Sábado, 29 de maio de 2010  

O Parador de Tui promove unha nova tertulia de anécdotas tudenses con Jesus Pazo Diz este domingo ás 18,00 horas

O Parador de Turismo “San Telmo” de Tui dá continuidade neste domingo 30 de maio, ás 18.00 horas, a unha interesante iniciativa que baixo o nome de “Anecdotario tudense” comezou o pasado mes de marzo e que pretende realizar mensualmente, o último domingo de cada mes. Nesta ocasión será Jesús Pazo Díz, quen abra a tertulia falando sobre o proceso de declaración de Tui e Valença do Minho como patrimonio da humanidade, realizado na súa etapa de concelleiro de Tui.

Este ciclo de “Anecdotario tudense” terá continuidade nos vindeiros meses coa intervención doutros veciños de Tui: no mes de xuño será a quenda de Manuel Vázquez de la Cruz.

Para o director do Parador, David Villar Alonso, esta iniciativa tenta dinamizar a vida e a actividade deste establecemento hostaleiro tudense e recuperar os seus tradicionais lazos de unión coa cidade de Tui e os seus veciños. Trátase dunha tertulia aberta á participación de todos os interesados que queiran achegar as súas anécdotas e curiosidades arredor do tema ao que se dedica a tertulia de cada mes.

No pasado mes de marzo foi Alberto Estévez Piña quen abriu esta tertulia, continuando no mes seguinte Javier Rodríguez Vázquez.

           David Villar Alonso agradeceu a todos os participantes a súa xenerosa colaboración así como o apoio do concello de Tui que anima esta interesante iniciativa que pretende plasmarse nunha publicación ao final do ano, na que recolla as principais anécdotas deste ciclo.

A Federación de Comerciantes e Empresarios do Sur de Pontevedra, FESPO, segue crecendo e planificando novas liñas de actuación

A Federación de Comerciantes e Empresarios do Sur de Pontevedra, FESPO, mantivo o pasado xoves na sede de Tui, a Asemblea Xeral da Federación, onde se puxeron sobre a mesa os proxectos que se levarán a cabo durante os vindeiros meses e que estarán supeditados ás distintas liñas de axudas que pon a disposición a Dirección Xeral de Comercio para levarse adiante e obter financiación para poder executalas.

O proxecto máis ambicioso, e polo que máis forte se aposta dende FESPO, é a realización dunha tarxeta de fidelización, que se distribuirá ao longo de todo o sur da provincia, e que será accesible para máis de 1.000 establecementos comerciais permitindo ofrecer aos establecementos unha ferramenta común para incentivar aos clientes, fomentar a colaboración entre os distintos establecementos participantes e establecer unha estratexia de fidelización común para todas as asociacións integrantes de FESPO como realizar estratexias personalizadas e independente de cada asociación ou, incluso, realizar estratexias individuais para cada establecemento asociado. Esta tarxeta de fidelización poderá ser usada por máis de 150.000 clientes da área xeográfica que abrangue FESPO.

Outras das iniciativas impulsadas pola Federación será a realización dun Inventario Comercial, que permita sinalar a distribución comercial de toda a comarca, tipografía da oferta comercial e ubicación dos mesmos, así como a posibilidade de detectar oportunidades de negocio no sector comercial a través deste inventario comercial.

Por outra banda a Federación de Comerciantes e Empresarios do Sur de Pontevedra, segue crecendo cada día en número de asociacións que se unen á Federación e na asemblea, adheríronse asociacións da comarca do Condado-Paradanta e asociacións do Baixo Miño quedando case completado o mapa do sur da Provincia de Pontevedra, de modo que das sete asociacións que fundaron a Federación, hoxe en día conta xa con dez asociacións (Val Miñor, Baiona, Gondomar, Tui, Porriño, A Guarda (Abaco), Tomiño, Ponteareas, O Rosal e Salceda), o que suma un total de máis de 1.500 establecementos comerciais os que representa a Federación de Comerciantes e Empresarios do Sur de Pontevedra, FESPO.

IX Romaría do Cabalo en Ribadelouro, Tui

Esta fin de semana celébrase a novena Romaría do Cabalo en Ribadelouro. O programa comeza hoxe, sábado, ás catro e media da tarde cunha ruta cabalar gratuíta; ás nove terán unha sardiñada e ás once da noite unha proba de resistencia no touro mecánico.

O domingo comezarán ás dez cun concurso morfolóxico árabes-españois, seguido dun xantar campestre. Pola tarde a actividade retomarase ás catro cunha xincana, e ás cinco e media haberá exhibición de cetrería a cargo de Cetrería de León, seguido do espectáculo ecuestre “Soñando a cabalo” de Tomás Besada, unha carreira de ponis e outra de burros fariñeiros. Organiza estas actividades a Peña Cabalar Valle do Louro.

III Serán en Rebordáns, Tui

O Centro Cultural San Fins acolle hoxe sábado ás dez da noite o III Serán con música tradicional galega de todo tipo, e chourizos e viño gratis para os asistentes.

A problemática do CEIP nº2 marca o pleno ordinario en Tui

Dúas horas e media durou o pleno ordinario celebrado o xoves pola corporación municipal de Tui. Unha sesión que en boa parte estivo centrada nas reivindicacións de seguridade que fan os pais e nais do CEIP nº2. Precisamente antes do pleno tiña lugar unha concentración de pais e alumnos do centro na praza do Concello, na que infomaron que a técnica da Xunta xa presentou ao Xefe Territorial de Educación o proxecto de pechar o centro pola avenida da Concordia. E con respecto ao concello dicían que había dúas novidades, por unha parte que xa puxeron un peche novo na porta de abaixo, e por outra que operarios municipais estiveron onte no colexio para arranxar a valla que separa o centro do Conservatorio, e pór unha pechadura na porta da propia valla. Pero estes arranxos non satisfacen aos pais que piden “as cousas ben feitas” e un plan integral de seguridade. Tamén solicitaban que os pais non entren cos coches no recinto escolar xa que está prohibido.

Ata a porta do Concello achegouse o alcalde que se dirixiu aos presentes para informarlles que “se está traballando” nas súas demandas, e manifestar que agarda a próxima semana contar cun proxecto que tamén se está elaborando.

A continuación os pais e os nenos dirixíronse ao salón de sesións, ateigándoo completamente para asistir ao pleno que se ía celebrar.

Na quenda de mocións de urxencia PSOE e BNG presentaron unha moción conxunta solicitando do pleno unha serie de compromisos a executar antes do 30 de agosto no CEIP nº2 relacionados coas reivindicacións feitas polos pais.  A urxencia prosperou e tras unha primeira quenda de intervencións o pleno foi suspendido durante 30 minutos nos que os edís se retiraron á sala de reunións do concello para consensuar un texto que saíu adiante por unanimidade. Finalmente a moción aprobada recolle o compromiso do Concello para arranxar o perímetro do valado do colexio e instar á Xunta para substituílo por un novo; reforzar a porta de abaixo para garantir que todo o perímetro estea pechado, así coma obrigar aos propietarios dos terreos lindeiros a ter as súas fincas limpas para evitar a proliferación de maleza ou de animais perigosos coma ratas ou serpes. Tamén na proposta recóllese estudar un plan de regulación do tráfico para o colexio que inclúa semáforos, pasos de peóns e a presenza da policía local nas entradas e saídas do nenos e nenas. Por último contémplase tamén a presenza da policía local nas fins de semana para evitar botellóns no recinto escolar ou que accedan ao mesmo estraños.

Na quenda de rogos e preguntas do público os pais e os propios nenos interpelaron ao Alcalde sobre distintas cuestións relacionadas co centro comprometéndose o rexedor a que o representante municipal no Consello Escolar non volverá faltar ás reunións, e amais informaba que a próxima semana terán o informe sobre o Plan de Seguridade no centro encargado polo propio Concello.

A Corporación aprobou retomar os trámites para a elaboración do PECH

No pleno ordinario de maio celebrado pola corporación municipal quedou aprobado por trece votos a favor e dous en contra unha moción do BNG emendada por Acción Tudense na que se recolle que se retome o expediente para a elaboración do Plan Especial do Conxunto Histórico. No debate do punto fíxose fincapé na importancia de contar con este planeamento, indicando Laureano Alonso do BNG que o casco histórico tudense é un referente en Galicia ao ser o segundo en importancia, logo do de Santiago de Compostela.  Engadía que hai traballos feitos en canto a fichas de edificios, e que a documentación está no concello dende 2001. Sinalaba que ante a tardanza na aprobación do PXOM é interesante ter o PECH para as persoas que teñan vivendas ou queiran comprar no casco histórico.

Dende o PSOE Pablo Alonso expuña que a documentación do PECH está feita dende 2001 e custou moitos cartos, preguntándose polo prezo de nove anos de retrasos neste planeamento.  Juan Miguel Diz Guedes de TUI expuña que o PECH é unha das urxencias de Tui, e que nada é incompatible co PXOM, polo que sinalaba que “o mellor investimento que podemos facer é iniciar o concurso para a contratación do equipo redactor”. Manifestaba por  último que “quedariamos moi satisfeitos do inicio do proceso e que poida estar concluído antes de que finalice o ano, para que a próxima corporación teña os documentos necesarios para aprobar o PECH no seu momento”.

Por último dende Acción Tudense Miguel Capón lembrou que a aprobación do avance do Plan Especial do Conxunto Histórico aprobouse en 1996 e que entre finais de 1997 e comezos de 1998 estaba feito o catálogo de edificios e as fichas de cada unha dos edificios e solares tanto do conxunto histórico coma da zona de respecto, sen que iso lle custase nada ao Concello porque tivo daquela unha subvención da Xunta de Galicia.

Por unanimidade aprobouse inicialmente no pleno ordinario de maio a Ordenanza reguladora das axudas de rehabilitación de edificios, vivendas e urbanización no ámbito da Área de Rehabilitación do Concello de Tui na súa oitava fase. O obxectivo segundo explicaba o Alcalde é pór en marcha as subvencións establecidas pola Consellería de Medio Ambiente, Territorio e Infraestruturas e polo Ministerio de Vivenda.

Por unanimidade aprobouse tamén a modificación da ordenanza fiscal reguladora da taxa pola prestación do servizo de ensinanzas especiais para recoller o suposto de dobre matriculación no Conservatorio de tal xeito que os alumnos matriculados en dous instrumentos, do segundo paguen só o que correspondería ao instrumento xa que o resto das materias xa as aboa co primeiro instrumento.

Na quenda de mocións o BNG presentou dúas que quedaron sobre a mesa unha delas rexeitando os recurtes sociais aprobados polo goberno de Zapatero e propondo outras medidas para aforrar, e outra apuntado a posibilidade de que o concello se dirixa aos consignatarios do porto de Vigo para que os cruceiristas poidan facer excursións a Tui e incrementar así o turismo que recibe a cidade. As dúas quedaron sobre a mesa para o seu estudo en comisión.

O Concello precintará o luns a gasolineira do Outlet

O Concello de Tui vai proceder o próximo luns ao precinto da gasolineira aberta no Outlet no Parque Empresarial de Areas logo de que tras ordenar o seu peche non se acatase esta orde. A falta de licenza de obra foi o que levou ao concello a ordenar o peche desta estación de servizo. Así o explicaba no Pleno ordinario, na quenda de rogos e preguntas, o Alcalde de Tui a respostas ao PSdG.  Na mesma quenda dábase tamén conta da detección de varias irregularidades no edificio do Outlet detectados pola técnica municipal polo que se lle denegou o a licenza de primeira ocupación.  Agora os propietarios deste establecemento teñen dez días para presentar alegacións que logo serán estudadas polo Concello e en función das mesmas se actuará dunha ou doutra forma.

Exposición sobre mulleres no Museo Municipal

A Concellería de Educación de Tui informa que dende onte e ata o próximo venres pódese visitar no Museo Municipal en Santo Domingo unha exposición de catro paneis organizada dentro da actividade “Coñecendo e descubrindo a Uxío Novoneyra”.

Tres dos paneis recollen nas fotografías dos roteiros desenvolvidos ao abeiro desta programa. O cuarto panel está dedicado ás mulleres. Por unha banda as mulleres relevantes da cultura galega de todos os tempos, e por outra as mulleres de Tui e do Baixo Miño que co seu traballo apoiaron tamén a nosa cultura. No panel xunto á fotografía recóllese a data de nacemento e unha pequena biografía da mesma.

Resposta dos pais de alumnos a decisión tomada onte no pleno

            Os pais do alumnos do CEIP nº2 enviaron unha nota de prensa na que manifestan sentirse decepcionados coa resposta obtida onte do concello.

            Explican que logo da concentración e de asistir ao pleno, pensan que o Alcalde dálle remendos en lugar de solucións, e que non van realizar as obras necesarias para garantir a seguridade dos 500 escolares do centro.

Con respecto ao contido na moción aprobada por unanimidade sinalan que van parchear a vella valla, cando eles piden unha valla forte e de maior altura. Tamén solicitan reforzar e automatizar a porta de abaixo, cando o concello contempla só o seu peche con candados. Sobre a esixencia aos propietarios dos terreos lindeiros de que manteñan limpas a súas fincas indican que iso é xa unha normativa municipal.

            Por outra parte sinalan que é moi importante o tema da regulación do tráfico ás entradas e saídas do colexio polo que agardan axilidade e eficiencia na elaboración do plan á que se comprometeu onte o pleno.

            Por último, con respecto á petición da presenza da policía local nas fins de semana no arredores do centro, manifestan que están contentos de que se teña aprobado, pero indican que non saben se se vai cumprir polo insuficiente número de axentes da policía local.

            Por todo isto os pais din sentirse burlados, e entenden que lles restan importancia as súas peticións. Anuncian que continuarán coas mobilización e peticións porque están a pedir un plan de conxunto que garanta a seguridade dos nenos.

Un grupo de xornalistas alemanes  de turismo visita Tui no seu percorrido polos Camiños de Santiago

Un grupo de doce xornalistas dos principais medios de comunicación de Alemaña que están visitando os principais fitos dos camiños de Santiago en Galicia, convidados por Turgalicia, achegáronse tamén, hai escasos días, á cidade de Tui sendo recibidos no Parador “San Telmo” da cidade polo primeiro tenente de alcalde e concelleiro de cultura, Moisés Rodríguez Pérez.

No decurso deste acto de benvida o edil tudense agradeceulles aos xornalistas a súa presenza na cidade, porta de entrada en Galicia do camiño portugués cara a Compostela, e achegoulles información sobre os recursos patrimoniais e turísticos de Tui. Os xornalistas ficaron especialmente sorprendidos polo carácter de fortaleza da Catedral e polas paisaxes do río Miño ao seu paso pola localidade. Moisés Rodríguez Pérez amosou a gratitude do Concello con Turgalicia por ter incorporado a visita á cidade nesta viaxe promocional.

Estes xornalistas expertos en Turismo, estaban acompañados por representantes da multinacional TUI, aos que Rodríguez Pérez informou dos contactos xa existentes cos responsables en España desta operadora turística para artellar algún tipo de colaboración.

Estes informadores turísticos realizaron ao longo da súa estadía en Galicia un percorrido polas distintas rutas de peregrinación, declarado xa hai anos como itinerario cultural europeo; unha viaxe para coñecer os lugares da nosa comunidade autónoma de maior interese turístico, achegándose á súas paisaxes, tradicións, gastronomía e posibilidades de Galicia. A etapa final da súa viaxe será a cidade de Santiago de Compostela.

O concelleiro tudense Rodríguez Pérez alédase especialmente desta visita pois contribuirá, sen dúbida, á promoción turística da cidade de Tui, neste caso en Alemaña. Unha promoción que posúe un meirande interese neste Ano Santo Compostelá en que se comproba como é abondoso o número de peregrinos de orixe xermánica que percorre o camiño portugués. Xa o Concello de Tui tiña editado, tamén en alemán xunto a outros cinco idiomas, un folleto informativo para os peregrinos que esta tendo unha moi positiva acollida.

Venres, 28 de maio de 2010  

Obradoiros preventivos para alumnos de 6º de Primaria co gallo do Día Mundial sen Tabaco

O Servizo de Prevención das Drogodependencias do Concello de Tui está levando a cabo unha serie de obradoiros preventivos nos centros escolares do municipio co gallo do Día Mundial sen Tabaco que se celebra o próximo luns.

Estas actividades van dirixidas aos alumnos  de sexto de Primaria. O primeiro destes obradoiros comezou o pasado luns 24 de maio no CEIP de Randufe e rematarán o 3 de xuño no CEIP de Guillarei.

Esta iniciativa lévase a cabo cunha metodoloxía dinámica, na que os alumnos son os que levan adiante o obradoiro  coa súa participación. O obxectivo dos mesmos é ofrecer aos alumnos unha formación preventiva sobre o tabaco, incrementar a percepción de risco e habilidades para futuros consumos, e aclarar mitos e crenzas erróneas.

O traballo que levan a cabo na aula será publicado na revista “aprende a escoital@s”

Aberto o prazo para solicitar unha das vivendas do antigo cuartel de Caldelas

Onte abriuse o prazo para solicitar unha das 15 vivendas ou anexo para discapacitados do antigo cuartel de Caldelas. O Boletín Oficial da Provincia recolleu o edito polo que se dá conta da aprobación no pleno do 29 de abril da modificación das bases que han rexer a adxudicación destas vivendas. O prazo será de tres meses contados a partir de hoxe.

As bases íntegras poden consultarse na web www.concellotui.org ou na Oficina de Rehabilitación-Portelo único de vivenda do Concello de Tui.

