Luns, 31 de marzo de 2008

A alcaldesa de Romiño viaxa a Bruxelas convidada pola FEGAMP

     A alcaldesa do xoncello de Tomiño, Sandra González Álvarez, partiu o pasado sábado a Bruxelas convidada pola FEGAMP nunha visita institucional xunto a outros alcaldes e mandatarios galegos.

     A rexedora local aproveitará a viaxe para entrevistarse con altos funcionarios da Comisión de Agricultura co fin de promocionar a Mostra de Cultivos do Baixo Miño e pór en valor as posibilidades de desenvolvemento do concello tomiñés en hortofloricultura. A alcaldesa realizará estas entrevistas na compaña do conselleiro de Medio Rural, Alfredo Suárez Canal, que tamén participa na viaxe, e prestará o seu apoio á rexedora na promoción dos recursos do municipio pontevedrés.

     Así mesmo, Sandra González, interesarase pola tramitación de varios proxectos europeos nos que está incluído Tomiño; entre eles, un referido ao saneamento, abastecemento de augas e recuperación de ríos, que se presentará a través de Augas de Galicia, e outras iniciativas que van a xestionarse por medio de distintas consellerías da Xunta de Galicia.

     A viaxe institucional a Bruxelas desenvolverase entre desde o pasado 29 de marzo, ata o vindeiro mércores, día 2 de abril.

Aprobada a cesión do edificio para a posta en marcha da Galescola de Tomiño

A corporación municipal de Tomiño aprobou por maioría, en pleno extraordinario, a proposta da Alcaldía para a cesión dun edificio municipal situado na parroquia de Goián, co fin da posta en marcha da futura galescola.

O edificio obxecto de cesión é o mesmo que ata hai pouco tempo funcionaba como centro médico, situado no lugar de A Calle, na parroquia de Goián. Segundo a proposta da Alcaldía, o goberno tomiñés cederá ao Consorcio Galego de Servizos de Igualdade e Benestar, unha finca de 1.830 metros cadrados, un edificio de dúas plantas e baixo cuberta, e un galpón. A cesión  terá un prazo de 25 anos prorrogables por igual período.

A futura galescola de Tomiño virá a completar a oferta de prazas que ten na actualidade a escola infantil municipal “Buxaina”, e que debido á demanda existente neste momento, resulta insuficiente.

Tanto a alcaldesa de Tomiño, Sandra González, como os outros dous portavoces do goberno tripartito, Jesús Caspiñeira (CdT) e Santiago Vergara (PSOE), coincidiron en salientar que a elección do edificio fíxose de común acordo, considerándoo o máis idóneo para un centro de educación infantil como a futura galescola.

Por outra banda, a corporación aprobou tamén a solicitude de ingreso na Asociación de Desenvolvemento Rural da Mancomunidade da Área Intermunicipal de Vigo, co fin de acceder á financiación de proxectos europeos da iniciativa Leader 2007-2013. Os portavoces do goberno explicaron que o ingreso á Asociación de Desenvolvemento Rural facíase necesaria, se o Concello pretendía solicitar algún proxecto deste tipo, aforrándose ademais os custes da redacción e presentación dos mesmos.

Na sesión, tomou posesión do seu cargo de concelleiro polo Grupo Municipal do PP, Roberto Miranda, ocupando o lugar do ex-alcade tomiñés e concelleiro do grupo popular, José Luis Fernández Lorenzo, quen presentara recentemente a súa dimisión.

Sábado, 29 de marzo de 2008

Comeza o acondicionamento dos predios da concentración parcelaria

     O Concello de Tomiño informa a todos os veciños afectados pola concentración parcelaria da zona de Estás-Goián-Figueiró, que xa comezaron os traballos de acondicionamento dos predios, e que os traballos están sendo executados pola empresa Tragsa, coa financiación da Consellería de Medio Rural, que realizou unha aportación de 675.000 euros.

     Con este motivo, faise un chamamento aos veciños que solicitaron algún tipo de traballo, para que se acheguen ás parcelas co fin de supervisar dito traballo.

     Así mesmo, aqueles que solicitaron o acondicionamento da estrada, prégaselle que procedan a colocar os tubos precisos nas cunetas, a fin de que se poidan efectuar as obras da mellor maneira posíbel.

     Aqueles propietarios que teñan árbores e queiran que se acondicionen os seus predios (destroncar, explanar, etc..), deben proceder pola súa conta a cortar as árbores previamente.

 Os buzóns para a recollida de solicitudes xa foron retirados, pero se algunha persoa desexara presentar unha solicitude, poderá facelo ben na Casa do Concello, ben directamente ao encargado das obras de acondicionamento, ou chamando ao teléfono 686 529 314, falando con Antonio Rial.

 Tamén se poderán entregar aos traballadores, ou solicitarlles os modelos de oficios para presentar  coas peticións que correspondan.

O PPdeG pregunta a Touriño por que fuxiu de Oia, onde os afectados polos enchentes de 2006 seguen esperando que a Xunta repare os danos

O PPdeG lamenta que o presidente da Xunta, que hoxe visitou diferentes concellos da comarca do Val Miñor e Baixo Miño, non tivese tempo para achegarse ás familias de Oia afectadas polas enchentes do outono de 2006, que ano e medio despois dos sucesos, seguen agardando que o Executivo autonómico cumpra a súa palabra a repare os danos,  tal e como o propio Touriño se comprometera, persoalmente, ante os afectados.

César Pérez Ares, deputado do Grupo Parlamentario Popular, entende que a actitude amosada polo presidente da Xunta constitúe unha “fuxida dos propios compromisos de Touriño, feito que pon en evidencia que titular do Executivo autonómico carece de palabra e non é de fiar”.

Recorda Pérez Ares que o concello de Oia chegou a demandar xudicialmente á Xunta de Galicia para reclamar a materialización dos compromisos adquiridos, tanto coas familias que sufriron notables desperfetos nas súas vivendas, como para a reparación das infraestruturas afectadas polas trombas de auga. A Xunta aparece como responsable subsidiaria dos danos na medida en que as enchentes foron consecuencia dos incendios rexistrados no verán anterior xa que, a pesar das múltiples advertencias das que foi obxecto, non adoptou medida algunha para evitar ou, polo menos, minimizar as perdas producidas.

Problemas e carencias sen resolver

O deputado popular felicítase de que Pérez Touriño elixise a área costeira do sur de Galicia para pasar unha “agradable xornada de turismo institucional”, pero recórdalle que, como presidente da Xunta, ten a obriga de resolver os problemas e carencias dos cidadáns. Neste sentido, Pérez Ares recorda a Touriño que as obras da vía de alta capacidade do Baixo Miño continúan sen iniciarse e que parte do trazado dese vial segue sen ser determinado; que os parques empresariais continúan paralizados, despois de case tres anos de bipartito, mentres as empresas foxen a Portugal, onde dispoñen de solo industrial abundante e a prezos económicos; ou que os veciños de concellos como A Guarda e O Rosal reclaman desde hai meses poder acceder á televisión dixital terrestre sen que a Administración sexa capaz de ofrecer unha resposta satisfactoria.

Venres, 28 de marzo de 2008

As enquisas que realiza a Concellaría de Mocidade son anónimas e nelas non se solicita ningún dato persoal

O concelleiro de Mocidade do concello de Tomiño, Xaquín Villadangos, quere precisar en relación ao tema das enquisas realizadas por correo a mozos e mozas do municipio, o seguinte:

As enquisas son anónimas e voluntarias, xa que nas follas onde se pregunta polas preferencias dos mozos/as, non se pide ningún dato persoal. Para aquelas persoas que desexen recibir información da concellería, acompáñase outra folla para apuntar datos persoais, de modo que a enquisa propiamente dita e os datos persoais non van nun mesmo documento.

