Sábado, 27 de febreiro de 2010     

O BNG pronúnciase en Tomiño a favor da fusión das caixas galegas

O acto foi presentado pola Responsábel Local do BNG en Tomiño, Cristina Martínez, e forma parte da campaña que o Bloque Nacionalista Galego está a realizar en todo o país para explicar a Lei de Caixas impulsada polos nacionalistas e as posibilidades dunha fusión galega.

Ao longo do acto espúxose que na situación na que se atopan as caixas galegas é inévitábel unha fusión. Calquera caixa de aforros que pretenda aceder  ao FROB  (Fundo de Reestructuración Ordenada Bancaria) para solventar a súa situación financeira debe contar con 50.000 millóns en activos. Dado que nengunha das caixas galegas cumpre este requisito a única vía para poder optar a estes fundos pasa por unha fusión.

“Unha vez que a fusión é inevitábel o BNG defende que se faga dentro de Galiza -explicou Bieito Lobeira- xa que é a única maneira de que o aforro das galegas e os galegos quede no país. Só hai dúas alternativas posíbeis: unha grande caixa galega co seu centro de decisións en Galiza, ou dúas filiais de caixas foráneas” -engadiu.

O deputado nacionalista defendeu a Lei de Caixas impulsada polo BNG como un instrumento indispensábel para que Galiza participe directamente na xestión das caixas garantindo así que o aforro galego se invista na economía produtiva do país.  Segundo explicou, “esta lei garante que Galiza manteña un sistema financeiro propio que permitirá restaurar o fluxo de crédito a empresas e particulares, garante en definitiva que os recursos económicos galegos se poñan ao servizo de Galiza”.

Durante o debate posterior insistiuse en que a fusión das caixas galegas con caixas de fóra de Galiza suporía que na práctica as dúas caixas deixarían de seren galegas. “A alternativa á fusión galega é converter ás dúas caixas actuais en filiais de Cajamadrid e Caixastur ou Ibercaja -dixo Bieito Lobeira- impedindo que sexamos os galegos e galegas os que tomemos as decisións sobre os nosos aforros”.

Tomiño organiza un curso de reparacións domésticas básicas para mulleres

A Oficina de Igualdade do Concello de Tomiño organiza un curso de “Reparacións domésticas básicas” dirixido a mulleres non expertas na materia.

O obxectivo do curso, especialmente é a aprendizaxe das posibles reparacións e solucións dos desperfectos que ocorren no fogar.

O curso, cunha duración total de 20 horas, iniciarase o vindeiro 15 de marzo, impartíndose os luns pola tarde. No transcurso da acción formativa as alumnas aprenderán como reparar mobles (gretas da madeira, danos no chapado, roturas, etc.) e cerramentos (renovar portas, peches, cintas de persianas e cambios de cristais). Outros contidos do curso serán os revestimentos (reparar papel pintado, pintar paredes e teitos, radiadores, reparar moquetas e azulexos), a electricidade (reparar fluorescentes, enchufes ou substituír alóxenos) e a fontanería (desatascar un desaugadoiro, reparar unha billa ou cambiar un sanitario).

A alcaldesa de Tomiño, Sandra González, explicou que con esta actividade “quérese dar ás mulleres habilidades en tarefas que son realizadas por homes habitualmente e nas que moitas veces as mulleres nos sentimos dependentes”. Ademais, a organización da actividade responde ás demandas realizadas por usuarias da Oficina de Igualdade, e “foi atendendo a estas peticións que decidimos organizala”, indicou a rexedora.

Ciclo de teatro no Auditorio de Goián con catro representacións os sábados ás 21.00 horas

Co título “Marzo mes do Teatro”, a Concellaría de Cultural, Educación e Participación Veciñal, a Federación de Asociacións de Tomiño ‘Terramiño’ e a Escola Municipal de Teatro e Danza, organizan un ciclo das artes escénicas que terá lugar no Auditorio de Goián as 21.00 horas e que comezará o 6 de marzo coa compañía “A Contrabutaca Produccións” que fará subir ao escenario a Isi e Dorotea Bárcena para representar “Un morto moi vivo”.

            O día 13 será a Compañía Fulano, Mengano e Citano quen presentarán o espectáculo “Nunca menos”.

            O día 20 será “Abrapalabra”quen representará “Historias tricolores”.

            Pechará este ciclo, o día 27, “Máscara Produccións” escenificando “Por diante… e por detrás”.

Asemblea da Comunidade de Montes de Goián

A Comunidade de Montes de Goián celebra mañá, domingo, no Centro Goianés Asemblea. Será ás 11.30 horas en primeira convocatoria, e ás 12.30 horas en segunda. Os comuneiros deben levar o carné.

Este domingo as catro e cuarto Sardoma-F.C Tomiño femenino

Tralo parón da liga a pasada fin de semana pasado, este domingo retoóase a competición. As tomiñesas veñen de colleitar un empate a dous no Alivio que ben puido rematar en derrota pese a facer máis méritos có Gondomar que non foi quen de encontrar o seu sitio no campo, así e todo as tomiñesas foron ao descanso ca avantaxe dun gol que puido ser algún máis. No segundo tempo, o pouco de comezar, volverían marcar un segundo gol, por certo un gol precioso no que unha xogadora tomiñesa apercibiuse da posición adiantada da porteira do Gondomar, e sen pensalo elevoullo por riba marcando un tanto espectacular. Todo pintaba ben para o conxunto local, pero as visitantes empezaron a empuxar e bastáronlle dúas boas xogadas para empatar o partido e unha terceira que rematou en penalti, que parou a porteira tomiñesa cunha expléndida parada, deixando as táboas igualadas no marcador. Este domingo dispútase a última xornada de liga as catro e cuarto da tarde no campo das Relfas entre o Sárdoma-FC Tomiño feminino. A xunta directiva do FC Tomiño feminino quere agradecer a todos afeccionados o apoio mostrado ao equipo durante a súa primeira tempada en competición oficial e tamén recordar que en breve comezará a copa da que seguiremos informando.

Venres, 26 de febreiro de 2010     

¿Niños santos?: materia de la conferencia que cierra el ciclo “La iglesia en nuestros días” en Tomiño

El Ciclo de Conferencias “La Iglesia en Nuestros Días”, organizado por la Concejalía de Cultura, Educación y Participación Vecinal de Tomiño y la Diócesis de Tui-Vigo, a través de la parroquia de Goián, se cierra mañana, sábado, a las 20.00 horas, con la conferencia del Catedrático de Historia Contemporánea en la Universidad de Alcalá de Henares, Francisco Javier Paredes Alonso, con el título “Santos de Pantalón Corto: Vivir la Fe en el Mundo Actual”, que tratará, entre otros temas, de la santidad de los niños.

El ponente presentará el libro del que es  autor y que lleva por título precisamente “Santos de Pantalón Corto”, en el que se analiza el perfil biográfico de los niños menores de quince años que han sido declarados santos.

Según Manuel de Santiago,  coordinador del Ciclo, “hubo un tiempo en que algunos dudaron si a los niños se les podía canonizar. Para justificar su oposición esgrimían toda una serie de objeciones de carácter psicológico, jurídico y hasta teológico. Es un hecho que los procesos se retrasaron, en ocasiones, ante estos debates”.

BIOGRAFÍA

Javier Paredes es renovador del género biográfico en los ámbitos universitarios, ha publicado varias biografías de destacados políticos y hombres de empresa de los siglos XIX y XX. Es director de la Historia Contemporánea de España y de la Historia Contemporánea Universal, utilizadas como manuales en las universidades españolas desde hace años. Compagina su tarea universitaria con colaboraciones en los medios de comunicación, entre los que cabe destacar radio Intereconomía y el semanario Alba.

A aceptación do Programa de Maiores do concello de Tomiño fai necesario duplicar os servizos

O Programa de Maiores impulsado pola Concellaría de Benestar Social do Concello de Tomiño, está a consolidarse despois de varios anos de traballo desde o Departamento de Maiores e Educación Familiar. Así o reflicten os datos do programa de estimulación cognitiva e relaxación que se leva a cabo dende o devandito departamento.

O concelleiro de Benestar Social, Pablo Baquero e a técnica de Educación Familiar, Isabel Ayán, informaron que a partir do mes de outubro do pasado ano, veuse a necesidade de incrementar as horas das sesións impartidas, pasándose das dúas inicialmente previstas ás catro da actualidade máis as do obradoiro de Ioga, enfocado como técnica terapéutica e de relaxación.

