Índice

www.galiciasuroeste.info

 

MARZO

 

Venres, 30 de marzo de 2018  

A música e o baile será a protagonista no primeiro domingo das festas de San Telmo

A música e o baile serán os protagonistas no primeiro domingos das festas de San Telmo, este domingo 1 de abril. A Charanga “Cantos Somos” actuará polas rúas de Tui entre ás 12h e ás 14h animando así a segunda xornada festiva.

Pola tarde ás 18h comezará no Teatro Municipal o Festival Folclórico Festas de San Telmo con entrada libre ata completar a capacidade do patio de butacas. Participarán os grupos Lembranzas da Terra de Guillarei, Inquedanzas de Pazos de Reis, O Mosteiro de Pexegueiro, Xuntanza de Randufe, San Fins de Rebordáns, Santa Columba de Ribadelouro,  baile e gaitas da Asociación do Traxe Tradicional de Tui, Seixos Albos de Areas, Refaixos e Polainas de Baldráns que ofrecerán unha boa mostra do alto nivel que teñen estas agrupacións.

A orquestra Miramar actuará no Paseo da Corredoira ás 18h e ás 20.30h, e a Banda de Música Popular de Tui ofrecerá un concerto no mesmo paseo ás 19.30h, aínda que en caso de choiva esta última actuación cancelarase.

Programación Festas de San Telmo – Domingo 1 de abril

·        12.00-14.00 h Actuación polas rúas de Tui da Charanga “Cantos Somos”.

·        18.00-21.00 h No Teatro Municipal, Festival Folclórico Festas de San Telmo coa participación do grupos Lembranzas da Terra de Guillarei, Inquedanzas de Pazos de Reis, O Mosteiro de Pexegueiro, Xuntanza de Randufe, San Fins de Rebordáns, Santa Columba de Ribadelouro,  baile e gaitas da Asociación do Traxe Tradicional de Tui, Seixos Albos de Areas, Refaixos e Polainas de Baldráns. *Entrada libre ata completar capacidade.

·         18:00-19:30 h No Paseo da Corredoira verbena coa Orquestra Miramar.

·        19.30-20.30 h No Paseo da Corredoira concerto da Banda de Música Popular de Tui. *En caso de choiva cancelarase.

·        20:30-22:00 h No Paseo da Corredoira verbena coa Orquestra Miramar.

  

A Asociación Un Máis invita á celebración do Día Mundial do Autismo”

Co gallo da celebración, o 2 de abril, do Día de Concienciación do Autismo, a Asociación “Un Máis” organiza unha semana de actos que baixo o lema “Rompamos xuntos barreiras polo autismo”, dan visibilidade á diversidade e contribúen ao achegamento e coñecemento do trastorno do espectro autista.

Co fin de sumarse á celebración do Día Mundial do Autismo, esta asociación propón unha serie de actos destinados a achegar a realidade das persoas dentro do Trastorno do Espectro Autista, a través do coñecemento e o intercambio de experiencias.

Grazas ao apoio dos Concellos de Tui e Tomiño, o día 2 programáronse actos simbólicos e reivindicativos como a iluminación en azul de edificios municipais pertencentes a ambos Concellos, así como a lectura dun manifesto e á solta de globos.

Ao longo da semana, as persoas que o desexen poderán asistir á proxección de películas e documentais relacionados co autismo que se celebrarán en diferentes días, tanto no Colexio nº 1 de Tui como no Mercado de Tomiño, estando tamén prevista a realización de diversos talleres para os máis pequenos.

Finalmente, e como remate a unha semana chea de actividades, “Un Máis” propón unha festa, que se celebrará o día 8 de abril a partir das 20:00h no Colexio nº1, na que se contará con diversas actividades, inchables e xogos.

 

Xoves, 29 de marzo de 2018  

O pregón de Antón Corral abre este sábado as festas na honra a San Telmo 2018

A lectura do pregón das festas de San Telmo, a cargo do mestre Antón Corral, abrirá este sábado oficialmente as festas na honra a San Telmo 2018. O acto celebrarase ás 19.30h no Teatro Municipal de Tui, debido ás previsións de choiva.  Amais do pregón, intervirán o alcalde, Carlos Vázquez Padín, e a Banda de Gaitas Xarabal, fundada por Antón Corral.  A entrada para o acto será libre até completar a capacidade do teatro.

A continuación terá lugar o acendido do alumeado das festas,  20.30 h, e se o tempo o permite desfilarán polas rúas de Tui os  xigantes e cabezudos, acompañados polo grupo de gaitas O Mosteiro de Pexegueiro.

O mestre Antón Corral

Antón Corral, figura clave na recuperación e pulo da música tradicional e dos instrumentos tradicionais en Galicia, foi designado polo Concello de Tui  -acordo plenario do 22 de marzo de 2018- coma pregoeiro das Festas de San Telmo 2018.  Dende 2008 reside en Tui onde xunto ao seu neto, Ramón Corral, creou o obradoiro Antón Corral. 

Antón Corral naceu na Coruña o 11 de xullo de 1936. A súa infancia e adolescencia transcorreu na cidade de Lugo, onde tivo os primeiros contactos coa música. Foi membro da Banda de Infantería na Escola Militar de Infantería en Santiago de Compostela edos grupos Os Modernos e Os Montes.

 Creou o seu primeiro obradoiro, coa colaboración da súa dona Isaura Fernández, no baixo da súa casa, na cidade de Lugo.  En 1975 converteuse en artesán da Escola taller da Deputación de Lugo, e a comezos do ano 1979 trasladase a Ortigueira onde continúa traballando en avances que xa iniciara nos instrumentos e crea o seu primeiro grupo de zanfonas, pitos e requintas. Máis tarde, crea o obradoiro didáctico “Soutelo de Montes”, e nos oitenta sumouse á Universidade Popular de Vigo. Na cidade olívica levou a cabo un labor investigador que lle permitiu construír o primeiro organistro en Galicia para ser tanxido, a imaxe do esculpido en pedra no Pórtico da Gloria. Creou o grupo didáctico musical coa intención de divulgar os instrumentos populares galegos, entre eles o organistro, e organizou unha banda de gaitas en 1984 co nome de Xarabal, que dirixiu ata despois da súa xubilación no ano 2001.

Dende 2008 reside en Tui onde, en San Bartolomeu, formou ao seu neto Ramón Corral como artesán e creou o Obradoiro Antón Corral de Tui, e formou un novo grupo didáctico.

No seu haber conta con numerosos premios e recoñecementos entre eles a "Gaita de Ouro" do Ateneo de Ferrol (Ferrol,1996); o Premio Opinión de 2009, outorgado pola Asociación de Gaiteiros Galegos, e o Premio Honorífico Martín Códax da Música (Pontevedra 2016). En 2016  a editorial Canela publicou o biografía Antón Corral; “A Alborada dun Soño”, da autoría de Fina Fernández.

O venres 26 de xaneiro de 2018 celebrouse no Teatro Municipal de Tui a Gala Homenaxe ao mestre Antón Corral na que participaron Carlos Núñez, Anxo Lorenzo, Anxo Pintos, Pancho Álvarez, a banda de gaitas Xarabal, o grupo Santa Columba de Ribadelouro, e as bandas de gaitas Lembranzas da Terra de Guillarei e Arume de Malvas.

Programación Festas de San Telmo - Sábado 31 de marzo

19.30 h No Teatro Municipal de Tui lectura do Pregón das Festas a cargo de D. Antón Corral. Actuación de Banda de Gaitas de Xarabal. Capacidade limitada.

Acendido do alumeado das festas

20.30 h Dende a Praza de San Fernando, pasando pola Praza da Inmaculada e ata a Área Panorámica, desfile de Xigantes e Cabezudos, acompañados polo grupo de gaitas O Mosteiro de Pexegueiro.

 

Este domingo comeza a traballar a nova empresa adxudicataria do Servizo de Limpeza Viaria

Este domingo, 1 de abril, comezará a prestar o seu servizo a nova empresa adxudicataria do Servizo de Limpeza Viaria no Concello de Tui. Tras o proceso de licitación resultou adxudicataria do servizo General de Asfaltos y Servicios, S.L. (GEASER) por un importe de 210.000 €/ano. O período do contrato será de 4 anos. Deste xeito  regularízase a situación deste servizo e se amplía a cobertura do mesmo á práctica totalidade do casco urbano, segundo explica o concelleiro de Limpeza Antonio Castro.  O edil sinala que a principal novidade en canto ao servizo que se viña prestando até o de agora, amais da ampliación do ámbito- está na mecanización de parte dos labores co emprego de maquinaria tanto para o barrido coma para o baldeo das rúas.

En concreto o contrato recolle a limpeza de calzadas, beirarrúas, contedores, parterres, zonas peonís, así coma o baleirado e limpeza de papeleiras, a limpeza de herbas, a limpeza de pintadas e a retirada de carteis colocados en lugares non autorizados, ou de entullos vertidos de forma incontrolada. Tamén contempla limpezas de emerxencia  de restos por exemplo deixados por choivas cuantiosas, ou  limpezas especiais ante a previsión de celebración de eventos.

 

Mércores, 28 de marzo de 2018  

Brasil nas marxes en Play-Doc 2018: o cinema de Aloysio Raulino e Ozualdo Candeias

A primeira retrospectiva dedicada ao brasileiro Aloysio Raulino (1947-2013) fóra do seu país terá lugar en Play-Doc 2018. Realizador nas marxes, brillante fotógrafo e cineasta singular hoxe recoñecido como unha voz única na cinematografía de Brasil, o festival de Tui acolle a obra dun cineasta de culto cuxo traballo constitúe unha xoia agachada. Brasil e o seu cinema terán especial protagonismo nesta décimo cuarta edición de Play-Doc, que tamén rende homenaxe a Ozualdo Candeias, pioneiro no “cinema marxinal” do seu país, do que se cumpre o centenario do seu nacemento. Play-Doc Festival Internacional de Documentais desenvólvese do 26 de abril ao 1 de maio. A organización do festival irá anunciando durante estas semanas previas toda a programación do mesmo.