Só as persoas que desexen responder á enquisa deben enchela e depositala nas caixas habilitados a tal fin, de maneira que se alguén non quere participar, non está obrigado a facelo.

Por outra banda, todo o proceso fíxose tendo en conta a Lei Orgánica de Protección de Datos de Carácter Persoal (LOPD), como se fai constar ao pé das enquisas.

Así mesmo, o edil salienta o feito de que o goberno actual está a traballar para conseguir o rexistro dos ficheiros do departamento de Servizos Sociais, que o anterior equipo gobernante deixou sen rexistrar na Axencia Española de Protección de Datos, a pesar da súa grande importancia. 

Xoves, 27 de marzo de 2008

O goberno tomiñés leva a pleno este venres a cesión do edificio no antigo centro médico de Goián  para a posta en marcha da Galescola

O goberno de Tomiño levará a pleno este venres  unha proposta da Alcaldía que contempla a cesión dun edificio municipal para a posta en marcha da futura galescola.

A sesión, de caracter extraordinario, celebrarase de forma excepcional, o vindeiro venres ás 11 da mañá, debido a imposibilidade de facela pola tarde, como vén sendo habitual, debido a unha viaxe da alcaldesa a Bruxelas.

O edificio obxecto de cesión é o mesmo que ata hai pouco tempo funcionaba como centro médico, situado no lugar de A Calle, na parroquia de Goián. Segundo a proposta da Alcaldía, o goberno tomiñés cederá ao Consorcio Galego de Servizos de Igualdade e Benestar, unha finca de 1.830 metros cadrados, un edificio de dúas plantas e un galpón. A cesión  terá un prazo de 25 anos prorrogables por igual período.

A futura galescola de Tomiño virá a completar a oferta de prazas que ten na actualidade a escola infantil municipal “Buxaina”

As Galescolas son centros educativos da Rede Galega de Escolas Infantis de 0 a 3 anos, xestionadas polo Consorcio Galego de Servizos de Igualdade e Benestar.

Trátase dun servizo público de atención á infancia con idades comprendidas entre os 3 meses e os 3 anos, educativo asistencial, que busca adaptarse ao concepto de familia do século XXI e permitir a conciliación da vida laboral e persoal da cidadanía galega, ao tempo que facilita a súa inserción no mercado laboral.

O grupo municipal do Partido Popular de Tomiño pide o cese na “actuación irregular” da Concellaría de Xuventude requerindo a cancelación e destrución da enquisa que está levando a cabo

O Portavoz do Grupo Municipal, César Pérez Ares, considera que a enquisa que está levando a cabo a Concellaría de Xuventude, que ostenta o concelleiro do BNG Xaquín Villadango, incumpre a Lei Orgánica de Protección de Datos de Carácter Persoal (LOPD).

A Concellaría de Xuventude enviou a 3.112 adolescentes e xoves do Concello en idades comprendidas entre os 12 e 30 anos unha carta acompañada dunha enquisa sobre varias cuestións fundamentais, afectando a datos de identidade, domicilio, formación académica, ideoloxía e número de teléfono, entre outras cuestións.

Con esta actuación, o Goberno Municipal de Tomiño entra de cheo no ámbito de aplicación da Lei (art. 2).

Respecto á creación, modificación ou supresión dos ficheiros de titularidade pública, deben estar regulados polo artigo 20 da devandita Lei, así como o artigo 44.3.a, o que obriga ao Concello a publicar a disposición xeral que autorice a creación do ficheiro, cousa que esta Concellaría non cumpriu.

Ao mesmo tempo, debe cumprir o principio de consentimento do afectado, sobre todo nos menores de 14 anos, que vulnerando o artigo 6 da Lei, non deu intervención e participación aos pais, que exercen a patria potestade, comprensiva dende o dereito a participar nas decisións que poidan afectar aos seus fillos.

De feito, moitos pais e nais dirixíronse ao portavoz do Grupo Municipal Popular para mostrar o seu total rexeitamento a este tipo de enquisas, que máis parecen doutros tempos que dos actuais, onde o individuo debe ser protexido no seu ámbito particular.

O Grupo Municipal puxo en coñecemento da Axencia Española de Protección de Datos a actitude por parte desta Concellaría, non descartando outro tipo de medidas de ámbito xudicial.

Mércores, 26 de marzo de 2008

Comeza a recollida de suxestións ao inventario de Camiños Públicos en Tomiño

    Mañá comeza en Tomiño a recollida das suxestións presentadas polos veciños ao inventario de camiños públicos logo das reunións celebradas hai unhas semanas e da exposición ao público do documento.

    Un técnico irá recollendo estas alegacións polas distintas parroquias, co propósito de incorporalas logo ao inventario.

    A recollida de suxestións levarase a cabo en horario de mañá (10.00 a 13.30 horas) e tarde (16.00 a 19.30 horas), segundo o seguinte calendario:

26 de marzo: Taborda (local terreiro festa en Pazo)

27 de marzo: Currás (centro cultural)

1 de abril: Tebra (Sta. María) (centro cultural)

2 de abril: Tebra (San Salvador) (antiga escola)

3 de abril: Piñeiro (centro cultural)

4 de abril: Barrantes (baixo do pavillón)

7 de abril: Vilameán (centro cultural Perpetuo Socorro)

8 de abril: Pinzás (centro cultural)

9 de abril: Tomiño (salón de plenos)

10 de abril: Sobrada (pavillón)

14 de abril: Amorín (centro veciñal)

15 de abril: Estás (centro cultural)

16 de abril: Goián (Centro Goianés)

17 de abril: Figueiró (centro cultural)

21 de abril: Forcadela (local terreiro da festa)

    O inventario, coas correccións, será exposto novamente para comprobar que é correcto, antes da súa aprobación.

    A medida permitirá corrixir erros e omisións na representación dos camiños da vila, aínda que non vai supoñer que se abran novas vías.

Martes, 25 de marzo de 2008

O concello de Tomiño recollerá o cartón dos comercios para mellorar o impacto visual e facilitar o tránsito dos peóns

O concello de tomiño organizará a recollida de cartón comercial, coa finalidade de facilitar aos comerciantes a xestión da cartonaxe que producen nos seus establecementos, sen ter que depositala nos colectores da rúa, evitando así a saturación destes.

Coa medida preténdese, segundo explicou o concelleiro delegado de Medio Ambiente, Santiago Vergara, mellorar o aspecto das rúas, sobre todo no casco céntrico de Tomiño e Goián, “eliminando a existencia ao pé dos colectores, de cartón e caixas que ademais do impacto visual que producen, resultan unha molestia para o tránsito dos cidadáns, xa que moitas veces, desbordan os depósitos”.

O servicio consistirá basicamente nunha recollida periódica do cartón comercial en todos aqueles establecementos que se adhiran a este servizo, sen que isto teña para eles custe económico algún, xa que a recollida de cartóns está incluída na nova concesión do servicio outorgada á empresa Urbaser.

Nova ordenanza

O pasado día 11 de marzo, saíu publicada no BOP a nova Ordenanza de convivencia, residuos e limpeza viaria, que comezará a pórse en práctica en breve no concello de Tomiño.

Esta ordenanza regulará tamén, por primeira vez en Tomiño, a colocación de colectores de obra, cada vez máis frecuentes, e que ata agora carecían de regularización.