 “A aceptación do programa por parte dos destinatarios é o que nos leva a querer ampliar e mellorar o proxecto, xa que vemos resultados importantes nos últimos anos e iso nos anima a seguir na mesma liña”, comentou o edil responsable da área.

Na actualidade hai unha vintena de persoas maiores que asisten de forma permanente ás aulas do programa dúas veces á semana. Alí reciben formación e estimulación cognitiva a base de actividades de cálculo, memoria, xogos, etc., obtendo tamén apoio psicolóxico e creando lazos de amizade e solidariedade con outras persoas que se atopan nas mesmas circunstancias.

Debido á maior afluencia de usuarios nos últimos meses, os Servizos Sociais están a piques de desdobrar as aulas, seguindo un criterio de especificidade dos casos dos asistentes. Deste xeito, se organizarían dúas aulas diferentes para atender as necesidades, por unha parte, das persoas que requiren un traballo de mantemento como o que se ven prestando ata o momento, e por outra, dos maiores que necesitan unha atención máis especializada por ter un maior grado de deterioro que lles impide seguir o desenvolvemento dunha clase ordinaria.

Mércores, 24 de febreiro de 2010     

A Escola de Nais e Pais de Tomiño continúa a súa actividade o vindeiro venres

            A Concellería de Sanidade e Benestar Social do concello de Tomiño, que dirixe o centrista Pablo Baquero Álvarez, informa que a próxima charla da Escola Municipal de Nais e Pais será o venres, día 26 de febreiro, ás 20.00 horas na Casa da Cultura de Tomiño.

O tema escollido para a charla “Axudando aos nenos máis inquietos”, será impartida pola psicóloga clínica, Estela Portillo Encina e pola logopeda, Eva Mª López Domínguez, da Asociación ANHIDA.

            Para facilitar a asistencia de nais e pais, cóntase cun servizo de ludoteca, ofrecido por educadores sociais co fin de coidar dos pequenos durante a actividade.

            Para inscribirse e facer uso da ludoteca, é preciso chamar ao número de teléfono 986 623 211, ou escribir unha mensaxe ao enderezo electrónico: educacionfamiliar.programa@gmail.com

O concello de Tomiño remata a mellora dos accesos ao Centro de Día e contorna

O Concello de Tomiño acometeu, con cargo ao Fondo Estatal de Inversión Local (FEIL), a mellora do vial e da contorna do Centro de Día que entrará en funcionamento en breve.

A intervención, que vén de rematarse, contou cun investimento próximo aos 200. 000 euros, achegando o concello 120.000 e o Consorcio Galego de Servizos Sociais os 80.000 restantes.

A urbanización destes accesos ao edificio, situado no barrio da Rocha detrás do novo Centro de Saúde, inclúe ademais da mellora do vial, a dotación dos servizos de saneamento, electricidade, telefonía e pavimentación, dotando á instalación dunha entrada que se estende dende a estrada xeral ata as propias portas do centro. O novo camiño, rematado en pedra, ten a amplitude necesaria para a entrada de vehículos e ambulancias.

O concelleiro de Benestar Social, Pablo Baquero, indicou que se están a levar a cabo as xestións necesarias para a pronta apertura do centro, do que poderán beneficiarse os maiores tomiñeses e os seus coidadores. Nestes momentos só queda pendente a colocación do mobiliario interior que xa foi adquirido.

A alcaldesa de Tomiño, Sandra González, visitou onte a mañá as obras dos accesos rematados en compañía do concelleiro Pablo Baquero, co fin de comprobar o resultado da intervención.

González salientou que as obras realizadas deron acceso a un novo equipamento público e ao mesmo tempo melloraron a contorna do barrio onde viven moitos veciños. A rexedora fixo especial fincapé na paciencia destes últimos durante a consecución das obras, e cre que o esforzo valeu a pena.

Obradoiro de Nanas en Tomiño

        A Oficina de Igualdade de Tomiño organiza un “Taller de Nanas”, iniciativa innovadora que ten coma fin axudar a nais e pais na crianza dos seus fillos e fillas.

        A actividade, que impartirá a cantante galega Ugía Pedreira, do grupo “Marful”, terá lugar este sábado 27 de febreiro no Centro Goianés, en horario de 12.00 a 14.00 e de 16.00 a 18.00 horas.

        No taller trataranse nanas e cancións de berce tradicionais e ás súas posibles versións para a actualidade.

        Antes do taller de nanas, Rosa Bugallo, presidenta da Asociación Cultural “Vagalumes”, dará unha charla sobre “Conexión telemática e filosofía”.

        Para máis información e inscricións, dirixirse á Oficina de Igualdade, na rúa Colón, 2. 1º andar, ou chamar ao número de teléfono 986 608 070.

Venres, 19 de febreiro de 2010     

A Plataforma do Furnia esixe inversión en saneamento para as parroquias de Amorín, Currás, Sobrada e Piñeiro

A Plataforma do Furnia unha vez coñecidos os orzamentos do concello de Tomiño para o ano 2010 lamenta que unha poboación de máis de 2.000 veciños de Amorín, Currás, Sobrada e Piñeiro sigan sin perspectivas de saneamento.

 Pregunta a plataforma ao concelleiro Santiago Vergara onde está a financiación para o colector xeral Carregal-Sobrada que o concello de Tomiño anunciou na prensa alá por decembro de 2007, cun presuposto de 1.300.000 euros e que a día de hoxe nada se sabe. Na Plataforma, engaden, “cremos que é un engano aos veciños confirmar na prensa unha obra tan importante como un colector xeral, que dous anos despois está sen iniciar, e que ademais a actual Xunta de Galicia non contempla como investimento”.

Las apariciones de Fátima materia de la conferencia de mañana sábado en Goián

El Ciclo de Conferencias “La Iglesia en Nuestros Días”, organizado por la Concejalía de Cultura, Educación y Participación Vecinal del Concello de Tomiño y la Diócesis de Tui-Vigo, a través de la parroquia de Goián, continúa maña, día 20, centrándose en las Apariciones de Fátima, a cargo del Profesor de Derecho Canónico, en la Universidad Católica de Lisboa, Manuel Fernando Sousa e Silva.

El ponente presentará el libro del que es  autor y que lleva por título “Los Pastorcitos de Fátima”.

Según Manuel de Santiago,  coordinador del Ciclo y traductor de esta obra, Fernando Sousa conmueve y confirma en la verdad de lo que narra.

"La beatificación de los dos videntes Francisco y Jacinta despertó en el mundo entero un vivo y bien justificado interés por todo cuanto se refiere al mensaje de Fátima. Historiadores, autores espirituales, teólogos y biblistas intentan profundizar sobre el mensaje sin agotarlo; siempre es posible extraer de su riqueza cosas nuevas y viejas como sucede con el Evangelio de quien Fátima es síntesis (…). El libro de Manuel Fernando Sousa e Silva es una clara muestra de lo anteriormente dicho (…). Fátima, en su plenitud, es Dios en la Historia de la Humanidad. No se puede describir la historia del siglo XX sin una referencia obligatoria a los acontecimientos de Fátima, como dijo un día Juan Pablo II".

 “Las apariciones de Fátima, cuyos mensajes, incluido el tercer secreto, han sido verificados por los acontecimientos históricos (atentado contra Juan Pablo II un trece de mayo, caída del comunismo después de la consagración de todo el mundo al Corazón Inmaculado de María,…), fueron acompañados por signos que muchos pudieron contemplar.

Pero, como un corolario de aquella manifestación amorosa  hacia los hombres, aparecen los tres pastorcillos, Francisco, Jacinta y Lucía. Los dos primeros han sido beatificados y cabe esperar que también lo sea Lucía, muerta en 2005”.

Según Manuel de Santiago, estamos ante una historia clara, ordenada y documentada sobre las apariciones de Fátima, donde además del mensaje de la Virgen, se subrayan los perfíles humanos y espirituales de los tres videntes. Un trabajo que vale la pena leer y meditar.

En este magnífico libro se nos pone en contacto con aquellas almas sencillas, infantiles, que sufrieron una transformación profunda a partir de las apariciones de Cova de Iria. Lo que el autor logra, y conmueve al lector, es observar la acción del Espíritu Santo en las almas de esos pequeños.

