Índice

www.galiciasuroeste.info

 

MARZO

 

Venres, 30 de marzo de 2018  

Os traxes rexionais desfilaron polas rúas da Guarda co gallo da 60ª Acampada Nacional da Federación Española de Clubs Campistas

A 60ª Acampada Nacional da Federación Española de Clubs Campistas (FECC), que este ano se celebra na Guarda, celebrou esta mañá a súa inauguración oficial cun desfile de traxes rexionais polas rúas guardesas.

O desfile comezou pouco despois das 11.00 da Alameda e continuou por Concepción Arenal para dirixirse á Praza do Reló baixo a ameaza de choiva que case respectou o percorrido xa que fixo aparición xusto ao chegar á Casa dos Alonso.

Nenos da Guarda abriron o desfile coa bandeira da Federación Española de Clubs Campistas xunto co Grupo Trebón dos Xidos que aportaron o son tradicional galego e que sorprendeu a moitos campistas. No desfile participaron máis de 100 campistas cos seus traxes rexionais, caracterizado pola variedade de cores e elementos propios da vestimenta tradicional de cada unhas das Comunidades Autónomas participantes.

Durante o desfile veciños e visitantes puideron gozar dunha viva mostra da riqueza patrimonial das distintas rexións españolas: desde os característicos lunares e volantes andaluces ata os zocos de madeira asturianos e cántabros, pasando polos chulapos madrileñas e as falleras típicamente valencianas.

Xa no interior da Casa dos Alonso e ateigado de campistas e veciños da Guarda deuse comezo ao acto de inauguración da Acampada. O presidente del Camping Caravaning Club de Galicia, D. Juan Cividanes, organizador desta acampada foi quen de comezar o acto de inauguración emocionado e agradecendo a confianza depositada no seu Club para a organización desta acampada sen esquecerse aos compañeiros que colaboraron para o bo funcionamento desta acampada.

Montserrat Magallanes, deputada provincial, agradeceu o bo facer do club organizador e convidou a todos os campistas a coñecer en profundidade o noso patrimonio e gastronomía, ¨porque Pontevedra é pedra e auga, pedra do noso importante patrimonio cultural e auga dos nosos ríos e do mar e tamén da choiva que permite esta paisaxe”.

Na intervención do alcalde da Guarda, D. Antonio Lomba, indicou que os campistas gozan dun espazo excepcional no Esteiro do Miño e convidou aos centos de campistas a coñecer en detalle a nosa vila e as nosas xentes ¨contamos con dous BIC o Monte Santa Trega e o seu xacemento arqueolóxico e o Castelo de Santa Cruz, lugares de grande interese¨ e rematou desexando que este encontro sexa un éxito para todos.

Esta acampada é a nivel nacional pero tamén foron convidados clubs portugueses e o presidente da Federación Internacional de Clubs Campistas, D Joao Alves, felicitou a organización e a vila da Guarda pola boa acollida que tiveron. Pechando o acto interviu o Presidente da Federación Española de Clubs Campistas, D. José Vicente Clemente, quen eloxiou a bo traballo realizado polo CCC Galicia – Vigo como organizadores desta acampada.

Despois das intervencións das autoridades e do intercambio correspondente de agasallos procedeuse á inauguración oficial desta 60ª Acampada Nacional onde todos os asistentes uniron as súas mans cantando o seu himno sendo unha mostra máis do compañeirismo e cariño amosaron os campistas durante a xornada.

Aproveitando a súa estadía na Guarda, a FECC celebrará  a súa Asemblea Xeral mañá, 30 de marzo,  no Centro Cultural, contando coa presenza de representantes de un dos clubs adheridos.

Os preto de 690 campistas participantes nesta nova edición da Acampada Nacional da FECC comezarán a despedirse da nosa vila a partir do domingo, tras máis dunha semana gozando dos atractivos culturais e turísticos da Guarda.

 

Xoves, 29 de marzo de 2018  

O Concello da Guarda e Viaxes Eroski organizan unha saída ao Courel

O concello da Guarda e Viaxes Eroski organizan, o 12 e 13 de maio, unha saída ao Courel para desfrutar da riqueza natural e paisaxística desta serra luguesa, con saída o sábado, ás 8.00 horas, e o regreso o domingo, a partir das 20 horas.

A visita contempla dous percorridos pola Serra do Courel e o prezo, estimado de 89 euros por persoa, inclúe desprazamento de ida e volta en autocar e pensión completa en aloxamento rural.

Esta actividade conta con prazas limitadas e os interesados teñen que inscribirse do 2 ao 6 de abril. Tanto para realizar as inscricións como para consultar máis información poden poñerse en contacto coa Oficina de Turismo da Guarda de maneira presencial, de 9 a 14 horas de luns a venres, no teléfono 986 61 45 46 ou a través do correo electrónico turismo@aguarda.es.

 

Rematou o curso de Operacións Auxiliares de Servizos Administrativos de Érguete

A Asociación Érguete Baixo Miño finalizou onte, mércores, o curso de Operacións Auxiliares de Servizos Administrativos, que se impartiu ao longo dos meses de febreiro e marzo, durante 180 horas.

A clausura do curso coincide coa última das actuacións que a Asociación leva a cabo a través da subvención a entidades de iniciativa social para a promoción de actuacións de servizos sociais comunitarios e inclusión social da convocatoria 2017-2018 e que Érguete Baixo Miño vén realizando desde hai anos, dándolle moito valor e importancia as accións destinadas cara á busca de emprego.

Trátase dun proxecto que está financiado pola Consellería de Política Social, Dirección Xeral de Inclusión Social e está cofinanciado polo Fondo Social Europeo (FSE), no marco do Programa Operativo do FSE Galicia 2014-2020, no seu obxectivo 9 “Promover a inclusión social e loitar contra a pobreza e calquera forma de discriminación”, cunha taxa de cofinanciamento do 80%.

Algunhas das actividades, dentro da devandita subvención, que se levaron a cabo durante o ano 2017 foron o Curso de Economía Familiar  nos Concellos de A Guarda, Tomiño e O Rosal, cunha duración de 80 horas e moi boa acollida por parte dos usuarios, onde se traballaron conceptos básicos sobre economía familiar e se transmitiron ideas sobre o aforro así como determinadas habilidades e estratexias nos ámbitos da alimentación, do aforro enerxético ou da limpeza do fogar.

Outros dos cursos que se levaron a cabo nas instalacións da Asociación foi o Curso de Preparación para a ESO cun total de 300 horas e que tiña por obxectivo que os alumnos se presenten á proba convocada para o mes de maio para acadar o Título da ESO e ter máis e mellores opcións á hora de postularse a un posto de traballo.

 

Xoves, 29 de marzo de 2018  

A OMIX impulsa un curso de inglés para adultos a partir do 10 de abril

A Oficina Municipal de Información  Municipal de Información Xuventude (OMIX) do Concello da Guarda organiza un curso de inglés para adultos que dará comezo o vindeiro 10 de abril.

O curso terá unha duración de 20 horas. O custe será un pago único de 25€, e poderán inscribirse todas as persoas que desexen por en práctica o idioma, adquirindo ferramentas para manter conversas cotiás. O horario das clases será de 20:00 a 22:00 horas os martes e xoves.

As persoas que estén interesadas en participar, poderán obter máis información e inscribirse na OMIX, a través do teléfono 986 614 546, no correo electrónico información@aguarda.es, ou ben na páxina de Facebook de OMIX A Guarda.

 

Xuntanza co comercio guardés para informar da Festa Castrexa 2018

            A asociación organizadora da Festa Castrexa, convoca ao comercio e á hostalaría da Guarda a unha xuntanza que terá lugar o 4 de abril, ás 20.30 horas na Casa dos Alonso, para informa sobre a organización dos días deste encontro e solicitar a colaboración ou participación don convocados coa festa.