Entre os servizos incluídos na nova ordenanza, figuran os de limpeza viaria, que abarcará tamén a limpeza de solares e zonas sen urbanizar de titularidade municipal; un plan específico para a tempada de verán, Nadal e Entroido; a limpeza de pintadas en fachadas, vías públicas, mobiliario urbano, aparcamentos; retirada de carteis e pancartas, e limpeza de mercadiños, mercados (exterior), feiras, festas, actos deportivos, zonas de ocio, etc.

Santiago Vergara Álvarez, explicou que todas estas melloras faranse dentro dunha política de contención do gasto, o que implica solo un 20% de aumento no gasto de lixo que non repercutirá no recibo dos veciños.

Venres, 21 de marzo de 2008

A concellería de Obras acomete varias melloras en Cotro e outros barrios de Tomiño

      A Concellería de Obras e Acción Rural, que dirixe Francisco Campo Lago, emprendeu distintas obras en varias parroquias e barrios de Tomiño, coa finalidade de concretar melloras que os veciños viñan reclamando.

      No barrio de Cotro, procedeuse a limpar todas as rúas e se está a construír unha rotonda axardinada, onde se instalará un farol de tres brazos que dará maior iluminación á zona. Ademais, habilitouse un lugar para colocar colectores, e se prevé mellorar a zona onde hai un vello parque, reemplazando este último por un novo e creando unha rota a través dunha fonte antiga e tres muíños existentes no lugar.

      Así mesmo, procedeuse a limpar cunetas en Tomiño, barrio de Santa Rosa; estrada de Barrantes a Rexidouro, realizándose melloras tamén en pistas de Amorín, Forcadela e Figueiró.

      A maioría das obras emprendidas nos últimos meses, lévanse a cabo con financiación municipal na maioría dos casos, e para outras, como a substitución de parques infantís, estase a xestionar subvencións e axudas doutras administracións.

Máis de 130 rapaces de Bueu, Meaño, Pazos, Tomiño e Vilanova viaxan coa Deputación de pontevedra á estación de esquí de San Isidro, en León

Un total de 137 rapaces dos I.E.S. Johan Carballeira e Illa de Ons (Bueu), Meaño (Meaño), Curros Enríquez (Pazos de Borbén), Tomiño (Tomiño) e Faro das Lúas (Vilanova de Arousa) viaxarán a través do programa Semanas Brancas da Deputación de Pontevedra á Estación de Esquí de San Isidro, en León.

Os rapaces, que sairán desde os seus respectivos colexios o domingo 23 de marzo, irán acompañados por dous profesores de cada centro e dous monitores de ocio e tempo libre.

Todos eles hospedaranse durante a súa estancia nos Apartamentos Toneo e La Recorba. Durante os cinco días de estancia poderán disfrutar dun cursiño de esquí dun total de dez horas de duración impartido polos monitores da Escola Española de Esquí durante dúas horas cada día, acreditación con diploma ó remate do mesmo, aluguer do material deportivo da marca Rosignol —inclúese casco e peto identificativo, así coma secabotas—, forfait para os cinco días, monitores de tempo de lecer durante as 24 horas.

Ademais de visitas a León, ó Torreón e ó Parque de Puebla de Lillo, actividades para as horas que non se practiquen clases de esquí, isto é: trineos, tix, xogos de animación, construción de iglús, de bonecos de neve, obradoiros de manualidades, sesións de cine, charlas sobre esquí, etc. Asemade, contemplarase unha serie de actividades alternativas no caso de que as condicións meteorolóxicas impidan o desenvolvemento normal da actividade.

O programa Semanas Brancas da Deputación de Pontevedra busca achegar o esquí ós centros da ESO fomentando o traballo en equipo e a convivencia entre os rapaces a través dun deporte practicado no medio natural.

Mércores, 19 de marzo de 2008

A Campaña de Seguridade Vial de Tomiño resulta un éxito, sen ter que poñer unha soa sanción

A campaña de concienciación para respectar as normas de tráfico e seguridade vial organizada pola Concellería de Seguridade, Tráfico e Transporte, que dirixe Julia Cascón, supuxo un rotundo éxito, segundo informaron a concelleira e os axentes da Policía Local, encargados de levar á práctica  a medida preventiva.

Durante as tres semanas de duración da campaña (do 11 ao 29 de febreiro), non se impuxo ningunha multa por infraccións. En cambio, producíronse unhas 300 advertencias (posibles infraccións), a conductores de coches mal estacionados, en dobre fila, zonas amarelas, de carga e descarga ou bados. Tamén foi significativo o número de advertencias feitas en horas de saída dos colexios da localidade.

O xefe da Policía Local de Tomiño, José Ramón Álvarez Rivero, salientou a boa disposición da xente que era avisada da súa posible infracción. “Explicábaselles a infracción que estaban a cometer e os posibles efectos que esta tería fóra da campaña”, comentou o axente municipal, referindo que moitas das persoas que recibían o impreso da advertencia crían que foran multados”.

A campaña formou parte da nova planificación de traballo da Policía Local, que está facendo posible abordar servizos que antes non se podían ofrecer, como a presencia policial no horario de saída dos centros educativos varios días á semana; maior seguridade vial e control do tráfico nos núcleos de Goián e O Seixo, polas mañás, e maior atención ás parroquias polas tardes.

A campaña xurdiu despois de observar un importante número de infraccións ás normas de tráfico e seguridade vial, que se producían a diario na vila. “Cremos que é necesario informar e educar á xente neste tema, para evitar infraccións e aumentar a concienciación sobre a seguridade vial”, comentou Julia Cascón, partidaria de fomentar un cambio de actitude antes de proceder directamente a multar aos veciños que non cumpran as disposicións.

Dende a Concellería de Seguridade, Tráfico e Transporte, quérese resaltar o esforzo realizado polos efectivos  municipais, que abordan o conxunto de traballo con solo cinco policías, nun concello de case 12.000 habitantes.

Neste sentido, Julia Cascón indicou que o persoal ampliarase en breve coa incorporación de dous auxiliares e a creación de dúas novas prazas.

Plan de Emerxencia Municipal para o concello de Tomiño

O Concello de Tomiño conta xa cun Plan de Emerxencia Municipal (PEMU) que lle permitirá dar resposta ás situacións de emerxencia que se presenten, dunha forma sistematizada e eficiente, sen que as decisións que se adopten sexan froito da improvisación.

O PEMU foi aprobado inicialmente, por unanimidade, no último pleno, celebrado o día 29 de febreiro pasado.

Elaborado pola empresa Veicar, o novo plan permitirá solicitar subvenciones  e axudas para a adquisición de vehículos contra incendios e salvamento. Trátase dun instrumento de caracter técnico, composto por un conxunto de normas e procedementos de actuación que constitúen un sistema de resposta da Administración Local fronte a situacións de emerxencia que se produzan no Concello. A concelleira delegada da área, Julia Cascón, salientou que “en casos de emerxencia, as respostas non serán froito da improvisación, senón as máis adecuadas á cada situación”.

Romaría do Lanzo da Cruz en Escampados, Sobrada

    O domingo comeza a Romaría do Lanzo da Cruz en Escampados, Sobrada, Tomiño. Ás 8 da mañá farán un pasarrúas os Gaiteiros de Muimenta e a Treboada Baixo Miño. A verbena será amenizada por Costa Mar e Júpiter e ás doce da noite terán queimada gratis.