BIOGRAFÍA

Manuel Fernando Sousa e Silva nació en San Lourenço de Sande, Guimâraes, Portugal, en 1932. Estudió en el seminario de Braga donde fue ordenado sacerdote en 1956. Doctor en Derecho Canónico, es profesor de esta disciplina en la Universidad Católica de Lisboa. Considerado como uno de los mejores expertos en el mensaje de Fátima, ha publicado numerosos artículos en diversas revistas. Director de la revista de liturgia y pastoral Celebraçao litúrgica, en la que colabora desde su fundación, en 1970. Su libro más reciente se titula Caminhos de amor (Descoberta do projecto pesoal de vida).

Xoves, 18 de febreiro de 2010     

Tomiño presenta uns orzamentos “inversores” con catro millóns de euros de investimento real

O Goberno Tripartito de Tomiño presentou este mediodía os Orzamentos do ano 2010, que ascenden a un total de 9.892.000 euros, dos cales 3.913.969 euros se dedicarán a investimentos reais. Estas última cifra é practicamente o dobre do ano pasado, grazas á subvención nominativa de 1.700.000 euros contemplada nos Orzamentos Xerais do Estado para acometer o proxecto de “Recuperación ambiental do entorno da Fortaleza de San Lourenzo e praia de Goián”.

Os orzamentos foron presentados pola alcaldesa de Tomiño, Sandra González (BNG), acompañada polos tenentes de alcalde e concelleiros Jesús Castiñeira (CdT) e Santiago Vergara (PSdeG-PSOE).

A rexedora local cualificou ás Contas do 2010 como “fundamentalmente inversoras en tempos de crise”. Segundo explicou, o goberno optou por conter o gasto en persoal, que se reduce nun 5%, creándose só unha praza fixa de policía local, co fin de cumprir o compromiso de achegarse a un axente por cada mil habitantes.

Ao mesmo tempo, o goberno municipal optou, por segundo ano consecutivo e sendo consciente da grave crise economica actual, por conxelar os salarios dos responsabeis politicos e non incrementar impostos nin taxas.

En canto aos investimentos reais, que ascenden a case 4 millóns de euros, a alcaldesa salientou o feito de que o Ministerio de Cultura ingresará ao concello 1,7millóns de euros para acometer o proxecto de recuperacion ambiental do entorno da fortaleza e praia de Goián, antes mencionado. “Queremos resaltar a capacidade do goberno municipal para a búsqueda de fondos, neste caso no Ministerio de Cultura, e dicir que estamos pendentes da sinatura do convenio que permitirá facer ealidade unha obra tan ambiciosa coma esta”. 

O goberno municipal, acordou, por outra parte, tendo en conta a crise económica, realizar un ambicioso plan de obras municipais. “Pensamos que nestes momentos as administracións cómprelles unha maior responsabilidade no impulso da economia e en xerar actividade económica. Así, o goberno deseñou un plan de investimentos que implica obras en todas as parroquias e que constituían unha demanda social”, explicou a alcaldesa.

Entre as obras máis importantes que se acometerán con cargo a estes orzamentos, cabe resaltar as actuación do saneamento de Forcadela cun importe de 300.000 euros; a creación dunha área deportiva en Sobrada, valorada en 210.000 euros; o remate da Unión del Porvenir (200.000 euros); a 2ª fase da humanización do entorno da igrexa de San Salvador de Tebra (110.000 euros) e o acondicionamento do parque de Carregal de Arriba e do parque do Árbol en Vilachán. Con cargo ao PPC, tamén se acondicionará a estrada desde a Igrexa até Outeiro en Santa María de Tebra. 

A estas accións hai que engadir as que se van a realizar con gargo aos fondos do Plan E, como son a humanización da praza de Barrantes, a senda peonil de Vilachán, a reforma dunha casa municipal para local cultural e os proxectos de aforro enerxético na rúa da Guarda, en Tomiño, e na avenida Ordóñez, en Goián.

Outra das grandes obras que o goberno municipal valora moi positivamente é a que se vai executar no 2010 de Recuperación ambiental do rio Cereixo, que permitirá achegar o saneamento ás tres parroquias de Tebra, e que supón un investimento de 2 millóns de euros, froito dunha subvención europea que o Concello de Tomiño se encargou de xestionar, así como a creación dunha senda de valor medio ambiental e paisaxística.

Tamén compre resaltar a reforma e ampliación da Casa da Cultura, para a que se destinan 400.000 euros, e reformas estructurais de varias escolas unitarias que se atopan en mal estado.

A alcaldesa cualificou as Contas do 2010 como as “máis inversoras da historia de Tomiño, e que se reparten polas 15 parroquias en función das súas necesidades e nas que se contemplan investimentos con fondos municipais, provinciais, autonómicos, estatais e europeos. “Ademáis da lectura económica ou inversora que se poida facer destes orzamentos, estes teñen unha lectura política de cohesión e afortalamento do goberno tripartito que dede hai dous anos e medio dirixe o goberno”, subliñou a rexedora. Neste particular coincidiron os outros membros do goberno, así como no feito de considerar estes orzamentos como os “máis inversores” da historia tomiñesa.

O Grupo Municipal do Partido Popular de Tomiño insta ao goberno tripartito a retirar o proxecto de orzamentos para o ano 2010

O proxecto de orzamentos para o ano 2010, que se levará a Pleno hoxe, xoves, terá como principal novidade a solicitude dun préstamo a distintas entidades bancarias por un importe de 1.700.000  euros (un millón setecentos mil euros) que suporá unha débeda superior aos 2 millóns de euros e situará ao concello bordeando a quebra financieira nos vindeiros anos, segundo un comunicado do PP tomiñés.

Da análise destes orzamentos os populares “destacan” a cantidade de cartos destinada a Arquitectura e Etnografía, cunha inversión de 1.700.000 euros (un millón setecentos mil euros) que irán destinados á fortaleza de Goián.

O resto das inversións que terán que financiarse a través de préstamo irán destinadas a acometer obras de índole “prioritaria” como é a compra de mobiliario para a casa dos mestres e  instalación de apliques para ditas casas.

Trátase, engaden desde o PP local, dun proxecto de orzamentos que vén a acrecentar a desigualdade entre as parroquias. A partida de saneamento que debera ser prioritaria pasa a ser secundaria cunha dotación mínima de tal forma que as parroquias que non teñen saneamento seguirán sen telo.

Mentres a gran maioría dos concellos axustan os orzamentos á grave situación económica que se está a padecer, o tripartito, segundo o Partidfo Popular, intenta agochar a súa falta de xestión, non treméndolle o pulso en permitir que Tomiño  acade un hito histórico: ser un dos concellos con máis débeda da provincia. “Seremos pois, todos os veciños e veciñas os que, por medio dos impostos, sufraguemos as consecuencias dunha decisión e dunha maneira de gobernar  imprudente e irresponsable”.

A portavoz municipal pregúntase onde están os proxectos tan mencionados por este  tripartito  como é a construcción da piscina municipal, a modificación do PXOM e o saneamento integral.

Mércores, 17 de febreiro de 2010     

Convocatoria de sesión ordinaria  do Pleno da Corporación

            A Corporación de Tomiño celebrará mañá, xoves, sesión ordinaria do Pleno da Corporación municipal ás 20.00 horas, na Casa do Concello, co seguinte Orde do Día

1. Aprobación actas 30 de outubro, 23 e 30 de decembro 2009

2. Aprobación proposta modificación convenio pavillón Sobrada

3. Aprobación proposta modificación ordenanza reguladora subvencións

4. Aprobación proposta modificación ordenanza reguladora axuda no fogar

5. Aprobación definitiva contas xerais 2008

6. Aprobación inicial orzamento municipal ano 2010

7. Aprobación bases reguladoras selección xuiz de paz titular

8. Coñecemento de resolucións da Alcaldía ata 31.12.09

9. Moción CDT orzamentos autonómicos

10. Moción CDT Camiño Santiago

11. Rogos e preguntas

Tomiño acolle a I Xornada da liga galega de Horseball

O pasado sábado,13 de febreiro, celebrouse na parroquia tomiñesa de Pinzas, a I Xornada da Liga Galega de Horseball nun campo de xogo novo, grazas á  colaboración da Concellaría de Deportes e Lecer do Concello de Tomiño e da Comunidade de Montes de Pinzás.

