Índice

www.galiciasuroeste.info

 

MAIO

 

Mércores, 31 de maio de 2017   

Os cadetes da AD Tomiño buscan hoxe un posto na final de Copa

Logo de gañar a liga con brillantez, os cadetes da AD Tomiño buscan redondear a tempada accedendo á final de Copa. O encontro, que se disputará hoxe, a partir das 19:45 no Campo de A Carballa, medirá ao equipo tomiñés co Gondomar FB no que pode considerarse unha final anticipada.

Minutos antes do comezo do encontro está confirmado que un representante da Federación Galega de Fútbol entregará aos cadetes da AD Tomiño o trofeo que os acredita como campións de liga, título que obtiveron na presente tempada logo de varios anos quedándose ás portas.

Tamén hoxe, as 19:00 horas, os alevíns da AD Tomiño buscarán pasar de rolda na competición copeira. No seu caso, está en disputa un posto nas semifinais de Copa e o rival será o UD Atios 'C' no campo de O Carballo.

Tanto os cadetes como os alevíns da AD Tomiño buscarán emular aos prebenxamíns vermellos que xa preparan a final de copa que disputarán o vindeiro sábado. A AD Tomiño anima á afección a apoiar aos seus equipos nestes encontros decisivos e especialmente a achegarse a A Carballa hoxe, mércores, para presenciar a entrega do trofeo ligueiro e apoiar ao equipo na súa procura da final.

 

Máis de 200 estudantes tomiñeses rematan as actividades extraescolares cun mural fotográfico

Esta semana clausúranse as actividades extraescolares ofertadas, de forma gratuíta, polo Concello de Tomiño, para todos os centros educativos, tanto para niveis de infantil e primaria, como de secundaria e bacharelato.

Con tal motivo, entregaráselle un diploma de asistencia ao alumnado de todas as actividade (ao redor de 200 alumnos) que, como remate, preparará un mural con fotografías do traballo desenvolvido ao longo do curso.

As actividades que se realizaron foron inglés, francés, multideporte, actividades infantís, lingua de signos e imaxinacción.

De cara á oferta do vindeiro curso distribuíronse cuestionarios entre alumnado asistente, familias e monitores, para coñecer a súa valoración e intereses.

Nalgunhas actividades foi necesario facer varios grupos debido á cantidade de participantes, coma no caso de Inglés e actividades Infantís.

O programa foi unha iniciativa da Concellalía de Educación. Para a selección das actividades, tivéronse en conta diferentes criterios: as características de cada centro educativo, a acollida entre o alumnado (mínimo de 10 persoas), e a vontade de incentivar a empregabilidade e o emprendemento, polo que se contactou con profesionais da zona directamente, non con empresas.

O programa de actividades desenvolvido entre os meses de outubro de 2016 e xuño de 2017, representou un investimento de 14.674,88 euros, procedentes de fondos municipais.

A alcaldesa de Tomiño, Sandra Álvarez, tamén concelleira de Educación, explicou que este programa tenta “ofrecer accións formativas en igualdade, co propósito de que todo o alumnado poida asistir ás clases que elixa, sen que o custe das mesmas, sexa un impedimento para aprender e integrarse”.

 

Martes, 30 de maio de 2017   

O Concello de Tomiño cumpre cos obxectivos de Estabilidade Orzamentaria e Regra de Gasto

As arcas do Concello de Tomiño están saneadas. Así se desprende do balance contable de 2016. Segundo o informe de Intervención, “o nivel de débeda estaría moi por debaixo do 75% dos ingresos correntes”.

Os resultados económicos que o equipo de goberno tomiñés fará públicos tras a celebración da correspondente Comisión de Contas, reflicten unha situación de estabilidade orzamentaria, de acordo coa Lei. Deste xeito, a situación financeira permite facer fronte aos gastos correntes e de capital, obtendo unha capacidade investidora de 1.277.735,40 euros, situación cualificada como de equilibrio en termos de capacidade de financiamento municipal.

O concelleiro de Facenda, Uxío Benítez, engade que pola diferenza dos ingresos de 7.753.277,06 euros e de gastos de 7.007.195,31 euros, obtense un resultado orzamentario que segundo reflicte o informe da interventora municipal, ascende a 746.081,75 euros de superávit. Segundo o devandito informe, “a liquidación do Orzamento do ano 2016 do Concello de Tomiño, cumpre o obxectivo de Estabilidade Orzamentaria e tamén o de Regra de Gasto”.

Por outra banda o remanente de tesouraría mellora con respecto ao exercicio anterior en 650.734 euros, o que permite unha maior solvencia e capacidade económica para o Concello.

O edil indicou que "os datos ao peche do exercicio 2016 melloran substancialmente, reducindo a débeda municipal, o cal nos dá marxe de actuación financeira, xa que cumprimos cos obxectivos que marca a Lei en materia económica e de Estabilidade".

Pola súa banda, a alcaldesa, Sandra González, salienta que “a xestión municipal ten demostrado que non só conseguimos manter os servizos para os nosos veciños, cumprir a regra de gasto e estabilidade orzamentaria, senón que cumprimos cos nosos proveedores estando o período de pago nuns 20 días.”

  

Tomiño investe máis de 200.000 euros en formar técnicos en turismo e deseño de páxinas web

Vinte novos técnicos en turismo e deseño de páxinas web, recibiron onte, luns, o seu diploma, tras asistir seis meses ao Obradoiro de Emprego “Dinamización turística de Tomiño 2016”.

A alcaldesa de Tomiño, Sandra González, acompañada polo delegado de la Xunta en Pontevedra, José Manuel Cores Tourís, clausuraron a acción formativa financiada pola Consellería de Economía, Emprego e Industria cun orzamento 179.134,20€, máis 20.300 achegados polo propio Concello.

O proxecto de formación contou con dúas especialidades: “Promoción turística local e información ao visitante (Nivel 3), e ”Confección e publicación de páxinas Web (Nivel 2)”, con 10 prazas de alumnos/as-traballadores/as cada unha, dando dereito a obter o certificado de profesionalidade, co que a partir de agora poderán optar a un posto de traballo en mellores condicións.

Cores Tourís resaltou a importancia crecente do turismo na comarca, especialmente dende que cada vez son máis as persoas (unhas 60.000), que escollen o Camiño Portugués para camiñar a Santiago, e anunciou novos programas de formación na zona dunha duración superior aos seis meses que teñen na actualidade.

Sandra González, pola súa banda, agradeceu o bo traballo realizado polo equipo directivo e docente, así coma polos alumnos e alumnas, animándolles a este últimos a seguir formándose para poder acceder a un mercado laboral cada vez máis competitivo.

Por último, Begoña Echegaray, directora do proxecto clausurado hoxe, salientou o grande esforzó do seu equipo e asegurou estar “moi satisfeita” cos resultados acadados. Asemade, referiuse aos traballos realizados durante estes seis meses, entre os que figuran tres Guías de atención ao cliente en hostalaría e restauración; un tríptico con datos de interese para o visitante; a creación dunha páxina web para promocionar sendos concursos de fotografía e vídeo, sobre o patrimonio do municipio; outra páxina do propio Obradoiro, e unha terceira sobre rutas e sendas de interese natural e paisaxístico, entre outras tarefas.

Finalmente, procedeuse á entrega de diplomas e dos certificados de profesionalidade que lles habilita para traballar, puntualizando que algúns xa están colocados.

 

Luns, 29 de maio de 2017   

O Concello de Tomiño celebra unha reunión informativa sobre saneamento e depuración de augas na parroquia de Currás

O Concello celebra hoxe, luns, ás 20 horas, na Casa da Comunidade de Montes de Currás, unha reunión informativa sobre as alternativas existentes na parroquia en cuestións de saneamento e depuración de augas.

A iniciativa xurdiu dunha petición veciñal presentada durante as xuntanzas de “O Concello Escoita”, promovidas polo goberno local hai uns meses, co fin de informar aos veciños sobre as obras realizadas e proxectos previstos para este ano.

 

Sábado, 27 de maio de 2017   

Tomiño no Encontro da Rede Española de Cidades das Nenas e Nenos do proxecto Tonucci, que reúne  en Pontevedra a representantes de todo o Estado

O Encontro da Rede Española de Cidades das Nenas e Nenos do proxecto do pedagogo Francesco Tonucci reúne este xoves e venres en Pontevedra a preto dun cento de representantes de concellos e diferentes entidades de todo o Estado. A intención deste encontro é poñer en común o traballo feito durante o último ano no desenvolvemento de políticas que permitan aumentar a autonomía das crianzas, tanto desde o punto de vista educativo, como do espazo urbano.

O Concello de Tomiño asiste a este encontró coa finalidade de expor a súa experiencia co proxecto "Camiños Escolares", cuxo obxectivo primordial é que nenas e nenos podan desprazarse de forma autónoma aos seus centros educativos. Dentro dunha primeira etapa de diagnose, realizáronse actividades nas aulas de 5º e 6º de Primaria do centro Pedro Caselles e saídas de recoñecemento no terreo, guiadas polo equipo técnico que redactará o proxecto definitivo.

Segundo explicou o vicepresidente Mosquera, o encontro ten lugar en Pontevedra logo da decisión unánime tomada na edición do pasado ano tras a proposta do propio Francesco Tonucci, que considera Pontevedra o exemplo práctico dunha cidade pensada e feita para as nenas e nenos e, en xeral, para as persoas.

Neste marco, onte realizouse unha visita guiada á exposición "Imaxinar a educación. 50 anos con Frato" e visitouse o contorno da praza de Barcelos para coñecer a transformación dese espazo público, tras unha proposta das rapazas e rapaces do centro escolar. Xa pola tarde, houbo un relatorio sobre o "Modelo Pontevedra" a cargo do vicepresidente e concelleiro en Pontevedra, César Mosquera, e do deputado de Mobilidade, Uxío Benítez.

Onte adicouse a mañá ao traballo interno da rede, con sesións diferenciadas de debate en tres seminarios: autonomía, onde se falará dos camiños escolares; planificación compartida e espazo público, onde se formularán as actuacións urbanísticas dos concellos; e o "consello das nenas e nenos", a fórmula que propón Tonucci para artellar a comunicación entre as propostas das crianzas sobre a súa cidade e os seus alcaldes.

Pola tarde o debate xirará arredor do funcionamento da Rede Española de Cidades no relacionado á súa estrutura e esixencias e condicionantes para poder permanecer dentro do proxecto de "Cidades das nenas e nenos".