    O luns, ás 12.30h, celebrarán Misa solemne no recinto de festas e logo sairán cara o río xunto co párroco e a cruz para proceder ao lanzo da cruz. Actuarán os Regueifeiros Os Ghordechos, as pandereterias do Lavadoiro, Gaiteiros de Muimenta e Treboada Baixo Miño. A verbena correrá a cargo de Aramio e o grupo Ilusión. O recinto estará cuberto cunha carpa

Martes, 18 de marzo de 2008

Goián homenaxea ás súas avoas centenarias

O Centro Goianés acolleu, o pasado domingo, unha emotiva homenaxe a dúas mulleres centenarias da parroquia tomiñesa de Goián: Bienvenida Ozores Flórez e Hermesinda, “Sinda”,  Rodríguez Pérez.

Ao acto, que contou coa colaboración da Concellería de Sanidade e Benestar Social e tivo lugar no salón de actos do Centro Goianés a partir das 18 horas, asistiron a alcaldesa de Tomiño, Sandra González Álvarez, o concelleiro de Sanidade e Benestar Social, Pablo Baquero e outros representantes municipais e de asociacións locais.

O salón de actos do Centro Goianés encheuse de xente desexosa de contemplar e escoitar ás mulleres máis centenarias da localidade.

O responsable da Concellería de Benestar Social, Pablo Baquero, resaltou trala homenaxe a trascendencia deste tipo de actos, xa que amosan o valor que damos aos nosos maiores e o respecto polas súas lembranzas.

Bienvenida Ozores non puido estar presente nesta homenaxe por razóns de saúde, pero si o fixo a súa filla. Á primeira, visitárona antes do acto membros do goberno local, para levarlle un ramo de flores, unha praca alusiva e trasladarlle o afecto e a admiración do pobo.

A presentación do acto estivo a cargo de dúas señoras maiores da vila, Tinita e Eva, que falaron da vida das dúas homenaxeadas, relatando anécdotas das súas longas e ricas existencias. Logo foi a propia Sinda Rodríguez a que comentou, en primeira persoa e con total lucidez, moitas das súas vivencias, facendo rir aos presentes máis dunha vez. Entrevistada polas presentadoras, foi relatando experiencias da súa mocidade, de como era a vida naqueles tempos, contando, incluso, algúns detalles da guerra.

O acto contou co acompañamento do grupo de pandereteiras de Estás, que abriron e pecharon a homenaxe ás avoas centenarias.

O concello de Tomiño destaca a traxectoria da Banda de Gaitas de Barrantes, que conseguiu o primeiro posto no certame celebrado este fin de semana en Melón (Ourense)

    O concelleiro de Cultura, Educación e Participación Veciñal do Concello de Tomiño, Jesús Castiñeira, destaca a traxectoria da Banda de Gaitas San Vicente de Barrantes, que vén de quedar primeira clasificada no cuarto grado na 2ª fase do XVIII Campionato da Liga Galega de Bandas de Gaitas, organizado pola Federación Galega de Bandas, dentro da Liga Rexional, celebrado o pasado domingo, día 16 de marzo, en Melón (Ourense).

    Na clasificación xeral a Banda de Barrantes segue primeira, nunha competición composta por 16 grupos. A final disputarase, previsiblemente o último domingo de xullo, en Cabeza de Manzaneda. De lograr o primeiro posto, a banda ascendería directamente a terceira categoría.

    A Concellaría de Cultura, Educación e Participación Veciñal do Concello de Tomiño colaborou no desprazamento dos músicos. Estes contaron cunha ampla representación de seguidores que desexaron arroupar ao Grupo, sumando máis de 200 persoas, acompañadas polo concelleiro de Barrantes, Fernando Álvarez (CdT).

    Jesús Castiñeira, Concelleiro de Cultura, felicitou persoalmente á formación, a través do seu director, Hipólito Cabezas, e destacou este novo éxito, recoñecendo o importante traballo realizado nos últimos anos que supuxeron unha constante e meritoria traxectoria. O edil animou a seguir no camiño iniciado afirmando que “estamos ante un dos grupos máis dinámicos de todo o municipio, orgullo de Barrantes e de todos os tomiñeses”.

Luns, 17 de marzo de 2008

A Banda de Gaitas San Vicente de Barrantes (Tomiño) acada o primeiro posto no “XVIII Campionato da Liga Galega de Bandas de Gaitas

O domingo, día 16 de marzo, realizouse a 2ª fase do XVIII Campionato da Liga Galega de Bandas de Gaitas no concello de Melón (Ourense), coa participación de 16 Bandas de Gaitas, quedando primeira clasificada no 4º Grao a “Banda de Gaitas San Vicente de Barrantes”, de Tomiño.

Unha vez máis dende a Asociación Veciñal e Cultural San Vicente de Barrantes e dende a Comunidade de Montes felicitan aos membros da Banda de Gaitas da Parroquia, xa que ata o momento presentáronse a 5 Campionatos e nos 5 quedaron primeiros de Grupo no prestixioso Campionato de Liga Galega de Bandas de Gaitas. Extenden a felicitación ao seu director Hipólito Cabezas, e por suposto a toda a parroquia de Barrantes que asistiron a dito Campionato en masa, xa que foron a animar a Banda de Gaitas más de 200 persoas.

O agradecemento vai tamén para o concello de Tomiño en especial á Concellería de Cultura, Educación e Participación Veciñal pola súa colaboración.

            A Comunidade de Montes de Barrantes e a Asociación Veciñal e Cultural de San Vicente de Barrantes, en nome dos membros da Banda de Gaitas, dedican este éxito a Daniel Rodriguez, compoñente da Banda de Gaitas de San Vicente de Barrantes que se encontra hospitalizado por un accidente de moto, desenxado que se re recupere pronto.

Bandas participantes:

Sábado, 15 de marzo de 2008

Do 20 ao 23 de marzo competición de Tiro ao Prato en Figueiró

            Os vindeiros días 20, 21, 22 e 23 de marzo terá lugar no Campo das Fonteiriñas, en Figueiró (Tomiño), unha competición de Tiro ao prato na modalidade  de percorrido de caza.

            Os tres primeiros días, do 20 ao 22, terán lugar os adestramentos, con premios para o 1º e 2º clasificados. O día 23 será a tirada oficial con grandes premios e, anticipando os organizadores, que haberá sorpresas.

As obras da vía de alta capacidade do Baixo Miño comezarán con tres anos de retraso sen cambio algún nos trazados iniciais

    As obras de execución dos dous primeiros tramos da vía de alta capacidade do Baixo Miño comezarán, no mellor dos casos, con tres anos de retraso e executaranse de acordo co proxecto que deixara ultimado o anterior Goberno do PPdeG, con idéntico trazado e posibilidade de desdobrar a VAC en autovía.

    Fronte ás interpretacións interesadas efectuadas desde a Xunta, César Pérez Ares, deputado autonómico do PPdeG, aclara que o Consello do xoves limitouse a declarar a utilidade pública e a urxente ocupación dos terreos necesarios para o tramo que enlazará Goián coa Guarda, cun investimento de 4,6 millóns de euros en expropiacións. O importe de 64,4 millóns de euros anunciado polo Goberno é o custe de todo o tramo, que está aínda lonxe de ser investido por mor do retraso de tres anos que continúa sen ser explicado, na medida en que non se ten efectuado modificación algunha no proxecto que foi elaborado na anterior lexislatura polo Executivo do PPdeG.    

Trazado pendente

    Pérez Ares insiste en reclamar ao bipartito que faga público o trazado do treito aínda sen definir, o que deberá enlazar Tomiño con Goián. Pese ás insistentes promesas do PSOE antes das pasadas Eleccións Autonómicas de modificar o trazado, o certo é que dous anos e medio despois do cambio de Goberno, a Xunta segue sen desvelar por onde pretende construír o vial mentres os problemas derivados da saturación do tráfico rodado na zona se suceden a cotío e van a máis a medida que se achega o período estival.