Aloysio Raulino asinou boa parte dos seus traballos na década dos setenta. Malia ser estes uns anos prolíficos no cinema brasileiro, o certo é que a súa obra, fundamentalmente composta por curtametraxes, é pouco coñecida no seu país. Sen teses preconcebidas e con clara vontade de experimentación, Raulino encarna dalgún xeito o espíritu dos cineastas de vangarda dos anos vinte e trinta, cando todo parecía por descubrir no cinema e impúñase a invención de novas olladas e formas de produción. Preocupación social, poesía e certa dose de surrealismo danse a man nos seus filmes.

A retrospectiva de Aloysio Raulino programada no festival de Tui acolle títulos como “Lacrimosa” (1970), “Arrasta a Bandeira Colorida” (1970), “Jardim Nova Bahia (1971), “Teremos infância” (1974), “Tarumã” (1975), “O Tigre e a Gazela” (1977), “O Porto de Santos” (1978), “Noites paraguayas” (1982) e “Inventário da Rapina” (1985). O seu colega e discípulo Paulo Sacramento estará na 14ª edición de Play-Doc para presentarnos a súa obra da que sinala que “se ben hai pobreza e carencias retratadas en todos os seus títulos, en ningún deles existe o menor sinal de miseria”. En Play-doc 2018 poderemos ver ademais tres títulos nos que Raulino exerceu como director de fotografía e que son considerados filmes de grande relevancia no cinema de Brasil: “Braços cruzados, máquinas paradas” (1978) dirixida por Roberto Gervitz e Sérgio Toledo, “Serras de Desordem” (2006) dirixida por Andrea Tonacci, e “O prisioneiro da Grade de Ferro” (2003) dirixida por Sacramento, responsable de preservar e difundir a obra de Aloysio Raulino.

Boca de Lixo

A margem”, primeira longametraxe de Ozualdo Candeias filmada en 1967, é a película precursora do cinema marxinal de Brasil e acadará o recoñecemento como mellor película dese ano polo Instituto Nacional do Cinema de Brasil. Este filme poderase ver en Play-Doc 2018, xa que o festival rende homenaxe ao director. Fillo de labregos, o seu currículum antes de tornar a cineasta pasou polo agro, os taxis, a metalurxia ou os camións. Un dos máximos expoñentes do cinema de autor brasileiro, comeza a facer cine amateur nos anos cincuenta e foi un dos primeiros en filmar en Boca de Lixo, unha área de São Paulo coñecida pola súa marxinalidade, inaugurando un movemento que atoparía inspiración nesta zona e que a convertiría en base do cinema independente de Brasil.

Ademais de “A margem”, o público de Play-Doc poderá ver “Aopção (ou: as rosas da estrada)” de 1981, que obtivo o Leopardo de Bronce no festival de cine de Locarno. Falecido en 2007, Candeias deixou atrás unha filmografía de trinta e tres obras; en case todas exerceu de director, guionista, cámara e montador. O prestixioso festival BACIFI, que celebra en Buenos Aires a súa edición número vinte a partir do 11 de abril como unha das máis importantes citas cinematográficas de América Latina, programa en 2018 a primeira retrospectiva internacional de Candeias. O Play-Doc de Tui, ten a honra nesta edición de contribuír ao coñecemento do seu traballo en España.

O equipo de Play-Doc síntese especialmente satisfeito de servir de plataforma de difusión da cinematografía de dous nomes singulares de Brasil, apenas coñecidos fóra do seu país. Un cinema comprometido coa súa contorna social e, vala a redundancia, co propio cinema; fuxindo de camiños doados, rompendo, innovando e creando pezas que desde as “marxes” son hoxe referentes do mellor cine de autor. Play-Doc 2018 celébrase do 26 de abril ao 1 de maio en Tui; tras abrir as inscricións para obradoiros e seminarios, anunciar a sección a competición e o Play-Doc Live! co concerto de Rubblebucket en exclusiva en España, o festival aínda ten moita programación que desvelar nos vindeiros días.

 

Ábrese o prazo de presentación de solicitudes ás axudas á rehabilitación de edificios e vivendas na Área de Rehabilitación do conxunto histórico de Tui

Hoxe, mércores, ábrese o prazo de presentación de solicitudes ás axudas á rehabilitación de edificios e vivendas na Área de Rehabilitación do conxunto histórico de Tui. O BOP recolle hoxe a publicación dun extracto das “Bases reguladoras e convocatoria pública para solicitar axudas á rehabilitación de edificios e vivendas na área de rehabilitación con Conxunto Histórico de Tui” aprobadas o 5 de marzo do 2018 da Xunta de Goberno Local.

Poderán solicitar estas axudas propietarios de edificios de vivendas ou de vivendas individuais, as comunidades, os consorcios e os entes asociativos de xestión.  O importe máximo da subvención é do 45% do custo subvencionable das actuacións de rehabilitación de edificios e vivendas que se realicen, e unha contía máxima por vivenda obxecto de rehabilitación de 15.000 euros (excluídos impostos, taxas e tributos).

As vivendas con axudas á rehabilitación deberán destinarse a domicilio habitual e permanente do seu propietario, ou ao arrendamento polo menos durante 3 anos trala finalización das obras de rehabilitación.

Tres barrios son os que se inclúen no ámbito delimitado pola Área de Rehabilitación do Conxunto Histórico Artístico de Tui a  Cidade Medieval, San Domingos e San Bartolomeu.

O prazo de presentación de solicitudes destas axudas é de dous meses. Pódese ampliar esta información na oficina da ARI os martes e xoves na casa do concello de Tui de 9 a 14h ou enviar un correo a ari@concellotui.org.

 

A Carreira Popular de San Telmo celebrarase o sábado 7 de abril

Até o próximo mércores, 4 de abril, está abertas as  inscricións para a Carreira Popular de San Telmo que, neste ano 2018, se celebrará o sábado 7 de abril. A proba disputarase a partir das 11.00 horas, dende o Paseo da Corredoira organizada polo Club Atletismo Tui-Thermalia e o Concello de Tui.

A proba contará con participantes de todas as categorías, dende pitufos, nados en 2013, 2014 e 2015, ata veteranos, a partir dos nacidos en 1972, esperando un número aproximado de 800 corredores.

As inscrición poden realizarse cumprimentando o formulario, a través da páxina web https://clubatletismotui.wordpress.com/carreira-san-telmo/ sendo a carreira gratuíta, aínda que cada participante deberá doar un quilo de alimento non perecedoiro para entregar a Asociación Asistencial SOS Tomiño Baixo Miño. 

 

Luns, 26 de marzo de 2018  

Tui prepárase para celebrar dez días de festa na honra a San Telmo

Nunha semana, o sábado 31 de marzo, comezan oficialmente as festas na honra a San Pedro González Telmo que se van celebrar en Tui até o luns 9 de abril. O programa de festexos foi presentado polo alcalde, Carlos Vázquez Padín, xunto a todo o equipo de goberno, Antonio Castro, Estrella Carmen Muradas, Yovana Velázquez, Mila González, Andrés Urseira e Mª Jesús Silva.

As festas, segundo explicou o alcalde, Carlos Vázquez Padín, terán un carácter máis rueiro buscando aproveitar os lugares que ten a cidade para acoller distintos actos. Coma exemplo citou que a lectura do pregón, que marca o inicio oficial das festas, terá lugar este ano na praza de San Fernando, onde o mestre Antón Corral será o pregoeiro, e actuará a Banda de Gaitas Xarabal, que creou e dirixiu.  Os xigantes e cabezudos desfilarán na primeira xornada festiva xunto ao grupo de gaitas O Mosteiro de Pexegueiro, e será acendido o alumeado das festas.

Salientou tamén Carlos  Vázquez Padín, que as festas – que terán un orzamento superior aos 100 mil euros, pero inferior o das festas de 2017 – serán equilibradas e terán un toque diferenciador coa Festa do Meixón que se celebra en 5 restaurantes ata o 9 de abril.

O domingo  31 a charanga Cantos Somos, a Banda de Música Popular e a orquestra Miramar porán a nota musical, mentres que os grupos Lembranzas da Terra de Guillarei, Inquedanzas de Pazos de Reis, O Mosteiro de Pexegueiro, Xuntanza de Randufe, San Fins de Rebordáns, Santa Columba de Ribadelouro,  baile e gaitas da da Asociación do Traxe Tradicional de Tui, Seixos Albos de Areas, Refaixos e Polainas de Baldráns, serán os protagonistas do Festival Folclórico que se celebrará no Teatro Municipal dende as 18h.

Actividades infantís

Do luns 2 ao venres 6 os nenos e nenas terán actividades específicas para eles, coas que se busca ofrecerlles unha alternativa de lecer durante as vacacións e escolares e contribuír á conciliación familiar. Así polas mañá de 11 a 13h na Área Panorámica haberá actividades infantís da man de Chirlomirlo, e pola tarde na Sala Félix Rodríguez ás 16h proxectarase unha película de cinema. En ambos casos non é preciso inscribirse previamente, son actividades con entrada libre até completar a capacidade do local.

X Semana de Teatro Afeccionado e música coral

A Semana de Teatro Afeccionado celebrará a súa décima edición do luns 2 ao sábado 7 no Teatro Municipal de Tui onde os grupos Mesturanzas de Areas, Santiago de Malvas, Aloia de Pazos de Reis, San Fins de Rebordáns, e Atalaia do Centro Sociomomunitario de Tui presentarán as súas últimas montaxes, en moitos casos en estrea. Amaias as tres corais de Tui do Centro Sociocomunitario, Ponte das Febres e San Telmo no centro Amoralia e nas Residencias San Telmo e Paz y Bien.

O deporte tamén será protagonista nas festas

O mércores 4 será o día do deporte  con actividades de bádminton, judo, tenis de mesa e xadrez no Paseo da Corredoira de 11 a 14h, e con tenis de mesa ás 16 e patinaxe ás 18h amais de estar prevista unha exhibición de kaiak polo e de slalom na piscina municipal dende ás 16h e a partir das 20.30h haberá partidos exhibición de pádel nas pistas do Liceo Casino.

