Índice

www.galiciasuroeste.info

 

NOVEMBRO

 

Xoves, 30 de novembro de 2017    

O porto da Guarda estará en obras para a mellora do pavimento durante a fin de semana

O Concello da Guarda informa de que nos próximos días acometeranse as obras de mellora do pavimento rodado no porto da Guarda. Estas obras, de Portos de Galicia, cun investimento de 50.000 euros, inclúen o fresado, asfaltado e pintado da sinalización horizontal nos espazos sinalados en cor amarela no plano adxunto, e levaranse a cabo entre este xoves e o luns da próxima semana.

As obras de mellora poderán producir incomodidades aos usuarios da vía. Por esta razón, desde o concello pregan desculpas polas molestias que estas obras poidan ocasionar.

 

Xoves, 30 de novembro de 2017    

O calendario anual de andainas organizado por A Guarda e Caminha pecha o 2017 con boa acollida

A programación anual de andainas organizadas polo Concello da Guarda finalizou o  sábado 11 de novembro cun percorrido entre Leiro e Pazos de Arenteiro no que participaron máis de 50 persoas. A actividade organízase dende o ano 2010 e, dende o pasado ano, o Municìpio de Caminha únese á Guarda na iniciativa.

Neste 2017, o calendario de andainas comezou na primavera e incluíu un total de sete saídas, incluída a derradeira andaina de novembro que non formaba parte do calendario anual. A primeira das saídas realizouse o 25 de marzo e constou dun percorrido de 17 km dende o Camiño dos Burros en San Xián (O Rosal) ata chegar á Guarda, namentres na segunda das andainas, celebrada o 6 de maio, tivemos a oportunidade de realizar un percorrido de 15 km entre Allariz e Augas Santas, pasando pola beira do río Arnoia.

A terceira saída tivo lugar o 3 de xuño e consistiu nun itinerario de 15 km pola Illa de Arousa, paseando pola afamada ruta dos Cons e polo sendeiro dos Pilros.  O 28 de agosto achegámonos á Romería de São João d’Arga (Caminha), percorrendo un camiño de 20 km e a a quinta das andainas realizouse o 16 de setembro, cunha ruta interpretativa de 22 km polas fortalezas do Baixo Miño, incluíndo os fortes de San Lourenzo de Goián (Tomiño), Lovelhe, Caminha e o Castelo de Santa Cruz.

O calendario de andainas organizadas conxuntamente con Caminha cerrou a súa programación oficial o 7 de outubro, coa realización dun percorrido de 16,5 km polo municipio portugués de Ponte de Lima, a través da coñecida ruta das Lagoas de Bertiandos e São Pedro D’Arcos.

Dada a boa acollida da iniciativa, o próximo ano continuará esta a programación de andainas, orientada a ofrecer aos veciños e veciñas alternativas de ocio saudable e ao aire libre, e a  coñecer a paisaxe e o patrimonio da nosa vila e a súa contorna. A comezos do novo ano publicarase o calendario de andainas do 2018 -comezando previsiblemente chegada a primavera- e as datas de inscricións para cada unha delas.

 

Mércores, 29 de novembro de 2017    

O Monte Santa Trega acolleu a cuarta edición do Trail do Trega con preto de 300 participantes 

A Guarda acolleu o pasado domingo, 26 de novebro, a cuarta edición da proba deportiva Trail do Trega. Preto de 300 persoas participaron na carreira pedestre e a andaina, que transcorreron polo Monte Santa Trega e a súa contorna.

Namentres as preto de 70 persoas participantes na andaina comezaron o seu percorrido ás 9:15 horas, a carreira cronometrada comezou puntualmente ás 10:00 horas, partindo da explanada do Centro Cultural.

            O oiense Antonio Liébanas conseguiu percorrer os 18,5 km da proba, con preto de 1.100 metros de desnivel acumulado, en pouco menos de 1h52’14’’, proclamándose como campión absoluto entre os máis de 220 participantes. Poucos segundos despois, acadou a meta o vigués Alberto Iglesias (1h52’32’’) e, trancurridos 1h54’09’’ do inicio, fíxoo o redondelado José Luis Dorado.

Na categoría feminina, conseguiron os mellores tempos a tudense María Jesús Fernández (2h32’55’’), e as viguesas Elena Pérez e Isabel González, que cruzaron a liña de meta nesta orde e con poucos segundos de diferenza (2h36’35’’ e 2h36’54’’, respectivamente).

Tamén obtiveron recoñecemento os tres guardeses co mellor resultado. Así, Josué Moreno (2h05’34’’), Antolín Martínez (2h10’44’’) e Javier González (2h13’27’’) recibiron un trofeo da man da concelleira de Sanidade e Servizos Sociais, Teresa Vicente, e o concelleiro de Deportes e Patrimonio, Javier Crespo. María Dolores González, pola súa parte, foi a única guardesa participante (3h04’33’’).

Na categoría Sénior masculina (participantes de entre 18 e 34 anos) acadaron os mellores tempos David Alonso (1h55’02’’), o oiense Iván Pimentel (1h56’42’’) e Ángel Álvarez (2h02’42’’). Na feminina, pola súa parte, obtiveron recoñecemento Natalia Sierpes (2h40’28’’), Patricia Pereira (3h23’20’’) e Nerea González (4h02’12’’).

Na categoría Veteranas A (participantes de entre 35 e 44 anos), os mellores tempos foron os conseguidos por Elena Pérez,  Isabel González e  a viguesa Susana Álvarez (2h49’06’’), namentres na categoría masculina estes coincidiron íntegramente cos gañadores absolutos da carreira.

Na categoría Veteranos B (a partir de 45 anos), os mellores resultados foron os obtivos polo vigués Miguel Dorado (1h56’58’’), o redondelano Gonzalo Rodríguez (1h58’54’’) e Fran Blanco (2h02’17’’) de Boiro, respectivamente. Na categoría feminina, pola súa parte, estas foron María Jesús Fernández, Isabel Cunha (2h38’25’’) procedente de Vilanova de Cerveira, e a porriñesa Irene Sobreira (2h56’03’’).

O evento deportivo, que transcorreu sen incidencias, foi organizado por TimeAventure en colaboración co Concello da Guarda, a Deputación de Pontevedra e a Comunidade de Montes da Guarda.

 

Mércores, 29 de novembro de 2017    

Acto do BNG na Guarda “bases democráticas para unha nova Galiza”

O BNG  organiza na Guarda, este xoves dia 30 de novembro as 20:30 horas na Casa dos Alonso, un acto público aberto de presentación e debate das “bases democráticas para unha nova Galiza” que contará coas intervencións de: Ángel Baz, portavoz municipal do BNG na Guarda  e do deputado no parlamento galego, Luis Bará. Coas bases recollidas neste documento, queremos propor á sociedade galega un novo horizonte para o pais.

“Temos que avanzar cara un novo deseño político e institucional que nos garanta a capacidade real para poñer en marcha unha Galiza prospera e xusta, capaz de crear riqueza e emprego, que garanta os servizos públicos e os dereitos sociais.

Diante dos cambios que se están dando na configuración do estado español, Galiza non pode quedar marxinada e no furgón de cola”.

 

Mércores, 29 de novembro de 2017    

Satisfacción no BNG pola aprobación do convenio para unha transformación histórica da rúa Concepción Arenal na Guarda

O Bloque Nacionalista Galego amósase satisfeito pola aprobación no pleno, cos únicos votos favorábeis do PSOE e do BNG, do convenio entre a Deputación de Pontevedra e o Concello da Guarda para a reforma da rúa Concepción Arenal, que vai posibilitar un investimento histórico no noso concello.

Este proxecto é fundamental para a cambio de modelo urbano do concello da Guarda porque transformará unha estrada no medio da vila nun espazo público pensado por e para as persoas, xerando dúas prazas públicas e creando espazos con accesibilidade universal para favorecer a mobilidade peonil e ciclista.

Para o BNG, o concello da Guarda debería de aproveitar esta actuación da Deputación para implementar outra serie de medidas que vaian na liña de facer da Guarda un exemplo de mobilidade sustentábel, como a limitación do transito de vehículos no centro, xeración de aparcadoiros disuasorios, zonas 30, fomento de camiños escolares, etc.. medidas xa analizadas e propostas no plan de mobilidade.

“O proxecto de Concepción Arenal vai na liña do noso modelo para A Guarda, transformándoa nunha vila para as persoas, no que a xente se encontre na rúa, e se aposte polo comercio local. Desde o BNG pedirémoslle ao goberno municipal que aproveite esta oportunidade e continúe nesta liña”, comentou Ángel Baz, portavoz municipal do BNG na Guarda.

Esta obra vai reportar ao Concello da Guarda uns investimentos de máis de 1.100.000 € da Deputación de Pontevedra dunha obra que custa 1.600.000 €, algo que non se vía en todos estes anos de goberno do PP.

O convenio aprobado polo pleno da Guarda é froito do compromiso do Deputado de Mobilidade, o nacionalista Uxío Benítez, quen deixou de manifesto que o proxecto de transformación da rúa Concepción Arenal debería sinalar un antes e un despois para o futuro da Guarda.

Aceso novo ao porto da Guarda

A transformación de Concepción Arenal debe vir acompañado de outra grande infraestrutura como é o novo acceso ao Porto da Guarda, do que a Deputación está redactando o proxecto. O porto da Guarda necesita dun novo aceso directo para que ás actividades portuarias poidan desenvolverse porque non ten sentido que o tránsito cara o porto se faga a través dunha rúa no medio da vila.

“Un novo acceso ao porto é posíbel e depende do PP, que debería preocuparse de conseguir que o Goberno da Xunta poña cartos enriba da mesa para dotar ao noso porto dun acceso decente, que impulsen as actividades económicas no porto, dado que teñen competencias directas e xa o fixeron noutros lugares.”, comentou Ángel Baz.

O BNG vai seguir traballando para que a Xunta se comprometa a dotar unha partida para a execución do novo aceso ao porto da Guarda.

 

Martes, 28 de novembro de 2017    

A Guarda conmemorou o Día Internacional contra as Violencias Machistas con teatro, cinema e música

A Concellería de Igualdade e o Centro de Información ás Mulleres (CIM) do Concello da Guarda promoveron dende o pasado xoves unha serie de actividades culturais con motivo do Día Internacional para a Eliminación da Violencia contra as Mulleres, que se conmemorou o pasado 25 de novembro. Teatro, cinema e unha actuación musical completaron a oferta cultural na vila guardesa, á que se uniron centenares de persoas.

A programación deu comezo o pasado xoves, 23 de novembro, coa proxección de «Lurna»  no Centro Cultural. A curtometraxe, dirixida polo guardés Nani Matos, mostrou aos máis de medio centear de persoas asistentes a historia, baseada nun caso real, dunha muller senegalesa que abandona o seu país na procura dunha vida mellor. Lurna, protagonista da trama, termina sendo vítima da explotación sexual.