Asistentes

No Encontro da Rede de Cidades das Nenas e Nenos está presentes representantes das universidades de Santiago, de Vigo, do País Vasco e Zaragoza, así como do Innobasque, do Parque das Ciencias de Granada, do Museu Blau de Barcelona, e da Asociación Pedagóxica Frato, como entidades. En canto a administracións locais haberá representación de Granada, Picanya, Rubi (Barcelona), Bilbao, Aldaia, Lleida, Fuerteventura, Barcelona, Carbajosa de la Sagrada (Salamanca), Solasgune (Biscaia), Xaén, Erandio, Guipúscoa, Huesca, Tolosa, Ermua e outras localidades estatais, xunto con membros da rede provincial xestionada pola Deputación (Pontevedra, Tomiño, Cambados, Nigrán, O Grove, Catoira, A Guarda, Silleda, Arbo, Redondela, Salceda de Caselas, Lalín, As Neves, Ponteareas e Cangas).

Desde Italia esán presentes tres representantes do Laboratorio Internacional do Consiglio Nazionale delle Ricerche de Roma (Daniela Renzi, Antonella Prisco e Chiara Belingardi), así como dúas representantes da Regione di Lazio, Alessia Paplomatas e Marta Letizia, que traballarán a modo de coordinación co proxecto de Tonucci en Roma.

 

Venres, 26 de maio de 2017   

Tomiño continúa celebrando a “Semana da Árbore”

Tomiño continúa celebrando até o sábado, a “Semana da Árbore”, organizada dende a Concellalía de Medio Ambiente, con motivo do Día Internacional da Diversidade Biolóxica”.

Dende o pasado luns, veñen celebrándose, con éxito de público e participación, diferentes actividades, coma conferencias; presentación do Catálogo de árbores senlleiras de Tomiño, e do proxecto escolar “As nosas amigas as plantas”, de Acubam (Asociación Cultivos Baixo Miño).

Estas dúas últimas tiveron lugaro mércores, 24 de maio, no mercado municipal. Xurxo Mouriño, presentou o catálogo de árbores senlleiras, resultado dun longo traballo de investigación, con 120 especies arbóreas inventariadas.

Pola súa banda, Patricia Rodríguez, presidenta de Acubam, presentou o proxecto “As nosas amigas as plantas”, levado a cabo en todos os colexios do municipio, con grande éxito.

Hoxe, venres 26 de maio, no auditorio de Goián, proxectarase a película “O bosque animado” e a curta divulgativa “Vive o bosque”, presentada por Suso Cubeiro, ilustrador e divulgador medio ambiental.

A semana rematará o sábado coa as primeiras Xornadas de Compostaxe, na Praza do Seixo, con reparto de compost procedente dos primeiros composteiros comunitarios de Tomiño (situados nos núcleos urbanos). Tamén participará o programa Revitaliza da Deputación de Pontevedra, a través dun stand informativo. As actividades estarán amenizadas coa actuación do grupo de gaitas “Airiños novos de Pinzás”.

Por último, presentarase a obra da escultora Liiliya Pobornikova, realizada coa árbore coñecida como “Carballo de Vilar”. Será ás 12 do mediodía na rúa Daniel Calzado.

A concelleira de Medio Ambiente, Mª Xosé Vázquez, explica que o obxectivo desta semana é dar a coñecer e divulgar, de maneira especial entre os máis pequenos, unha parte importante do patrimonio natural de Tomiño, neste caso as súas árbores e a súa paisaxe natural.

 

Tomiño acollerá a visita dunha delegación ministerial de Guinea Bissau, acompañada polo Fondo Galego de Cooperación e Solidariedade

O vindeiro xoves, 1 de xuño, unha delegación ministerial procedente de Guinea Bissau, acompañada polo Fondo Galego de Cooperación e Solidariedade, visitará o Concello de Tomiño.

A hora estimada de chegada ao Concello de Tomiño é as 10.30. Unha vez recibida, conducirase á delegación ao salón de plenos.

Alí realizarase unha presentación sobre o Mercado Municipal, como resultado da aposta polas políticas de desenvolvemento local, así como polos produtos propios.

Deste modo trataremos de dar resposta ao obxectivo da visita, que é coñecer o impulso municipal das iniciativas económicas locais e os axentes de desenvolvemento económico local.

A continuación visitarase o mercado in situ, realizando un roteiro que finalizará co convite a un pequeno almorzo, no propio mercado.

A delegación estará conformada por Sola Naquilin Nabitchita, ministro da Administración Territorial da República de Guiné-Bissau; Micailo Biai, director de Servizos de Licenciamento e Incentivos ao Investimento; Mahalam Mane, director xeral do Programa de Gobernación e Desenvolvemento Local de Guiné-Bissau (PNUD); Angela Abdula, asesora técnica principal do Programa de Gobernación e Desenvolvemento Local de Guiné-Bissau (PNUD), e Iván Arizcurinaga Vásquez, consultor do Programa de Gobernación e Desenvolvemento Local de Guiné-Bissau, impulsado polo PNUD.

            Esta delegación chegará a Galiza o luns, 29 de maio, e marchará o xoves, 1 de xuño, tras pasar por Tomiño, entre outros municipios galegos, así como pola Deputación de Pontevedra.

 

O luns clausúrase o Obradoiro de Emprego de Tomiño

O vindeiro luns, 29 de maio, ás 10.00 horas, celebrarase no Salón de Plenos do Concello de Tomiño, a clausura do "Obradoiro de Emprego Dinamización Turística do Concello de Tomiño".

O obradoiro púxose en marcha no mes de novembro de 2016 e tivo unha duración de seis meses, co obxectivo de preparar a 20 alumnos en Promoción Turística Local e Información ao Visitante, e Confección de Páxinas Web.

 

O Centro Social e Cultural de Estás organiza este domingo, coa colaboración do Concello, a Festa da Bicicleta 2017

A Comisión de Festas Virxe da Peregrina, de Estás, Tomiño, coa colaboración do Concello de Tomiño e da Comunidade de Montes de Estás, organiza o domingo, 28 de maio, a XXI Festa da empanada de Estás, que nesta edición terá como novidade a empanada de cogumelos, ademais das xa tradicionais especialidades de carne, atún zamburiñas, bacallau, zorza e mexillóns.

Entre as actividades programadas durante a xornada, destaca a Festa da Bicicleta 2017, con saída ás 11.15 horas dende o propio centro social. A ruta é para todos os públicos, xa que o percorrido non ten dificultades.

Pola tarde, ás 17.30 horas, haberá un Bingo Social, e amenizando a xornada festiva, estará a Asociación Cultural Escola de Danzas e Gaitas Virxe do Alivio.

 

XVIII Concentración Clasicos Baixo Miño

O 11 de xuño vaise celebrar a XVIII Concentración Clasicos Baixo Miño, acordando os clubes que os socios terán unha única minuta de 28 euros por persoa, mentres que os non asociados aboarán 30  euros.

            Os clubes comunicarán á organización a lista de inscritos para facer a reserva, e pídese respectar os prazos e tamén a idade dos coches participantes.

            Ficha inscrición

 

Xoves, 25 de maio de 2017   

Tomiño apúntase ao proxecto “Camiños Escolares” para conseguir que os nenos poidan ir ao cole de forma autónoma e segura

O Concello de Tomiño, co apoio da Deputación de Pontevedra, acóllese ao proxecto socioeducativo “Camiños Escolares”. O obxectivo primordial é que os nenos podan desprazarse de forma autónoma, apostando por unha mobilidade saudable, sostible e segura.”

A iniciativa xurde no marco da estratexia de seguridade vial 2011-2020 da DGT, que  “pretende crear un marco de actuación que facilite, impulse e coordine as accións dos distintos entes e axentes sociais a nivel estatal, a través da consecución de obxectivos comúns e novos retos.

Entre os moitos obxectivos cabe destacar a defensa e protección dos/as suxeitos/as máis vulnerables, entre quen está o público infantil.

Dentro dunha primeira etapa de diagnose, realizáronse actividades nas aulas e de recoñecemento no terreo, que realizaron hoxe os grupos de 5º e 6º de Primaria do centro Pedro Caselles, acompañados polo equipo técnico que redactará o proxecto definitivo.

Outros dos eixes vertebradores deste proxecto é a filosofía de A Cidade dos Nenos. Proxecto Internacional do Consello Nacional de Investigación-Instituto de Ciencias e Tecnoloxías do Coñecemento (ROMA), que tenta conseguir unha maior autonomía, mobilidade, participación e seguridade.

Autonomía

“Dende o comezo do Proxecto, asumiuse como un dos seus obxectivos principais, facer posible que nas nenas e nenos podan saír de case sen ser acompañados, para poder atoparse cós seus amigos e xogar nos espazos públicos da súa cidade: dende o patio de casa, á beirarrúa, dente a praza ao xardín.

Participación

“Un instrumento fundamental para reconstruír un ambiente acolledor e dispoñible, relacionado cos nenos, é pedirlles que contribúan, chamalos a colaborar para facer un cambio real do ambiente urbano.

Seguridade

A razón principal que impide a nenas e nenos saír de casa é o perigo da estrada. O tráfico, a contaminación e a presencia de persoas perigosas fanlle pensar ás persoas adultas que é imposible que unha nena ou neno saia á rúa soa para xogar cós seus amigos e amigas. As medidas de defensa, preveñen a nivel de defensa individual, diferentes tipos de "fortificación", as portas blindadas ou os sistemas de alarma, o acompañamento constante de nenos e nenas ou os instrumentos de control remoto: dende o teléfono móbil a pulseiras controlada por satélite.

Mobilidade

“A mobilidade de nenas e nenos, que ata fai poucas décadas era parecida á das súas nais e pais, hoxe en día case desapareceu, mentres que a das persoas adultas aumentou moitísimo. Hoxe os nenos non poden saír á rúa porque as súas familias móvense demasiado transformando as rúas y espazos públicos da cidade en espazos perigosos.

Logo da fase de diagnose, no que se encadra a actividade de recoñecemento do terreo, virá o deseño do Plan de Actuación e definiranse as actividades a realizar.

 

Mércores, 24 de maio de 2017   

A OMIX do Concello de Tomiño amplía a inscrición para os obradoiros de Inglés e Emprendemento

A Oficina Municipal de Información Xuvenil (OMIX) vén de ampliar a inscrición aos cursos “Obradoiro-Faladoiro de Inglés” e “Curso de Emprendemento”.