 

Mércores, 28 de marzo de 2018  

O BNG presenta unha moción sobre o aparcamento do hospital Álvaro Cunqueiro

O Bloque Nacionalista Galego presentou unha moción para ser debatida en pleno na que se demanda á Xunta de Galiza unha zona de libre aparcadoiro no hospital Álvaro Cunqueiro para usuarios da área sanitaria de Vigo.

O BNG manifesta que a área sanitaria de Vigo sofre unha dupla dirección no hospital Álvaro Cunqueiro: por un lado, a empresa concesionaria e, pola outra, a parte sanitaria. Ambas as partes teñen que convivir e isto xera problemas de competencias. Alén diso, hai un problema moi claro: unha parte dos servizos non sanitarios, pero esenciais para garantir a calidade da asistencia prestada, contrátase con criterios de rendemento económico.

“O aparcadoiro privado é a imaxe do negocio previsto. Os guardeses como usuarios da área sanitaria de Vigo vémonos na obriga de estacionar si ou si nel, cunhas tarifas abusivas, sen posibilidade de alternativa de zona de aparcamento libre”, comentou Ángel Baz, portavoz municipal do BNG.

Solución gratuíta sen localismos

Para o BNG resulta preocupante a situación que se está a xerar coa falta de aparcamento gratuíto para as persoas que teñen que facer uso do hospital, na que se está xerando un enfrontamento entre institucións públicas.

Dende o BNG consideran que, a Xunta de Galicia, é a que ten que afrontar este problema e que as solucións que se están a poñer enriba da mesa por parte doutras entidades locais, non dan solución ao conxunto da poboación usuaria de dito hospital que supera a propia cidade de Vigo.

“A Xunta creou este problema, a Xunta debe solucionalo, evitando enfrontamentos inútiles que soamente prexudican ás persoas que teñen que utilizar as instalacións do hospital Álvaro Cunqueiro”, sinalou Ángel Baz.

 

Converxencia Galega solicita o apoio institucional do concello da Guarda aos traballadores da industria Imerys Kiln Furniture (As Cachadas)

Sendo sabedores, que o igual que fixeron con esta forza política, que distintos traballadores e membros do Comité de Empresa, se dirixiron a componentes do Equipo de Goberno Municipal para que se fixese un acordo institrucional de apoio e respaldo ás reivindicacións laborais dos homes e mulleres que traballan en Imerys Kiln Furniture, por un novo convenio laboral, non so para que mellore as súas condicións laborais, senón, para que non lles fagan perder dereitos adquiridos ao longo dos anos, demostrando que son punterios en cantidade e calidade de producción, e negándose a recortes e clausulas-trampas ofertadas pola empresa, que precarizan as condicións laborais e salariais.

Dado que xa foi recibida a documentación para a celebración do vindeiro Pleno Ordinario a celebrar o día 2 de abril, e dita solicitude non aparece entre os documentos que van a ser tratados en dito Pleno.

Tendo en conta que a máxima autoridade local, por diversos motivos estivo foóra da Guarda, e posiblemente non deixou as indicacións oportunas para que se incluise dita proposta,

Dende Converxencia Galega, propoñen que por vía de urxencia, se leve a cabo o debate e aprobación desta solicitude que os traballadores de I.K.F.  fixeron diante dos Grupos Municiapais e do alcalde, dada a incidencia laboral e económica que repercute nos pobos da Guarda e O Rosal, tanto no antigo e no  presente o que significou ó longo do tempo na nosa economía a coñecida popularmente como “fábrica das Cachadas”, onde ata a súa “sirena” marcou a hora nas zonas lindeiras.

Hai que loitar porque se manteñan as condicións e os postos de traballo, implicando nunha solución xusta a tódalas administracións, especialmente na nosa zona, onde o peche de empresas e comercio de toda índole, foi dos máis fortes do sur desta provincia, polo que non podemos volver a sufrir máis paro, nin máis emigración, e non podemos arriscarnos poñendo en perigo a estabilidade laboral e económica de máis de 60 familias, que incidiría moi negativamente na vida comercial do Baixo Miño.

 

Mércores, 28 de marzo de 2018  

Convocatoria dun proceso selectivo para a contratación dun guía turístico para o Monte Santa Trega

O Padroado Municipal do Monte Santa Trega vén de convocar un proceso selectivo para a contratación laboral temporal dun guía turístico para o Monte Santa Trega. A contratación terá unha duración de 6 meses, prorrogables ata un máximo de 8 meses.

As bases da convocatoria, así como os formularios de solicitude de participación no proceso, atópanse a disposición das persoas interesadas no Rexistro Xeral e na sede electrónica do Concello da Guarda. O prazo para a presentación das solicitudes é de 10 días naturais a contar dende o día seguinte ao da publicación do anuncio no Boletín Oficial da Provincia de Pontevedra (BOPPO Nº60, 26/03/2018)

Ver BASES

 

Venres, 23 de marzo de 2018 

O alumnado do CEIP “As Solanas” iníciase na compostaxe

Ao abeiro do Plan Revitaliza da Deputación de Pontevedra canalizado a través do Centro de Extensión Universitaria e de Divulgación Ambiental de Galicia (CEIDA), o colexio de As Solanas de A Guarda foi obxecto dunha das súas actuacións. Tivemos a sorte de contar coa presenza dunha Educadora Ambiental que, coa súa maestría, nos axudou a poñer en marcha o correcto funcionamento de tres composteiros individuais. Estes composteiros darán servizo ao propio Centro co obxectivo de concienciar, dende idades temperás, da importancia da compostaxe. Se depositarán neles os restos de materia orgánica xerados no propio Centro.

O alumnado escoitou con moito interés as explicacións da experta e aprenderon cales son os residuos que se deben depositar neles, os labores de mantemento necesarios para obter un bo compost, así coma a súa utilidade.

Cando son os propios nenos os que animan ás familias a compostar, seguro que a compostaxe doméstica está garantida.

 

A mostra “Nado en pedra”, da Escola provincial de Cantería, chega ao Castelo de Santa Cruz

A partir de hoxe, 23 de marzo, o Castelo de Santa Cruz acolle nos seus xardíns a exposición de escultura “Nado en pedra”, realizada polo alumnado da Escola de Cantería de Pontevedra.

A inauguración oficial da colección celebrarase mañá, sábado, contando coa presenza da presidenta da Deputación de Pontevedra, Carmela Silva, e o alcalde da Guarda, Antonio Lomba.

A mostra itinerante componse de 18 pezas escultóricas de gran tamaño talladas en granito polos alumnos da escola, nas que se representan oficios tradicionais e máis senlleiros da nosa terra, como o de ferreiro, costureira ou canteiro, ademais doutras estampas da vida cotiá co trasfondo da emigración. 

A colección ó ar libre permanecerá na fortaleza guardesa ata o 2 de maio, co obxectivo de resaltar a formación que se imparte no centro, dependente da Deputación provincial, e revalorizar o tradicional oficio da cantería.

 

Venres, 23 de marzo de 2018 

A Guarda celebrará a Semana Santa cunha ampla programación cultural e as tradicionais procesións

A Guarda comezará a celebrar a Semana Santa oficialmente hoxe, 23 de marzo, coa celebración da Procesión do «Venres de Dor», a partir das 21:00 horas dende a Igrexa Parroquial de Santa María. Non obstante, a programación cultural e relixiosa será máis intensa a partir do vindeiro xoves, 29 de marzo, co inicio das visitas guiadas e diversas actividades litúrxicas.

Nesta ocasión, o departamento de Turismo volverá ofertar as rutas guiadas polo casco histórico da vila, coas que as persoas asistentes poderán coñecer a historia da Guarda a través do seu patrimonio, percorrendo as rúas e prazas do casco antigo, incluído o Castelo de Santa Cruz. Estas visitas realizaranse o xoves, venres e sábado e terán unha duración de 60 minutos. As saídas serán ás 12:30 horas dende a Praza do Reló, onde se atopa a Oficina Municipal de Turismo.