O director do filme e o Subinspector da Policía Nacional na sección de estranxeiría, Suso Conde, iniciaron deseguido un coloquio sobre a explotación sexual feminina como máxima expresión da Violencia de Xénero. Propiciouse, así, un debate moi participativo no que o público mostrou gran interese tanto polos aspectos máis cinematográficos relacionados coa rodaxe como pola problemática da trata de seres humanos na actualidade. O Subinspector aportou ao respecto a súa experiencia na intervención en casos de explotación sexual e achegou a esta curtametraxe a súa visión dende o ámbito legal e policial.

Xa na mañá do sábado, 25 de novembro, tivo lugar na Casa dos Alonso un acto institucional conmemorativo no que a concelleira de Cultura, Educación e Xuventude, Elena Baz; a concelleira de Servizos Sociais, Sanidade e Igualdade, Teresa Vicente; a concelleira de Turismo, Facenda e Desenvolvemento Económico, Montserrat Magallanes; e o alcalde do Concello da Guarda, Antonio Lomba, procederon á colocación dunha pancarta na que se pode ler a mensaxe: «Contra todas as Violencias Machistas».  

Deseguido, o rexedor local dirixiuse aos asistentes para «manifestar a máis absoluta e enérxica condena ante as situación de violencia que, aínda que pareza inconcibible, continúan a producirse». Nesta liña, subliñou Lomba,  «non podemos caer no perigo dede normalizar os asasinatos por Violencia de Xénero, xa que estamos a ser testemuñas de como estas novas se convirten nunha máis nos telexornais e diarios, e as cifras son realmente arrepiantes». Así, referiu o alcalde, 45 mulleres foron asasinadas no que vai de ano, e 3 máis atópanse en proceso de investigación. Amais, 28 menores quedaron orfos a causa dos asasinatos machistas.

Estes datos, engadiu o alcalde, «teñen que facernos reflexionar sobre o que está acontecendo, por iso é tan importante levar a cabo iniciativas tendentes a mellorar a prevencións a través do incremento de medidas de sensibilización e educación». Nesta liña, «dende o Concello da Guarda asumimos o noso compromiso nesta loita contra calquera acto que atente conta a integridade e a dignididade das mulleres, apoiando as vítimas e transmitindo ás xeracións futuras o respeto, a igualdade entre mulleres e homes, e a defensa dunha sociedade xusta e igualitaria na que podamos participar libre e equlibradamente en todos os ámbitos e tomar conxuntamente as decisións que nos afectan», concluíu Antonio Lomba.

O grupo Cintaadhesiva pechou o acto cunha actuación poético-musical na que os versos, os sons e as imaxes se mesturaron ofrendo unha experiencia musical totalmente orixinal, e orientada á lembranza das vítimas da violencia machista e a defensa da igualdade entre mulleres, homes, nenas e nenos.

O broche de ouro da programación cultural conmemorativa do 25N viu da man da representación teatral «Nacidas libres». O Centro Cultural encheuse para visualizar a obra, na que se relata a historia de catro actrices que deciden emprender e montar uha peza inspirándose nunha noticia aparecida nos xornais sobre tres monxas indias retidas nun convento de Santiago de Compostela contra a súa vontade. A partir desta trama, o espectáculo ofreceu ao público múltiples reflexións sobre a liberdade, a desigualdade e os condicionantes culturais, todo elo dende a perspectiva de xénero e sen perder o humor.

 

Luns, 27 de novembro de 2017    

Gobierno y BNG guardés dan via libre a un convenio redactado por la diputación provincial de pontevedra para la ejecución de Concepción Arenal que Fátima Iglesias considera con financiación injusta

En el último pleno ordinario de la corporación guardesa celebrado el pasado viernes 24 de Noviembre, se aprobó con el voto favorable del BNG, la propuesta del equipo de gobierno socialista para la firma del convenio de colaboración con la Diputación Provincial de Pontevedra para la ejecución del proyecto de "Recuperación de espazos e Mellora de Mobilidade Peonil na estrada provincial-Acceso Porto", lo que es lo mismo, Concepción Arenal.

Un convenio para ejecutar un proyecto que, según Fátima Iglesias, desconoce la oposición y los vecinos, actuando el gobierno con total falta de transparencia ante una obra que implica a todos. Este es uno de sus argumentos para justificar su posicionamiento ante la propuesta, pero además, con el agravante del financiamento que implica: -la financiación de la obra es injusta para el pueblo de A Guarda y las arcas municipales y desigual frente a otros concellos, que nos conllevará tener que aportar el 30% del importe  total, casi 500.000€ en 3 anualidades-. Seremos los vecinos de A Guarda los que paguemos el necesario y urgente arreglo de un vial que no nos pertenece, que es de titularidad  provincial y firmamos además el compromiso de hacernos cargo del mantenimiento a partir de la entrega de la obra.

Según la concejala, -hay concellos cercanos que han negociado acuerdos de ejecución de actuaciones conjuntas aportando apenas un 10% del importe y cediendo la responsabilidad del mantenimiento al ente provincial, por tanto, quiero dar a conocer que este convenio es injusto, debemos exigir un trato igualitario, es más, exigir que la Diputación Provincial de Pontevedra financie sus obras.

 

Luns, 27 de novembro de 2017    

Sumando capacidades” proyecto en el colegio de los PP. Somascos para pormover la inclusión

Durante la semana del 20 al 24 de noviembre se llevó a cabo un proyecto en el Colegio PP.  Somascos de A Guarda, con el título “Sumando Capacidades”, que consiste en una serie de

acciones destinadas a promover la inclusión en la etapa de ESO del centro, a reconocer las distintas capacidades que tienen los niños, naturalizar síndromes, discapacidades y darle herramientas para que las puedan utilizar en pro de un mayor conocimiento del resto de alumnado y que favorezca una mejor convivencia. El programa versó sobre Discapacidad visual- teniendo como ponente a Lucía (Once), Síndrome de down, su ponente fue Miguel Estévez (Down Vigo); Comunicación y lenguaje, a cargo de Rosana Coímbra (San Xerome  de A Guarda); Autismo, del que hablaron Jennifer Oza y Laura Pereira (del Gabinete Bambáns de A Guarda), y Ásperger, a cargo de Leticia Prado (Fundación Menela).

Fueron dinámicas presenciales con el alumnado por parte de las ponentes, pero antes, hubo un punto de partida en las aulas que sirvió de inicio de este proyecto. Posteriormente el profesorado velará por el cumplimiento de las pautas trabajadas durante el curso escolar así como con la continuación de distintas acciones integradoras. Una de ellas es hacer unos recreos totalmente lúdicos, abriendo la oferta de juegos con material reciclado elaborados por parte de la etapa de ESO el pasado año.

Se trata de juegos de mesa totalmente distintos y que encajan con los gustos de un colectivo importante de niños. La apertura del gimnasio donde se celebrarán distintos campeonatos de juegos tradicionales durante el año complementarán esta oferta.

 

Luns, 27 de novembro de 2017    

O PP da Guarda vota en contra das obras en Concepción Arenal

No pleno municipal celebrado na Guarda o pasado 24 de novembro, o equipo de goberno levaba, coma punto máis importante na orde do día, a aprobación do convenio entre o concello e a deputación de Pontevedra para realizar as obras de humanización da rúa Concepción Arenal, que inclúen a Praza de Avelino Vicente e o entorno do antigo convento de San Bieito.

Dende o ano 2012, o concello viña solicitando da Deputación completar a urbanización desta rúa de competencia provincial, presentando distintos proxectos que o presidente Louzán sempre desestimou, ignorando a importancia desta actuación que o goberno municipal consideraba prioritaria.

Dende o comezo desta lexislatura o alcalde, Antonio Lomba, trasladou á presidenta provincial a importancia de acometer a obra de urbanización integral desta rúa, polo seu mal estado na parte alta e por ser unha das principias vías da localidade, tanto desde punto de vista social como económico, dado que na actualidade é a que conta con máis establecementos comerciais.

Despois de moitos meses de xestións para conseguir a redacción dun ambicioso proxecto e de chegar a un acordo sobre os prazos de execución e o financiamento, foi ao pleno ordinario de novembro a aprobación do convenio que compromete á Deputación e concello para a execución das obras, cun custo toal de 1.598.755,98 euros, dos que a Deputación fará unha aportación do 70 por cento, que ascende a 1.119.129,18 euros, e o concello o 30 por cento, contía de 479.626,80 euros. A achega económica por parte do concello está distribuída en tres anualidades entre 2017 e 2019.

A sorpresa foi “maiúscula” para o equipo de goberno, cando á hora da votación do punto na orde do día, trámite imprescindible para poder asinar o convenio e executar a obra, o PP da Guarda manifestou a súa postura en contra. Segundo o alcalde, “o PP está aplicando aquelo de ‘canto millor peor’. Non ten visión institucional, e decisións como esta invalídano para ser alternativa de goberno, segundo os socialistas. Non se pode desprezar un investimento por parte da Deputación de máis dun millón de euros e os seus electores deben coñecer e valorar este feito”.

A pesar da oposición do PP o punto foi aprobado co apoio do equipo de goberno e o BNG. Agora falta que sexa aprobado no pleno da Deputación para que a presidenta Carmela Silva e o alcalde Antonio Lomba, asinen o convenio que permita executar unha obra moi importante para A Guarda. O proxecto darase a coñecer á cidadanía a partir do momento no que o documento de compromiso do investimento estea asinado.

 

Sábado, 25 de novembro de 2017    

A orquestra “Panorama” ofrecerá un concerto solidario na Guarda

A orquestra “Panorama” estará na Guarda cun concerto solidario o venres 8 de decembro, co obxectivo principal é conseguir que as familias que máis o precisan da vila e da comarca do Baixo Miño non teñan que preocuparse polos alimentos que poñerán nas súas mesas de Nadal.

a entrada ó concerto consistirá na entrega de alimentos non perecedoiros ou de produtos típicos do Nadal (turróns, mazapáns, embutidos, etc), nos postos habilitados polo Concello para tal fin. O total de alimentos recadado entregarase integramente ás asociacións locais sen ánimo de lucro, Conrazones e San Vicente de Paúl que os distribuirán entre as familias que mçais o precisan.

Ademais, unhas horas antes do espectáculo poñeranse á venda rifas, tamén con fins solidarios polo importe de 1euro, para entrar no sorteo de varios lotes de Nadal, sendo distribuído o importe total recollido entre o Departamento de Servizos Sociais do Concello e as asociacións Conrazones e San Vicente de Paúl para a compra de alimentos. O nome dos gañadores daranse a coñecer durante o propio concerto e na páxina web do Concello da Guarda.

O concerto comezará ás 22 horas na Alameda da Guarda. En caso de choiva,  aprazarase ata que “Panorama” teña un novo oco na súa axenda.

O Concello da Guarda agradece á orquestra a súa implicación nesta actividade solidaria de axuda ás persoas e familias máis desfavorecidas da Guarda e a súa contorna.

 

Sábado, 25 de novembro de 2017    

Cruz Roja organiza e imparte un nuevo curso de primeros auxilios en el deporte

Cruz Roja Española en el Baixo Miño convoca de un curso de interés Sanitario, los días 23 y 30  de diciembre, de 09:00 a 14:00 horas, dirigido a personas mayores de 16 años, sobre primeros auxilios en el deporte, baremable para el SERGAS, con una duración de 10 horas teórico–prácticas.

