plan de Rescate na Coruña, Centro Galego de Artes da Imaxe, Proxecto Grand Treasures en Estonia, Carballo Interplay, Cineclub de Caminha, Memoria Acústica Europea, Memorybytes en Barcelona, Cine Club de Pontevedra, II Encontro para a creación común de cinema doméstico,… entre outros.

A maior parte do seu traballo de arquiveiro da memoria audiovisual do Baixo Miño e A Guarda está dispoñible en Internet, a través dunha canle homónima en Youtube que superou as 119.000 visitas. Pódense ver máis de 300 películas desde a década dos anos 20 até a actualidade. Igualmente pódese seguir a súa evolución nas redes sociais.

 

Mércores, 1 de febreiro de 2017  

O PP de Guarda pide ao Concello que informe aos veciños sobre o novo regulamento do lixo

O Partido Popular da Guarda pide ao Concello que ofreza maior información aos veciños sobre o novo regulamento do lixo que entrou en vigor o pasado 30 de decembro. Así, propoñen que se publique un especial do Boletín de Información Guardés, onde se dea a coñecer de xeito didáctico o contido deste novo regulamento, como por exemplo, cales son os novos horarios para depositar o lixo e que multas conlevará o seu incumprimento, e que se encargue aos profesionais locais a creación de un cartel informativo con todos os datos máis relevantes.

Será a través dunha moción que defenderán o xoves, no pleno municipal, e na que tamén suxiren que se habiliten paneis en diferentes lugares do municipio para a pegada de carteis, e así evitar a proliferación de publicidade no mobiliario público.

A voceira local do PP, Conchi Ortega, recorda que o PP votou en contra deste regulamento porque só se lexislan as esixencias dos cidadáns e as sancións, e se esquece de recoller cales son as obrigas do concello, como por exemplo, a limpeza do contedores de lixo ou a frecuencia da recollida. Ademais, tampouco inclúe a obriga de manter os espazos públicos en perfecto estado de salubridade e seguridade. Así, a popular lamenta que este documento  saíse aprobado sen atender ningunha das alegacións que presentaron os grupos da oposición e que, polo menos no caso dos populares, atendían algunhas das demandas dos propios veciños.

Ademais, Conchi Ortega critica que “a pesar de que leva un mes en vigor, os veciños descoñecen cal é o seu contido, polo que dificilmente poderán cumprir coa norma e, o peor de todo, corren o risco de ser sancionados aínda sen saber que están facendo algo mal”. Como exemplo, apunta que posiblemente descoñezan que se lles vai cobrar cando leven ao Punto Limpo máis de dous capachos con restos de obra.

 

Mércores, 1 de febreiro de 2017  

Mocións de Fany Iglesias, concelleira non adscrita, para que o concello solicite a modalidade de bacherelato de Arte para o IES A Sangriña da Guarda e da instalación de redutores de velocidade

O Congreso dos Deputados aprobou en novembro de 2013 a Lei Orgánica 8/2013, de 9 de Decembro, para a mellora da calidade educativa LOMCE, publicada no BOE o 10 de decembro de 2013.  A lei non sustitue senon que  modifica o texto da Lei Orgánica 2/2006, de 3 de maio, de Educación.

A LOMCE establece tres modalidades de bacherelato distintas:

·Ciencias

·Humanidades e Ciencias Sociais

·Artes

Duas de estas modalidades de Bacherelato se veñen impartindo no IES A Sangriña da Guarda, pero a modalidade de Artes non se pode cursar neste centro, pero tampouco se pode cursar en ningún centro da nosa comarca, é ademáis tamén é complicado conseguir plazas en outras localidades.

Son varios os mozos e mozas que xa este curso 2016/17 tiveron que optar por trasladarse a Vigo para cursar esta modalidade ou desestimala, cursando outra distinta a desexada.

Sabemos que son moitos os xóvenes que deciden optar por ciclos formativos de formación profesional que non poden cursar na nos vila, xa que son moitísimas as familias formativas que se ofertan dende educación, e os requisitos que hay que cumplir (mínimo de alumnos, aulas e talleres específicos, laboratorios, maquinarias,...) no caso da modalidade de bacherelato de artes, o elemental é coñecer a través dos centros de educación secundaria da Guarda e cercanos (O Rosal e Oia), a cantidades de xóvenes interesados en cursar esta modalidade para o curso 2017/18 e trasladar os datos a Xunta de Galicia e a Consellería de Cultura, Educación e Ordenación Universitaria para tratar de atopar solucións.

Polo que, contemplada esta posibilidade, se somete ao Pleno do Concello de A Guarda a adopción dos seguintes acordos:

1º  Recabar os datos do número de alumnos interesados en cursar a modalidade de Bacherelato de Artes dos centros de Educación Secundaria Obrigatoria da Guarda (achéganse datos)

2º Poñer en coñecemento dos alcaldes dos concellos de Oia e O Rosal a solicitude que se vai facer a consellería de Cultura, Educación e Ordenación Universitaria para que aporten datos sobre o número de alumnos do centro de Educación Secundaria do seu municipio que poderían estar interesados en cursar a modalidade de Bacherelato de Artes.