A oferta de visitas guiadas complétase coas populares rutas polo Castro de Santa Trega. Estas visitas, de 30 minutos de duración, levaranse a cabo entre o xoves e o sábado, con saída dende a explanada da Casa Forestal ás 11:00, 12:00, 13:00, 16:00, 17:00 e 18:00 horas. As visitas guiadas son gratuítas e non precisan de inscrición previa. Deste xeito, as persoas interesadas en coñecer máis polo miúdo o patrimonio e a historia do Monte Santa Trega e o casco urbano guardés, deberán presentarse á hora de comezo de cada ruta no punto de encontro sinalado.

Na proposta cultural durante esta Semana Santa compre ter en conta a Rede de Museos da Guarda. Así, o Museo Arqueolóxico do Monte Santa Trega (MASAT) permanecerá aberto de martes a domingo en horario de 10:00 a 20:00 horas, namentres o Museo do Mar abrirá as súas portas entre o xoves e o domingo de 11:00 a 14:00 horas e de 16:00 a 19:00 horas. Pola súa parte, o espazo público do Castelo de Santa Cruz ampliará o seu horario de apertura de 10:00 a 20:00 horas. Na fortaleza guardesa, as persoas que se acheguen poderán gozar da mostra escultórica «Nado en pedra», realizada polo alumnado da Escola de Cantería de Pontevedra.

Traxes rexionais e deporte

Durante a próxima semana, máis de 700 campistas de toda España visitarán A Guarda co gaio da 60ª Acampada Nacional da Federación Española de Clubs Campistas (FECC), que terá lugar no Camping Santa Tecla entre o 24 de marzo e o 1 de abril. Dentro da intensa programación dos visitantes, destaca o desfile de traxes rexionais que se celebrará o xoves 29 de marzo. Nel, os campistas sairán da Alameda agrupados por Comunidades Autónomas para amosar a vestimenta tradicional de cada unha delas. O desfile rematará no Auditorio de San Bieito, coa inauguración oficial da acampada e a recepción dos campistas na Guarda.

O sábado, 31 de marzo, dispútase a XIX Regata de Bateis Bandeira Concello da Guarda - Memorial Antonino Torrón, organizada polo Club de Remo Robaleira en colaboración co Concello da Guarda. A competición, incluída no calendario oficial da Federación Galega de Remo, terá lugar no porto da Guarda a partir das 16:00 horas.

Actos relixiosos

En canto á actividade litúrxica, a programación máis destacada ocúpana as procesións e a tradicional bendición de ramos e palmas o 25 de marzo (Domingo de Ramos) na Praza de San Bieito ás 11:00 horas.

O Xoves Santo virá marcado pola «Procesión dos Pasos», con saída ás 20:30 horas dende a Igrexa Parroquial de Santa María. O Venres Santo terán lugar, dende o mesmo punto, a «Procesión do Encontro» (11:00 h) e a «Procesión do Santo Enterro» (20:30 h).

A Semana Santa guardesa pechará coas Festas da Pascua de Buxán, que darán comezo este sábado, 24 de marzo, coa celebración do «XI Serán de Buxán» ás 22:00 horas na praza de Buxán, e continuará o vindeiro sábado, 30 de marzo, cos tradicionais xogos populares (16:00 h) e a posterior verbena, amenizada polas orquestras América e Magical (23:00 h).

O 1 de abril, Domingo de Pascua, o barrio salcidense reservará o día para gozar da gastronomía, cunha zorzada e polbo á feira pola mañá (a partir das 11:00 h) e unha Festa do Biscoito pola tarde (a partir das 16:00 h). A xornada estará amenizada polo pasacalles de  Airiños do Folón e o ‘Concurso do pau enceirado co xamón arriba’ a partir das 15:30 horas. broche de ouro a estas festas virá da man do Coro Fuscalheiro, que actuará a partir das 19:30 h.

Horario da Oficina de Turismo

A Oficina Municipal de Turismo, situada na Praza do Reló, abrirá dende o luns 26 ata o sábado 31 de marzo cun horario ampliado, isto é, de 10:30 a 14:00 horas e de 16:30 a 19:00 horas. Para máis información, as persoas interesadas poderán achegarse á oficina, contactar co departamento de Turismo a través do teléfono 986 614 546 e/ou o correo electrónico turismo@aguarda.es, ou ben consultar a páxina web www.turismoaguarda.es e a páxina de Facebook de Turismo A Guarda.

 

Xoves, 22 de marzo de 2018 

Xa está aberto o prazo para solicitar a participación no plan Depotermal 2018”

O departamento de Servizos Sociais do Concello da Guarda informa de que o prazo para solicitar prazas para a participación no Plan Termal Depotermal 2018”, organizado pola Deputación de Pontevedra, estará aberto ata o 18 de abril.

O plan inclúe dous programas, un deles orientados á estadía durante cinco días consecutivos (tardes ou mañás de luns a venres) nun balneario da provincia e, por outra banda, un programa termal con pernoctación.

A súa finalidade é fomentar o envellecemento activo e mellorar a calidade de vida das persoas establecendo novas relacións sociais, favorecendo a participación en actividades que melloran o estado anímico, potenciando movementos de participación e cooperación social, e promovendo espazos de encontro e intercambio de experiencias co fin de evitar o illamento e as situacións de soidade que poden levar á vulnerabilidade.

Destinatarios e requisitos

Poderán beneficiarse do plan termal as persoas que non padezan ningunha enfermidade ou patoloxía incompatible coa actividade proposta e cumpran algún  dos seguintes requisitos: ter nacido antes de 1968, que se deberá acreditar cunha fotocopia do DNI ou o NIE, segundo o caso; ser pensionista, neste caso, deberán achegar unha fotocopia do certificado correspondente, e precisar dun respiro, o que se acreditará mediante un informe do traballador social dos Servizos Sociais comunitarios básicos.

As persoas interesadas poderán atopar toda a información (incluídas as bases da convocatoria, establecementos adheridos e prezos) na páxina web da Deputación de Pontevedra. Para realizar a inscrición, deberán achegarse ao departamento de Servizos Sociais do Concello da Guarda.

 

Luns, 19 de marzo de 2018 

O PP rexeita os orzamentos da Guarda por incluir subvencións que non se axustan a legalidade, nin recollen investimentos aprobados en pleno, teñen falla de transparencia e obedecen a intereses electoralistas

O grupo municipal do PPdeG no Concello da Guardia xustificou a súa negativa a apoiar os orzamentos municipais presentados no último pleno para non incurrir en calquera tipo de irregularidade legal “ao contemplar unha serie de subvencións arbitrarias que contan coa advertencia e o informe negativo de Intervención ao non contar cunhas bases reguladoras que respecten os principios de igualdade, obxectividade, publicidade e concorrencia pública e teñen un tufillo claro de que se van conceder, presuntamente, a dedo”, manifestou a portavoz local, Conchi Ortega.

Os populares consideran que as contas municipais “están feitas a presa para intentar correxir a imaxe ante a cidadanía de inacción e parálise dos tres anos deste goberno e non recollen tampouco os investimentos que demandan os veciños e veciñas da Guardia e que contaron co respaldo e a aprobación en sucesivos plenos “como as obras de mellora da rúa de acceso ao Conservatorio, agora rúa Vigo e Celta, a baixada do IBI a familias numerosas e empresas que cren emprego no municipio e moitas outras cousas máis das que pasa por completo o equipo de goberno”.

Ortega tamén insistiu para argumenta-la negativa do PPdeG a apoiar estes orzamentos municipais á “falla de transparencia e descoñecemento por parte da oposición e dos veciños do papel que xoga o Concello en órganos de especial interese como o GDR, a Mancomunidade do Baixo Miño e outro tipo de entidades e xuntanzas ás que acude o alcalde ou, pola contra, que manifesta a súa desidia constante pola súa ausencia”.