Amais coma novidade no ámbito deportivo a Carreira Popular de San Telmo celebrarase este ano o sábado 7 dende ás 11h no Paseo da Corredoira baixo a organización do Club Atletismo Tui, previamente ás 10h sairá tamén da Corredoira a Andaina Festas de San Telmo organizada polo club AndaTui. Se incorpora amais no programa a Epic Race de BTT que percorrerá o paseo fluvial dende ás 7 da madrugada do sábado ás 9 da mañá do domingo.  A Copa San Telmo na que se enfrontará o Tyde F.C. e o S.C. Valenciano, e a III Clásica Manuel Alfaro de coches clásico son outras das actividades previstas para o sábado. Mentres está pendente de confirmarse se finalmente o luns de San Telmo haberá partido de fútbol entre o R.C. Celta e un equipo de primeira división de Portugal, xa que polo momento non hai rival para o equipo vigués.

Broken Peach, la Edad del Oro del Pop Español, Kubo e Panorama

Son dous os concertos previstos este ano nas festas. Por unha banda o venres 6 ás 23.30h actuará no Paseo da Corredoira o grupo Broken Pech, unha banda de soul e rock formada en 2009 que presenta uns directos cunha coidada estética e un amplo repertorio. Previamente actuará dj Gramola.

O domingo 8 ás 22.30h chegará á rúa Compostela o concerto “La Edad del Oro del Pop Español” no que o público poderá disfrutar cos grandes clásicos do pop nacional da man de Pablo Perea (La Trampa), Alberto Comesaña (Amistades Peligrosas), Joaquín Padilla (Iguana Tango), e Chus Herranz.

A orquestra Kubo presentará en Tui o maior escenario de Europa de máis de 27 metros nunha actuación prevista na noite do sábado 7 na rúa Compostela. Neste mesmo lugar actuará o luns 9 a orquestra Panorama. O cartel das verbenas o completan Miramar, Solara, e Pontevedra. No eido musical se celebrará tamén o festival de Karaoke o venres dende as 19h no Paseo da Corredoira.

Food Trucks e Festa do Meixón na oferta gastronómica

Amais da Festa do Meixón que comeza en 5 restaurantes o venres 6 está previsto un mercado de Food Truck no Paseo da Corredoira no que o público que se achegue poderá degustar distintas variedades gastronómicas.

O luns 9 – Día de San Telmo

As festas na honra a San Telmo pecharanse o luns 9 de abril, xornada na que dende primeira hora se celebrará a Feira Cabalar en San Bartolomé, onde amais da compra venda de gando tamén haberá distintas exhibicións previstas. 

A charanga Cantos Somos e a Banda de Música da Escola Naval Militar de Marín, serán as encargadas  da música na última xornada de festa, onde tamén estará presente a Banda de Guerra da Brilat. Os actos relixiosos comezarán xa pola mañá coa misa na honra a San Telmo e a procesión pola Coronilla, e pecharanse ás 21h coa solemne procesión que percorrerá as principais rúas da cidade. A tirada de fogos de artificio marcará o peche das festas.

 

Sábado, 24 de marzo de 2018 

Presentación das Festas de San Telmo 2018

Hoxe, sábado, ás 12h no concello de Tui terá lugar a presentación do programa das Festas de San Telmo 2018 que se van celebrar do 31 de marzo ao 9 de abril.

A presentación correrá a cargo do alcalde, Carlos Vázquez Padín, xunto ao equipo de goberno.

 

O meixón recupera a súa festa en Tui do 24 de marzo ao 9 de abril

Dende mañá 24 de marzo e até o luns 9 de abril celébrase en Tui a Festa do Meixón, cita gastronómica coa que se busca “recuperar e consolidar unha tradición gastronómica que nos facía singulares e nos facía importantes”, en palabras do alcalde, Carlos Vázquez Padín.

Durante 17 días cinco restaurantes, Asador Paulo, O Novo Cabalo Furado, Cruceiro do Monte, El Molino e La de Manu, ofrecerán a ración de meixón, acompañada de pan e viño Remesal, ao prezo de 55€. Será preciso reserva previa.

Na presentación realizada no Teatro Municipal de Tui, dúas veteranas cociñeiras Pilar Blanco de El Molino, e Nieves Silva do Cruceiro do Monte, foron as encargadas de preparar o meixón que servirán para a festa as empresas Delicias del Miño e Ángulas Río Miño, amosando a súa mestría na elaboración dun produto que  cualificaron de gran calidade. Tamén estiveron presentes Laura Méndez de El Molino, María Domínguez de O Novo Cabalo Furado, Paulo Salvado de Asador Paulo e Manu Garrido de La de Manu, xunto a concelleiros tudenses, e o vereador de Cultura de Valença, José Monte.

O alcalde de Tui, Carlos Vázquez Padín, explicou na presentación que o concello quere darlle un protagonismo especial a este evento gastronómico, de aí a presentación realizada esta mañá, sinalando que “as festas gastronómicas singulares son un elemento dinamizador do turismo e da cultura fundamentais”, engadindo que “Tui ten a gran sorte de estar vinculada coa tradición do meixón, un produto singular e excepcional, e hai que buscar a fórmula para que isto se poida consolidar”.  Engadía que facer a festa nos restaurantes “da un percorrido moi importante de atracción da xente a Tui, enlazando coa Semana Santa, o que é tamén un activo moi importante, e logo continuando xa durante as festas de San Telmo”. Concluía afirmado que “imos facer máximo esforzo para que a Festa do Meixón sexa un éxito e o ano que vén poder continuar e consolidar este proxecto que é revitalizar a festa do meixón”.

 

Venres, 23 de marzo de 2018 

Rubblebucket: a banda sonora do Play-Doc 2018 chega desde Brooklyn

En exclusiva para Play-Doc Festival Internacional de Documentais a banda de Brooklyn, Rubblebucket, actuará o sábado 28 de abril na sala Metropol de Tui. Será un concerto único cun grupo cheo de enerxía e fóra de etiquetas dentro da escena independente norteamericana, cuxas caras visibles son a cantante e saxofonista Kalmia Traver e o trompetista Alex Toth. Rubblebucket refírese en inglés aos contenedores de obra, os destinados ás grandes escombreiras. O container musical da banda Rubblebucket é amplo: afro-funk, art-rock, pop, dance. O resultado, ecléctico e enerxético. E, sobre todo, bailable, ninguén fica sentado. Play-Doc Live! é a vertente musical e máis lúdica do festival de Tui, que desenvolve a súa décimo cuarta edición do 26 de abril ao 1 de maio cun programa que, alén das proxeccións, ofrece actividades paralelas para públicos diversos.

Divertidos e vibrantes, coincide a crítica tras pasar polos seus shows. Para a revista Rolling Stone os de Brooklyn son unha especie de “versión indie-rock mellorada de Miami Sound Machine, con bailes, claxons e todo”. As orixes de Rubblebucket están no encontro entre a cantante e saxo tenor Kalmia Traver e o trompetista Alex Toth na Universidade de Vermont. Ambos tocarían durante dous anos e medio nun combo de latin jazz. Tempo despois, entraría en escena o trombonista Adam Dotson, os tres comezan a compoñer e a reclutar músicos para o proxecto que tomaría forma de primeiro disco en 2008 con Rose´s Dream.

Anos de ducias de directos que foron recompensados en 2011 co éxito comercial do disco “Omega La La”, con hits como “Came Out of Lady” (incluída na banda sonora da película “Drinking Buddies” dirixida en 2013 por Joe Swanberg) e “Silly Fathers”, que ampliaron moito a audiencia da banda.

Aínda había moito máis por chegar. 2014 será un ano intenso para a banda: editan “Survival Sounds” ao tempo que Kalmia Traver se recupera dun cancro e abren para Arcade Fire en Glastonbury no momento no que a banda canadiana fai estoupar “The Reflektors”. A experiencia foi tan boa que Rubblebucket volvería a compartir escenario máis veces cos de Win Butler. Tras o lanzamento de “Survival Sounds”, o seu último longa duración, a banda xirou ano e medio.

En 2015 comezan a escribir novas cancións que formarán parte do último traballo de Rubblebuckets: o EP “If U C My Enemies” (2017). Da súa capacidade creativa e espírito inquedo dan fe tamén os proxectos paralelos e activos na actualidade de Alex Toth e Kalmia Traver. Se o trompetista desenvolve Alexander F en solitario, a cantante e saxo lanzou o verán pasado o seu proxecto de pop electrónico experimental Kalbells. A súa música é a celebración da vida aquí e hoxe: catarse e inmellorable terapia, como apunta a propia Kalmia Traver.

Ademais de Traver e Toth, forman parte de Rubblebucket o trombonista Adam Dotson, o guitarrista Maddie Rice e o baixista Dandy McDowell. O concerto Play-Doc Live! Desta edición terá lugar o sábado 28 de abril ás 23:30 na sala Metropol (Rúa Porta da Pía) de Tui. As entradas á venda en www.ticketea.com a partir do 22 de marzo a un prezo de 12 euros máis gastos de xestión; na billeteira o mesmo día do concerto, 16 euros.

Play-Doc Support 2018

A décimo cuarta edición de Play-Doc Festival Internacional de Documentais, do 26 de abril ao 1 de maio, volve a ofrecer ao público a oportunidade de converterse en colaborador do mesmo. A partir de cincuenta euros o público pode obter unha acreditación especial que lle permitirá acceder de maneira gratuíta e preferente a todas as proxeccións, actividades e concertos que programe o festival. Pero cunha achega mínima de dez euros o público do festival xa pode lucir chapa de colaborador. O festival procura implicar á súa audiencia no fortalecemento do evento e no seu futuro ao mesmo tempo que lle ofrece a posibilidade de disfrutar doutro xeito de Play-Doc. Toda a información sobre Play-Doc Support! na páxina do festival www.play-doc.com.

 

Por quinto ano consecutivo Tui súmase á Hora do Planeta

O Concello de Tui súmase por quinto ano consecutivo á Hora do Planeta que este ano se celebra baixo o tela “O planeta primeiro, que ninguén te pare”. Trátase dunha iniciativa da ONG WWF coa que se pretende concienciar sobre o cambio climático e amosar o compromiso coa defensa do medio ambiente.

Como acto simbólico este sábado, 25 de marzo, de 20.30h a 21.30h apagarase a iluminación da Catedral de Santa María, como o monumento máis emblemático da cidade.  Dende o Concello de Tui faise un chamamento á cidadanía a sumarse a esta campaña e apagar tamén as luces este sábado de 20.30h a 21.30h.

Tui é unha das 350 cidades que se teñen sumado en España a esta campaña neste 2017 apagando os seus edificios ou monumento máis emblemáticos.

