Índice

www.galiciasuroeste.info

 

MARZO

 

Venres, 31 de marzo de 2017  

O Concello da Guarda informa da execución das obras de peatonalización parcial da Praza do Reló

Nos próximos días o Concello da Guarda executará a obra de peatonalización parcial da Praza do Reló. Con esta obra eliminarase o tráfico e aparcamento na maioría da superficie da praza, de modo que cando esta actuación remate só poderán circular vehículos dende a rúa Bernardo Alonso a Cervantes, e dende a rúa Colón tamén a Cervantes.

Nesta nova disposición facilitarase un aparcamento para minusválidos e unha zona de carga e descarga. Os carrís de circulación estarán limitados por bolardos extraíbles de aceiro inoxidable e dotarase de mobiliario ao resto da praza.

A intención do Concello con esta actuación é pór en valor a Praza do Reló como espazo de convivencia tranquila para todos os veciños, dende os máis pequenos ata os avós.

 

Venres, 31 de marzo de 2017  

A liquidación do orzamento do Concello da Guarda de 2016 dobra o superávit respecto ao exercicio anterior

O Concello da Guarda pechou o exercicio 2016 cun resultado orzamentario, despois de realizar os axustes pertinentes, de 605.762,55 euros. Logrouse así un resultado orzamentario moi positivo que supón un importante superávit para o Concello, o dobre que o do ano pasado (que foi de 395.492,09 euros). Isto significa que os recursos orzamentarios do Concello cubriron tódolos gastos requiridos e que ademais existe un sobrante de recursos que pasarán a incrementar o remanente de tesourería.

Grazas a este resultado positivo o remanente de tesourería para gastos xerais ascendeu a a 840.161,74 euros, e o aforro bruto acadou os 935.121,17 euros. A isto hai que engadirlle que o Concello da Guarda dispuña a finais de 2016 duns fondos líquidos 1.803.589,12 euros e que o bo facer, o traballo do equipo de goberno e os continuos esforzos realizados por reducir a débeda cos bancos deron os seus froitos cunha redución progresiva da mesma. Isto tradúcese en que a día 31 de decembro do ano 2016, a débeda cos bancos do concello cifrábase nos 364.172,12 euros; unha cifra moito menor que os 514.446,01 euros que se acadaban a finais de 2015. A tendencia descendente continuará e rematarase este ano 2017 cunha débeda de só 150.278,16 euros.

Nesta senda, tamén cómpre salientar os datos positivos con respecto do grado de execución dos orzamentos de gasto, que se sitúa nun 91,53%; así como o 117,57% acadado na execución dos impostos directos (IBI, IAE,Imposto de circulación,etc..) ou o 97,95% da execución das taxas e outros ingresos (lixo, auga, sumidoiros..). En canto ás transferencias correntes o grado de execución foi do 113,11%, as obrigas recoñecidas netas chegaron aos 6.218.224,68 euros e a recadación aos 6.261.099,36 euros

Os esforzos realizados dende o Concello reflíctense nestes datos positivos e fixeron que non só se obtiveran uns resultados satisfactorios de liquidación orzamentaria e a xa citada redución da débeda cos bancos; senón que tamén hai que engadir o cumprimento da regra de gasto e da estabilidade orzamentaria no exercicio 2016. Deste xeito confírmase a boa dirección do traballo realizado dende o equipo de goberno, cuns resultados que serven para animar e reforzar unha liña de traballo que fará que esta tendencia positiva continúe nos vindeiros exercicios.

 

Xoves, 30 de marzo de 2017  

O BNG solicita a peonalización da rúa Concepción Arenal na Guarda

O Bloque Nacionalista Galego presentou unha moción para a peonalización da rúa Concepción Arenal da Guarda, entendendo que é unha necesidade o cambio de modelo na Guarda no que as persoas, tanto as residentes como as que a visitan, sexan as protagonistas, relegando o coche a un segundo plano.

Os nacionalistas consideran que está máis que demostrado que o modelo anterior baseado na acumulación de vehículos nos centros das poboacións son un fracaso, soamente hai que ver a última reforma de Manuel Álvarez: lonxe de aliviar o tráfico e os problemas de aparcamento, hoxe segue a estar colapsada.

O BNG lembra ao alcalde que é momento de poñer en práctica o Plan de Mobilidade realizado pola Deputación de Pontevedra, froito da moción presentada polo BNG.

“Hoxe temos un documento realizado por técnicos competentes na materia, que certifica que o futuro da Guarda pasa por recuperar a vila para as persoas, facendo un concello accesíbel, tal como vén propoñendo o BNG dende hai anos”, comentou Ángel Baz, portavoz municipal do BNG.

A moción nacionalista solicita o rexeitamento a calquera actuación contraria ás recomendacións do Plan de mobilidade da Guarda, así como instar ao alcalde a realizar un proxecto diferente, un plan estratéxico de eliminación de barreiras arquitectónicas e promover a concienciación da poboación de hábitos saudábeis e o deseño de camiños escolares para o fomento da autonomía de nenos e de nenas.

 

Xoves, 30 de marzo de 2017  

Presentación da 'Ruta do Pincho da Lamprea do Miño'

O Concello da Guarda presentará mañá, venres, ás 10 horas, na Casa dos Alonso, unha nova edición da 'Ruta do Pincho da Lamprea do Miño', organizada polos Pescadores e Viveirista da Guarda, en colaboración co Concello. Nesta iniciativa participan oito establecementos que ofrecerán pinchos coa lamprea como produto principal a un prezo único de 2 euros durante as dúas primeiras fins de semana de abril (1,2 e 8 e 9).

 

Citas coa música, cultura e a gastronomía na axenda da fin de semana na Guarda

Esta fin de semana a axenda da Guarda recolle as citas musicais, culturais e gastronómicas que se inician o sábado, 1 de abril, cunha nova edición dos Contos Contados para celebrar o Día do Libro Infantil e Xuvenil, con "Contos de Andersen" e o posterior obradoiro "O meu libro favorito", onde os asistentes realizarán un mural utilizando o enxeño e a pintura. Esta iniciativa é a primeira da Campaña 'O Mes do Libro', en conmemoración do Día Internacional do Libro, que se celebra o 23 de abril.

Tamén o sábado abre o prazo, que pecha o día 18, para entregar os traballos que participarán no "Certame de Microrrelatos 2017" da Biblioteca Municipal. E pola tarde, ás 20'30 horas no Centro Cultural, celebración do décimo aniversario do grupo Coiro Vello.

O domingo, día 2, ás 18 horas no Centro cultural, coas entradas xa esgotadas, concerto da cantante Ses, organizado polo Centro de Información á Muller (CIM) dentro do programa “Artellando en Igualdade” e subvencionada pola Deputación de Pontevedra.

Tamén comeza a 'Ruta do Pincho da Lamprea do Miño' 2017, que organizan pescadores e viveirista da Guarda, en colaboración co Concello, durante as dúas primeiras fin de semanas do mes de abril. O sábado 1 e o domingo 2, e o sábado 8 e o domingo 9, poderanse degustar en oito establecementos pinchos de lamprea a un prezo único de 2 euros.

 

Xoves, 30 de marzo de 2017  

O PP da Guarda esixe ao Goberno un plan de promoción turístico urxente

O Partido Popular da Guarda esixe ao Goberno municipal que aprobe un plan de promoción turístico urxente co que revitalizar e potenciar o municipio. Será no próximo pleno municipal, no que a voceira do PP, Conchi Ortega, defenderá unha moción na que propón, entre outras, medidas coas que mellorar tanto a sinalización dos principais recursos turísticos da Guarda, como a información  que se ofrece aos visitantes.

Conchi Ortega considera que o Goberno socialista non está facendo o suficiente para promocionar A Guarda e critica a súa pasividade á hora de poñer en marcha iniciativas ou recursos que potencien o concello como destino turístico e que contribúan a mellorar a súa imaxe entre os visitantes que se achegan a el. “Levan dous anos en branco en materia de turismo”, engade. Como exemplos, cita a falta de mantemento nas rotondas de acceso ao municipio, pero sobre todo a falta de sinalización nas estradas de acceso á Guarda e nos principais puntos de interese, como son o Porto, O Tegra, as praias... “lugares onde ata os veciños teñen que poñer indicadores”, lamenta. Ademais, sinala que hai “moita indignación e malestar entre os hostaleiros e comerciantes, conscientes da falta de xestión do goberno en materia de turismo”.  Temos visto escritos de Asociación de comerciantes facendo suxerencias que tiñan que haber sido iniciativa do goberno local.

Por iso, a través da moción propón colocar vallas publicitarios da Guarda nas estradas de acceso e de entrada, pero tamén mellorar a sinalización dentro do propio concello e instalar unha caseta de información turística nas áreas das Loucenzas e da rotonda de San Roque, con persoal cualificado. Outra das medidas que inclúen os populares é colocar aseos públicos na  Alameda e no Porto, e mellorar os que hai no Monte Santa Tegra. E, neste último lugar, colocar un cartel co rueiro da Guarda e con suxestións dos principais puntos de interese para os turistas. Sobre o mantemento das rotondas nas estradas de acceso, Conchi Ortega recorda que son a primeira imaxe que recibe o visitante do concello, e por suposto é lamentable.

Nesta liña, a voceira do PP recorda que xa en xullo de 2015 e nese mesmo mes de 2016 presentou sendas mocións con propostas a nivel turístico e que a resposta da concelleira delegada de Turismo, en ámbolos dous casos, foi que se ía a constituír a Mesa de Turismo e alí se poderían debater todos os aspectos relacionados con este sector. “Pasaron dous anos e nin se tiveron en conta as suxestións que fixo o PP, nin se atenderon as críticas do sector, nin se creou nin convocou a mesa de Turismo. Conseguiron neste tempo facer do turismo unha emerxencia a nivel local, está agonizando e son incapaces de reanimalo”, critica a popular.

 

Mércores, 29 de marzo de 2017  

Fátima Iglesias Ferreira, concelleira non adscrita no concello de A Guarda, presenta ao Pleno de A Guarda unha moción para o  estudio e mellora da mobilidade  peonil

O entorno urbán desempeña un papel fundamental na mobilidade do peatón. Hoxe en día, se ven profundizando no coñecemento do entorno que maior relación ten co peatón para mellorar a calidade da mobilidade e accesibilidade. O peatón ten unha dobre faceta na cidade, a de habitante e tamén, a de usuario do modo de transporte máis básico, por elo, vemos, como hoxe o modelo de cidade é aquel que fomenta o espacio para os peatóns, xa que facilita que as persoas se trasladen a pé, o que é menos contaminante, mellora o medio ambiente e acústico, é saudable xa que camiñar é un hábito recomendado, mellora o tráfico rodado, facilita o aparcamento, as relacións sociais, os hábitos lúdicos,...

A presencia ou non de determinados elementos nas rúas e viais pode potenciar os desprazamentos peatonais ou disuadilos. Neste caso en concreto, e poderíamos referirnos a outros máis na nosa vila, falamos da zona da estrada nacional PO552, antes e despois da rotonda de entrada o tramo de vial entre  A Guarda e Goián.

Facendo memoria, no plenario do concello da Guarda, en outras lexislaturas xa se solicitara instar a Xunta de Galicia a colocación de pasos de peatóns para que as persoas puideran cruzar con seguridade a PO552, un tramo de moito tráfico rodado, pero tamén onde existen accesos a vivendas, establecementos comerciais, zoas de servizos, igrexa parroquial, capela, cemiterio,..., pero hoxe afirmamos que a rotonda de acceso o vial é un elemento disuasorio que dificulta todavía máis os desprazamentos peatonais, e divide máis ainda os barrios da parroquia de Salcidos.

Por todo isto, se somete ao Pleno do Concello de A Guarda a adopción dos seguintes acordos:

1º  Proceder  a traves dos mecanismos necesarios, o estudo e avaliación da mellor opción para facilitar a mobilidade segura dos peatóns que teñan que cruzar a carretera PO552 de entrada A Guarda no tramo anterior e posterior a rotonda de acceso o vial, e no entorno da propia rotonda.

2º Instar a Xunta de Galicia a que se comprometa e colabore nesta proposta para   ofrecer seguridade viaria e mobilidade os peatóns no entorno de acceso o víal de conexión entre A Guarda e Goián, e para poder cruzar con seguiridade a estrada PO552.

 

Mércores, 29 de marzo de 2017  

O Concello da Guarda presentou a campaña de sensibilización e difusión do novo Regulamento do Lixo

            O alcalde da Guarda, Antonio Lomba Baz, e o Concelleiro de Servizos, Paulino Rodríguez, presentaron na Casa dos Alonsos, a Campaña de sensibilización e de difusión do novo "Regulamento de Limpeza Pública e Recollida de Lixo" do Concello da Guarda, que entrou en vigor o pasado 30 de decembro.

