Sábado, 15 de maio de 2010  

“Curso de Repostería” promovido pola Fundación “Las Samaritanas”

A Fundación “Las Samaritanas” impartirá un curso de repostería que forma parte do Programa “Pensa en Ti” subvencionado pola Deputación de Pontevedra.

Cunha duración  de 30 horas, este curso desenvolverase nun local da rúa José Mª Andreini, preto da igrexa parroquial da Guarda, os luns e xoves, de 16.00 a 19.00 horas, e a súa data de comenzo será o 31 de maio, rematando  o 8 de xullo.

Para inscribirse neste curso, que é gratuito e de prazas limitadas, as persoas interesadas deben chamar ao número de teléfono: 986 611 771 antes do 27 de maio.

Venres, 14 de maio de 2010  

O luns celebrarase o Día das Letras Galegas organizado pola Agrupación Cultural Guardesa que tamén homenaxeará a Tino Baz

            O vindeiro luns, 17 de maio, organizado pola Agrupación Cultural Guardesa, e subvencionado polo concello da Guarda e a Deputación de Pontevedra, A Guarda celebrará o Día das Letras Galegas dedicado este ano, na comunidade, a Uxío Novoneira, e na Guarda ao cantuator Tino Baz, de quen falará no Centro Cultural, o 28 de maio, Marisa Guerra Cañizo.

            Para o 17 de maio, e seguindo a tradición do Día das Letras Galegas nesta vila, ás 17.00 horas sairá da Alameda, cara ao Auditorio de San Bieito, o desfile dos grupos participantes nesta xornada de exaltación das letras, que en caso dunha climatoloxía adversa terá como escenario o pavillón do IES da Sangriña.

            Ballet Studio 88, Grupo de Gaitas da 3ª Idade, Os Petóns, Boalleira, da Gándara; Citania, do colexio Solanas; A Ribeira do Miño, do colexio A Sangriña; Quiringosta, de Goián; Churumbela, Xamaraina, Do Lusco ó Fusco, Agrupación Folclórica Vento Mareiro, Os Pelouros do Recreo Artístico Guardés, e Os Netos de Asunción, terán ao seu cargo a parte musical e de baile desta xornada que rematará coa entrega de premios aos gañadores dos concursos infantís de redacción e debuxo convocados pola Agrupación Cultural Guardesa.

            As actividades programadas co gallo do Día das Letras Galegas rematarán o 22 de maio coa homenaxe e recoñecemento a Tino Baz polo seu traballo a prol da cultura. De Tino falará, no Centro Cultural, a partir das 21.00 horas, Marisa Guerra Cañizo. Arroupando esta homenaxe estarán a pianista Laura González e o Coro Cantabile.

Xoves, 13 de maio de 2010  

Ruta de sendeirismo polos camiños do Trega

Aproveitando a inauguración dos Camiños do Trega sinalizados por  iniciativa do Concello da Guarda, o domingo 23 de maio, ás 10.00 horas, realizarase unha ruta de sendeirismo, cunha duración aproximada de 3 horas, que percorrerá os diferentes sendeiros do Monte Santa Trega, saíndo á hora mencionada da Alameda.

Todos aqueles interesados en facer o percorrido poderán apuntarse no concello da Guarda, no número de teléfono 986.610.000 ext. Deportes, ou enviando un correo electrónico a deporte@aguarda.es

Os Camiños do Trega son unha rede de pequenas sendas que permiten achegarnos a este impresionante cumio sobre o río Miño e o océano Atlántico.

Seguindo os seus itinerarios pódese ascender polas súas abas dende a Guarda, dende o barrio da Cruzada ou tamén dende Camposancos, ata visitar o seu afamado castro, a Ermida de Santa Trega, ou as belezas naturais da Pedra Furada e as inigualables panorámicas das que se goza en calquera dirección.

A riqueza histórica e paisaxística do lugar ben merece que se coñezan lentamente, facendo senderismo tranquilamente e co máximo respecto para este gran legado.

Sábado, 8 de maio de 2010  

A climatoloxía adversa prevista para hoxe obriga a trasladar ao próximo sábado o Día do Comercio Xusto

As previsión climatolóxicas para hoxe, sábado, obrigan a trasladar o Día do Comercio Xusto, convocado para hoxe, sábado, á vindeira fin de semana, celebrándose o día 15, na Alameda.

Xoves, 6 de maio de 2010  

A Guarda aproba o orzamento de 2010 ao desestimar a única alegación presentada

A Corporación da Guarda rexeitou por maioría (9 votos do grupo socialista), 5 abstencións (PP e BNG), e un só voto a favor (IV-TEGA), a única alegación presentada aos orzamentos por Iniciativa Veciñal, o que supón a aprobación definitiva das contas municipais para este ano.

Curiosamente non compareceu no Pleno o portavoz da formación alegante, Celso Rodríguez Fariñas, limitándose a edil desta formación política, na súa intervención, a dicir que o seu posicionamento quedou manifestado na alegación, sen defender esa postura.

Pola súa banda Xan Lois Lomba Alonso, portavoz do BNG, sinalou que os informes de Intervención mostráronse moi críticos coa redacción dos orzamentos; engadiu que estabamos en maio e, formalmente, o concello carecía de orzamentos, o que supón, dixo, unha aberración. Lamentou que non se recollesen obras propostas pola formación nacionalista, e considerou que se presentaban uns ingresos moi optimistas. Finalmente dixo que se a estas alturas do ano non había orzamentos, era única e exclusivamente por decisión do grupo de goberno, polo que recomendou á edil de Facenda que se puxese xa a traballar nos do próximo ano.