A data de inicio de ambos os dous posponse debido a que non se acadou o número mínimo de persoas inscritas. Por esta razón, aquelas persoas interesadas en facer algunha das actividades, están a tempo aínda de apuntarse. O faladoiro de inglés terá una duración total de 30 horas, e un prezo de 25 euros. As clases impartiranse luns e mércores de 19.00 a 21.00 horas, na Aula CeMit (Campo da Feira).

Con respecto ao Curso de Emprendemento, no que se estudiarán técnicas e habilidades para crear a propia empresa, así coma para traballar en equipo, no entorno económico, social e ambiental como fonte de oportunidades  de negocio, estará dividido en 5 bloques temáticos, teórico prácticos. A duración será tamén de 20 horas e o prezo de 40 euros. Horario: martes e xoves de 16.30h a 20.30h, na Escola Obradoiro de Goián.

Por outra banda, informan dende a OMIX, que en breve, será publicada a programación deportiva e infantil para este verán 2017, que incluirá por vez primeira, unha programación de cursos innovadores e variados, de balde.

 

O Concello mellora a seguridade viaria en todo o municipio, cun investimento de case 20.000 €

O Concello de Tomiño vén de investir máis de 19.000 euros en múltiples accións destinadas a incrementar a seguridade en rúas e estradas do municipio.

En Goián, pintouse a estrada que vai ao antigo embarcadoiro e tamén a coñecida coma “Baixada ao Regatiño” con prazas de aparcamento; fixéronse fous lombos de redución de velocidade e un paso de peóns na Avenida Ordóñez, no cruce dos semáforos na estrada xeral, e tamén se pintou e sinalizo a rúa Valle Inclán.

Na parroquia de Figueiró construíronse dous lombos para reducir a velocidade, isletas e instaláronse varias sinais de Stop na estrada principal.

En Estás, fixéronse isletas, pasos de peóns e prazas de estacionamento para familiares, no cemiterio.

Na rúa da gasolineira vella foi obxecto dunha mellora integral, que incluíu a reposición total do pavimento, pintado, sinalización e luminarias.

Asemade, colocáronse dous lombos redutores de velocidade no vial Camiño do Alivio e un paso de peóns sobreelevado na rúa República Arxentina, diante da entrada do Centro de Saúde. Nesta mesma vía, pintouse zona de carga e descarga e zona amarela á altura da tenda de subministros agrícolas. Fíxose o mesmo na rúa A Guarda, en fronte ao bazar chinés.

Na rúa Gondomar, unha das principais arterias do casco urbano, colocáronse separadores de vías á altura da tenda de mobles, para unha persoa cega que vive alí.

Na rúa Tui, pintouse un paso de peóns e na parroquia de Santa Mª de Tebra, fíxose un lombo redutor de velocidade na estrada que da entrada á igrexa.

O concelleiro responsable destas actuacións, Manuel Álvarez, explicou que con estas accións, mellorouse en gran medida a seguridade de peóns e do tráfico rodado, non so no núcleo urbano, senón tamén nas parroquias.

 

Martes, 23 de maio de 2017   

O Concello de Tomiño reforza o programa “É Aprender” ampliando o horario de atención psicopedagóxica

Co fin de mellorar a calidade do ensino, o Concello de Tomiño, segue a levar adiante o programa É Aprender, unha das ferramentas para chegar a cumprir có obxectivo principal do programa: axudar a nenos de Primaria e ESO a mellorar o rendemento escolar e superar dificultades de aprendizaxe.

Co propósito de mellorar esta acción, o Concello vén de ampliar o horario do servizo de psicopedagoxía, que constitúe un dos pilares do programa educativo, para tratar cuestións emocionais, sociais e familiares, que tamén deben terse en conta para acadar o obxectivo dunha educación plena, universal e permanente. É así que o apoio psicopedagóxico prestarase dúas tardes á semana, en lugar dunha, coma viña sendo até o de agora.

Polo mesmo, ademais das actividades propiamente educativas como o É Aprender e as disciplinas extraescolares gratuítas, o Concello tenta fortalecer aspectos coma autonomía persoal, seguridade, participación e mobilidade coa organización doutras actividades e co apoio dos servizos sociais municipais, e incluso atención psicopedagóxica para persoas derivadas dende o IES ou  do programa É Aprender.

O programa É Aprender é un proxecto educativo que chega a súa 5ª edición como ferramenta de apoio ao estudo, desenvolvemento do pensamento crítico e habilidades emocionais, para alumnado da ESO e ciclo superior de Primaria. A día de hoxe asisten uns corenta nenos; 11 deles de Secundaria e o resto de Primaria. Coa colaboración do IES de Tomiño, a Concellalía de Educación, procedeu á contratación de persoal cualificado que se ocupa de coordinar a actividade, asistindo a cada un dos espazos educativos, situados en cinco parroquias diferentes (Tebra, Barrantes, Currás, Goián e Tomiño).

Máis información chamando ao teléfono 986 62 20 01 en horario de mañá.

 

A Xunta apoia ás asociacións veciñais para acometer proxectos que benefician á cidadanía

O vicepresidente da Xunta, Alfonso Rueda, reuniuse en Tomiño con representantes das asociacións de veciños que resultaron beneficiarias da orde de axudas destinada a apoiar os proxectos impulsados por estas entidades. No acto estivo acompañado polo delegado territorial da Xunta en Pontevedra, José Manuel Cores Tourís, e pola alcaldesa, Sandra González.

A convocatoria de axudas, que se puxo en marcha por primeira vez o ano pasado, dispón para 2017 dun orzamento de case millón e medio de euros, o que permitirá ás máis de 130 entidades beneficiarias realizar investimentos, tanto de obra como de equipamentos, en inmobles da súa titularidade ou dos cales lles corresponda o dereito de uso; así como en camiños e traídas de augas veciñais coa finalidade de mellorar a prestación dos servizos de interese dos habitantes da contorna, mediante un mellor aproveitamento dos recursos dispoñibles.

Deste xeito, contribúese a satisfacer as necesidades e aspiracións da veciñanza, xa que todas estas organizacións traballan moi apegadas á cidadanía e ás súas demandas.

En Tomiño, un total de 15 asociacións -todas elas vinculadas á xestión de augas- teñen concedidas axudas por valor de 170.000 euros para este ano, o que o converte nun dos concellos galegos onde existe un maior número de entidades beneficiarias. Supera así ás boas cifras do ano pasado, cando recibiron axudas un total de 11 asociacións desta poboación pontevedresa.

 

6 medallas para os teixugos na 3 Copa Galega de Promoción de Slálom

Informa Rosa Fernández Carrera

Este domingo tivo lugar no porto deportivo de Tui a terceira competición da Copa Galega de promoción de slálom. A competición, que foi organizada polo Club Tea, contou coa participación dos deportistas máis pequenos dos clubs galegos.

Os nenos do Club Deportivo Miño remataron con 6 medallas no seu haber. Ainhoa Barreiro foi ouro en C-1 Muller Infantil e prata en K-1. Alba Soutelo rematou terceira nas dúas modalidades anteriores, facéndose por tanto con dúas medallas de bronce. Samuel Castro acadou outra medalla de ouro para o club en C-1 Infantil Masculino e Sergio Martínez prata en K-1 Infantil.

Na clasificación por clubs o Deportivo Miño rematou terceiro con 179 puntos, por detrás do Tea con 239 e o Penedo con 213.

 

Luns, 22 de maio de 2017   

XXI Festa da empanada de Estás – Tomiño

A Comisión de Festas Virxe da Peregrina, de Estás, Tomiño, coa colaboración do concello e a Comunidade de Montes de Estás, organiza o domingo, 28 de maio, a XXI Festa da empanada de Estás, que nesta edición terá como novidade a empanada de cogumelos, ademais das xa tradicionais especialidades de carne, atún zamburiñas, bacallau, zorza e mexillóns.

Entre as actividades programadas, cítanse, ás 11.15 horas a Festa da Bicicleta; ás 17:30 un Bingo Social, e amenizando este encontro gastonómica, estará a Asociación Cultural Escola de Danzas e Gaitas Virxe do Alivio.

 

Tomiño recibe unha achega da Deputación de máis de 55.000 euros do “Plan Concellos 2017”

A Deputación de Pontevedra aprobou unha achega ao concello de Tomiño, ao abeiro da liña 1 do Plan Concellos 2017, de máis de 55.000 euros que permitirá realizar melloras de seguridade e reordenación do espazo no patio exterior da escola do Seixo.

As reformas, que ascenden a 55.956,86 euros, teñen por obxectivo reordenar o espazo para obter un maior aproveitamento do mesmo e que, ao mesmo tempo, permita o seu desfrute cunha maior seguridade e comodidade. Nas obras daráselle prioridade aos materiais naturais en pavimentos e xogos, e manterase unha zona de areeiro e horta xa existentes.

A subvención permitirá tamén a renovación do falso teito dos patios cubertos así como a plantación de árbores de folla caduca e a instalación de paneis de cor verde que mitigarán o impacto visual das medianeiras que hai no espacio de lecer. Ademais, para a conexión entre o novo patio e o xa existente instalarase unha pérgola en madeira que permita un paso a cuberto entre eles.

Xunto con estas achegas, Tomiño ten recibido este ano a través do Plan Concellos 13.947,22 euros destinados á mellora do terreo de xogo do campo de fútbol de Carballa, 212.962,95 euros para o saneamento dos núcleos de Vilachán e Sanomedio, e 247.942,20 euros para á contratación de 25 traballadores a través da liña 3. En total, a institución provincial adxudicou 530.809,23 euros dos 1.196.341,78 previstos para a vila, o que supón o 44,36 por cento.

 

Sábado, 20 de maio de 2017   

Tomiño celebra o Día Internacional da Diversidade Biolóxica cunha “Semana da Árbore” que incluirá a presentación dun catálogo de especies senlleiras

Tomiño celebrará o Día Internacional da Diversidade Biolóxica, organizando dende a Concellalía de Medio Ambiente, a “Semana da Árbore”, entre os días 22 e 27 de maio, con conferencias, actividades escolares, xornadas de compostaxe e a presentación do Catálogo de árbores senlleiras de Tomiño, a cargo do biólogo e coautor do traballo, Xurxo Mouriño.

Tamén a arte terá cabida nesta semana temática. O luns 22 inaugurarase a exposición de fotografía “Da luz nas árbores”, de Gustavo Rivas, e o sábado 27, presentarase a escultura “O Carballo de Vilar”, de Liiliya Pobornikova.