Como parte da campaña o Concello da Guarda enviará nos próximos días unha carta de presentación do Regulamento, xunto co propio texto do Regulamento de Limpeza Pública e Recollida de Lixo a tódalas vivendas para que os guardeses poidan consultala cando o desexen. Ademais, realizouse a edición dun bando para instar á limpeza de fincas, a edición de 100 vinilos instando á recollida dos excrementos dos cans en espazos públicos; 30 vinilos advertindo da prohibición de pegar carteis nas marquesiñas, 450 para depositar o lixo nos contedores correspondentes e fabricáronse 3 sinais de estrada advertindo da prohibición de pegar carteis en mobiliario e espazos públicos.

Xunto con esta campaña o Concello promoverá a sensibilización no tema da limpeza pública e da separación do  lixo, así como do coñecemento das normas que os regulan, a través das redes sociais, promovendo a acción e participación cidadá pois entre todos é posible ter A Guarda máis limpa.

 

Martes, 28 de marzo de 2017  

O I.E.S A Sangriña acolle hoxe unha charla sobre prevención do consumo de drogas organizadas pola Concellería de Xuventude

A Concellería de Xuventude do Concello da Guarda promove distintas actividades para a concienciación e a prevención do consumo de drogas. Por unha banda, está o traballo que realiza a asociación Érguete co alumnado de 1º da ESO dos centros educativos do municipio; e por outra, o traballo coas familias a través dunhas xornadas didácticas nos centros, conducidas polo psicólogo e terapeuta familiar Esteban Figueirido.

A través destas charlas, unha por cada centro educativo de secundaria do municipio, o psicólogo mostra ferramentas e habilidades que poden axudar ás familias a tratar estes temas cos fillos.  Hoxe, martes, terá lugar, ás 20 horas, a última destes encontros no I.E.S. A Sagriña, convidando o concello da Guarda a participar aos pais, educadores e á comunidade educativa dos centros, para deste xeito poder acadar coñecementos cos que previr e enfrontarse a un problema tan importante como é o consumo das drogas, e en especial o preocupante aumento da súa relación co uso das redes sociais na poboación máis nova.

 

Martes, 28 de marzo de 2017  

Rematou a tempada de barferencias de inverno na Guarda cunha charla sobre “A xestión do bosque e do monte polas comunidades da Idade de Ferro

O venres, día 24 de marzo, no Restaurante O Forte. pechouse na Guarda a tempada de barferencias coa ponencia da investigadora posdoctoral da Universidade de Santiago de Compostela (USC), María Martín Seijo, que tratou sobre “A xestión do bosque e do monte polas comunidades da Idade de Ferro”.

A arqueóloga e especialista en arqueobotánica espuxo e compartiu os seus amplos coñecementos da temática sobre a cal versou tamén a súa tese pola que obtivo o Premio Extraordinario de Doutoramento. Realizou un breve percorrido pola Idade do Ferro e a relación destas comunidades co bosque a partir da xestión dos recursos forestais, fundamentalmente da madeira. Tras a charla os presentes amosaron o seu interese, debatendo os distintos aspectos tratados e realizando preguntas sobre o tema.

Deste xeito péchase o programa de barferencias 2016/17 co que o Concello da Guarda ofreceu aos veciños nas que se trataron temas diversos como a minería de ouro ou a historia do Museo Arqueolóxico de Santa Trega (MASAT), que este ano celebra o seu centenario, entre outros.

 

Martes, 28 de marzo de 2017  

A Guarda e Caminha iniciaron as andainas de 2017 cunha ruta entre O Rosal e A Guarda

Un ano máis o Concello da Guarda organiza diversas andainas coas que se busca ofrecer aos veciños alternativas saudables de lecer para desfrutar ao aire libre. Esta actividade volve a estar organizada conxuntamente coa localidade portuguesa de Caminha e nela se ofertan 6 andainas programadas dende a Concellería de Deporte e Patrimonio para este ano 2017.

A primeira das andainas realizouse o pasado sábado, 25 de marzo, cunha ruta de 17 quilómetros que saíu dende San Xián (O Rosal) para percorrer o Camiño dos Burros pola Serra da Groba ata rematar na Guarda. Esta primeira andaina, que foi gratuíta e para a cal o Concello da Guarda dispuxo dous autocares para trasladar aos participantes ata o comezo da mesma, tivo unha gran acollida con máis de 140 participantes, contando o grupo chegado dende Caminha, que desfrutaron das fermosas vistas e paraxes que ofrecía o camiño.

Para as dúas andainas seguintes, organizadas antes do descanso de verán, o prazo de inscrición pechará o 19 de abril. A segunda andaina será o sábado día 6 de maio. Trátase dunha ruta entre Allariz e Augas Santas, cunha distancia total de 15 quilómetros; e a terceira realizarase o sábado 3 de xuño, nunha ruta de tamén 15 quilómetros, pola Illa de Arousa. En agosto, o luns 28, está programada unha andaina á Romaría de Arga de San Joao en Caminha, na que se poderán inscribir ata o 21 do mesmo mes. Tras o verán, seguirán as andainas con novas rutas en setembro e outubro.

Todos os interesados en realizar as inscricións, consultar calquera dúbida ou obter máis información poden poñerse en contacto coa Oficina de Turismo da Guarda de maneira presencial de 9 a 14 horas de luns a venres, no teléfono 986 61 45 46 ou a través do correo electrónico turismo@aguarda.es.

 

Martes, 28 de marzo de 2017  

Álex Sierpes Pereira, del Atletismo Trega de A Guarda, récord gallego de 1000ml

Informa Patri Pereira

Nueve años tuvieron que pasar para que el benjamín Álex Sierpes Pereira, del Atletismo Trega de A Guarda, le sacara el récord gallego de 1000ml al aire libre en pista al aire libre al atleta de origen etíope Tariku Novales Ordax.

En Balaídos se diputó la primera jornada de la fase escolar en pista benjamín, alevín de Xogade en la provincia de Pontevedra.

La jornada empezaba un poco dura entre el tiempo inestable de lluvia, viento y el cambio de hora.

Tras el transcurso de las primeras pruebas, la lluvia empezó a estabilizarse y dejando en varios puntos encharcados la pista.

A las 12:40h de la mañana se dio la salida de 1000ml benjamín masculino y femenino, después del disparo de salida, ni las ráfagas de viento en contra ni los charcos pudieron frenar al benjamín, saliendo como nos tiene acostumbrados, tomando el mando de las pruebas con un potente ritmo demoledor de carrera imposible de seguir y marcando un registro sensacional  de 3’21’’35 y nuevo récord gallego de la distancia que fue arrebatado al atleta Tariku Novales Ordax  (de origen etíope) que lo poseía desde 1 Junio 2008 con un tiempo de 3’23’’84.

Consta destacar que apenas han transcurridos 7 días desde que Álex batió el récord de pista cubierta de Riazor y con este es el 5º récord en su historial.

 

Luns, 27 de marzo de 2017  

El Sporting Guardés puntua en A Sangriña

Informa José Mª Salcidos

Partido correspondiente a la vigésimo octava jornada del Campeonato de 1ª División Autonómica, disputado en el Municipal de “A Sangriña” , entre los equipos Sporting Guardés (clasificado en 8ª posición con 38 puntos) y Campo Lameiro (clasificado en 1ª posición con 52 puntos).

Tarde fresca (15º) y con mucha humedad.

Entrada normal, notándose la presencia de un buen número de aficionados visitantes en la grada.

Sporting  Guardés,  3   -   Campo Lameiro, C. D.,  0

Sporting Guardés: Miguel, Kimio, Sergio Pérez (Ita, min. 62), Saúl, Isidro, Iglesias (Ferru, min. 83), Santi, Javi, Anxo (Sergio,, min. 62), Iván y Manu (Sergio Aballe, min. 46).

Campo Lameiro, C. D.: Vivar, Fonso (Jorge, min. 59), Sergio, Arias, Toto, Alberto (Quique, min. 59), Anxo (Fer, min. 46), Bruno, Fran, Fontán y Martín (Pitu, min. 66).

Goles: 1 – 0, Iglesias, min. 13; 2 – 0,, Santi, min. 28; 3 – 0, Santi, min. 74

Árbitro: Óscar González Santos de Vigo, auxiliado en las bandas por Roberto Toucedo  Arjones y Aarón Martín Mera. Amonestó a Iglesias y a Sergio Aballe a este último en dos ocasiones por lo que le mostró la roja.

Buen arbitraje en la primera parte, con una segunda mitad irregular sobre todo en la segunda tarjeta amarilla a Sergio Aballe al que le hacen una falta clarísima que no señala y por levantar los brazos en señal de protesta lo manda al vestuario. En este tipo de acciones no midió con el mismo rasero a los dos equipos.

Se temía la visita del Campo Lameiro ya que venía ocupando la primera posición de la tabla pero los locales salieron “enchufados” en el partido desde el primer minuto y ya Santi tuvo una buena oportunidad en el minuto 8. Los visitantes dejaban jugar y eso al Sporting le va como anillo al dedo y, en el minuto 13, Iván saca una falta e Iglesias de cabeza marca el 1 – 0.

El Campo Lameiro no reacciona y se juega en el centro del campo con ligero dominio de los locales y Santi, en el minuto 28, consigue el 2 – 0 en jugada personal.

Con este resultado finaliza la primera mitad.

La segunda parte comienza con un Campo Lameiro lanzado a, por lo menos, igualar el resultado aguantando bien los locales la presión a pesar de jugar con un hombre menos, desde el minuto 67,  y volviendo a mover el marcador cuando, en el minuto 74, Santi consigue el 3 – 0 a pase de Iván.

En resumen, buen partido en “A Sangriña” con dos equipos tratando de jugar al futbol sin marrullerías.

Después de esta jornada el Sporting Guardés pasa a ocupar la 7ª plaza de la clasificación, con 41 puntos.

El próximo sábado el Sporting Guardés se desplaza a Cuntis para enfrentarse al titular de aquella localidad.

 

Sábado, 25 de marzo de 2017  

Deu comezo o obradoiro de cociña sobre a elaboración de chocolates na Guarda

O obradoiro de cociña sobre a elaboración de chocolates que organiza a OMIX da Guarda, dependente da Concellería de Xuventude, dentro da súa programación formativa para 2017 iniciouse coa asistencia de 16 alumnos que están aprendendo a realizar chocolates con froitos secos, chocolates con crema e froita, pralinés e bombóns ou filigranas e decoracións, entre outras deliciosas creacións.

O obradoiro rematará a vindeira o vindeiro mércores 29 de marzo.

 

A Guarda acolle unha charla sobre a situación dos refuxiados sirios contada en primeira persoa

O vindeiro xoves 30 de marzo o Centro Cultural da Guarda acollerá, ás 20'30 horas, unha charla sobre a situación dos refuxiados sirios co título “A historia de Ahmad contada en primeira persoa”.

Ao cargo desta charla estará Ahmad, que contará a súa historia en primeira persoa; a historia dun home de procedencia siria que tivo que deixar o seu traballo, a súa familia, o seu fogar e a súa vida normal ante o estalido dun conflito armado que o levou a vivir en varios campos de refuxiados en Grecia.

A través da súa propia experiencia, do que viviu, o que viu e o que lle contaron nestes campos de refuxiados, Ahmad ofrecerá aos asistentes unha visión das consecuencias que se derivan do conflito armado que está a acontecer nestes intres en Siria. Nesta charla falará da situación do seu país, as causas da guerra, a situación dos campos de refuxiados en Europa e as condicións de vida nestes; así como sobre a Política da Unión Europea con respecto a este problema humanitario.

Ahmad leva uns meses vivindo na Coruña, pero desexa seguir concienciando e centrando a atención no que está a ocorrer no seu país, mediante as súas propias vivencias.

 

Sábado, 25 de marzo de 2017  

Aberto o prazo para as solicitudes no Programa Benestar en Balnearios da Xunta de Galicia

O Departamento de servizos sociais do concello de A Guarda informa que está aberto o prazo para as solicitudes no Programa Benestar en Balnearios da Xunta de Galicia ata o próximo día 17 de abril 2017.