            El objetivo general es capacitar a los alumnos para desarrollar correctamente su actuación ante una urgencia, así como facilitar la adquisición de conocimientos y un nivel adecuado de formación en cuanto a los contenidos, que tratarán, además de una introducción, de temas como Cadena de supervivencia universal; Pautas de actuación ante una situación de emergencia: conducta PAS; Soporte vital básico. Algoritmo universal. Secuencia de actuación; Posición lateral de seguridad; Movilidad y manejo urgente de la víctima; Exploración secundaria Primeros auxilios en : Obstrucción de la vía aérea por cuerpo extraño, Hemorragias, Heridas, Quemaduras, Traumatismos, Picaduras y mordeduras de animales, Intoxicaciones, Urgencias por alteraciones de la termorregulación; El Botiquín; Prevención: conducta AVA.

            La acción formativa se llevará a cabo en A Guarda, pudiendo solicitarse más información en Cruz Roja Baixo Miño, en A Guarda, o llamando al teléfono 986-61 46 09 de 8:00 a 15:00 horas y de 16:00 a 19:00 horas.

            El plazo de inscripción finaliza el 21 de diciembre siendo el número de plazas limitado, y la realización del curso queda sujeta a que se cubra el número de plazas. El coste del curso es de 40 euros.

 

Sábado, 25 de novembro de 2017    

La guardesa Elsa Pena sube al podium en la San Martiño ourensana

Informa Alberto Pena

Las carreras de escolares de San Martiño, que se celebran en Ourense, van en continuo aumento de participantes siendo cada vez mayor el número de corredores y en la última cita escolar 2.765 jóvenes cruzaron la línea de meta.

Los primeros en arrancar fueron los escolares. Ritmo alto y nombres habituales en la cabeza del grupo como Hugo García (Gimnástica de Pontevedra) que fue el más rápido con 15:01y entre las chicas, destacó la guardesa Elsa Pena (del Tui Tehermalia) con un tiempo de 16:28. 

 

Sábado, 25 de novembro de 2017    

O PP guardés considera que debe ser a Deputación a que asuma o custo do GES da Guarda

O PP da Guarda presentou unha moción para o seu debate na próxima sesión plenaria na que pide ao Goberno Local que inste á Deputación de Pontevedra a que asuma o custo económico do Grupo de Emerxencias Supramunicipal do Baixo Miño.

A voceira, Conchi Ortega, sinala que lle corresponde á Deputación de Pontevedra, segundo se recolle no artigo 49 da Lei de Emerxencias, a competencia en materia de emerxencias, en concellos de menos de 20.000 habitantes, algo ao que o PSOE votou en contra en Deputación, a pesar de que si foi aprobada esta medida en administracións provinciais como as de Ourense ou Lugo.

“Cremos que o alcalde ten que traballar polo Concello e polos seus veciños e non estar tan pendente do que faga o seu partido en Deputación, onde o que menos lles preocupa, polo que parece neste dous anos de goberno bipartito, son os concellos”, sinala Conchi Ortega.

Nesta liña, Ortega explica que o Concello da Guarda está pagando un servizo supramunicipal, que ten un custo anual, segundo a conta xeral recentemente aprobada por outras formacións políticas de 300.594,54 euros. “o GES de A Guarda non pode ser menos que calquera de Lugo ou Ourense, ese cartos saen de todos os veciños da Guarda, porque ao contrario do que fai calquera alcalde que é mirar polo interese dos seus veciños, o alcalde da Guarda prefire pagar o GES sen intentar que sexa a Deputación a que asuma o seu pago e por riba non ter unha ordenanza, por desidia, que regule as taxas a cobrarlle ás aseguradoras por cada unha das intervevcións que se realizan”.

A voceira popular lamenta que a pesar de que pasou dous anos e medio da súa proposta, o Goberno Local se nega a presentar ante pleno unha ordenanza para cobrar os servizos que o GES lle fai aos seguros, a situación siga exactamente igual.

Conchi Ortega lamenta que o alcalde tome decisións políticas mirando polo interese do seu partido en Deputación e non polo interese dos veciños da Guarda nin polos intereses dos propios traballadores do GES, que “nin cobran os salarios acordes coa categoría profesional que lles corresponde, que teñen que ver como as baixas por paternidade quedan sen cubrir e que teñen que traballar nunhas instalacións moi deficientes, por no calificarlas de outro xeito”.

Conchi Ortega espera que o alcalde recapacite e que acabe dándolle a razón ao Partido Popular, que leva reclamando melloras de financiamento do GEs en cada un dos plenos celebrados desde o comezo da presente lexislatura. A Portavoz sinala: “recordamos este problema en todos os plenos, estes cartos do orzamento que van para o GES poderían adicarse a emerxencia social e mantemento de rúas na Guarda, duas partidas con necesidades urxentes”

 

Venres, 24 de novembro de 2017    

Petiscos con arte emprende a súa derradeira fin de semana con máis de 1.000 racións xa servidas

A ruta gastronómica “Petiscos con arte” finaliza esta fin de semana con máis de 1.000 petiscos servidos durante os seus tres primeiros días.  

A iniciativa, na que participan 15 establecementos guardeses, combina as exposicións artísticas de pintura, escultura e fotografía, coa gastronomía en pequeno formato a un prezo único de 1,50 euros a degustación.

As persoas interesadas en realizar o percorrido gastronómico e artístico dispoñen dun folleto informativo no que se recollen todos os locais participantes, cunha fotografía e descrición do petisco ofertado e unha breve referencia ao artista e ás obras que se poderán contemplar en cada un deles.

O percorrido pode realizarse venres, sábado e o domingo, de 12:00 a 14:00 horas e 18:00 a 21:00 horas.  Cada participante na ruta en calidade de comensal recibirá unha papeleta coa que poderá participar no sorteo de 5 lotes de viño albariño da Adega Gran Novás, colaboradora nesta iniciativa gastronómica. Para participar no sorteo, que se celebrará o próximo 29 de novembro, soamente será necesario degustar un petisco e, posteriormente, cubrir e depositar o boleto debidamente cumprimentado nos buzóns dispoñibles en cada un dos locais participantes.

 

Venres, 24 de novembro de 2017    

A Biblioteca acolle este sábado unha nova sesión de «Contos contados» dedicada á Ciencia

A Biblioteca Pública Municipal da Guarda organiza este sábado una nova sesión de «Contos contados», unha actividade de lectura e manualidades orientadas ao público infantil que, nesta ocasión, estará dedicada á Ciencia.

Os cativos poderán coñecer historias divertidas de profesionais da ciencia e sobre os seus inventos. A continuación, celebrarase un obradoiro de experimentos científicos, e os participantes poderán levar unha divertida experiencia para facer na súa casa.

«Contos contados» é unha actividade de animación á lectura dirixida ao público infantil que propón un acercamento aos libros de forma creativa e lúdica, favorecendo a participación das familias.

 

Venres, 24 de novembro de 2017    

Teatro, obradoiros, deporte e gastronomía: completa oferta cultural para a fin de semana na Guarda

A programación cultural da Guarda de cara a fin de semana anuncia para hoxe, ás 20:30 horas na Casa dos Alonso unha charla dentro do ciclo «Diálogos en Educación», cuxa temática xirará entorno á “filosofía para/con a infancia” e estará guiado polo  profesor da Universidade da Coruña no departamento de Pedagoxía e Didácticas, Javier F. Rouco.

Celebrarase tamén un novo encontro dentro do ciclo de charlas “Cóidate, muller!”, organizado pola Asociación de Mulleres Progresistas da Guarda. Nesta ocasión, o faladoiro centrarase no “poder das emocións positivas e a comunicación asertiva”, contando coa intervención da  psicóloga convidada, Andrea Iglesias Fernández. A cita será ás 20:00 horas no Centro Cultural.

Outra das citas deste sábado, 25 de novembro, será as mostras en repulsa ás violencias machistas, cun acto ás 12:00 horas na Casa dos Alonso no que o alcalde e as concelleiras da Corporación Municipal colocarán unha pancarta contra a Violencia de Xénero. De seguido, o grupo Cinta Adhesiva realizará unha actuación poético-musical.

Completando a programación do 25 de novembro, no Centro Cultural, a representación teatral «Nacidas libres» a partir das 20:00 horas deste sábado. A obra, cuxas entradas xa están esgotadas, relata a historia de catro actrices que deciden emprender e montar unha peza inspirándose nunha nova aparecida nos xornais sobre tres monxas retidas nun convento.

Lectura, música e obradoiros

Para os máis pequenos a Biblioteca Municipal organiza este sábado a partir das 11:30 h unha nova sesión de “Contos contados” dedicada á Ciencia, na que poderán coñecer historias divertidas e realizar un experimento científico.

Para todo o público, ademais, continúa en marcha a “Biblioteca Solidaria”, unha iniciativa pola que todas aquelas persoas que se acheguen ao espazo de ocio e lectura municipal poderán escoller un libro descatalogado a cambio de aportar unha unidade de alimentos non perecedoiros (arroz, pasta ou legumes, entre outros) ou propios do Nadal (tales como turróns e outros doces, embutidos ou froitos secos) malia que estes sexan perecedoiros.

Para comerciantes e público en xeral, o Concello celebrará un novo obradoiro de decoración dentro da campaña «Decora o teu Nadal», no que os participantes poderán elaborar un abeto iluminado. A proposta, ideada pola interiorista e voluntaria  Maite Lomba, precisa de materiais de baixo custo ou de refugallo e terá lugar na Casa dos Alonso entre as 16:00 as 19:00 horas do sábado.

Ás 20.30 horas, na Igrexa parroquial de Santa María terá lugar o Concerto de Santa Cecilia co Grupo de Acordeóns Mascarelhas e a Agrupación Musical da Guarda.

Domingo de deporte e culto

O domingo, o barrio da Cruzada rende homenaxe á Santa Catalina coa celebración da popular romaría, organizada pola Comisión de Festas de San Caetano. A celebración dará comezo ás 11:30 horas coa misa na honra da santa e, deseguido, celebrarase a procesión ata a  Fonte de Santa Catalina, co acompañamento do grupo de gaitas e baile Xamaraina. Ao remate, a organización servirá un chocolate de balde aos asistentes.

Tamén pola mañá, o Monte Santa Trega e a súa contorna acollerán a celebración do IV Trail do Trega. O evento deportivo, organizado por TimeAventure en colaboración co Concello da Guarda e a Deputación de Pontevedra, estará composto por unha carreira de 18,5 km e un desnivel de 1.100 m, con saída ás 10:00 horas, e unha andaina de 10 km, con saída ás 9:15 horas.

 

Xoves, 23 de novembro de 2017    

O IV Trail do Trega acada xa os 200 participantes e admite inscricións ata o venres

A Guarda acollerá esta fin de semana a cuarta edición da carreira Trail do Trega, organizada por TimeAventure en colaboración co Concello da Guarda e a Deputación de Pontevedra. A dous días de finalizar o período de inscricións, xa son máis de 180 as persoas inscritas na proba cronometrada, que transcorrerá polo Monte Santa Trega e a súa contorna.