    O deputado popular subliña que a Xunta de Galicia ten contraída unha débeda moral cos habitantes da comarca e cos usuarios habituais da estrada PO-552 polo retraso que acumulan as obras da vía de alta capacidade do Baixo Miño. Por iso, Pérez Ares insta ao Executivo autonómico a duplicar as dotacións presupostarias previstas para financiar estas obras durante o ano en curso e nos sucesivos co obxectivo de reducir á metade o prazo de execución desta obra pública.

    O PPdeG insiste en que seguirá efectuando un seguimento exhaustivo, tanto desde a Cámara autonómica, como desde a súas representacións municipais, dos distintos trámites que vaia efectuando a Xunta para materializar a VAC do Baixo Miño.

Perda de competitividade fronte a Portugal

    Calquera nova anomalía será denunciada nun intento de evitar que o Executivo de Pérez Touriño continúe “tomando o pelo e faltando ao respecto” dos habitantes da comarca, ameazada por unha crecente perda de competitividade fronte aos veciños portugueses da outra marxe do Miño, que contan con vías de comunicación modernas e solo industrial abundante, mentres na parte galega a Xunta lles nega esas dotacións.

O Departamento de Igualdade de Tomiño organiza un Curso de Graduado en ESO, dirixido a mulleres

O Departamento de Igualdade do Concello de Tomiño organiza un curso para obter o graduado en ESO, gratuito e dirixido a mulleres.

As interesadas en face-lo curso, poden apuntarse ata o vindeiro martes 26 de marzo, na Oficina de Igualdade do Concello, sita en rúa Colón s/n, a carón da praza de abastos, en horario de mañá, ou chamando ao teléfono 986-60 80 70.

Venres, 14 de marzo de 2008

O Centro Social de Estás acolle desde o domingo e ata o 23 de marzo, a exposición de Pilar Piñeiro “Cor de Area”

            O vindeiro domingo, día 16, ás 12 do mediodía, vaise inaugurar en Estás a exposición “Cor de Area”, de Pilar Piñeiro, unha mostra que se anuncia como “filtrando area pola peneira da paciencia”.

            A mostra poderá visitarse, no Centro Social de Estás, ata o 23 de marzo, polas mañás, de 12.00 a 14.00h, e polas tardes, de 17.00 a 21.00 horas.

            Pilar Piñeiro recorda, no cartel que serve de portavoz desta mostra, que “aprendín a técnica de decoración con areas nun obradoiro de Fuerteventura, onde esta influencia débese á súa proximidade con África, posiblemente orixe desta variante artesanal. Despois voltei a Goián, coa intención de aplicar esta técnica aos materiais que a zona do Baixo Miño podería proporcionarme”.

            Explica a artista que “O proceso, ata o acabado final da peza, pasa por diversas fases ata conseguir o resultado desexado. As cores son naturais e proceden de areas de praias e de pedras diferentes, que despois de trituradas e peneiradas proporcionan cores e texturas variadas.

            Todo este proceso é enteiramente realizado a man o que fai que cada peza sexa única”.

A Pascua celébrase en Tomiño cunha semana de obradoiros e contacontos

    A Concellería de Cultura, Educación e Participación Veciñal, que dirixe Jesús Castiñeira, organiza unha serie de obradoiros e sesión de contacontos, coincidindo coa Semana Santa.

    Os actos comezan o luns 17, cun obradoiro de bonecos articulados, que terá lugar de 5 a 7 da tarde, na Praza do Seixo.

Á mesma hora e no mesmo lugar, o martes 18, haberá un obradoiro de chaveiros; o mércores 19, un de marcos de fotos; o xoves 20, un de abelorios, e o venres 21, outro de reciclaxe para facer un lapicero.

    O sábado 22, de 5 a 6 da tarde, haberá un contacontos baixo o título “Areta e Mare”.

    Por último, o domingo 23 se pechará a programación de Pascua cun obradoiro final de chapas. Será tamén na Praza do Seixo, entre as 5 e as 7 da tarde.

    Jesús Castiñeira lembrou que as actividades se enmarcan dentro do Plan Cultural do Concello de Tomiño, e están especialmente dirixidas aos máis pequenos da vila, co fin de brindarlles unha alternativa de ocio en épocas non lectivas e, ao mesmo tempo, colaborar nalgunha medida cos pais e nais na compatibilización da vida familiar e laboral.

Medio Rural realizará un investimento de máis de 50 mil euros para reformar o antigo parque de bombeiros

        A Delegación Provincial de Medio Rural realizará un investimento de 52.985,02 euros destinados á execución de obras de acondicionamento do local de encontro do persoal do Servicio de Prevención e Defensa contra Incendios Forestais, sito no barrio de Mosteiro (parroquia de Tomiño).

        A obra consistirá basicamente na reorganización dos espazos interiores do edificio coñecido como antigo parque de bombeiros, sen que se produza aumento de volume.

        Segundo o proxecto da reforma, redactado pola enxeñeira Carmen Quiñónez Estevez, os revestidos das fachadas executaranse en cor branca, a carpintería exterior será de cor madeira, verde, branco ou bronce, e a cuberta, de tella árabe.

        O titular da Delegación Provincial de Medio Rural, Gonzalo Constenla Bergueiro, estivo en Tomiño co fin de visitar o edificio onde se acometerán en breve as reformas.

        O delegado explicou que as reformas responden á intención de mellorar as condicións de traballo das brigadas contra incendios forestais destacadas na zona de Tomiño. Cando a Xunta optou por ter un mando único sobre estas brigadas, fíxose necesario dotarllas dun punto de encontro, que poderá servir nun futuro para outros colectivos que o precisen.

Gonzalo Constenla completou a súa visita a Tomiño, percorrendo a zona

de concentración parcelaria.

        O mandatario destacou durante a súa visita o compromiso da Consellería de valorar a posibilidade de facer un estudo  integral das necesidades e deficiencias que continúan pendentes na zona de Panascos, co fin de poder poñer en valor eses terreos en favor dos productores que queiran traballar a terra.

        A alcaldesa de Tomiño, pola súa parte, manifestou a súa satisfacción polo compromiso constante da Consellería de Medio Rural co Concello, e lembrou que as instalacións que se reformarán con este investimento precisaban dunha mellora, o que se trasladou á Consellería, obtendo unha pronta solución.-

Xoves, 13 de marzo de 2008

Curso de control do Estrés  e da Ansiedade na Época de Exames en Tomiño

    Este venres comeza en Tomiño un Curso de Control do Estrés e da Ansiedade na Época de Exames organizado pola Concellería de Xuventude. Impartirase  de 18 a 19:30 horas na Casa de Cultura de Tomiño.

Concerto da Banda de Música do Conservatorio Profesional de Música de Vigo  mañá venres en Goián

    Mañá venres, ás 20.30 horas, o Auditorio de Goián acollerá un concerto da Banda de Música do Conservatorio Profesional de Música de Vigo. Baixo a dirección de Juan Carlos Díaz Álvarez, interpretarán una decena de temas de diferentes estilos e épocas.

    Esta actividade  forma parte do ciclo de concertos do conservatorio, organizado coa colaboración da Concellería de Cultura de Tomiño, que dirixe Jesús Castiñeira Diz.

    Este concerto é froito do traballo realizado nas clases correspondentes aos departamentos de Música de Cámara e Orquestra do mencionado conservatorio, polo que os músicos son na súa gran maioría, alumnos de Grado Profesional.