Requisitos:

a)      Ser maior de 60 anos ou maior de 55 e, neste caso, reunir a condición de pensionista do sistema da Seguridade Social, polos conceptos de xubilación, invalidez, viuvez outras pensións.

b)      Estar empadroado e residir nalgún concello da Comunidade Autónoma de Galicia.

c)      Valerse por si mesmo para as actividades da vida diaria e estar en condicións de participar no programa, agás no caso de fillos ou fillas que acudan en calidade de acompañantes.

d)      Non padecer alteración do comportamento que poidan afectar a normal convivencia  nos establecementos , nin padecer enfermidade transmisible con risco de contaxio.

e)      Carecer de contraindicación médica  para a recepción dos tratamentos termais.

f)       Acadar, de conformidade co baremo establecido, a puntuación que lle permita acceder a un dos balnearios e quendas solicitadas.

A persoa solicitante poderá ir acompañada do seu ou da súa cónxuxe ou, se fose o caso, da parella de feito ou persoa con que teña unha unión estable e de convivencia con análoga relación á conxugal, sempre que cumpra os requisitos citados anteriormente, excepto o sinalado na letra a) do punto primeiro e con  fillo/a con grao de discapacidade que se poida desprazar con autonomía.

 

Sábado, 25 de marzo de 2017  

O Concello da Guarda adhírese un ano máis ás reivindicacións da Hora do Planeta

Dende o ano 2007 a organización WWF vén impulsando a campaña da Hora do Planeta como un evento a nivel mundial que busca concienciar sobre a situación do medio ambiente e facer unha chamada á acción na loita contra o cambio climático.

A Hora do Planeta celebrarase este sábado, 25 de marzo, de 20’30 a 21’30 horas e un ano máis o Concello da Guarda amosa o seu apoio nesta defensa do medio ambiente e súmase ás reivindicacións desta campaña co apagado simbólico das luces da Praza do Reló.

Dende o Concello convídase a todos os veciños a apoiar esta iniciativa e achegarse durante esa hora á Praza do Reló para axudar a visibilizar unha problemática que afecta a todos os cidadáns e cidadás e ao futuro conxunto do noso planeta.

 

O alcalde da Guarda e o presidente da Cámara de Comercio de Tui fanse eco das demandas de mellora nas comunicacións das empresas da Pasaxe

O alcalde da Guarda, Antonio Lomba, e o presidente da Cámara de Comercio de Tui, Gumersindo Alonso, visitaron a empresa Mecalia para reunirse con representantes das empresas da zona Pasaxe que demandan melloras nas súas infraestruturas de comunicación.

Neste encontro, no que se reuniron con representantes dos Estaleiros Joaquín Castro, da empresa Suministros Navais Santa Tecla e de Mecalia, espúxose a problemática que teñen debido ás deficiencia nas comunicacións tanto de transmisión de datos como de telefonía, cunha velocidade real na súa conexión que é moito menor á contratada e cunha telefonía móbil que non chega a 3G. É unha situación que xa supón un problema para un particular, canto máis para unhas empresas deste tamaño.

Ante esta situación tanto o alcalde como o presidente da Cámara de Comercio de Tui amosaron a súa completa disposición para buscar unha solución, o máis rápido posible, a un grave problema que impide que as empresas podan desenvolver con normalidade a súa actividade diaria.

Na reunión decidiuse, a proposta do presidente da Cámara de Comercio e co total apoio do alcalde, contratar un técnico experto que a vindeira semana realice un un estudio e diagnóstico completo da problemática e que poda explorar as posibilidades e asesorar na busca de solucións. Tras este diagnóstico, nos próximos días, volveranse a reunir para valorar o informe do técnico, decidir cal é a mellor solución e poñela en marcha canto antes para que estas empresas conten cunhas comunicacións acordes ao seu tamaño e aos tempos que corren.

 

Venres, 24 de marzo de 2017  

Minuto de silencio na Guarda en memoria das vítimas do atentado de Londres

Onte, 23 de marzo, ás 12 horas, as autoridades e traballadores do concello da Guarda gardaron un minuto de silencio a carón da Casa do Concello, na Praza do Reló, en memoria das vítimas do atentado que tivo lugar en Londres o día anterior causado por un terrorista na capital inglesa, e que as forzas de seguridade relacionan con ISIS, provocando nun primeiro balance 5 vítimas mortais e 29 feridos de distinta gravidade, como consecuencia do atropelo e o ataque a un policía xunto ao Parlamento británico.

O Concello da Guarda mostra con este xesto a súa solidariedade co pobo británico, coas vítimas do terrorismo en todo o mundo e achega as súas condolencias ás vítimas e familiares das vítimas nestes duros momentos.

 

Presentación da Campaña de Limpeza da Guarda

O concello da Guarda, coa presenza do alcalde da Guarda, Antonio Lomba, e o concelleiro de Servizos, Paulino Rodríguez, presentará o martes, día 28, na Casa dos Alonsos, ás 11 horas, a Campaña de sensibilización e de difusión do novo "Regulamento de Limpeza Pública e Recollida de Lixo", que entrou en vigor o pasado 30 de decembro.

Dada a importancia que o tema da limpeza pública ten para a cidadanía da localidade, dende o Concello informan que esta campaña é froito dun amplo traballo por modernizar as normas que rexen a limpeza pública e a recollida do lixo e facilitar a colaboración de todos para ter unha Guarda máis limpa e fermosa.

 

Venres, 24 de marzo de 2017  

A Guarda organiza a 'Ruta do pincho da lamprea do Miño' 2017

A “Ruta do pincho da lamprea do Miño” xurdiu en 2014 da inquietude dos viveiristas e pescadores da lamprea da Guarda para dar a coñecer e promocionar a Lamprea do Miño entre o público como un pincho a un prezo alcanzable.

Moitos só conciben a lamprea como o prato principal nunha celebración especial polo que esta ruta é unha oportunidade para degustar a lamprea como un aperitivo que acompañe ó viño e á boa compañía. Ademais a ruta tamén facilita que proben a lamprea aqueles interesados en coñecer o seu sabor.

A ruta da lamprea celebrarase durante as fins de semana: 1, 2, 8 e 9 de abril, de 11.00 a 13.30 horas e de 19.00 a 20.30 horas a un prezo único de 2 €.

Cada restaurador ten liberdade na creación da súa proposta tendo en conta que o sabor da lamprea dominará nun pincho de calidade e para fomentar esta calidade este ano vólvese a organizar o Concurso do Mellor Pincho da Lamprea do Miño entre os restaurantes e bares adheridos. Os responsables de escoller o establecemento co mellor pincho serán os participantes puntuando cada pincho mediante unha papeleta que cumprimentarán e depositarán nas urnas dispoñibles en cada establecemento da ruta. Ademais de coñecer as valoracións dos restaurantes, as papeletas permitirán coñecer un número aproximado de pinchos servidos.

Para premiar a fidelidade dos participantes haberá un sorteo de agasallos entre todas as papeletas depositadas nas urnas.

Coñecedes a lamprea?

Neste 2017 a novidade foi achegar a pesca da lamprea aos escolares da Guarda, organizando a Concellería de Turismo a actividade didáctica de “Coñecedes a lamprea?” dirixida aos alumnos de 6º de primaria, que durante unha hora atenderon ás explicacións de dous expertos pescadores do río Miño, Héctor Morais  López e Ismael Sousa Alfonso, que amosaron a pesca no río Miño e, en especial, da lamprea que agora mesmo se atopa en temporada. Máis de 50 nenos do CEIP Plurilingüe “As Solanas Nicolás Gutiérrez Campo, CEIP  Manuel Rodríguez Sinde e do CPR San José asistiron a unha actividade que resultou un éxito debido ao interese mostrado polos escolares. Ademais puideron observar as diferentes redes empregadas no Miño, as medidas de seguridade esixidas e, para coñecer mellor a lamprea, houbo unha réplica de lamprea e outra viva nun viveiro.

Despois da xornada que tivo lugar no Centro Cultural os escolares elaborarán na aula un debuxo coa temática “Desembocadura do Miño e a lamprea”, que se exporán nos restaurantes e cafeterías que participan na Ruta do Pincho da Lamprea do Miño”.

 

Venres, 24 de marzo de 2017  

O alcalde da Guarda e o presidente da Cámara de Comercio de Tui visitarán empresas na Pasaxe

O alcalde da Guarda, Antonio Lomba, e o presidente da Cámara de Comercio de Tui, Gumersindo Alonso, visitarán ás 11 horas de hoxe, ás empresas ubicadas na Pasaxe, A Guarda, para coñecer os problemas que teñen en relación á transmisión de datos e infraestruturas de comunicación.

   

O padroado Monte Trega dálle os parabéns á proposta Porta do Trega

No pleno do padroado municipal Monte Trega, debateuse a proposta de remodelación do espazo de recepción de visitantes e caseta de cobro de acceso ao Trega. Esta actuación, que xa recibira os parabéns da Comisión permanente, formada polas Comunidades de Montes da Guarda e de Camposancos e polo Concello, foi aprobada por unanimidade dos membros presentes do pleno do padroado.

Fai uns meses a Comisión permanente decidiu encargar a redacción desta proposta ao arquitecto guardés Mauro Lomba, proposta que el mesmo tivo a oportunidade de presentar a todos os membros do padroado.

O arquitecto explicou que esta actuación consiste na construción dunha nova caseta de cobro cos espazos adecuados para o desenvolvemento do traballo que controlará os tres carrís da estrada que sube ao monte; un para o control de visitantes, un carril de servizo para as persoas que suban a desenvolver o seu traballo e profesionais de reparto e un carril de baixada. Na zona do “atallo” peonil máis próxima á caseta proponse a instalación de dúas pequenas edificacións: unha que sirva de zona de recepción e información ás persoas que soben a pé ao Trega e a outra para servizo do encargado da caseta.

Estas edificacións, que distan algo máis de 100 metros, irán unidas por unha lámina que quedará perfectamente integrada no bosque e que simboliza a porta de entrada a unha das iconas da paisaxe e do patrimonio máis importantes de Galicia. A obra deberá contemplar a rexeneración forestal con especies autóctonas do ámbito de actuación.

A partir de agora comeza a fase de redacción deste proxecto que está financiado pola Dirección Xeral de Turismo que ten unha reserva de 200.000 euros para investir no Trega no presente ano.

 

O Museo do Mar da Guarda reabre as súas portas esta fin de semana

Esta semana abre as súas portas o Museo do Mar da Guarda, coincidindo co comezo da primavera, en horario de 11 a 14 horas e de 16 a 19 horas, tanto os sábados e domingos coma festivos. O acceso ao museo ten un prezo de 1€, pero as visitas son de balde o primeiro sábado de cada mes.

O museo está situado na réplica da Atalaia, no paseo marítimo, e forma parte da Rede de Museos da localidade, que completan o Museo Arqueolóxico de Santa Trega e o Centro de Interpretación das Fortalezas Transfronteirizas do Castelo de Santa Cruz.

 

Xoves, 23 de marzo de 2017  

Aprobada por maioría no Padroado Monte Trega a actuación na porta de entrada ao Trega

En relación co anteproxecto das obras a efectuar na porta de entrada ao Trega (ver información) así como a cesión do espacio de monte necesario para esta actuación, asm esmas, tratadas na correspondente reunión do Padroado Monte Trega,  foron aprobados por os representantes das comunidades de montes e polos dos partidos políticos (PSOE, PP e C´s) a excepción dos representantes de BNG e Convergencia Galega.

 

Xoves, 23 de marzo de 2017  

Barferencia e cinema citas este venres na Guarda

O venres, 24 de marzo, terá lugar a última das barferencias de inverno celebradas na Guarda durante a tempada 2016/17. A investigadora posdoctoral da Universidade de Santiago de Compostela (USC), María Martín Seijo, será a encargada de pechar esta tempada coa quinta e última das charlas programadas.

Esta barferencia estaba prevista para o pasado venres día 17 pero tivo que ser aprazada por motivos de saúde da conferenciante. Finalmente terá lugar este venres no Restaurante O Forte ás 20'30 horas, nun evento no que a Arqueóloga e especialista en arqueobotánica falará cos asistentes sobre “A xestión do bosque e do monte polas comunidades da Idade de Ferro”, compartindo así os seus amplos coñecementos da temática sobre a cal versou tamén a súa tese de doutoramento pola que obtivo un Apto Cum Laude e o Premio Extraordinario de Doutoramento. María Martín Seijo ten participado en numerosos proxectos, xestionado e dirixido máis de 30 contratos de investigación e os resultados das súas investigación foron publicadas en revistas nacionais e internacionais. Na barferencia deste venres na Guarda fará un breve percorrido pola Idade do Ferro e a relación destas comunidades co bosque a partir da xestión dos recursos forestais, fundamentalmente da madeira. 

Ademais da barferencia, este mesmo día, venres, tamén hai unha cita co cinema no Centro Cultural da Guarda. Coincidindo co remate da estación que se produciu esta semana, termina tamén a programación de Invernos de Cine coa proxección do filme “El Puente de los Espías” ás 21 horas. Dirixido por Steven Spielberg e protagonizado por Tom Hanks, este filme foi aclamado por crítica e público pola brillantez coa que se conta un feito enmarcado no mundo do espionaxe en plena Guerra Fría.