2º Solicitar dende o concello de A Guarda as corporaciones dos concellos de Oia e O Rosal o apoio a solicitude da Modalidade de Bacherelato de Artes para o IES A Sangriña de A Guarda.

2º Trasladar a petición da Modalidade de Bacherelato de Artes para o IES A Sangriña da Guarda a Consellería de Cultura, Educación e Ordenación Universitaria da Xunta de Galicia

Redutores de velocidade

               No noso concello se viñeron instalando nos últimos anos, elementos destinados a reducir a velocidade dos vehículos en diversos tramos. Elementos que está demostrado que melloran a seguridade viaria e son moi efectivos.

               Pero tamén é certo que éstes elementos deben axustarse a normativa técnica do Ministerio de Fomento, para así mellorar a seguridade viaria e que varios foron os concellos galegos que tomaron a decisión de revisar estos badenes ou reductores de velocidade que obrigan os vehículos a moderar a velocidade.

               Os criterios básicos a seguir para a instalación dos elementos se regulan na orde FOM/3053/2008, de 23 de setembro, pola cal se aproba a Instrucción Técnica para a instalación de reductores de velocidade e bandas transversais de alerta. Según a citada orde, estas elevacións deben ter unhas medidas e lonxitudes, do contrario, de acordo co acordo co Reglamento General de Circulación, no artigo 5.2 consideranse obstáculos na calzada, aqueles resaltos que non cumplan a normativa establecida.

               O incumplimento da normativa do Ministerio de Fomento por parte do equipo de goberno, se fora o caso, podería orixinar demandas por danos e perxuicios dos cidadans o que pode  causar desembolso económicos en concepto de indemnizacións de aqueles que poidesen verse afectados polo incumplimento.

               Por todo isto, contemplada esta posibilidade, se somete ao Pleno do Concello de A Guarda a adopción dos seguintes acordos:

1º  Proceder a traves dos mecanismos necesarios, a revisar os reductores de velocidade ou badenes do municipio da Guarda para dar cumplimento a Orde 3053/2008 do 23 de setembro do Ministerio de Fomento ou calquera outra revisión vixente se a houbese.

2º Proceder a adecuación inmediata de estes elementos á normativa vixente, se se detectan incumplimentos, ou   poñelo en coñecemento da administración competente se fora o caso.

3º Se teña en conta este acordo plenario de adecuación a normativa vixente na instalación de elementos reductores de velocidade no futuro.

 

Mércores, 1 de febreiro de 2017  

O Centro Cultural da Guarda acolle este venres a presentación da publicación “Camiños da Imaxe”

Este venres, 3 de febreiro, ás 20'30 horas, o Salón de Actos do Centro Cultural da Guarda acolle a presentación da publicación “Camiños da Imaxe”, libro que inclúe a obra do fotógrafo guardés Joaquín García Portela, “Costiña”, e que xa se deu a coñecer nunha exposición realizada na Casa dos Alonsos o pasado verán.

Na presentación do libro estarán o alcalde da Guarda, Antonio Lomba; o deputado de Cultura da Deputación de Pontevedra, Xosé Leal, e Ricardo Silva como portavoz da familia de Costiña. A presentación estará ao cargo de Xurxo González Rodríguez e Beli Martínez, de Proxecto Socheo, comisariados da exposición do pasado verán.

A publicación recolle a obra do fotógrafo e filmógrafo guardés Costiña, pioneiro do cinema guardés, do que foron atopados e dixitalizados os seus filmes familiares realizados entre 1926 e 1929, que supoñen as primeiras películas filmadas na Guarda e por un guardés, nas que se poden ver paisaxes locais como a costa, o monte, o porto, a chegada da flota pesqueira ó Berbés (Vigo), así como escenas da vida cotiá protagonizadas pola familia do fotógrafo, especialmente polas súas fillas Joaquina e Celia. A proxección estará acompañada por unha interpretación musical do pianista e compositor Karolis Biveinis.

Con este acto completarase unha semana de actividades realizadas en torno á obra de Costiña durante a cal se traballara cos colexios de primaria da vila nos que Xurxo, de Proxecto Socheo, imparte unha unidade didáctica dando a coñecer a obra de Costiña e a importancia do fotógrafo guardés. A vindeira semana tamén se continuará este labor de difusión coa proxección das imaxes nas asociacións de Avelaíña e San Xerome, así como na Residencia da 3ª Idade e en Centros da E.S.O.

O mesmo día da presentación do libro abrirase de novo ao público a exposición “Camiños da Imaxe”, que permanecerá no Centro cultural ata o sábado 18 de febreiro, podendo visitarse.