É de destacar a gran acollida que tivo na localidade esta disciplina, xa que a pesar do frío reinante na xornada, asistiu un considerable número de público para ver as evolucións dos xogadores que forman parte do equipo “Vigo-Pinzás Horseball”, que no seu primeiro encontro venceu, 6 a 2, ao equipo da localidade coruñesa de Coristanco,  “Breogán Horseball”. 

A liga de Horseball, un ano máis, estendeuse no territorio coa finalidade de dar a coñecer a todos os afeccionados á hípica as excelencias deste  deporte.

A  Federación Hípica Gallega e Vigo-Pinzás Horseball, desexan agradecer ao tenente alcalde Jesús Castiñeira e ao concelleiro de Deportes, Fernando Álvarez , a súa colaboración xa que grazas a ese apoio foi posible a celebración deste evento.

O concelleiro de Deportes e Lecer pola súa banda explicou que decidiron apoiar a competición por tratarse dun deporte novo na zona e que podería ampliar a oferta que se fai dende o Concello.

A Xunta de Galicia financia con cuarenta e seis mil euros a construcción dunha pista de skate en Tomiño

A Concellaría de Deportes e Lecer do Concello de Tomiño, que dirixe o centrista Fernando Álvarez, vén de ser beneficiaria dunha subvención de 46.395 euros para a construcción dunha pista de skate no Campo da Feira, en Tomiño.

Trátase da primeira instalación destas características dentro do municipio, se ben, segundo o Concelleiro, está prevista a construcción doutra semellante en Goián, para o que xa se incorporou a proposta de orzamentos do presente exercicio, que está previsto sexa aprobada polo Pleno da Corporación o vindeiro xoves 18 de febreiro, a correspondente partida.

Nesta ocasión a Xunta, a través da Secretaría Xeral para o Deporte, achegou o 80% do financiamento e o Concello tivo que aportar o resto.

Actualmente a pista de skate xa está rematada e a partir de agora aberta ao público, constando de 6 elementos con distintos graos de dificultade.

Fernando Álvarez quixo expresar o seu agradecemento á Xunta de Galicia xa que “a súa achega fai posible que unha vella reivindicación dun sector da xuventude de Tomiño se faga finalmente realidade”.

Martes, 16 de febreiro de 2010     

O Desfile de Entroido de Goián espera bater récords de participación

Organizado pola Asociación Entroido de Goián coa colaboración da Concellaría de Cultura, hoxe vaise celebrar o tradicional desfile de Entroido de Goián que comezará ás 16.00 horas.

Ás nove da noite celebrarase a verbena amenizado polas orquestras Benidorm e Ilusión. E o mércores, día 17, será a despedida do entroido co Enterro da Taíña ás sete da tarde.

O concelleiro de Cultura e tenente de alcalde, Jesús Castiñeira Diz, salientou o esforzo de organización realizado polo departamento de Cultura para manter o nivel do desfile, que medra cada ano: “En Goián as expectativas son moi boas cun carnaval moi arraigado, cunha gran tradición que xorde do propio pobo”.

Jaime Martínez, presidente da comisión organizadora, pola súa banda, informou que no desfile participarán carrozas de Goián e doutros puntos da comarca. “O ano pasado a afluenza de asistentes foi algo fóra do común, e nesta edición esperamos outro tanto. Non fai falta inscribirse, todos son aceptados”, indicou.

O pasado día 12 tivo lugar o tradicional desfile de Entroido de Tomiño “Venres de Foliada”, un dos máis populosos da comarca e no que participaron máis de 1500 persoas.

A Concellaría de Cultura, Educación e Participación Veciñal, organizadora do evento, confirmou a participación de 26 comparsas con carroza e outras seis sen carroza, ademais de varias rondallas, charangas e treboadas que conferiron ao espectáculo gran dinamismo e sabor popular.

Éxito da manifestación histórica dos pescadores do Miño

      Nunha concentración histórica douscentos pescadores do río Miño, tanto galegos coma portugueses, reuníronse o pasado sábado a primeira hora da tarde fronte ao embarcadoiro de Goián para facer escoitar a súa voz e reclamar que se lles teña en conta á hora de tomar decisións sobre o río Miño.

        As primeiras embarcacións estaban no punto de encontro ás catro da tarde e durante media hora os barcos foron chegando dende os distintos portos de Tui, Amorín, Tabagón, Goián, Campos, Seixas, Vila Nova, Áncora...

        Portaban unha pancarta na que se podía ler “Pescadores do Miño unidos para reclamar os seus dereitos a seguir pescando meixón. A unión fai a forza”.

        Os presidentes das tres asociacións convocantes, Samuel Martínez Otero, da Asociación de Pescadores do Baixo Miño; Antonio Felgueiras, da Asociación de Pescadores de preservación do río Miño de Vila Nova de Cerveira e de Caminha, e Paulo Silva, da Asociación de Pescadores de río e mar de Caminha, fixeron unha valoración moi positiva da concentración.

         Samuel Martínez Otero dicía que logo da manifestación do sábado a súa posición vai cambiar porque van deixar de ser o eslabón máis débil da cadea. E repasaba os problemas do río. Manifestaba que a concentración foi un éxito e indicaba que agora van ver os resultados e logo da próxima reunión de límites en xuño na que estarán convidados, agardan que a partir de entón se lles teña en conta.

Luns, 15 de febreiro de 2010     

Emprendedores, empresarios e asociacións asistirán a unha xornada técnica do programa Leader para coñecer as posibilidades de subvención dos seus proxectos

O vindeiro día 24 de febreiro terá lugar, en Tomiño, unha xornada técnica para a difusión da convocatoria das axudas do Programa Leader Galiza 2007-2013, organizada pola Asociación Grupo de Desenvolvemento Rural MAIV-Baixo Miño (AGDR18), responsable da xestión dos cinco millóns de euros aos que ascenden as axudas  a conceder.

Á xornada de difusión, que terá lugar no Auditorio Municipal de Goián ás 20.00 horas, serán invitados comunidades de montes, asociacións culturais e veciñais, empresarios e emprendedores que puideran ter unha idea susceptible de ser subvencionada polos fondos Leader.

Todos os interesados, públicos e privados, en promover proxectos que contribúan ao aumento da competitividade do sector agrogandeiro e forestal, á mellora da calidade de vida, o medio ambiente e a contorna rural  ou a diversificación da economía rural, poden solicitar estas subvencións a fondo perdido que poden supor axudas de ata un 45% da inversión elexible no caso de proxectos produtivos ou ata o 100% nos non produtivos. O orzamento destas axudas para o período 2007-2013 supera os 5 millóns de euros.

Tamén poden acudir os empresarios que queiran ampliar ou diversificar o seu negocio actual. “O recomendable é que traian unha idea concreta e que poidan coñecer os baremos que se teñen en conta á hora de puntuar un proxecto”, explica a alcaldesa de Tomiño, Sandra González, vicepresidenta do AGDR 18.

Na reunión de Tomiño os técnicos do GDR18 informarán sobre o alcance destas axudas, os posibles beneficiarios e o procedemento a seguir para acadar as subvencións ao tempo que aclararán as dúbidas sobre o programa que poidan ter os interesados e plantexarán exemplos prácticos.

Á xornada de difusión do día 24 lévase a cabo despois de que tivera lugar a presentación das axudas o pasado día 26 de xaneiro neste mesmo municipio. Coa mesma intención, celebraranse outras sesións técnicas polos distintos concellos da Área Intermunicipal de Vigo-Baixo Miño, dirixidas aos posibles promotores de proxectos.

Emprendedores tomiñeses

Á reunión do día 24 será convidada unha trintena de emprendedores que poderían estar interesados en levar adiante un proxecto produtivo, que cree riqueza e postos de traballo na localidade. Son persoas que pasaron pola Oficina de Desenvolvemento Local durante o último ano coa intención de crear algunha empresa. O perfil destes emprendedores é variado e de idades comprendidas entre os 25 e os 45 anos.

Nos dous meses que leva aberto o prazo de solicitude foron moitos os promotores de Tomiño que se achegaron ao Grupo de Desenvolvemento Rural a informarse sobre estas axudas e xa se está a tramitar algunha delas que, de ser aprobadas, contribuirán en gran medida ao desenvolvemento endóxeno e sostible do noso rural.

Na páxina web www.agdr18.org pode atoparse toda a información referente á asociación AGDR18, o Programa Leader Galiza 2007-2013 e outros proxectos de desenvolvemento rural nos que se está a traballar.