 

Xoves, 22 de marzo de 2018 

O Consorcio do Louro organiza a segunda xornada de portas abertas coincidindo co Día Mundial da Auga

O Consorcio de Augas do Louro celebrará a segunda xornada de portas abertas na estación depuradora de Guillarei hoxe, xoves, coincidindo co Día Mundial da Auga.

Durante esta xornada realizarase a presentación do terceiro concurso de debuxo infantil, que este ano tratará sobre a potabilización co lema “A emocionante viaxe da auga dende a natureza ata a túa casa”. O premio para o gañador de cada Concello será unha Tablet Samsung de 7” e para os finalistas unha cámara dixital acuática. Participarán os rapaces de 3º e 4º de educación primaria dos Concellos de Mos, O Porriño, Salceda de Caselas e Tui, sendo o prazo de presentación dos debuxos o comprendido entre o 1 de abril e o 20 de maio.

A continuación, inaugurarase o novo domo xeodésico adaptado para acoller as visitas dos nenos aos que vai dirixido o concurso, que será utilizado para dar a coñecer as diferentes fases do ciclo da auga mediante vídeos explicativos.

Calquera persoa que estea interesada en visitar a sede do Consorcio e o funcionamento das instalacións, terá ao seu dispor dúas quendas de visita ás 10:30 e ás 16:30 horas.

É necesario achegarse ás instalacións media hora antes do inicio das visitas para recibir a información necesaria sobre as medidas de seguridade que deben respectarse durante o percorrido, que inclúe a entrada ás galerías subterráneas que comunican as diversas partes da depuradora.

 

Mércores, 21 de marzo de 2018 

O Torneo Internacional de Mini Basket da Eurocidade reunirá a máis de 500 participantes

Do 24 ao 26 de marzo, a Eurocidade Tui-Valença acollerá unha nova edición do Torneo Internacional de Mini Basket, organizado polo Basket Club Valença, en colaboración coa Eurocidade Tui-Valença e a Federación Portuguesa de Baloncesto.

O pavillón municipal de Valença reunirá a máis de 500 participantes, 32 equipos de ata 14 clubs deportivos, procedentes de Portugal, como o Benfica, o Alfenense, o Beira Mar, o Coimbroes, o Olivais, o Viana, o Maia, o Guifoes, e o propio Basket Club Valença; de Galicia, o Club Baloncesto Tui, o Caselas, o Barco, e o Pavillón de Ourense; e por primeira vez, un equipo de Cabo Verde, o Assomada.

Pero os participantes non só xogarán partidos de baloncesto, xa que a organización ten preparadas outras actividades, como xogos lúdicos, actividades na piscina municipal, coa intención que os nenos e nenas poidan convivir entre eles no noso entorno.

 

Excelentes resultados para el Club Remo do Míño-Seta en el Open de España

Una medalla de Oro, una de Bronce, un sexto puesto en la Final A,  un Segundo y un tercer puesto en la final “B”, dos cuartos puestos en la final “C”. Balance final para el Club Remo do Miño -Seta en el Open de España celebrado este fin de semana en Bañolas (Gerona).

Este fin de semana, el club remo do Miño se desplazó a Cataluña, concretamente a la pista Olímpica de Bañolas (Gerona) para disputar la Open de España, regata donde a los mejores remeros del país, les toca demostrar su estado de forma para poder acceder al equipo Nacional y así poder participar en las próximas regatas internacionales integrados en la selección Nacional.

Las medallas vinieron de la mano de Rodrigo Conde Romero, que supo batir al actual campeón  de España fe fondo en la categoría peso ligero masculino Patricio Rojas, el cual esta vez se tuvo que conformar con la Plata. El bronce fue para el compañero de Rodri de hace dos años en el equipo nacional, con el cual había conseguido la medalla de Oro en el Campeonato del Mundo en 2x PL Sub-23.

La medalla de  Bronce en la categoría absoluta, vendría de nuestro remero David Prada Fernández, que después de ganar todas sus clasificatorias, conseguiría la medalla de  Bronce en una disputadísima final.

El Sexto puesto en la final “A” vino de la jovencísima Carlota González Gil, que poco a poco fue superando el corte hasta conseguir estar entre las mejores, consiguiendo un Sexto puesto.

Sergio Pérez y Francisco Javier Álvarez conseguirían un segundo puesto en la final “B” el cual les supo a poco. Ya que la aspiración de ellos era meterse en la final “A” pero este es un muy buen resultado.

Esmeralda Santos, que hace solamente unos pocos meses que fue mamá, consiguió la tercera posición en la final “B”. Muy meritorio este puesto conseguido por nuestra remera, que de aquí al campeonato de España va a dar muchas sorpresas.

Oscar Alonso consiguió la tercera posición en la final “C”, y los jóvenes  Bruno Misa y Paula Prada conseguirían el cuarto puesto en la final “C” de sus respectivas regatas. Todos estos remeros animados desde tierra por nuestro remero Jesús González, que, al no poder participar por la lesión comentada ayer, hizo las funciones de sicólogo con sus compañeros animándolos en todo momento.

 

A modificación do PXOM para que os PERI’s de San Bartolomeu volvan ser núcleo rural será un dos proxectos que se soliciten ao abeiro do Plan Concellos

A modificación do Plan Xeral de Ordenación Municipal de Tui para que os PERI’s de San Bartolomeu volvan ser considerados núcleo rural,  será un dos proxectos que o equipo de goberno de Tui, presidido por Carlos Vázquez Padín, presente ao Plan Concellos da Deputación para o seu financiamento.

O alcalde, Carlos Vázquez Padín, explica que ante a posibilidade de incluír proxecto de índole técnica na solicitude do Plan Concello, tomaron a decisión de que esta modificación do planeamento urbanístico sexa un dos que se fagan con cargo aos fondos provinciais, cun orzamento superior aos 50 mil euros.  Engade que non tiña senso incluír nos orzamentos unha cantidade simbólica para esta finalidade, coma mil euros, xa que non sería suficiente para abordar esta modificación. Por este motivo optaron por buscar o financiamento a través do Plan Concellos e iniciar así a tramitación precisa para que o solo recollido nos Plans Especiais de Reforma Interior, PERI’s, en San Bartolomeu poidan contar coa cualificación anterior ao Plan, o que facilitaría aos veciños a edificación nos mesmos, sen ter que contar cunha importante cantidade de metros cadrados, coma acontece coa actual tipificación.

 

Este venres preséntase o Festival do Meixón en Tui

Este venres, 23 de marzo, ás 11h no Teatro Municipal de Tui, na Área Panorámica, terá lugar a presentación do Festival do Meixón que se vai celebrar en Tui do 24 de marzo ao 9 de abril.

Á presentación correrá a cargo do alcalde, Carlos Vázquez Padín, xunto a membros do equipo de goberno, os restauradores participantes no evento, e empresas colaboradoras.

 

Martes, 20 de marzo de 2018 

Los tudenses y amigos ya pueden entregar su donativo para el reconocimiento a D. Ricardo.

Los vecinos de Tui y los amigos y alumnos de D. Ricardo, para evitar que su recuerdo se pierda en el tiempo, colocándolo en lugar público de su ciudad natal.

La organización pide la colaboración de todos los ciudadanos, mediante un donativo, que se puede depositar en la cuenta: “Homenaje a Don Ricardo” Nº ES48 2080 5066 7730 4003 5444, abierta en Abanca, sucursal Rúa Compostela, 1 – Tui.

La organización ya mantuvo un encuentro con Carlos Vázquez Padín, alcalde de Tui, al que informaron de la puesta en marcha de la cuestación así como para llevar a cabo la  “Exposición Fotográfica de la Vida de Don Ricardo” que tendrá el claustro y salón de exposiciones del  Seminario, entre el 1 de marzo y el 1 de mayo del próximo año, así como la inauguración del “Busto en Bronce a Don Ricardo” el día 17 de abril, también de 2019 coincidiendo con el aniversario de su fallecimiento, pero aprovechando la celebración de las fiestas de San Telmo. El alcalde, según la comisión organizadora, tomó la iniciativa como propia y se abrió a una total colaboración, lo que permitirá el encargo del torso, que será obra del escultor Diego de Giráldez, estando previsto que en septiembre de este mismo año empiece a trabajarlo, precisando unos seis meses para su elaboración.

Cuando va a cumplirse el primer  aniversario de la muerte de Ricardo García Fernández, conocido en la ciudad tudense por Don Ricardo, los amigos, los ex seminaristas, las fuerzas vivas y el pueblo de Tui se movilizan, para recordar la figura del preclaro tudense que en vida fue párroco, canónigo de la catedral y profesor del seminario, y lo hacen a través de una iniciativa espontánea y popular, dos de sus rasgos de personalidad que siempre le adornaron. Al final de la colecta se levantará un acta, solamente con el nombre, sin cantidades, de todos los que hayan participado en el cuestación, a través de ingreso o transferencia en la cuenta mencionada, acta que será depositada en el Archivo Histórico Municipal de Tui y en el Archivo Histórico Diocesano de Tui, con el fin de que quede para la historia y memoria del pueblo.

Destacan los organizadores de la escultura, que será obra de una de las grandes figuras contemporáneas de la pintura y escultura nacional e internacional, el vigués Diego de Giráldez, artista representado en más de 150 importantes museos de Europa, América, Asia y África, que recientemente levantó otra pieza sublime: la del III Gran Duque de Alba, D. Fernando Álvarez de Toledo y Pimentel, que se colocó en la Plaza de Armas del Palacio de los Duques de Alba en tierras abulenses de Piedrahita, agradeciendo organizadores y la Alcaldía, en nombre del pueblo de Tui, al escultor la colaboración que, por su amistad con D. Ricardo, hace con el fin de que la obra se pueda realizar.