    O terceiro e último concerto deste ciclo terá lugar o día 4 de abril, coa Orquestra Filarmónica do Conservatorio Profesional de Música de Vigo, e dirección de Javier Viceiro.

Hoxe e mañá inscrición para o programa de Balnearios en Tomiño

    Hoxe e mañá os veciños e veciñas de Tomiño que desexen participar no programa de Balnearios que promove a Deputación deben inscribirse nos Servizos Sociais do Concello de Tomiño, en horario de mañá.

    A Concellería de Benestar Social de Tomiño informa que o Programa Diúrno de Carácter Lúdico de Balnearios ten por obxecto proporcionar ás persoas a partir de 50 anos, pensionistas, o con necesidade de respiro familiar (necesario informe da traballadora social), a oportunidade de pasar cinco mañás ou tardes seguidas (de luns a venres) nun balneario da provincia, como poden ser Cuntis, A Toxa ou Mondariz.

    Cada semana das dúas campañas previstas (primavera e outono), sairá un autobús que recollerá aos beneficiarios trasladándolles aos balnearios elixidos, onde permanecerán unha media de dúas horas, antes de regresar á vila.

    Pablo Baquero, concelleiro delegado de Benestar Social e Sanidade, indicou que “dende a concellería, vemos moi positivo este tipo de actividades que, por outra banda, son moi demandades polas persoas maiores, polo que esperamos que teñan unha moi boa acollida”.

    Outro programa de interese social no que participa o Concello a través da Concellería de Benestar Social, é o denominado “O meu primeiro voo 2008”; unha iniciativa promovida pola Deputación, destinada a alumnos/as de 3º e 4º da ESO, que desexen voar en avión ata a capital española.

    O programa foi moi ben acollido no IES de Tomiño, segundo informou Pablo Baquero, responsable da área de Benestar Social do Concello.  Deste xeito, un centenar de alumnos/as do segundo ciclo da ESO, terán oportunidade de viaxar en avión a Madrid e pasar un día nesa cidade, visitando os lugares máis emblemáticos da mesma, como poden ser o Museo do Prado, o Madrid dos Austrias e dos Borbóns, o Zoo, etc.

    Este programa ten como fin potenciar o compañeirismo, a convivencia, a solidariedade e acadar ao mesmo tempo, un maior enriquecemento cultural.

Martes, 11 de marzo de 2008

O goberno promove a revisión do actual inventario de camiños municipais

O goberno municipal de Tomiño celebrará unha serie de reunións informativas nas diferentes parroquias da localidade, co fin de proceder á revisión do actual inventario de camiños municipais.

O anterior goberno aprobou, no ano 2005, un inventario de camiños que contén numerosos erros e incorreccións, que están a producir moitos problemas para a concesión de licenzas.

Por todo isto, o goberno actual vén de abrir un proceso de revisión coa finalidade de subsanar os mencionados erros e promover unha maior participación cidadá e transparencia no proceso.

En primeiro lugar, celebraranse reunións informativas nas parroquias, quedando exposto durante 15 días o actual inventario co fin de que os veciños/as fagan as alegacións que consideren oportunas. Ademais, un técnico recollerá ditas alegacións que se incorporarán logo ao inventario. Este inventario, coas correccións será exposto novamente para comprobar que é correcto, antes da súa aprobación.

A medida, permitirá corrixir erros e omisións na representación dos camiños da vila, aínda que non vai supoñer que se abran novas vías.

As primeiras tres reunións xa tiñeron lugar onte, luns, nas parroquias de Forcadela, Amorín  e Currás.

Hoxe, martes, as reunións serán en Vilameán (centro cultural Perpetuo Socorro, ás 19.30 horas); Tebra. San Salvador (antiga escola, ás 20.30 horas), e Tebra. Santa María (centro cultural Santa Mª de Tebra, ás 21.30 horas).

O mércores 12, será en Pinzás (centro cultural, ás 19.30 horas); Barrantes (baixo do pavillón, ás 20.30 horas), e Tomiño (casa da cultura, ás 21.30 horas).

O xoves 13, a reunión levarase a cabo en Taborda (local terreiro festa en Pazo, ás 19.30 horas); Piñeiro (centro cultural, ás 20.30 horas), e Sobrada (pavillón de Sobrada, ás 21.30 horas).

Por último, o venres 14, pecharase o ciclo de reunións en Estás (centro cultural, ás 19.30 horas); Figueiró (centro cultural, ás 20.30 horas), e Goián (Centro Goianés, ás 21.30 horas).

Tomiño colabora cos programas de balnearios e de “O meu primeiro voo”, dirixidos a maiores e alumnos de ESO, respectivamente

O Concello de Tomiño, a través da súa Concellería de Benestar Social, participa en dous programas promovidos pola Deputación Provincial.

        O Programa Diúrno de Caracter Lúdico de Balnearios ten por obxecto proporcionar ás persoas a partir de 50 anos, pensionistas, o con necesidade de respiro familiar (necesario informe da traballadora social), a oportunidade de pasar cinco mañás ou tardes seguidas (de luns a venres) nun balneario da provincia, como poder ser Cuntis, A Toxa ou Mondariz.

Cada semana das dúas campañas previstas (primavera e outono), sairá un autobús que recollerá aos beneficiarios trasladándolles aos balnearios elixidos, onde permanecerán unha media de dúas horas, antes de regresar á vila.

Pablo Baquero, concelleiro delegado de Benestar Social e Sanidade, indicou que “dende a concellería, vemos moi positivo este tipo de actividades que, por outra banda, son moi demandades polas persoas maiores, polo que esperamos que teñan unha moi boa acollida”.

        Os interesados en participar neste programa, poden presentar as súas solicitudes os vindeiros días xoves 13 e venres 14 de marzo nos Servizos Sociais do Concello de Tomiño, en horario de mañá.

 “O meu primeiro voo 2008”

Outro programa de interese social no que participa o Concello a través da Concellería de Benestar Social, é o denominado “O meu primeiro voo 2008”; unha iniciativa promovida pola Deputación, destinada a alumnos/as de 3º e 4º da ESO, que desexen voar en avión ata a capital española. O programa foi moi ben acollido no IES de Tomiño, segundo informou Pablo Baquero, responsable da área de Benestar Social do Concello.  Deste xeito, un centenar de alumnos/as do segundo ciclo da ESO, terán oportunidade de viaxar en avión a Madrid e pasar un día nesa cidade, visitando os lugares máis emblemáticos da mesma, como poden ser o Museo do Prado, o Madrid dos Austrias e dos Borbóns, o Zoo, etc.

Este programa ten como fin potenciar o compañeirismo, a convivencia, a solidariedade e acadar ao mesmo tempo, un maior enriquecemento cultural.

Sábado, 8 de marzo de 2008

O concello de Tomiño solicita un programa experimental de emprego para os desempregados de Marbar e parados de longa duración

O Concello de Tomiño solicitou a mediados de febreiro un Programa Experimental de Emprego, co fin de dar unha saída laboral aos desempregados da empresa Marbar e outros parados de longa duración.

Dende que comezou a crise desencadeada polo peche da empresa Marbar, o goberno municipal estivo en contacto permanente coa Consellería de Traballo para buscar unha solución aos traballadores directamente afectados, así como ás empresas provedoras e outros acredores que traballaban coa constructora.

Os representantes locais mantiveron contacto permanente cos traballadores, de forma directa e a través do sindicato CIGA, que tivo un papel fundamental dando apoio aos afectados.