A carreira pedestre contará cun percorrido total de 18,5 km e un desnivel acumulado de 1.100 metros, aproximadamente. Por outra parte, o evento deportivo tamén ofrece a posibilidade de participar nunha andaina de 10 km de percorrido con paso polos puntos emblemáticos do monte. Nesta ruta, que será de dificultade baixa, xa son máis de 40 as persoas inscritas.

Ámbolos dous percorridos partirán da explanada do Centro Cultural e terán a meta no mesmo punto. A carreira comezará ás 10:00 horas, namentres a andaina dará comezo ás 9:15 h.

As inscricións poderán realizarse ata as 23:59 horas deste venres, 24 de novembro, a través das páxinas www.avaibooksports.com e inscripciones.ranckr.com/eventos, nas que tamén poderá consultarse o regulamento das probas.

Os dorsais poderán recollerse no Centro Cultural este sábado, 25 de novembro, entre as 17:00 e as 19:00 horas. Aquelas persoas interesadas en participar que aínda non se teñan anotado poderán aproveitar a ocasión para inscribirse de forma presencial.

O prezo da inscrición é de 3 euros para a andaina e 15 euros para a carreira. Os 300 primeiros inscritos nesta última recibirán como agasallo unha camiseta  conmemorativa do IV Trail do Trega.

 

 

Martes, 21 de novembro de 2017    

Voluntariado, veciñanza e escolares homenaxearon á “Marea Branca” na Guarda

O Concello da Guarda celebrou o pasado domingo, 19 de novembro, unha homenaxe dedicada a todas as persoas que contribuíron á limpeza das costas galegas tras o o afundimento do petroleiro Prestige, cun acto cargado de simbolismo no que se incidiu na necesidade de previr novos desastres medioambientais e no agradecemento unánime ó labor da chamada “Marea Branca”.

O acto tivo lugar no Mirador de Fonte Quente xunto ao monumento “Homenaxe á Marea Branca”, coincidindo coa conmemoración do décimo quinto aniversario do acontecemento, que provocou unha vaga de solidariedade cidadá en prol da conservación e coidado da costa galega.

Asistiron o alcalde do Concello da Guarda, Antonio Lomba; o membro de Greenpeace e voluntario da “Marea Branca”, Alejandro Vilela; presidente da asociación medioambiental ANABAM, Agustín Ferreira; e o autor do monumento e impulsor do acto, Xabier Garrido, amais de medio centenar de persoas, entre voluntarios, veciños e alumnado de 3º curso do CEIP As Solanas. Estes últimos aportaron unha pancarta conmemorativa elaborada por eles mesmos na que se poden ver varios homes e mulleres ataviados con máscaras e luvas brancas, do mesmo xeito que o voluntariado fixóo naqueles días.

O rexedor local comezou o acto rememorando os feitos que transcorreron aquel “inesquecible” novembro de 2002, cando “aos galegos encolléusenos o corazón” ao saber que un vello petroleiro amencía fronte a costa de Muxía despois de levar varias horas á deriva. Á vez que isto sucedía, “algo comezaba a brotar de forma espontánea nas conciencias de milleiros de homes e mulleres que decidiron plantarlle cara a tanta destrución ao berro de ‘Nunca máis!’”.

O lembranza deste acontecemento e, sobre todo, o agradecemento a todas aquelas persoas que reaccionaron fronte á catástrofe unindo as súas forzas, asegurou Lomba, foi o motivo principal do acto, tres lustros despois.

O membro de Greenpeace, pola súa parte, dirixiuse aos voluntarios que naqueles días “afundiron os pés e as mans no petróleo”, interpretándoo como “unha das máis grandes mostras de concienciación social contra os combustibles fósiles”. Así, Vilela animou á substitución destes por enerxías renovables e á responsabilidade política pois, segundo afirmou, “un novo desastre como aquel pode repetirse” hoxe en día.

Nesta mesma liña, o presidente de ANABAM referiuse ao Prestige como “un episodio máis na historia das agresións ecolóxicas” que, en maior ou menor grado, suceden decotío e non transcenden. Aos cativos dirixiuse Xabier Garrido, desexando que eles “formen parte deste grupo de persoas que coida e se preocupan pola natureza”.

O acto concluíu coa actuación dos grupos O Trebón dos Xidos e A Boalleira, e a solta de 15 pombas mensaxeiras polo columbófilo guardés Álex Rodríguez. Algúns dos asistentes aproveitaron a ocasión para engadir novas pedras á base do monumento, en representación de cada unha das persoas que compuxeron á “Marea Branca” e en sinal de lembranza e agradecemento.

 

Martes, 21 de novembro de 2017    

Aberto o prazo de inscrición nos obradoiros infantís da campaña «Decora o teu Nadal»

A Concellería de Cultura do Concello da Guarda organiza tres obradoiros de decoración de Nadal pensados para nenos de entre 4 e 12 anos, dentro das actividades programadas na campaña Decora o teu Nadal «Decora o teu Nadal».

Os máis pequenos poderán aprender a construír adornos de Nadal para decorar o Concello, a Praza de Abastos e a Recepción Real, os sábados 9 e 16 de decembro e o martes 2 de xaneiro, respectivamente. Todos os obradoiros realizaranse na Casa dos Alonso, de 11:30 a 13:30 horas.

O prazo de inscrición estará aberto ata o 4 de decembro e poderá realizarse de maneira presencial no Departamento de Cultura, chamando ó 986 610 000 (ext. 5) ou enviando un correo electrónico á dirección cultura@aguarda.es.

 

O BNG presenta moción polo 25 de novembro, día da non violencia de xénero

O Bloque Nacionalista Galego presentou unha moción co gallo do 25 de novembro “Día da Non Violencia de Xénero”.

Dende o BNG existe constancia de que se rexistraron en Galiza, cando menos 55 feminicidios entre 2010 e o que vai de 2017. Pontevedra tivo no ano 2015 a tasa máis alta de Galicia e a terceira máis alta do estado español.

O BNG insiste en que se debe comprometer ás institucións, destinar maiores recursos económicos, humanos e materiais para este fin. Estamos por transformar a sociedade na que vivimos, reducindo a fortaleza do patriarcado, e a subordinación ao xénero masculino superando a desigualdade e a violencia que sofren as mulleres.

“Dende o BNG traballamos para avanzar na concreción do pacto galego contra a violencia machista e destinar o 1% do orzamento do 2018 á prevención e loita contra a violencia, aumentar e mellorar os recursos xudiciais, acompañamento das mulleres e que sexan atendidas por persoal especializado,durante o proceso xudicial. Polo que pedimos o compromiso das corporacións ás mobilizacións locais e nacionais”, comentou Merchi Martínez, concelleira do BNG na Guarda.

 

Martes, 21 de novembro de 2017    

Premio de más de 160.000 euros en la Administración de Loterías de A Guarda

            La Administración de Loterías número 1 de A Guarda, cuyo titular es Ángeles Iglesias González, selló el único boleto de segunda categoría del Gordo del pasado domingo, día 19, cuyo poseedor acertó 5 números en la combinación premiada, que le proporcionarán 164.090 euros.

            Óscar Álvarez Iglesias, gerente de esta Administración, manifestaba su alegría por dar, un año más, un premio importante, recordando que el pasado año dieron sendos premios también de cuantía importante de bonoloto y euromillón. Y recordaba también que el mayor premio fue cuando esta administración

            Confía Álvarez Iglesias que el afortunado sea de la zona, com muchas probalidades de que sea así, dado que en esta fechas prácticamente los asiduos a la aministración son de A Guarda y su zona de influencia.

 

O Concello da Guarda insta á Xunta a arranxar a deteriorada marquesiña da Gándara

Dende a Concellaría de Tráfico do concello da Guarda instouse á Dirección Xeral de Mobilidade a arranxar a marquesiña situada na estrada PO-552 á altura do no barrio da Gándara, que carece de tellado e os asentos presentan puntas que poden resultar perigosas para os usuarios.

Postos en contacto co órgano dependente da Xunta de Galicia, pasados xa 8 meses, non só non teñen arranxado a marquesiña da que son competentes, senón que tampouco contestaron ao escrito, no que se urxía a reparación da cuberta.

Coñecedores de que son numerosos os veciños que a usan e deben soportar as inclemencias do tempo, dende o Concello comparten a indignación e o lema da pancarta que estes días apareceu na devandita parada de autobús, pois dado o estado actual da marquesiña, a situación pode describirse como vergoñosa.

Así as cousas, desde o concello da Guarda ínstase novamente á Xunta de Galicia a que repoña ou repare a cuberta no barrio da Gándara na maior brevidade posible.

 

Luns, 20 de novembro de 2017    

Goleada del Guardés en A Sangriña

Informa José Mª Salcidos

Partido disputado en el Municipal de “A Sangriña” correspondiente a la décimo segunda jornada del campeonato de 1ª División Autonómica; grupo V, entre los equipos Sporting Guardés (clasificado en 5ª posición, con 21 puntos) y Portonovo, S. D. (ocupando la 4ª posición en la tabla, con 21 puntos)

Regular entrada y temperatura de 15º, con bastante humedad

Sporting  Guardés,  5  -  Portonovo, S. D.,   2

Sporting Guardés: Pazos; Ferru; Isidro; Rodri (Saúl, min. 57); Sergio (Sergio Pérez, min. 80); Lomba (Raúl, min. 78); Anxo (Iván, min. 46); Mafi; Manu Aballe (Álvaro, min. 69); Iglesias y Santi.

Portonovo, S. D.:  Lluis; Fabeiro; Jorge (Carlos, min. 60); Fran; Suso (Guille, min. 86); Ochoa; Marcos ( Ángel, min. 86); Migui; Denis (Dieguito, min. 69); Moncho e Iván.

Goles: 0 – 1 , Iván, min. 23; 1 – 1 , Santi, min. 47; 1 – 2, Iván, min. 50; 2 – 2, Manu Aballe, min. 55; 3 – 2, Mafi, min. 70; 4 – 2, Iván, min. 78; 5 – 2, Iglesias, min. 85.

Árbitro: Mohammed Rabi Oliu Haboub, de Vigo, auxiliado n las bandas por Omar Luis Berlier Cea y David Moreira Fernández. Irregular actuación, pitó 2 penaltys en el área local y pasó por alto uno el área visitante. Actuación protestada.

Amonestó, por el Sporting Gaurdés a Sergio, Manu Aballe e Iván. Por el Portonovo la amonestación fue para Migui.

Se esperaba la visita del Portonovo con cierto temor , por su clasificación, y, a medida que pasaban los minutos este temor se fue disipando ya que los locales llegaban al área visitante con más frecuencia aunque sin suerte , Iglesias estrella un balón en el larguero con un gran remate de cabeza (minuto 10) y, en el minuto 23 en una de las pocas llegadas visitantes Rodri comete un penalty  que, lanzado por Iván, pone el 0-1 en el marcador. Esto no amilanó a los locales que pusieron cerco a la portería de Lluis y , en el minuto 29, Isidro tiene dos oportunidades  para igualar el marcador pero, el balón no quiere entrar. El colmo de la mala suerte llega en el minuto 35 cuando Manu Aballe comete otro penalty que, lanzado otra vez por Iván, Pazos lo detiene.