A voceira popular tildou tamén de “electoralistas” ás contas municipais e sinalou que “non podemos estar de acordo cun goberno que durante tres anos  baleirou de contido todos os plenos e que agora quere dar a imaxe de que quere porse a traballar. Nós  somos oposición e tentamos ser construtivos con propostas para solucionar os problemas reais dos veciños e veciñas da Guardia, para facer obras necesarias, acudimos a todas as reunións e negociaci pero non fomos tidos en conta, e por tanto non vamos a apoiar os ornamentos, dun goberno que por riba dos intereses do concello que goberna, pon os seus electorais propios”.

Preocupación polas subvencións arbitrarias,  discrecionais e con pouco fundamento legal

Analizando polo miudo os orzamentos, os populares amosan o seu escepticismo dun xeito especial no tocante ao capítulo de subvencións municipais que pretende repartir o equipo de goberno. “Si apoiásemos estes ornamentos, outra vez cun anexo de subvencións sen baremar polo pleno e sen plan estratéxico de subvencións obrigatorio , estaríamos de novo incumprindo a lei, polo tanto o primeiro que quero que conste en acta, e que non podemos estar de acordo con non barema-las subvencións,  por legalidade e por coherencia. Tal e como pretende facer o equipo de goberno, podese dar a paradoxa,  que clubs comarcais poden recibir máis que outros que compiten a nivel mundial, e viaxan por España e o mundo case tódalas fins de semana. Non queremos dicir que os comarcais e provinciais non o merezan que por suposto que o merecen e incluso en maís cuantía, senón que deberase ter en conta dalgún xeito o papel que desempeñan aqueles clubs que levan o nome da Guardia polo mundo adiante traendo trofeos case cada fin de semana”.

Nula xestión diante da Deputación no convenio para as obras de Concepción Areal e parálise dos traballos para o plan xeral

En canto ao convenio coa Deputación para o arranxo da rúa Concepción Arenal os populares amosaron o seu total desacordo. “A capacidade de xestión é nefasta e queda clara no convenio da rúa Concepción Areal. Eses 300.000 euros, que só a Guarda tivo que por, un 30%,. Mentras outros concellos negocian mellor como o de Pontevedra que ten convenios por valor de 9.000.000 de euros ou Vigo que leva 24.000.000 euros, pero tamén, o de Baiona, cun 20% de achega do Concello, o cal non é sospeitoso como os outros dous de privilexios en convenios. A Guarda negociou mal, e estes ornamentos son os que o demostran, nos non seremos cómplices”.

E en canto á elaboración do Plan Xeral, a voceira popular sinala que “tamen nos sorprende que agora si hai cartos, por fin, para contratar unha nova empresa para o Plan Xeral, cando dende maio de 2015, xa Consultora Galega dixo que o deixaba. Por capricho da Alcadía non se contratou ata o de agora unha empresa para o plan, agora si? Desde logo resulta moi sospeitoso”

Ademais, Conchi Ortega, botou en cara á Alcaldía a nula capacidade de executar os orzamentos do ano pasado e sinala que “falando de inversión a execución de orzamentos pasados hai que dicir que non foron capaces de cumplir máis que o 60% do presupostado neste capítulo pese ás grandes necesidades que presenta o municipio da Guardia e os seus veciños e veciñas en inversión. Non saben xestionar nin son quen de levar adiante os seus propios proxectos. Lamentable!”, magoouse a voceira popular.

Falla de ingresos dos Ges e o Padroado en perigo

Os populares expresaron a súa preocupación pola “desidia na búsqueda de ingresos para reinvertir en solventar os problemas reais dos nosos veciños e veciñas e así vemos como no capítulo de ingresos tampouco se cumpriron como a dos GES; 3 anos esperando por isto, e agora cando só falta un pensa que vamos a apoiar os orzamentos. O portavoz socialista, que pretende ser moi hábil para xogar con cromos nos orzamentos, si esa habilidade a utilará en aprobar a moción do GES, que é da súa competencia, seguro seguro que xa levabamos 2 anos polo menos ingresando dos seguros e de outros concellos pola súa interención, pero como cada uno usa as habilidades para o que quere, e outros se deixan lexitimamente”

Por último, Conchi Ortega referiuse ao Padroado e sinalou que “apróbase uns ornamentos tamén do Padroado, que non nos parecen nada consensuados cos propietarios, de feito preguntaban para que eran as partidas, cando sendo tres partes esas partidas debían ser decididas polas partes implicadas. Este alcalde vai a pasar a historia por acabar cun padroado con mais de 30 anos de historia e lle queda pouco para retratarse moi negativamente con isto”.

A modo de conclusión Conchi Ortega argumentou que non aprobaban estes orzamentos por responsabilidade política e social ante os veciños e veciñas da Guardia e porque “nin vamos a apoiar a xestión de este goberno, nin imos ser cómplices de  quen paralizou obras durante tres anos para facelas todas xuntas no derradeiro da lexislatura, demostrando que a política electoralista do Partido Socialista na Guardia está muy por enriba dos intereses xerais e lexístimos dos guardeses e das guardesas”.

 

Sábado, 17 de marzo de 2018 

O Concello recibe aos establecementos con distintivo SICTED e eloxia o seu compromiso coa calidade turística 

O alcalde da Guarda, Antonio Lomba, e a concelleira de Turismo, Montserrat Magallanes, recibiron aos responsables dos seis establecementos guardeses que veñen de conseguir o distintivo SICTED (Sistema Integral de Calidad Turística Española en Destinos), un recoñecemento promovido polo Instituto de Turismo de España (TURESPAÑA)  que da conta do seu “Compromiso de Calidade Turística”.

Os representantes municipais destacaron o esforzo realizado polos establecementos, que xa contan cun recoñecemento oficial ao seu “bo traballo” e unha insignia que lles dará visibilidade no sector. Nesta liña, a edil guardesa subliñou o esforzo realizado polos hostaleiros para a consecución do certificado de calidade e o seu compromiso, “moi importante para unha vila como A Guarda”, engadiu o rexedor local.

No encontro, Antonio Lomba fixo entrega dos diplomas e as placas aos hostaleiros que non puideron asistir o pasado 28 de febreiro á Gala de Turismo Rías Baixas, onde foron entregados os distintivos. Así, recibiron o seu recoñecemento Gema Martínez, propietaria do restaurante Celtic; María Emilia Vicente Goyás, dona do restaurante Marusía; e José Francisco Vázquez, xerente do restaurante Casa Bar Aquilino. Acompañáronos Marta González e Juan Carlos Alonso, do restaurante La Casa de la Abuela, e César Verde, xerente do restaurante Xantar, coa única ausencia do Hotel Convento San Benito, tamén recoñecido.

Na actualidade, A Guarda conta con 9 empresas e servizos co certificado de calidade e compromiso turístico SICTED, entre os que se atopan a Oficina de Turismo Municipal e as praias de Area Grande e O Muíño. Este recoñecemento ven acompañado dun plan de mellora continua e novas medidas dirixidas a incrementar a calidade do servizo, polo que os establecementos e servizos deben continuar traballando en prol do desenvolvemento turístico e a satisfacción dos clientes.

Aquelas empresas e servizos que desexen adherirse ao proxecto e participar na vindeira xornada formativa programada para o 17 de abril, poderán recibir asesoramento na Oficina de Turismo Municipal do Concello da Guarda.

Sobre o distintivo

O SICTED é un proxecto de mellora da calidade dos destinos turísticos promovido pola Secretaría de Estado de Turismo (SET) e a Federación Española de Municipios e Provincias (FEMP). Traballa con empresas e  servizos de ata 33 oficios diferentes co obxectivo de mellorar a experiencia e a satisfacción dos turistas. Para logralo, o sistema ofrece ás empresas e servizos adheridos un plan de formación, asistencia técnica, obradoiros, grupos de traballo e manuais de boas prácticas.

A obtención do distintivo SICTED implica o cumprimento dos requisitos fixados, e da conta do esforzo e o compromiso coa calidade e a mellora continua, á vez que distingue ao establecemento fronte á competencia. O certificado ten validez bienal, aínda que precisa dunha evaluación anual de seguimento.