O mesmo luns 22, está prevista unha conferencias sobre as “Árbores monumentais de Galicia”, a cargo de Gaspar Bernárdez, enxeñeiro forestal e coautor do Catálogo de Árbores Senlleiras de Galicia, que falará da historia da catalogación en Galicia, dos parámetros para que unha árbore sexa incluída no citado catálogo e a situación do catálogo de Galicia na actualidade.

Ao longo da semana haberá, asemade, actividades dedicadas aos escolares, coma a proxección da película “O bosque animado” e a curta divulgativa “Vive o bosque”, presentada por Suso Cubeiro, ilustrador e divulgador medio ambiental.

Na mesma liña, a presidenta de Acubam (Asociación Cultivos Baixo Miño), Patricia Rodríguez, presentará o mércores 24 o proxecto “As nosas amigas as plantas”. O mesmo día, Xurxo Mouriño, presentará o Catálogo de árbores senlleiras de Tomiño, resultado dun longo traballo de investigación, en colaboración con diferentes colectivos do Concello e que ten como resultado 120 árbores monumentais inventariadas.

Por último, realizaranse as primeiras Xornadas de Compostaxe. Serán o sábado 27 na Praza do Seixo, con reparto de compost procedente dos primeiros composteiros comunitarios de Tomiño (situados nos núcleos urbanos). Tamén estará presente o programa Revitaliza da Deputación de Pontevedra a través dun stand informativo sobre o programa. As actividades estarán amenizadas coa actuación do grupo de gaitas “Airiños novos de Pinzás”.

A concelleira de Medio Ambiente, Mª Xosé Vázquez, explica que o obxectivo desta semana é dar a coñecer e divulgar unha parte importante do patrimonio natural de Tomiño, neste caso as súas árbores e a súa paisaxe natural. Como en todas as actividades do Concello, hai unha atención especial ós máis cativos e cativas, “para que coñezan e valoren a riqueza e a diversidade natural que temos no noso concello, aprendendo ao mesmo tempo, a coidar este patrimonio”.

 

Máis de 100 escolares daranse cita este sábado en Tomiño no Campionato Provincial de Tenis de Mesa

Onte presentouse no Concello de Tomiño o Campionato Provincial de Tenis de Mesa, organizado pola Secretaría Xeral para o Deporte (Xogos Galegos Deportivos en Idade Escolar), coa colaboración do Concello de Tomiño, Agrudebam e Club de Tenis de Mesa Monteferreiros, e que se celebrará hoxe, sábado, no Pavillón Polideportivo de Sobrada, coa participación de máis dun centenar de xogadores.

Á presentación acudiron o coordinador Provincial de Deportes, Guillermo Reinaldo; o presidente de Agrudebam, Alfonso Lorenzo; o presidente e máis o secretario do Club de Tenis de Mesa Monteferreiros, Jacinto Fernández e Lino González, respectivamente, e por último, o concelleiro de Deportes do Concello, Ismael Troncoso.

Nas xornadas competirán 114 xogadores escolares e federados; a maioría procedentes das comarcas do Baixo Miño e Val Miñor, nunha xornada na que se pretende promocionar este deporte, como remate ás competicións celebradas nas diferentes comarcas.

A competición, que comezará ás 9.30 horas e rematará sobre as 14.00, contará con 16 mesas regulamentarias, nas que terán lugar máis de 250 partidos, arbitrados por tres árbitros profesionais e tamén algúns xogadores. Haberá medallas de ouro, prata e bronce para os tres primeiros clasificados de cada unha das categorías: benxamín, alevín, infantil e cadete.

O concelleiro de Deportes de Tomiño reiterou o apoio do Concello ao deporte de base e asegurou que “é un privilexio para nós que se organice esta proba no noso concello, máis aínda cando se trata dun deporte non maioritario, coma este”.

Pola súa banda, o coordinador provincial de Deportes, explicou que a idea é promocionar o tenis de mesa na zona, polo que se enfrontarán xogadores escolares con outros xa federados, e agradeceu a colaboración na organización do campionato.

 

La Guardia Civil detiene en Tomiño a un vecino de Marín por el hurto de un bolso en el interior de un vehículo

La Guardia Civil investiga a un vecino de Marín, M.M.R., de 48 años, por un delito de hurto y otro contra la seguridad vial, al ser sorprendido conduciendo con el permiso retirado por perdida de puntos.

Los hechos sucedieron el pasado miércoles en el transcurso de un dispositivo de verificación aletatoria del vehículos que estaban realizando los efectivos del Puesto de la Guardia Civil de Tomiño, en el lugar de Hospital. Al proceder a la indentificación del conductor de uno de los vehículos interceptados se pudo comprobar que tenía retirado el permiso de conducir por la pérdida total de los puntos.

Esta incidencia, que ya es un delito contra la seguridad vial, dio lugar a que se le sometiese a un registro superficial y se le emcontraron dos tarjetas bancarias a nombre de una mujer y 415 euros en efectivo, que eran los efectos que contenía un bolso de señora sustraído momentos antes en el interior de un vehículo estacionado en las inmediaciones del cementerio de  Forcadela (Tomiño).

En el interior del vehículo se le intervinieron, además, un teléfono móvil y otra tarjeta bancaria, cuyas procedencias se están investigando, y una serie de útiles y herramientas, posiblemente utiliadas para cometer hechos delictivos de similares características, tales como patas de cabra, destornillador, gorros y guantes.

Esta persona, que cuenta con un amplio historial delictivo por delitos contra la propiedad, fue investigada como supuesto autor de un delito de hurto y otro contra la seguridad vial y deberá comparecer, cuando sea citado, ante el Juzgado de Instrucción de Tui, donde fueron entregadas las diligencias instruidas por la Guardia Civil.

 

Venres, 19 de maio de 2017   

Hoxe presentación das xornadas deportivas de tenis de mesa en Tomiño

Hoxe, venres, ás 10.00 horas, terá lugar no Concello de Tomiño  a presentación das xornadas deportivas de tenis de mesa, organizadas pola Secretaría Xeral para o Deporte, coa colaboración do Concello de Tomiño, Agrudebam e Club de Tenis de Mesa Monteferreiros.

As xornadas deportivas celebraranse o sábado, 20 de maio, no Pavillón Polideportivo de Sobrada, en horario de mañá.

Á presentación acudirán un representante da Secretaría Xeral para o Deporte, o presidente do Club de Tenis de Mesa Monteferreiros, o presidente de Agrudebam e o concelleiro de Deportes do Concello de Tomiño.

Nas xornadas competirán xogadores escolares e federados das diferentes comarcas.

 

Xoves, 18 de maio de 2017   

Brais Castro e Luís Fernández superaron os selectivos na Seu d´Urgell

Informa Rosa Fernández Carrrera

Ao longo das últimas semanas tiveron lugar nas localidades da Seu d´Urgell e Pau os selectivos nacionais para formar parte dos equipos sénior, sub-23 e júnior de slálom.

Os días 6 e 7 de maio, na canle da Seu, tiveron lugar os primeiros selectivos que solo deron superado dous deportistas do Club Deportivo Miño: Brais Castro e Luís Fernández.

Na seguinte fin de semana, 13 e 14 de maio, na localidade francesa de Pau, celebráronse os segundos selectivos. Os equipos nacionais formáronse con tres mellores deportistas de cada categoría.

Brais Castro aspiraba a entrar no equipo sub-23 de canoa, pero non foi quen de quedar entre os tres primeiros.

Pola súa banda, Luís Fernández, acadou praza non solo na selección sub-23 senón tamén na absoluta, ao ser o segundo mellor canoísta por detrás do olímpico Ander Elosegui.

Esta praza dálle a Luís o dereito de participar no Campionato de Europa, en tres copas do Mundo e tamén no mundial sub-23.

Luís, natural de Salceda, adestra dende fai anos no centro nacional de slálom da Seu. O logro deste ano é maior se cabe, pois a principio de ano sufriu unha lesión no ombreiro, da que estaba recentemente recuperado cando afrontou as probas selectivas.

Ademais de Luís, só outra galega, Ainhoa Lameiro do Piragüismo Penedo, deu superado este ano os selectivos nacionais.

 

Mércores, 17 de maio de 2017   

Tomiño escolle a parroquia de Pinzás para renovar todo o tendido eléctrico en función de mellorar o servizo e reducir custes

O Concello de Tomiño escolleu Pinzás, a parroquia menos poboada de Tomiño (174 habitantes dun total de 13.900) para levar a cabo un proxecto piloto en materia de iluminación pública.

A Concellaría que dirixe Manuel Álvarez, procedeu nos últimos meses á substitución de 130 lámpadas na parroquia de Pinzás e 40 máis na veciña Vilachán do Monte.

O investimento realizado na parroquia, ascendeu a máis de 4.000 euros. A esta cantidade hai que sumar os 3.600 que custaron as novas luminarias (farois), e os 12.900 do cableado e novos postes de formigón, instalados tanto en Pinzás, coma noutras parroquias do municipio (Figueiró, Forcadela e Goián), cun total de 5 km.

Con esta experiencia, que significará un aforro enerxético de máis do 50% no consumo, a idea da concellaría é a de continuar facendo melloras nas demais parroquias tomiñesas.

A actuación forma parte do Plan de Eficiencia Enerxética, ao que se destinaron 30.000 euros no exercicio 2017. Neste sentido, o Concello de Tomiño leva traballando varios anos en accións de aforro enerxético e racionalización e mellora do servicio de iluminación pública, axustando os parámetros de contratación de enerxía dos máis de 100 subministros de alumeado público que pasan electricidade a máis de 7.000 puntos de luz.

Este plan de optimización enerxética permitirá un aforro do 9% na factura eléctrica do alumeado público, é dicir, sobre 25.000 € anuais. Este é un dato importante xa que no ano 2014 o Concello de Tomiño gastou 279.385€ en consumo enerxético, unha cifra importante incluída no orzamento municipal.

O Concello conseguiu conter o recibo do subministro eléctrico grazas ao plan de aforro enerxético no que se investiu nos últimos anos, e continuará analizando o gasto enerxético nas diferentes parroquias e edificios municipais, co fin de reducilo, optimizando o servicio.

A alcaldesa de Tomiño, Sandra González, destacou “a importancia de optimizar os gastos enerxéticos e de facer unha racionalización do consumo”.