A alcaldesa de Tomiño, Sandra González Álvarez, indica que a interlocución coa Delegación Provincial de Traballo foi produtiva e fructífera, xa que rápidamente se comprendeu a excepcionalidade da situación, dándose resposta á demanda do Concello para axudar ás familias afectadas.

A rexedora salienta ademais, que o Concello funcionou a través dos seus técnicos de emprego, prestando os seus servizos e servindo de interlocutores con moitos empresarios que ofertaban prazas co perfil dos traballadores afectados. “Dende o Concello encaramos a situación de crise dende dúas frontes: por un lado, cos técnicos de emprego que estiveron en contacto permanente cos traballadores de Marbar, informándolles das ofertas do sector, e por outro, o goberno fixo de interlocutor coa Delegación Provincial de Traballo, á que solicitou axuda específica, que se viu traducida na solicitude do Programa Experimental de Emprego de Tomiño”, explicou a alcaldesa.

Este programa estaría dirixido especialmente a desempregados que perciban un subsidio, pero de haber prazas, aceptaríase tamén a parados de longa duración e colectivos con dificultade de inserción laboral, como mulleres e minusválidos, entre outros.

A acción permitiría dar orientación individualizada e formación específica para conseguir unha maior empregabilidade e competitividade dos participantes. O programa incluiría tamén a posta en contacto coas empresas interesadas en contratar traballadores da zona, e conseguir así a máxima porcentaxe de recolocacións, que o Concello fixa de antemán nun mínimo do 50 por cento.

Tomiño conta cunha Oficina de Igualdade que ofrece orientación e formación ás mulleres da localidade

Na mañá de onte presentouse en rolda de prensa a Oficina de Igualdade do concello de Tomiño, que ten como obxectivo promover as condicións dunha igualdade efectiva entre os homes e as mulleres, apoiar a estas últimas na superación das discriminacións que aínda existen, e favorecer a súa participación na vida pública.

A alcaldesa de Tomiño e responsable do Departamento de Igualdade, Sandra González, presentou a nova oficina acompañada pola técnica da área, Marta Gil González, con ampla experiencia en temas de xénero.

A rexedora local salientou o feito de que é a primeira vez que Tomiño conta cunha oficina especialmente concibida para a muller. O servizo xurdiu da inquedanza por ofrecer un espacio ás mulleres de Tomiño onde atopen asesoramento, información e asistencia.

A oficina, que leva en funcionamento xa algúns meses, tratará de incidir tamén na educación, prevención e sensibilización social sobre temas como violencia de xénero, machismo e discriminación.

Sandra González salientou que a presentación da oficina fíxose coincidir nesta data coma homenaxe aos 100 anos do Día da Muller Traballadora. Por outra banda, esperouse a ter unha programación pechada antes de dar a coñecer publicamente o departamento. Nos primeiros meses de funcionamento, intentouse recabar a información necesaria para coñecer as necesidades e preferencias das usuarias e sentar as bases para a súa atención.

Outra liña de traballo é a do fomento do emprego feminino, co apoio ás iniciativas empresariais, asesoramento curricular, e bolsa de emprego para mulleres.

E tan importante como o anterior é a formación, xa que esta é a base da maior parte dos cambios sociais que se pretenden promover.

Dentro deste eido, está previsto organizar diferentes conferencias, xornadas e cursos, itinerarios formativos e de aplicación das novas tecnoloxías.

A día de hoxe están organizadas xa varias actividades e cursos, como o de Graduado da ESO, para o que xa está aberto o prazo de matrícula; Informática e aplicacións de novas tecnoloxías. Dentro deste apartado, impartiranse polas parroquias diferentes cursiños de informática básica, internet, deseño gráfico, creacións de páxinas web e idiomas; Organización de obradoiros de autoestima, charlas sobre as novas leis de dependencia e violencia de xénero; Así mesmo, están previstas unhas xornadas sobre hábitos saudables e a colaboración nun bo número de actividades organizadas por asociacións ou grupos de mulleres, nos máis diversos temas.

En abril, coincidindo coa Mostra de Cultivos do Baixo Miño, organizarase unha mostra fotográfica sobre as mulleres que traballan nos viveiros da zona, que son a ampla maioría da man de obra destes establecementos (máis do 90%); no mes de maio, celebrarase un obradoiro de itinerarios de emprego relacionado coa agricultura ecolóxica, o turismo rural e outros temas de desenvolvemento local, e se está a traballar na celebración de actividades conxuntas entre as concellerías de Igualdade e Medio Ambiente.

Co respecto á atención de casos de violencia de xénero, a responsable da oficina informou que as usuarias son derivadas ao CIM da Guarda, aínda que nun par de meses, un equipo multidisciplinar da oficina de Igualdade e Benestar de Gondomar, se desprazará periodicamente para atender en Tomiño.

Na rolda de prensa presentouse tamén a cartelería e postais feitas para promocionar a Oficina, nos que se incluíu información básica e teléfonos de atención e interese para a muller.

Deuse conta ademais das reunións mantidas coas asociacións locais para difundir a oficina e fomentar a creación de vocalías para xestionar a solicitude de axudas e realización de proxectos que fomenten á participación das mulleres.

Con respecto ás demandas das usuarias que nestes primeiros meses se achegaron á oficina, a técnica indicou que “a maioría solicita asesoramento, busca un traballo ou pregunta por formación”.

Venres, 7 de marzo de 2008

O Grupo Popular denuncia que a Xunta malgasta o presuposto nas obras de mellora da PO-350 e non resolve un problema de presente

O deputado popular do Baixo Miño, César Pérez Ares, denunciou na Comisión de Ordenación Territorial celebrada onte no  Parlamento de Galicia que a Xunta malgasta os cartos facendo obras a medias e sen resolver definitivamente os problemas máis importantes nas obras correspondentes á mellora da PO-350 que une os concellos de Tui e Tomiño a través da parroquia de Areas (Tui) e Hospital (Tomiño). Esto prodúcese, desde o PP, porque non contemplan unha actuación para resolver o conflicto do tráfico na zona, como son as tres pontes que a atravesan, o ancho da estrada ou as cunetas.

Pérez Ares mostrou unha gran decepción ante a resposta do Director Xeral de Obras Públicas, que contestou a unha pregunta do deputado popular, xa que os motivos fundamentais para a xustificación da mellora do vial non son atendidos. “Non se producen expropiacións, o que significa que a ampliación do vial vai a ser máis ben escaso, mellorando tan só 1,20 metros e con escaso marxe para o arcén. En Piñeiro non se van facer beirarrúas -a pesar de que hai vivendas a ambos lados do vial- o que melloraría en gran medida a seguridade viaria e  podería aproveitarse para colocar os tubos de saneamento. O mesmo vai ocurrir na parroquia de Taborda”.

Dobre moral socialista no goberno e na oposición

Para o deputado popular, a Xunta non se toma en serio a reforma do vial, que é unha estrada secundaria moi utilizada polos veciños das parroquias de Areas, Piñeiro, Taborda e Hospital, e que serve de enlace coa estrada de Gondomar. Así indicou que nesta reforma non se ten en conta para nada reformas nas tres pontes que a atravesan como son as de Areas, Piñeiro ou Taborda.

Pérez Ares criticou a “dobre moral socialista” xa que o PSdeG-PSOE,  nas últimas eleccións municipais, demandaba a construción dunha nova ponte ou a reforma da actual para que deixara de ser un “perigoso tapón nunha estrada xa demasiado estreita para o tráfico que soporta”, segundo unha folla informativa amosada polo deputado popular. Sen embargo, “unha vez que chegan ao poder os socialistas esquecen todos os seus argumentos de campaña e non se prestan a solución dos problemas dos veciños”.