 

Mércores, 22 de marzo de 2017  

A Xunta de Galicia sinaliza o Camiño Portugués da Costa ao seu paso polo concello da Guarda con 16 mouteiras oficiais

O delegado territorial da Xunta en Vigo, Ignacio López-Chaves, e o xerente do Xacobeo, Rafael Sánchez Bargiela, xunto ao alcalde do Concello da Guarda, Antonio Lomba, comprobaron a colocación das primeiras mouteiras oficiais que sinalizan o Camiño Portugués da Costa ao seu paso polo municipio na zona da estación marítima do ferri A Guarda-Caminha, punto polo que chegan os peregrinos procedentes do país veciño.

En total, no Concello da Guarda colocaranse un total de 16 mouteiras das 81 que teñen os 150 quilómetros do tramo galego desta Ruta Xacobea que ven de ser recentemente recoñecida coa aprobación, no Parlamento galego, da Lei de Patrimonio de Galicia. O Camiño Portugués da Costa vén de dar así un paso máis garantindo, coa nova sinalización que comezou a colocarse hai uns días no Concello de Baiona, a seguridade dos peregrinos que a transiten facilitándolles o seu traxecto. Nos vindeiros días, o Xacobeo continuará coa colocación do resto das mouteiras nos demais concellos polos que atravesa a nova Ruta de Peregrinación a Santiago de Compostela.

 

Mércores, 22 de marzo de 2017  

Na xuntanza do Padroado Municipal Monte Trega, tratarase a modificación da caseta de cobro cun investimento de 250.000 euros

A xunta reitora da comunidade veciñal de montes de Camposancos mantivo unha xuntanza, acompañados pola representante do PP na Guarda, Conchi Oretega, coa directora de Turismo na Xunta de Galicia, Nava Castro, para falar da posibilidade de facer unha inversión no Trega, para a que a Dirección de Turismo destina 200.000 €, pendentes da aprobación dun proxecto que considere o Padroado, e que deberá executarse no presete ano.

A instancias de Nava Castro, os comuneiros inicialmente, consideraron presentar á delegada de Turismo en Pontevedra, unha proposta de actuación na "casa forestal" e na súa contorna, pero tralas conversas co presidente do Padroado, e alcalde da Guarda, Antonio Lomba, considerouse que ese investimento estaría mellor empregado na porta de entrada ao Trega, xa que as comunidades de montes pediran a súa modernización, e para a que o arquitecto Mauro Lomba estaba redactando un anteproxecto tal e como se acordou en comisión do Padroado, sendo esta iniciativa aceptada polos comuneiros de Camposancos, por entender que a pesares de que a actuación vaise realizar en terreos da comunidade da Guarda, o beneficiario é o conxunto do monte.

A comunidade de Camposancas espera que esta mesma sensibilidade a compartan os demais compoñentes do pleno do Padroado, considerando que están en xogo 200.000 euros.

O proxecto consiste en dotar a estrada no tramo da caseta de cobro de tres carrís, dous de subida, un para os visitantes que pagan, outro para os servicios do monte, e outro de baixada, instalándose tres casetas: unha na estrada e dúas no sendeiro peonil próximo, unidas por unha plataforma metalica elevada suspendida en columnas redondas imitando árbores para integrala na contorna. A lámina ou plataforma terá unha lonxitude de 110 metros, dous de ancho e aproximadamente tres centímetros de grosor.

O importe todal do investimento está nos 250.000 euros, de modo que que a parte restantes ao investimento da Dirección de Turismo, terá que asumila o Padroado.

 

Martes, 21 de marzo de 2017  

Elsa Pena segunda en Antequera (Málaga)

Informa Alberto Pena

Este pasado sábado, disputouse en Antequera, Malaga, o Campionato de España de Pista Cuberta para os atletas da categoría cadete, coa participación da guardesa Elsa Pena, que acadou o segundo posto nos 3.000 metros lisos.

 

El atleta guardés Álex Sierpes Pereira de la Sociedade Atlética do Trega consigue oro, plata y récord en el Campeonato Gallego de pista cubierta de Riazor

Este fin de semana se disputó en el palacio de deportes de Riazor el último campeonato de Galicia de pista cubierta de la presente temporada de nuestra comunidad autonómica en la que los benjamines, alevines e infantiles fueron los protagonistas.

Como se esperaba, un buen ambiente general, tanto en el público como en el ámbito deportivo, con varios récords autonómicos.

Álex Sierpes Pereira disputó a la 11:45h la segunda semifinal de velocidad de 50ml quedando en cabeza de serie, con un tiempo de 8’27’’ pase directo a la final que se disputaría a las 14:05 del mediodía.

A las 13:15h arrancaba la deseada final del 1000ml benjamín masculino, saliendo Álex con un potente ritmo de carrera que le llevó a hacer toda la prueba en solitario y proclamándose campeón gallego con un crono 3’23’’ y a la vez batiendo récord gallego de la distancia, rebajándolo nada menos que 9’’ el cual anteriormente estaba en 3’32’’.

Y por último faltaba la final de velocidad 50ml (benjamín) finalizando con un apretadísimo triunfo con un tiempo de 8’28’’ y consiguiendo ser subcampeón gallego.

Al mismo tiempo se desplazaron 5 atletas de la Sociedade Atlética do Trega donde los resultados fueron los siguientes:

·    Final 1000ml alevín(femenino):

Elisa Morgado Rodríguez 4ta clasificada 3’40’’84

                 Carmen Magallanes Pérez 6ta clasificada 3’44’’66

·    Final 1000ml alevín (masculino):

Christian Sierpes Pereira descalificado (por pisar línea) decisión del juez. Toma manual 3’30’’ ¡¡toda una pena por no homologarle la marca!!

·    Final B. 500ml alevín (masculino):

Iker Amoedo Coello 4to clasificado tiempo 1’36’’ serie B, en la final general 10 clasificado.

·    Final 2000ml infantil (femenino):

Marcela Morgado Rodríguez 5ta clasificada 7’35’’91

Consta recordar el matiz, que ya es un éxito poder acudir a este campeonato gallego porque se escogen las mejores marcas mínimas por prueba de carrera y de concurso las 12 mejores de toda Galicia.

 

Sábado, 18 de marzo de 2017  

Cruz Roja abre el plazo de Inscripción del Curso de Educación para la Salud para jóvenes que realizará en el mes de marzo

Cruz Roja abrió el plazo de inscripciones para el curso gratuito de formación del programa de Educación para la Salud de Cruz Roja en Vigo, Ponteareas y Baixo Miño, que se impartirá entre el 27 de marzo y el 1 de abril, entre las 9 y las 14 horas, finalizando el plazo de inscripción el 23 de marzo. El objetivo de esta formación es crear un grupo de jóvenes interesados en colaborar en las actividades del programa, principalmente para impartir charlas sobre Alimentación y Sexualidad con adolescentes del municipio.

Las  personas destinatarias son jóvenes de entre 17 y 35 años.

Esta formación tiene carácter modular, con una formación básica de 6 horas y 2 formaciones específicas de 10 horas sobre los bloques de Alimentación y Nutrición y Sexualidad:

Este curso está enmarcado entre las acciones que el programa de Educación para la Salud viene desarrollando desde hace más de una década en la provincia de Pontevedra. Durante el 2013 el programa realizó intervención aproximada de 2000 alumnos de la provincia de Pontevedra.

Este programa está financiado con fondos de IRPF a través del Ministerio de Sanidad, Servicios Sociales e Igualdad.

Para más información e inscripción las personas interesadas podrán dirigirse a la Asamblea Comarcal de Baixo Miño, en a Guarda, llamar por teléfono a los números 986 61 46 09 / 606 34 84 71 o escribir a laguardia@cruzroja.es

 

Sábado, 18 de marzo de 2017  

O BNG explicou o seu modelo de concello ao comercio guardés

O pasado mércores o BNG presentou ao comercio guardés o modelo que pretende desenvolver na Guarda que garante o futuro do municipio, nun acto que estivo conducido polos concelleiros do BNG, Angel Baz e Xan Lois Lomba.

Trala presentación do Plan de Mobilidade por parte do equipo redactor aos distintos grupos municipais, o BNG quere achegar a súa propia valoración do mesmo aos distintos colectivos sociais através de asambleas sectoriais que empezaron cos comerciantes de Concepción Arenal e a súa contorna.

“Todo o que sexa desviarse deste texto é dar un paso atrás na calidade de vida dos guardeses e na competitividade da pesca, turismo e comercio”, manifestou Ángel Baz, portavoz municipal do BNG.

Bolsas de aparcamento disuasorio, peatonalización do casco antigo, rutas escolares seguras, melloras en accesibilidade e na conexión do centro cas parroquias e un vial de acceso Sur ao porto forman parte das medidas que afondan nun modelo de poboación deseñada dende a visión dos colectivos máis sensíbeis como nenos ou persoas con mobilidade reducida.

“O plan de mobilidade fundamentalmente é un cambio radical na forma de urbanizar que seguiu A Guarda nos últimos 40 anos. É unha aposta decidida por un modelo máis sustentábel, saudabél e de  resultados fácilmente contrastabeis”, apuntou o portavoz nacionalista.

Dende o BNG ven con incredulidade como o alcalde da Guarda segue aferrándose á idea do doble sentido de circulación en Concepción Arenal, centro neurálxico do comercio guardés, cando o propio plan de mobilidade o desaconsella rotundamente e o comercio  da zona tampouco comparte. Esta é a conclusión que quita a formación nacionalista trala reunión mantida cun nutrido número de comerciantes que fixeron as súas achegas e conclusións, todas elas identificadas no plan de Mobilidade.

 

Alumnos de Solanas plataron árbores no Trega

Na campaña da Comunidade de montes de Camposancos "Planta unha árbore, planta futuro" foron os escolares do colexio As Solanas, acompañados do profesorado, os que subiron o monte Trega para plantar 225 árbores no entorno de Chans

A Comunidade de Camposancos agradece ao profesorado de As Solanas o xesto de regalar un precioso Erbedo, dous Nogais e un Teixo e os alumnos a plapa con que obsequiaron á xunta reitora.

 

Sábado, 18 de marzo de 2017  

Nova cita co cinema infantil hoxe, na Guarda

Ás 17.30 horas de hoxe, sábado, no Centro Cultural, proxéctase a película infantil “Home”, coa historia de Tip, e “Oh”, un alieníxena irritantemente optimista que esta a fuxir dos demais alieníxenas Boov, que invadiron o planeta. A estrana parexa, unha vez vencidas as diferencias iniciais fanse bos amigos, e xuntos logran superar curiosas aventuras e aprender novas cousas.

 

Os colexios da Guarda disfrutan do cinema infantil no Centro Cultural

Durante esta semana que remata, diferentes colexios da Guarda pasaron polo Centro Cultural para disfrutar do cinema infantil. A actividade, que se enmarca dentro das actividades de colaboración entre os centros escolares e a Concellería de Cultura da Guarda, busca achegar actividades lúdicas no tempo escolar, neste caso a traveś do cinema.

Os centros que se sumaron nesta ocasión foron CEIP A Sangriña, CEIP Manuel Rodríguez Sinde, o colexio PP Somascos e o CEIP As Solanas, aínda que estes últimos non puideron disfrutar da actividade a causa de imprevistos técnicos, polo que visionarán a película durante a vindeira semana no propio centro.

A actividade “Cinema nos coles” repetirase no último trimestre co visionado do filme “Tiana y el sapo”

 

Xoves, 16 de marzo de 2017  

Aprazamento da barferencia “A xestión do bosque e do monte polas comunidades da Idade de Ferro”

A barferencia programada para este venres, día 17, no restaurante O Forte, aprázase para o venres, 24 de marzo, por motivos de saúde da conferenciante. Mantense o lugar, Restaurante O Forte, a será como estaba anunciada ás 20:30 horas, cando María Martín Seijo, investigadora da Universidade de Santiago, especializada en arqueobotánica comparta cos presentes os seu estudos sobre o mundo do bosque na Idade do Ferro, e máis concretamente, explique as especies máis habituais e uso que as súas xentes lle daban na época castrexa. Coa celebración desta charla cerrarase o ciclo de Barferencias 2016/2017.

 

Mércores, 15 de marzo de 2017  

Elsa Pena continúa nos primeiros postos do atletismo galego

Informa Alberto Pena

A pasada fin de semana celebráronse en Boiro os campionatos de España de Dúatlon por equipos e por relevos con máis de 2.100 inscritos e unha espectacular participación galega. Estes torneos serán ademais, a primeira e segunda xornada da Liga Nacional de Clubs 2017, respectivamente.