 

A idea principal que tiña en mente era facer unha camiseta que a xente quixera pór todo o ano, non só o 17 de maio”

Henar Alonso, natural de A Guarda, 37 anos, deseñadora gráfica freelance, foi a gañadora do concurso de camisetas que cada ano convoca a Oficina Municipal de Información Xuvenil de Tomiño con motivo da celebración do Día das Letras Galegas.

Con 18 anos marchou a Canarias, a súa segunda terra, onde permaneceu 13 anos, estudando deseño gráfico en Lanzarote (Escola de Arte Pancho Lasso de Arrecife). Mentres, traballou en distintas cousas, e ao rematar os seus estudos decidiu volver a Galicia.

Este é o primeiro ano que presentou propostas ao concurso. E saíulle ben, “A idea principal que tiña en mente era facer unha camiseta que a xente quixera pór todo o ano, non só o 17 de maio. Vexo con preocupación como as novas xeracións se distancian do galego no uso cotiá e con este deseño, dende a miña modesta posición, tento fomentar o orgullo por falar a nosa lingua”, explica Henar cando se lle pregunta.

E continúa: “creo que igual ca min, a moita xente preocúpalle o futuro do galego; dende fai varios anos participo nas actividades do 17 de maio en Tomiño, que o meu deseño estea este ano nas camisetas faime moita ilusión”.

A xove deseñadora agradece ao Concello que elixise a súa proposta, especialmente á OMIX e resto do xurado.

Dende a OMIX informan que este ano presentáronse ao concurso oito deseños; todos eles con “moito nivel”, polo que a decisión foi realmente difícil. O xurado, formado polo concelleiros de Mocidade, Cultura e Deportes e voluntarios da OMIX, tivo en conta non so aspectos técnicos da proposta (unha soa cor sobre fondo branco) senón tamén o feito de que estivera relacionada co Día das Letras.

Hoxe, 17, repartiranse 700 camisetas co logo gañador do concurso, entre as persoas que participen nalgún dos obradoiros e actos programados, non estando á venda as camisetas.

 

Máis dun cento de escolares do CEIP Manuel Garcés de Tomiño xogan, investigan e divírtense na exposición da Deputación sobre Tonucci

Máis dun cento de rapaces de Educación Infantil do CEIP Manuel Garcés do concello de Tomiño realizaron unha visita á exposición 'Imaxinar a Educación.50 anos con Frato' que a Deputación de Pontevedra mantén aberta no Pazo da Cultura de Pontevedra. Alí puideron coñecer as viñetas máis representativas de Francesco Tonucci, que aportan unha visión do mundo moi crítica da educación como das cidades a través dos ollos das crianzas, e tamén participaron do grande espazo de xogos que é a exposición para desenvolver libremente a súa autonomía, creatividade e a súa capacidade para aprender e construír.

Os escolares coñeceron os dez espazos expositivos diferenciados da mostra que animan á interacción e a pasar un tempo de entretemento e reflexión. Os dous primeiros  espazos son unha selección das mellores viñetas e orixinais do autor, para despois desenvolver outras áreas do máis divertido e interactivo para os visitantes: o da bicicleta, espazo para gozar, investigar e aprender (onde se permite montar e desmontar as bicis e coñecer o seu funcionamento); o espazo das construcións chamado ‘Pequenas pezas, grandes creacións’ e o dos xoguetes, onde se demostra que a xogar non se aprende, pero xogando apréndese.

Por outra banda, estiveron no espazo ‘Teño unha idea. Propostas para seguir inventando’, onde a partir as palabras, as formas e as accións os visitantes puideron compartir as súas creacións -debuxos, escritos...- e expoñelas na propia sala. Finalmente, na zona de natureza, seguindo a metodoloxía de Francesco Tonucci, realizaron un achegamento ao ambiente a través da creación e o xogo. Nesta zona hai un herbario, peixes de cores, unha piscina na que experimentar como os elementos flotan ou afunden, e como a auga pode funcionar como 'pegamento'. Incluso hai un composteiro no que as pequenas e pequenos puideron ver como se pode tirar proveito do lixo orgánico para producir un fertilizante natural de grande calidade como é o compost. Tamén hai dous areeiros nos que experimentaron deixando as súas pegadas e simularon as de diferentes animais.

Tiveron tempo para participar do espazo do ‘consello dos nenos e nenas’, a ágora do Pazo da Cultura, onde debateron sobre temas tan actuais como que modelo deben seguir as cidades para converterse nas cidades dos nenos e nenas que propón Tonucci, ou a necesidade de deberes e actividades extraescolares.

Esta visita enmárcase dentro das actividades concertadas entre a Deputación e os centros escolares de toda a provincia e que permitirán a case 3.700 nenos e nenas participar de visitas á exposición ‘Imaxinar a Educación.50 anos con Frato’ e dos roteiros a cargo de Migallas Teatro, que dan a coñecer Pontevedra, cualificada por Tonucci como un exemplo da perfecta cidade dos nenos e nenas, a través de xogos no espazo público gañado aos coches.

A mostra está tamén aberta ao público, de balde, durante todos os días da semana nos seguintes horarios:       
Luns: de 10 a 14 horas.    
Martes a Venres: de 10 a 14 horas e de 17 a 20 horas.        
Sábados: de 11 a 13.30 horas e de 17 a 20 horas.    
Domingos: de 11 a 14 horas.

 

Martes, 16 de maio de 2017   

O Concello de Tomiño continúa executando melloras nos colexios da vila

O Concello de Tomiño continúa a desenvolver o programa de melloras que vén executando nos centros educativos do municipio.

Nesta ocasión, o Concello de Tomiño vén de investir 20.000 euros na restauración do tellado do CRA (Colexio Rural Agrupado Mestre Manuel Garcés), sito no Seixo.

Co fin de reparar as goteiras existentes e mellorar o illamento do edificio, procedeuse a retirar a tella, colocar paneis de madeira, tela impermeable e outros produtos illantes, para finalmente repoñer o tellado.

“Con esta actuación tentamos contribuír ao mantemento dos centros educativos do Concello, dando continuidade deste xeito, ao compromiso do goberno coa educación. Por esta razón, cada exercicio, destinamos unha partida relevante para facer melloras e arranxos nos diferentes colexios”, explica a alcaldesa do municipio, Sandra González.

O próximo paso é a reforma do patio do CRA do Seixo, con novas zonas axardinadas e parque infantil; obra que terá un custe de 60.000 euros, procedentes do Plan Concellos da Deputación.

Asemade, acometerase unha serie de obras máis nos diferentes centros educativos de cara ao verán, aproveitando o receso escolar.

 

Máis de 700 deportistas, de todas as idades, encheron de color as rúas de Tomiño esta fin de semana

ADETO (Asociación de Autónomos de Comercio, Hostalería e Industria de Tomiño) coa colaboración do Concello de Tomiño, e a Federación Galega de Triatlón (Fegatri), organizou en Tomiño o IV Duatlón Popular de Tomiño, que se celebrou o sábado pasado.

Na categoría absoluta, as persoas inscritas roldaron as 120, aínda que participaron 94, e no duatlón escolar, 277 na final galega, repartidas nas categorías benxamíns, alevíns, infantil e cadete.

A proba, consistiu nunha carreira a pé e, seguidamente, un circuito en bicicleta, con diferentes distancias, segundo a categoría.

A saída foi para todos na rúa Colón, e a zona de transición e meta, na Rúa Daniel Calzado Poceiro.

A entrega de trofeos celebrouse na Praza do Seixo, literalmente abarrotada de xente, moitos familiares dos nenos participantes, e público en xeral.

Por outro lado, o domingo celebrouse o IV Desafío Terras de Turonio, maratón BTT por parellas organizada por Team Relay, coa colaboración do Concello, unha proba non competitiva que tivo dúas modalidades: longa distancia, de 113 km de percorrido, e ruta curta individual, de 67 km, á que se apuntaron preto de 350 ciclistas de diferentes idades.

Do mesmo xeito que nas edicións anteriores, o punto neurálxico da organización estivo situado na Praza do Seixo, punto de saída e meta, desde o cal os ciclistas deberon afrontar un trazado polas serras de Argallo e da Groba.

Na actualidade, o Desafío Terras de Turonio é a única proba das súas características en Galicia, e tras as súas exitosas primeiras edicións, pasou a ser unha data destacada no calendario a nivel nacional.

A beleza do percorrido e o reto de completar unha proba destas características animou a apuntarse a case 400 deportistas galegos e tamén de Portugal, Castela-León e Asturias.

 

277 deportistas no duatlón de Tomiño

O programa do dúatlon escolar rematou o sábado coa disputa da final galega en Tomiño, proba na que participaron 277 deportistas das categorías benxamín, alevín, infantil e cadete.

Os gañadores individuais e clubs das diferentes categorías foron:

Benxamín feminino: Lorena Patiño (Club Pinarium) e Náutico de Narón

Benxamín masculino: Damián Suárez (Natación Cedeira) e AD Fogar Carballo

Alevín feminina: Victoria Cons (Motobike Galaico) e Escola Javi Gómez Noya

Alevín masculino: Brais Picón (Arcade Inforhouse) e Escola Javi Gómez Noya

Infantil feminino: Elsa Pena (Cidade de Lugo Fluvial) e Cidade de Lugo Fluvial

Infantil masculino: Alexandre Álvarez (Natación Pabellón Ourense) e Escola Javi Gómez Noya

Cadete feminino: Noelia Serantes (Náutico de Narón) e Náutico de Narón

Cadete masculino: Jorge González (Natación Riveira) e Cidade de Lugo Fluvial

En canto a proba popular desenrolouse coa participación de 94 participantes dos 112 inscritos, resultando gañadores na clasificación xeral:

Na modalidade feminina:

3ª - María Ferreira González (O Porriño)

2ª - Begoña Arranz González (Vigo)

1ª - Andrea Iglesias Carballido (Gondomar)

Na modalidade masculina:

3º - Ismael Lago Monroy (Mos)

2º  - Brais Misa García (Gondomar)

1º - Luis Miguel Velasques Ramos (Ferrol)

Este ano incrementouse a participación dos nenos ó ser en tomiño a final do campionato galego, se ven é certo que na absoluta houbo menos inscricións, debido en gran parte, a que había outras probas importantes noutros municipios, así como o campionato de España de Triatlon.

Dende ADETO agradecen a colaboración de todas aquelas persoas voluntarias que cada ano contibúen a facer posible este evento, así como a colaboración do Concello pondo os medios humanos e materiais precisos para celebrar a proba. Tamén aquelas empresas que colaboraron e a todos os xuíces que un ano máis viñeron de FEGATRI, Polícia e Protección Civil Tomiño.