Breve semblanza de D. Ricardo

Don Ricardo fue hombre que amaba a su Tui natal, villa de la que presumía y tenía la medalla de oro, y que decidió destinar su vida bregando por los valores religiosos bajo una estricta ética teñida de solidaridad, siempre con alegría al  lado de los más necesitados, apoyando a las familias sin importar dónde, cuándo, cómo, por qué o quién lo demandase; amigo de los amigos de toda la vida, con la cercanía máxima, la sonrisa, la humildad y la sencillez como divisas. D. Ricardo, que fue canónigo emérito de la catedral de Tui, nacido en esta ciudad, celebró en 2012 los 60 años de sacerdocio coincidiendo con la jornada del aniversario de la consagración del Seminario Menor de Tui al Corazón de Jesús y cuando se conmemoraron las Bodas de Plata, Oro y Diamante de otros sacerdotes de la diócesis Tui-Vigo. Ricardo García Fernández fue un hombre muy querido por los ciudadanos tudenses, que lo conocieron como D. Ricardo. Recordó el día de su ordenación como "un hecho extraordinario, pues en el mismo día nos ordenamos 820 sacerdotes en el estadio de Montjuic, en Barcelona, con motivo del XXXV Congreso Eucarístico".

Para don Ricardo toda su experiencia pastoral, en la ciudad que le vio nacer, fue "rica y gratificante. Son alegrías y penas ahí centradas".  También valoró, en esa ocasión, la Jornada Internacional de la Juventud y la participación de más de un millón de jóvenes movidos por su fe. "Ante esto ¿por qué no ver con optimismo y esperanza el futuro?", se preguntó. La crisis "es más de valores humanos y cristianos que económica", afirmó D. Ricardo, al que muchos le llamaban el “Obispo de Tui”, asegurando que la iglesia se está amoldando a los cambios y "no se ha quedado anclada y está al día en lo primordial", valoraba en esa ocasión cuando decía ser optimista, pues "todavía hay hombres que sienten la llamada, como los seminaristas del Seminario Mayor de Vigo".

D. Ricardo fue un fiel devoto de San Telmo, profesor en el Seminario, párroco de Tui durante más de cuarenta años, también ejercía como canónigo emérito de la catedral tudense. “Era una persona encantadora, cercana y entrañable”, recordaba Avelino Bouzón, canónigo archivero de la catedral tudense y que veía a diario a don Ricardo, hombre que manifestaba una profunda devoción por San Telmo, patrón de Tui y de los navegantes. Vivía intensamente la solemne novena e incentivó el hermanamiento con las cofradías de las diversas poblaciones que honran a San Telmo. A quien le preguntaba por el santo, don Ricardo le regalaba o bien una biografía o bien una imagen del patrón.

Avelino Bouzón recuerda una de las virtudes más desconocidas del histórico párroco tudense: Era un hombre que ayudaba mucho a los más necesitados de una forma muy discreta. Ayudaba a la gente que pasaba dificultades a pagar las facturas de la luz, el gas...”. Hijo de un guardia civil, nació en Tui en 1929, y a los once años ingresó en el seminario tudense, donde fue ordenado presbítero en 1952. En esa época, comenzó a ejercer como profesor de latín en el seminario. Además de párroco de Tui, desempeñó varios cargos eclesiásticos como el de delegado episcopal para el servicio del clero en 1969, o el de miembro del colegio de consultores durante seis años. Fue un gran comunicador que estuvo activo en Tui, su parroquia natal, durante más de cuarenta años. Desde su jubilación, se dedicó en cuerpo y alma al culto del principal templo de la diócesis Tui-Vigo: la catedral. Se esforzó en el cuidado material del monumento y en la acogida a los peregrinos que pasaban por el templo en su trayecto hacia Santiago de Compostela. “Tenía el don de la palabra, comunicaba muy bien”, recuerda Avelino Bouzón.

A sus 88 años, don Ricardo sufría un proceso diabético grave, junto con varios problemas cardíacos, hasta que la enfermedad lo hizo inevitable, iba todos los días a la catedral.

 

Resultados del Club Bádminton Tui

Fin de semana de muy buenos resultados y sensaciones para nuestros jugadores y jugadoras. El sábado se jugaba el Campeonato Gallego Sub9 y Sub15 en el Club del Mar San Amaro de A Coruña, y allí fueron 7 de nuestros jugadores y jugadoras trayéndose ocho medallas: David Dominguez, segundo en individual masculino Sub9 - David Dominguez y Guillermo Valdés, terceros en dobles Sub9 - Jessica Santos y Daniela Sanz, terceras en dobles F Sub15 - Bruno Fernandez y Marcos González,segundos en dobles M Sub15 - Hugo Domínguez (con Manuel M.), tercero en dobles M Sub15.

El Domingo fue en Vigo por la tarde, en las instalaciones del Bádminton Rosalía, donde se jugaba la 7ª Jornada de la Copa Promoción Xogade en categorías alevín y cadete.Por nuestro equipo se desplazaron dos parejas de alevines: por un lado la pareja Andrea Perez y Ana Carrera y por otro lado Telmo Portela y Anxo Fernández.

En ambos casos, jugaron una primera fase en la que superaron de forma relativamente cómoda los partidos. Ya en semifinales los rivales les pusieron las cosas más complicadas, pero amas parejas lograron ganar finalmente plantándose en la final.

Una final por tanto entre nuestras dos parejas que finalmente ganaron Telmo y Anxo, siendo segundas Andrea y Ana.

En resumen nuestros chicos y chicas, Campeones y Subcampeonas de la 7ªJornada.

Pero lo mejor de todo fue su interés por participar un domingo por la tarde, verles disfrutar jugando y aprendiendo de los rivales, y su compañerismo y buen rollo en esa final.

 

Sábado, 17 de marzo de 2018 

Acordo entre o Concello e a UNED para garantir a apertura da aula da UNED tudense

Onte reuníronse no concello de Tui o alcalde, Carlos Vázquez Padín; a concelleira de Educación, Mila González, e a secretaria do Centro Asociado da UNED en Pontevedra, María Troncoso, para buscar unha solución á apertura da aula tudense.

Nesta reunión ambas institucións, Concello e UNED, recoñeceron os obstáculos legais cos que se atopan para poder realizar a contratación do persoal preciso para a apertura da aula, de luns a venres.  Carlos Vázquez Padín, sinala que estas dificultades veñen dadas pola contratación do persoal e non polo financiamento dese posto de traballo xa que o concello garante e garantiu en todo momento asumir o custe que conlevaría.

De aquí a finais do presente curso académico 2017/18 Concello e UNED chegaron ao acordo de que o Centro Asociado da UNED en Pontevedra enviará os luns e mércores, en comisión de servizos, a persoal deste centro para a apertura da aula no antigo convento de San Domingos.  Mentres o resto da semana, os martes, xoves e venres, as clases trasládanse a aula CEMIT na Área Panorámica.

 

O Consorcio do Louro ten realizado mais de 1000 analíticas de auga potable nos últimos tres meses

O Consorcio de Augas do Louro ten realizado durante os últimos tres meses, coincidindo cos períodos de seca extrema de finais de ano e coas intensas choivas que se veñen reproducindo dende entón, mais de 1.000 análises de ata 25 parámetros diferentes para o control da auga potable, o que ten permitido dar resposta ás variacións na calidade da auga que chega ás plantas de potabilización co obxectivo de garantir o cumprimento dos requirimentos sanitarios legalmente esixidos.

Neste sentido, o Consorcio ten remitido mais de 20 informes aos requirimentos da Consellería de Sanidade, que pola súa banda ten realizado arredor de 150 analíticas e 14 inspeccións en diferentes datas e puntos das redes de abastecemento xestionadas por este organismo público nos Concellos de Mos, O Porriño, Salceda de Caselas e Tui.

Como resultado desta intensa campaña de control, e a pesares de ter sido comunicadas e solucionadas determinadas incidencias nalgún valor paramétrico como o caso do ferro, este Consorcio garante que se teñen cumprido os requisitos sanitarios contidos no RD 140/2003 e documentos de desenvolvemento aprobados polo Ministerio de Sanidade e Consumo, manténdose a auga en todo momento apta para o consumo humano.

 

Prado pide no parlamento que o Sergas solucione as deficiencais do pac e do centro de saúde de Tui

A portavoz de Sanidade, Montse Prado, levou ao Parlamento unha iniciativa para reclamar da Xunta a solución das deficiencias que acumulan tanto o PAC como o centro de saúde de Tui, e que dificulta tanto o traballo dos profesionais sanitarios como prexudica ás persoas usuarias.

Prado atribuíu ao “desleixo do SERGAS e da Xunta” a situación de deterioro dunhas instalacións que foron inauguradas con precipitación por motivos electorais do PP, e que desde a súa apertura teñen problemas que causan inconvenientes tanto aos usuarios como aos profesionais. “Ata se cuestionou a súa ubicación e  a día de hoxe aínda carecen de licencia de primeira ocupación”, denuncia a deputada.

“Non é normal que tras un ano da posta en funcionamento do PAC e oito meses do centro de saúde segan sen solventarse as carencias”, indicou Prado, que citou a modo de exemplo das reclamacións do persoal sanitario, “a sala de espera insuficiente, que ten a metade de superficie da instalación anterior  o que provoca que as persoas usuarias teñan que estar nos corredores, amoreada ou esperando fora”, indicou a deputada. “É de supoñer que se se fai unhas instalacións novas son para mellorar, é unha premisa básica, as cousas fanse para estar mellor non para empeorar”, recalcou.

A pésima localización dos servizos para o persoal, unha zona de vestiarios e de descanso do persoal do PAC con olores a sumidoiro e nunha planta diferente á que se presta á atención aos doentes, portas que xeran correntes de aire nocivas, forman parte dunha suma de problemas que deben ser solucionadas, explicou Prado.

“Con vontade política deberían solucionarse este conxunto de deficiencias para o PAC e o centro de saúde de Tui, xa que non requiren un gran orzamento pero si facilitan o traballo diario dos profesionais así como a atención ás persoas doentes”, concluíu Prado, quen avanzou novas iniciativas parlamentarias do BNG ante a negativa do PP a dar unha solución ás demandas do persoal destas instalacións sanitarias de Tui.

 

Venres, 16 de marzo de 2018 

Sección competitiva Play-Doc 2018: un completo itinerario polo documental do noso tempo en cinco escalas

Cinco títulos forman parte da sección á competición do 14º Festival Internacional Play-Doc, que se desenvolverá en Tui do 26 de abril ao 1 de maio: “The Waldheim Waltz” (Ruth Beckermann), “Going South” (Dominic Gagnon), “Lamaland” (Pablo Sigg), “Terra Franca” (Leonor Teles) e “Less Unwanted de Europa” (Fabrizio Ferraro). Desde o traballo dunha consagrada como Beckerman á ópera prima de Teles pasando polo último de Dominic Gagnon, do que tivemos un adianto na súa estadía en Tui en 2017. Estas cinco obras, deste mesmo ano e estreas en España todas elas, someteranse á ollada dun xurado formado polo crítico e programador Roger Koza, a directora de programación da Cinemateca Francesa, Caroline Maleville, e unha das responsables de MUBI, cinemateca global en liña, Chiara Marañón.