Sábado, 13 de febreiro de 2010     

Este domingo FC Tomiño feminino-Gondomar as catro e media no Alivio

Partido duro o disputado o domingo pasado en Matamá no que as tomiñesas acadaron unha victoria a pesar de xogar case toda a segunda parte cunha xogadora menos por dobre amonestación, e algunha que outra lesionada. Pouco fútbol se viu en Matamá e si moita faltas por parte do conxunto local. Ás tomiñesas bastáronlle dúas xogadas que remataron en gol na primeira parte para levarse o partido, e aínda que as xogadoras locais acurtaron distancias, non foron quen de acadar o empate, e pese a xogar contra dez apenas inquietaron o marco visitante. Este domingo as catro e media no campo do Alivio partidazo de rivalidade entre dous equipos separados por tres puntos: o FC Tomiño feminino medirase co Gondomar.

Venres, 12 de febreiro de 2010     

A Concellaría de Cultura promove en colaboración coa Coral Polifónica de Tomiño un coro infantil

A Concellaría de Cultura, Educación e Participación Veciñal, que dirixe o concelleiro e tenente de alcalde, Jesús Castiñeira, promove, coa colaboración da Coral Polifónica de Tomiño, a creación dun Coro Infantil destinado a aqueles nenos e nenas interesados na música e no canto, aínda que non teñan coñecementos na materia.

A actividade está orientada aos nenos e mozos de entre 7 e 15 anos que recibirán formación da man do actual director da coral tomiñesa, Javier Alonso Pérez, quen aportará a súa experiencia para conseguir as voces máis axeitadas para a nova formación.

A iniciativa responde, segundo explica Jesús Castiñeira, á intención de dar a oportunidade de coñecer o mundo da música coral dende idades temperás e ao mesmo tempo, coñecer compañeiros e compañeiras coas mesmas inquedanzas. “O único requisito será que o os asistentes teñan o máximo interese na actividade e que acudan aos ensaios”, advirte o concelleiro.

Entre outras vantaxes que pode ter pertencer ao futuro coro infantil atópase a posibilidade de realizar viaxes e intercambios culturais, actuacións e relacionarse con corais de diferentes localidades.

Os ensaios terán lugar na Casa da Cultura, todos os xoves entre ás 18.30 e ás 20.00 horas e o custe da actividade será de tan só 5 euros ao mes.

As clases comezarán a impartirse o día 4 de marzo e xa está aberto o prazo de inscrición. As persoas interesadas poden apuntarse no teléfono 986 622 988.

“Aborto e Eutanasia”, tema do ciclo de conferencias sobre a igrexa organizado pola Concellería de Cultura de Tomiño e a Diocésis de Tui-Vigo

Mañá, sábado, continúa o ciclo de conferencias sobre temas de actualidade na Igrexa Católica que con motivo da conmemoración do Ano Xacobeo organizan a Concellaría de Cultura, Educación e Participación Veciñal do Concello de Tomiño, que dirixe o tenente de alcalde Jesús Castiñeira, e a Diócese de Tui-Vigo, a través da parroquia de Goián.

Neste segundo encontro, Alfredo Luís Martín Pereira, membro do Foro Español da Familia, falará sobre o “Aborto e a Eutanasia” desde o punto de vista dos dereitos humanos, facendo unha reflexión sobre o significado do dereito á vida.

Alfredo Luis Martín Pereira, casado e  pai de tres fillos, é funcionario da Administración Xeral do Estado e licenciado en Xeografía e Historia. Traballou como documentalista en Antena 3 Televisión e como periodista en Diario 16 e Sierra Madrileña. Colaborador do Diario de Pontevedra, Diario de Arousa e do diario dixital Vigo Metropolitano.

A conferencia terá lugar a partir das oito da tarde no Auditorio Municipal, estando coordinada por Manuel Joaquín de Santiago González, párroco de Goián.

O ciclo comezou o pasado sábado coa ponencia “O Camiño de Santiago e o Ano Santo”, e continuará o día 20 de febreiro, co profesor de Dereito Canónico da Universidade Católica de Lisboa, Manuel Fernando Sousa e Silva, que falará sobre o milagre de Fátima.

Finalmente pechará o ciclo Francisco Javier Paredes Alonso, catedrático de Historia Contemporánea da Universidade de Alcalá de Henares que disertará sobre algunhas experiencias de fe no mundo actual.

Hoxe celébrase o Venres de Foliada en Tomiño

              Esta noite terá lugar en Tomiño  o tradicional desfile de Entroido do “Venres de Foliada”, no que participarán máis de 1500 persoas. Está confirmada a presenza de 26 comparsas con carroza e outras seis sen carroza, ademais de varias rondallas, charangas e treboadas que confiren ao espectáculo gran dinamismo e sabor popular.

             O percorrido terá a súa saída ás 22.00 horas no torreiro de festas do Alivio, baixará pola rúa Gondomar, xirará na rúa A Guarda ata a Praza do Seixo e rematará na rúa República Arxentina.

              A Policía Local de Tomiño informa que por mor deste desfile dende ás catro desta tarde non se poderá estacionar nas rúas Gondomar, A Guarda, Praza do Seixo e República Arxentina.  O tráfico polo centro urbano permanecerá pechado dende ás nove desta noite e ata o remate do desfile entorno ás 12.30h da noite, polo que recomendan aos vehículos o uso de vías alternativas.

Xoves, 11 de febreiro de 2010     

A Oficina de Igualdade do concello de Tomiño organiza un segundo curso de cociña para homes 

A Oficina de Igualdade do Concello de Tomiño  organiza un Obradoiro de cociña para homes, baixo o lema “Porque cociñar é tarefa de dous”. Trátase da continuación da actividade celebrada nos meses de outubro e novembro do ano pasado, coas persoas que quedaron en lista de espera.

A duración da actividade será de 10 sesións de 2 horas cada unha, sendo as datas de celebración os martes e xoves comprendidos entre o 9 de febreiro e o 16 de marzo, ambos incluídos.

A través desta actividade, quince homes, de idades e ocupacións variadas, asistirán ás clases impartidas no Restaurante Asensio de 19.00 a 21. 00 horas, onde aprenderán receitas típicas galegas ademais de conceptos básicos sobre cociña e gastronomía.

A Oficina de Igualdade ten coma unha das súas  prioridades a sensibilización en temas de igualdade de oportunidades entre homes e mulleres; por este motivo, o obradoiro de cociña pretende adecuar o modelo de familia aos cambios sociais producidos, co propósito de contribuír a promover efectivamente a igualdade entre homes e mulleres fomentando o interese dos primeiros por tarefas consideradas tradicionalmente femininas.

“Tratamos de romper coas actividades tradicionalmente femininas, utilizando actuacións de carácter práctico para poder conseguir unha visión máis igualitaria de homes e mulleres”, explicou a alcaldesa de Tomiño, Sandra González.

A metodoloxía  será totalmente práctica e dinámica para lograr que os participantes coñezan as técnicas básicas de cociña.

O éxito obtido polo primeiro obradoiro de cociña para homes fai pensar na organización dun curso de perfeccionamento cando o actual cursiño estea rematado.

Mércores, 10 de febreiro de 2010     

Incendio nunha garaxe na rúa Arxentina de Tomiño

    Un coche quedou completamente calcinado e dous máis resultaron afectados coma consecuencia do incendio que na madrugada do luns ao martes se produciu nunha garaxe do número 17 da rúa República Arxentina de Tomiño.

    Segundo a información facilitada polo 112 un particular alertaba ás 6.43 da madrugada da saída de fume do interior da garaxe polo que se mobilizou aos Bombeiros do Baixo Miño, a Protección Civil e á Garda Civil.

    As lapas afectaron completamente a un vehículo estacionado na garaxe e dous máis quedaron afectados, amais o fume chegou tamén ata as escaleiras aínda que afortunadamente non hai que lamentar danos persoais.

Martes, 9 de febreiro de 2010  

O festival “Taíña” encherá Goián de festa e disfraces o vindeiro sábado, 13 de febreiro

O Festival “Taíña”, organizado pola Asociación Xuvenil Taíña coa colaboración da Concellaría de Mocidade e Promoción Económica do concello de Tomiño, terá lugar un ano máis en Goián, o vindeiro sábado 13 de febreiro.

            A praza da Igrexa será o recinto que albergue, a partir das once e media da noite, esta festa que pon un toque moi especial ao Entroido de Goián.