 

Luns, 15 de maio de 2017   

Comida solidaria de SOS Tomiño Baixo Miño

Como cada ano, dende o ano 2008, a  Asociación Asistencial SOS Tomiño Baixo Miño, vai celebrar o 4 de xuño de 2017, o IX Xantar Solidario, que terá lugar ás 14:00 horas, no parque de Pias ao lado da ponte do rió Tamuxe no Rosal, baixo carpa.

Este xantar, ten a dobre finalidade de agradecer o traballo que ao longo do ano fai o grupo dos voluntarios  e ao mesmo tempo a colaboración das persoas e entidades que axudan co seu traballo ou facendo algunha doazón, tanto económica como de alimentos.

Póñense a venda as invitacións para participar neste Xantar Solidario cun custe de 20 euros, e para os máis novos, 10 euros.

Tamén se poñen á venda, invitacións da mesa 0, para que todas aquelas persoas que desexen colaborar coa Asociación Asistencial SOS Tomiño Baixo Miño, sen asistir ao Xantar, poidan facer o seu donativo de 5 euros.

O diñeiro recadado ten como única finalidade a compra de alimentos para as familias    necesitadas que a Asociación Asistencial SOS Tomiño Baixo Miño atende, acadando neste momento 34 familias en Tomiño, 81 no Concello de Tui e 6 no concello do Rosal.

O ingreso pode facerse nas contas que a entidade ten en Abanca: ES 90 2080 5064 89 3040013927; La Caixa: ES 31 2100 4713  11 0200049818 ou Banco Popular-Pastor: ES56 0075 8905 38 0600162212

Neste Xantar Solidario, colaboran:

·        Regina Viarum, Agua Fontecelta, Altos de Torona

·        Bodegas Val Miñor

·        Panadería Currás

·        Panadería Tudense

·        Panadería O Rollo.

·        Panadería Manuel López

·        Panadería Xulio

 

Sábado, 13 de maio de 2017   

Pontón propón  restiruír o Banco de Terras para dar superficie aos viveiros do Baixo Miño

Na súa visita ao concello de Tomiño, a portavoz nacional do BNG, Ana Pontón salientou que naqueles concellos onde  goberna o BNG teñen lugar  rápidos cambios que “democratizan os concellos, devolven os espazos públicos aos cidadáns e apostan por servizos públicos de calidade”.

A portavoz do BNG mantivo ao longo do día de onte diversos encontros con axentes sociais e económicos do concello nos que tamén participaron  a alcaldesa nacionalista,   Sandra González e a deputada por Pontevedra, Montse Prado.

Na reunión coa asociación COXAPO, que aglutina a máis de 76.000 usuarios e usuarias das traídas de augas, Pontón comprometeuse a trasladar ao Parlamento os problemas derivados do novo regulamento da Confederación  Hidrográfica Miño Sil e  que ameaza a xestión pública da auga e seguir denunciando publicamente as políticas privatizadoras da Xunta de Galiza. “Existe un sistema de xestión comunitario que garante, cumprindo coa legalidade o subministro de auga a toda a poboación” e levaremos iniciativas ao Parlamento para que o que “existe na actualidade  se regularice”, dixo.

Por outra parte,  a portavoz do BNG propuxo restituír o banco de terras para dar superficie aos viveiros do Baixo Miño, un sector, afirmou, do que viven máis de 500 persoas, entre elas moitas  mulleres e que  segue creando moitos postos de traballo No encontro cos representantes do sector viveirista, a nacionalista lembrou que a iniciativa do  banco de terras,  impulsadas polo BNG, daba resposta á falta de superficie para a produción pero o Goberno do Partido popular “paralizou o desenvolvemento desta iniciativa”. Pontón lembrou que o concello de Tomiño conta co maior número de viveiros de Galicia e ocupa o quinto lugar no Estado. Este sector, da flor e horta, vive un momento de gran crecemento polo que  debe contar con terras que na actualidade non producen. Neste sentido, recalcou que é preciso poñer  en marcha o banco de terras para dar resposta ás demandas dos viveiristas.

Asemade, a portavoz do BNG visitou o mercado remodelado no ano 2015 polo goberno liderado pola alcaldesa nacionalista, Sandra González e que conta coa denominación de “mercado excelente” outorgada pola Xunta de Galiza e  a Escola municipal de Música á que asisten máis de 150 alumnos de Tomiño e da localidade portuguesa, Vilanova de Cerveira, iniciativa transfronteiriza que leva o nome de “Gotas de auga por gotas de música”.

A visita ao concello de Tomiño finalizou coa participación da portavoz nacionalista nun nun acto aberto á cidadanía baixo o título “Os retos do nacionalismo do futuro”.

 

Venres, 12 de maio de 2017   

O IV Duatlón Popular de Tomiño e o Campionato Galego de Duatlon Escolar terán lugar este sábado

A Asociación de Comerciantes de Tomiño (Adeto) organizan coa colaboración da Concellaría de Deportes do Concello de Tomiño, e a Federación Galega de Triatlón (Fegatri), o IV Duatlón Popular de Tomiño así como o Campionato Galego de Duatlon Escolar, que terá lugar o vindeiro sábado, 13 de maio, a partir das tres e media da tarde.

Despois do éxito das edicións anteriores, decidiuse realizar  este duatlón, no que as persoas inscritas roldan as 120 na categoría absoluta e 250 na final galega, repartidas nas distintas categorías: benxamíns, alevíns, infantil e cadete.

A proba, consistirá en realizar en primeiro lugar, unha carreira a pé e, seguidamente, un circuito en bicicleta, con diferentes distancias, segundo a categoría.

Dende ADETO explican que “o obxectivo do duatlón é realzar a asociación a través de actividades deportivas, sociais e culturais que dinamicen o núcleo urbano e atraian a xente de fóra de Tomiño, beneficiando así ós seus asociados” e dende o Concello reitérase o apoio que se lle dá a este tipo de eventos promovendo a práctica de deportes e os hábitos de vida saudables, ademais da repercusión que causan no comercio local.

A primeira carreira será a dos benxamíns, que comezará ás 15.30 horas; seguida da dos alevíns, ás 16.00 horas; infantil, ás 16.40; cadete, ás 17:30 e, finalmente, a dos adultos, con saída ás 19.35 horas.

A saída será para todas as probas na rúa Colón, e a zona de transición e meta, na Rúa Daniel Calzado Poceiro.

A entrega de trofeos será ás 18:45 horas na Praza do Seixo para as categorías escolares e ás 21:00 horas para a proba absoluta.

Colaboran coa organización deste duatlón popular de Tomiño, Policía Local, Protección Civil, MR Dixital, Supermercados Froiz e DIA de Tomiño, Ximnasio VYP, DIFERSA e Cocacola.

 

Visita de Ana Pontón visitará o concello de Tomiño

A portavoz nacional do BNG, Ana Pontón visitará o concello de Tomiño onde manterá un encontro co goberno municipal liderado pola alcaldesa, Sandra González.

            Ao longo da visita participará en diversos  encontros con axentes sociais e económicos do concello e, igualmente, participará nunha charla-coloquio aberto á cidadanía baixo o título: “Os retos do nacionalismo do futuro”.

Trala visita institucional ao concello, a nacionalista manterá unha xuntanza con membros de COXAPO, plataforma en defensa das persoas usuarias de subministro de augas para abordar o  cambio de Regulamento promovido pola Confederación Hidrográfica Miño-Sil e as políticas da Xunta que ameazan o futuro  das traídas de augas.

Na  xornada da tarde, a portavoz do BNG visitará a empresa comercializadora de planta ornamental “Coplant” e manterá un encontro con representantes do sector do viveirismo.

Ás 21hs dará comezo o acto aberto á cidadanía: “Os retos do nacionalismo do futuro” no Hotel Nueva Colina na Praza do Seixo, presentado pola alcaldesa Sandra González.

 

El IV Desafío Terras de Turonio se presenta como la gran maratón BTT por parejas del norte de España.

El Desafio Terras de Turonio será, por cuarto año consecutivo, la gran cita del ciclismo de montaña de largas distancias. La prueba de BTT-Maratón por parejas que organiza la firma Team Relay en colaboración con el Concello de Tomiño, se celebrará este domingo, 14 de mayo y está previsto que tomen parte en ella cerca de cuatrocientos participantes.

Al igual que en las ediciones anteriores, el punto neurálgico de la organización estará situadoen la Praza do Seixo, punto de salida y meta, desde el cual los ciclistas deberán afrontar un trazado de 104 kilómetros por las sierras de O Argallo y de A Groba que alcanzan desde la ría de Vigo hasta el Río Miño.

En la actualidad, el Desafío Terras de Turonio es la única prueba de sus características en Galicia y tras sus exitosas primeras ediciones, ha pasado a ser una fecha destacada en el calendario a nivel nacional. En su método de realización las parejas que forman cada equipo deben permanecer en todo momento a una distancia máxima de dos minutos entre ambos componentes, debiendo presentarse juntos en la línea de meta. Esta circunstancia obligará a sus componentes a desarrollar similares esfuerzos y a colaborar en caso de cualquier contratiempo. Las parejas participantes pueden ser masculinas, femeninas o mixtas.

La belleza del recorrido y el reto de completar una prueba de estas características ha animado a apuntarse a casi 400 deportistas gallegos y también varios de Portugal, Castilla-León y Asturias. Entre los asistentes hay una pareja de Ourense que suman entre los dos integrantes, un total de 130 años de edad.

El importante aumento del número de participantes, la mayoría hombres, es una de las novedades de esta cuarta edición, en la que se registraron 120 personas más que el año anterior.

 

Xoves, 11 de maio de 2017   

La Guardia Civil investiga a un vecino de Tomiño por quebrantar una orden de alejamiento

La Guardia Civil investiga a un vecino de Tomiño, A.B.N., por un supuesto delito de quebrantamiento de condena al no respetar una orden judicial de alejamiento de su pareja sentimental.

Los hechos sucedieron la madrugada del pasado martes en el transcurso de un control preventivo de seguridad ciudadana establecido por efectivos del Puesto de la Guardia Civil de Tomiño.

En uno de los vehículos interceptados en el control, la Guardia Civil pudo comprobar que la propietaria y conductora venía acompañada de un varón sobre el que recaía una orden judicial de alejamiento.