Variedade na temática e no estilo, pero tamén en procedencias e xeracións. Cine directo, observacional, arquivo e híbridos entre docu e ficción. A sección competitiva ofrece en cinco traballos un itinerario para coñecer o documental máis recente da man de figuras consagradas e, tamén, de promesas. A austriaca Ruth Beckermann dirixe “The Waldheim Waltz” (http://www.thewaldheimwaltz.com), documental premiado no Festival de Berlín e que chega a Tui na era de Trump, dos feitos alternativos e da postverdade. A veterana realizadora céntrase na figura do seu compatriota Kurt Waldheim, ex secretario de Nacións Unidas (1972-1981) que ocultou dous anos da súa biografía como criminal de guerra, e para abordalo parte do seu propio e inxente arquivo de imaxes.

Doutra realizadora, Leonor Teles, neste caso de nova xeración e de Portugal, é o traballo “Terra Franca”, o retrato dun pescador do Tejo que se poderá ver en Tui só uns días despois de estrearse no prestixioso Festival Cinema du Réel, con sede no parisino Centro Pompidou. Aínda que nova na longametraxe, Teles xa acadou o Oso de Ouro á mellor curta en Berlín 2016 con “Balada de un Batráquio”.

Going South é o título de Dominic Gagnon que competir no Play-Doc 2018 e cuxa estrea absoluta terá lugar só uns días antes, no Visions du Réel de Suíza. O pasado puidemos ver un pequeno adianto na clase maxistral que impartiu en Tui con motivo da retrospectiva que o festival lle dedicou ao polémico canadiano, pioneiro do cinema directo a distancia.

Tras formar parte da sección oficial do festival de Cine de Rotterdam chega o singular filme “Lamaland (Parte 1)” do mexicano-suízo Pablo Sigg para estrearse en España; un documental realizado en Nueva Germania (Paraguai) cos sobrevivintes directos da comunidade utópica fundada a finais do século dezanove pola irmá de Nietzsche, Elisabeth Förster-Nietzsche no sur da Amazonia.

Por último, na sección competitiva do Play-Doc 2018, a última produción de Lluis Miñarro, nome fundamental no cinema independente europeo: “Less unwanted de Europa” dirixida polo italiano Fabrizio Ferraro. Unha peza ao redor da ruta Lister nos Pirineos, transitada por antifascistas tanto de España como de Francia ao final da Guerra Civil e, posteriormente, na ocupación alemá de Francia, entre eles o filósofo Walter Benjamin, que morreu en Portbou en 1940. Play-Doc será o escenario para a estrea deste filme cuxo variopinto reparto inclúe ao músico Pau Riba ou á actriz e cantante Catarina Wallenstein, protagonista do filme “Singularidades de Uma Rapariga Loira” (2009) de Manoel de Oliveira.

Os xurados 2018

Coma é habitual en Play-Doc, o xurado que terá que valorar os traballos en pugna polo premio do festival está formado por nomes de relevancia e prestixio no mundo do cinema. É o caso do arxentino Roger Koza, máis que un crítico, xa unha referencia, colaborador de diversos medios de comunicación, responsable do blog “Con los ojos abiertos”, xurado de festivais en todo o mundo e programador, ademais, no Festival Internacional de Cine de Hamburgo. Caroline Maleville é a directora de programación da Cinemateca Francesa, unha institución viva e referencial para entender o cinema francés e europeo e que preside na actualide o mesmo Costa-Gavras. A terceira xurado en Play-Doc 2018 é unha das responsables de MUBI, cinemateca global en liña. Chiara Marañón encárgase da programación desta plataforma, responsable de estreas nos cinemas como Las Mil y Una Noches (Miguel Gomes, 2015), Le Fils de Joseph (Eugène Green, 2016) ou Mimosas (Oliver Laxe, 2016).

Avances de programación Play-Doc 2018

O Play-Doc Festival Internacional de Documentais celebra a súa décimo cuarta edición do 26 de abril ao 1 de maio, baixo a dirección de Angel Sánchez e Sara García. A oferta formativa, co seminario feminista en colaboración con A Cuarta Parede e os obradoiros de cinemas coa Agrupación Cinematográfica Galega, xa está en marcha coas inscricións abertas. Nos próximos días iremos avanzando a programación completa: retrospectivas 2018, cinema galego, música en directo e todas as actividades desta edición.

Toda a información Play-Doc 2018 na web: http://www.play-doc.com

 

Xoves, 15 de marzo de 2018 

Preocupación dos socialistas de Tui polo posible peche da UNED

Ante a preocupación crecente entre o alumnado da aula da UNED de Tui, quen teme que se poda chegar a pechar a mesma, debido a falla de persoal que realice as tarefas de apertura e peche e que, ao tempo, desenvolva lobores de información e orientación, dende o PSdeG de Tui amosaron “o compromiso máis forte co Centro”.

Tui, coma cabeceira de comarca do Baixo Miño, localiza servizos que se prestan a todos os veciños da mesma, entre eles a aula da UNED, servicio público “irrenunciable e ao que o Concello ten que prestar toda a súa colaboración no marco do Convenio suscrito coa entidade educativa”.

Lembran desde esta formación política que sendo alcalde Enrique Cabaleiro fixéronse esforzos por dotar de persoal estable ao centro, tendo que recurrir en ocasións a solucións imaxinativas co resultado de que a Uned nunca tivo que pechar as súas portas.

Desde o Grupo Municipal Socialista, recordan que nos meses inmediatos á moción de censura, se estaba estudando coa dirección do Centro a posible modificación do Convenio firmado entre o Concello e a institución educativa para aclarar o seu contido e facilitar que dende a institución local se puidese dotar de persoal para a apertura e peche, a orientación e información ao alumnado e cidadáns en xeral.

Diante desta situación, o PSdeG tudense “ofrecemos ao actual equipo de goberno a nosa total colaboración en tal sentido, coa única e exclusiva finalidade de que Tui non perda a aula dunha institución tan prestixiosa coma a UNED”, que facilita aos cidadáns o acceso a educación universitaria e que, nos últimos anos, desenvolve actividades de diversa índole, coma cursos de verán, accesibles incluso a menores. En tal sentido “apoyaríamos a modificación do Convenio no sentido exposto e veriamos con bos ollos calquera solución provisional que permita dar estabilidade ás tarefas de información e orientación a desenvolver na mesma coa única finalidade de evitar o peche na nosa localidade do Aula da UNED”.

 

Reestruturada a zona de Secretaría para ofrecer un mellor servizo aos cidadáns

A zona de Secretaría na planta baixa da Casa do Concello vén de ser reestruturada ofrecendo un entorno máis axeitado tanto para os traballadores coma para o público que acode a realizar calquera xestión.

Coa nova distribución, coa que se creou un espazo máis aberto, sinalizáronse con carteis indicativos os trámites que se realizan en cada posto de traballo, de tal xeito que o cidadá pode identificar claramente a quen dirixirse en función da xestión pola que acode até o concello. 

O alcalde, Carlos Vázquez Padín, explica que deste xeito amósase a aposta que fan polo “goberno aberto e a vocación de servizo aos cidadáns”.  Engade que “a nova distribución facilita o labor dos empregados incrementando a súa produtividade e tamén facilita o achegamento da cidadanía aos servizos públicos”.

A concelleira de Persoal, Mila González, sinala que a reestruturación levouse a cabo con medios propios e cun mínimo investimento referido á impresión dos carteis indicativos.

 

Mércores, 14 de marzo de 2018 

Minuto de silencio e concentración en memoria do  neno Gabriel Cruz

O concello de Tui convoca á poboación á concentrarse hoxe, mércores, ás 12h diante da casa do concello e gardar un minuto de silencio en memoria do neno Gabriel Cruz, asasinado en Níjar, Almería.

 

O goberno municipal levará a pleno nos próximos meses a rebaixa do IBI

O goberno municipal de Tui tratará nos vindeiros meses de levar a pleno a rebaixa do IBI, Imposto de Bens Inmobles, que era un dos puntos do acordo programático chegado entre C21 e PP para gobernar no Concello de Tui.

O alcalde, Carlos Vázquez Padín, explicaba que esa rebaixa do IBI, faise máis pertinente que nunca “tendo en conta o malestar que está xerando na poboación a regularización do Catastro” algo que aclara “é completamente alleo ao concello”.

Arestora o goberno municipal está a estudar coma acometer esa rebaixa. Posteriormente levará a pleno, nos próximos meses, a aprobación inicial da baixada do IBI, no que sería o primeiro paso a dar dunha medida que, completada a tramitación, entraría en vigor o 1 de xaneiro do seguinte exercicio, neste caso de 2019.

 

Adxudicado o anteproxecto e estudo de viabilidade do aparcamento subterráneo na traseira da Área Panorámica

O concello de Tui vén de adxudicar o anteproxecto e estudio de viabilidade do aparcamento subterráneo na traseira da Área Panorámica por un valor de 17.500€ máis IVE. O estudio de arquitectura adxudicatario encargarase tamén da redacción dos pregos técnicos para a posterior adxudicación do proxecto e da construción do aparcamento subterráneo, cuxa construción debería estar en marcha no que queda do actual mandato.

Despois de ter dialogado con varias empresas o concello chegou á conclusión de que para a viabilidade económica do investimento a concesión do aparcamento soterrado ten que ir ligada á implantación da zona azul nas rúas céntricas de Tui xestionada pola mesma empresa. Así o alcalde de Tui, Carlos Vázquez Padín, sinala que “obviamente ninguén pode pretender que un investidor se gaste unha enorme suma de diñeiro nun aparcamento soterrado se este vai estar rodeado de aparcamento gratuíto”. Engade o rexedor que o  obxectivo é “atraer a Tui un investimento privado superior aos dous millóns de euros que permita paliar a problemática da escaseza de aparcamento e poder urbanizar a traseira da Área Panorámica, dando cumprimento ao que o Plan Xeral contempla para esa zona, a súa conversión en zona verde”.  Por último conclúe Vázquez Padín que “a propia configuración urbana de Tui fai do aparcamento un ben escaso” polo que “con esta actuación lograremos optimizar o uso dese recurso escaso e atraer investimento a Tui”. Precisa amais que no remate do período de concesión o aparcamento pasaría a ser de propiedade municipal.