    Por outra parte o sábado día 15 ábrese o prazo de inscrición para as actividades do mes de abril.  A oferta contempla un Programa de deshabituación tabáquica, unhas Xornadas de Educación Vial, e cursos de Malabares, Pandeireta e un concurso de Pintura.
  

Filminho – Festa do Cinema Galego e Portugués en Vina Nova de Cerveira e Tomiño

Filminho é un evento cinematográfico que transcorre en terras do Minho (en Portugal e na Galiza) co obxectivo de promover os sectores audiovisuais de ambos os lados. O Filminho atinxe relevancia nas áreas da Cultura, da Xuventude e do Turismo, a súa misión primordial é a reconciliación do público coas súas cinematografias nacionais e o convivio para atopar camiños de colaboración.

Este evento terá lugar entre os días 22 e 27 de xullo, simultaneamente en Vila Nova de Cerveira e no concelho galego de Tominho.

Xoves, 6 de marzo de 2008

A Xunta aproba melloras no novo Centro de Saúde de Tomiño

A alcaldesa de Tomiño, Sandra González, e o concelleiro de Sanidade, Pablo Baquero, manifestan a súa satisfacción pola aprobación, na Consellería de Sanidade, dun proxecto modificado que permitirá facer as últimas melloras previstas no Centro de Saúde de Tomiño, de modo que o edificio entre en funcionamento antes do verán.

O director provincial do Sergas en Pontevedra, Emilio Santiago Nieto, vén de confirmar á alcaldesa, a aprobación do proxecto modificado, o que dá luz verde á realización das mencionadas melloras, e posibilita a apertura do novo centro dentro do primeiro semestre do ano.

O grupo municipal do Partido Popular de Tomiño denuncia a paralización das obras no novo Centro de Saúde

O voceiro do grupo municipal e deputado César Pérez Ares, considera inexplicable que a día de hoxe estén paralizadas as obras do novo Centro de Saúde ubicado no lugar do Pombal en Tomiño.

Unha obra que tiña que estar rematada en abril do ano 2007, din desde o PP en nota d eprensa, está a día de hoxe moi lonxe de estar finalizada toda vez que non se rematou a instalación eléctrica, o estucado de paredes e o chan está en cemento.

Toda esta paralización vai supoñer un retraso importante na finalización das obras, e por conseguinte, unha merma na calidade asistencial para os usuarios.

O actual Centro de Saúde, continúa o comunicado, está totalmente colapsado e as queixas dos pacientes polas listas de espera aumentan. Esta falta de medios e persoal non permiten fesenvolver unha atención médica adecuada, tal como demandan os veciños de Tomiño, e por elo, o deputado popular, Pérez Ares, solicitou mediante Pregunta oral no Pleno do Parlamento a comparecencia da Conselleira de Sanidade  para que explique os motivos da paralización das obras.

            Por outra banda, esta desidia do bigoberno da Xunta e a falta de intereese da  alcaldesa Sandra González  (BNG), por conseguir unha sanidade de calidade  en Tomiño para o benestar de todos os cidadáns pon de manifesto que si o anterior alcalde, José Luis Fernández Lorenzo non asinase o Convenio co anterior Conselleiro de Sanidade -o popular José Manuel Iglesias-, Tomiño non tería novo Centro de Saúde.

Para o voceiro popular o concelleiro Vergara, portavoz municipal socialista no concello, debería agora explicar os motivos do retraso nas obras xa que en marzo de 2006 manifestaba nun diario, que “as obras estarán rematadas nun ano, tal como contempla o contrato”. Sen embargo, dous anos despois desas declaracións o Centro de Saúde está sen rematar e paralizado o que ocasiona un importante prexuízo para todos os veciños de Tomiño.

O Partido Popular leva á Mesa do Parlamento a paralización das obras do Centro de Saúde de Tomiño

     César A. Pérez Ares, Miguel Santalices Vieira, Dámaso López Rodríguez e Luísa Valladares Rodríguez, deputados e deputada pertencentes ao Grupo Parlamentario Popular de Galicia, ao abeiro do disposto no artigo 152 e concordantes do Regulamento da Cámara,  presentan ante esa Mesa a seguinte pregunta para a súa resposta oral na Comisión.

    A fin de dar resposta aos problemas de saúde mediante unha máis rápida atención asistencial ao cidadán, fíxose necesaria a construción dun novo centro de saúde en Tomiño.

    O 22 de abril de 2005 asinouse o convenio entre a Consellería de Sanidade e o entón Alcalde de Tomiño, D. José Luís Fernández Lorenzo, para a execución das obras de construción do novo centro.

    Este centro duplicará a superficie: contará con seis consultas, catro enfermerías, unha área de pediatría e outra de enfermería pediátrica.

    En marzo de 2006 realizouse o acto de inicio das obras entraea empresa construtora e o SERGAS.

    O Delegado de sanidade, D. Juan Martín Tejedor, destacou que a obra remataría nun ano tal como se contemplaba no contrato (Abril 2007).

    Sen embargo, a día de hoxe (marzo 2008) a devandita obra está paralizada e sen rematar, faltando a instalación eléctrica, estucado de paredes, mobiliario, etc.

    Por todo isto, os deputados asinantes desexan saber:

    1.- Cales son os motivos da práctica paralización das obras do novo centro de saúde de Tomiño?.

    2.- Cando teñen previsto o remate das obras?.

    3.- Cales foron as circunstancias polas que este centro non foi rematado en tempo e prazo tal como indicaba o Sr. Delegado de sanidade?.

Santiago de Compostela, 5 de marzo de 2008

Mércores, 5 de marzo de 2008

Tomiño contará cunha Oficina de Igualdade que será presentada o venres

O vindeiro venres, 7 de marzo, ás 12 do mediodía, a alcaldesa de Tomiño e persoal especializado do concello, ofrecerán unha rolda de prensa co fin de informar sobre a posta en marcha da Oficina de Igualdade, servizos que dende esta se prestarán e cursos que se organizarán, tendo previstas xa varias actividades relacionados coa formación, aplicación de novas tecnoloxías, autoestima e emprego, entre outras posibilidades.

A Oficina de Igualdade ten como principal obxectivo promover a nivel local as condicións dunha igualdade efectiva entre homes e mulleres, a través dun programa de información, asesoramento e orientación; fomento do emprego e autoemprego feminino; celebración de conferencias, xornadas e cursos, e atención individualizada e confidencial.

Martes, 4 de marzo de 2008

Jose Luís Fernández di que a súa dimisión é meditada e en ben do partido

    Foi unha decisión meditada e en ben do partido, así explicaba na Radio Municipal de Tui José Luís Fernández Lorenzo, ex alcalde de Tomiño, a súa decisión de renunciar á acta de concelleiro que presentou o pasado sábado por escrito no rexistro de entrada do Concello.

    A súa renuncia dará paso a Roberto Miranda, ao que se refería coma persoa activa e traballadora, e lembraba que xa fora concelleiro de urbanismo.  Con esta decisión benefíciase o partido e Tomiño. O que si deixaba claro é que non abandona o Partido Popular, segue estando disposto a traballar. Precisamente nese senso dende o PP informan que Fernández Lorenzo pasará a desempeñar o cargo de Coordinador Comarcal do PP de O Baixo Miño, cargo que foi solicitado por unanimidade por todos os alcaldes e presidentes locais da formación popular desta comarca.

    Sobre esta designación manifestaba que é un cargo interesante e avanzaba que seguirá a disposición do partido aportando a súa experiencia. Síntese ilusionado con esta nova proposta.