Galicia estivo representada nestas  probas por 25 clubs e 700 deportistas que presentan un total de 116 equipos entre as diferentes probas e categorías.

As probas de contrareló comenzaron o sábado, nun dia con choiva e vento. Nesta proba o club Cidade de Lugo Fluvial armouse cun equipo  compuesto por Caterina Pereira,  Elsa Pena, Carla Fernández, Carla Guisande e as xemelgas Myriam e Eugenia López, que  se marcaron un auténtico carreirón logrando un espectacular 5 posto. 

O domingo celebráronse as probas de relevos. Nestas probas os equipos están formados por tres deportistas e cada un deles realiza un pequeno dúatlon (1,5 quilómetros de carreira a pé, 5,3 quilómetros de bicicleta e 750 metros de carreira a pé).

Nesta proba, Elsa Pena, Carla Férnandez e Carla Guisande acadaron o Campionato de España de Relevos 2017.

 

Mércores, 15 de marzo de 2017  

Apertura de prazo para campamentos de Deputación: Depo Aventura A Lanzada 2017

Participantes: nenos que teñan o seu domicilio habitual nun concello da provincia de Pontevedra e que nacesen entre o 2004 e 2009 ambos incluídos (entre 8 e 13 anos)

Prazo: para solicitar praza do 15 de marzo ata o 3 de abril de 2017

Presentación solicitudes. As solicitudes poderán presentarse de dúas formas:

- Preferentemente realizando unha preinscrición a través da web da deputación (www.depo.es), cubrindo os datos no modelo oficial de solicitude e premer o botón enviar. Despois imprimir este xustificante e presentalo xunto co resto de documentación no Rexistro xeral da institución (Deputación provincial) ou oficinas de ORAL (as máis próximas: O Rosal e Tomiño).

- A outra forma de inscrición será cubrir a solicitude por escrito e xunto ao resto de documentación presentala nos rexistros citados anteriormente (Rexistro xeral deputación ou oficinas ORAL máis próximas O Rosal e Tomiño).

Documentación: Solicitude, fotocopia dni pai/nai ou titor, fotocopia dni menor, certificado empadroamento. Se é o caso, acreditación familia numerosa e/ou certificado minusvalía.

Prezo: 100€ e no caso de familia numerosa 80€

Máis información na OMIX da Guarda

 

Martes, 14 de marzo de 2017  

Comezan os cursos de inglés e  atención ao cliente dirixidos ao sector comercio e hostalaría

Deron comezo no Concello da Guarda as accións formativas de inglés e  atención ao cliente, dirixidas ao sector comercio e hostalaría, que se desenvolven nunha aula municipal cunha duración de 20 horas.

O principal obxectivo destes cursos é mellorar  as habilidades e competencias do sector de cara a atención ao público. Nas dúas accións participan persoas dos sectores preferentes e tamén outras que na actualidade están na procura dun emprego.

O alcalde, Antonio Lomba, e a concelleira de Comercio, Montserrat Magallanes, mostraron a súa satisfacción coa boa acollida da proposta formativa agardando poder seguir ofertando este tipo de accións.

 

Martes, 14 de marzo de 2017  

Acta da Asamblea Xeral Ordinaria da Comunidad Veciñal de Montes de Camposancos

Sábado 11 de marzo 2017, Asemblea Xeral, celebrada na casa da Comunidade de Montes de Camposancos

Asisten a Asemblea 98 comuneiros, superando con creces o quorum necesario.

Fernando Martínez fai lectura da acta anterior e pide a súa aprobación aos asistentes. A  Asamblea dalla por aprobada cun voto en contra de Dª María Jesús Martínez Martínez por facer mención á súa persoa en canto que responsable do PP en Camposancos e non en tanto que comuneira. Fernando Martínez admite ao ben fundado da crítica e afirma que se trata de un erro involuntario.

Fernando Martínez da a coñecer o estado das contas da CMC. Cuantifica as perdas incorridas no exercicio de 2016 e xustifícaas por imperativo legal. Tíñanse acumulado retrasos nos investimentos obrigatorios durante tres anos. Para o exercicio actual aínda queda unha marxe duns € 8’000.—por enxugar. 

En relación cós  novos orzamentos, a CMC calcúlanse os mesmos ingresos do execicio anterior,80.000€. Invertirase o 60% dos ingresos á inversión directa no monte, o 15% para actividades culturais, e o 25% para mantemento da casa e imprevistos.

A Asemblea aproba os novos orzamentos con un único voto en contra, emitido por Dª María Jesús Martínez Martínez, e unha abstención, Dª Mónica Fuentes.

O presidente da lectura dos vinte candidatos que solicitaron a súa admisión como comuneiros na CMC.  Solicita a aprobación individualmente. Tódolos candidatos son aceptados sen reservas.

O presidente da a coñecer as conversas con D. Manuel Carballal, representante de CAPELU. Esta empresa non paga o aluguer dunha antena instalada no cumio do Facho dende 2003. Pretende, con todo, negociar o contrato en base a un pago anual de € 500.— Non se pronuncia no tocante ao pago dos atrasos acumulados.  Fernando Martínez solicita da Asemblea o permiso para negociar un novo contrato con esta empresa que sexa beneficioso para a CMC, ou en caso necesario, recorrer á vía xudicial. A Asemblea aproba esta demanda sen ningún voto en contra.

O presidente informa do contencioso coa CMAG e da xuntanza mantida o pasado día 9 do corrente con membros da CMAG. Malia que á CMAG non lle falten razóns para reclamar a antena, o museo e os quioscos xa sí que o pon en dubida, a situación actual deriva dun acordo alcanzado no ano 1993 co beneplácito da CMG D. Antonio Cividanes, á sazón presidente da CMAG. A CMC, aparte de D. Rodrígo Carrero, consultou outro letrado para non incorrer riscos. Fernando Martínez pide a autorización da Asemblea para poder negociar unha solución ou, no seu caso, recorrer á vía xudicial. A Asemblea da a súa autorización coa única abstención de  Dª María Jesús Martínez Martínez.

O Padroado aceptou saldala débeda de € 18’700.—en forma de traballos na Casa Forestal. Segundo explica Fernando Martínez vai ser moi problemático realizala proposta da CMC e da CMAG de aumentalo canon de peaxe para o monte de € 1.—a € 2.-- . Con este fin estase a elaborar un estudo. Hai que xustificar un déficit para poder proceder ao aumento. Actualmente o Padroado presenta un saldo positivo. Unha maneira de evitar este obstáculo sería a de facer por parte das Comunidades acesión do anel superior do monte ao Padroado a cambio de un canon ou  disolver o Padroado. Segundo Fernando Martínez, isto presenta vantaxes pero tamén riscos por entender que os socios non son moi claros. Para un correcto mantemento do monte serían necesarios uns ingresos de € 40,000.anuais. Os € 18,700.— son netamente insuficientes. Dada a dificultade a proceder a un aumento da peaxe, Fernando Martínez entende que haberá que seguir negociando. Dª María Jesús Martínez expresa a súa total reticencia e desconfianza a un acordo có Padroado.

Haberá que proceder con moita cautela, de xeito que a CMC darase un ano máis de tempo antes de tomar unha decisión. Fernando Martínez reitera que non se fía plenamente da xunta directiva da CMAG. 

Xestión 2016:

O Hotel Pazo pagou os € 3,400.— que debía por un erro administrativo cometido pola xestora administrativa.

A empregada de limpeza, foi dada de alta na Seguridade Social. Agora cumpre tódolos requisitos legais.

Foron empregados 6 peóns e un enxeñeiro técnico para traballos no monte que fixo un plan de uso. A partir de 2018 este plan é obligatorio.

Procedeuse ao desbroce e limpeza de camiños forestais.

Foi despexado o entorno da Merxelina por petición de Patrimonio.

Reparación do parque de Chans.

Reparación e limpeza do depósito de auga de Chans.

Limpeza da mina de auga de Ermitáns, á que se dotou dunha porta metálica.

A zona baixa de Chans-Sangriña foi liberada de acacias e vexetación invasiva. Na mesma zona procedeuse a repoboación forestal con máis de 600  árbores nobres.

Arranxo da pista de Chans a Ermitan nos primeiros 220 m. e arranxo da pista de Seixos Alvos a o Sisto e de ahí á Sá. Estas intervencións case sen custo para a CMC grazas a colaboración de Miguel Español concelleiro de obras, ao cal a CMC estalle moi agradecida, posto que prestou a maquinaria da Mancomunidade e unha semana de traballo gratuitamente. A CMC correu cos gastos de material.

O alumnado do CEIP A Sangriña prantou  225 árbores na zona de Chans.

O alumnado do CEIP As Solanas prantau  225 árbores na zona de Chans.

Os alumnos do Instituto prantarán 40 árbores doados pola Fundación da Voz de Galicia, dentro do Proxecto Voz Natura.

Procedeuse a reparar os danos provocados polo temporal no parque de xogos da Finca do Crego. Sustituíronse varios tubos danados por outros de aceiro. Pintouse a mobiliario de xogos. Un temporal posterior danou outros tubos. Foi pedido un orzamento para proceder a súa sustitución.

Pintáronse os quioscos baleiros de monte que estaban moi deteriorados.

As vigas exteriores da casa, moi deterioradas polas intemperies, foron pintadas e tratadas seguindo as indicacións do arquitecto. O arquitecto a petición da xunta reitora veo a verificar o estado das vigas exteriores do baixo que están arqueadas se comprometeu a darnos unha solución.

Adquisición de diverso mobiliario para a casa e un proxector de gran utilidade para toda clase de actos e actividades.

Grazas a intercesión de Conchi Ortega, concellala do PP, a CMC puido reunirse con Nava Castro, Directora de Turismo na Xunta de Galicia, que nos informou de que hai un fondo de € 200,000.— pendientes de investir no monte por falta de haberse presentado algún proxecto pola alcaldía, A CMC non ten capacidade para xestionar tal investimento e propuxémoslle ao Presidente do Padroado fose éste quen presentase un anteproxecto. Aceptou e pasados uns días presentounos a proposta para  e instalacións e mellora na zona de cobro do acceso ao Monte elaborado polo arquitecto guardés Mauri Lomba que parece moi apropiado. Con todo, esta intervención será feita enteiramente na parte de a CMAG. Nos con xenerosidade aceptamolo xa que esa cantidade era para envertir na propiedade de Camposancos, O Monte Trega será o gran beneficiado.

Foron alugados 3 dos 2 quioscos baleiros, en condicións semellantes aos antigos inquilinos.

Asunto: gastos do ascensor. Orona é a empresa encargada do mantemento do ascensor. Os gastos son excesivos posto que non ten uso. Tras negociación, no sucesivo só se farán 9 revisións (obrigatorias) en vez de 12 anuais. O custo por revisión pasou de €104, 40 por revisión a só € 62,60.

Actualmente un equipo de Avelaíña está traballando na recuperación do parque de Chans. A CMC paga o material. Os salarios son pagados pola ONCE. Aparte dos beneficios derivados desta intervención, a CMC ten a satisfacción de contribuír á reinserción de persoas con problemas de discapacidade.

Dende o 1º de marzo un grupo de 4 peóns está traballando na erradicación de acacias en zonas onde xa se procedera ao mesmo na tempada pasada. Tamén están facendo as covas para proceder a unha nova plantación de árbores nobres. Ben pronto os árbores plantados ascenderán a 1000 unidades.

A continuación procederan a despexalos sendeiros afectados polo temporal.

Vanse efectuar traballos co fin de levala auga de Ermitáns a Chans onde é necesario coidar dos árbores recentemente prantados.

Fernando Martínez indica que as contas e tódalas facturas están accesibles a todos aqueles que desexen consultalas polo miúdo.

Un asistente amosa a súa satisfacción pola última Paletada, celebrada no Hotel Molino. Pediu un aplauso pola organización. Fernando Martínez aproveita da ocasión para dalas cifras do custe. En total € 5,225.— en lugar dos máis de € 8,000.— da edición anterior. E sinala que nas contas oficiais a cantidade que figura é de € 7,456.25 debido a que unhas facturas non tiñan o IVA e, polo tanto, non eran legais. 

Actividades Culturais:

Lucía Martínez presenta ante a asemblea, os proxectos culturais realizados na xestión 2016, utilizando un video coas imàxenes dos carteis e fotos das actividades. Foron as seguintes:

 -Actividades semanais na casa: percusión tradicional,coro Cantares de brueiro, memoria, arteterapia, yoga, zumba, danza enerxética, danza e percusión africana, pilates, bailes de salón....