Isidro vuelve a tener otra gran oportunidad pero el balón sigue sin querer entrar, minuto 38.

Con 0 – 1 finaliza la primera mitad, aunque entre la afición se respiraba un ambiente de que no sería dificil la remontada.

 

La segunda mitad comienza con los locales poniendo cerco al área visitante, consiguiendo el premio de la igualada en el minuto 47, por medio de  Santi al batir de tiro raso a Lluis. Las oportunidades se suceden y , un minuto mas tarde, es Iván el que manda el balón al poste y, cuando el dominio era mayor por parte del Sporting llega el 1-2 en un contraataque por parte de Iván, corría el minuto 50. En el minuto 55 Manu Aballe, a pase de Iván, consigue el 2-2; el 3 –2  lo marca Mafi en jugada personal, en el minuto 78 es Iván el que pone el marcador en un 4 – 2 y la puntilla corre a cargo de Iglesias en el minuto 85 al marcar el 5º gol que dejada el marcador en un definitivo 5 – 2.

Después de esta jornada el Sporting Guardés ocupa la tercera posición en la tabla, con 24 puntos a sólo 2 del Cambados que ocupa la 1ª posición

El próximo domingo el Sporting se desplaza a Mos.

 

Luns, 20 de novembro de 2017    

O BNG apoia o proxecto de recuperación de Concepción Arenal da Guarda

O BNG vai apoiar a sinatura do Convenio entre o Concello da Guarda e a Deputación de Pontevedra que poñerá en marcha un dos proxectos máis transformadores para o Concello da Guarda, a remodelación da rúa Concepción Arenal.

“En todo momento pulamos por un proxecto que dese prioridade ás persoas, en especial aos colectivos máis esquecidos: nenos, persoas maiores, persoas con mobilidade reducida”, apunta o voceiro municipal do BNG Ángel Baz.

“O BNG débese a seu programa electoral e este proxecto, xunto co do novo acceso ao porto, son os piares básicos para a transformación real da Guarda nun concello accesíbel, atractivo e sostíbel”, enmarca o voceiro nacionalista.

O BNG esixe compromiso ao PP e a Xunta co acceso ao porto

Para os nacionalistas é preocupante o desleixo con que a Xunta actúa ca súa obriga de dotar ao sector pesqueiro guardés dun novo acceso o Porto.



O BNG foi quen de desatascar a parálise na que estaba este proxecto, vinculándollo a un proxecto sectorial que o afasta dun PXOU sen consenso no que o PSOE o tiña afundido.

Ante a nova situación que se abre, o BNG insta ao alcalde da Guarda a encabezar unha fronte común na que conte coas formacións políticas e os axentes sociais e esixir á Xunta do PP un compromiso efectivo para a execución dese novo acceso a Porto, para iso terá sempre ao BNG ao seu carón.

 

Luns, 20 de novembro de 2017    

O Concello promove un novo obradoiro de decoración de Nadal para o comercio e o público en xeral

O Concello da Guarda promove a campaña «Decora o teu Nadal», unha iniciativa coa que se anima aos establecementos comerciais, asociacións de veciños e público en xeral a elaborar un adorno común, de xeito que este aporte un sinal de identidade propio do Nadal na nosa vila.

Este ano, a proposta elaborada pola interiorista e voluntaria nesta iniciativa, Maite Lomba, é un abeto de Nadal para cuxa elaboración precísanse materiais de baixo custo e/ou de refugallo. O obradoiro terá lugar na Casa dos Alonso o mércores, 22 de novembro, de 15 a 18 horas, e o sábado 25 de novembro, entre as 16 as 19 horas.

Cada unha das persoas participantes deberá levar o seu propio material para a elaboración do elemento decorativo, seguindo as pautas marcadas por Maite Lomba no vídeo titorial que poden visualizar na canle de YouTube do Concello da Guarda, nas páxinas de Facebook do Concello da Guarda e Cultura A Guarda https://youtu.be/0FS6QsM8jPY.

Aquelas persoas que non podan paticipar no taller e desexen realizar o adorno pola súa conta, poderán ulilizar o molde de madeira, necesario para elaborar a forma do elemento decorativo, na Casa do Concello e seguir o procedemento indicado por Lomba no titorial.

A campaña «Decora o teu Nadal» inclúe toda unha serie de actividades dirixidas á decoración urbana por parte das asociacións e o comercio, así como obradoiros para a decoración de espazos públicos por parte das nenas e nenos da vila.

 

Sábado, 18 de novembro de 2017    

Gastronomía, cultura e homenaxe á «Marea Branca»: protagonistas da fin de semana na Guarda

O Concello da Guarda ofrece esta fin de semana bo número de actividades para gozar do tempo de lecer na nosa vila.

Gastronomía, arte e cultura

Onte  comezou a nova ruta gastronómica «Petiscos con arte», na que participan os seguintes establecementos hostaleiros: Cafetería Alameda, Cafetería Art Café, Tasca As Pozas, Xamonería Avenida, Bocatería Brétema, Bar Cramoeiro, Cafetería Kanellas, Tapería La Casilla, Restaurante La Pizzicata, Bocatería Marbella, Cafetería Novo Bar, Restaurante O Cangrexal, Vinoteca Terra Verde, Restaurante Xantar e Restaurante Xeito. En todos eles poderemos probar pequenas degustacións da nosa gastronomía a un custe único de 1,50 € (bebida non incluída), mentres contemplamos as exposicións de obras pictóricas, escultóricas e fotográficas de diversos artistas locais e da contorna.

A ruta poderá completarse nestas dúas últimas fins de semana de novembro, de venres a domingo, e en horario de 12 a 14 h e de 18 a 21 h. Entre todos os participantes sortearanse 5 lotes de albariño Gran Novás, adega colaboradora na Festa da Langosta e da Cociña Mariñeira.

Hoxe sábado temos unha nova charla dentro do ciclo «Cóidate, muller!», organizado pola Asociación de Mulleres Progresistas da Guarda. Nesta ocasión, contaremos coa intervención da Técnica Superior en Dietética, Conchi Adrover Pacheco, que falará sobre «Alimentación saudable para mulleres», a partir das 20 h no Centro Cultural.

Homenaxe á Marea Branca

Como remate ás actividades programadas durante a fin de semana, este domingo celebrarase unha homenaxe aos voluntarios e voluntarias da «Marea Branca», que fai agora quince anos axudaron a limpar as nosas costas tralo afundimento do petroleiro Prestige. Ás 12:30 h, no Mirador de Fonte Quente, encontrarémonos co alcalde do Concello da Guarda, Antonio Lomba, o membro de Greenpeace e voluntario, Alejandro Vilela, e o autor do monumento e impulsor da iniciativa, Xabier Garrido.

Por motivos de saúde, a intervención do ex-patrón maior da Confraría de Baiona (Suso López) anunciado inicialmente, será substituído polo presidente da asociación medioambiental ANABAM, Agustín Ferreira.

O acto acompañarase coa interpretación de varias pezas a cargo dos grupos O Trebón dos Xidos e A Boalleira, e coa exposición dunha pancarta elaborada polos alumnos de terceiro curso de primaria do CEIP As Solanas, baixo a coordinación da mestra Olga Rodríguez Vicente.

 

Sábado, 18 de novembro de 2017    

Artistas e establecementos da Guarda amosan as súas creacións na “Ruta Petiscos con arte”

O salón de exposicións do Centro Cultural da Guarda acolleu a presentación da “Ruta Petiscos con arte”, iniciativa na que se mesturan a arte e a gastronomía guardesa en pequeno formato. No acto, representantes dos establecementos e artistas participantes deron a coñecer unha mostra das obras artísticas e degustacións das que se poderá gozar os días 18, 19, 24, 25 e 26 de novembro.

Presentación da nova ruta

A concelleira de Turismo, Montserrat Magallanes, agradeceu a implicación das 15 cafeterías e restaurantes nesta iniciativa, que permitirá gozar da nosa gastronomía en forma de petiscos a un prezo de 1,5 euros a unidade.

A concelleira presentou o vídeo promocional desta ruta, no que se pode contemplar unha parte das exposicións de fotografía, pintura e escultura que se poderán contemplar durante esta última quincena de novembro nos locais participantes.

Pola súa parte, o alcalde, Antonio Lomba, aproveitou o acto para agradecer a participación e o compromiso dos artistas e hostaleiros participantes. "Hai unha característica común ás sociedades que menos rápido se desenvolven e outra común ás que o fan máis rápido. Nas primeiras, cando alguén emprende un proxecto e despunta, é obxecto de críticas. No segundo caso, son obxecto de ánimo e aplauso”, espuxo o rexedor local. Nesta liña, asegurou Lomba, “tedes o noso aplauso pola vosa actitude emprendedora e proactiva”.

O alcalde quixo dar tamén os parabéns ao departamento de Turismo polo seu traballo e esforzo organizativo, así como ao departamento de Comunicación pola dedicación na súa difusión. “Sabedes que sempre nos ides a ter ao voso lado para traballar xuntos; para crecer xuntos" concluíu Lomba.

Características da ruta

As persoas interesadas en realizar o percorrido gastronómico e artístico dispoñen dun folleto informativo no que se recollen todos os establecementos participantes, cunha fotografía e descripción do petisco ofertado e unha breve referencia ao artista e ás obras que se poderán contemplar en cada local.

O percorrido gastronómico celebrarase os venres, sábados e domingos desta segunda quincena de novembro ata o próximo domingo, 26 de novembro. Os petiscos poderán degustarse de 12:00 a 14:00 horas e de 18:00 a 21:00 horas.

Cada participante na ruta en calidade de comensal recibirá unha papeleta coa que poderá participar no sorteo de 5 lotes de viño albariño da Adega Gran Novás, colaboradora nesta iniciativa gastronómica. Para participar no sorteo, que se celebrará o próximo 29 de novembro, soamente será necesario degustar un petisco e, posteriormente, cubrir e depositar o boleto debidamente cumprimentado nos buzóns dispoñibles en cada un dos locais participantes.

Asistentes ao acto de presentación

Ao acto asistiron os artistas Carlos Pascual, Charo Trigo, Elena Cividanes, Teresa Dorado, Naa Martinez, Anxo Ferreira e Mercedes Doval, cada un deles acompañado dunha das obras que se poderán contemplar nos locais. Por parte dos establecementos participantes, asistiron representantes do bar Cramoeiro, a cafetaría Novo Bar, e os restaurantes O Cangrexal, Xantar e Xeito, cada un deles cunha mostra do seu petisco.

Deste xeito, apoiaron coa súa presenza o comezo desta nova iniciativa gastronómica e artistica, coa que se busca dar unha maior visibilidade ao traballo que realizan os hostaleiros guardeses na promoción da gastronomía, e aos artistas locais e da nosa contorna, amosando o talento e o arte na nosa vila.

 

Mércores, 15 de novembro de 2017    

O BNG repite a moción para a adhesión da Guarda ao Plan Revitaliza da Deputación

O BNG presentou, de novo, unha moción para a adhesión do concello da Guarda ao Plan Revitaliza da Deputación de Pontevedra, como un novo xeito de xestionar o lixo, de xeito eficiente e de cara a transformar A Guarda como concello sostíbel.