El pasado mes de abril, la conductora del vehículo formuló una denuncia contra su acompañante por un supuesto delito de violencia de género, con parte médico de lesiones. Como consecuencia de esta denuncia, la autoridad judicial decretó en su día una orden de alejamiento de 500 m de su persona, su lugar de trabajo y cualquier otro lugar donde se encontrase, así como prohibición de comunicarse con ella por cualquier medio directo o indirecto.

Las diligencias instruidas por la Guardia Civil se remitieron al Juzgado de Instrucción de Guardia de Tui, donde deberá comparecer A.B.N en calidad de investigado como presunto autor de un delito de quebrantamiento de condena.

 

Mércores, 10 de maio de 2017   

A asociación Fibromiño atenderá un día á semana no Centro Vontade de Tomiño

A partir do día 1 de xuño, a Asociación de Enfermos de Fibromialgia do Baixo Miño Fibromiño, con sede na Guarda, comezará a atender todos os mércores, de 10.30 a 12.30 horas, nun local cedido polo Centro Vontade (Barrio A Rocha).

Por outra banda, con motivo do Día Internacional da Fibromialgia, hoxe mércores, 10 de maio, de 10 a 14 horas, a Asociación de Enfermos de Fibromialgia do Baixo Miño, montará unha mesa informativa nos soportais do Mercado Municipal de Tomiño, aproveitando a celebración do mercadiño semanal, a posibles usuarios e público en xeral.

O obxectivo principal será dar a coñecer a enfermidade e sensibilizar á poboación, incluída ás propias familias, da situación tan delicada pola que pasan a diario.

Coa colaboración do Concello de Tomiño, repartirán 500 folletos, coa colaboración de panadeiros e pasteleiros desta vila, farán unha degustación gratuíta de doces.

             Asemade, venderán uns pins feitos pola asociación, co fin de recadar fondos. Aproveitarán para presentar o novo logo da asociación, que estrean con motivo do Día Internacional da Fibromialgia. O seu lema será: “Con mil bágoas por dentro e mil sorrisos por fóra "

Cristina Vaquero, secretaria da asociación, agradece en nome dos seus compañeiros e compañeiras, a colaboración recibida por parte do Concello e de varios empresarios tomiñeses.

Viaxe ás termas

Entre as actividades organizadas pola asociación, hai unha viaxe ás termas de Prexigueiro (Ribadavia. Ourense) o día 27 de maio, que terá un custe de 10 euros para socios e de 22 para non socios. A viaxe, que comezará na Guarda, con paradas no Rosal (Praza do Calvario), Tomiño (parada de autobuses próxima á Praza do Seixo, na rúa República Arxentina) e Tui (á altura do Supermercado Día), inclúe desprazamento, entrada ás termas e comida, ademais dunha visita vespertina ao centro histórico de Ribadavia. Para anotarse, as persoas interesadas en facer esta visita, poden chamar ao número 606 61 26 45, ou enviar un correo electrónico a fibrominho@gmail.com

 

O deseño de Henar Alonso galador do concurso do Día das Letras Galegas en Tomiño

A moza guardesa Henar Alonso vén de gañar o concurso de deseño da camiseta do Día das Letras Galegas 2017.

Desde a OMIX  de Tomiño agradecen a participación das moitas persoas que presentaron propostas de ilustración.

Este ano a elección do deseño da camiseta do Día das Letras foi moi difícil, sendo o deseño de Henar Alonso o que acadou máis votos.

 

I Encontro de grupos de clarinete en Goián

Este venres, 12 de maio, ás 19:30 horas, celébrase no auditorio de Goián o I Encontro de grupos de clarinete.

Neste evento participará o alumnado do conservatorio profesional de Tui e da escola de música da agrupación musical de Goián.

 

Tomiño celebra as Letras Galegas con descontos en libros, obradoiros, contacontos e concertos

O mércores 17 de maio, Día das Letras Galegas, a Praza do Seixo será o espazo no que se ofertarán diferentes actividades lúdicas e educativas, organizadas polo Concello para conmemorar as nosas letras.

Coma en anos anteriores, haberá descontos na venda de libros, escritos en lingua galega, que ascenderán ate o 50 por cento do seu valor real.

As actividades comezarán ás 10.30 horas, coa venta de libros e obradoiros relacionados coa figura do escritor Carlos Casares, a cultura e a lingua galegas,. Ás 14.30 horas farase un descanso, retomando as actividades de 17.00 a 20.00 horas.

A Agrupación Musical de Goián, ofrecerá un concerto na praza, ás 12.00 do mediodía.

Pola tarde, a partir das cinco, haberá obradoiros de xoguetes populares e tradicionais, e unha hora despois, contacontos "Cantos Animais", con Susa Herrera, e sinatura de libros ao rematar.

Ás sete da tarde, dará comezo unha foliada, sendo necesario traer o instrumento para poder unirse.

En caso de choiva, as actividades trasladaranse ao mercado municipal.

 

Martes, 9 de maio de 2017   

Bronce para o teixugo Luís Fernández na 3 Copa de España de Slálom

Informa Rosa Fernández Carrera

Esta fin de semana celebrouse a 3ª Copa de España de Slálom na canle olímpica da Seu D´Urgell. A expectación e participación foron máximas xa que ademais as probas forman parte do selectivo nacional para os equipos Júnior, Sub-23 e sénior. O Club Deportivo Miño acudiu nesta ocasión con 5 piragüistas.

Andrea González rematou décimo primeira en K1 sénior e Ariadna Pereira foi oitava en K1 cadete.

Manuel Ochoa rematou décimo primeiro na categoría K1 sénior, a máis numerosa da competición.

Brais Castro rematou sexto en C1 sénior, un bo posto tendo en conta que é o seu primeiro ano na categoría.

Tamén en C1 sénior,  Luís Fernández foi o terceiro clasificado, obtendo por tanto a medalla de bronce. Luís gañou tamén nesta competición o dereito a participar nos selectivos que se celebrarán a semana que ven na canle da localidade francesa de  Pau, e no que ten moitas posibilidades de entrar tanto no equipo  sub-23 como sénior.

Na clasificación xeral por equipos, que gañou o Cadí Canoe Kayak, club local,  o Club Deportivo Miño rematou na novena posición. O mellor club galego foi o Penedo na sexta posición.

 

Luns, 8 de maio de 2017   

O Concello de Tomiño formaliza un protocolo cos comerciantes, para coñecer a situación actual do Mercado Aberto e iniciar liñas de mellora

O Concello de Tomiño vén de formalizar un protocolo de actuación con ADETO (Asociación de Autónomos de Comercio, Hostalería e Industria de Tomiño), co fin de coñecer a situación actual do Mercado Comercial Aberto de Tomiño e tentar mellorala.

O devandito protocolo, asinado pola alcaldesa de Tomiño, Sandra González, e o presidente de ADETO, David Vila, ambas as partes conveñen en iniciar liñas de colaboración para a organización e desenvolvemento de actividades precisas que teñan coma finalidade coñecer o estado actual do mercado aberto na vila e da súa visibilidade. Para este fin, elaborarase un estudo da situación da mercadotecnia de Tomiño; un análise do estudo e proposta de medidas correctoras e un informe final das actuacións e resultados.

O Concello colaborará economicamente para sufragar as actividades previstas por ADETO, até un límite de 2.722,50€, ou do 50%, se o importe total das mesmas fose inferior a esa cantidade.

As accións, contidas nunha memoria elaborada pola asociación de comerciantes, terán que desenvolverse até o 30 de novembro de 2017, coma data máxima de celebración.

Ademais, ao remate do proxecto, ADETO terá que presentar unha memoria explicativa das actividades levadas a cabo, así coma un exemplar do estudo previo e conclusións.

Durante a reunión, á que asistiron varios comerciantes, o responsable de levar a cabo o estudo do mercado aberto, explicou detalladamente as actividades a realizar, que incluirán en unha primeira fase, a realización de enquisas a cada un dos comerciantes e a clientes, visitas de clientes misteriosos e recepción de ideas e suxestións.

Logo desta etapa, impartirase formación “á carta” nos temas que os propios comerciantes demanden, segundo as súas carencias. Neste sentido, o responsable de facer o estudo salientou a necesidade de incluir e potenciar o uso das novas tecnoloxías e redes sociais en todos os comercios.

A sinatura deste protocolo pon de manifesto, segundo explica a alcaldesa de Tomiño, a “preocupación porque se mellore a formación dos profesionais do mercadeo e a calidade da atención ao cliente no eido do mercado comercial aberto, ao ser considerados aspectos que contribúen a mellorar o atractivo turístico da nosa localidade.

 

Sábado, 6 de maio de 2017   

Medio millar de escolares tomiñeses asisten cos Gaiteiros da Xistra a unha actividade de normalización lingüística

O vindeiro luns, 8 de maio, de 12 a 13 h, no Auditorio de Goián, terá lugar o espectáculo "Sandra e Meirol en Xistralia", dos Gaiteiros da Xistra.

Trátase dunha actividade de dinamización lingüística organizada polo Concello coa colaboración da Deputación de Pontevedra, e ofertada a todos os colexios do municipio.

O Concello proporcionará transporte gratuíto a todos os centros educativos, excepto ao CEIP Pintor Antonio Fernández, por atoparse ao lado.

O aforo do auditorio goianés, dunhas 500 prazas, estará completo.

"Sandra e Meirol en Xistralia", dos Gaiteiros da Xistra, é unha historia contada en clave didáctica, coa dirección de Xerardo F. Santomé.

Xistralia é unha “República Musical” situada na Raia, onde soan acordeóns, gaitas, cavaquinhos e violas; golpes de treboadas mesturados cos dos Zés Pereiras, e moitos outros. A peza que se porá en escena o luns é a historia de como unha rapaza, chamada Sandra, e un caracol, chamado Meirol, liberan aos nenos por Terco, un dragón de dúas cabezas.

Durante o espectáculo, os actores xogarán con instrumentos de música tradicionais, salientando as súas características e propiedades.

A Deputación de Pontevedra pretende consolidar o uso do galego como principal lingua de traballo e comunicación nos concellos da provincia.

A dinamización lingüística enténdese como o proceso de promoción da lingua galega, que se leva a cabo mediante accións ou actividades (sensibilización lingüística, formación, etc.), polo que a través da convocatoria  dunha liña especial de subvencións, preténdese incrementar o uso da lingua galega en toda a sociedade.

 

Sen Amarras coorganizador do II Campionato Galego Integrador

O Club Deportivo Sen Amarras informa da celebración da primeira proba náutica do II Campionato Galego Integrador, que se celebrará en Castrelo de Miño, no Parque Náutico, o sábado, 13 de maio, entre as 12:00 e as 19:00 horas.