-Actividades anuais: festas de Nadal, Samaín, Letras galegas, día da Muller, Laconada-paletada, Ciclo de Cine, Andainas, Charlas, Exposicións, Teatro, "Música e palabras"...

Asimesmo, presenta a programación dos proxectos a realizar para este novo ano:

1-Continuarán as mesmas actividades semanais que se realizan actualmente na Casa de Montes, exceptuando:

         -Percusión tradicional e arteterapia porque os profesores que as impartían non o poden seguir facendo por motivos de traballo.

           -Bailes de salón e clases de gaita por falta de xente suficiente para seguir formando grupo.

2-Dentro da programación anual:

           -Daremos continuidade ás actividades anuais realizadas(festas, cine, andainas, charlas...).

            -Durante todos os primeiros sábados de cada mes  realizarase a última  actividade presentada, ”Música e palabras", e contaremos tamén cos novos proxectos , como son un obradoiro de axedrez, concertos de música, concurso-exposición de fotografía,  e varias actividades para os mais pequenos (xogos, contacontos, andainas...).

Lucía remata a exposición, animando os comuneiros a participar e a colaborar nesta tarea que é de todos e para todos e que, por suposto, estaremos sempre dispostas a escoitar suxestions e novas propostas por parte da asemblea.

Rogos e preguntas:

Unha comuneira quéixase de tres grandes árbores potencialmente perigosos moi preto de casas habitadas. Pide que a CMC tome as medidas necesarios para eliminalos. Fernando Martínez respóndelle que non están situados en terreos da CMC polo que non se pode intervir,  polo que terá que procurar os donos para que tomen as medidas necesarias.

Un comuneiro propón que se faga un mapa dos camiños forestais abertos no monte a fin de 

que poidan ser utilizados para recreo. Fernando Martínez acolle ben esta proposta.  De feito,  xa existía a vontade de realizala así como proceder a instalar indicadores de pedra co fin de facilitalo turismo.

Dª María Jesús Martínez suxire a instalación xogos infantís adecuados a nenos minusválidos. A idea é ben acollida e será tida en consideración.

Dª María Jesús Martínez informa dun problema de horarios dos empregados do Padroado. En efecto,  prodúcese un solapamento cos horarios de peche de Museo e da caseta de peaxe. Dado que a peaxe de acceso comporta o dereito a entrada no museo,  sucede que moitos turistas paguen a peaxe sen posibilidade de entrar no museo. Fernando Martínez promete trasladar este problema ao Padroado.

Dª María Jesús Martínez advirte da presenza no monte dunha especie de mosca invasora que ataca a madeira e pode resultar moi pernicioso para a flora. Solicita que se informe deste problema as institucións pertinentes.

Sen mais asuntos que tratar levántase a sesión.

 

Sábado, 11 de marzo de 2017  

Aprobación definitiva dos orzamentos da Guarda para 2017

O pasado 23 de febreiro quedou definitivamente aprobado o orzamento do Concello da Guarda para o ano 2017, e que, inicialmente, foran aprobados no mes de decembro, logo de conversas cos diferentes grupos da oposición que se iniciaron en novembro. No mes de decembro obtiveron a aprobación inicial e no plenario indicouse que era moito mellor aprobar uns novos orzamentos que prorrogar os de 2015 debido a que co novo orzamento se atenden mellor as necesidades e demandas dos veciños da Guarda.

Unha vez obtida a aprobación inicial, o orzamento pasou o trámite de exposición pública presentámdose dúas alegacións, unha do Partido Popular e outra dun particular que foron informadas negativamente tanto polo secretario como pola interventora do concello. Así, no mes de febreiro se levou ao pleno o rexeitamento das dúas alegacións e ao obterse este rexeitamento quedou aprobado definitivamente o orzamento para 2017.

Neste orzamento a principal, e máis importante modificación, atinxe aos servizos sociais, que incrementan as súas partidas en 100.000 euros, ascendendo á cantidade total para este departamento a 500.000 euros. Esta dotación vai dedicada ao servizo de axuda no fogar, á dependencia, á cota que se paga polo programa de xantar na casa, ao servizo de CIM (un dos máis valorados da provincia), xa que conta con traballadora social, psicóloga, avogada e psicólogo infantil; e ao propio departamento de servizos sociais que está constituído por unha asistente social, unha técnica, unha auxiliar administrativa e unha educadora. Trátase dun servizo que ademais atende as emerxencias sociais que se producen nesta localidade e que teñen unha moi variada casuística. A isto hai que engadir a colaboración de asociacións que traballan estreitamente co departamento de Servizos Sociais como son Cruz Vermella, San Vicente de  Paul ou Conrazones.

Tamén existe un incremento na contía que se destina a determinadas asociacións que modificaron as súas características, cousa que non se  podería atender de prorrogarse os orzamentos de 2015. O Concello da Guarda é un dos que máis dedica a subvencionar entidades de carácter social, deportivo e cultural debido á riqueza, calidade e variedade das organizacións que desenvolven un traballo diario, de xeito continuo e altruísta. A estes colectivos se dedican arredor dos 145.000 euros.

Por outra banda o orzamento aprobado, permite un maior axuste das partidas orzamentarias para  conseguir unha mellor prestación dos diferentes servizos públicos e ser máis eficaces ao introducir partidas para mellorar o funcionamento da propia administración, programas de xestión de persoal, programa de axuda no fogar, mellora da paxina web (na que se está traballando), a administración electrónica, a adquisición de material informático (xa moi obsoleto), a redacción do Plan de accesibilidade, a elaboración da RPT ou a rectificación do inventario.

Todo isto nun contexto de estabilidade orzamentaria, sen incrementar os impostos e taxas municipais e reducindo a débeda cos bancos para o cal no ano 2017 se dedicarán 150.000 euros en conceptos de amortización máis intereses, ata situar a débeda cos bancos do Concello da Guarda  na cifra case simbólica de 150.278,16 euros.

Deste xeito A Guarda conta para este ano cuns orzamentos aprobados de maneira definitiva que permitirán cubrir dun xeito máis satisfactorio as necesidades dos veciños, quedando mellor estruturadas as partidas dos diferentes servizos, que agora conseguirán adaptarse mellor á realidade en continuo cambio e evolución da vila.

 

Sábado, 11 de marzo de 2017  

O Concello da Guarda organiza unha saída de fin de semana á Serra do Courel

O Concello da Guarda, conjuntamente con Eroski Viajes, organiza para o 22 e 23 de abril abril unha saída de fin de semana ao Courel na que se poderá desfrutar da riqueza natural e paisaxística desta serra luguesa.

O prezo estimado é de 89 euros por persoa e inclúe desprazamento de ida e volta en autocar e pensión completa en aloxamento rural.

A saída será o sábado, día 22, ás 8'30 horas e o regreso o domingo día 23 a partir das 18 horas.

Esta actividade conta con prazas limitadas e os interesados teñen de prazo para realizar a inscrición ata o mércores 29 de marzo. Tanto para realizar estas inscricións como para consultar máis información poden poñerse en contacto coa Oficina de Turismo da Guarda de maneira presencial, de 9 a 14 horas de luns a venres, no teléfono 986 61 45 46 ou a través do correo electrónico turismo@aguarda.es

 

Venres, 10 de marzo de 2017  

Asemblea dos comuneiros de Camposancos este sábado

A Comunidade de Montes de Camposancos celebrará mañá, sábado, asemblea xeral ordinaria na casa comunal de Camposancos, ás 14 horas en primeira convocatoria, e ás 16 horas en segunda co siguinte orde do día :

1º Lectura e aprobación se procede da acta anterior.

2º Estado económico e orzamento para o 2017

3º Solicitude de novos comuneiros e baixas

4º Capelu, (antena reemisora)

5º Reclamación da Comunidade da Guarda antena telefónica

6º Padroado municipal monte Trega

7º Xestións realizadas

8º Proxectos a realizar

9º Rogos e preguntas

Por outra banda a platanción de 40 árbores prevista para o xoves, día 9, no entorno de Chans por os alumnos do instituto da Sangriña, pospúxose pola folga no ensino, trasladándose a hoxe, venres. Esta plantación contará tamén coa colaboración dos alumnos e profesorado do colexio de As Solanas na misma zona onde plantarán outras 250 árbores autóctonas.

 

Venres, 10 de marzo de 2017  

Nenos da Guarda celebraron o Día Internacional da Muller co cinema itinerante “A Caixiña dos Mistos"

“A caixiña dos mistos, o cinema máis pequeno do mundo” estivo na Alameda da Guarda, o día 8 de marzo para conmemorar o Día Internacional da Muller, coa asistencia de pais e nenos da localidade, que quedaron gratamente satisfeitos coa iniciativa organizada polo CIM da Guarda e subvencionada pola Deputación de Pontevedra.

Esta proposta consistiu nunha caravana itinerante na que se proxectan diversas curtametraxes e contido audiovisual dirixido a nenos de 3 a 12 anos, que poden acceder a esta orixinal sala de proxección en grupos que non superan os 20 integrantes.

"A Caixiña dos Mistos" leva percorrendo numerosas localidades galegas dende 2009 ofrecendo unha experiencia innovadora e próxima coa que achegarse a un tema que tanta relevancia ten na actualidade como é o da igualdade entre homes e mulleres.

  

La concejala Fany Iglesias apoya los presupuestos municipales y consigue negociar compromisos con el gobierno local para A Guarda 

La concejala no adscrita en el ayuntamiento de A Guarda y coordinadora local de Ciudadanos, Fany Iglesias, emplaza al regidor Antonio Lomba a reparar, a la mayor brevedad, los desperfectos ocasionados por el pasado temporal, en las zonas de las playas, espacios de recreo y viales de Area Grande y Fedorento. Por la seguridad de peatones, conductores y por esa apuesta fuerte que debe hacer el grupo de gobierno por el bienestar de los vecinos, el mantenimiento de las infraestructuras y por el turismo de cara a la Semana Santa; sin olvidar que en la zona existen establecimientos de hostelería rodeados en este momento de un entorno destrozado.

La edil entiende que esta es la mejor manera de poner en valor el voto que tiene dentro de la corporación y espera poder exigir y trabajar por el bien de los vecinos: "lo he dicho alto y claro, apoyaré los presupuestos municipales para el 2017 porque no podemos continuar con un presupuesto prorrogado un año más, y porque he conseguido consensuar y llegar a una serie de compromisos con el equipo de gobierno y porque estaré aquí para denunciar y fiscalizar sus actuaciones, exigiendo el mantenimiento de las infraestructuras e instando para llevar adelante negociaciones con administraciones superiores para poner A Guarda donde se merece". Dice la concejala quien añade que "Con el grupo de gobierno he llegado al compromiso de la elaboración del proyecto de humanización de la calle A Cal  que queda pendiente y el arreglo del entorno de la fuente. Un proyecto importante en envergadura que resolverá problemas en la zona, creará y regulará el aparcamiento, pondrá en valor el cruceiro e incluso se estudian más opciones en estos momentos, ya que se está trabajando en ello. También tenemos un compromiso para colaborar con una iniciativa dentro del Plan Concellos de Diputación, que trataremos los próximos días”.

Se trata en todo caso de un apoyo puntual, para tratar de arrancar compromisos de un grupo de gobierno que se encuentra en minoria, y que entendemos que si no existen otras opciones de gobierno, el trabajo real por los vecinos se manifiesta con hechos y acuerdos y no en los medios de comunicación como otros grupos municipales, solicitando y presentando iniciativas que han sido paralizadas por su propio partido.

 

Venres, 10 de marzo de 2017  

Fin de semana adicada á Muller na Guarda

A primeira cita da fin de semana da Guarda será hoxe, no Centro Cultural, ás 20'30 horas, coa proxección do filme Visións, que forma parte do programa Cinema e Muller, dirixido por Xisela Franco, producido pola guardesa Beli Martínez e subvencionado pola Deputación de Pontevedra.

Trátase dunha película que consta de dez curtametraxes realizadas por cineastas da provincia de Pontevedra, dez olladas xenuínas onde cinema e arte fúndense nunha produción íntima e poliédrica. Nesta mostra de cinema experimental galego xuntáronse dez directoras galegas: Eva Calvar, Olaia Sendón, Sonia Méndez, Andrea Zapata, Claudia Brenlla, Lara Bacelo, Begoña M. Santiago, Carme Nogueira, Diana Toucedo, Carla Andrade. Deste modo deron a luz unha película de curtametraxes tecida coa inevitable influencia de todas e nun xénero audiovisual que as une e que explora as posibilidades artísticas, xeralmente dentro dun discurso documental e en moitas ocasións autobiográfico.