 

Sábado, 17 de marzo de 2018 

O alumnado do IES A Sangriña impulsa unha campaña para fomentar o uso do galego no comercio

O Equipo de Normalización Lingüística do Instituto de Educación Secundaria (IES) A Sangriña mantivo unha reunión con representantes das tres principais asociacións de comerciantes da vila para presentarlles a campaña “O galego, produto estrela”, coa que o alumnado pretende normalizar o uso da lingua nos carteis e outros elementos informativos e publicitarios dos establecementos comerciais e hostaleiros da vila.

Os delegados das asociacións AGUDE, Mercado do Reló e ACIGU acolleron de bo grado a iniciativa, na que tamén se propón a ampliación das cartas de presentación dos produtos ofrecidos en cada comercio, facendo uso de varias linguas (portugués, inglés e francés, amais de galego) a fin de facer accesible o comercio local a todos os turistas que visitan A Guarda.

Todo isto, sen esquecer o obxectivo principal da campaña: acabar coa “discriminación do galego” na vila, onde unha porcentaxe ínfima de establecementos comerciais fan uso do idioma, segundo sinalou o profesor de Lingua Castelá e coordinador do equipo, Denís Vicente. Nesta liña, a iniciativa busca fomentar e normalizar o uso do galego no comercio e ampliar os seus ámbitos de uso, engadiron Carla Vizoso e Andrea Maquieira, voceiras do equipo.

A concelleira de Cultura, Educación e Xuventude, María Elena Baz, salientou a relevancia do feito de que sexan as xeracións máis mozas “as que empurran pola nosa lingua e aportan unha visión de futuro ao comercio e a hostalaría da vila”.

 “O galego, produto estrela”

A campaña é un proxecto do Equipo de Normalización Lingüística do IES A Sangriña en colaboración co Concello da Guarda, orientada á normalización do uso da nosa lingua expandindo o seu uso por todos os ámbitos da localidade, incidindo especialmente no sector servizos (comercio, hostalería y academias).

A iniciativa chama á reflexión sobre a situación das linguas na Guarda, onde o número de persoas galegofalantes minguou de xeito moi significativo durante as últimas décadas; “unha perda moi grave para o concello”, sinalou Denís Vicente. Así, o alumnado incidirá especialmente en dar visibilidade á lingua galega como atractivo e distintivo do comercio local, ademais de  ofrecer a posibilidade de ampliar as cartas de presentación dos produtos facendo uso de varios idiomas.

Para isto, o alumnado que forma parte do equipo realizará as traducións que cada un dos establecementos comerciais precise. Así, por exemplo, traducirán os menús dos restaurantes, os anuncios, a sinaléctica e outros tipos de publicidade, nun proceso de “axuda mutua” coa que os empresarios guardeses poderán “ampliar os campos de clientela e venda”. Nas próximas semanas, o alumnado dividirase en grupos e percorrerán os establecementos da vila para dar a coñecer a iniciativa, aberta á participación de todo o comercio guardés.

Sobre o equipo

O Equipo de Normalización Lingüística do IES A Sangriña naceu a comezos do actual curso académico e está formado por un grupo de preto de 30 mozos de diferentes cursos da ESO, bacharelato e ciclos formativos. O equipo, aberto á participación de todo o alumnado, é coordinado pola profesora de Plástica e Deseño, Beatriz Núñez, e o profesor de Lingua Castelá, Denís Vicente.

Ata o de agora, o equipo ten realizado proxectos en prol de movementos sociais e culturais, como charlas e festivais a favor do colectivo LGTBIQ ou a lectura dun manifesto na concentración feminista do pasado 8 de marzo. No que queda de curso, prevén realizar novas actividades nos ámbitos da música e o deporte.

 

Xoves, 15 de marzo de 2018 

O Concello asina con Cultura un convenio para a reparación e conservación do Castelo de Santa Cruz

O alcalde do Concello da Guarda, Antonio Lomba, e o conselleiro de Cultura, Educación e Ordenación Universitaria, Román Rodríguez, asinaron o pasado luns un convenio de colaboración para a conservación e reparación do Castelo de Santa Cruz.

O acordo recolle a posta a disposición dos terreos e inmobles necesarios para a execución das obras de revocadura da fachada do centro de interpretación situado no interior da fortaleza, toda vez que a porosidade das paredes do espazo museístico facilita a entrada de auga procedente do exterior. 

Nesta liña, o rexedor local destacou a necesidade de acadar unha solución definitiva á problemática, tras «varios intentos de modificar o sistema de illamento» por parte da Consellería, con resultado «insatisfactorio».

Así as cousas, o organismo da Xunta destinará un investimento de 42.900 euros para desenvolver os traballos correspondentes, incluídos no Plan estratéxico para a protección e a conservación do patrimonio cultural de Galicia.

Os traballos de mellora e impermeabilización das prestacións térmicas e de impermeabilización da fachada da edificación principal do castelo serán desenvoltos polo organismo da Xunta,  a través da Dirección Xeral do Patrimonio Cultural. As intervencións centraranse principalmente na fachada sur da edificación, por ser esta a zona máis exposta ás inclemencias meteorolóxicas.

O Castelo de Santa Cruz

O Castelo de Santa Cruz está catalogado como Ben de Interese Cultural (BIC), coa categoría de Monumento. Trátase dunha estrutura defensiva transfronteiriza que se inscribe dentro do grupo de fortíns, atalaias e fachos que se erixiron nos séculos XVII e XVIII ao logo das marxes do río Miño. A edificación principal está situada no interior do castelo, utilizada como espazo multiusos e centro de interpretación das fortalezas transfronteirizas.

 

Mércores, 14 de marzo de 2018 

Fátima Iglesias “A Guarda no merece unos presupuestos prorrogados solo porque sus políticos no se sienten a negociar o no haya elecciones el próximo año”

Algunos deberían entender que en adelante para gobernar será difícil hacerlo en solitario, el consenso y los acuerdos puntuales son los que nos permitirán crecer. La clave estará en encontrar la financiación en otras administraciones que atiendan nuestras necesidades para la creación y mantenimiento de infraestructuras, para ello será necesario tener un presupuesto y saber cerrar acuerdos beneficiosos para el pueblo- esta es la opinión de la concejal en la corporación guardesa Fátima Iglesias.

Nos sentamos hace unas semanas con el equipo de gobierno para llegar a acuerdos puntuales como la puesta en valor del entorno del Cruceiro Pinto en Salcidos, desde donde se iniciarán los arreglos que todo ese núcleo necesita, o la continuación de la urbanización de A Cal (proyecto y primera fase que ya pactamos y fue ejecutado con el presupuesto anterior). El compromiso para ejecutar el arreglo de la Rúa san Caetano propuesto por el BNG, que apoyamos en pleno, así como, el compromiso del equipo de gobierno para solicitar a Puertos de Galicia el pintado del espigón, fueron parte de la negociación, y así emplear la partida presupuestaria de 40mil € para invertir en necesidades de otras zonas del concello. También acordamos el arreglo de los vestuarios y la megafonía del campo de fútbol municipal, que tanto nos vienen reclamando los usuarios.

Entendemos que el convenio firmado con Diputación para el arreglo de Concepción Arenal ha sido un mal acuerdo económico y un mal planteamiento estratégico, lo conveniente sería abrir la salida sur del puerto de A Guarda antes de realizar cualquier obra, tal y como venimos proponiendo a través mociones que nunca han recibido la respuesta deseada. Este convenio ha sido el resultado del  acuerdo del equipo de gobierno con el BNG, que ahora los nacionalistas dejan sin dotación económica, para que la responsabilidad sea de otros.

Además, consideramos positivo y necesario el aumento de la partida presupuestaria de servicios sociales para atender a personas en situación de vulnerabilidad y la dotación para solucionar los problemas sobrevenidos de la gestora de la piscina municipal. Durante la negociación aprovechamos para ponernos al día sobre la iniciativa que llevamos a pleno para la compra de la finca de Fínola y propusimos a Montserrat Magallanes (Diputada Provincial y vocal en el área de Empleo) su implicación para  poner en marcha un plan de empleo local, tan necesario para los vecinos de A Guarda.