Finalmente o Partido Popular, a través da súa portavoz Fátima Iglesias, sinalou que se limitaba a ratificar o dito no pleno no que se tratou este asunto.

A concelleira de Facenda, Montserrat Magallanes corrixiu algunhas das intervencións para sinalar que non viñan a debater os orzamentos, senón a alegación presentada. Insistiu en rexeitar a alegación baseándose nos informes técnicos, e aclarou que se traballa na liquidación do orzamento do ano 2009, polo que a xestión municipal neste tema estase levando perfectamente.

2.200 euros de gasto

A convocatoria do Pleno Extraordinario no que o grupo que presentou a alegación (Iniciativa Veciñal-TEGA), ademais dunha ausencia notable como foi a do seu portavoz, non defendeu a súa postura, supuxo para as arcas públicas un gasto de 2.200 euros por seis minutos de sesión cuxo maior contido deullo a intervención do concelleiro nacionalista Xan Lois Lomba Alonso, e da concelleira de Facenda, Montserrat Magallanes, ademais da lectura desestimando a alegación que fixo o alcalde, José Manuel Domínguez Freitas.

Os edís, excepto os que teñen dedicación exclusiva, cobran 70 euros por asistencia ás comisións á que asisten oito concelleiros, celebrándose para tratar esta cuestión dúas comisións (total 1.120 euros).

Por asistencia a pleno, os concelleiros sen dedicación reciben 90 euros, o que supón que polos doce que asistiron á sesión de onte con dereito a percibir indemnización, o concello aboará por este concepto 1.080 euros que sumados ao percibido por comisións, eleva o gasto desta sesión extraordinaria ata os 2.200 euros.

Mércores, 5 de maio de 2010  

Máis actos vandálicos na Guarda

            Os actos vandálicos dos que demos conta hai dous días, con pintadas na fachada da parroquial de Santa María da Guarda e na sede do Partido Popular, afectaron, tamén, a outros lugares segundo se desprende das fotografías enviadas por lectores de galiciasuroeste. As fachadas da igrexa de San Lorenzo de Salcidos apareceron con textos similares aos da parroquial da Guarda, ademais de simboloxía anarquista, e no monte Santa Trega continuaron estragándose sinais que indican os roteiros que se están a recuperar para os sendeiristas que camiñan no Monte Santa Trega.

A las siete de esta tarde se presentará la III Ruta do Pincho, una iniciativa de Ábaco

            La Asociación do Baixo Miño de Comerciantes e Empresarios <Ábaco>, presentará, hoy, miércoles, a las siete de la tarde, la III Ruta do Pincho, una iniciativa que, en las dos ediciones precedentes, gozó de un importante seguimiento por parte del público al contar con la participación de un buen número de establecimientos que se sumaron a esta propuesta en la que se pueden degustar distintos preparados culinarios, optando, al mismo tiempo, a premios directos, unos, y por sorteo, otros.

            Hoy se darán a conocer los establecimientos que participarán en la convocatoria de 2010 así como los premios y degustaciones que se preparan para esta tercera edición.

Martes, 4 de maio de 2010  

Aparecen pintadas nunha fachada da parroquial de Santa María e na sede do Partido Popular

            Na noite do sábado ao domingo pasado, persoas descoñecidas realizaron pintadas nunha das fachadas laterais da igrexa parroquial de Santa María da Guarda e na cristaleira da sede do Partido Popular, que se atopa na rúa Agustín Nandín, próxima ao templo mencionado, e que no é a primeira vez que sofre este tipo de actos vandálicos.

            Recentemente, con connotacións distintas, o concello denunciou tamén a realización de pintadas, alusivas neste caso ao uso do castelán, na sinalización dos roteiros colocados no Monte Santa Trega para indicar as sendas deste espazo que foron homologadas polo organismo correspondente.

Luns, 3 de maio de 2010  

Contratación laboral temporal de 3 auxiliares de policía local durante a tempada verán no concello da Guarda

            Requisitos mínimos esixidos: Graduado en educación secundaria.

            As bases da convocatoria están a disposición dos interesados no rexistro do Concello en horario de 9 a 14.00 horas, de luns a venres, e de 10 a 13 horas do sábado, ata o 10 de maio, data na que remata o prazo para a presentación de instancias.

(Ver Bases completas)

Cea a beneficio da comisión de festas Virxe do Carme

            O 22 de maio, organizada pola Comisión de Festas Virxe do Carme, e a beneficio desta organización, vaise celebrar no Restaurante Juan, do Rosal, unha cea baile, que comezará ás 22.00 horas.

            As invitacións, 38 euros por persoa, poden solicitarse no restaura nte Arruaz, en Informática San Benito e en Decoraciones Bambino.

            O menú será de Selección de aperitivos de entrada, Langostinos al Vapor dos Salsas, Vieiras ao forno, Merluza á roman acon ensalada natural; Tarta Virxe do Carme tarta xeada; Viños branco se tintos país, Augas e refrescos, Café e chupito.

Sábado, 1 de maio de 2010  

Concerto de Primavera da Agrupación Musical da Guarda o 1º de maio

            A Agrupación Musical da Guarda ofrecerá o Concerto de Primavera na Praza do Reló, mañá, sábado, a partir das 12.30 horas.

            Esta formación, integrada por máis de corenta compoñentes, presentouse ao público, amadriñada pola Agrupación Musical do Rosal, o 25 de xuño de 2005, dirixida por Víctor Alonso Treinta, que continúa neste mesmo labor de dirección.

            Entre os éxitos máis recentes está lograr o 2º premio no IX Certame de Bandas de Música da Deputación de Pontevedra celebrado en outubro do pasado ano.