Dende a chegada do BNG á Deputación de Pontevedra este foi un dos eixos sobre os que pivota a nova forma de gobernar nos que se queren implicar aos concellos nunha xestión sustentábel e máis respectuosa co medio ambiente.

“Esperemos que despois dun ano de andadura do Plan Revitaliza, o alcalde da Guarda teña reflexionado sobre a compostaxe e aposte por este sistema de xestión ambiental. A compostaxe axudaría a rebaixar a factura do lixo con SOGAMA e, ao mesmo tempo, reducir a emisión de gases contamiantes como o CO2 mellorando tamén o noso medio ambiente”, comentou Ángel Baz, portavoz municipal do BNG.

O BNG sinala que este ano volve a haber liñas de axuda para a posta en marcha deste programa provincial, dos que se poderían beneficiar os guardeses coa adhesión a este plan.

Dende o BNG considérase unha boa oportunidade para a Guarda de poñer en marcha un programa de compostaxe como modelo de xestión que supón dun aforro para as arcas municipais dada a redución de volume de lixo que se envía a SOGAMA.

 

Martes, 14 de novembro de 2017    

A Guarda participa en Fairway, o segundo foro sobre o Camiño de Santiago con presenza internacional

O Concello da Guarda, a través da Concellería de Turismo, participa na segunda edición de Fairway, o Foro do Camiño de Santiago que se celebra entre o 12 e o 14 de novembro no Palacio de Congresos e Exposicións de Galicia.

O foro ofrece un punto de encontro entre profesionais do sector turístico, representantes institucionais e expertos, cunha ampla programación  de mesas redondas e relatorios sobre diversas temáticas relacionadas coa ruta xacobea. Así, máis de 30 turoperadores e axencias especializadas de quince países diferentes participarán nestas xornadas, onde A Guarda está presente no expositor de Deputación de Pontevedra – Turismo Rías Baixas.

O departamento de Turismo mantén unha intensa axenda de encontros con máis da metade de turoperadores e axencias especializadas en turismo de peregrinación de carácter internacional como Alemaña, Irlanda, Estados Unidos, Arxentina ou Brasil, entre outros.

A participación nesta feira profesional permite ao noso Concello manter contactos con outros sectores -como os de transporte de viaxeiros, centrais de reservas, software turístico ou de saúde dos peregrinos-, así como cos departamentos de Turismo de distintas comunidades autónomas, deputacións e municipios españois e portugueses, cos que se poderán xerar novas sinerxías en prol do Camiño Portugués da Costa e da Guarda.

 

Martes, 14 de novembro de 2017    

O xoves presentarase na Guarda a ruta gastronómica "Petiscos con arte"

A Guarda presentará o xoves, día 16, ás 12:30 horas no Centro Cultural, a ruta gastronómica "Petiscos con arte", durante a cal se proxectará un vídeo promocional da ruta e se amosarán todos os petiscos que a conforman, así como una pequena mostra das obras artísticas que se poderán contemplar nas cafeterías e restaurantes participantes.

Estarán presentes o alcalde da Guarda, Antonio Lomba; a concelleira de Turismo, Montserrat Magallanes e un representante da Adega Gran Novás, ademais dos artistas e membros dos locais participantes nesta primeira edición da ruta gastronómica.

 

Luns, 13 de novembro de 2017    

A OMIX organiza un obradoiro de manualidades con materiais de refugallo en decembro

A Concellería de Xuventude, a través da Oficina de Información Xuvenil (OMIX), organiza unha obradoiro de elaboración manual de adornos, agasallos e outros obxectos con materiais de refugallo os próximos días 11, 13, 18,20 e 27 de decembro.

«Faino ti: reciclaxe en familia»  é o nome da actividade, que se levará a cabo entre as 18 e as 21 h no antigo Colexio Sinde e no que poderán participar persoas de todas as idades e perfís. A temática dos obxectos realizados centrarase principalmente no Nadal.

O obradoiro enmárcase no programa «Tecendo lazos» da Deputación de Pontevedra, cuxa principal finalidade é desenvolver obradoiros interxeracionais no ámbito do lecer e o tempo libre a través dos que establecer espazos para o encontro entre diferentes xeracións.

A inscrición poderá realizarse ata o próximo 29 de novembro, entregando o formulario de solicitude cuberto xunto cunha fotocopia do DNI, certificado/volante de empadroamento e, no caso de menores de idade, autorización para participar no obradoiro.

As persoas interesadas poderán obter máis información na oficina da OMIX situada na Casa do Concello, chamando ao teléfono 986 614 546 ou ben no correo electrónico informacion@aguarda.es.

 

Luns, 13 de novembro de 2017    

O BNG denuncia o incumprimento plenario dos puntos de información social por parte do PSOE

O BNG considera que o PSOE actúa con cinismo cando aproba unha ordenanza de lixo onde prohibe a colocación de carteis informativos na rúa, sen aportar ningunha alternativa, e esa mesma formación política chega a pegar carteis en lugares públicos do concello.

O BNG segue a reclamar o cumprimento dun acordo plenario para a colocación de espazos de información onde o traballo político e social guardés teña maior visibilidade, algo que semella preocupar substancialmente ao grupo municipal socialista que por outra banda non dubida en incumprir o seu propio regulamento.

“Cunha actitude cargada de soberbia, o grupo municipal socialista amosa estar por enriba da lei e evidencia a súa falta de transparencia e rigor político, tentando ocultar unha elevada actividade social e política que ás claras incomoda ao goberno local”, afirma o portavoz municipal do BNG Ángel Baz.

“Imos a seguir denunciando as carencias dunha ordenanza que o propio goberno é o primeiro en incumprir. Máxime, cando se rexeitaron emendas quedando ás claras a necesidade das mesmas, ou pola intolerancia por parte do goberno do PSOE a un novo modelo de xestión do lixo proposto polo BNG máis ecolóxico e viábel para a Guarda.” Conclúe Baz.

11, 13, 18,20 e 27 de decembro. 18h. Obradoiro, na Guarda de elaboración manual de adornos, agasallos e outros obxectos con materiais de refugallo

 

bado, 11 de novembro de 2017    

Manual de instrucións para educar continúa o martes cunha charla sobre intelixencia emocional

O ciclo de charlas Manual de instrucións para educar” retorna o próximo martes, 14 de novembro, cun faladoiro titulado Educar en intelixencia emocional, guiado pola psicóloga familiar María Jesús Núñez.

Esta segunda sesión do ciclo dedicarase ás emocións como chave para realizar unha intervención eficaz, aportando ferramentas para identificar as emocións e expresalas dende cativos. Deste xeito, acadarán un maior autocontrol e os conflitos poderán resolverse sen complicacións.  

Duelo infantil. O neno ante as múltiples perdas é o título da terceira charla, que se celebrará o 28 deste mes e estará dirixida polo psicólogo Esteban Figueirido. Neste encontro, analizarase como funcionan as perdas nos cativos e cativas (dende algún xoguete ata outras de maior impacto, como a separación dos pais ou falecemento de seres queridos) para axudarnos a acompañalos mellor e evitar posibles secuelas.

O derradeiro encontro, o 12 de decembro, dedicarase ás Maneiras creativas de resolver conflitos”, isto é, nas distintas formas de abordar os momentos críticos “con algo de humor e creatividade”, segundo apunta Figueirido, director da charla.

Manual de instrucións para educar” é unha iniciativa do Programa de Educación Familiar e a Oficina Municipal de Información á Xuventude (OMIX) da Guarda, orientada a ofrecer un espazo de reflexión e experiencias compartidas que axuden aos pais, nais e educadores/as a lograr o pleno desenvolvemento das nenas, nenos e adolescentes para facilitar a convivencia familiar.

Todos os encontros desta segunda edición do ciclo terán lugar na Casa dos Alonso ás 19:30 horas. Dende o Concello da Guarda animamos a todas as persoas con inquedanzas e interese educativos -sexan  pais e nais, avoas e avós, educadores e educadoras, así como veciñas e veciños-  a participar nestas charlas e axudar a crear un espazo enriquecedor no que aprendamos xuntos como acadar unha mellor convivencia familiar nos fogares da nosa vila.

 

bado, 11 de novembro de 2017    

A OMIX organiza un obradoiro de manualidades con materiais de refugallo en decembro

A Concellería de Xuventude, a través da Oficina de Información Xuvenil (OMIX), organiza unha novo obradoiro de elaboración manual de adornos, agasallos e outros obxectos con materiais de refugallo os próximos días 11, 13, 18,20 e 27 de decembro.

«Faino ti: reciclaxe en familia»  é o nome da actividade, que se levará a cabo entre as 18 e as 21 h no antigo Colexio Sinde e no que poderán participar persoas de todas as idades e perfís. A temática dos obxectos realizados centrarase principalmente no Nadal.

O obradoiro enmárcase no programa «Tecendo lazos» da Deputación de Pontevedra, cuxa principal finalidade é desenvolver obradoiros interxeracionais no ámbito do lecer e o tempo libre a través dos que establecer espazos para o encontro entre diferentes xeracións.

A inscrición poderá realizarse ata o próximo 29 de novembro, entregando o formulario de solicitude cuberto xunto cunha fotocopia do DNI, certificado/volante de empadroamento e, no caso de menores de idade, autorización para participar no obradoiro.

As persoas interesadas poderán obter máis información na oficina da OMIX situada na Casa do Concello, chamando ao teléfono 986 614 546 ou ben no correo electrónico informacion@aguarda.es.

 

bado, 11 de novembro de 2017    

A OMIX organiza unha nova xornada de micoloxía o 25 de novembro

A Concellería de Xuventude, a través da Oficina de Información Xuvenil (OMIX), organiza unha nova xornada de micoloxía, que se celebrará o próximo sábado 25 de novembro.

A actividade comezará pola mañá, de 10 a 13 h, cunha sesión formativa na que as persoas participantes poderán achegarse á ecoloxía dos fungos e ao  proceso de identificación. Xa pola tarde, entre as 16 e as 18 h, realizarase unha saída ao monte co fin de realizar unha escolma e recolección de cogomelos  pola contorna da vila.

As xornadas centrarase, principalmente, no coñecemento e respecto a estes organismos, e a actuar de forma responsable no caso de estar interesados na súa recolección durante a temporada. Contaremos, para isto, coa colaboración da Asociación Forestal e de Educación Ambiental ‘A Jalleira’.

As prazas dispoñibles son limitadas, polo que a inscrición poderá realizarse de xeito presencial na OMIX situada na Casa do Concello, no correo electrónico informacion@aguarda.es ou ben no teléfono 986 614 546.

 

Venres, 10 de novembro de 2017    

O alumnado dos centros educativos da Guarda participa en obradoiros contra a Violencia de Xénero

A Concellería de Igualdade e o Centro de Información ás Mulleres (CIM) do Concello da Guarda, promoven, ata o próximo mes de decembro, o «Proxecto Empatía», cunha serie de obradoiros destinados ao público infantil e xuvenil dentro da campaña do 25 de novembro, Día Internacional para a Eliminación da Violencia de Xénero.