 

Mércores, 14 de marzo de 2018 

A Guarda homenaxeará a Julia Sobrino cun festival poético-musical «sorpresa» este sábado

O Concello da Guarda, a través da Concellería de Cultura, celebrará este sábado, 17 de marzo, un festival poético-musical en homenaxe a Julia Sobrino, guardesa pioneira no ámbito cultural, social, empresarial e político na vila e a comarca.

O acto comezará ás 19:30 horas no Centro Cultural, sen que se coñezan máis detalles sobre o seu desenvolvemento, xa que se trata dunha celebración sorpresa para a homenaxeada, en agradecemento ao seu labor.

Os cativos tamén terán oportunidade de achegarse á figura e obra de Julia Sobrino, na sesión de «Contos contados: Muller poeta» que terá lugar este mesmo sábado, ás 11:30 horas, na Biblioteca Pública Municipal, donde os participantes poderán coñecer os poemas de Sobrino e elaborar, tras a lectura do poemario, un mural en homenaxe á Sobrino e a tódalas mulleres poetas.

Sobre Julia Sobrino

Julia Sobrino é unha das mulleres máis destacadas no ámbito cultural e social guardés, por ter impulsado numerosas iniciativas en prol da dinamización da Cultura e a creación literaria e dramaturxia na vila. Formou parte de numerosas obras teatrais en calidade de actriz e directora, e participou en diversos festivais poéticos. Foi impulsora do grupo de baile e gaitas Do Lusco ó Fusco e traballou na recuperación do traxe galego na Guarda. Sobrino é presidenta da Agrupación Cultural Guardesa dende 1988, foi concelleira do Partido Socialista durante tres lexislaturas e, no eido profesional, rexentou durante preto de medio século un dos establecementos máis tradicionais da Guarda

O acto de homenaxe enmárcase na programación especial con motivo do Día Internacional das Mulleres, coa que a Concellería de Cultura pon en valor o labor social e cultural realizado polas mulleres.

 

Martes, 13 de marzo de 2018 

Pontón na Guarda “Rajoy maltrata ás persoas pensionistas cunha subida do 0.25” e esixe  un incremento que  garanta o poder adquisitivo

A portavoz nacional do BNG, Ana Pontón comprométese co colectivo de pensionistas  a ser  “a súa voz” no  Parlamento para esixir do goberno central unha subida que incremente “o seu poder adquisitivo”.

Para a nacionalista, “Rajoy maltrata ás persoas pensionistas cunha subida do 0.25%” e denuncia que o Partido popular “traballe para beneficiar fondos privados”   cortando  o dereito a unha pensión digna. Reclamos, como mínimo unha subida equiparable a subida do coste da vida e  que se “salvagarde o sistema de pensións público”.

Por outra parte,  tamén se comprometeu a pedir na Cámara galega que o goberno deixe de perseguir ás persoas pensionistas  emigrantes  retornadas como está a facer a través da Facenda española ao obrigalos a pagar máis que a un xubilado ou xubilada no Estado español.

O BNG demanda créditos ao IGAPE á baixo custe para renovar a flota do palangre

Ademais, na  súa visita á Guarda,  acompañada pola portavoz de pesca e deputada por Pontevedra, Montse Prado, o portavoz municipal, Anxo Baz e a responsable local, Bea Lomba, a portavoz do BNG mantivo un encontro coa directiva de ORPAGU (Organización de palangreiros guardeses)  centrado no futuro da frota e nun sector no que se está a producir un importante  relevo xeracional e con gran presenza no concello da Guarda. Pontón asegurou que o BNG trasladará ao Parlamento galego as demandas sobre as axudas para a renovación da flota. Neste sentido, explicou que os barcos do palangre contan con moitos anos e o  marco da limitación da pesca “non permite a renovación plena desta flota” polo que se fai urxente “axilizar as axudas” destinadas a mellorar a eficiencia enerxética das embarcacións  e as condicións de vida das súas tripulacións.

Resulta inconcibible, denunciou, que nun país como Galiza onde a pesca ten un papel tan relevante,  teñamos un modelo “que financia a morte dunha flota ”  en vez dun  sector pesqueiro do século XXI. A Unión Europea e o goberno central destinan “máis recursos a desguazar que a modernizar e renovar  a flota”. Unha flota dixo,  que dende o reto da sustentabilidade acade máis capacidade para crear emprego.

Pontón afirmou que a modernización da flota suporía a actividade dos estaleiros coa construción de entre 20 e 30 barcos polo que anunciou que BNG defenderá “axudas para a renovación “ao que sumou créditos a baixo custe dende o IGAPE” para resolver un dos principais problemas deste sector estratéxico para a Guarda e Galiza.

Un  novo modelo urbano para  persoas e para os coches 

Dende o BNG, manifestou defender un novo concepto de mobilidade no concello da Guarda no que o centro sexan as persoas e non os vehículos apostando por espazos e entornos nos que o pequeno e mediano comercio conten con vida e apoio.

Nesta liña, o BNG traballa en diferentes iniciativas dende o concello e a Deputación de Pontevedra para construír A  Guarda do século XXI, unha vila accesible e pensada para as persoas superando o espazo urbano  para almacenar coches.

A portavoz do BNG insistiu na necesidade de apostar polo pequeno e mediano comercio para xerar actividade económica nunha vila cunha capacidade enorme dende o punto de vista turístico pero que precisa un novo modelo urbano.

 

Sábado, 10 de marzo de 2018 

O concerto de Femininoplural trasládase á Casa dos Alonso ante a predición de choiva

O concerto de Femininoplural programado para hoxe, sábado, na praciña de San Marcos, traslada o seu lugar de celebración á Casa dos Alonso por mor da predición de choiva.

O dúo, formado por Silvia Penide (voz) e Carla López (voz e teclado) ofrecerá un concerto no que mesturarán a música, a poesía e os relatos “contados e cantados” nun percorrido musical co que as artistas dan visibilidade ao traballo de autoras como Clara Schuman, Violeta Parra, Guadi Galego ou Consuelo Velázquez, poñendo así en valor a relevancia das mulleres creadoras na Cultura, “moitas veces relegadas a un segundo plano”. A actuación comezará ás 12:30 horas e será de acceso gratuíto.

Esta actividade cultural, subvencionada pola Deputación de Pontevedra, enmárcase na programación impulsada polo Centro de Información ás Mulleres (CIM) da Guarda, co gaio da conmemoración do Día Internacional das Mulleres.

 

Venres, 9 de marzo de 2018 

A andaina pola Ruta Máxica de Oia organizada polo concello da Guarda aprázase para o sábado 17 de marzo

Debido as malas previsións meteorolóxicas o Concello da Guarda e o Municipio de Caminha acordaron aprazar a andaina organizada para este sábado 17 de marzo.

Esta ruta estará guiada pola Asociación Costa de Castros. A Ruta Máxica de Oia percorre uns 18km da Serra da Groba pasando polas parroquias costeiras deste concello.

A ruta sinalizada comezará no miradoiro da Pedreira onde se atopan petróglifos e continuará coñecendo outros gravados rupestres ata chegar ao río Broi e ao espazo natural das Sobreiras do Faro, o bosque mediterráneo máis occidental. Despois ascenderase ata o Castro do Cano do Mouros e as Pozas de Mougas onde se realizará o xantar. Nesta última parte do percorrido descenderase ata o Castro de Cabeziña. A ruta rematar

 

Xoves, 8 de marzo de 2018 

Pedro Feijoo visitou o colexio PP.Somascos

Onte achegouse ao colexio PP.Somascos-Fundación Educere da Guarda, un dos autores de maior éxito de Galiocia, o escritor Pedro Feijoo.