Como vén sendo habitual, o recinto estará cuberto cunha carpa, para que en caso de choiva a celebración poda seguir. A entrada continúa a ser un ano máis gratuíta a pesar de contar coa presenza de grupos recoñecidos no panorama galego e español.

Os grupos que van actuar nesta edición son “O Leo i Arremecaghona”, “La Vaga Banda”, “Los Sundayers” e “Skakeo”.

As persoas que desexen maior información poden consultar a rede social facebook e myspace no enderezo http://www.myspace.com/festivaltaina.

La Concejalía de Educación solicita al jefe territorial de educación  que medie, ante la Consellería, la  desafectación de las escuelas unitarias en Sobrada

La Concejalía de Cultura, Educación y Participación Vecinal del Concello de Tomiño, que dirije el Teniente-Alcalde, Jesús Castiñeira, ha remitido un escrito al Jefe Territorial de Educación y ex concejal de educación en el Concello de Tomiño, César Pérez Ares, solicitándole que interceda ante la Consellería para negociar un convenio que permita la ampliación del actual CEIP de Sobrada y la desafectación de las Escuelas Unitarias.

La Concejalía también desea presentar a Educación el proyecto de reordenación del entorno del antiguo Campo de Fútbol de Sobrada, en el que se incluye, tras la citada desafectación, la integración de las Escuelas Unitarias como Centro Socio-Cultural.

Este proyecto propone su ejecución en distintas fases, la primera de ellas, que se centraría en el actual espacio ocupado por el campo de fútbol, contempla una inversión, en 2010 y con cargo a los fondos propios del Concello, de 210.000 euros, que se han incluido en la propuesta de presupuestos del ejercicio en curso.

La Comunidad de Montes de Sobrada, titular de los terrenos, ha aprobado, en su última Asamblea General, la cesión de la parcela al Concello y, actualmente, se encuentra pendiente de la autorización previa de la Dirección Xeral de Montes.

Finalmente, la Concejalía también desea presentar al Jefe Territorial los proyectos que se han propuesto en el marco del PLAN E-2 para la reforma de las Escuelas Unitarias de Carregal, Forcadela y Seixo.

A Concellaría de Medio Ambiente inicia os traballos para levar o saneamento ás parroquias de Tebra

A Concellaría de Medio Ambiente informa que comezaron os traballos para a construción do colector do río Cereixo. Esta obra, cun investimento de máis de 2 millóns de euros, procedente de Fondos Europeos e executada por Augas de Galicia,  implica a construción de 14 quilómetros de colectores que darán servizo ás parroquias de Sta. María, Vilameán e San Salvador de Tebra.

As obras teñen un prazo de execución de 9 meses, polo que a final de ano deberá estar operativo o servizo para os usuarios. A intervención inclúe, ademais, a remodelación da zona do Lago da Pedra e a rehabilitación dunha senda ao longo do río ata a ponte de San Salvador, que permita poñer en valor a paisaxe do río e os monumentos ata agora descoñecidos coma por exemplo a ponte de Hospital.

Santiago Vergara, concelleiro de Medio Ambiente, sinalou que con este investimento o goberno municipal supera os 4 millóns de euros dedicados a saneamento nesta lexislatura, xa que ademais das obras de Goián e do saneamento do Cereixo, xa foron executadas obras por valor doutros 300.000 euros nos barrios de Pedra do Couto, Xibao, Mosteiro e Vilar de Matos.

No presente exercicio está previsto levar colectores ao Cotro, cun investimento de 200.000 euros do Plan da Deputación e a Forcadela; parroquia na que se investirán 200.000 euros, ademais do colector de Vilachán, no que se investirán outros 100.000 euros.

Luns, 8 de febreiro de 2010  

Concerto de música barroca en Amorín

O pasado sábado, celebrouse na igrexa de Amorín, ás 20.00 horas, o anunciado concerto de música barroca, co aforo case completo para disfrutar desta experiencia musical.

O concerto, organizado pola Asociación Veciños de Amorín, achegou ao pobo a catro músicos de altísima calidade, que trasladaron aos presentes a outras épocas da historia.

Amandine Beyer, Sabela Garcia, Mª José Pampano e Baldomero Barciela, ofrecéronnos un concerto onde sonou a música de Purcell e Pachelbel, entre outros compositores.

Cabe destacar a presenza da alcaldesa Sandra González, así como moita xente doutros pobos de tomiño e de concellos doctos concellos, que se desprazaron hasta Amorin para asistir a este concerto e que non quixeron perderse esta oportunidade

 Ver todoas as fotos do Concerto de música barroca de Amorín por José Quinteiro Domínguez

O “Venres de Foliada” reunirá en Tomiño a unha trintena de comparsas con máis de 1.500 compoñentes

O vindeiro día 12 de febreiro terá lugar o tradicional desfile de Entroido de Tomiño “Venres de Foliada”, un dos máis populosos da comarca e no que participarán este ano máis de 1500 persoas.

A Concellaría de Cultura, Educación e Participación Veciñal, organizadora do evento, confirmou a participación de 26 comparsas con carroza e outras seis sen carroza, ademais de varias rondallas, charangas e treboadas que confiren ao espectáculo gran dinamismo e sabor popular.

O percorrido terá a súa saída ás 22.00 horas no torreiro de festas do Alivio, baixará pola rúa Gondomar, xirará na rúa A Guarda ata a Praza do Seixo e rematará na rúa República Arxentina.

Entre as numerosas comparsas inscritas no desfile figuran as agrupacións locais “Estrelas da Noite”, “Revolution Show”, “Luces de Tomiño”, “Os Terribles de Tebra” e “Abanico de Colores”, “Os do Cristo”, “A Troula”, “Troula Vikinga”, “As Meigas”, “Os anos de Michael”, “Ceibe”, “El polvorete”, “Xa estamos nela”, “E din que hai crise”, que irán acompañadas por outras recoñecidas comparsas das comarcas do Baixo Miño, Louriña, Vigo e zona de influenza.

Entroido de Goián

O Entroido de Goián, de gran tradición na zona, terá lugar o domingo 14 de febreiro. Ás doce da mañá será o desfile infantil; ás catro da tarde haberá xogos populares e a partir das nove da noite baile-concurso de disfraces amenizado polas orquestras Superrama e Trova.

Organizada pola Asociación Entroido de Goián coa colaboración da Concellaría de Cultura, a festa continuará o luns 15 a partir das nove da mañá, cun pasarrúas de Treboadas. Á unha do mediodía será a “Gran Tortillada”, e a partir das nove da noite, baile amenizado polas orquestras Aramio e Passarela.

O martes 16 será o gran desfile a partir das catro da tarde. Ás nove da noite haberá baile amenizado polas orquestras Benidorm e Ilusión. Por último, o mércores 17 a partir das sete da tarde será o tradicional Enterro da Taíña.

O concelleiro de Cultura e tenente de alcalde, Jesús Castiñeira Diz, salientou o esforzo de organización realizado polo departamento de Cultura para manter o nivel duns desfiles que medran cada ano: “En Tomiño modificamos as bases de participación buscando que fosen máis xustas e abertas e penso que, nunha primeira valoración, acadamos os obxectivos plantexados, batendo un novo récord de persoas inscritas, xa que superan as 1.500, o que converte “O Venres de Foliada” no máis participativo de todo o entorno. En canto a Goián as expectativas tamén son moi boas cun carnaval moi arraigado, con moita tradición que nace do propio pobo”.

Venres, 5 de febreiro de 2010  

O plan de eficiencia enerxética de Tomiño produce a diminución dun 180% do consumo en menos de dous anos

Onte a mediodía presentouse en Tomiño o “Plan de eficiencia enerxética no alumeado público”, posto en marcha no ano 2008 e que continuará desenvolvéndose este ano ao longo do termo municipal.

No acto estiveron presentes a alcaldesa, Sandra González Álvarez, o concelleiro de Promoción Económica, Xaquín Villadangos e técnicos de FAIMEVI (Fundación Axencia Intermunicipal da Enerxía de Vigo), responsables da redacción do plan e asesoramento e apoio na aplicación do mesmo.

Segundo os datos aportados polo director da fundación, Bernardo Parajó, Tomiño é un dos concellos pioneiros e máis activos no tema da racionalización da enerxía, preocupado non só por ir facendo cousas senón tamén por facelo dun xeito sistemático e organizado.

O directivo explicou o proceso de traballo desenvolvido dende que en xaneiro de 2008, o concello asinara un convenio coa fundación para a redacción do plan.