Tras o filme a directora, Xisela Franco, falará de como foi a experiencia creativa e de produción deste proxecto colaborativo e do talento feminino que existe no cinema galego.

A segunda das actividades organizadas dende o Concello da Guarda é unha nova cita de Contos Contados, que terá lugar mañá, sábado, ás 11'30 horas, na Biblioteca da Guarda, nunha actividade centrada na Muller Poeta e na que se realizará unha lectura de poemas e un obradoiro de marcapáxinas.

 

Xoves, 9 de marzo de 2017  

O BNG presenta unha moción na Guarda polo 8 de marzo “Día da Muller Traballadora”

O Bloque Nacionalista Galego presentou unha moción no rexistro do concello da Guarda sobre o 8 de marzo “Día da Muller Traballadora”.

A moción solicita ao grupo de goberno o apoio público e un chamamento aos veciños e veciñas nos actos reivindicativos das organizacións e colectivos locais e comarcais co motivo do 8 de marzo.

Tamén insta á Xunta de Galiza a elaborar un estudo sobre o impacto, grao de cumprimento e vixencia da Lei 7/2004 galega para a igualdade de mulleres e homes.

Así mesmo, o BNG pretende incluír no pregos de contratación das empresas penalizacións e restrición de contratos por causa de discriminación por xénero ou orientación sexual así como rescindir os contratos municipais con aquelas empresas que teñan imputado algún caso de acoso laboral.

“As mulleres non queremos nin máis nin menos que os homes. As mesmas oportunidades e as mesmas consideracións, para iso necesitamos políticas activas en favor da igualdade e non propaganda”, comentou Merchi Martínez, concelleira do BNG.

 

Mércores, 8 de marzo de 2017  

Escolares da Guarda plantarán árbores autóctonas no Trega

Dende o día 1º de marzo a Comunidade de Montes de Camposancos ten cuatro obreros traballando no monte Trega cuxo primeiro traballo foi realizar máis de douscentos cincuenta buratos en Chans para plantar árbores. Nestes momentos estes obreiros arrancan os rebrotes de acacia e eucalipto manualmente, dado que desde a Comunidade de Montes queren ser moi cautos na aplicación de productos quimicos, reducindo no posible o seu uso.

O xoves, 9 de marzo, alumnos do Instituto da Sangriña realizarán una plantación de 40 árbores autóctonas e o venres, día 10, serán os escolares do colexio As Solanas quen plantarán outros 250. Con esta plantación o Trega gaña 700 árbores nobles nun periodo de dous meses, posiblemente, din os comuneiros de Camposancos, a maior plantación das últimas décadas neste monte invadido de especies invasoras coma acacias e eucaliptos.

 

Martes, 7 de marzo de 2017  

El Guardés empata en A Sangriña

Informa José Mª Salcidos

Partido disputado en el Municipal de “ A Sangriña” entre los equipos Sporting Guardés (10º clasificado con 31 puntos) y S.D. Amanecer (clasificado en 3ª posición con 45 puntos) y correspondiente a la vigésimo quinta jornada del Campeonato de 1ª. División Autonómica, Grupo V.

Temperatura 15º y regular entrada notándose la presencia de algunos aficionados del equipo visitante.

Antes de dar comienzo el partido se guardó 1 minuto de silencio en memoria de Adrián Araújo, ex jugador del Sporting Guardés fallecido recientemente. D.E.P.

Sporting Guardés, 1    -     S. D. Amanecer, 1

Sporting Guardés: Pazos, Kimi (Ferru, min.76), Isidro, Saúl, Sergio (Miguel, min. 84), Iglesias, Dani, Sergio Aballe (Ita, min. 71), Javi (Lomba, min. 76), Iván y Anxo (Santi, min,. 58).

S. D. Amanecer: Andro, Manu, Toño, Javi, Pazos, Adrián, Augusto (Iván, min. 89), Pita (Asperez, min. 57), Arosa, Suso (Xaco, min.97) y Melchor (Jandro, min. 96).

Goles: 0 – 1, Asperez, min.61; 1 – 1 , Ita, min. 93

Árbitro: David Martínez Barciela, auxiliado en las bandas por Alejandro Simón Fernández y Mª. Belén Alonso Rodriguez. Amonestó, por la S.D. Amanecer a Augusto, Pita, Suso, Melchor y Javi. A este último le mostró la roja por doble amonestación. Por el Sporting Guardés, la amarilla fue para Dani, Iván y Santi.

Prolongó la segunda parte 11 minutos por la pérdida de tiempo por parte del conjunto visitante.

Se esperaba más del equipo visitante, no en vano venía con la aureola de equipo clasificado en 3ª posición, y se mostró como un conjunto sin ambición ya que, desde el minuto 1 se conformó con mantener el  0 – 0.

Durante la primera parte el juego se desarrolló en el centro del campo, excepto en los cuatro últimos minutos en los que el Sporting  dispuso de dos oportunidades para inaugurar el marcador pero al final se mantuvo el  0 – 0.

En la segunda mitad vimos a un Sporting más decidido a quedarse con los 3 puntos pero, en el minuto 61, en una de las pocas veces que los forasteros llegaron al área local,  Asperez, posiblemente con falta al portero, marca el 0 – 1.

A partir de este momento, los locales presionan más en el área visitante gozando de varias oportunidades sin conseguir mover el marcador, hasta que en el minuto 93 un córner sacado por Iván lo cabecea Ita al fondo de la red poniendo el 1 – 1 en el marcador que al final sería el resultado definitivo y que hacía justicia por los méritos de uno y otro equipo.

Después de este partido, el Sporting Guardés sigue ocupando la 10ª plaza en la clasificación, con 32 puntos.

La próxima jornada vista el Municipal de “A Sangriña” el San Martin .

 

Martes, 7 de marzo de 2017  

A Guarda celebrou os éxitos dos seus deportistas na X Gala do Deporte Guardés

O Centro Cultural da Guarda acolleu, o venres, 3 de marzo, a X Gala do Deporte Guardés, coa que se homenajea e se recoñecer aos deportistas guardeses e os éxitos que acadaron durante a tempada pasada. Con motivo do décimo aniversario desta gala, a velada deu comezo cun vídeo recordando aos premiados de todos os anos.

Antes de dar comezo á gala os asistentes erguéronse e uníronse ao presentador, Terio Carrera, para gardar un minuto de silencio por Adrián Araujo, mozo falecido nun accidente a semana pasada no Rosal que xogou nas categorías inferiores do Sporting Guardés.

Foron máis de 20 os galardóns que se entregaron nunha velada ma que actuou como padriño Vladimir “Vlado” Gudelj, ex xogador do Real Club Celta de Vigo. Os premiados como mellores deportistas individuais foron Óscar Alonso Alonso (remo), Damián Alonso Alonso (remo), Rosalía Soler Lomba (natación), Manuel Moreira Rodríguez (tenis), Hugo Álvarez González (tenis), Belén Bascoy Cao (Canicross), Sergio Rodríguez Teixeira (atletismo), Elsa Pena Vicente (triatlón), Nahir Lomba (fútbol), Aser Estévez Cividanes (ciclismo), Rodrigo Conde Romero (remo), Carlos Reboredo Diego (judo), Alba González Machado (judo), Víctor Adrover Amado (judo), Iago Álvarez Lomba (judo) e Artemi Gavezou Castro (ximnasia olímpica).

O recoñecemento á mellor iniciativa deportiva foi para Sen Amarras; o premio á promoción e dedicación ó deporte para Fabián Gutiérrez Corvetto e o recoñecemento á proposta innovadora para San Xerome. Os galardóns aos mellores equipos os recibiron o equipo de baloncesto feminino e o equipo de atletismo de San Xerome; o equipo alevín do Sporting guardés; o equipo mixto de relevos 4x1000 de Atletismo Trega; así como o dúo Sandra Álvarez Baz e Uxía Fernández Videira, e o equipo formado por Álvaro Blanco, Sergio Pérez, Jesús González e Rodrigo Conde Romero, os seis de Remo Robaleira.

Tras a entrega dos premios o alcalde da Guarda pechou a X Gala do Deporte Guardés agradecendo o labor do xurado e a presenza de “Vlado” Gudelj. Ademais tamén anunciou que este ano daranse as primeiras bolsas a deportistas da Guarda, grazas ao labor do Concelleiro de Deportes, Javier Crespo, reiterando o compromiso do Concello cos seus deportistas e co futuro que a canteira asegura.

 

Martes, 7 de marzo de 2017  

A Guarda pechou o Entroido 2017 co seu Desfile-Concurso o sábado 4 de marzo

A Guarda rematou o entroido co Desfile-concurso de carrozas e comparsas, que fora aprazado ata o sábado 4 de marzo, por mor das inclemencias meteorolóxicas previstas no pasado 28 de febreiro.

O primeiro premio da categoría de carrozas, dotado con 250 €, foi para a carroza 'África' de Ana Pereira Castro. O segundo posto, cun premio de 150€, foi para 'O xardín encantado' da Asociación STUDIO 88.

Na categoría de comparsas o primeiro e segundo posto, cun premio da mesma contía  que na categoría de carrozas, foron a parar a 'Duendeoiavai' do Club As Lebre de Oia e a 'Felicidade dos maiores' do Club da 3ª Idade, respectivamente. A categoría de grupos quedou deserta.

No apartado individual, na categoría xuvenil-adulto, o primeiro  premio de 90€ foi para o disfraz 'La última guerrera'. En segundo posto quedou Publio Quintili Varo, cun premio de 70 €, e en terceiro lugar, con 50€, 'GO – GO'. Na categoría infantil o primeiro premio, de 90€, foi para 'El pirata y su tesoro'. En segundo lugar, os 70€ foron para 'Arabia Saudí' e os 50€ do terceiro os recibiu 'Chino Taxi'. En cuarto posto, con 30€, quedou a 'Bailarina rusa' e coa mesma dotación económica recibiron o quinto premio 'Os piratas da Cunchada' e o sexto 'Alicia e a Reina de corazóns'.

 

O BNG presenta unha moción para arranxar os danos causados polo temporal na Guarda

O Bloque Nacionalista Galego presentou unha moción para que se arranxen os danos causados polo último temporal na Guarda, que deixou serios danos materiais como a caída dunha parte do espigón do Balueiro, así como a desaparición dun tramo da Senda Litoral, tendo sido esta última infraestrutura xa afectada por outro temporal hai uns anos.

Dende o BNG tamén se denuncia os cortes que afectaron a milleiros de, entre os cales tamén se contan os habitantes da Guarda.

Para o BNG as administracións públicas deben inspeccionar e revisar as obrigas que deben cumprir as empresas eléctricas respecto da conservación axeitada das instalacións eléctricas, esixindo responsabilidades oportunas así como impondo un plan de mellora constante da rede eléctrica ás distribuidoras.

“As diferentes administracións deben poñer todo o necesario para realizar unhas reparacións que sexan duradeiras no tempo, polo que igual hai que revisar o actual trazado da Senda Litoral e valorar un posíbel cambio, polo menos nalgúns tramos”, comentou Ángel Baz, portavoz municipal do BNG.

 

Martes, 7 de marzo de 2017  

A “Caixiña dos Mistos": programa de cinema itinerante sobre a igualdade estará o mércores na Guarda

Organizada polo Centro de Información á Muller do concello da Guarda e subvencionada pola Deputación de Pontevedra, chega á Alameda da Guarda "A Caixiña dos Mistos" (o cine máis pequeno do mundo), unha caravana itinerante na que se proxectan diversas curtametraxes e contido audiovisual. Na súa parada na Guarda, este mércores, 8 de marzo ás 16.30 e as 19.30 horas, proxectaranse curtametraxes co trato igualitario como tema principal das mesmas, en conmemoración do Día Internacional da Muller. Trátase dunha iniciativa dirixida a nenos de 3 a 12 anos, que poden acceder á sala de proxección en grupos que non superen os 20 integrantes.

"A Caixiña dos Mistos" leva percorrendo numerosas localidades galegas dende 2009 e chega a vindeira semana á Guarda para ofrecer aos cativos e cativas da vila unha experiencia innovadora e próxima coa que achegarse a un tema de tanta relevancia na actualidade como é o da igualdade entre homes e mulleres.

Cinema e muller: Visións

É unha película que consta de dez curtametraxes realizadas por cineastas da provincia de Pontevedra, nas que se funde o cinema e arte nunha produción íntima e poliédrica. Trátase dunha mostra de cinema experimental galego para a que se xuntaron a dez directoras con voz propia para que traballaran xuntas. Deste modo deron a luz unha película de curtametraxes tecida coa inevitable influencia de todas.