O perfil “Tui Camino de Santiago” supera os dous mil seguidores en Facebook

O perfil de Facebook “Tui Camino de Santiago” ten máis dous mil seguidores nesta rede social, unha das máis destacadas por número usuarios. O perfil ofrece información relacionada co Camiño de Santiago en xeral, en particular sobre o roteiro portugués e, sobre todo, a actualidade que ten que ver coa cidade de Tui.

Fotografías, teléfonos, enderezos, consellos, novas e vídeos, son algúns dos contidos que os internautas poden atopar en “Tui Camino de Santiago”. Ademais, segundo os promotores, o máis importante é a reposta personalizada que se lle dá a cada pregunta concreta. Os interesados, futuros peregrinos, queren chegar ao seu destino coa maior cantidade de información posible. A actualización da información, enderezos e números de teléfono, dos albergues dende Tui a Santiago é unha das informacións máis buscadas polos usuarios de Facebook que pretenden facer o Camiño portugués este verán.

Este perfil foi promovido polo Concello de Tui tras constatar a falta de información relacionada co Camiño portugués e que os usuarios de Internet demandan constantemente. A Concellería de Cultura tudense, unha vez analizadas as carencias na Rede sobre este tema de gran importancia para Tui neste Ano Santo, puxo en marcha este perfil hai seis meses. Gran parte dos primeiros seguidores foron os propios tudenses usuarios desta rede social. E a partir de aí os contactos multiplícanse como se acredita polo éxito de amigos logrado. Este é o xeito en que funcionan as Redes Sociais e nesta sinxela dinámica radica gran parte do seu éxito. A información chega a través dun amigo ou coñecido, o que lle dá máis credibilidade.

A idea do Concello de aproveitar as sinerxias que as redes sociais e a información turística teñen en común está a ser compartida por Concellos, asociacións e empresas privadas que tentan chegar ós seus posibles visitantes e clientes a través da Rede. Son moitísimas as referencias ao Camiño que se  poden atopar a día de hoxe en Facebook, e este perfil está entre os máis seguidos.

Para o concelleiro de cultura, Moises Rodríguez Pérez, esta noticia evidencia a importancia que para Tui e a súa promoción cultural e turística posúe o camiño de Santiago e o interese que suscita. Estes datos de usuarios do perfil de facebook compleméntase perfectamente cos datos de uso do albergue de peregrinos que neste mes de maio, a piques de rematar, supera amplamente as expectativas de ocupación. De novo queda en evidencia que os peregrinos seguen apostando por Tui como a porta de entrada en Galicia do camiño portugués, como o fixeron ao longo dos séculos dende a Idade Media.

Xoves, 27 de maio de 2010  

Tui promove uns talleres escolares centrados nos risgos do consumo de tabaco

Con motivo do Día Mundial sen Tabaco, desde o Servizo de Prevención de Drogodependencias do Concello de Tui estase a levar a cabo uns talleres preventivos dirixidos aos escolares de 6º curso de primaria, en todos os centros escolares.

Estes talleres, que xa comezaron o pasado luns, día 24, no Ceip de Randufe, rematarán o 3 de xuño no Ceip de Guillarei.

O desenvolvemento destes talleres, segue unha metodoloxía dinámica na que os alumnos son os que levan adiante o taller coa súa participación, que ten como obxectivos ofrecer unha formación preventiva sobre o tabaco, Incrementar a percepción de risco e habilidades para futuros consumos e aclarar mitos e crenzas erróneas.

O traballo que levan a cabo na aula será publicado na revista “aprende a escoital@s”

Finalizan las actividades de la Concejalia de Educacion del programa “Coñecendo e recreando a Uxío Novoneira”

Ayer tuvo lugar el último de los programas de radio en los que escolares de todos los Ceip de Tui han leído al poeta al que se le dedicó este año el Día das Letras Galegas, Uxío Novoneira.

Esta iniciativa se inició con la lectura de dos poemas por alumnas del Ceip de Rebordáns y otros dos escolares de las aulas del CRA Mestra Clara Torres, con niños entre 3 y 6 años, que cantaron otros dos poemas de Uxío Novoneira acompañados a la guitarra por el profesor de música. La semana pasada finalizaron las rutas poéticas, realizadas en el Monte Aloia, Rio Tripes y Zona Monumental de Tui, cuyas fotos pueden verse en la exposición montada en el Edificio de Sto Domingo y en el Blog http://educandoentuipasoapaso.blogspot.com/.

Otra de las actividades que finalizaron fueron las muiñadas, actividad en la cual los escolares del municipio realizaron senderismo, vieron funcionar uno de los molinos, explicado por Alberto Romero, y consiguieron harina de maíz que después se utilizó en la preparación de las papas elaboradas por miembros de la Asociación de muiñeiros del Río Tripes, que fueron degustadas por los alumnos participantes en esta experiencia.

Otras exposiciones, como la de herramientas agrícolas antiguas, el concierto del Conservatorio, la recopilación de composiciones por parte de los vecinos, que se expusieron el dia de las Letra Galegas, formaron parte del programa que contó con la colaboración de la Concejalía de Educación que programa, para este fin de semana, una exposición en el edificio de Santo Domingo sobre mujeres relevantes en la cultura gallega a lo largo de la historia.

Xuntanza de maiores no Carballiño o 12 de xuño

A Concellería de Servizos Sociais do Concello de Tui informa da posibilidade de asistir Á Xuntanza de Maiores que se celebrará o sábado 12 de xuño no Parque Municipal do Carballiño.

O programa previsto comeza coa chegada dos participantes ás 10.30 horas. Ás 12.00h ofrecerá un concerto unha Banda de Música, e ás 13.30 horas chegarán as autoridades, celebrándose a continuación o xantar campestre. Pola tarde haberá tempo de lecer ata ás 20.00 horas que rematará a Xuntaza.

As persoas interesadas en participar nesta actividade poden inscribirse no Centro Social de Tui de 9 a 20.30h ata cubrir as prazas existentes ou ata o 10 de xuño.

Hoxe visita ao taller de Rosendo González onde se está tallando o busto de Sócrates

A Comisión cidadá para a reposición do busto de Sócrates por subscrición popular organiza para hoxe, xoves, unha visita ao taller do artesán tudense Rosendo González Martínez, en Pexegueiro, onde o artesán en compaña dos alumnos do IES San Paio estarán elaborando o busto de Sócrates, abuxardando e gravando o texto da base granítica. Lembramos que esta escultura será inaugurada o 26 de xuño nos xardíns da Alameda.

Dende a Comisión Cidadá cursaron invitacións para esta visita ao alcalde de Tui e aos concelleiros dos grupos municipais.

Mércores, 26 de maio de 2010  

A aprobación inicial da ordenanza reguladora de axudas na Área de Rehabilitación do Conxunto Histórico na súa oitava fase vai mañá xoves a pleno

Cinco puntos ten a orde do día do pleno que mañá xoves vai celebrar a corporación municipal de Tui a partir das oito da tarde.

A esta sesión vai a aprobación inicial da ordenanza reguladora das axudas de rehabilitación de edificios, vivendas e urbanización no ámbito da Área de Rehabilitación do Conxunto Histórico do Concello de Tui na súa oitava fase.

Tamén se estudará neste pleno unha moción do BNG sobre o inicio do expediente de traballos do PECH. Outros dos asuntos a tratar será a modificación da ordenanza fiscal reguladora da taxa pola prestación do servizo de ensinanzas especiais nos establecementos docentes do concello.

A orde do día complétase cos puntos de trámite coma a aprobación da acta anterior, e o control aos órganos de goberno.

Dous tudenses no Campionato do Mundo de Billar en Las Vegas

Dous tudenses van participar nos próximos días no Campionato do Mundo de Billar Bóla 8 en Las Vegas. O ano pasado tiñan praza xa para acudir a esta importante cita pero a pandemia da gripa A botou por terra daquela a súa presenza no campionato. Este ano van a Las Vegas con toda a ilusión e a por todas. Marchan mañá mesmo e regresarán o 8 de xuño. Este dous xogadores de billar son Luís Fontán e Resti Sánchez. Eles conforman un dos dous equipos españois que van participar nesta importante proba, e cando a eles estarán tamén outros xogadores que lograron o seu pase a nivel individual.

En total en Las Vegas haberá 12 mil participantes que se repartirán ás 300 mesas que se colocarán no Hotel Riviera. Alí estarán os mellores do mundo. A nivel español os galegos xunto a andaluces e cataláns son os que teñen máis opcións, mentres que a nivel internacional EEUU é a gran potencia tamén no billar xunto a Alemaña, Italia, Gran Bretaña e a propia España. En cada torneo repartiranse un millón de euros en premios.

Luis Fontán e Resti Sánchez explicaban na RMT que van pór todo da súa parte neste Campionato do Mundo sabedores de que levan un bo equipo. Tamén precisarán un pouco de sorte.

Cada xogador leva o seu propio taco de billar xa que están afeitos as súas características e sensibilidade.          

Estes xogadores de billar querían agradecer a colaboración dos seus patrocinadores así coma do alcalde de Tui e da Deputación de Pontevedra que lles prestan o seu apoio. Eles levan meses preparando o que será a súa participación neste mundial.

A Biblioteca Municipal acolle o espectáculo “Camiños de amor e lúa” co poeta Xosé Carlos Caneiro

A Biblioteca Pública Municipal de Tui acolle hoxe, mércores, ás 20.30 horas un espectáculo  do proxecto “Camiños de amor e lúa” que promove o Xacobeo 2010 ao longo de toda Galicia, neste caso trátase dun recital a cargo do poeta Xosé Carlos Caneiro acompañado de Xosé Manuel Salgado na guitarra clásica e acústica.

O fomento da lectura é parte fundamental nas actividades de Xacobeo 2010 a través do proxecto poético e musical “Camiños de Amor e Lúa”, que se pon en marcha coincidindo coa celebración en Galicia do Ano do Libro e da Lectura. Un proxecto que toma o nome do poemario homónimo de Xosé Carlos Caneiro, escritor e columnista de La Voz de Galicia. Camiños de Amor e Lúa comezou na véspera da celebración do Día das Letras Galegas para fomentar o hábito da lectura, amenizar a ruta aos peregrinos e fomentar a cultura literaria galega entre os visitantes e os habitantes das localidades nas que se desenvolverán diversos recitais. Dicía o xenial escritor Miguel de Cervantes Saavedra: “O que le moito e anda moito, ve moito e sabe moito”.

Recital de Amor e Lúa

É a proposta poética de Xosé Carlos Caneiro, unha compilación de máis de cento cincuenta poemas unidos pola temática do amor. O recital xira en torno ao seu poemario “Camiños de Amor e Lúa” (Editorial Biblos). Caneiro recita os seus poemas acompañado polo guitarrista Xosé Manuel Salgado nun espectáculo intimista que achégase ás xentes de Tui.

Mes do Libros

Con este recital poético-musical chega ao remate a programación da Biblioteca Municipal que ao abeiro da denominación de “Mes dos libros” abrangueu os meses de abril e maio, coa celebración do “Día do libro” e do “Día das Letras Galegas” e que ten contado coa celebración de actividades para nenos e mozos, salientan o encontro que mantivo cos seus lectores o escritor Alfredo Gómez Cerdá, premio nacional de literatura infantil e xuvenil 2009.

O concelleiro de cultura tudense, Moisés Rodríguez, expresa o seu recoñecemento ao Xacobeo 2010 por contar con Tui como un dos fitos dos camiños de peregrinación a Compostela organizando este recital poético-musical.

Martes, 25 de maio de 2010  

Hoxe martes inaugúrase a exposición “Historia dunha emigración difusa: 500 anos de emigración galega a Lisboa”

A Sala Municipal de Exposicións do Concello de Tui acolle hoxe, ás 20.00 horas, a inauguración da exposición “Historia dunha emigración difusa, 500 anos de emigración galega a Lisboa”, que forma parte dunha serie de producións que Xan Leira presentará nos próximos meses, por mor do Centenario da Xuventude da Galiza - Centro Galego de Lisboa.

A exposición ofrece unha visión analítica e reflexiva do fenómeno da emigración galega a Lisboa, facendo un percorrido polos máis de 500 anos da súa Historia, a través do testemuño de investigadores deste tema e dos propios emigrantes que, nalgúns casos, as súas familias emigraron no século XVI. Para

isto, levouse a cabo un arduo labor de investigación histórica e contouse coa participación de máis dun centenar de emigrantes, que son a última xeración dunha tradición migratoria que se remonta á Idade Media.

Varios dos participantes na exposición coincidiron en destacar que “A Lisboa de hoxe en día non se pode entender como tal sen ter en conta a aportación secular dos emigrantes galegos”. A presenza galega aínda pervive con forza e percíbese en cada esquina da cidade alfacinha, as mesmas que ocupaban ata hai 50 anos os mozos de recados galegos á espera dalgún encargo; en cada fonte e chafariz, onde aínda rezuman os ecos das voces dos aguadeiros galegos; en cada un dos moitos restaurantes e pensións da capital, aínda en mans de galegos, herdados en moitos casos dos seus pais, que a súa vez herdaran dos seus; en moitos dos pratos que se comen a diario como propios da gastronomía olisiponense.

Pero o certo é que todo isto non é coñecido pola gran maioría dos lisboetas; nin pola práctica totalidade dos galegos. Tense estudado a emigración galega cara a Castela, América e mesmo cara a Europa e o resto de España, mais non se lle ten prestado atención á emigración que se dirixiu cara o pais irmán, con algunhas excepcións, coma a do Profesor Domingo Lopo, da Universidade de Santiago de Compostela, que colabora nesta exposición.

Para o concelleiro de cultura de Tui, Moisés Rodríguez Pérez, a presenza desta exposición na nosa cidade é unha mostra mais da vocación que posúe este Concello de Tui por achegar aquelas accións que posibiliten un maior achegamento á cultura de Portugal, evidenciando o compromiso que posúe a institución municipal tudense en afondar no mutuo coñecemento entre ambas beiras do Miño que atopan na cidade de Tui a súa natural “ponte” de comunicación e encontro.

Moisés Rodríguez agradece a Xan Leira e Acuarela Comunicación o seu grande interese por presentar na Sala Municipal de Exposicións tudense esta exposición sobre un aspecto da historia que comparten as xentes de Galicia e Portugal.

Na súa traxectoria, sinala Xan Leira, “Acuarela Comunicación sempre ten apostado pola recuperación da memoria histórica. Por iso, cando comezamos a traballar neste proxecto a ilusión foise apoderando máis e máis a medida que nos íamos adentrando no tema e sentiamos con forza que estabamos diante dun achádego histórico construído polo esforzo discreto e silenciado de milleiros de homes, nenos e mulleres emigrantes que dende hai aproximadamente 500 anos, veñen construíndo o patrimonio material e inmaterial da cidade de Lisboa. A divulgación desta historia, reflectida na nosa obra multimedia e multidisciplinar, ven poñer xustiza e recoñecemento a unha das historias migratorias máis antigas e importantes das que se deron na Historia de Galiza. ¡Tan importante como descoñecida!”.

Pais e a ANPA do Colexio nº 2 de Tui convocan unha concentración o xoves diante do concello

Os pais e a ANPA do Colexio nº 2 de Tui convocan unha concentración diante do concello de Tui o xoves, 27 de maio ás 19.30 horas, coincidindo coa celebración do Pleno Municipal ás 20.00 horas.

            Desde este colectivo continúan coa petición dun plan de seguridade para o colexio e neste momento din atoparse á espera de que o proxecto do peche pola Avenida da Concordia, elaborado pola técnica da Xunta, sexa aprobado, esperando coñecelo e que se poña en marcha.

            Por outra banda, tamén agardan resposta do alclade sobre o arranxo das vallas perimetrais, que están deterioradas deixando espazos abertos; solicitan o peche e peche e automatización do portal próximo ao pabellón; a regulación do tráfico ás entradas e saídas do colexio, un proxecto de remodelación do uso dos semáforos e pasos de peóns, asi como a presencia policial nas horas punta. Finalmente reclaman a visita ás inmediacións do colexio nas fins de semana dunha patrulla municipal.

            Desde o colectivo de pais e da ANPA  animan á participación de todos nestas reivindicacións: pais, familias e todos aqueles que estén sensibilizados co tema.

Aberto o prazo para a solicitude de Cursos do programa Actívate

    A Concellería de Servizos Sociais do Concello de Tui informa da convocatoria dos cursos Actívate da Deputación de Pontevedra. Trátase da oferta dun amplo catalogo de cursos centrados en cinco áreas: Servizos na empresa, Servizos a persoas, Área de Desenvolvemento persoal, Área de actividades artísticas e Área de igualdade entre homes e mulleres. Estas actividades formativas van dirixidas a persoas entre 16 a 35 anos ambos inclusive, preferentemente en situación de desemprego.

    Da oferta total de cursos que se presentan realizarase aquel que maior demanda rexistre. Por iso no departamento de Servizos Sociais do Concello de Tui está aberto, ata o 12 de xullo, o prazo para a presentación de instancias solicitando algún dos cursos que se ofertan. A presentación da solicitude debe facerse de luns a venres de 9 a 14h.

    Xunto coa instancia é preciso acompañar o DNI ou pasaporte en vigor e a tarxeta de demandante de emprego (no caso de tela)

Nuevo Curso de Manipulación de Alimentos organizado por Febam

        A Federación de Empresarios do Baixo Miño – FEBAM – informa que este xoves, 27 de maio, vai impartir un novo curso de Manipulación de Alimentos.

        Terá lugar na sede de FEBAM na rúa Martínez Padín, 11 de Tui en horario de 17 a 20h. O curso é un servizo gratuíto para os asociados.