Cercano, divertido e afable, Pedro Feijoo fixo unha paréntese na promoción do seu novo libro “Camiñar o Vigo vello”, para falar cos rapaces sobre a obra  “Os fillos do mar”, novela que o descubriu como autor para o gran público e que viña de ler o alumnado de terceiro e cuarto da ESO.

Como ben mantiña a crítica en tempos da publicación de mencionado libro, Pedro Feijoo entretén e informa sen descoidar a calidade literaria; por iso e pola súa  calidade humana, entretivo, informou e deulles aos rapaces unha visión do que é o oficio de escritor.

E palabras dos responsables do colexio, “foi unha honra telo escoitado e aprendido da humildade dos grandes”.

á na estrada PO552 onde se atopa o Camping O Muíño.

 

Xoves, 8 de marzo de 2018 

O Equipo de Goberno apoia o paro de 2 horas no Día Internacional das Mulleres

O Equipo de Goberno Municipal apoiará o paro de 2 horas na xornada laboral convocado para o 8 de marzo, co gaio da conmemoración do Día Internacional das Mulleres.

No Concello da Guarda, a folga realizarase oficialmente entre as 12:00 e as 14:00 horas. Aquelas persoas que desexen secundala poderán participar na concentración convocada  ás 12:30 horas na Praza do Reló, onde membros do Goberno local lerán un manifesto en prol da igualdade entre mulleres e homes.

O acto será aberto e participativo, polo que se convida ás asociacións, comerciantes, veciñas e veciños da localidade a colaborar neste encontro reivindicativo coa lectura dos seus escritos feministas ou calquera outra forma de expresión.

 

Mércores, 7 de marzo de 2018 

Ataraxia mostra sobre as mulleres e a beleza paisaxística no Centro Cultural

O Centro Cultural acolle ata o 28 de marzo,  de 10 a 13 horas e de 15 a 20 horas, de luns a venres, e os sábados en horario de mañá, a exposición fotográfica “Ataraxia”, da deseñadora gráfica Marina Alonso San Miguel. A mostra componse de 16 fotografías nas que se superpoñen elementos naturais e paisaxísticos con siluetas femininas en tons brancos e negros.

Segundo explica a autora, este traballo nace da súa afección polos viaxes e a fotografía, e componse de imaxes tomadas durante os seus percorridos por distintos lugares do mundo. O seu título, “Ataraxia”, fai referencia ao estado anímico carente de temores ou inquedanzas que se pretende transmitir coas obras.

 

Martes, 6 de marzo de 2018 

O novo prazo para a petición de citas para a renovación do DNI abre o 15 de marzo

A partir do xoves, 15 de marzo, as persoas que precisen renovar o seu Documento Nacional de Identidade durante o segundo trimestre do ano, poderán achegarse ao Concello da Guarda para solicitar a súa cita.

De acordo co calendario da Unidade Móbil do Corpo Nacional de Policía de Vigo, as renovacións poderán realizarse na Casa dos Alonso os días 10 de abril, con recollida do documento o 13 do mesmo mes; o 10 de maio, con recollida o día 15, e o 11 de xuño, con recollida o día 14.

O 15 de marzo as citas poderán pedirse unicamente de forma presencial no punto de información do Concello da Guarda (primeiro andar) ou en Secretaría (segundo andar)  entre as 9 e as 14 horas. A partir do 16 de marzo, as solicitudes poderán realizarse tamén telefonicamente no 986 610 000.

 

O BNG tacha de irresponsábel a actitude do Alcalde da Guarda levando os orzamentos sen acordo

O Bloque Nacionalista Galego non ve as condicións para apoiar os Orzamentos para o 2018 que vén de presentar o alcalde da Guarda.

Dende a formación nacionalista botan de menos unha actitude máis conciliadora para chegar a acordos coa oposición. “En ningún momento fixeron un ofrecemento serio para negociar os orzamentos” sinalou Ángel Baz, portavoz municipal do BNG.

 BNG quere lembrar que xa fixo público que aspectos son importantes para, cando menos, mellorar os orzamentos para a Guarda.

A falta de concreción nas partidas é un punto preocupante para a formación nacionalista, “non vemos por ningures partidas específicas para a seguridade viaria en zonas escolares como Solanas e a Sangriña, tal e como aconsella o Plan de Mobilidade”, comentou Ángel.

Para o BNG é claramente insuficiente a partida de Axudas a Educación dotadas de 3.000 €, que se investirán nuns premios pouco educativos.

En canto á partida de SOGAMA, pasa de 225.000 € a 232.000€, co que se evidencia a falta de aforro en materia de xestión do lixo, mentres o goberno do PSOE renuncia ao Plan Revitaliza que fomenta o aforro e a compostaxe.

Para o BNG é inasumíbel que o concello se gaste 40.000 € no pintado do espigón, sendo unha competencia da Xunta de Galiza do PP. “O concello ten carencias suficientes como para investir estes cartos nun pintado, por outra banda, un pouco caro”, apreciou Ángel Baz.

Botamos de menos a creación dun departamento de normalización lingüística, axudas “reais” para educación, mellor dotación para emerxencia social e políticas de igualdade.

Dende o BNG xa advertimos que, ou había cambios substanciais nos orzamentos ou non habería apoio a estes orzamentos.

 

Martes, 6 de marzo de 2018 

O Concello da Guarda urxe a tramitación de emerxencia da reparación do litoral na Lamiña e o Codesal

O alcalde do Concello da Guarda, Antonio Lomba Baz, vén de solicitar aos organismos autonómicos e estatais competentes unha actuación urxente que poña solución á perda de terreo na praia da Lamiña-O Forte e na zona do Codesal, onde as mareas vivas e o temporal dos últimos días causaron unha significativa aceleración no proceso de mingua do terreo.

Nesta liña, a erosión das mareas e outros fenómenos influentes no nivel do río «veñen producindo unha perda notable de terreo e zona dunar dende hai anos», indica Lomba, que cuantifica o retroceso do terreo na praia da Lamiña en preto 2 metros nos últimos días, co consecuente derrube de numerosas árbores no proceso. Neste punto existe, ademais, o risco de que a auga rompa o cordón dunar e acade a coñecida como «cova do Forte», unha zona onde o nivel do terreo é máis baixo ca o do río, provocando o seu asolagamento e a consecuente perda da barreira de dunas e de zona boscosa do Feno.

As consecuencias da acción das correntes fluviais e a acción do mar durante os últimos días tamén se poden comprobar na zona do Codesal, onde un tramo de escolleira reparado por Costas en 2016 resultou derruído. Esta obra de contención foi realizada seguindo os criterios ditados por Medio Ambiente, facendo uso de sacos de area e sementes para que a vexetación -que nunca chegou a xerminar- protexese a costa. «Esta solución, que pode funcionar nas canles dos ríos, ten demostrado non ser útil no esteiro do Miño», considera o rexedor local, que apunta ao organismo  autonómico como «responsable» da deterioración da zona.

Encontro con Costas

A xefa do Servizo Provincial de Costas, Cristina Paz-Curbera, visitou o pasado 27 de febreiro a praia da Lamiña, a fin de comprobar o deterioro do areal. Nesta ocasión, Paz-Curbera comprometeuse a solicitar un informe técnico ao Centro de Estudos e Experimentación de Obras Públicas (CEDEX) de forma inmediata, así como unha proposta de actuación no areal.

Na situación actual, o Concello da Guarda esixe a tramitación de emerxencia das obras de reparación e contención nas zonas da Lamiña e o Codesal, co obxectivo de evitar consecuencias maiores sobre o terreo e o aumento dos custes económicos que estes danos poidan ocasionar.

Reportaxe AQUÍ

 

Luns, 5 de marzo de 2018 

A Asociación Naturalista “Baixo Miño” (ANABAM) oferta un posto de emprego para recén graduados en Bioloxía, Ciencias Ambientais ou Ciencias do Mar

Anabam convoca unha praza para persoas recén graduadas en Bioloxía, Ciencias Ambientais ou Ciencias do Mar ao abeiro do Proxecto Píllara-Borrelho 2018 (seguimento da poboación e protección de niños de Píllara das dunas Charadrius alexandrinus Linnaeus, 1758) no Baixo Miño galego-portugués. O contrato pretende proporcionar unha primeira experiencia/oportunidade laboral para persoas recén graduadas. O contrato será a tempo parcial por 25 horas á semana por tres meses.