A actuación inclúe obradoiros de habilidades e relacións sociais destinados á aprendizaxe de relacións respectuosas entre o alumnado. Así, por exemplo, os cativos poderán aprender a amosar os seus sentimentos, a resolver conflitos de forma pacífica e a valorar a igualdade entre mulleres e homes como eixo central do desenvolvemento humano.

Con esta actuación, que conta co financiamento da Deputación de Pontevedra, búscase informar, sensibilizar e concienciar sobre a magnitude do problema que supón a violencia de xénero, especialmente entre a mocidade, identificando a forma específica que adopta esta violencia nas súas relacións interpersoais e promovendo posturas de rexeitamento e denuncia activa ante ela, incidindo especialmente no uso axeitado que debe facerse das novas tecnoloxías.

O «Proxecto Empatía» completarase o día 20 de novembro cunha nova edición do obradoiro «Violencia de xénero e o novo contexto dixital», xa realizado o pasado curso académico. Nesta ocasión, a participación no taller ampliarase ao alumnado de 5º e 6º de primaria e aos ciclos formativos de Formación Profesional, xunto co alumnado de educación secundaria de todos os centros da Guarda.

O obradoiro centrarase no coñecemento e prevención das novas formas de violencia que xorden no contexto dixital, tales como a ciberviolencia de xénero, o grooming (acoso sexual a menores de idade por parte de adultos na rede) ou o sexting (envío de contido de carácter sexual a través das novas tecnoloxías).

A actividade conta co financiamento da Secretaría Xeral de Igualdade da Xunta de Galicia e enmárcase dentro das actuación da Rede de Entidades Locais contra a Violencia de Xénero, cuxo obxectivo principal é a busca do rexeitamento social e institucional da lacra que supón a violencia contra as mulleres. Focalízase na sensibilización á poboación máis nova e busca a súa implicación e compromiso contra ela, fomentando ao tempo modelos alternativos de convivencia baseados no respecto e a igualdade.

Nesta liña, dende o CIM do Concello da Guarda tense o convencemento de que a prevención dende o ámbito da educación é clave para atallar as violencias machistas, motivo polo que as actividades se dirixen neste senso.

 

Venres, 10 de novembro de 2017    

A Biblioteca Municipal amplía o prazo de participación na iniciativa «Biblioteca Solidaria»

A Biblioteca Pública Municipal da Guarda celebrou o Día da Biblioteca con diversas actividades dirixidas ao público en xeral. Entre elas destaca a «Biblioteca Solidaria», unha iniciativa na que que aquelas persoas que se achegaron ao espazo de ocio e lectura municipal puideron escoller un libro descatalogado a cambio de aportar unha unidade de alimentos non perecedoiros (arroz, pasta ou legumes, entre outros).

Dado o éxito da iniciativa, e tendo en conta a proximidade do Nadal, a Biblioteca Municipal amplía o  prazo de participación ata o vindeiro 18 de decembro e aceptará produtos típicos destas datas (tales como turróns e outros doces, embutidos ou froitos secos) malia que estes non sexan perecedoiros. Os alimentos recollidos serán repartidos entre as asociacións da Guarda que teñan unha función de axuda social ou ben a aquela que máis os precise, en función da cantidade recollida.

Co fomento da colaboración solidaria a través desta actividade preténdese mellorar a calidade de vida das persoas ou grupos, especialmente aqueles que sofren algún tipo de carencia, marxinación ou desatención. Esta é, así, unha boa maneira de fomentar a lectura e a solidariedade dende a  Biblioteca Pública, cuxa función principal pasa por achegar á cultura a toda a poboación á que serve, ofrecendo un espazo de convivencia e de oportunidades culturais, educativas e de inserción social.

 

Xoves, 9 de novembro de 2017    

A Guarda conmemora o Día Internacional contra a Violencia de Xénero con actividades culturais

A Concellería de Igualdade e o Centro de Información ás Mulleres (CIM) do Concello da Guarda organizan a finais deste mes unha serie de actividades culturais con motivo do Día Internacional para a Eliminación da Violencia de Xénero, que se conmemora o próximo sábado 25 de novembro.

A programación dará comezo o xoves 23 de novembro coa proxección da curtametraxe «Lurna» no Centro Cultural ás 20:30 horas. O filme conta a historia dunha muller senegalesa que abandona o seu país na procura dunha vida mellor. Deseguido, o director da obra, o guardés Nani Matos, ofrecerá unha charla-coloquio sobre a trata de persoas.

O sábado 25 de novembro terá lugar na Casa dos Alonso un acto conmemorativo no que o alcalde do Concello da Guarda, Antonio Lomba, e as concelleiras da Corporación Municipal colocarán unha pancarta coa que se expresa a total repulsa por todos os casos de Violencia de Xénero. Tras o acto, que comezará ás 12:00 horas, o grupo Cinta Adhesiva realizará unha actuación poético-musical, cunha reflexión sobre a vida e as formas de actuar do ser humano.

Completando a programación, o sábado tamén terá lugar a representación teatral «Nacidas libres» no Centro Cultural, ás 20:00 horas. A obra relata a historia de catro actrices que deciden emprender e montar unha peza inspirándose nunha noticia aparecida nos xornais sobre tres monxas indias retidas nun convento de Santiago contra a súa vontade. O espectáculo ofrece múltiples reflexións e referencias a diversos temas vistos dende a perspectiva de xénero, tales como a desigualdade ou os condicionantes culturais, sen perder o humor.

A entrada será de balde ata completar as prazas dispoñibles e as entradas poderán solicitarse  a partir do lunsw, 13 de novembro, no Centro Cultural ou no Centro de Información ás Mulleres (CIM) da Guarda.

 

Xoves, 9 de novembro de 2017    

A charla de «Diálogos en Educación» deste venres cancélase por cuestións alleas á organización

O faladoiro «O multiculturalismo nas aulas, problema ou oportunidade», enmarcado no novo calendario do ciclo «Diálogos en Educación» e programado para este venres 10 de novembro, tivo que ser cancelado por cuestións alleas á organización do evento.

As charlas continuarán coa programación establecida nas datas xa anunciadas. Javier F. Rouco,  profesor da UDC no departamento de Pedagoxía e Didácticas, participará no faladoiro do próximo 24 de novembro, titulado «Filosofía para/con a infancia», namentres a derradeira entrega deste outono será o 1 de decembro e estará dirixida polo catedrático da UDC, Jurjo Torres. Este versará sobre as «Políticas educativas e as influencias neoliberais» realizando, amais, unha análise sobre o futuro da educación.

Todos os encontros serán na Casa dos Alonso ás 20:30 horas, sen límite de aforo e sen necesidade de inscrición previa.

 

Mércores, 8 de novembro de 2017    

O BNG presenta unha moción contra os lumes forestais e polo desenvolvemento rural

O BNG presentou unha moción contra os últimos lumes forestais e para o desenvolvemento do rural, explicando no contido da mesma que a traxedia vivida en Galicia puxo en grave risco núcleos urbanos e miles de persoas viron as súas vidas en perigo, resultando miles de hectáreas de monte calcinadas e a vida de catro persoas.

Para o BNG, o PP actuou con auténtica irresponsabilidade cando nunha das maiores secas vividas no país, rescinde o contrato a medio milleiro de traballadores de SEAGA, engandindo que para o partido que goberna non existe unha política forestal que acometa medidas de carácter estrutural coa posta en valor do monte, aproveitamento multifuncional e a aplicación de medidas preventivas.

“Foron uns días terríbeis onde o Goberno galego desapareceu e, unha vez máis, tivo que aparecer o pobo para defenderse deste desastre. Tivemos que remangarnos as mans, apagar e vixiar o que non estaba queimado”, dixo Ángel Baz, portavoz municipal do BNG.

Na moción ínstase á Xunta de Galicia a unha nova política de desenvolvemento rural que reverta o abandono do rural, realizar as modificación lexislativas necesarias, establecer un mando único que evite a descoordinación e que se asuman as responsabilidades en materia de prevención, así como regularizar o Servizo de Defensa Contra Incendios Forestais que garanta a súa coordinación, profesionalización e homologación en formación, equipamento e condicións laborais.

 

Mércores, 8 de novembro de 2017    

Obradoiro Revirando-Nos contra a LGTBIQfobia no Fuscalho

O C.S Fuscalho apresenta o obradoiro Revirando-Nos contra a LGTBIQfobia.

Um obradoiro que se impartirá o sábado, 18 de novembro, em formato intensivo.

A proposta de Angel Amaro nasce da necessidade de combater os patrons da heterosexualizaçom da sociedade aportando ferramentas para visibiliza-las e combate-las.

 

A ruta gastronómica «Petiscos con arte» celebrarase as dúas últimas fins de semana de novembro

O Concello da Guarda organiza unha nova ruta gastronómica na que se mesturará a arte coa gastronomía guardesa en pequeno formato. «Petiscos con arte» é o nome deste percorrido gastronómico, que se celebrará os días 17, 18, 19, 24, 25 e 26 de novembro, e no que cada establecemento ofrecerá un petisco a 1,50€.

A finalidade da ruta é promocionar a gastronomía e a arte na Guarda, polo que as persoas participantes poderán degustar petiscos mentres contemplan as obras de pintura, escultura e fotografía expostas nos establecementos, entre as 12 e as 14 horas, e de 18 a 21 horas.

Artistas e locais participantes

Participarán 15 cafeterías e restaurantes guardeses e outros tantos artistas locais ou con vinculación ao concello da Guarda: a cafetería Alameda, con fotografías de Eva Peixoto; a cafetería Art Café, con fotografías de Carlos Pascual; a cafetería e tasca As Pozas, con exposición fotográfica de Iago Alonso; a vinoteca Avenida, cunha mostra pictórica de Elena Cividanes; a bocatería Brétema, con escultura de Carlos Carrera; o bar Cramoeiro, con pinturas de Silvia Represas; a cafetaría Kanella’s, con fotografías de Eva García; a cervexaría La Casilla, cunha mostra pictórica de Lucía Baz; o restaurante La Pizzicata, con fotografías de José C. Castro; a bocatería Marbella, coas pinturas de Naa Martínez; a cafetaría Novo Bar, con esculturas de Anxo Ferreira; o restaurante O Cangrexal, con pintura de Teresa Dorado; o bar Terra Verde, cunha exposición fotográfica de Anxo Vaquero; o restaurante Xantar, cunha mostra pictórica de Mercedes Doval, e o restaurante Xeito, con pinturas de Charo Trigo.

Nesta ruta colabora a Adega Gran Novás, participante na Festa da Lagosta e da Cociña Mariñeira, que cederá 5 lotes de viño albariño para sortear entre os participantes na ruta que degusten o petisco e cumprimenten o boleto do sorteo.

 

Martes, 7 de novembro de 2017    

Persoal dos clubs deportivos, o GES e a Policía Local participan nun taller de reanimación cardiopulmonar

O Concello da Guarda celebrou un taller básico de reanimación cardiopulmonar dirixido ás directivas, adestradores e persoal dos clubs deportivos da Guarda, así como aos membros do Grupo de Emerxencias Supramunicipais (GES) e a Policía Local.