        Con esta actividade a Federación continúa apostando pola formación tanto de traballadores como de desempregados, xa que consideran que este é un elemento básico para ter unha forza de traballo preparada e actualizada.

        As listas para este curso permanecerán abertas ata o mesmo xoves.

        Os interesados en realizar esta actividade formativa poden chamar ao teléfono 986 60 50 84 ou achegarse ás instalacións de FEBAM na rúa  Martínez Padin, 11 en Tui

Remate da VII Andaina Tudense o 12 de xuño

        O Club Atletismo Tui vai realizar o remate da VII Andaina Tudense o sábado 12 de xuño, logo de que parte das actividades previstas non se puidesen levar a cabo o pasado 8 de maio pola choiva.

        O 12 de xuño a saída será ás seis da tarde dende o Paseo Fluvial ata a Ponte Romana, facendo un percorrido polo bosque de ribeira de Guillarei, e regreso ao Paseo Fluvial.

       A carón do Centro Interfederado de Remo e Piragüismo haberá carreira de aros, chourizada, bebida e sorteo de agasallos.

        A inscrición deben facerse en clubatletismotui@gmail.com . Os 200 primeiros inscritos levarán un agasallo.

A Universidade de Minho impúxose no Trofeo Universitario de Barcos Dragón

        A Universidade de Minho fíxose coa vitoria no Trofeo Universitario Eurorexional de Barcos Dragón disputado o pasado sábado pola mañá en Tui. Os alumnos da universidade lusa de Minho impuxéronse por apenas un segundo ao equipo da Universidade de Vigo. Terceira foi a embarcación da Universidade da Coruña.

        A proba desenvolveuse a partir das 12.30h coas clasificacións, e rematou preto das dúas da tarde coa entrega de premios.

        Previamente na inauguración o alcalde de Tui, Antonio Fernández Rocha manifestaba que “o río Miño está de noraboa pola posta en marcha dunha nova competición”. Mentres Antonio Cunha, Presidente da Fundación CEER e Reitor da Universidade de Minho, resaltou a participación de tres universidades galegas e outras tres portuguesas, e indicou que o obxectivo da proba era desenvolver a eurorrexión á que pertencemos.
 

O Kaiak Tudense impúxose na Regata Nacional de 200 m

        Cómoda vitoria do Club Kaiak Tudense na Regata Nacional de 200m, que é  terceira regata da liga Olímpica de Pista. O club de Tui sumou 739 puntos, fronte aos 488 do Club As Torres Romaría Viquinga e os 441 do Nautico de Sevilla, que finalizaron segundo e terceiro respectivamente.

        A pesar das notables ausencias dos de Tui, a vitoria foi máis doada do agardado, fraguándose sobre todo na excelente regata realizada polas mulleres do club tudense. En muller xuvenil Carla Pérez conseguía a medalla de prata na embarcación individual, logrando o ouro en k2 con Valeria Romero, e pechando a súa actuación con outro ouro en k4, xunto con Valeria Romero, Silvia Rodríguez e Paula Castro.

        Nas mulleres senior, houbo tamén un gran nivel.  Ana Varela finalizou en oitavo lugar, sendo prata en k4 con Silvia Vázquez, Leti Piña e Ana Bouza,e  finalizando cun terceiro en k2 con Silvia Vázquez.

        En canoa prata para a c2 junior de Luís Morais e Adrián González, sendo estes dous xunto con Carlos Méndez e David Casaleiro bronce en c4.

        No kaiak masculino, bronce para o k4 de Joan Ardit, Víctor Rodríguez, Roberto Rodríguez e Jovino González, ademais do sexto lugar de Joan Ardit en k1 e o 9º lugar de Óscar Carrera e Roberto Rodríguez en k2.

Sábado, 22 de maio de 2010  

Hoxe dispútase o Trofeo Universitario Eurorrexional de Barcos Dragón

    Hoxe dispútase en augas do río Miño en Tui o Trofeo Universitario Eurorrexional de Barcos Dragón organizado polo Centro de Estudos Eurorrexionais Galicia-Norte de Portugal.

    No mesmo van participar alumnos das universidades galegas de Vigo, Santiago e A Coruña, así coma das portuguesas de Miño, Porto, Tras os Montes e Alto Douro.

    O programa previsto para este sábado comeza ás dez da mañá coa recepción das autoridades no Centro Interfederado. Asistirán os reitores das seis universidades participantes, así coma os vicereitores de cultura e deporte destas universidades. Tamén está previsto que asista o Secretario Xeral para o Deporte, o Secretario de Universidades, o Director do CEER, o Presidente da Federación Galega de Remo, o Presidente da Deputación, o Presidente da Cámara de Valença e o Alcalde de Tui.

    Ás 10.30h terá lugar a inauguración do Trofeo de Barcos dragón, seguida dunha visita ás instalacións do club. A competición iniciarase ás 12.15 e a entrega de premios está prevista para ás dúas da tarde.

    A regata terá unha lonxitude de 500 metros con saída da Ponte Internacional e chegada fronte ás gradas do Centro Interfederado. Faranse dúas serie eliminatorias con tres embarcacións cada unha, pasando á final A os dous primeiros de cada serie. En cada barco irán doce tripulantes, dos que dez serán padeeiros, un patrón e un marcador.

    Ao longo de toda a xornada, tanto pola mañá coma pola tarde, haberá actividades paralelas organizadas polas seis universidades abertas á participación do público en xeral. Haberá aerobic, e-pop, esgrima...

Campionato Provincial de Biatlón Escolar

    Hoxe pola tarde celébrase en Tui o Campionato Provincial de Biatlón Escolar organizada pola Agrupación Deportiva Baixo Miño xunto a Federación Galega de Triatlón, promovida pola Secretaría Xeral para o Deporte.

    Nesta competición van participar 150 nenos e nenas de toda a provincia entre eles algúns de Tui do CEIP nº1 e nº2 de Tui, do CEIP de Randufe, do IES San Paio, tamén haberá alumnos do CEIP de Sobrada e do Pedro Caselles de Tomiño, do Club Atletismo Porriño, do Colexio Irmáns Quiroga, entre outros.

    O Biatlón desenvolverase entre ás 16 e ás 19h. Iniciarán a competición coa proba de natación na piscina do Ximnasio DiSom e logo ás 17.30h no Paseo Fluvial, á carón da Mariña, terá lugar a carreira a pé.

Colaboran nesta proba o Concello de Tui, o Club Náutico San Telmo, o Ximnasio DiSom, e Voluntarios de Protección Civil, entre outros.

Concurso de Debuxo dos alumnos de secundaria de Tui

    Cincuenta alumnos de 4º da ESO dos centros que imparten educación secundaria en Tui participaron onte entre ás 10 e ás 14h nun Concurso de Debuxo na Alameda convocado polo IES San Paio. Deste xeito o Instituto fai realidade un compromiso que asumira con Benito Prieto Coussent cando nos anos 90 este visitou o centro. O obxectivo era “sacar a aula á rúa” recuperando así filosofía deste profesor que no seu momento foi moi novidosa.
 

Peche de exposicións en Tui

    Este domingo pecha na Sala Municipal de Exposicións na Área Panorámica a mostra conxunta dos artistas tudenses Lis e Rai que presentan pinturas e esculturas baixo os títulos de “A cor da música e maternidades” e “O andar da pedra”.

     Por outra parte tamén pecha na Galería de Arte “Trisquel e Medulio”  a mostra “Arredores” de Soledad Pite Sanjurjo. Pode visitar aínda esta tarde de 17 a 21h ou mañá de 11 a 14h.

Rematan as xornadas “Recuperar a Utopía”

    Hoxe, sábado, rematan as xornadas “Recuperar a Utopía” organizadas pola Asociación Bicicleta con Botas. Ás sete na Sala Félix Rodríguez haberá unha charla titulada “Educación,  machismo e sexismo” a cargo de Teresa Otero da STEG e Silvia Alonso, mestra. Logo coma clausura ás 21.30h na tasca do Hartza na zona vella actuarán “Os Lajaretas” de Atios.

O Kaiak Tudense participa na Regata Nacional de 200 m

    Kaiak Tudense afronta a terceira regata da liga Olímpica de Piragüismo co obxectivo de afianzar a súa primeira posición, despois dos contundentes triunfos nas dúas primeiras xornadas.

    Os de Tui afrontan esta regata coa ausencia por lesión de José Luís Bouza, que despois do bronce cultivado na copa do mundo de Vichy, Francia, aínda non retomou os adestramentos debido a unha tendinite no supraespinoso. Tamén faltarán á cita   este fin de semana o campión mudial de maratón, Manu Garrido, que despois do seu triunfo na pasada copa de España de maratón,  atópase preparando a copa do mundo a disputar na república Checa a finais de xuño; tampouco será da partida Iván Alonso, centrado xa en gañar unha praza para o mundial de maratón na modalidade de maratón.

    Aínda que importantes, espérase que estas ausencias non debiliten ao equipo tudense e que poida alzarse co triunfo este fin de semana en Verducido, onde Joan Ardit, Roberto Rodríguez, Víctor Rodríguez no k1 senior, Ana Varela e Silvia Vázquez na muller senior serán as que mais opcións de diputar as finais teñan. Nas categorías junior, o recuperado Luís Morades en canoa, e as mulleres Carla Pérez e Valeria Romeu, tamén terán grandes opcións de diputar as finais e loitar polo podio.

Venres, 21 de maio de 2010  

Tui acolle esta fin de semana a Copa do Futuro da Deputación

        O complexo deportivo Álvarez Durán vai acoller esta fin de semana a Copa do Futuro de Fútbol organizada pola Deputación de Pontevedra. Na mesma van participar máis de 200 nenos  con idades entre os 7 e os 8 anos de 16 equipos do sur da provincia.  O obxectivo desta Copa do Futuro é potenciar o deporte base e servir de escaparate para a labor que a Deputación de Pontevedra realiza en favor do deporte.

        Os partidos de fútbol 7 xogaranse este sábado, 22 de maio, entre ás 10h e ás 14.10h e pola tarde de 16 a 20.10h, disputándose o domingo, 23 de maio, os cuartos de final, eliminatorias, semifinais e finais.

        Estarán presentes nesta competición dous equipos do Tyde, un equipo do Sporting Guardés, o ED. Oia, o Eirizana de Baiona, a A. D. O Condado de Ponteareas, o Cesantes de Redondela, o Val Miñor e o C.C. Mercantil de Nigrán, o Independiente F.C. , o Coya B, o CIP Illas Cíes, o Santa Mariña B, o Amor de Dios, o Balaídos C, todos eles de Vigo.

A fase final da Copa disputarase o 12 e 13 de xuño en Vigo.

        Esta Copa do Futuro da Deputación foi presentada esta mañá na Casa do Concello de Tui polo Alcalde, Antonio Fernández Rocha, o técnico de deportes da Deputación, Fran Teixeira, e polo Presidente do Tyde, Jesús González.

        O Alcalde de Tui agradeceu que nesta cuarta Copa do Futuro se tivese en conta un ano máis ao Concello de Tui. Salientando que con esta competición a fin de semana será ilusionante para todos os nenos. Lembrou amais que o Concello e a Deputación cofinanciaron no seu momento o Complexo Deportivo Álvarez Durán, ao que dicía se lle está sacando moito partido.

         O Presidente do Tyde, Jesús González, agradeceu á Deputación que teña elixido a Tui coma sede desta Copa, apuntando que o Tyde presenta á mesma dous equipos. Engadía que o club conta na súa escola con 120 nenos e con catro equipos federados. Salientaba tamén a importancia desta Copa do Futuro porque mobiliza ao fútbol base tanto a nivel deportivo coma persoal e de educación. Engadía que o traballo de base é primordial sobre todo de cara ao futuro para lograr no seu momento un equipo de seniors que coloque ao Tyde onde se merece.

        Por último Fran Teixeira expuxo que Tui acolle esta Copa do Futuro por desexo expreso do Presidente da Deputación e tamén polo gran éxito que teñen aquí as Escolas Deportivas da Deputación de fútbol, patinaxe e balonmán.  A fase de Tui engadía que é unha das máis fortes ante os grupos que participan. Os equipos distribúense en catro grupos de catro, pasando os dous primeiros de cada grupo á fase final.

A Oficina municipal de Atención a inmigrantes e emigrantes retornados leva un mes en funcionamento

A Concellería de Servizos Sociais, Educación e Muller conta dende hai un mes con este novo servizo, que se puxo en marcha dentro do Plan Municipal de Inmigración e Retorno aprobado o pasado mes de marzo, co obxectivo de desenvolver os primeiros procesos de acollida, información, orientación , atención e integración destes colectivos.

Dende a oficina infórmase sobre a situación xurídica e trámites administrativos a realizar dada a condición de inmigrante e emigrante retornado. Neste senso asesórase na tramitación de autorizacións de residencia, traballo, visados, adquisición de nacionalidade, agrupamento familiar e todo tipo de trámites administrativos que este colectivo precise así como sobre as posibles prestacións sociais, educativas ou sanitarias, e os programas formativos e de orientación e inserción laboral ás que teñan dereito.

            Neste mes de funcionamento as consultas máis demandadas estiveron relacionadas coas axudas a emigrantes retornados, a busca de emprego e as bolsas de emprego e formación para estes colectivos, así como sobre a tramitación de diferentes autorizacións de residencia e traballo.

En canto aos estranxeiros que máis demandaron este servizo atópanse os marroquís e os portugueses (reflexo da maior poboación estranxeira empadroada no noso concello), seguida de arxentinos e brasileiros.

A Oficina atópase no propio Concello e ten un horario de atención ao público de 10:00 a 14:00, de luns a venres, a través de cita previa no teléfono 986 60 36 25 extensión 54 ou nas dependencias de Servizos Sociais.

A Escola Infantil non se construirá en terreos do IES San Paio senón municipais

A Escola Infantil que vai construír a Xunta en Tui non se emprazará en terreos do Instituto San Paio coma estaba previsto, senón nos terreos lindeiros propiedade do Concello. Isto é así grazas á xestión realizada dende o propio IES polo seu director, Enrique Solleiro, en nome de toda a comunidade educativa. Consideraban, tanto o profesorado coma os pais, que a construción da Escola Infantil en terreos deste centro hipotecaba o seu futuro e non permitiría o seu crecemento en caso de necesidade co paso dos anos.  Así o explicaba en declaración á RMT.

Por este motivo Enrique Solleiro espuxo o seu plantexamento á inspección educativa, á unidade técnica, ao Xefe Territorial de Educación e co Secretario da Consellería, que apoiaron as súas teses.  Amais o director do IES entregou ao alcalde de Tui 1.500 sinaturas nunha entrevista que mantivo no día de onte. Nese encontro Fernández Rocha indicou que o Concello reconsiderou a súa postura e vai propor coma lugar para construír a gardería os terreos municipais situados entre o IES San Paio e o Centro Social.

Esta noticia foi acollida con satisfacción polos pais, o claustro e por todo o Consello escolar.  Afirmaba Enrique Solleiro que a Escola Infantil sí se vai construír pero non en terreos do Instituto.

Este domingo clausúrase a exposición conxunta dos artistas tudenses “Lis” e “Rai”

Este domingo, 22 de maio, péchase na Sala Municipal de Exposicións do concelo de Tui a exposición conxunta de dous artistas tudenses de dilatada traxectoria; por unha banda o pintor Xosé Luis Méndez “Lis” que presenta a súa mostra “A cor da música e maternidades”, e doutra parte o escultor Raimundo Martínez “Rai” que exhibe as súas obras baixo o titulo de “O andar da pedra”.

Esta exposición está organizada pola Concellería de Cultura do Concello de Tui na súa pretensión de amosar neste espazo expositivo a obra dos artistas locales. Para o seu responsable, Moisés Rodríguez Pérez, é un grande motivo de satisfacción a importante acollida que do público a esta exposición que amosa o traballo realizado por dous dos artistas tudenses de reputada calidade.

Ao longo das semanas que lava aberta esta mostra son numerosos os tudenses e visitantes que se teñen achegado a contemplar este ampla mostra artística. Moisés Rodríguez expresa o seu agradecemento tanto a Xosé Luis Méndez Rodríguez “Lis” como a Raimundo Martínez “Rai” pola excepcional colaboración realizada co Concello tudense na organización desta exposición e que enriquece a programación da Sala Municipal de Exposicións.

Xosé Luis Méndez Rodríguez “Lis” (Tui, 1958) posúe unha dilatada actividade expositiva que comezou en 1975 participando en exposicións colectivas de artistas do Baixo Miño e que ten acadado importantes fitos como a exitosa exposición celebrada na Casa de Galicia en Madrid no ano 2008. Como afirma o crítico Silvestre Gómez “a pintura de Lis é unha sinfonia e unha regueifa de cores e liñas fuxidías, metáfora de imposible pentagramas, que mostra a consolidación dun estilo personal que, recollendo as aprendizaxes das súas anteriores etapas, o impulsan dende esta brillante madurez á procura de novas formas expresivas para sorprenderse e sorprendernos.” Nesta exposición Lis presenta unha coidada colección de músicos absortos na beleza armónica do son, complementada cunha serie de maternidade.

Raimundo Martínez “Rai” (Malvas – Tui, 1940), creou aos 18 anos unha empresa de extracción de granito e pasado o tempo, xa na súa madurez, avivou a súa vocación artística e dedicouse desde entón por completo a esculpir, converténdose no artista pioneiro na utilización do canto que se achase nas ribeiras do Miño e os seus afluentes. A súa expresión artística materialízase, tanto no abstracto como no figurativo, cunha ampla traxectoria expositiva en Galicia, Norte de Portugal, Segovia ou Madrid.