Dende abril de 2008 leváronse a cabo actuacións en zonas de Goián, Figueiró, Estás e Torrón, quedando pendentes outras en Cristelos, Sobrada, Forcadela, Goián e Taborda.

            Segundo os datos aportados, a través das actuacións xa realizadas en canto á reforma de instalacións, substitución de equipos electromagnéticos, lámpadas; acendidos programados, redución da contaminación lumínica, etc., rexistrouse un aforro enerxético de máis de 75.000 kWh, o que significa unha diminución dun 179% do consumo e máis de 8.300 euros de aforro. Un dato interesante que aportaron foi que estas cifras poden traducirse en 26 toneladas de CO2 que non se emitiron, o que equivale á súa vez, a 1.875 árbores respectadas.

As actuacións previstas para os próximos meses alcanzarán a zonas de Cristelos, Sobrada, Forcadela, Goián e Taborda, anticipándose un aforro anual só nestes puntos, superior aos 12.000 euros.

A alcaldesa salientou o compromiso do goberno local coa mellora do medio e a calidade de vida da veciñanza, tamén nun tema como o do aforro e eficiencia enerxética. “Dende a administración, temos moito que facer nesta tarefa de ir mellorando o ambiente, aparte de contribuír ao aforro económico; un aspecto moi importante nestes momentos”.

Xaquín Villadangos, pola súa banda, explicou que a intención do Concello é ir traballando por todas as parroquias segundo o indique o plan de actuación, para o que contan cun investimento superior aos 180.000 euros no 2010.

Este domingo as catro da tarde Matamá-F.C Tomiño feminino

Informa Rubén Casaleiro. Gran partido o disputado o domingo pasado na Carballa entre FC Tomiño feminino e o Coia. O encontro deparounos un espectáculo de goles e alternativas no marcador pero con pouco fútbol, así o encontro comezou con dominio total do conxunto tomiñes con escaso perigo, pero nunha contra, foi o equipo de Coia o que se adiantou no marcador, non tardarían moito en empatar as tomiñesas nunha xogada illada que acabou en gol. Co empate parecía que iriamos ao descanso, pero nun dos moitos erros defensivos volveron adiantarse as de Coia. Xa no segundo tempo unha falta ao borde da area grande puxo as táboas no marcador dous a dous, pero a cousa non quedaba así, volvían adiantarse as visitantes noutro erro máis das tomiñesas;tres a dous, así e todo o conxunto local non se rendeu, e tras un penalti por mans na area, empataron a tres. Nos últimos minutos no enésimo erro da tarde, vólvense adiantar as do Coia, e cando todo parecía que ía rematar un balón bombeado desde o campo das tomiñesas, sorprendeu no bote á porteira do Coia rematando o encontro cun empate a catro, que pouco soubo ás tomiñesas tras dominar todo o partido, a pesar de ir a remolque no resultado. Este domingo as catro e cuarto en Vigo Matamá-FC Tomiño feminino, saída do autobús do Woody Pool ás dúas e cuarto.

Xoves, 4 de febreiro de 2010  

Presentación do Plan de Eficiencia e Aforro Enerxético posto en marcha en Tomiño

Ás 12.00 horas deste mediodía terá lugar no concello de Tomiño, a presentación do Plan de Eficiencia e Aforro Enerxético posto en marcha por esta institución, e se darán os resultados obtidos con esta medida.

Estarán presentes neste acto as autoridades municipais e técnicos da Axencia da Enerxía de Vigo (FAIMEVI), responsables da implantación do plan de aforro.

Incendio na nave de Marbar en Tebra

Esta pasada madrugada produciuse un incendio na nave de Marbar en Tebra. O lume iniciouse entorno á unha e media da madrugada e todo parece indicar que foi provocado xa que estaba rota unha das ventás, e no interior había coma dúas fogueiras unha no chan e outra nunha papeleira. As lapas afectaron á parte baixa da nave principalmente á oficina, aínda que non quedou danada a estrutura. No lugar estiveron traballando tanto os Bombeiros do Porriño-Baixo Miño coma  Protección Civil de Tomiño segundo explicou a Concelleira de Seguridade de Tomiño, Julia Cascón.

O incendio prodúcese dous anos despois de que Marbar pechase as súas portas trala fuxida do seu propietario. Durante meses os ex traballadores da empresa estiveron vixiando esta instalación para que non se produciran danos ou a descapitalización da mesma.

Comeza o sábado o ciclo sobre a igrexa na actualidade organizado pola Concellería de Cultura de Tomiño e a Diócese de Tui-Vigo

O vindeiro sábado, 6 de febreiro, dará comezo o ciclo de conferencias sobre temas de actualidade na Igrexa Católica que con motivo da conmemoración do Ano Xacobeo, organizan a Concellaría de Cultura, Educación e Participación Veciñal do concello de Tomiño e a Diócese de Tui-Vigo, a través da parroquia de Goián.

As conferencias terán lugar todos os sábados a partir das oito da tarde no Auditorio Municipal, estando coordinadas por Manuel Joaquín de Santiago González, párroco de Goián.

O ciclo comeza coa conferencia “O Camiño de Santiago e o Ano Santo”, a cargo do sacerdote franciscano, licenciado en dereito civil e canónico e diplomado en Sacra Escritura, Francisco José Castro Miramontes. Coa mesma preténdese dar a coñecer o espírito do Xacobeo e a tradición do Camiño, facendo un breve relato histórico.

Francisco Castro Miramontes (Santiago de Compostela, 1971) é rector do Convento de San Francisco de Santiago de Compostela, director do Museo de Terra Santa de Santiago de Compostela e dirixe e presenta o programa Día Santo da Radio Galega. Autor de varios títulos como “La vida es vella”, “La vida es amable” ou “La sabiduría de la Humildad” é responsable do Hogar San Francisco de Asís, en Santiago de Compostela para a acollida de peregrinos.

A segunda das conferencias, o día 13 de febreiro, correrá a cargo de  Alfredo Luís Martín Pereira, membro do Foro Español da Familia, que falará sobre o Aborto e a Eutanasia desde o punto de vista dos dereitos humanos, facendo unha reflexión sobre o significado do dereito á vida.

O día 20 de febreiro, o Profesor de Dereito Canónico, na Universidade Católica de Lisboa, Manuel Fernando Sousa e Silva, autor dun recente libro sobre a miragre de Fátima, falará dos protagonistas deste importante testemuño do século XX.

E pechará o Ciclo, Francisco Javier Paredes Alonso, catedrático de Historia Contemporánea na Universidade de Alcalá de Henares e autor de diversas publicacións, disertará sobre algunhas experiencias de Fe no mundo actual.

Mércores, 3 de febreiro de 2010  

A Oficina de Igualdade do concello de Tomiño, organiza o segundo curso de Graduado en ESO

A Oficina de Igualdade do Concello de Tomiño organiza por segundo ano consecutivo, co apoio da Consellería de Educación, un curso para a preparación das probas de Graduado en ESO, que comezará na última semana do mes de febreiro e estenderase ata mediados de setembro.

A Oficina de Igualdade decidiu impartir este segundo curso tendo en conta os resultados dos dous primeiros, nos que se acadou un amplo número de interesados e aprobados. No último curso, no que participaron persoas mozas e maiores, rexistrouse más dun 70% de aprobados (de 17 participantes aprobaron 11).

Tendo en conta, ademais, que na localidade non existe oferta formativa de educación secundaria obrigatoria para persoas adultas, o Concello pretende con este curso, segundo explicou a alcadesa, Sandra González, “atender as necesidades de formación dos colectivos máis vulnerables dende unha perspectiva social, especialmente as mulleres que tiveron que abandonar os seus estudos ou experimentaron dificultades para continualos, tendo en conta asemade que a ESO é a mínima titulación requirida na actualidade para un gran número de postos de traballo”.

O proxecto responde, polo tanto, ao compromiso do goberno coa formación das mulleres para axudalas a acadar novos obxectivos no mundo laboral ou na continuación dos seus estudos. “Este é un obxectivo prioritario da Oficina de Igualdade, comprometida dende a súa posta en funcionamento coa formación das mulleres”, subliñou a rexedora.

Existe ademais unha demanda real das mulleres tomiñesas para acadar unha titulación que lles permita incorporarse ao mercado de traballo, ou ben, completar a súa formación e poder acceder a outro tipo de oferta educativa, como os planes de formación ocupacional.