 

Sábado, 10 de marzo de 2018 

Competición fin de semana del Club Bádminton Tui

Por una parte los Sub 15, Hugo Domínguez, Bruno Fernández y Marcos González en categorías individual y doble, se desplazaron ayer, viernes, a Tordesillas para participar durante sábado y el domingo en el "Máster Jóvenes Sub-15 y Sub-19 Tordesillas (6*) XIV Torneo Villa del Tratado" (https://goo.gl/BT3G7L)

Por otro lado, hoy sábado, estará el Club Bádminton Tui con los Sub 11 hen As Neves, donde participarán en el "Galicia TTR As Neves Sub11" (https://goo.gl/rgWEKi), con cinco deportistas: Guillermo Valdés, David Domínguez, Lucas Valdés, Eva Bermudo y Noa de la Calle, que jugarán también en categorías individuales y dobles.

 

Xoves, 8 de marzo de 2018 

Sarabela Teatro presenta “O rei morre” no Teatro Municipal de Tui

O Teatro Municipal de Tui acolle este venres, 9 de marzo, ás 21.30h a representación de "O Rei Morre" da man de Sarabela Teatro. Nesta montaxe Sarabela Teatro volve apostar por unha obra de Eugene Ionesco coma ten feito noutras ocasións ao longo da súa dilatada traxectoria que comezou en 1980.

Baixo a dirección de Ana Vallés, unha das directoras máis emblemáticas do teatro galego, asumen un novo debate sobre a vida e a morte, nunha obra que dende a súa publicación en 1962 teñen abordado distintas xeracións. Esta proposta do teatro do absurdo desdebuxa a liña entre o actor e o personaxe, entre a realidade e a representación nunha sátira política na que o rei se aferra á vida, ao tempo que se aferra ao poder.

A obra ofrece tamén unha ollada sobre o xénero na nosa sociedade nunha posta en escena na que Fernando Dacosta interpreta ao rei Berenguer I, Fina Calleja a Margarida, primeira muller do rei; Sabela Gago ao médico real; Nate Borrajo a María, segunda muller do rei; e Alfonso Míguez a Alfonso, súbdito.

Así ao longo de 70 minutos, e en ton de comedia, a obra achéganos á figura do rei Berenguer I que construíu un mundo a súa medida. Crese atemporal e non é quen de aceptar a verdade de que o final da súa vida está preto. Pensa que se trata dun pesadelo e non deixa de dar ordes coma quen o pode controlar todo. A súa muller e o seu médico tentan convencelo de que acepte a crúa verdade.

As entradas están á venda até o venres ás 12 horas en www.culturatui.info ou o venres dende ás 20h no despacho de billetes ao prezo de 6 e 4,5 euros.

 

Unha concentración e a lectura dun manifesto centran os actos do 8M en Tui

            “Pola igualdade real, ti es unha peza clave” é o lema baixo o que este ano o Concello de Tui vai conmemorar o Día Internacional da Muller, co obxectivo de visibilizar á muller e ao tempo que implicar a toda a sociedade en lograr unha igualdade real.

O acto central terá lugar hoxe, ás 12.30h diante da casa do concello cunha concentración e a lectura dun manifesto que será lido por unha traballadora do Concello.

Amais para visibilizar a presenza das mulleres tense convidado as mulleres que teñen un posto no mercado semanal que se celebra os xoves na cidade, ás praceiras do Mercado Municipal, a colocar un globo morado. Convite que se fai extensivo aos comercio, empresas, centros culturais e fogares onde haxa unha muller.

Por outra parte a campaña está presente tamén na internet a través da web municipal e das redes sociais do concello – Facebook e Twitter – así coma da Radio Municipal de Tui.  En concreto nas redes sociais do concello e da emisora municipal haberá unha mensaxe diaria dende hoxe e até o domingo dentro desta campaña do 8M. Por outra parte na Radio Municipal de Tui as mulleres teñen a voz protagonista esta semana coas entrevistas diarias a algunhas deles de diversos sectores. A actriz Laura Villaverde foi a primeira entrevistada, seguida da avogada Charo Varela.  Ao tempo a música de mulleres será a protagonista hoxe, xoves, nos distintos programas.

 

Mércores, 7 de marzo de 2018 

Tui buscará aliarse con Valença dentro da Eurocidade para converterse en Smart City

A Eurocidade Tui-Valença estudará a solicitude de subvencións para poder converter a Tui e a Valença nunha Smart City logo da presenza de técnicos das dúas cidades a pasada semana en Barcelona no World Congress Mobile.

Para o Concello de Tui asumir en solitario o investimento preciso para a modernización dos servizos que presta sería inviable economicamente polo seu tamaño polo que a aposta sería a asociación con municipios limítrofes, inclinándose por esa alianza con Valença dentro da Eurocidade.

O proceso de conversión en Smart City podería levarse a cabo de xeito gradual, adaptando en primeiro lugar as infraestrutura existentes para a implantación das TIC’s. Unha transformación que podería comezar en servizos coma o do alumeado público ou o da recollida do lixo.  Esta transformación conlevaría unha mellora na eficacia destes servizos co conseguinte aforro económico.

 

Acordo na mesa de negociación entre o goberno e os sindicatos no capítulo de persoal

O pasado luns reuniuse no concello de Tui a mesa de negociación onde o goberno municipal e os sindicatos chegaron a un acordo sobre o capítulo de persoal, que segundo o alcalde, Carlos Vázquez Padín, “con este acordo se rectificará o capítulo 1 dos orzamentos que o incrementarán en 82 mil euros”. Ao tempo explicou que se mantén o estudo da Relación de Postos de Traballo fóra do capítulo 1, por cuestións técnicas, que suporá un investimento na mellora da organización e os seus traballadores.

Logo deste acordo cos sindicatos, que o alcalde Carlos Vázquez Padín entendía que era importante para poder levar os orzamentos a pleno, nos próximos días remitirán no novo borrador aos grupos da oposición, coa intención de continuar até o pleno de marzo e aprobar os orzamentos.

 

Martes, 6 de marzo de 2018 

Club Badminton Tui en la pasada jornada

El sábado Marcos, Hugo y Bruno, fueron los tres representantes en Ourense en el Campeonato Gallego SUB17. Los tres son realmente SUB15 y a pesar de competir en una categoría superior a la suya hicieron un buen papel tanto en individuales como en dobles. 

Y el domingo el club fue sede de la 6º Jornada de la Copa Promoción Xogade en categorías infantíl y benjamín.

Fue una mañana de deporte y convivencia entre jugadores y técnicos. Desde Badminton Tui agradecen a los clubs participantes su asistencia y deportividad: As Neves, Crecente, Teis, Porto Cabeiro, Cangas y Rosalía, y felicitan especialmente a los jugadores locales que hicieron un muy buen papel subiendo al pódium alguno de ellos en casi todas las categorías. Y lo importante, que disfrutaron con otros chicos de otros clubs de este deporte.

Agradecen por último la colaboración de Juan Fernández, de la federación que ns estuvo ayudando con la organización de los grupos y partidos.

 

Sábado, 2 de marzo de 2018 

A VII Eurocidade BTT reunirá a máis de 1.200 participantes

Mañá,  domingo, a partir das 09.00 horas españolas, dende a piscina municipal de Valença, sairá a “VII Eurocidade BTT”, proba deportiva de ciclismo de montaña, organizada pola Eurocidade Tui-Valença, en colaboración coa Peña Ciclista Biciosos Rías Baixas, que percorrerá polas dúas cidades e polos dous montes, o Aloia e o Faro, con dous posibles percorridos, un de 42 e outro de 74 quilómetros, dependendo do nivel de cada participante.

A organización pechou o pasado sábado as inscricións, chegando ao número máximo de participantes. Un total de 1.260 ciclistas, chegados na súa maior parte de Portugal e Galicia, tomarán a saída na proba máis participativa do calendario da Eurocidade 2018, que ano a ano segue sendo cita fixa no calendario dos afeccionados ao BTT.

Dado o número de inscritos, a organización estableceu tres puntos de recollida de dorsais: XtremBike (tenda de bicicletas de montaña de Vigo) o venres pola tarde e o sábado de mañá; en GripBikes Tui o sábado pola tarde; e por último, o día da proba, dende ás 08.00 ata as 08:45 horas españolas, na zona da saída.

Os acompañantes dos participantes poderán participar nunha andaina, que percorrerá a ribeira do Miño, entre Valença e Tui, cos monitores do Club AndaTui Rego da Pedra.

A proba estará controlada en todo momento polos membros da Peña Ciclista Biciosos Rías Baixas, pola GNR, a Garda Civil, a policía local de Tui, así como pola Cruz Vermella Española, Cruz Vermelha Portuguesa e Bombeiros Voluntarios de Valença.

Con motivo desta proba, a Ponte Internacional, a Avenida de Portugal, a rúa Martínez Padín, rúa Cuenca, rúa San Telmo, rúa Antero Rubín, rúa Canónigo Valiño e San Bartolomé, estarán pechadas dende as 09.00 ata as 10.30 horas españolas, sendo habilitadas zonas de saídas alternativas para aqueles que o necesiten, solicitando dende o Concello a máxima colaboración dos veciños e veciñas de Tui.

 

Venres, 2 de marzo de 2018 

Na programación dos “Días da Memoria” representarase en Tui “A Lola”

O salón de actos do instituto San Paio acollerá mañá, sábado, ás 19.30 horas, a representación “A Lola”, de Manuel Ayán, a cargo do Grupo de Teatro Aveliña.

Sinopse.  A Lola son todas as mulleres que sobreviviron aos seus seres queridos, arrebatados polo terror franquista.

O relato xoga co presente (mediados dos anos sesenta) e o pasado (os anos da II República e os inmediatamente posteriores ao golpe militar de xullo de 1936). A súa trama está determinada polo que se denomina o “pasado non ausente” ou sexa, polo feito de que o sucedido nos anos da represión posterior ao golpe segue a determinar as vidas e as condutas de varias xeracións, porque o silencio sobre aqueles feitos impide a superación do trauma.