El entrenador tudense deja el Tea de Mondariz Balneario para irse a la Selección Nacional portuguesa

El club Tea (Campeón Gallego 2009 y 4º de España) tendrá que prescindir de su entrenador, Manuel Freiría  en lo que resta de la temporada, ya partirá para Batislava (Rep. Eslovaca) mañana como técnico, acompañando a la Selección Portuguesa de Piragüísmo de Slalom en Aguas Bravas para participar en el Campeonato de Europa. El club Piragüísmo Baiona se resentirá  al perder la atención de su Director Técnico (único club gallego con deportistas en el equipo nacional español)

Manuel Freiría conducirá, durante el año 2010, a esta selección con el objetivo de  conseguir, en 2011, la plaza olímpica que se disputará en el Slalom Stadium que la capital eslovaca construyó en una isla del Río Danubio. Participarán también en la Copa del Mundo que se celebrará en el Canal Olímpico de la Seu Dúrgel,  en el Campeonato de Europa Sub-23 en Markkleeberg (Alemania) para terminar la temporada con el Campeonato del Mundo en Tacen (Eslovenia).

Los deportistas de la selección portuguesa demostraron el pasado fin de semana en Padrón estar en plena forma, participando en la Copa de España y estando en los primeros puestos, con Ivan Silva, 1º en K1 senior,  y José Carvalho, 2º C-1 Senior. La  juventud de estos deportistas supone presentarse con  poca experiencia pero con visión de futuro,  que de conseguir la plaza olímpica, llegarían a Londres 2012 en un buen momento, teniendo por delante varias olimpiadas.

Manuel Freiria, un tudense con una gran experiencia en aguas bravas, se iniicó en este deporte en los años 80, siendo uno de los que comenzaron el desarrollo de las aguas bravas en Galicia. En el año 90 funda, con Ricardo Aparicio, la primera empresa gallega de turismo activo en aguas bravas (Arrepions). Como entrenador de su hijo, y en el club Arrepions, consigue la primera medalla de oro española en una competición internacional de aguas bravas (EuroCap Event Freestyle, Sort 99). Actuó como jefe del Equipo Español en  los Campeonatos del  Mundo, en Sort 2001 y Graz (Austria) 2003, año que pasa a formar parte de la directiva de la Federacion Gallega de Piragüísmo, iniciándose de su mano el Slalom Olímpico en Galicia, que es, en la actualidad, la tercera comunidad de España en esta modalidad.

Preside el Comité Español de Aguas Bravas 2004-06, pasando a formar parte del cuerpo técnico de la Real Federacion Española de Piragüísmo en la sección de Slalom Olímpico. Entre los años 2006 y 2009 se produce, en Galicia, el fenómeno de mayor crecimiento de esta modalidad dentro de España. Desde el año 2009 entrena al Club Tea de Mondariz Balneario, consiguiendo ser Campeón Gallego y 4º en la Copa de España, nombrado director técnico del Club Piragüísmo Baiona, único club gallego con deportistas en el equipo nacional español. También es de destacar su participación como árbitro internacional en el Campeonato de Europa de Freestyle (Sort 04) y en la Copa del Mundo slalom (Bratislava 09).

Xoves, 20 de maio de 2010  

Padres del colegio nº 2 de Tui mantienen la convocatoria de manifestación para el próximo sábado

            Los padres y el ANPA del Colegio nº 2 de Tui mantienen la convocatoria de manifestación el sábado 22 de mayo a las 12 del mediodía, para continuar reclamando una mayor seguridad en el acceso y salida del citado centro escolar. La manifestación reivindicativa saldrá del colegio en dirección al ayuntamiento de Tui, a cuyas puertas se leerá un comunicado reiterando las peticiones de seguridad para el centro y la necesidad de que permanezca cerrado en horario lectivo, por las noches y también los fines de semana.

Los representantes escolares informarán a los manifestantes de la visita de la técnica enviada por la  Delegación de Pontevedra de la Consellería de Educación de la Xunta  y la falta de compromiso por parte del ayuntamiento, dando lectura, además, a la última carta enviada por la Concejala de Educación.

            Los padres y el ANPA del Colegio nº 2 insisten en que “no estamos pidiendo algo extraordinario, sino algo que nos corresponde por derecho, como hemos repetido muchas veces: que nuestros hijos tengan unas medidas de seguridad mientras reciben educación en un centro público. No podemos seguir jugando con la inseguridad de 500 niños, por eso queremos que este problema se solucione a finales de este curso”.

            En la pasada manifestación, según los representantes escolares, participaron más de 500 personas pero ahora, “necesitamos ser más, a ver si así el Concello se sensibiliza con el tema y ve que somos muchos los implicados y los afectados”, de ahí que este colectivo espera la colaboración de los padres, las familias y de todos aquellos que quieran apoyarles en esta petición a las Administraciones para que asuman sus responsabilidades con el Colegio nº 2 de Tui.

Quique Peón presenta o espectáculo de danza Ovay, unha obra dirixida ao público familiar

O Teatro Municipal de Tui pecha este venres a programación do primeiro semestre do ano cun espectáculo de danza. A cita será ás 21.30 horas coa compañía de Quique Peón que leva a escena “Ovay”. Trátase dun só de danza interpretado por Henrique Peón acompañado polos músicos Xosé Lois Romero e Suso Vaamonde.

 “Ovay” é a viaxe dun bailarín, é liberdade sen lastres, o movemento renovado e a expresión dunha inquedanza sobre a propia esencia. OVAY quere amosar a forma de expresión masculina e feminina empregando un amplísimo abano de movementos tradicionais galegos que evolucionan ata chegar aos nosos días. Para isto mestúranse as frases tradicionais no marco da danza contemporánea, tentando non perder a expresividade e sentimentalidade. A obra vai máis aló do virtuosismo do bailarín amosándonos o  seu interior, fusionando os instrumentos, o canto e o teatro co mesmo baile, e tentando que o espectador recoñeza e redescubra, a un tempo, o seu.

Quique Peón  centrou a súa actividade na investigación etnográfica de Galicia, con especial atención á danza tradicional, na teima de conversala, divulgala, dignificala e colocala no lugar que lle corresponde dentro das artes escénicas. Froito destas ideas e do seu traballo de campo son os centos de melodías e danzas que ten recuperadas, e a súa longa traxectoria coma bailarín e profesor de baile e música tradicional galega nas agrupacións máis sobranceiras e prestixiosas do país, entre as que destaca o Grupo de Música e Baile Tradicional Xacarandaina que dirixe dende 1981. Tivo tamén contactos coa danza contemporánea e colaborou con Roberto Oliván coma asistente coreográfico e formando parte do elenco no “Kiosco das almas perdidas”. Na actualidade Quique Peón compaxina a súa faceta de investigador, intérprete e docente no eido tradicional coas súas inquedanzas interpretativas e as novas experiencias na danza contemporánea.  Creou a súa propia compañía en 2008 co obxectivo e convicción de promocionar a danza de Galicia en todas as súas manifestacións artísticas. Nesta nova andaina, Quique Peón dedicará os seus esforzos á produción de espectáculos de danza galega, tanto a nivel nacional como internacional, por medio da programación cultural privada e institucional. A súa primeira aposta “Ovay” , o espectáculo que este venres achega a Tui, busca profesionalizar un sector que ata o momento non tivo esa posibilidade e dignificar a figura do bailarín galego tradicional.

As entradas para “Ovay” están a venda, ao prezo de 5€ e 3€, na web www.culturatui.info ata o venres ás 16.30h, e logo o venres dende ás 20h pódense mercar no despacho de billetes na Área Panorámica.

Presentación da Copa de Futuro da Deputación

Hoxe xoves, ás 12h, será presentada na sala de reunións da Casa do Concello, a Copa do Futuro de fútbol organizada pola Deputación de Pontevedra que esta fin de semana, o sábado 22 e o domingo 23, se vai celebrar en Tui.

A presentación correrá a cargo do alcalde de Tui, Antonio Fernández Rocha, do técnico de Deportes da Deputación, Fran Teixeira, e dun responsable da empresa ICE, Imagen, Comunicación i Eventos, Bernardo Acevedo.

Este sábado dispútase o Trofeo Universitario Eurorrexional de barcos dragón

Este sábado dispútase en augas do río Miño en Tui o Trofeo Universitario Eurorrexional de Barcos Dragón organizado polo Centro de Estudos Eurorrexionais Galicia-Norte de Portugal.

No mesmo van participar alumnos das universidades galegas de Vigo, Santiago e A Coruña, así coma das portuguesas de Miño, Porto, Tras os Montes e Alto Douro.

O programa previsto para este sábado comeza ás dez da mañá coa recepción das autoridades no Centro Interfederado. Asistirán os reitores das seis universidades participantes, así coma os vicerreitores de cultura e deporte destas universidades. Tamén está previsto que asista o Secretario Xeral para o Deporte, o Secretario de Universidades, o Director do CEER, o Presidente da Federación Galega de Remo, o Presidente da Deputación, o Presidente da Cámara de Valença e o Alcalde de Tui.

Ás 10.30h terá lugar a inauguración do Trofeo de Barcos dragón, seguida dunha visita ás instalacións do club. A competición iniciarase ás 12.15 e a entrega de premios está prevista para ás dúas da tarde.

A regata terá unha lonxitude de 500 metros con saída da Ponte Internacional e chegada fronte ás gradas do Centro Interfederado. Faranse dúas serie eliminatorias con tres embarcacións cada unha, pasando á final A os dous primeiros de cada serie. En cada barco irán doce tripulantes, dos que dez serán padeeiros, un patrón e un marcador. A tripulación será mixta tendo coma mínimo cinco homes e cinco mulleres.

(Véxase percorrido)

Prestacións e servizos que tramita o departamento de Servizos Sociais de Tui

Os Servizos Sociais do Concello de Tui informan das prestación e servizos que están a tramitar neste departamento.

Por unha parte tramitan a solicitude de prestación por fillo menor de tres anos dirixida a nenos nados entre o 02-01-2007 e 01-01-2010. Os ingresos da unidade familiar no ano 2008 non poden superar os 22.000 €. O prazo para a presentación de solicitudes remata o 19 de xuño.

Por outra parte onte remata o prazo para solicitar praza no Programa Diurno de Balnearios da Deputación da campaña de verán no Talaso Atlántico de Oia. Vai dirixido a persoas maiores de 50 anos que se valan por si soas. O prezo por persoa é de 28€ no que se inclúe o desprazamento e o tratamento durante cinco días.  A inscrición para a campaña de outono de Balnearios estará aberta do 2 ao 20 de xuño.

Dende o departamento de Servizos Sociais tamén tramitan as solicitudes para o Programa de Vacacións para persoas maiores do IMSERSO. Os requisitos a cumprir son ser maior de 65 anos, pensionista de xubilación do sistema Público de pensións, pensionista de viudedade con idade igual ou superior os 55 anos, pensionista de invalidez, outras pensións ou prexubilados con 60 anos cumpridos. O prazo para presentar esta solicitude remata o 20 de xuño.

Para información e tramitación de ditos recursos as persoas interesadas poden acudir o Departamento de Servizos Sociais do Concello de Tui ou chamando o Telefono 986 603 625 extensión 5 en horario de 9:00 a 14:00 horas.

Este sábado dispútase en Tui o Biatlón escolar

A Federación Galega de Triatlón en coordinación coa Agrupación Deportiva Baixo Miño vai celebrar este sábado en Tui o Campionato Provincial de Biatlón Escolar.  No mesmo van participar 200 atletas dos diferentes institutos, colexios e clubs da comarca das categorías alevín, infantil, e cadete, tanto masculino coma feminino. Terá lugar entre ás 16.30 e ás 19.00 horas.

A proba de natación disputarase na piscina do Ximnasio Disom Tui mentres que a carreira a pé terá lugar nos terreos entre a Mariña e o Penedo.

Mércores, 19 de maio de 2010  

Ainda hai prazas para o curso de condución efeciente do vindeiro lúns 24 de maio

O Concello de Tui, a través da Concellería de Cultura, organiza un curso de condución eficiente, de carácter gratuíto, que se desenvolverá o luns 24 de maio no Telecentro do Edificio Área Panorámica de Tui en horarios de 10.00 a 12.00, 12.00 a 14.00, 16.00 a 18.00 e 18.00 a 20.00 horas cun máximo de 8 alumnos por quenda.

Desde a Concellaría informan que aínda quedan prazas libres nas diversas quendas pólo que animan aos interesados a inscribirse.

Obxectivos

O obxectivo destes cursos, é realizar un uso máis racional do vehículo e ofrecer un novo estilo de condución para promover un cambio de actitude nos usuarios.

A condución eficiente consiste en aplicar unha serie de técnicas para reducir o consumo de combustible e a contaminación medioambiental e ademais, conseguir aumentar a seguridade viaria e o confort a bordo. Segundo datos facilitados polo Instituto para la Diversificación y Ahorro de Energía (IDAE) os españois aforrarían un 15% anual en combustible cunha condución máis económica e sen diminuír a velocidade media.

Profesorado

O curso contará con monitores  expertos que explican as técnicas ao volante para aproveitar a eficiencia enerxética dos vehículos actuais. O alumnado terá a posibilidade de comparar a influencia das técnicas de condución no consumo de combustible mediante unha proba práctica antes e despois da sesión teórica.

Estrutura

O curso realízase nunha única sesión cunha duración aproximada de 2 horas, sendo a estrutura do curso:

Quenda de condución normal por cada alumno/a

Sesión teórica

Quenda de condución por parte de cada alumno/a, aplicando as técnicas de condución eficiente

Exposición de resultados das quendas

Para a realización das prácticas porase a disposición dos alumnos un vehículo con medición de consumo. O número de alumnos por vehículo será como máximo de catro. As roldas de condución serán realizadas por cada un dos catro alumnos do grupo.

O curso levarase a cabo nun percorrido que conte coa maior parte dos elementos representativos da circulación (cruzamentos, rotondas, vías de dobre sentido, pendentes en subida e en baixada, etc.) e nas que a aplicación dunha ou outra técnica achegan diferenzas en consumo.

Aos asistentes entregaráselle un Manual de condución eficiente así como un diploma acreditativo da participación no curso.

Requisitos

Contar cun mínimo de 8 persoas que dispoñan de carné de conducir tipo B e sexan condutores habituais. O día do curso os alumnos terán que levar orixinal e fotocopia do carné de conducir. O custe do curso é gratuíto.

As persoas interesadas deben cubrir a corresponde ficha de inscrición e entregala na Biblioteca Municipal. A inscrición poden realizala a través do correo electrónico: biblioteca@concellotui.org, indicando os seus datos persoais, DNI, e telefono de contacto.

Para o concelleiro de cultura, Moisés Rodríguez Pérez, está actividade é unha testemuña da aposta do Concello tudense pola sostenibilidade. Este curso está organizado en colaboración co Centro de Extensión Universitaria e Divulgación Ambiental de Galicia (CEIDA) e a Fundación Axencia Intermunicipal da Enerxía de Vigo.

La Federación Provincial de Comercio de Pontevedra mantiene su rechazo a la apertura dominical más allá de los ocho días establecidos

El Comité Ejecutivo de la Federación Provincial de Comercio de Pontevedra celebró una reunión extraordinaria para tratar la propuesta de declaración de Tui como “Zona de gran afluencia turística”.

La Federación respeta la iniciativa del ayuntamiento de Tui de solicitar la declaración de “Zona de gran afluencia turística” para este municipio, en virtud de las competencias que le otorga la Ley de horarios comerciales de Galicia, pero este colectivo quiere dejar constancia de que su postura sigue siendo la de que no se debe permitirse la apertura del comercio en domingos y festivos más allá de los 8 días ya autorizados por la Xunta de Galicia, de acuerdo con la Ley de horarios comerciales de Galicia.

O anexo da Sala Municipal de exposicións de Tui acolle una mostra colectiva de pintura galego-portuguesa sobre o Camiño de Santiago

A zona Anexo da Sala Municipal de Exposicións, na Área Panorámica,  acolle dende o pasado sábado e ata o 30 de maio unha exposición colectiva de pintura galego-portuguesa que baixo a denominación de “Xacobeo 2010” realiza un percorrido visual polos principais enclaves do camiño portugués de peregrinación a Compostela.

Esta exposición está organizada pola  asociación “Artegrove”, de Pontevedra, xunto coa “Escola utopía de artes plásticas” de Porto, e na mesma participan 15 autores galegos e outros quince autores portugueses presentando trinta traballos que amosan os camiños de Santiago percorridos a través da arte.

Esta exposición comezou o seu particular camiño no pasado mes de xaneiro en Porto, continuando por Ponte de Lima, Arcos de Valdevez, Valença do Minho e agora Tui. De seguido proseguira o seu roteiro polo Castelo de Soutomaior, Pontevedra, O Grove, Marín, Caldas de Reis, Padrón e, finalmente, en Santiago de Compostela no mes de decembro.

O Concelleiro de cultura tudense, felicita  a “Artegrove” por esta iniciativa de grande proxección e agradece o seu interese por expoñer nesta cidade esta mostra visual sobre o camiño de peregrinación a Compostela. Con esta nova actividade, engade Moisés Rodríguez Pérez, a cidade de Tui reafirma a súa condición de porta de entrada do camiño portugués cara a Santiago de Compostela, non xa para os peregrinos a pé, a cabalo ou en bicicleta, senón tamén para estes novos romeus da arte que coas súas obras contribúen a posta en valor deste roteiro que forma parte do patrimonio cultural europeo.