A Oficina de Igualdade plantéxase coma obxectivo principal a obtención do título de Graduado en ESO, pero tamén proponse “promover a autonomía persoal e a autoestima, facilitar a inserción laboral e fomentar o gusto pola formación”.

As interesadas poden inscribirse na Oficina da Igualdade, sita na rúa Colón, 2. 1º andar en horario de mañá, ou chamar ao número de teléfono 986 608 070.

O cineclub Poleiro  pecha o ciclo de inverno coa película  Irina Palm

Será mañá, xoves, ás 21.30 horas, cando se proxecte no auditorio de Goián a película “Irina Palm”, coa que se pecha o ciclo de outono-inverno do cineclub Poleiro dando paso a nova tempada que rematará en xuño, estando xa a venta os bonos de socio do ciclo de primavera.

“Irina Palm” é unha traxicomedia romántica de coprodución europea. Dirixida por Sam Gabarski, conta a historia de Maggie, unha viúva de 50 anos que precisa desesperadamente os cartos necesarios para pagar o tratamento médico que do seu neto. Acumula varios fracasos na búsqueda de emprego ata que atopa unha oportunidade nun sex shop traballando baixo o alcume de Irina Palm.

Marianne  Faithfull encarna á avoa que debe deixar atrás os prexuízos sociais e culturais para conseguir algo que realmente lle importa. O camiño non será fácil, terá axudas e moitas dúbidas.

Ciclo de primavera

O cineclub Poleiro continuará as proxeccións de marzo a xuño, no auditorio de Goián ás 21.30 horas, e, como ata agora, será os primeiros xoves de cada mes, agás exepcións que poidesen darse por cadrar en festivos.

Esta iniciativa conta co apoio da Concellería de Cultura do concello de Tomiño e a Federación de Cineclubes de Galicia. 

Declaración do concelleiro de Medio Ambiente sobre a queixa da plataforma de defensa do río Furnia

Diante da reiterada presenza na prensa da Plataforma de Defensa de Río Furnia e outros, nas que comunicou a presentación dunha queixa diante do Valedor do Pobo, Santiago Vergara, concelleiro de Medio Ambiente, sinala que o Valedor do Pobo non fixo ningunha recomendación ao concello de Tomiño, como sería o lóxico de topar algún motivo na queixa presentada.

Engade o edil de M.Ambiente, que o concello de Tomiño nunca afirmou ter un proxecto de saneamento para o río Furnia. Diso poden dar fe as asociacións de veciños que a través da súa Federación se entrevistaron co mencionado concelleiro. E iso, engade Vergara, tamén o sabe a directiva da plataforma dende o 3 de febreiro de 2009, cando se lle remitiu copia da correspondente memoria valorada.

Co ruído mediático a directiva desta plataforma intenta disimular o continuo fracaso da súa xestión, xa que a súa proposta de saneamento, irrealizable e prexudicial para os veciños de Tomiño, non foi considerada. Agora, dita directiva, dá por boa a solución para as parroquias de Tui que antes rexeitaba, e toda a actividade que pode presentar é un concurso de fotos.

A actuación desta Concellaría vén avalada polo investimento de máis de catro millóns de euros en saneamento, ata a data de hoxe, incluíndo os colectores de Sta. María de Tebra, Vilameán e San Salvador. Esta obra, cun importe de máis de 2 millóns de euros, vai comezar en breve. No caso concreto do Furnia, xestionouse a limpeza da súa ribeira, especialmente na zona dos muíños das Fallas, en Amorín, onde en breve funcionará unha aula da natureza.

Por último, Santiago Vergara considera que é evidente que o obxectivo do presidente actual non é a defensa do río, senón mais ben satisfacer a que cialifica de “enfermiza necesidade de protagonismo”. O concello tomiñés non vai considerar a actual directiva da Plataforma coma interlocutor válido nin na defensa do patrimonio natural, nin para asuntos de saneamento. Pero seguirán como ata agora, colaborando coas asociacións de veciños e coa a súa federación para continuar a mellora do noso medio ambiente.

O concelleiro deu por rematada a polémica existente en torno a este tema e non realizará máis declaracións sobre esta cuestión.

Martes, 2 de febreiro de 2010  

Nova entrega de diplomas aos participantes nos Cursos de Alfabetización Dixital do concello de Tomiño

Os primeiros cursos do 2010 de “Alfabetización Dixital: iniciación á informática e internet”, organizados polo Espazo TIC do concello de Tomiño, finalizaron a pasada semana con 18 novos alumnos, que recibiron de mans da alcaldesa, Sandra González, o diploma que certifica a participación nos obradoiros, destinados a que xente de calquera idade poda adquirir os coñecementos mais básicos no uso da informática e Internet.

Por otra banda, no pasado mes de xaneiro o Espazo TIC impartiu dous obradoiros tecnolóxicos de 16 horas cada un, a través dos que se formaron 14 persoas.

Asemade, durante o mesmo mes, 23 persoas foron inscritas como novos usuarios do espazo para poder aproveitar, de xeito gratuíto, as instalacións e actividades ofrecidas nas horas de aula aberta, utilizada un total de 417 ocasións. En canto aos números xerais, desde que botara a andar este servizo, son xa 713 persoas as que se rexistraron como usuarios. Neste tempo leváronse a cabo 85 obradoiros formándose a 506 participantes.

Os próximos obradoiros que se impartirán no Espazo TIC  son “Mensaxería instantánea”,  que permitirá utilizar diferentes programas para comunicarse en tempo real empregando unha conversa escrita. Terá lugar na aula de ordenadores do Campo da Feira durante os días 3, 4  e 5 de febreiro con dous horarios diferentes, un de maña de 10.00 a 12.00 horas, e outro de tarde entre as 18.00 e as 20.00 horas.

“Curso de alfabetización dixital”. Realizarase na aula de ordenadores do Campo da Feira entre os días 15 e 25, de luns a xoves. Ao finalizar este obradoiro o usuario será capaz de manexar de forma básica un computador, así como de acceder a Internet e utilizar algúns dos recursos básicos dispoñíbeis. Haberá dous horarios diferentes para facilitar a asistencia ás persoas interesadas, sendo un de mañá, entre as 10.00 e as 12.00 horas, e outro de tarde entre as 18.00 e as 20.00 horas.

            Ademais, o mércores 17, ás 19 horas, na aula de ordenadores do Campo da Feira, realizarase unha charla informativa dirixida a mocidade, sobre a páxina web de vídeos “Youtube”, de media hora de duración, na que se exporán diferentes modos de descarga de vídeos aloxados nesa páxina.

O concello de Tomiño organiza cursos para a preparación das probas do CELGA

O Concello de Tomiño organiza por segundo ano consecutivo, co apoio da Consellería de Educación, cursos para a preparación das probas do CELGA nos vindeiros meses de abril e outubro nos niveis 3 e 4, sempre que se consigan alomenos 25 persoas interesadas nalgún dos niveis previstos.

Os cursos teñen unha duración total de 75 horas e impartiranse durante un mes, a razón de dúas horas e media por día, de luns a venres en horario de mañá ou tarde, segundo o número de interesados. Estes poden informarse na Oficina de Desenvolvemento Local do Concello de Tomiño, ou chamando ao número de teléfono 986 622 001/03 en horario de mañá. A data límite para apuntarse é o día 20 de febreiro.

Luns, 2 de febreiro de 2010  

Catro músicos de sona nun concerto único que terá lugar en Amorín

O sábado, 6 de febreiro, a Asociación de Veciños de Amorín organiza un especial acontecemento musical nesta parroquia que comezará ás 20.00 horas e terá como escenario a Igrexa do lugar.

Amandine Beyer, Sabela García, Mª José Pámpano e Baldomero Barciela, unirán o seu virtuosismo instrumental, para deleitar aos asistentes cun excepcional concerto que ofrecerán unha selección de pezas de música barroca de compositores coma Purcell, Pachelbel e Leclair, entre outros, a través dos sons de violínos barrocos e viola de gamba.

As actuacións que lles ocupan todo o ano, ao longo de todo o mundo, tanto a nivel de solistas, como integrando grupos musicais recoñecidos internacionalmente, xunto co seu labor de pedagóxico en diferentes conservatorios e as gravacións de discos, fai moi difícil que se repita unha oportunidade de atopalos xuntos posteriormente.

A Asociación Veciños de Amorín conta coa colaboración da Federación de Asociacións Terra Miño para promover este magistral concerto.