Todas elas móvense nun tipo de cine ou xénero audiovisual que explora as súas posibilidades artísticas desde esa condición de periferia, xeográfica e estética. Son mulleres que arriscan nas formas, cun discurso xeralmente documental ou con formas documentais, a miúdo autobiográfico. Algunhas delas sitúanse no eido da arte contemporánea. Son Eva Calvar, Olaia Sendón, Sonia Méndez, Andrea Zapata, Claudia Brenlla, Lara Bacelo, Begoña M. Santiago, Carme Nogueira, Diana Toucedo, Carla Andrade.

Todas son francotiradoras da imaxe nun primeiro mundo onde aínda existe unha marcada desigualdade de oportunidades entre homes e mulleres, que, como din as cifras, se da tamén no ámbito audiovisual. Visións está enmarcado dentro dun proxecto maior, Cinema e Muller, dirixido por Xisela Franco e producido pola guardesa Beli Martínez. Subvencionado pola Deputación de Pontevedra.

Xisela Franco acompañáranos o día 10 de marzo, ás 20'30 horas no Centro Cultural, onde unha vez visto o filme nos falará de como foi a experiencia creativa e de produción deste proxecto colaborativo onde dez directoras dialogaron, crearon, sentíronse parte dun proxecto común e tomaron conciencia do que as une, para formar unha longametraxe chea de honestidade e poesía. Tamén se falará de Cinema e Muller e do talento feminino que existe no cinema galego.

Ses en concerto

Como parte da programación do CIM da Guarda polo Mes da Muller estará nesta localidade a cantante Ses, o domingo 2 de abril no centro Cultural, ás 18 horas.

Desde o CIM da Guarda explican que o carácter da cantante, o seu papel comunicativo e a defensa que fai dos valores femininos dende unha posición honesta, fresca e chea de vitalidade –mais tamén directa e visceral--, axudan  facernos comprender tanto a discriminación de xénero como a visibilización da igualdade que ten que imperar na relación entre as persoas, polo que recomendan o concerto como unha actividade imprescindible. A linguaxe fresca, fluída, directa e mesmo irreverente que emprega a cantante nas súas letras e nas súas intervencións entre canción e canción, axudan a conectar de xeito doado co público, xerando un vencello que posibilita que a transmisión dos valores da igualdade entre mulleres e homes teñan máis éxito.

O concerto será de balde até completar o aforo do Centro Cultural da Guarda. As invitacións poderanse retirar até o día anterior no propio Centro Cultural ou no Centro de Información á Muller (ao lado do Xulgado de Paz).

Estas tres actividades programadas dende o Centro de Información á Muller (CIM) da Guarda son de balde e tan só se necesita a recollida previa de entradas para o concerto de Ses.

 

Sábado, 4 de marzo de 2017  

O Desfile – Concurso de Entroido da Guarda celébrase este sábado 4 de marzo

O Concello da Guarda informa que, tras o aprazamento do Desfile de Entroido polo mal tempo do pasado martes 28 de febreiro, a data de celebración do mesmo será hoxe, sábado 4 de marzo. Esta decisión foi tomada nunha reunión á que asistiron participantes e na que se valorou cal era a mellor opción ante as previsións climatolóxicas.

O horario e percorrido do desfile será o que estaba programado, con saída ás 17'30 horas dende a Praza de San Bernardo (“Esquina Famosa”) e o percorrido atravesará a rúa Galicia e a avenida Rosalía de Castro, para rematar finalmente na Alameda. Os participantes deben presentarse entre as 16.30h e as 17,15h para colocarse nos seus postos, determinados pola Concellería de Cultura.

Tras o desfile elixirase aos gañadores das cinco modalidades (carrozas, comparsas, grupos, individual e parellas infantil, individual e parellas xuvenil-adulto) e os correspondentes premios. No caso das categorías de comparsas e carrozas terán un primeiro e segundo premio cada unha, de 250€ e 150€ respectivamente. No resto de categorías haberá seis premios cunha contía que vai dende os 150 aos 30€.

Dende a Concellería de Cultura invítase a tódolos veciños e veciñas a desfrutar deste último día do Entroido guardés deste ano.

 

Presentación do libro “Yo también emigré a la República Federal de Alemania” este sábado na Guarda

Hoxe, sábado, ás 20'30 horas, o Centro Cultural acolle a presentación da obra “Yo también emigré a la República Federal de Alemania (1960-1980)”, de Praxíteles González Martínez, a cargo do propio autor e de José Antonio Urís Guisantes, colaborador da obra. Trátase do quinto libro de Praxiteles, nado no Rosal, que con 25 anos emigrou a Alemaña na busca dun futuro mellor.

Nesa época compaxinaba as 12 ou 14 horas de traballo cos estudos e tamén foi cando  despertou o seu interese e afección pola escritura. Isto levaríao a colaborar en diferentes revistas e publicacións como 'La Región'. Ademais, cando tras 17 anos en Alemaña, volta a España colabora cos corresponsais de periódicos como 'La Voz de Galicia' ou 'El Faro de Vigo', onde tamén se publican varios dos seus artigos.

Das súas experiencias como emigrante e dos amplos coñecementos adquiridos durante eses anos nace “Yo también emigré a la República Federal de Alemania (1960-1980)”, a obra que será presentada no Centro Cultural.

 

Sábado, 4 de marzo de 2017  

Curso de percebeiro na Confraría Santa Tecla da Guarda

            Do 13 ao 28 de marzo, de 16.30 a 20 horas, nas aulas de formación da Confraría de Pescadores da Guarda, impartirase un Curso de percebeiro. Os interesados presentarán nas oficinas da Confraría, o DNI e o Certificado de Estudos.

            Para máis información ou inscrición as persoas que desexen acudir a este curso pasarán pola Confraría de Pescadores, na rúa do Porto, ou poden chamar ao teléfono 986 61 03 07.

 

15 pesetas por frete” no Fuscalho o 17 de marzo

O Centro Social Fuscalho propón, o vindeiro 17 de março, à projeçom do documentário “15 pesetas por frete”. O trabalho, dirigido por Estefanía Alonso, afonda na atividade do estraperlo realizado por vezinhos de Camposancos durante a ditadura franquista. Cruzar o rio na procura de bens de primeira necessidade converteuse durante esses escuros anos em um xeito de subsistir.

O documentário contou com a colaboraçom da vezindade,  a qual, relatou as súas experiencias e mesmo colaborou nas recreaçons históricas.

Na apresentaçom do documentário contaremos com a presenza da directora e de Brais Martínez, o cámara.

Esperamos que a projeçom esperte o faiado da memória da gente que assista e nos fagam umha achega dos seus conhecementos sobre o contrabando

 

Sábado, 4 de marzo de 2017  

Esgotadas as citas para a renovación do DNI de abril, maio e xuño na Guarda

As citas para a renovación do DNI na Guarda, para abril, maio e xuño esgotáronse en menos de tres días de modo que xa non é posible solicitalas para este periodo.

Cando se coñezan as próximas datas,  que serán para realizar renovacións a partires de setembro comunicaranse polos cauces habituais.

 

A Guarda asistiu en Madrid á reunión da Rede Española de Destinos EDEN

A técnico de Turismo do Concello da Guarda, Rosalía Verde, asistiu o 21 de febreiro en Madrid a unha reunión convocada pola Secretaría de Estado de Turismo, co obxectivo de coordinar actuacións e propostas para a promoción dos destinos turísticos da Rede EDEN.

Nesta reunión, á que asistiron entre outros Antonio Nieto, subdirector general de Cooperación y Competitividad Turística da Secretaría de Estado de Turismo, e técnicos de turismo doutros destinos EDEN, persoal de TURESPAÑA e de SEGITTUR, abordáronse cuestións como a visibilidade dos destinos EDEN nas actuacións de promoción estatais e en mercados internacionais, elaboración dun plan de marketing e xestión de contidos nos portais turísticos de TURESPAÑA.

Un dos temas claves da reunión foi a posibilidade de constituír a “Asociación Española de Destinos de Excelencia (EDEN)” que facilitará a coordinación coa Secretaría de Estado de Turismo e permitirá un contacto máis fluído coa Rede Europea de Destinos EDEN, e as posibles actuacións de promoción conxuntas.

 

Venres, 3 de marzo de 2017  

Presentación do libro "Yo también emigré a la República Federal de Alermania (1960-1980)" no Centro Cultural da Guarda

Mañá, sábado, ás 20 horas, terá lugar no Centro Cultural da Guarda a presentación do libro "Yo también emigré a la República Federal de Alermania (1960-1980)", da autoría de Praxiteles González Martínez, que será presentado por José A. Uris Guisantes.

 

Venres, 3 de marzo de 2017  

Aprobada a moción do BNG o control do xabarín na Guarda

O Pleno da Corporación da Guarda aprobou por unanimidade a moción presentada polo Bloque Nacionalista Galego sobre a prevención, control e corrección dos efectos que provoca o xabarín na Guarda.

O acordo plenario insta á Consellería de Medio Rural a que adopte políticas que regulen un censo sostíbel do xabarín na Guarda. Tamén que se apliquen fórmulas encamiñadas a minimizar a acción do xabarín en zonas de alta sensibilidade como o Monte Trega ou o Esteiro do Miño.

“Para o BNG este problema non para aquí, o acordo plenario é moi importante, pero imos levar esta situación ao Parlamento galego para que a Xunta escoite directamente cales son os problemas que están a xerar o xabarín na Guarda”, comentou Ángel Baz, portavoz municipal do BNG.

O BNG insta ao PP a ser coherente co voto a favor da moción e a non esconderse diante da Xunta de Galiza. Asemade, advirte ao alcalde e ao grupo municipal do PSOE que o acordo é un principio para que dende o goberno municipal se poñan a traballar na procura dunha solución coordenada co Goberno da Xunta do PP.

O BNG advirte que a pesar das batidas realizadas seguen a verse xabaríns polas estradas xerando situacións serias de perigo, polo que máis que nunca é necesario adoptar medidas claras para solucionar este problema sen que ter que acabar lamentando algunha desgraza.

 

Xoves, 2 de marzo de 2017  

Aberto o prazo para inscribirse na primeira das andainas organizadas polo Concello da Guarda para este ano 

O Concello da Guarda organiza un ciclo de andainas que comezarán o sábado, 25 de marzo, cun percorrido de 17 quilómetros, desde o Camiño dos Burros en San Xián (O Rosal) ata a Guarda. Esta andaina é gratuíta e as inscricións poderán realizarse ata o 20 de marzo xa que se emprega un autocar para o traslado dos participantes ata o inicio da ruta.

Conxuntamente coa localidade portuguesa de Caminha, ofertaranse seis andainas programadas pola Concellería de Deporte e Patrimonio para o 2017.

Para as dúas andainas organizadas antes do descanso de verán o prazo de inscrición pechará o 19 de abril. A segunda andaina será o sábado día 6 de maio, unha ruta entre Allariz e Augas Santas, cunha distancia de 15 quilómetros; e a terceira andaina terá lugar o sábado, 3 de xuño, nunha ruta de 15 quilómetros, pola Illa de Arousa.

En agosto, o luns 28, está programada unha andaina á Romaría de Arga de San Joao en Caminha, na que se poderán inscribir ata o 21 dese mes.

A seguinte será en setembro, o sábado día 26, e proponse unha ruta de 22 quilómetros polas Fortalezas do Baixo Miño. A última andaina terá lugar o sábado, 7 de outubro, cunha ruta polas Lagoas de Bertiandos e S. Pedro (Ponte de Lima). O prazo de inscrición para estas dúas andainas estará aberto ata o 30 de agosto.

Todos os interesados en realizar as inscricións, consultar dúbidas ou obter máis información poden poñerse en contacto coa Oficina de Turismo da Guarda de maneira presencial de 9 a 14 horas de luns a venres, ou por teléfono 986 61 45 46 e mesmo no correo electrónico turismo@aguarda.es.

 

Xoves, 2 de marzo de 2017  

A policía autonómica investiga o presunto autor dun incendio forestal no concello da Guarda

Axentes da Policía Autonómica de Vigo informaron da investigación dun home como presunto autor dun incendio forestal no concello da Guarda.

O lume tivo lugar o pasado 22 de febreiro, no lugar de Peralta, parroquia de Camposancos, concello da Guarda, e afectou a unha superficie arborada de 1.000 metros cadrados de terreo forestal e 4.000 metros cadrados de monte raso. O incendio produciuse cando o investigado realizaba unha queima de restos forestais de xeito neglixente.

Por dito feito instruíronse dilixencias remitidas ao Xulgado de Instrución nº 2 de Tui (Pontevedra). Na actual campaña anti-incendios forestais do 2017, un total de 5 persoas foron detidas/investigadas pola Policía Autonómica, como presuntas autoras de incendios forestais.