O Parador de Tui acolleu unha cata transfronteiriza de viño

O Concelleiro de Cultura e Turismo de Tui, Moisés Rodríguez, asistiu onte á inauguración da Cata Transfronteiriza organizada pola revista Hostelería de Galicia e Turismo, HC&T, no Parador de Turismo San Telmo Tui.

Esta actividade centrouse na cata de viños brancos procedentes das cinco Denominacións de Orixe galegas, así coma do Bierzo, Rueda, Vinhos Verdes e Douro, estes últimos de Portugal.

Un total de trece catadores tiveron a oportunidade de degustar 48 viños estudando as súas características e cualidades. Entre eles estaban presentes o presidente de AGASU, a Asociación Galega de Sumilleres, David Barco, así coma o actual Campión de Sumilleres de Galicia, Óscar Cidanes, e a subcampiona, a tudense, Marina Cruces García.

O Concelleiro de Cultura, Moisés Rodríguez, agradeceu na inauguración a Guillermo Campos, presidente de HC&T, a celebración desta Cata Transfronteiriza en Tui, e deu a benvida aos participantes neste evento. Salientou amais o espírito turístico da cidade, e aposta pola gastronomía e restauración, destacando o feito de que a Subcampiona galega de sumilleres, presente na cata, sexa tudense.

Concerto co gallo do Día das Letras Galegas no Conservatorio

Hoxe mércores ás 20.30h o Conservatorio e a Escola de Música de Tui celebran un concerto no Teatro Municipal  co gallo do Día das Letras Galegas.

O aforo é limitado e as entradas deben retirarse, de xeito gratuíto, unha hora antes no propio teatro.

O concerto correrá a cargo do coro da Escola, dirixido por Marta Souto, a orquestra de Corda dirixida por Algidas Petras e a orquestra de Vento dirixido por Adolfo Besada.

Maxia e monicreques hoxe mércores na Biblioteca Municipal

Hoxe mércores a  Biblioteca Pública Municipal de Tui acolle unha nova actividade de animación dentro do programa do “Mes dos Libros”.

            Mañá ás seis os nenos e nenas poderán disfrutar do espectáculo “A maxia dos soños” a cargo da compañía “A ill@ dos nen@s”, que repite logo dunha exitosa participación nas actividades de outono da Biblioteca.

 “A maxia dos soños” é un conto inédito no que os asistentes disfrutarán dunha fermosa historia que ten como protagonista a un neno que quere ser Mago e a través dun soño moi especial no que lle pasan cousas máxicas é quen de facer realidade a súa ilusión. Neste espectáculo o conto relátase por unha voz en off e representado por un actor que fai o papel de neno e os distintos personaxes que son monicreques.

Esta actividade que combina maxia e monicreques está dirixida especialmente aos usuarios más cativos da Biblioteca Municipal tudense. Esta actividade forma parte do programa “Letras vivas” que promove a Dirección Xeral de Promoción e Difusión da Cultura da Consellería de Cultura e Turismo, en colaboración coa Concellería de Cultura do Concello de Tui.

O Club Remo do Miño de Tui fai historia ao gañar o oito cadete no Porto (Portugal)

Logo de quince anos, o  Club Remo do Miño de Tui, conseguiu formar un oito cadete e estrearse na Regata Internacional do Porto, conseguindo a vitoria por diante dos equipos da final A.

Foi u nha magnifica regata comandada desde o principio por este Oito tudense adestrado por Alfonso Riveiro. Esta embarcación non  deu opción aos rivais, xa que chegaron en solitario á meta deixando ao segundo clasificado a máis de cinco botes e ao resto a máis de douscentos metros.

Os resultados foron:

Medalla de Ouro: Club Remo do Miño, Diego Dás Dores/ Eduardo Ferreira/ Xian Siaba/ Alejandro Hernández/ Iván Madernas/ Iván Barreiro/ Santiago Pascual/ Lucas Fernández/ e como temoneiro Jennifer Dás Doures.

Tamén se conseguiu un magnifico cuarto posto no Oito absoluto formado por: Alfonso Riveiro/ Rubén Castelo/ Isaac Prada/ David Prada/ Miguel Martínez/ Abel Vila/ Yago Izquierdo/ Cristian Fernández, e como temoneiro Jennifer dás Doures.

En Skiff absoluto, magnifico cuarto posto de Yago Izquierdo,

Medalla de bronce tamén no Catro Sen Sénior, formado por, Alfonso Riveiro, Rubén Álvarez,  Isaac Prada e Cristian Fernández, Fixeron unha excelente regata, chegando nunha final apurada cos remeiros de Caminha.

O Dobre Scull Xuvenil de André Diz e Joel Agrafojo, conseguiron un meritorio cuarto posto na final A.

Manuel Garrido logrou esta fin de semana o seu pasaporte á Copa do Mundo de Maratón en C1

O Club Kaiak Tudense participou esta fin de semana na I Competición de Maratón en Cáceres. Nesta proba déronse cita 68 clubs de toda España.

Esta competición tiña unha importancia engadida  xa que outorgaba os pases para as competicións internacionais.

Manuel Garrido logrou a medalla de ouro en C1 na categoría absoluta polo que asegurou a súa participación na Copa do Mundo de Maratón que se celebrará na República Checa  a finais de xuño. Manuel Garrido proclamouse o ano pasado Campión do Mundo.

Tamén lograron o seu paseo a unha proba internacional Luís Morais e Carlos Mendez, ao logar a vitoria no C2 xuvenil co que estarán na Copa do Mundo de Brandenburgo (Alemaña). Tamén estarán nesta Copa do Mundo Rubén Millán que logrou o ouro en k2 xuvenil xunto a Andoni Larraudi.

           O podio tudense completouse na categoría feminina co terceiro posto de Valeria Romero en K1 xuvenil.

Luns, 17 de maio de 2010  

O vindeiro mércores maxia e mocicreques na Biblioteca Municipal de Tui

A Biblioteca Pública Municipal de Tui continúa a desenvolver o seu programa do “Mes dos Libros” e a vindeira cita será o mércores, 19 de maio, cunha actividade de animación para os cativos. Desta volta trátase do espectáculo “A maxia dos soños” a cargo da compañía “A ill@ dos nen@s”, que repite logo dunha exitosa participación nas actividades de outono da Biblioteca.

 “A maxia dos soños” é un conto inédito no que os asistentes disfrutarán dunha fermosa historia que ten como protagonista a un neno que quere ser Mago e a través dun soño moi especial no que lle pasan cousas máxicas é quen de facer realidade a súa ilusión. Neste espectáculo o conto relátase por unha voz en off e representado por un actor que fai o papel de neno e os distintos personaxes que son monicreques.

Esta actividade que combina maxia e monicreques está dirixida especialmente aos usuarios más cativos da Biblioteca Municipal tudense. Esta actividade forma parte do programa “Letras vivas” que promove a Dirección Xeral de Promoción e Difusión da Cultura da Consellería de Cultura e Turismo, en colaboración coa Concellería de Cultura do Concello de Tui.

Con esta actividade vaise completando o programa do “Mes dos Libros” que promove a Biblioteca Municipal tudense dende o 23 de abril,día do libro, ata logo do día das letras galegas. Ao longo destas xornadas téñense realizado diversas actividades de animación salientando especialmente a celebración de “Ágora, os libros na Praza de San Fernando” o pasado 23 de abril e a visita o martes 11 de maio do escritor Alfredo Gómez Cerdá, premio nacional de literatura infantil e xuvenil 2009.

Sábado, 15 de maio de 2010  

O BNG denuncia no parlamento un presunto verquido ilegal na parroquia de Ribadelouro, en Tui

A deputada do BNG, Carme Adán, presentou no Parlamento Galego unha iniciativa para que se investigue un presunto vertido ilegal procedente de canteiras na parroquia de Ribadelouro, en Tui.

En concreto, a deputada do BNG pregúntalle á Xunta se ten coñecemento destes vertidos de escombros e, de ser así, se ten as autorizacións necesarias e a licenza municipal correspondente.

En caso de carecer dos correspondentes permisos,  Carme Adán demándalle á Xunta que realice as accións necesarias para asegurar o cumprimento da legalidade vixente.

Prestacións e recursos que se están a tramitar no departamento de Servizos Sociais do concello de Tui

Prestación por fillo menor de tres anos: Nenos nacidos entre o 02-01-2007 e 01-01-2010 e cuios ingresos da unidade familiar no ano 2008 non superen os 22.000 €. Remata o prazo o 19/06/2010

Programa Diurno de Balnearios da Deputación Thalaso Oia

Persoas maiores de 50 anos que se valgan por si soas.

Prezo 28€ por persoa

Inclúe desplazamento e tratamento durante cinco días

Remata o prazo o 19/05/2010

Para a Campaña de Outono abrirase o prazo de inscripción do 2 o 20 de xuño de 2010

Programa de Vacacións para persoas maiores do IMSERSO

Temporada 2010/2011

Ser maior de 65 anos

Pensionista de xubilación do sistema Público de pensións

Pensionista de viudedade con idade igual ou superior os 55 anos

Pensionista de invalidez, outras pensións ou prexubilados con 60 anos cumplidos.

Remata o prazo o 20/06/2010

Para información e tramitación de ditos recursos as persoas interesadas poden acudir o Departamento de Servizos Sociais do Concello de Tui ou chamando o Telefono 986 603 625 extensión 5 en horario de 9.00 a 14.00 horas.

Terceiro roteiro do programa Coñecendo e recreando a Uxío Novoneyra

Continúa a programación “Coñecendo e recreando a Uxío Novoneyra” organizada pola Concellería de Educación de Tui e o Colexio Rural Agrupado. Este domingo van desenvolver un Roteiro poético musical con textos de Uxío Novoneyra por un tramo do Camiño de Santiago. En concreto van saír do Arrabal ás once da mañá para continuar polo Piñeiro, a rúa San Telmo, e a Praza da Misericordia. Levarán a cabo un Maratón fotográfico, así coma a resolución de enigmas e busca de tesouros.

Para o luns teñen previsto un novo Roteiro poético musical con textos de Uxío Novoneyra no Paseo da Corredoira. Terán exposición de produción poéticas inéditas da poboación de Tui e presentación de poemas e cartas de amizade.

Por outra parte a Concellería de Educación lembra que está aberto o prazo de inscrición a marcha en bicicleta, patíns e andando que farán o domingo 23 deste mes saíndo ás 11.00 horas da Ponte Internacional e chegando ata o Paseo Fluvial onde realizarán un percorrido en barco ou en piragua ata a Praia de Areeiros en Guillarei. É preciso anotarse sobre todo para a reserva das piraguas de aluguer. Lembramos que os interesados poden inscribirse no Concello, na Biblioteca Municipal ou na Radio Municipal.

E a Concellería de Educación informa tamén da posta en marcha dun blog deste departamento que recolle as fotografías dos roteiros poético-musicais desenvolvidos ata o momento. O enderezo é http://educandoentuipasoapaso.blogspot.com

Continúan as charlas ao abeiro do programa “Recuperar a Utopía”

Hoxe sábado ás sete da tarde na Sala Félix Rodríguez continúa o programa de charlas “Recuperar a utopía” organizadas pola Asociación Bicicleta con Botas.

O tema a tratar será “A alternativa sindical da CNT” a cargo de Suso García da CNT de Betanzos e Pablo Paz da CNT de Compostela

2ª edición de “Coñece o Tripes”

Mañá domingo celébrase a segunda edición de “Coñece o Tripes”, unha iniciativa que persegue dar a coñecer este espazo natural e os seus muíños. A saída está prevista ás 10.30h dende o parque Infantil de Circos. Logo os asistentes farán unha ruta guiada explicativa polo sendeiro do río Tripes cun percorrido por 23 muíños, e muiñada ao remate.

Día das Letras Galegas en Pazos de Reis, Tui

O Centro Cultural Aloia de Pazos de Reis celebra mañá domingo a partir das seis da tarde o Día das Letras Galegas. Contarán coa actuación do grupo de teatro San Fins de Rebordáns que presenta a obra “La clave rosa”. Logo actuará o grupo de gaitas e percusión da Asociación Cultural “Aloia”, e haberá tamén degustación de rosquillas con viño tinto gratis para os asistentes. Organiza a Asociación Cultural, Deportiva e Xuvenil Aloia de Pazos de Reis.

Concerto do Coro Clásico de Vigo na Catedral

Hoxe sábado ás oito da tarde actúa na Catedral de Tui o Coro Clásico de Vigo dentro do Ciclo Ibérico de Música Sacra que organiza a Asociación Amigos da Catedral.

Festas na honra á Virxe de Fátima en Bornetas

Esta fin de semana celébranse festas na honra á Virxe de Fátima en Bornetas. Comezan mañá sábado con verbena con Milenium e Samba. O domingo ás 10h ofrecerá un pasarrúas a Banda de Música Popular de Tui. Ás 12.30h celebrarase Misa solemne na honra á Virxe de Fátima. E pola tarde ás seis actuará o grupo de pandereteiras do Lavadoiro das Bornetas. Por último a verbena será amenizada por Miramar e Triunfo.

Gran Xincana en Malvas

Este sábado e domingo a partir das seis da tarde celébrase no circuíto de Chan da Misuela, en Malvas,  unha Gran Xincana. Haberá trofeos e premios en metálico.

Ribadelouro, Tui – X Festa do chourizo e torneo de Tiro ao plato

Este sábado e domingo celébrase no Porto de Bouzas, en Ribadelouro, a X Festa do Chourizo e torneo de Tiro ao prato organizado pola Comisión de Festas da Magdalena.

Hoxe, sábado, comezarán ás nove da mañá con Tiro ao prato, e o comezo da festa do chourizo. Pola noite terán verbena coa orquestra Océano.

O domingo ás nove da mañá farán un percorrido de caza de tiro con arca, unha modalidade novidosa, e continuará a Festa do Chourizo, e pola noite amenizará a verbena a orquestra Limón.

Venres, 14 de maio de 2010  

Sarabela Teatro presenta Cósima no Teatro Municipal

O público infantil e familiar é o destinatario da obra de teatro que hoxe, venres,  programa a Concellería de Cultura de Tui no Teatro Municipal. Sarabela Teatro porá en escena a partir das 20.00 horas “Cósima”. As entradas están xa á venda na web www.culturatui.info ata hoxe mesmo, ás 16.30 horas,  e dende ás 18.30h pódense mercar no Despacho de Billetes ao prezo de 3€ e 2€.

“Cósima” é unha obra de teatro infantil escrita por Chris Baldwin e dirixida por Ánxeles Cuña Bóveda.  Dan vida aos personaxes Fernando Dacosta, Tito R. Asorey, Sabela Gago e Elena Seijo. Compre salientar tanto o traballo de escenografía realizado por Alberto Bahón, coma o vestiario de Ruth D. Pereira, así coma a música de Yury Sidar.  Esta obra, en ton de comedia, narra a historia dunha nena que marcha vivir a unha árbore, fuxindo dun pai autoritario e distante. No seu refuxio comunícase coa súa nai a través dunha linguaxe de signos que elas inventaron, e recibe a visita de vellos e novos amigos. Finalmente convida ao seu pai a visitala na súa árbore.

“Sarabela Teatro” é unha das compañías máis consolidadas de Galicia xa que leva 29 anos sobre os escenarios. No seu haber conta con un bo número de premios entre os que destacan seis Premios Compostela, trinta premios María Casares, cinco Fetén, e un Celestina.

O luns celébrase a XIII Feira do Libro Galego

O Paseo da Corredoira vai acoller o próximo luns, 17 de maio, co gallo do Día das Letras Galegas, a XIII Feira do Libro Galego organizada pola Concellería de Cultura de Tui, coa colaboración das librarías Byblos, Iris e Valverde.  Ten un orzamento de 5 mil euros.

A feira foi presentada na Casa do Concello polo alcalde de Tui, Antonio Fernández Rocha, o concelleiro de Cultura, Moisés Rodríguez, e Cristina García e Maruchi Valverde en representación das librarías participantes.

A inauguración está prevista para ás 12 do mediodía a cargo do escritor tudense Fernando Álvarez autor de “El glorioso bálano de Randufe” e “Asesinato de una mariposa”.  Dende ese momento e ata ás dez da noite o público poderá pasar polos 21 postos de libros que se instalarán na Corredoira, nos que haberá un 10% de desconto. Haberá títulos en galego de literatura infantil, xuvenil, novela, viaxes, gastronomía, e por suposto tamén a obra de Uxío Novoneyra, autor a quen este ano se lle dedica o Día das Letras Galegas. Tamén nos postos das librarías estarán presentas as obras do escritores tudenses tanto en castelán coma en galego.

Trala inauguración ofrecerá un recital de poesía a Asociación de Poetas do Baixo Miño. Ás 12.30 horas está prevista a actuación do grupo folclórico “San Fins” de Rebordáns. Pola tarde, e coma novidade na feira, entre ás 16.30 e ás 19.30 horas, haberá inchables para os máis pequenos. Ás seis da tarde actuará o grupo de pandereteiras “As Dabadía” da Asociación Cultural A Insua de Caldelas. E por último ás oito haberá unha representación de “Palabras máxicas”, espectáculo de maxia con contidos para a animación á lectura e a dinamización do galego, a cargo de Christian Magic.

Moisés Rodríguez na súa intervención salientou que esta é unha feira consolidada tanto no municipio coma no entorno. Engadía que neste ano dedicado a Uxío Novoneyra, é un orgullo que as libreiras colaboren nunha nova edición deste evento.

Avanzaba tamén Moisés Rodríguez, que dado o éxito que tivo o ano pasado a Feira do Libro celebrada no verán, este ano repetirase a experiencia nunha das datas que se anunciarán proximamente.