David e Teresa, mozos abertos aos novos aires que comezan a infiltrarse na sociedade española, deciden casar e visitan casa nativa para comunicarllo aos seus pais. Pero os traumas do pasado seguen presentes: a historia dos pais de Teresa, familia comprometida dende o primeiro momento co novo réxime de Franco e a dos pais de David, identificados cos ideais republicanos, frustran os desexos dos mozos.

Na obra recréase o ambiente, ideais e confrontacións entre dúas formas de entender a sociedade: os valores da tradición patriarcal e escolástica dos golpistas fronte ao proxecto constitucional-republicano de progreso e liberdade.

 

Cayetano Lledó presenta este sábado no Teatro Municipal de Tui "Sherlock Holmes"

Maxia, humor e comedia son a proposta que da man do mago Cayetano Lledó chega este sábado, 3 de marzo, ás 19h, ao Teatro Municipal de Tui co espectáculo "Sherlock Holmes".

Cayetano Lledó é produtor, distribuidor de teatro, ilusionista e actor de improvisación que basea as súas obras na comedia e na maxia cómica. Ten participado en moitos festivais internacionais de ilusionismo. Na actualidade preside a Asociación de Magos Profesionais de Galicia (MPG).

O afamado detective resolverá o caso do roubo das xoias da Mansión dos Patterson. Todos, dende a baronesa até o mordomo, son sospeitosos, incluso podería ser que alguén do público puidera ser o responsable desta importante desaparición. 

As entradas están á venda en www.culturatui.info até o sábado ás 12h ou o sábado dende ás 17.30h no despacho de billetes. Prezos: 4 e 3€.

 

O Concello de Tui solicita á consellería de Sanidade que revise as deficiencias no novo centro de saúde

O alcalde de Tui, Carlos Vázquez Padín, remitiu un escrito á consellería de Sanidade da Xunta de Galicia, no que solicita que adopte as medidas necesarias para solucionar as deficiencias que presenta o novo centro de saúde na rúa Casal Aboy.

O mandatario tudense expón que no novo ambulatorio existen deficiencias que están a padecer tantos os usuarios coma os traballadores do centro. Por este motivo demanda que se corrixan esas carencias para poder ofrecer un mellor servizo.

Carlos Vázquez Padín, busca ter coñecemento polo miúdo das actuacións que se están acometendo xa que segundo a resposta dada en sede parlamentaria, Sanidade está a solucionar as deficiencias detectadas no PAC de Tui, e o departamento autonómico amosou o seu dispor a “escoitar aos profesionais do centro de saúde, a ter en conta as súas aportacións e poñelas en práctica para mellorar a prestación do servizo sanitario”.

 

O pintor Giuseppe Rea presenta en Tui a súa obra baixo o título de “Los colores del alma”

Hoxe, venres, ás 19h, terá lugar na Sala de Exposicións Municipal na Área Panorámica, a inauguración da exposición “Los colores del alma” do pintor Giuseppe Rea.

A mostra está conformada por unha trintena de obras de pequeno e gran formato realizados ao óleo, nos que Giuseppe Rea escapa de todo formalismo académico, desafía ao espectador, para chegar á profundidade da alma humana.  De formación autodidacta a pintura deste artista, afincando dende hai oito meses na parroquia tudense de Guillarei, está tinguida de existencialismo e humanidade.

 

Play-Doc 2018 abre a inscrición para obradoiros e seminarios

A dous meses para a apertura da décimo cuarta edición do Play-Doc Festival Internacional de Documentais de Tui, o certame abre as convocatorias para os obradoiros e seminarios que formarán parte da súa programación. Crítica feminista e cinema artesanal son os eixos sobre os que xira a oferta formativa en colaboración con A Cuarta Parede e Agrupación Cinematográfica Galega. Play-Doc 2018, que se celebra do 26 de abril ao 1 de maio e que pasada edición recibiu a oito mil espectadores, anunciará proximamente a súa programación.

De como se constrúen as representacións femininas no cinema versa o seminario de crítica feminista en colaboración coa Asociación Cultural A Cuarta Parede, que participa no festival por quinto ano consecutivo. O seminario desenvolverase os días 28 e 29 de abril e contará coa presenza das investigadoras Elena Oroz (Universidade Carlos III de Madrid), Marta Pérez Pereiro (Universidade de Santiago de Compostela) e Marga Carnicé Mur (Escola Superior de Cinema i Audiovisuals de Catalunya).

Ademais das reflexións teóricas ao redor das correntes feministas e o cinema desde os anos setenta, o seminario contará tamén cun obradoiro práctico no que as persoas participantes poderán facer as súas propias críticas –escritas ou en vídeo– sobre os filmes programados no festival, que logo serán publicadas na revista dixital A Cuarta Parede. A inscrición pode facerse enviando unha mensaxe a info@acuartaparede.com até o venres 20 de abril. O prezo da matrícula será de 30€, e inclúe unha acreditación que dá acceso a todas as sesións e actividades do festival.

Tui en 16 mm

O Play-Doc en colaboración coa Agrupación Cinematográfica Galega abre tamén inscricións para dous obradoiros centrados na artesanía do cinema e dirixidos a público infantil e adulto.”Filma, revela, edita e proxecta” é o título do obradoiro que se celebrará en dúas quendas, a primeira os días 27 e 28 de abril e a segunda os días 29 e 30. Un obradoiro práctico con prazas moi limitadas que, partindo das paisaxes filmadas nos anos sesenta e setenta en Tui polos seus habitantes en formato Súper 8 procedentes do Arquivo Galego de Cinema Doméstico, propón aos participantes filmar os mesmos planos en 16mm. Un obradoiro que, ademais de afondar na creación da imaxe cinematográfica analóxica, servirá para mostrar as transformacións da paisaxe nos últimos corenta anos. Impartido polo director de fotografía e da Agrupación Cinematográfica Galega, Pablo Gómez Salga, para poder inscribirse no obradoiro, que ten un prezo de 95 euros, hai que enviar un mail a: lacinematografica@gmail.com , co asunto ‘Taller 16mm. Play- Doc 2018’, indicando un nome e persoa de contacto. Cada quenda do obradoiro admitirá un máximo de seis persoas.

Fiel ao obxectivo de introducir no cine aos novos públicos, o Play-Doc 2018 tamén reserva un taller para o publico infantil, entre 8 e 12 anos. CinemaEscola, a primeira escola de cinema e artes visuais para xente noviña en Galicia, imparte o obradoiro “Descubrindo as imaxes”, o sábado 28 de abril de 16 a 20h, con prazas limitadas. Os participantes gravarán pequenas películas ao estilo dos irmáns Lumiere: películas que duran só un minuto, nunha toma única e sen mover nin cambiar nada en cámara, que retratan accións de principio a fin. Como inscribirse neste obradoiro impartido por Pablo Gómez Salga e Alfonso Durán? Escribir a lacinematografica@gmail.com , co asunto ‘Obradoiro de cinema público infantil. Play- Doc 2018’, indicando un nome e persoa de contacto

Toda a información sobre as actividades formativas en Play-Doc 2018 na web: http://www.play-doc.com

 

Acitui dispone para 2018 de un presupuesto de 40.000 euros

La Asociación de Comerciantes e Industriais de Tui, presentó las líneas de actuación y presupuesto para este año 2018.

Entre las novedades el presidente de Acitui, Juan Carlos Blanco Lorenzo, infor, anteriormente responsable de calidad, prevención y medio ambiente de la Confederación Provincial de Empresarios y secretario de la Asociación de Comerciantes de O Rosal.

El presupuesto previsto para este año es de 40.000 euros, con el que, además de sufragar los gastos corrientes de personal e instalaciones de la asociación y campañas ordinarias de comercio, se destinará una partida al proyecto “El día de América en Galicia”, previsto para septiembre.

El proyecto Día de América ya cuenta con el apoyo inicial del Ayuntamiento de Tui, la Cámara de Valença y la Diputación de Pontevedra.

El presidente de Acitui insistió en la escasa participación institucional de la asociación y, con el objetivo de aumentar esa presenci, se presentaron el pasado día 22 de febrero tres candidaturas a vocales a la asamblea de la Cámara de Comercio de Industria y Navegación de Tui cuyas candidaturas se proclamarán el día 15 de marzo.

También se presentó la “III edición de Saborea Tui”, que comienza hoy, 2 de marzo y finaliza el día 24, todos los viernes y sábados de 19:00 a 23:00 horas. Esta campaña está financiada por la Consellería de Economía, Emprego e industria y tiene como objeto potenciar la hostelería y atraer visitantes a la ciudad.

 

Xoves, 1 de marzo de 2018 

Isabel Risco, Fran Rei e Pedro Brandariz protagonizan “Falar sen cancelas”

Este venres, 2 de marzo, ás 21.30h chega ao Teatro Municipal de Tui o espectáculo "Falar sen cancelas" con Isabel Risco, Fran Rei e Pedro Brandariz. É unha proposta de hora e media de humor sobre a galeguidade, a lingua, as nosas costumes e ritos; unha festa de gags cómicos e situacións nas que veremos o mellor (e o peor) de nós mesmos porque o falar ... non ten cancelas.

Comedia, clown e improvisación mestúranse ao longo dos 75 minutos que dura o espectáculo, producido por Culturactiva SCG e dirixido por Diego Rey.

Isabel Risco, Fran Rei e Pedro Brandariz son tres cómicos excepcionais que amosan a súa experiencia e a súa compenetración artística, labrada durante 15 anos de colaboración en diferentes espectáculos, intercalando sobre o escenario unha serie de diálogos, gags e xogos de improvisación que farán de cada representación unha aventura diferente e única.

Falar sen Cancelas parte da descuberta dun andazo que está acabando coa galeguidade. Os tres humoristas foron atacados por este estraño virus, que fai que non poidan falar galego en público...  pero non son capaces de quedar cruzados de brazos perante semellante problema, e buscan unha solución. Os acontecementos van desembocando nun aloucado espectáculo cheo de retranca, improvisación e reflexións cómicas sobre a galeguidade.

As entradas están á venda en www.culturatui.info até o venres ás 12h ou o venres dende ás 20h no despacho de billetes. Prezos: 6 e 4,5€.