A principal característica da proba é a integración, estando formados os equipos por persoas con e sen discapacidade, utilizando unha embarcación adaptada que pode ser patroneada de maneira fácil e sinxela. Sendo mais importante o correcto desemvolvemento do trazado, e non o tempo, por tratándose dunha proba de regularidade.

As inscricións pecharán o 12 de maio, pudendo realizar por teléfono: 986 62 30 44; vía email: senamarras@gmail.com, ou nas instalacións de Vontade en c/A Rocha nº19B, Tomiño (36740).

Esta proba está organizada pola Federación Galega de Motonáutica, Club Sen Amarras e Sodináutica.

 

Venres, 5 de maio de 2017   

Máis de 30 persoas esfórzanse para sacar o Graduado en ESO, nos cursos impartidos polo Concello de Tomiño

As ciencias exactas son o punto débil do alumnado adulto de ESO en Tomiño. Así o amosa a ampla experiencia do Concello de Tomiño, que vén impartindo cursos de educación de adultos dende hai máis dunha década.

As dificultades para a expresión escrita así como as faltas ortográficas é outra das constantes, o que vén unido á falla de interese pola lectura en xeral.

Pola contra, a base en ciencias sociais, parece ser a máis sólida na maioría das persoas que queren sacarse a ESO coma adultos.

No curso 2016-2017 o Concello contou cunha subvención de Deputación para a contratación dunha docente. O grupo actual está composto por 36 alumnos e alumnas, dos cales 7 conseguiron xa a cualificación de APTO, obtendo así o título de Graduado en ESO.

En termos xerais, un 69,5% do alumnado conseguiu aprobar todas ou algunhas das tres partes na que se divide o exame . O 21,7% obtivo o Graduado en ESO, e o 47,8% aprobou so un dos módulos cursados.

Perfil do alumnado:

A media de idade do alumnado que asistiu a clase neste curso lectivo 2016-2017, é de 21 anos, tendo o máis novo 18 e o maior, 50. No que respecta ao sexo dos estudantes, neste curso o número de homes e mulleres está practicamente igualado.

En cambio, o nivel de estudos é moi variable; os máis novos soen chegar a segundo da ESO, mentres que os adultos maiores de 35 anos, levan moitos anos sen estudar, chegando daquela, ata o que era sétimo ou octavo de Primaria.

Metodoloxía das clases

A profesora encargada de impartir o curso, María Machicote, explica que a metodoloxía que sigue nas clases é teórico-práctica, “con sesións moi dinámicas onde participamos todos, alumnos e docente; tamén utilizamos un canón para a proxección de presentacións en Power Point , e dalgúns documentais que complementan a materia.

Entre as principais carencias detectadas pola profesora, figura a base en ciencias exactas. Ocorre o contrario cos coñecementos en ciencias socias, que “parece ser que é do que máis controlan, aínda que teñen dificultades para a expresión escrita, e faltas de ortografía, así coma falta de interese pola lectura en xeral, o que podería axudar moito a paliar estes problemas”, comenta a docente.

Porén, a profesora salienta a boa actitude e vontade dos estudantes ao seu cargo, que “son en xeral, xente moi traballadora e disposta, da gusto traballar con eles; teñen unha gran forza de vontade e ganas, xa que ademais de traballar e atender á familia, son capaces de estudar e aprender cousas novas”.

 

Xoves, 4 de maio de 2017   

O Concello de Tomiño contrata catro persoas desempregadas para controlar a flora exótica invasora na ribeira do Miño

O Concello de Tomiño está levando a cabo a segunda fase do proxecto de control de flora exótica invasora na ribeira do Miño. Esta segunda fase comezou coa realización dun curso de formación sobre a problemática das especies invasoras, celebrado durante o mes de marzo.

Posteriormente, entre os asistentes ao curso, procedeuse á contratación de catro persoas desempregadas, residentes en Tomiño, co propósito de realizar as labores de erradicación. Os traballos comezaron no mes de abril e continuarán ate finais de maio.

Os labores enmárcanse dentro do Proxecto de erradicación e control de flora exótica invasora na Zona de Especial Conservación (ZEC) Baixo Miño, dentro da Rede Natura 2000, proxecto cofinanciado pola Consellería de Medio Ambiente e Ordenación do Territorio e o Fondo Europeo Agrícola de Desenvolvemento Rural (FEADER).

Ate o momento, o grupo a cargo da intervención, eliminou mimosas, calas, herbas da pampa e tritonias (sobre 200 exemplares en total); aproximadamente 1000 exemplares de acacia negra e robinia, uns 600 m2 de tradescantia fluminensis e máis de 4000 plantas de eucalipto.

Estas intervencións estanse a realizar tanto en terreos públicos, como en fincas privadas, previo contacto e autorización dos propietarios.

A ZEC Baixo Miño é o segundo espazo natural de Galicia, con maior número de invasoras, o que supón un risco considerable para as especies autóctonas, que son as que configuran a singular paisaxe e os valores naturais únicos e diferenciados deste último tramo de ribeira.

Con este proxecto, segundo explica a concelleira de Medio Ambiente, Mª Xosé Vázquez, o  Concello de Tomiño pretende iniciar unha liña de traballo á que se lle pretende dar continuidade no tempo, e incluso estendela a outras áreas.

Ademais, “con esta intervención téntase concienciar á poboación e a outras administracións públicas, da importancia do problema”, advirte a concelleira, quen participou nunha das sesións de  limpeza (fotos). 

 

A Universidade de Vigo organiza, co apoio do Concello de Tomiño, a excursión "Tomiño - Burato dos Mouro; O Rosal - As Bornas", dentro do programa "Geolodía 17"

A Universidade de Vigo organiza o sábado, 6 de maio, co apoio do Concello de Tomiño e da Sociedade Geológica de España, a excursión "Tomiño - Burato dos Mouro; O Rosal - As Bornas", dentro do programa "Geolodía 17 Oro entre o Miñor e o Miño. A febre mineira galaico-romana”.

Os Geolodías pretenden achegar á sociedade tanto a Xeoloxía como a profesión do xeólogo. Consisten nunha excursión de campo guiada por xeólogos, totalmente gratuíta e aberta a todo tipo de público. Realízase en lugares interesantes pola súa contorna xeolóxica, e proporciónase unha información rigorosa a nivel divulgativo. É tamén unha maneira de sensibilizar á poboación sobre a importancia e necesidade de protexer o noso patrimonio xeolóxico.

É necesario apuntarse previamente en: https://goo.gl/forms/0iSYTZ3WSYIzReIv2, e para máis información e inscricións en www.sociedadgeologica.es

 

Mércores, 3 de maio de 2017   

O cineclub Poleiro proxecta o xoves Mustang, unha película sobre a sinrazón relixiosa

O xoves 4 de maio, o cineclub Poleiro proxecta no Auditorio de Goián, ás 21:30 horas,  unha película de cine francés, Mustang, dirixida por Deniz Gamze e ambientada en Turquía que pecha o ciclo desta tempada.

Sinopse: Conta a historia de cinco irmás orfas dunha pequeña vila en Turquía. Un inocente xogo de praia  cos compañeiros de estudos, ao comenzó do verán, vai mudar radicalmente as suas vidas. A súa avoa e seu tío deciden que acaban de cometer un acto condenable e disgustados coa suposta inmoralidade que vai contra as suas normas relixiosas, deciden tomar medidas para que non se repita e obrigan ás rapazas a cambiar de vida para encamiñalas a un destino de futuras esposas.

Premios

2015: Premios Oscar: Nominada á Mellor película de fala non inglesa

2015: Globos de Ouro: Nominada á Mellor película de fala non inglesa

2016: Premios BAFTA: Nominada á Mellor película de fala non inglesa

2015: 4 Premios César: Mellor ópera prima, guión, montaxe e bso. 9 nom.

2015: Premios do Cine Europeo: Premio Discovery (mellor ópera prima)

2015: Premios Goya: Mellor película europea

Críticas: "Unha fábula ao redor da cerrazón moral e cultural (...) a directora compón as suas imáxes, impregnadas duhna exquisita poesía evanescente (...) unha obra de alento tráxico de exuberante beleza (...) Puntuación: ★★★★★ (sobre 5)" 

            O cineclub Poleiro  conta co apoio da Concellería de Cultura do Concello de Tomiño e da Federación de Cineclubes de Galicia.

 

Martes, 2 de maio de 2017   

O Concello de Tomiño modifica sustancialmente  a Relación de Postos de Traballo a espaldas dos representantes sindicais

Desde CC.OO recordan que ao longo do ano 2015 e 2016  os representantes dos traballadores  e o concelleiro de persoal, asesorado polo mestre Javier Ferreira, negociaron unha Relación de Postos de Traballo (RPT), instrumento imprescindible para un ordeamento da xestión de persoal nas administracións públicas, acadando un acordo que se recolleu nun documento definitivo asinado por todas as partes presentes na negociación.

  No pleno do pasado 20 de abril o goberno municipal presentou unha RPT sustancialmente diferente da negociada coa parte sindical, incumprindo o acordo asinado e introducindo con noturnidade e moita “puntería” cambios que afectan sustancialmente ás condicións de traballo de determinadas  traballadoras. Casualmente mulleres, a quen se lle degrada a categoría profesional,  traballadoras de  grupos profesionais altos, o tan mencionado “teito de cristal” na carreira profesional feminina, traballadoras cualificadas e capacitadas que accederon os seus postos a través de procesos de selección.

Dende CCOO fan responsable deste “cambalache” ao  concelleiro de persoal  Xosé Lois Vázquez Calvo, quen ocultou con “noturnidade” a parte sindical, pero é todo o equipo de goberno quen isto consinte.  A Negociación Colectiva baséase no principio de “boa fe negociadora” e polo tanto no respeto ós acordos acadados  na Mesa de Negociación.

 Consideran desde o sindicato mencionado que se fai imprescindible o cese ou dimisión inmediata do concelleiro. Esta actuación “vergoñenta” inhabilítao como interlocutor en calqueira negociación, e esixen da Alcaldía que  convoque a Mesa Xeral de Negociación para explicar e reparar este engano e que  envíe á Mesa de Negociación un interlocutor válido.

O xeito de actuar coa tramitación plenaria da RPT, foi unha actuación clara de mala fe,  á marxe dos acordos asinados na Mesa Xeral de Negociacióm e lesionando os dereitos de determinadas traballadoras.