Pola súa parte as libreiras Maruchi Valverde e Cristina García, expuñan que tras bastantes anos facendo a feira cada vez están máis contentas dos resultados obtidos, xa que este evento lles brinda a posibilidade de sacar os seus artigos á rúa. Apuntaban tamén que nos diferentes postos haberá unha ampla variedade de libros, nos que farán un 10% de desconto.

Por último o Alcalde salientou que a Feira está consolidada despois de trece anos, e animou ao público a participar xa que é fundamental para poder continuar. E agradeceu ás libreiras a súa colaboración así coma o 10% de desconto establecido na venda de libros nesta edición.

Programa

            Ás 12:00h inauguración, a cargo de Fernando Álvarez Pereira

            Ás 12:15h recital de poesía a cargo da Asociación de Poetas do Baixo Miño”

            Ás 12:30h actuación do grupo folclórico “San Fins” de Rebordáns

            De 16:30h a 19:30h  Inchables para lecer dos máis pequenos

            Ás 18:00h actuación do grupo de Pandereteiras “As Dabadía” de Caldelas

            Ás 20:00h Representación de “Palabras Máxicas” de Chrystyan Magic, un espectáculo de maxia con contidos para a animación a lectura e a dinamización da nosa lingua para un público familiar.

A Casa da Xuventude de Tui acolle hoxe unha xuntanza con asociacións onde se debaterá sobre a nova orde de participación xuvenil

A Dirección Xeral de Xuventude e Voluntariado organiza para hoxe venres ás cinco da tarde na Casa da Xuventude de Tui unha xuntanza coas asociacións da comarca e cos mozos e mozas interesados, co fin de achegarlles o novo modelo de participación xuvenil e proporcionarlles máis información sobre o mesmo.

Todos aqueles mozos e mozas interesados en levar a cabo un proxecto de participación xuvenil poderán achegarse para informarse destas axudas que, por primeira vez, inclúen aos grupos informais, aínda que non estean constituídos oficialmente como asociación.

Así, a través destas xuntanzas, explicarase aos asistentes as características deste novo modelo da participación xuvenil e a súas novidades, como a inclusión dos grupos informais ou como o adianto do 80 por cento do total da subvención concedida antes de realizar as actividades previstas.

É preciso lembrar que esta orde de subvencións ten aumentado o seu orzamento en case o 70 por cento, ao pasar dos 400.000 euros aos 675.000. O importe máximo subvencionable é de 7.000 euros, unha cantidade que non poderá superar o 80 por cento do custo total do proxecto.

Entre os criterios de valoración para a concesión das axudas destacan a calidade do deseño e do contido do proxecto; o programa de actividades; a súa creatividade e innovación; a metodoloxía e os indicadores obxectivables; a implicación dos participantes e o efecto multiplicador; e o cofinanciamento ou emprego da lingua galega.

Así mesmo, a Xunta de Galicia considerará áreas de atención prioritarias a desenvolver mediante as iniciativa xuvenís os proxectos de ocio e lecer educativo, os relacionados coa creación de espazos para a comunicación e coas novas tecnoloxías e os que fomenten actitudes emprendedoras e participativas.

Xoves, 13 de maio de 2010  

Casi un centenar de escolares conocen el Camino Portugúes que entra en Galicia por Tui

En la mañana de ayer, miércoles, han recorrido el tramo del camino portugués Valença-Tui 96 escolares de institutos de la provincia de Pontevedra dentro del programa de la Diputacion de pontevedra "Camiña con Nós".

A las 10 de la mañana fueron recibidos por el presidente de la Cámara Municipal de Valença, Jorge Mendes, acompañados por la diputada de Servicios sociais de la Diputación,  Teresa Pedrosa, y la concejala de Educación del ayuntamiento de Tui, Patricia Ricón que han realizado el tramo con los escolares.

Durante la visita a la Catedral tudense acompañó a los estudiantes el concejal de Cultura, Moisés Rodríguez. Una parte importante de los jóvenes era la primera vez que visitaban Valença y Tui, y todos ellos destacaron la belleza del tramo recorrido, en este camino portugués, que es, además la puerta de entrada del Camino Portugués a Galicia.

Un blog para las Letra sGalegas

La Concejalía de Educación del ayuntamiento de Tui informa también del nuevo Blog con el que cuenta este departamento, abierto con motivo de las actividades del programa para las Letras Galegas 2010, "Coñecendo e Recreando a Uxío Novo Neira", que puede consultarse en http://educandoentuipasoapaso.blogspot.com/

A Cámara Municipal de Valença organiza unha visita guiada á cidade de Tui o sábado, 15 de maio

Este sábado, 15 de maio, a Cámara Municipal de Valença do Minho organiza, en colaboración con el concello de Tui, una visita guiada ao conxunto histórico tudense. Este percorrido dará comezo ás 09.30 horas (10.30, hora española), no recinto da antiga alfándega de Portugal, concretamente na escultura “Ritmo de primavera” unha obra de referencia na arte do Estado Novo de Portugal.

Dende este lugar os participantes percorrerán o camiño de Santiago ata o casco histórico tudense e visitarán aqueles elementos máis destacados da cidade, con especial referencia á Catedral de Santa María, principal símbolo do patrimonio tudense.

Esta actividade enmarcase dentro dos “percursos pedestres, histórico-cultural” que periodicamente organiza o Núcleo museológico de Valença para a difusión do seu patrimonio cultural.

A organización conxunta desta actividade é saudada con especial satisfacción polo concelleiro de cultura tudense, Moisés Rodríguez Pérez, que salienta que este evento é o inicio dunha máis estreita cooperación entre ambos municipios no ámbito cultural. Ao tempo agradece á Cámara Municipal de Valença esta iniciativa e o seu interese por levala adiante para contribuír ao mutuo coñecemento entre ambas cidades.

A Oficina Municipal de Turismo recibiu 1.052 consultas nos 9 días en que abriu o pasado mes de abril

A Oficina Municipal de Turismo, situada no Paseo da Corredoira, recibiu 1.052 consultas dende o 22 de abril, cando abriu as súas portas, ata o 30 dese mesmo mes.  A meirande parte dos turistas que se achegaron a este servizo municipal eran nacionais, un total de 991, e os 61 restantes eran estranxeiros.

No turismo nacional gran parte dos visitantes procedían de Castela-León (181), seguidos dos galegos (150), andaluces (142),  valencianos (136), e madrileños (128). En canto aos estranxeiros rexistráronse 16 consultas de alemáns, 10 de portugueses, 8 de franceses, 6 de Estados Unidos, e en menor número houbo tamén turistas de Brasil, Holanda, Reino Unido, Tailandia, Austria, Italia e Rusia.

A Oficina Municipal de Turismo rexistrou amais, nos 9 días que estivo aberta en abril, un total de 26 consultas de peregrinos nacionais, a meirande parte galegos, e 16 de peregrinos estranxeiros, principalmente alemáns.

Por outra parte este servizo elaborou tamén un informe sobre o número de pernoctacións na cidade neses días. Á cabeza no nivel de ocupación estivo o Parador de Turismo con 14 persoas, seguido do Balneario de Caldelas, a Casa de Turismo Rural O Rozo con 4, o Albergue O Camiño con 3, e o Hotel Colón e o Alfonso I con 2 persoas cada un. Amais houbo catro persoas que pernoctaron na cidade en Autocaravana.

O Concelleiro de Turismo, Moisés Rodríguez, valora positivamente os datos rexistrados pola Oficina Municipal de Turismo nos seus nove primeiros días de apertura, salientando que é a primeira vez que este servizo abre no mes de abril. Dado o importante número de consultas rexistradas Moisés Rodríguez agarda que este 2010 sexa un bo ano para o turismo na cidade, que repercuta favorablemente tanto na hostalería e restauración coma no comercio. Espera igualmente que nos meses de verán moitos peregrinos pasen pola cidade coma porta de entrada do Camiño Portugués a Santiago.

A Oficina Municipal de Turismo abre de luns a venres de xeito ininterrompido de 10 a 20h, e as fin de semana de 10.30 a 14.30 e de 15.30 a 19.30h.

Valoración desigual da reunión co equipo redactor do PXOM. Para Rocha é o paso definitivo, mentres AT, BNG e PSOE apuntan a Finca Patazumba coma problema

    Os voceiros dos cinco grupos políticos presentes na corporación municipal de Tui, PP, AT, BNG, TUI e PSdG, reuníronse o martes á tarde con Roberto Aya do equipo redactor do Plan Xeral de Ordenación Municipal de Tui. No encontro estivo tamén presente a asesora de urbanismo do Concello.

    Logo desta xuntanza, Miguel Capón de Acción Tudense apunta que o tema está enquistado na Dirección Xeral de Patrimonio, polo que considera que é urxente unha reunión tanto con esta Dirección Xeral coma co Conselleiro de Cultura para tentar que a tramitación avance.

    Apuntaba amais que o problema dáse en torno á Finca Patazumba, e avanzaba que no caso de que aí se rebaixe o nivel de edificación con respecto ao previsto no Plan de 1994 habería que compensar aos propietarios, ou darlle esa edificabilidade noutro lugar.

    Informaba Miguel Capón que precisamente resta o pronunciamento da Asesoría Xurídica de Patrimonio sobre o tema da Finca Patazumba. Unha vez exista este pronunciamento á Secretaria Municipal deberá establecer a tramitación que as modificacións feitas no Plan deben seguir, e se é preciso a súa aprobación plenaria, xa que as mesmas modificaron a súa vez un acordo plenario anterior.

    Dende o Bloque Nacionalista Galego, Laureano Alonso, manifestaba que na reunión celebrada co equipo redactor, no seu parecer, non se quixo de entrada pór sobre a mesa a problemática que existe no Plan, e o equipo redactor comezou a falar dos informes sectoriais cos que xa conta este planeamento. Engadía que o informe determinante para que o PXOM se poida aprobar é o da Dirección Xeral de Patrimonio. Lembraba que en xaneiro de 2006 a Xunta remitira xa unha serie de requirimentos que o Concello tiña que complementar, e logo en xaneiro de 2009 emitiu a Xunta un segundo informe cunha serie de requirimentos e solicitudes entre as que estaba o Camiño de Santiago, delimitacións do BIC ou do Casco histórico. Dentro diso, dicía, hai un asunto importante no seu parecer coma é a Finca Patazumba no que figura que se debe engadir ao catálogo o inmoble da Casa Patazumba, a finca e o hórreo, introducindo as modificacións para garantir a protección destes elementos, debendo eliminarse o posible traslado do hórreo, quedando vinculado á casa e a finca á que pertence.  Engadía Laureano Alonso que a preguntas súas o técnico do equipo redactor confirmou que o problema para que Patrimonio emita o seu informe é a Finca Patazumba. Dicía nese senso que neste punto entran en conflito intereses particulares cos intereses xerais.

    Criticaba amais Laureano Alonso que a resposta á resolución da Xunta de xaneiro de 2009 chegue ano e medio despois.  Engadía que o problema da Finca Patazumba invalida completamente o Plan Xeral, xa que sen esa modificación Patrimonio non emitirá o seu informe e por tanto o Plan non será avaliado pola Dirección Xeral de Urbanismo. Outra cousa, dicía, é que o planeamento tivese pasado xa a fase informativa e estivese en Urbanismo, porque nese caso, no seu parecer, cabería a posibilidade dunha aprobación parcial, excluíndo precisamente a Finca Patazumba.

    Juan Miguel Diz Guedes, de Tudense Unidos Independentes, explicaba que no encontro do martes o Alcalde deu conta da resolución da Dirección Xeral de Patrimonio onde se requiría unha serie de modificacións. Logo de analizalas, dicía o voceiro de TUI que se concluíu que era necesario definir o procedemento a seguir, e o órgano municipal onde se debe aprobar a resposta a Patrimonio. Unha decisión que queda pendente de que a secretaria municipal emita o seu informe.

    A espera do informe da secretaria municipal Juan Miguel Diz Guedes engadía que agardarán ata telo para posicionarse dun xeito definitivo.

    Manuel Freiría, voceiro do Partido Socialista, indicaba que a reunión mantida o martes non ten máis valor que o informativo. A impresión que sacaron é de lentitude xa que se traballou sobre correccións solicitadas por Patrimonio en xaneiro de 2009, e por outra parte que hai un problema coa Finca Patazumba, onde se están cruzando intereses do concello con intereses do Alcalde, polo que, dicía, hai difícil solución se Fernández Rocha non cede pondo por riba os intereses xerais.

    Afirmaba Freiría que mentres non se solucione o tema da Finca Patazumba Patrimonio non vai emitir un informe favorable, xa que é preciso catalogar o hórreo que existe e a finca.

    Pola súa parte o Alcalde de Tui, Antonio Fernández Rocha, fixo unha valoración moi positiva dese encontro e manifestou que agarda que sexa “o punto e final para ese informe definitivo de Patrimonio, logo de tanta reunión que o equipo técnico tivo coa Dirección Xeral”. Engadía que agora terán que agardar á incorporación da Secretaria Municipal o próximo martes para que esta informe do trámite a seguir.

    Con respecto á Finca Patazumba, que tanto dende o PSOE coma dende o BNG sinalan que segue a ser un problema para que Patrimonio emita un informe favorable, Fernández Rocha, indicaba que desa finca non ía dicir nada polo momento. Engadía que se isto supón un escollo xa se verá, e puntualizaba que as pegas xa as puxo o bipartito no seu día xa que en sete informes anteriores non se mencionara este espazo, e logo si se emitiu un informe que cualificaba de “demoledor”  sinalando que suporía volver comezar o Plan Xeral, e inutilizaría o do ano 94. Manifestaba que iso foi “unha caza de bruxas” que no seu momento xurdiu na Dirección Xeral de Patrimonio. Puntualizaba tamén que o Concello non vai facer nada que lle poida repercutir en indemnizacións que poidan supor a súa quebra económica, indicando que hai unha sentenza do Tribunal Superior de Xustiza de Galicia que avala todos os pasos dados polo Concello no seu momento.

    Por outra parte sinalaba o rexedor tudense que hai un escollo que é o traslado do hórreo da Finca Patazumba, e aludía que en Soutomaior e Arcade trasladáronse 20 hórreos para o paso do AVE. Por iso dicía neste caso haberá que buscar unha zona axeitada para ese traslado de acordo cos técnicos de Patrimonio, pero ese é un problema do titular do hórreo, que segundo manifestaba non é o titular das parcelas.

Feira de Antigüidades e Ruta do Europincho en Tui

    Asociación de Comerciantes e Industriais de Tui, ACITUI, en colaboración co  Concello, organiza para este fin de semana a Ruta do Europincho. Esta actividade vaise celebrar  este venres pola tarde, o sábado todo o día e o domingo até o mediodía. Nesta Ruta do Europincho participan 8 establecementos de hostalería asociados a ACITUI que ofrecerán petiscos variados por un euro.  Os establecementos que participan son: A Jamoneta, Happy Pizza, Tapas e Viños, Santa Columba, Restaurante San Telmo,Bodegón Don Sancho, Val Remesal e La Fabrica de Tui.

    Doutra banda, todos os que se acheguen a Tui tamén terán a posibilidade de comprar artigos  na VIII Feira de Antigüidades que se celebrará o sábado  de 10 a 20h no Paseo da Corredoira de Tui.
 

Avanza a tramitación para solicitar un Obradoiro de Emprego

    O alcalde de Tui, Antonio Fernández Rocha, acompañado de dous técnicos municipais, mantivo onte unha xuntanza na delegación en Vigo da Consellería de Traballo para avanzar no proxecto dun Obradoiro de Emprego de Medio Ambiente e Servizos Sociais no que se está a traballar dende o Concello.

    O obxectivo do encontro era enfocar os módulos que se solicitarán neste Obradoiro, para poder así avanzar no que é a redacción deste Obradoiro de Emprego. Logo terá que se presentado naquelas administración onde sexa preciso obter os permisos sectoriais.

    Por outra parte o rexedor tudense acudiu posteriormente á Santiago para entregar unha modificación no proxecto do camiño de Santiago en San Bartolomé aprobado onte en Comisión de Goberno, para subsanar un erro do equipo redactor na anterior modificación. O obxectivo é acelerar o proceso para que ese camiño se poida acabar canto antes segundo explicaba Fernández Rocha.  

Mércores, 12 de maio de 2010  

Presentación da Feira do Libro

Mañá, xoves, ás 11.30 horas vaise presentar na sala de reunións da Casa do Concello de Tui a XIII Feira do Libro Galego organizada pola Concellería de Cultura coa colaboración das librarías Byblos, Iris e Valverde.  A feira vaise celebrar o luns, 17 de maio, Día das Letras Galegas, no Paseo da Corredoira.

A presentación correrá a cargo do alcalde de Tui, Antonio Fernández Rocha, o concelleiro de Cultura, Moisés Rodríguez, e as representantes das librarías Byblos, Iris e Valverde.

Padres y ANPA del colegio número 2, que mantienen la movilización del 22 de mayo, se sienten olvidados por el concello

            Los padres y el ANPA del Colegio nº 2 de Tui  mantuvieron, en la mañana de ayer, una reunión con la Técnica de la Xunta y la concejala de Educación, Patricia Ricón, a la que también asistió el director del centro escolar.