Perfil

·                    Recén obtido o Grao en Bioloxía, Ciencias Ambientais ou Ciencias do Mar (persoas graduadas nos cursos académicos 2014-2015, 2015-2016 ou 2016-2017).

·                    Capacidade de traballo individual e en equipo.

·                    Capacidade de auto-organización.

·                    Capacidade de transmitir coñecementos oralmente.

·                    Persoa proactiva e responsable.

Condicións

·                     Contrato de 3 meses (15 de abril ao 15 xullo).

·                     Xornada parcial (62,5 % xornada completa).

·                     Salario 625€ mensuais + ata 185 € de suplemento por desprazamento.

·                     Flexibilidade horaria (a negociar co persoal seleccionado en base aos requerimentos do proxecto).

·                     Dispoñibilidade para realizar seminarios, obradoiros de voluntariado e charlas de educación ambiental coa cidadanía.

·                     Posibilidade de variación da xornada en función da carga de traballo.

·                     Indispensable vehículo propio.

A persoa que se incorpore ao proxecto  recibirá unha formación inicial entre o 1 e o 15 de abril que incluirá os seguintes aspectos: coñecemento da área de traballo, identificación da especie, localización e seguimento de postas, divulgación e educación ambiental así como xerar outros materiais divulgativos.

A persoa contratada responsabilizarase da redacción dos informes semanais e informe final do proxecto.

A solicitude dirixirase por correo electrónico ata o día 15 de marzo de 2018 ás 23:59 h a voluntariado.anabam@gmail.com acompañada do CV. O CV virá acompañado dos documentos xustificativos dos méritos alegados.

Ademais das tarefas propias do proxecto a persoa seleccionada poderá ser eventualmente requerida para outras necesidades da asociación dentro do horario de traballo.

 

Luns, 5 de marzo de 2018 

O BNG presenta na Guarda unha moción en apoio á Folga Internacional do 8 de marzo

O Bloque Nacionalista Galego presentou unha moción en apoio á Folga Internacional de reivindicación feminista do 8 de marzo, lembrando que a fenda salarial en Galicia é do 23%,  mentres o salario anual dos homes estímase en 20.243 € o das mulleres non chega aos 15.730 €, ao que hai que engadir que os contratos a tempo parcial, temporal e descontinuo son maioritariamente femininos, o que repercute na baixa cotización, soldo, prestación do paro e das pensións.

Na Guarda hai 384 mulleres rexistradas no paro e 296 homes, o que representa unha porcentaxe do 14% superior de desemprego por razón de sexo”, comentou Merchi Martínez, concelleira do BNG na Guarda.

Dende o BNG anímase aos guardeses e guardesas a apoiar esta convocatoria, para tomar conciencia do papel da muller na sociedade actual e ir camiñando cara unha igualdade real e non de papel.

Animamos aos homes a participar nesta convocatoria de folga, apoiando ás mulleres facilitando a propia participación nos servizos mínimos.” sinalou Merchi.

O BNG espera que o Goberno da Guarda facilite e anime ás traballadoras do concello a secundar o paro como exemplo ante a sociedade sobre a importancia do papel da muller e na procura de iniciativas políticas a prol dunha igualdade efectiva.

 

Venres, 2 de marzo de 2018 

Seis establecementos da Guarda recibiron o distintivo de calidade SICTED na Gala de Turismo Rías Baixas

O mércores 28 de febreiro tivo lugar no Auditorio Mar de Vigo a Gala de Turismo Rías Baixas organizada pola Deputación de Pontevedra. A este acto asistiu a Concelleira de Turismo, Montserrat Magallanes, e outros responsables do sector turístico público e privado de toda a provincia.

A presidenta da Deputación de Pontevedra, Carmela Silva, comezou a súa intervención recoñecendo a profesionalidade e calidade do sector turístico. Pontevedra é a provincia con maior número de distintivos SICTED. Un total de 263 entidades públicas e privadas conta co SICTED, 60 máis que o ano pasado.

A Oficina de Turismo Municipal e as praias de Area Grande e O Muíño contan dende 2010 co distintivo SICTED aos que se lles suman novos establecementos hostaleiros da Guarda. Polo que durante a gala recibiron este distintivo de calidade o Hotel Convento de San Benito, Restaurante Casa de la Abuela, Restaurante Celtic, Restaurante Marusía, Restaurante Xantar e Cafetería Casa Aquilino. Deste xeito, A Guarda pode presumir de calidade recoñecida nos diferentes establecementos e servizos turísticos.

Na gala tamén se presentou a campaña de promoción "Somos historias" conmemorando deste xeito o Ano Internacional do Patrimonio no que se apostará pola promoción dos nosos tesouros fortificados, arqueolóxicos, paisaxísticos, inmateriais, literarios, culturais, espirituais e naturais.

 

Xoves, 1 de marzo de 2018 

As “Barferencias” conclúen este venres cun faladoiro centrado na lamprea

O ciclo “Barferencias de Inverno 2017/2018” chegará ao seu fin o vindeiro venres, 2 de marzo, co faladoiro “De roteiro nas costas da lamprea”, da man do profesor na Facultade de Bioloxía da Universidade de Vigo (Uvigo), Manuel Ángel Pombal.

O biólogo ofrecerá durante a súa charla un repaso á evolución da lamprea, as súas principais características e as diferentes fases do seu ciclo de vida. Deseguido, Pombal realizará un roteiro polas diferentes artes de pesca utilizadas en Galicia para a captura deste curioso peixe e, finalmente, destacará algunhas das aplicacións e dos resultados obtidos tras a análise da chupona como modelo na experimentación animal. A cita será na Casa-Bar Aquilino da Guarda ás 20:30 horas.

Sobre o relator

Manuel Ángel Pombal é doutor en Bioloxía pola Universidade de Santiago de Compostela (USC) e, actualmente, profesor na Facultade de Bioloxía da Universidade de Vigo (Uvigo). Tamén forma parte da Asociación Naturalista Baixo Miño (ANABAM) en calidade de vicepresidente.

Dentro da Área de Bioloxía Celular, as súas liñas de investigación están centradas no estudio do sistema nervioso utilizando como material experimental a lamprea. Máis polo miúdo, os seus estudios céntranse na organización e desenvolvemento do encéfalo (cerebro) destes vertebrados. Leva 30 anos estudando estes animais.

 

Xoves, 1 de marzo de 2018 

O Concello impulsa un novo curso para a formación de camareiros en bares e restaurantes

A  Concellería de Turismo ofrece un curso gratuíto para a formación de camareiros/as de bares e restaurantes, que se desenvolverá entre o 24 de marzo e o 26 de maio. O obxectivo principal  é formar a novos camareiros/as na preparación e presentación de bebidas e alimentos propios dun bar ou restaurante, aplicando as normas básicas de manipulación de alimentos e atención ao cliente. Ao remate formación, o alumnado tamén recibirá o diploma de manipulador de alimentos.

A programación está deseñada para que as persoas participantes adquiran as nocións básicas na adecuación do local, reposición de material, servizo de alimentos e bebidas en mesa e barra, e atención ao cliente no servizo de restaurante e bar. 

O curso terá unha duración total de 82 horas. Delas, 47 destinaranse á formación teórica, impartíndose durante 8 sábados pola mañá e, na derradeira semana de maio, o alumnado realizará 35 horas de prácticas en bares e restaurantes da Guarda  e a súa contorna.

As inscricións poderán realizarse na Oficina de Turismo do Concello da Guarda (Praza do Reló, 1),  chamando ao teléfono  986 61 45 46 ou a través do correo electrónico turismo@aguarda.es. As prazas son limitadas e serán outorgadas por rigorosa orde de inscrición.