La visita de la técnica se produce por orden del jefe territorial, que se había comprometido en un pasado encuentro con los padres, para evaluar la situación y realizar una planificación que resuelva el tema de la seguridad en el centro. La técnica, después de visitar las instalaciones, elaborará un proyecto para cerrar la entrada de la Avda. de la Concordia, mientras que el arreglo del vallado es responsabilidad del Concello, por tratarse de una labor de mantenimiento, según informó a los padres, quienes también mostramos a la concejala el estado del perímetro del centro, con varios tramos de la valla rota y con fácil acceso desde el exterior, con el peligro que esto conlleva para los niños, al igual que la puerta abierta junto al pabellón, que también pidieron que permanezca cerrada en horario lectivo y los fines de semana. Por otra parte, los representantes de los padres volvieron a recordar a la concejala la  petición de regular el tráfico a la entrada y salida de los alumnos del colegio, reiterando el descontento de los padres por la falta de compromiso del ayuntamiento.

            Sienten los padres, y así lo manifestaron, una sensación de abandono, que cualquiera puede percibir, dicen, si se acerca al centro, por lo que mantienen las peticiones realizadas al Concello del que, hasta ahora, no han visto una respuesta práctica, ni siquiera, añaden los padres, a algo tan inmediato como el envío de la Policía  Municipal a las entradas y salidas del horario lectivo.

Así las cosas, mientras consideran que la Xunta está respondiendo a sus demandas, por parte del Concello, dicen, se sienten olvidados. Los han escuchado, han visto la problemática y ahora, añaden, “pedimos que den el paso, que actúen, que son muchos años de abandono y ya es hora de ponerse manos a la obra”.

            Los padres adelantan que mantienen la movilización del sábado 22 de mayo, a las 12 del mediodía, para seguir pidiendo al ayuntamiento un compromiso y una actuación firme.

Ruta del Europincho y Feria de antigüedades

La Asociación de Comerciantes e Industriais de Tui, ACITUI, en colaboración con el  ayuntamiento, organiza este fin de semana la Ruta del Europincho, que se celebrará a partir del viernes por la tarde, el sábado todo el dia y el domingo hasta el mediodía. En esta Ruta participarán ocho establecimientos de hostelería asociados a Acitui, que ofrecerán pinchos variados por un euro.  Los establecimientos que participan son La Jamoneta, Happy Pizza, Tapas e Viños, Santa Columba, Restaurante San Telmo, Bodegón Don Sancho, Val Remesal y La Fabrica de Tui.

Por otro lado, todos los que se acerquen a Tui también tendrán la posibilidad de comprar artículos  en la VIII Feria de Antigüedades que se celebrará el sábado 15 de mayo en el Paseo de la Corredera, a partir de las 10.00 hasta las 20.00 horas. Los objetos antiguos cobraran protagonismo en este mercadillo, donde además de estar expuestos se podrán comprar gran variedad de antigüedades llegadas de distintos puntos de toda Europa.

Acitui anima a todos los que este fin de semana se acerquen a Tui a que curioseen por el mercadillo de antigúedades,  prueben los exquisitos pinchos y disfruten de la ciudad.

O BNG organiza unha charla informativa cos comerciantes de Tui

O Bloque Nacionalista Galego vai celebrar hoxe, mércores, ás 21.15 horas, na Sala Félix Rodríguez da Área Panorámica, unha reunión cos comerciantes de Tui.

O obxecto desta reunión é tratar a declaración de Tui coma “Zona de gran afluencia turística” e as consecuencias que pode supor para o comercio tudense.

Na reunión, aberta a tódolos comerciantes, estarán presentes o grupo municipal do BNG de Tui e a  deputada no Parlamento Galego Carme Adán.

Apertura do prazo para a solicitude da prestación por fillo menor

Os Servizos Sociais do Concello de Tui informan da apertura do prazo para a solicitude da prestación por fillo menor a cargo, segundo o recollido na orde do 3 de marzo deste ano, publicada no Dog do 10 de maio.

Pódense beneficiar destas axudas as persoas que teñan ao seu cargo fillos menores de 3 anos na data de 1 de xaneiro de 2010 (nacidos entre o 2-1-2007 e o 1-1-2010, incluídos) e que, por razón dos ingresos obtidos durante o ano 2008 nin elas nin ningún dos membros da unidade familiar estivesen obrigadas a presentar a declaración do IRPF.

No caso de fillos adoptados ou acollidos entre o 31 de decembro de 2008 e o 31 de decembro de 2009, a prestación poderase conceder durante os tres anos posteriores á data da inscrición no Rexistro Civil ou, cando esta non sexa necesaria, a partir da data da resolución xudicial ou administrativa que a declare.

Quedan excluídas destas axudas as unidades familiares nas que os seus ingresos considerados de forma individual ou conxunta, segundo a opción de tributación elixida, superasen no exercicio 2008 os 22.000 €, sumadas a parte xeral e especial da declaración do IRPF.

As axudas contemplan un pagamento único de 360 € por cada  fillo menor que a persoa solicitante teña ao seu cargo, sen que o mesmo fillo poida dar lugar a máis dunha prestación.

A persoa que desexen acceder á axuda debe cubrir a solicitude e anexos que aparecen publicados no DOG do 10 de maio, así coma a Autorización dos membros da unidade familiar para obter da AEAT e da Consellería de Facenda os seus datos de carácter tributario, é preciso tamén a fotocopia do Libro de Familia, certificado de empadroamento conxunto de toda a unidade familiar, entre outros.

As solicitudes ponde presentarse ata o 19 de xuño nos Departamentos Territoriais da Consellería de Traballo e Benestar.

A xunta explica o novo modelo de participación xuvenil aos mozos e mozas galegos nas súas 14 casas da xuventude

A Dirección Xeral de Xuventude e Voluntariado está a organizar dende hoxe  unha serie de xuntanzas coas asociacións comarcais e cos mozos e mozas galegos, co fin de achegarlles o novo modelo de participación xuvenil e proporcionarlles máis información sobre o mesmo. Todos os encontros terán lugar nas catorce casas da xuventude dependentes da Consellería de Traballo e Benestar, entre elas a de Tui, onde a reunión será este venres entre ás 17 e ás 20h.

Todos aqueles mozos e mozas interesados en levar a cabo un proxecto de participación xuvenil poderán achegarse para informarse destas axudas que, por primeira vez, inclúen aos grupos informais, aínda que non estean constituídos nunha asociación.

Así, a través destas xuntanzas, explicarase aos asistentes as características desta liña de axudas e a súas novidades, como a inclusión dos grupos informais ou como o adianto do 80 por cento do total da subvención concedida antes de realizar as actividades previstas.

É preciso lembrar que esta orde de subvencións ten aumentado o seu orzamento en case o 70 por cento, ao pasar dos 400.000 euros aos 675.000. O importe máximo subvencionable é de 7.000 euros, unha cantidade que non poderá superar o 80 por cento do custo total do proxecto.

Reunión en Tui cos posibles promotores das axudas Leader da Unión Europea

O Grupo de Desenvolvemento Rural da Mancomunidade da Área Intermunicipal de Vigo-Baixo Miño, en colaboración coa Entidade Local Menor de Bembrive, convoca para mañá xoves 13 de abril ás 20.00 horas, unha reunión na Sala de Félix Rodríguez da Área Panorámica coas empresas, entidades e posibles promotores de Tui e arredores interesados en beneficiarse das axudas para o rural do Plan Leader Galiza 2007-2013.

Na reunión de Tui os técnicos do GDR18 informarán sobre o alcance destas axudas, os posibles beneficiarios e o procedemento a seguir para acadar as subvencións ao tempo que aclararán as dúbidas sobre o programa que poidan ter os interesados. Todos os interesados públicos e privados en promover proxectos que contribúan ao aumento da competitividade agrogandeira e forestal, á mellora da calidade de vida, o medio ambiente e o contorno rural  ou a diversificación da economía, poden solicitar estas subvencións a fondo perdido de ata un 45% da inversión elixible no caso de proxectos produtivos ou ata o 100% nos non produtivos. O orzamento destas axudas para o período 2007-2013 supera os 5 millóns de euros e nelas primarase a innovación,os novos xeitos de enfrontarse aos retos do territorio, a creación de postos de traballo, a fixación da poboación rural e á elevación das rendas e do benestar dos habitantes do rural, así como a valorización do patrimonio natural e cultural.

Dende o Grupo de Desenvolvemento Rural informan que xa foron máis de cen os promotores que se achegaron ás súas oficinas para informarse sobre estas axudas e xa se están a tramitar unhas 50 que contribuirán en grande medida ao desenvolvemento endóxeno e sostible do rural.

Nos derradeiros días foilles notificada pola Xunta de Galicia a aceptación de cinco proxectos que percibirán un total 745.000 euros destes fondos Comunitarios para a promoción do rural, creando emprego e permitindo a posta en marcha de novas empresas e a dotación de servizos deficitarios na comarca como un centro de día en Mos, ou centro de discapacitados en Tomiño, unha plantación de kiwis e unha empresa de xestión de Biomasa no Baixo Miño e a rehabilitación dos muiños da Salgueira en Mos.

Éxito da fin de semana cultural en Tui con dobre programación

A Concellería de Cultura de Tui vén de amosar a súa satisfacción polo gran éxito rexistrado a pasada fin de semana na programación desenvolvida no Teatro Municipal, que logrou completar a metade do aforo o venres, e esgotar as localidades o sábado. Deste xeito o público, chegado non só de Tui, senón de toda a Galicia e Portugal, respondeu satisfactoriamente á dobre convocatoria prevista.

O venres a “Noite de contos” protagonizada por Quico Cadaval e Sergio Serafím logrou reunir á 250 persoas que disfrutaron das historias destes dous contadores que reflexionaron sobre a cultura tradicional, e as relacións entre as dúas beiras do Miño. O feito de que neste espectáculo estivese presente o portugués Sergio Serafim fixo que se achegasen ata o Teatro un bo número de persoas da outra beira do Miño. Mentres tanto o galego Quico Cadaval non defraudou aos seus incondicionais que non quixeron perder esta cita. A cifra de espectadores acadada é todo un éxito para unha contada tendo en conta que este tipo de espectáculos soen realizarse en espazos máis pequenos, cunha maior interrelación co espectador.

Este foi o comezo dunha fin de semana intensa xa que o sábado o concerto “Fisterránea 2010” a cargo dos Berrogüetto acompañados por outros catro grupos convidados logrou encher o teatro, vendéndose a meirande parte das localidades por internet.  Este veterano grupo galego, na compaña de Lizgairo, Espido, Talabarte e Xabier Díaz, ofreceu un magnífico e inusual concerto, con formato totalmente inédito, durante dúas horas. Todos os detalles estiveron coidados á perfección, dende o son á imaxe, para compor un espectáculo único que puideron disfrutar medio milleiro de persoas chegadas de toda Galicia e Portugal.

O Concelleiro de Cultura, Moisés Rodríguez, congratúlase deste gran éxito acadado na fin de semana, salientando a excelente resposta do público nesta dobre convocatoria. Puxo de relevo tamén a gran vantaxe que supón a venda de entradas ao través da internet na páxina web www.culturatui.info, xa que os espectadores poden mercar a súa entrada comodamente e simplemente recollela minutos antes de acudir á función. Por outra banda Moisés Rodríguez salientou a importancia do concerto dos Berrogüetto celebrado en Tui ao abeiro da programación do Xacobeo, tendo en conta o feito de que a cidade é a porta de entrada do Camiño Portugués a Compostela. Nese senso amosou a súa confianza en que o Xacobeo volva apostar por Tui este verán na súa programación cun gran concerto.

Martes, 11 de maio de 2010  

Xornada Técnica sobre as axudas do programa Leader en Tui

Este xoves, ás oito da tarde, terá lugar na Área Panorámica unha xornada técnica sobre as Axudas do programa Leader Galicia 2007-2013 no territorio da MAIV-Baixo Miño.

A presentación oficial deste programa de axudas tivo lugar o pasado 26 de xaneiro, e a sesión desta semana pode servir para profundizar dende un punto de vista práctico (mediante ejemplos e preguntas) no coñecemento do Programa de axudas Leader e das posibilidades que este ofrece de obter financiamento para pór en marcha proxectos empresariais e outras iniciativas que contribúan ao desenvolvemento e dinamización do noso concello.

Jose Luis Bouza, do Kaiak Tudense, bronce na Copa do Mundo de Vichy

O padeeiro do Kaiak Tudense, José Luís Bouza logrou  a medalla de bronce en C1 1000 metros na Copa do Mundo de Vichy esta fin de semana.

O padeeiro tudense moi minguado pola súa lesión no ombreiro esquerdo, conseguiu sorprendentemente, no seu estado, alzarse coa medalla de bronce  na final de C1 1000 metros.

A medalla de ouro foi para o alemán Sebastián Brendel e a prata foi para o tamén alemán Tomasz Wylenzek. Con esta medalla de bronce o padeeiro do Kaiak Tudense  termina a súa participación na Copa do Mundo xa que debido á lesión sufrida tívose que anular a súa participación no c1 500 metros.

Pola súa banda Jovino González  que participaba na final do K4 1000 metros, obtivo unha meritoria sétima posición, compre lembrar que esta tripulación é totalmente nova e estivo a gran  nivel en toda a Copa do Mundo. A embarcación española loitou coas embarcacións australiana e checa que foron quinta e sexta respectivamente, habendo entre o tres embarcacións menos dun segundo.

Con esta proba acaba a participación dos padeeiros do Kaiak Tudense que regresarán hoxe pola noite  ao aeroporto de Vigo.

O Club Remo do Miño con excelentes resultados nas regatas internacionais de Munich e Coimbra

Por unha parte, na pista Olímpica de Munich, Yago Izquierdo logrou a medalla de ouro en Dos-Sin, e Diego das Dores en Skiff xuvenil logrou a medalla de bronce. Esta foi unha boa experiencia para Diego, e un magnífico resultado para Yago, xa que nestes momentos se coloca como unha peza fundamental no equipo Nacional.

Tamén na fin de semana celebrouse en Coimbra a Regata Internacional José Matogueiras, regata consolidada dentro do calendario da Federación Portuguesa de remo, como a regata Internacional con máis participación de Portugal. Pola mañá debido á climatoloxía suspendeuse a regata dos nenos, polo que o Oito cadete de Tui non puido competir.

En canto á categoría absoluta, aínda faltando xente como David Prada e Fran Álvarez, actuais Campións de España en Dobre-Scull (por estar lesionados) e Yago Izquierdo por estar na regata de Múnic e Nuria Domínguez e Jesús Álvarez (Baluartes deste Club), os resultados pódense cualificar de excelentes, xa que se conseguiu meter nas finais todos os botes e conseguir tamén estar no tres primeiros en cada regata.

En Dobre Scull, Alfonso Riveiro e Andrés Carvalho, conseguiron a medalla de Prata.

En Dous Sen temoneiro, Rubén Castelo e Isaac Prada, conseguiron a medalla de Ouro.

En Catro Scull, Cristian Fernández, Abel Vila, André  González e Yoel Agrafojo, conseguiron a medalla de bronce. (André e Yoel participaron no equipo absoluto, aínda sendo xuvenís).

No Oito con temoneiro, regata raíña, cunha participación de 26 oitos,  o Remo do Miño logrou a medalla de prata  por detrás do equipo de casa do Universitario de Coimbra, tendo que o delegado do Club Remo do Miño facer unha reclamación xa que polo axustado da entrada na liña de meta e a total confianza dos remeiros de Tui de gañar. Pero a reclamación non tivo bo termo xa que foi desestimada e por tanto a medalla de prata sabe a ouro para os tudense.

A tripulación do Oito estaba formada por Alfonso Ribeiro, Isaac Prada, Rubén Castelo, Cristian Fernández, Abel Vila, Andrés Carvalho, André González, Yoel Agrafojo e como temoneiro Jennifer dás Doures.

Sábado, 8 de maio de 2010  

Ganadores del Concurso del Día de la Madre organizado por ACITUI

La  Asociación de Comerciantes e Industriais de Tui, ACITUI, eligió a los premiados del concurso de dibujo de la campaña del Día de la Madre. El jurado estuvo formado por miembros de la Asociación y contó con la colaboración de la concejala de Educación, Patricia Ricón. El tema del concurso  fue “Regala belleza y cuida la naturaleza”.

Los colegios participantes fueron:  Nº1, Nº2, Centro rural agrupado nº2, colegio Maristas, Colegio Pazos de Reis, Colegio de Caldelas, Colegio de Guillarei y  Colegio de Rebordanes.

Los alumnos premiados son los siguientes:

CATEGORIA A (infantil de 3 y 4 años)

1º Maya Moledo (colegio nº 2)

2º Chaimae EL Jabraoui (colegio Guillarei)

3º Gloria Vaz ( colegio  Guillarei)

CATEGORIA  B (infantil de 5 y 6 años)

1º Javier Rodriguez ( nº1)

2º Uxia Gómez (Maristas)

3º Claudia Solleiro (CRA Mestra Clara Torres)

CATEGORIA C (1º de primaria)

1º Marta Quinteiro (Pazos de Reis)

2º Sofia Bernardez (nº2)

3º Adnan Tazani (nº2)

CATEGORIA D (2º de primaria)

1ºAna Monteira (CEIP Guillarei)

2ºAlejandra Nielfa (nº1)

3º Sarai Limia (Rebordans)

CATEGORIA E (3º de primaria)

1º María Rodríguez(nº1)

2º María Ordoñez (CEIP Caldelas)

3º Arianna Vicente (Rebordanes)

CATEGORIA F (4º de primaria)

1º Juan Paramos (nº 2)

2º Yolanda Fervenza (Rebordanes)

3º Samuel Pérez (Maristas)

Los escolares recibieron los siguientes premios: 6 vales de 50 euros para los primeros premios, 6 vales de 30 euros para los segundos premios y 6 vales de 20 euros para los terceros premios. Todos los vales se podrán canjear en los establecimientos asociados. 

O alcalde de Tui recibiu ao novo bispo da diócese de Tui-Vigo

Antonio F. Fernández Rocha, alcalde de Tui, recibiu na Casa Consistorial ao novo bispo da diócese de Tui-Vigo, Luis Quinteiro Fiúza, trala petición do prelado dunha primeira toma de contacto coas autoridades tudenses.

O alcalde de Tui estivo acompañado neste acto por los membros do equipo de goberno municipal,  Moisés Rodríguez Pérez, Patricia Ricón Soliño e Manuel González Vázquez.

No decurso da xuntanza o bispo de Tui-Vigo expresoulle ao alcalde e concelleiros o seu agradecemento pola súa presenza no acto solemne da súa toma de posesión no pasado 24 de abril, así como a colaboración realizada polo Concello de Tui na organización deste acontecemento.

Amosou tamén a súa intención de potenciar todo o relacionado coa Catedral tudense, na súa condición de primeiro templo da diócese, promovendo tanto o culto como outros aspectos vinculados a esta Igrexa Catedral.

Pola súa banda, o Alcalde expresoulle o seu agradecemento por ter a deferencia de achegarse ata esta cidade para comezar con esta toma de contacto unha colaboración que dende o Concello agardan resulte moi positiva. Subliñou Fernández Rocha o importante significado que para todos os tudenses posúe a condición episcopal da cidade e a identificación que todos os veciños teñen coa Catedral de Santa María.

O Alcalde de Tui entregoulle, coma agasallo de benvida ao novo bispo de Tui-Vigo, unha imaxe de San Telmo e senllos libros, editados polo concello tudense, sobre a figura do patrón de Tui e a súa diocese.

Hoxe sábado VII Andaina Tudense Tui-Orbenlle

Máis de duascentas persoas van participar hoxe na sétima Andaina Tudense organizada polo Club Atletismo Tui. Os participantes sairán ás dez e media da mañá dende a Corredoira, para achegarse ata Valença, onde comezarán o tramo do Camiño Portugués ata Orbenlle, lugar onde xantarán e iniciarán o regreso a Tui.

Na Corredoira ás seis e media da tarde haberá degustación de chourizos, e media hora despois disputarase a VI Carreira de Aros.

Segunda charla do ciclo “Recuperar a Utopía”

A Sala Félix Rodríguez acolle hoxe, sábado, ás sete da tarde, a segunda conferencia organizada pola Asociación Bicicleta con botas no ciclo “Recuperar a utopía”. Mañá falarase da “Desfeita ambiental e loita libertaria”, intervirán Xabier Porto e Rubén López de Unión Libertaria do Ferrol.

IV Gran Serán en Areas

O Centro Cultural de Areas acolle hoxe a partir das dez da noite o IV Gran Serán no que van participar grupos de música tradicional galega. Organiza o Centro Cultural Seixos Albos.

I Proba Automobilística de habilidade na Magdalena, Ribadelouro

O antigo campo de fútbol da Rega acolle tanto hoxe sábado coma mañá domingo a partir das catro da tarde a I Proba Automobilística de habilidade. Haberá premios en metálico para os tres primeiros de cada categoría. Organiza a Comisión de Festas da Magdalena e Concello de Tui.

Festa do Choco no Monte das Penizas en Paramos

Organizada pola Comisión de Festas de San Caetano 2010 mañá domingo celébrase no Monte das Penizas, en Paramos, a Festa do Choco. Comezará ás dez da mañá e contarán ás doce coa actuación da Banda de Gaitas San Xoán de Paramos e o grupo de canto “A nosa xente”.

VIII Marcha BTT Monte Aloia en Rebordáns

A Asociación de Veciños “Lavandeira” e MTB Aloia organizan para mañá domingo a VIII Marcha BTT Monte Aloia. A saída está prevista ás nove e media da mañá dende o Parque do Montiño. O percorrido consta dunha distancia de 35 kms cunha dificultade media-alta. Hai amais establecidas rutas de sendeirismo para os acompañantes. Toda a información está en http://aavvlavandeira@blogspot.com

Asemblea do Cemiterio da Guía

A Comisión do Cemiterio Parroquial de Santa María da Guía convoca unha Asemblea Xeral Ordinaria para mañá domingo ás 10.30 en primeira convocatoria e ás 11 en segunda. Será na Casa Cultural de Randufe con sete puntos na orde do día. Na mesma figura a lectura e aprobación da acta anterior, estado de contas, autorización compra de terreo para aparcamento, posible ampliación do cemiterio, estudo da cuberta dos nichos, e información sobre a entrega de títulos de propiedade os días 23 e 30 de maio na Casa Cultural de Randufe de 10 a 12 horas. Rematarán coa quenda de rogos e preguntas.

O Xacobeo prepara un gran concerto para este verán en Tui

A S.A. de Xestión do Plan Xacobeo 2010 está a preparar un gran concerto para este verán en Tui. Así o confirmaba o director xerente do Xacobeo, Ignacio Santos, na Radio Municipal de Tui. Segundo explicaba será dado a coñecer no transcurso deste mes de maio.

O Instituto Cultural de Maia  desenvolveu unha visita a Tui

O Instituto Cultural de Maia, dependente da Cámara Municipal da localidade portuguesa de Maia, organizou unha visita de estudo de carácter cultural á cidade de Tui na que tomaron parte 40 persoas que participan nas actividade deste Instituto percorrendo no día de onte os principais elementos patrimoniais da cidade.

O grupo de visitantes foi recibido no Salón de Plenos da Casa do Concello de Tui polo primeiro tenente de Alcalde e concelleiro de Cultura, Moisés Rodríguez Pérez, que lles deu a benvida á cidade, resaltando a condición de Tui como “ponte” entre Galicia e Portugal e como a histórica porta de entrada en Galicia do camiño portugués de peregrinación a Compostela.

Pola súa banda o director do Instituto de Cultura de Maia, José Maia Marques, agradeceu a hospitalidade do Concello tudense manifestando o interese da cidade de Maia de iniciar con esta visita novos contactos tanto a nivel de turismo  como noutros ámbitos da vida cultural.

De seguido o grupo realizou unha visita á Catedral de Tui e os seus principais elementos artísticos.

Para o Concelleiro de Cultura de Tui a visita deste grupo da cidade de Maia interesados en achegarse ao coñecemento da historia e da arte da cidade de Tui testemuña, nunha nova oportunidade, o interese que os recursos culturais da cidade suscitan en Portugal.

Este grupo visitará tamén as localidades de Valença, Caminha e a igrexa de Santa María de Tomiño.

Venres, 7 de maio de 2010  

O albergue de Tui acolleu no pasado mes de abril 378 peregrinos

O Albergue de peregrinos da cidade continúa batendo todas as previsións de ocupación, acadando ao longo do pasado mes de abril un total de 378 peregrinos. Se comparamos estes datos con anos anteriores compróbase este incremento: no pasado ano 2009 foron 268 peregrinos os que ocuparan o albergue e no anterior Ano Santo, en 2004, o número chegara aos 310 ocupantes.

Estes altos índices de ocupación veñen tamén confirmados polo número de credenciais que foron expedidas na Catedral de Tui aos que inician o seu camiño na cidade, que no pasado mes de abril achegáronse ás 800, unha cifra importante que acredita como a cidade de Tui se consolida como un referente nos camiños de peregrinación cara Compostela, a auténtica e histórica porta de entrada aos camiños portugueses de peregrinación, tamén neste ano santo 2010.

Aínda que a maioría realizan o seu percorrido a pé, son numerosos os peregrinos que veñen en bicicleta e mesmo hai varios grupos que teñen realizado a súa peregrinación a cabalo. Cabe destacar que os peregrinos reciben con sorpresa e fascinación a beleza da cidade de Tui, descoñecida para moitos. Os visitantes destacan a beleza paisaxística e a riqueza patrimonial da cidade como clave do seu encanto.

O concello de Tui por medio do seu concelleiro de Cultura amosa a súa satisfacción pola consolidación da cidade como a auténtica porta de entrada en Galicia do camiño portugués como vén reflectido nos datos estatísticos aportados, consolidándose o carácter xacobeo de Tui. Os peregrinos que preparan o seu itinerario de peregrinación escollen a Tui como inicio do seu camiño ou como etapa da súa peregrinaxe tanto polos seus recursos turísticos, coa Catedral como gran atractivo, como polos servizos de atención aos peregrinos que oferta este municipio.

O traballo desenvolvido a través do perfil de facebook, con case 1.800 usuarios, a promoción xornalística, e a edición e distribución de folletos en seis idiomas colleita agora os seus froitos. A creación dun albergue provisional, de inmediata adxudicación e a apertura do centro de interpretación do camiño portugués no edificio municipal de San Domingos, son medidas que contribuirán a favorecer e mellorar a acollida aos peregrinos que transitan por Tui cara a Santiago de Compostela. A recente apertura dun albergue privado corrobora tamén a puxanza do fenómeno xacobeo na cidade.

Alfredo Gómez Cerdá, Premio Nacional de Literatura Infantil e Xuvenil, visita a Biblioteca Municipal de Tui o martes 11 de maio

Alfredo Gómez Cerdá, que recibiu o Premio Nacional de Literatura Infantil e Xuvenil do ano 2009, outorgado polo Ministerio de Cultura, manterá o vindeiro martes un encontro na Biblioteca Municipal de Tui cos seus lectores. Este encontro está orientado especialmente aos rapaces de oito a doce anos, que son un dos segmentos de público, que seguen con máis interese a obra de Gómez Cerdá.

Biografía

        Alfredo Gómez Cerdá (Madrid, 1951), empezou a escribir aos 11 anos, pois ler transportábao dende o seu barrio, gris e anodino, a lugares incribles, con paisaxes fascinantes e seres humanos moi diferentes aos que tiña coñecido ata entón. Ao mesmo tempo descubriu que escribir permitíalle expresar as súas ideas e comunicarse cos demais. Decidiu axiña que os libros o acompañarían sempre.

Inicialmente dedicouse ao teatro, pero a partir de 1982, cando gañou o segundo premio ’El Barco de Vapor’ polo seu libro “Las palabras mágicas”, decantouse pola literatura infantil e xuvenil.Ten colaborado en prensa e en revistas especializadas e participado en numerosas actividades en torno á literatura infantil e xuvenil: charlas, libro-fórum, programas radiofónicos, mesas redondas e conferencias. Tamén colaborou en proxectos educativos levados adiante en Estados Unidos (Aprenda II, en San Antonio, Texas). Os seus libros téñense publicado en varios países de Europa: Francia, Italia, Portugal, Dinamarca, Suecia, Noruega e Islandia; en América: Canadá, EEUU, México, Colombia, Argentina e Brasil; e, tamén en Asia: Corea e Líbano. Ten escrito varios guións para cómic. En 1981 realizou o guión cinematográfico de El cachorro de Howard Bridges.

Os seus premios máis importantes, cronoloxicamente, son:

- Segundo premio El Barco de Vapor por Las palabras mágicas (1982)
- Segundo premio Gran Angular por La casa de verano (1983)
- Premio Altea por La ciudad que tenía de todo (1984)
- Accésit Premio Lazarillo por Timo Rompebombillas (1985)
- Segundo premio Barco de Vapor por Nano y Esmeralda (1985)
- Premio El Barco de Vapor por Apareció en mi ventana (1989)
- Premio Assitej-España de Teatro por La guerra de nunca acabar (2001)
- Premio Gran Angular por Noche de alacranes (2005)
- White Raven por El tigre que tenía miedo a las gallinas (2005)
- Premio Ala Delta por Barro de Medellín (2008)
- Premio "Cervantes Chico", polo conxunto de su obra (2008)
- White Raven por Barro de Medellín (2009)

Unha traxectoria culminada o pasado ano co Premio Nacional de Literatura Infantil e Xuvenil polo seu libro “Barro de Medellín”. Gómez Cerdá ten editado máis dun centenar de libros para todas as idades, especialmente, como se apunta máis arriba, de literatura infantil e xuvenil.

No decurso deste encontro cos seus lectores Alfredo Gómez Cerdá explicará aos asistentes o seu proceso creativo, atenderá ás preguntas que lle formulen os asistentes e asinará os seus libros. Esta actividade forma parte da programación do “Mes dos Libros” da Biblioteca Municipal de Tui e conta co patrocinio da editorial Tambre – Edelvives.

Sesión da narración oral no Teatro Municipal para celebrar os 15 anos de Ponte... nas ondas!

O Teatro Municipal de Tui acolle hoxe ás 11.30 horas, unha sesión de narración oral galego-portuguesa co gallo da celebración dos 15 anos de Ponte…nas ondas!. Asistirán a este evento escolares das dúas beiras do Miño. Correrá a cargo o espectáculo do galego Avelino González e do portugués Jorge Serafim.

Avelino González é un dos contadores de historias máis populares de Galicia, ademais de ser un recoñecido autor de teatro e actor en series de televisión como Padre Casares na Televisión Galega.Colabora desde hai anos con Ponte…nas ondas! na difusión e promoción do patrimonio inmaterial galego-portugués.

Jorge Serafim, é un coñecido contador de historias e humorista coñecido do grande público portugués debido á sú participación regular en programas de televisión como “Levanta-te e ri” no canal SIC, “Sempre em pé” na RTP2, “Sexta à noite” na RTP1.

O Kaiak Tudense acode á Copa de Vichi

Están xa na localidade francesa de Vichi os integrantes do Club Kaiak Tudense Jose Luís Bouza, Jovino González e Esteban Alonso, que van participar na Copa de Vichi, a primeira cita internacional da temporada.

Para Jose Luís Bouza a competición comeza hoxe venres pola mañá coa eliminatoria de C1 1000 metros, xa pola tarde disputará as semifinais onde tratará de buscar un posto para a final do sábado pola mañá. Entre os seus rivais cabe destacar ao catro veces medallista olímpico, David Cal.

José Luís Bouza tamén participará unha vez acabada a distancia dos 1000 metros no C1 500 metros , as expectativas nesta proba non san tan altas como no C1 1000 metros. Compre lembrar que José Luís Bouza é especialista na distancia de 1000 metros onde o ano pasado xa quedo terceiro no Campionato de Europa .

Tamén en 1000 metros pero esta vez en k4, competirá Jovino González, tamén do Kaiak Tudense. Vai formar parte dunha nova tripulación do K4 1000 metros, xunto a Borja Prieto, Rodrigo Germade e Emilio Llamedo. Estes padeeiros buscarán un posto na final do sábado e así ir formando un K4 que ten como obxectivo a clasificación para os Xogos Olímpicos de Londres o próximo ano en neste mesmo escenario.

O último membro do Kaiak Tudense desprazado a Vichi é Esteban Alonso, o Director Técnico de Club Kaiak Tudense que acode coma Xefe de Equipo da expedición Española, amais de coma técnico de José Luís Bouza e o K4 1000 metros.

Os tres propietarios de vivendas do antigo Cuartel de Caldelas denuncian unha situación de agravio comparativo con respecto a futuros propietarios

Miguel Estévez, Óscar Solla e Cristina Sanjurjo son os tres veciños que polo momento viven na promoción municipal feita polo Concello de Tui no antigo cuartel de Caldelas.

A estes tres propietarios non lles parece xusta a decisión adoptada pola corporación municipal no último pleno de rebaixar o prezo das vivendas que restan por vender para que os futuros propietarios se poidan acoller a axudas. Consideran que a rebaixa do prezo é un agravio comparativo, do mesmo xeito que a posibilidade que terán os novos propietarios de acceder a subvencións. Así o explicaban na Radio Municipal de Tui.

Estes veciños presentaron o martes un escrito por rexistro de entrada no concello, ante a variación de prezo que van sufrir as vivendas, solicitando coñecer de xeito inmediato as medidas que o Concello de Tui vai tomar para eliminar o agravio comparativo que segundo din “o propio concello provocou” entre estes tres propietarios e os que merquen agora unha vivenda no antigo cuartel de Caldelas. Polo momento non recibiron ningunha contestación, salvo o que o alcalde, Antonio Fernández Rocha, dixo no pleno onde manifestou que “lles ía axudar”.

Entende que o xusto, segundo explicaba Cristina Sanjurjo, sería que o prezo das vivendas fose o mesmo para todos asumindo o Concello a diferenza que eles xa pagaron, e asumindo que no seu día non puideron acceder a unhas axudas. Piden por tanto unha compensación.

Engadían que eles son os primeiros interesados en que os pisos se vendan, e poder formar unha comunidade de veciños para poder arranxar todos xuntos os problemas que alí se poidan dar. Arestora están soportando todo o mantemento e problemas do edificio entre os tres propietarios que son nestes momentos.

Denuncian amais unha serie de deficiencias que presenta o edificio e que terán que ir reclamando pouco a pouco.

Manifestación dos pais e nais do CEIP nº2

Ás sete desta tarde está convocada unha manifestación polos pais e nais do CEIP nº2 para demandar o peche do recinto escolar durante o horario lectivo e tamén nas fins de semana, co fin de garantir a seguridade dos 500 nenos e nenas que aquí estudan.

Pese a boa disposición amosada o pasado martes polo Xefe Territorial de Educación, César Pérez Ares, o pais manteñen a convocatoria para facer así visible a súa solicitude e tamén a súa unión.

Nova reunión do Club Atletismo Tui

Hoxe ás nove da noite na Área Panorámica, entrada pola fachada principal,   hai unha nova reunión para ver o futuro do Club Atletismo Tui. A xuntanza está aberta a todos os interesados.

Xoves, 6 de maio de 2010