Máis dunha vintena de persoas asistiron ao curso práctico celebrado no salón de actos do IES A Sangriña, entre membros do S.D. As de Copas, a Unión Deportiva A Guía Guardesa, a Escola de Fútbol Deportivo Alameda, o Gimnástico Deportivo Miño, o Bogavante F.C. Veteranos, o Club Sporting Guardés, o Club de Remo Robaleira, o Club Alagua, o Club de Tenis Codesal, a Policía Local e o GES.

No obradoiro, impartido polos especialistas Lucía Peixoto, Roberto Barcala e Antonio Rodríguez, de carácter eminentemente práctico, os participantes aprenderon o procedemento a seguir ante unha posible parada cardiorrespiratoria, actuando de inmediato e alertando aos servizos de emerxencia. Así mesmo, aprenderon  a técnica para realizar unha reanimación cardiopulmonar (RCP) básica incluíndo a utilización dun desfibrilador semiautomático (DESA).

O taller foi promovido pola Concellería de Deportes do Concello da Guarda, consciente da importancia de ter coñecementos básicos de reanimación cardiopulmonar e de manexo dun desfribilador entre as persoas que están en contacto con situacións de risco, como son as prácticas deportivas e os labores de emerxencia. 

 

Sábado, 4 de novembro de 2017    

A Guarda conmemora o décimo quinto aniversario da traxedia do Prestige

O domingo 19 de novembro o Concello da Guarda celebrará unha homenaxe dedicada a todas as persoas que contribuíron á limpeza das costas galegas tras o desastre causado polo afundimento do petroleiro Prestige.

O acto comezará ás 12:30 horas e terá lugar no Mirador de Fonte Quente  xunto ao monumento «Homenaxe á Marea Branca», coincidindo coa conmemoración do décimo quinto aniversario do astroso acontecemento que provocou unha vaga de solidariedade e compromiso cidadá en prol da conservación e coidado da costa de Galicia.

A homenaxe contará coas intervencións do alcalde do Concello da Guarda, Antonio Lomba; un membro da organización ecoloxista Greenpeace; o ex Patrón Maior da Confraría de Baiona e voluntario da Marea Branca, Suso López; e o creador do monumento e impulsor do acto de homenaxe, Xabier Garrido.

Anímase ás persoas que asistan ao acto a que contribúan aportando unha pedra para completar a base de monumento, cuxo conxunto simboliza a vaga de voluntarios e voluntarias que fixeron posible a recuperación do litoral galego.

 

Sábado, 4 de novembro de 2017    

Música, solidariedade e cultura na fin de semana na Guarda   

A Comunidade de Montes de Camposancos celebrará hoxe, ás 20 horas, unha nova sesión de «Música e palabras» na Casa Cultural da parroquia, actividade na que todas aquelas persoas que o desexen poderán participar coa lectura dun texto literario -clásico ou propio-,  tocando un instrumento ou, simplemente, acudindo como público da xornada cultural.

E hoxe clausúrase no Centro Cultural a mostra «Proxecto táctil», unha iniciativa que posibilita que os participantes, facendo uso de antefaces perciban as obras unicamente coas súas mans. Ao ter que ‘ver’ as obras sen facer uso do sentido da vista, pódese experimentar a forma en que as persoas cegas perciben os obxectos.  A exposición permanecerá aberta de 10 a 13 horas.

A fin de semana terá tamén un carácter solidario coas actividades organizadas pola asociación Conrazones de axuda a familias e persoas en situación de extrema necesidade. Hoxe, a partir das 17:00 horas  a entidade celebrará unha xornada de portas abertas e un magosto amenizado por el grupo O Trebón dos Xidos na escola de Siete Caminos. E mañá, domingo, a Alameda da Guarda acollerá un mercado solidario a favor dos usuarios da asociación, a partir das 10:00 horas.

 

Venres, 3 de novembro de 2017    

Nuevas fechas para el curso de Primeros Auxilios en Bebés y niños impartido por Cruz Roja Baixo Miño

            Cruz Roja Baixo Miño organiza un nuevo curso de Primeros Auxilios en bebés y niños, baremable para el SERGAS, con una duración de 10 horas teórico – prácticas, que se celebrará los días 18 y 28 noviembre.

            El objetivo general es capacitar a los alumnos para desarrollar correctamente su actuación ante una urgencia, así como facilitar la adquisición de conocimientos y un nivel adecuado de formación en cuanto a los contenidos.

            En su estructura el curso incluye los siguientes módulos: a. El envejecimiento; b. Objetivos; c. ¿Qué es el socorrismo? ;d. Pauta Generales de actuación ante una situación de emergencia; e. La cadena de supervivencia; e. Conceptos; f. Reanimación cardiopulmonar básica en adultos; g. Posición Lateral de seguridad; h. Movilidad y manejo urgente de las víctimas; i. Exploración Secundaria; j. Obstrucción de la vía aérea por cuerpo extraño; K. Hemorragias; l. Quemaduras; M. Electrocución; N. Heridas; O. Traumatismos; P. Intoxicaciones; Q. Mordeduras y picaduras de animales; R. Urgencias médicas; S. El Botiquín; T. Prevención de accidentes.; U. Bibliografía.

            La acción formativa se llevará a cabo en A Guarda, todas las personas interesadas pueden solicitar más información en Cruz Roja Baixo Miño, situada en la C/ Agustín Nandín Lomba, nº1 bajo o llamando al teléfono 986-61 46 09 o 6063484741; en horario de 8:00 a 15:00h y de 16:00 a 19:00.

            El plazo de inscripción acaba el 15 De Noviembre  el número de plazas es limitado, y la realización del curso queda sujeta a que se cubra el número de plazas. El coste del curso será de 40€.

http://www.cruzroja.es/principal/web/formacion/informacion-curso?cod_curso=409237

 

O Concello da Guarda organiza unha nova andaina  entre Leiro e Pazos de Arenteiro

Dada a boa acollida das últimas andainas organizadas, a Concellería de Deportes do Concello da Guarda decidiu propor a celebración dunha nova andaina para o próximo sábado 11 de novembro.

Malia que primeira proposta foi coñecer o Monumento Natural Pena Corneira,  o percorrido tivo que ser modificado por mor da vaga de lumes do pasado mes de outubro, que afectou notablemente a zona e fai desaconsellable a súa visita.

Así as cousas, a nova ruta, duns 15 quilómetros, será pola zona de Leiro en dirección a Pazos de Arenteiro. O percorrido transcorrerá pola provincia de Ourense, comezando na localidade de Leiro e percorrendo a comarca do Ribeiro, unha zona rural con abundante bosque e vilas que se viron afectadas polo despoboamento.

En Leiro, partirase baixando ao río Avia. Cruzarase por unha vella ponte, atopando así  unha ponte colgante e o cámping, hoxe en día pechado, que era lugar turístico nos meses de verán.

A andaina continuará por vellos camiños ata chegar a Pazos de Arenteiro, no municipio de Boborás, lugar que -como o seu nome indica- comprende numerosos pazos e moita historia tras os seus muros. A ruta concluirá de novo en Leiro despois de pasar pola aldea abandonada de Viñoa.

Como remate desta xornada, está prevista unha breve visita  á vila de Ribadavia, cun percorrido polo seu casco histórico, o barrio xudeu e o castelo, centro da coñecida “Festa da Istoria”.

 

Venres, 3 de novembro de 2017    

Jornada de Puertas Abiertas en el colectivo Conrazones de A Guarda

Este fin de semana la Asociación Conrazones de A Guarda realizará diversas actividades con el fin de dar a conocer su labor, a través de una jornada de puertas abiertas. 

Mañana, sábado, a partir de las 17 horas, organizan de un "Magosto" en las Escuelas de Siete Caminos, para que todo aquel que quiera conocer las instalaciones, pueda visitarlas, y saber también cómo se trabaja. La jornada estará amenizada por el grupo "O Trebón dos Xidos". 

El domingo, día 5, tendrá lugar, si el tiempo lo permite, un mercadillo solidario en la Alameda de A Guarda, a partir de las 10 de la mañana y hasta las 19 horas en el cual se podrá encontrar ropa, juguetes, libros y enseres diversos. La recaudación se destinará íntegramente a la adquisición de alimentos para las familias necesitadas de la zona del Baixo Miño.

 

Venres, 3 de novembro de 2017    

Avelaíña cumple 20 años

La Asociación Avelaíña, que conmemora este año el vigésimo aniversario de su creación, organiza hoy, viernes, a partir de las 17:00 horas, un acto público conmemorativo, en la Alameda de A Guarda, contando con la participación de los grupos Perseide y "Que Panorama" de Avelaíña, y el dj Aser. Además se repartirá un chocolate a todos los asistentes.

 

Cruz Roja organiza un curso de Primeros Auxilios

            Cruz Roja Baixo Miño organiza un nuevo curso de Primeros Auxilios en bebés y niños, baremable para el SERGAS, con una duración de 10 horas teórico – prácticas, que se celebrará los días 18 y 28 noviembre, teniendo como objetivo capacitar a los alumnos para desarrollar correctamente su actuación ante una urgencia, así como facilitar la adquisición de conocimientos y un nivel adecuado de formación en cuanto a los contenidos.

            Esta acción formativa se llevará a cabo en A Guarda, pudiendo las personas interesadas solicitar más información en Cruz Roja Baixo Miño, o llamando al teléfono 986-61 46 09 de 8:00 a 15:00 horas y de 16:00 a 19:00 horas.

            El plazo de inscripción finaliza el 15 de noviembre,  el número de plazas es limitado, y la realización del curso queda sujeta a que se cubra el número de plazas. El coste del curso será de 40 euros.

 

Xoves, 2 de novembro de 2017    

Aprobada a moción do BNG sobre a lei de áreas sanitarias

O pleno da Guarda aprobou por maioría a moción presentada polo BNG na que se solicitaba un cambio na política sanitaria da Xunta. A moción foi aprobada co voto en contra do PP.

A moción solicitaba a retirada do anteproxecto de Lei polo que se modifica a Lei 8/2008, de 10 de xullo, de Galiza, dado que esta modificación vai provocar máis deterioro na sanidade pública, consolida a liña de recortes, prioriza o criterio económico sobre as necesidades dos usuarios e usuarias e afecta negativamente á calidade asistencial.

Outra das reivindicacións é a posta en marcha dun plan de Mellora de Atención Primaria, como porta de entrada ao sistema sanitario, sendo un elemento chave para o sistema sanitario público galego.

“Falamos de dotar aos centros de Atención Primaria con recursos económicos, técnicos e humanos. Hoxe o PAC da Guarda ten graves carencias: dende o mantemento do edificio até a falta de servizos básicos como Radioloxía, deficiencias no servizo de Urxencias ou unha ambulancia medicalizada que nos garanta os traslados urxentes”, comentou Ángel Baz, portavoz municipal do BNG.

O BNG considera que o actual estado do PAC da Guarda é resultado da falta de compromiso dos sucesivos Gobernos do PP na Xunta e da inacción do Goberno municipal do PSOE.

 

Mércores, 1 de novembro de 2017    

«Diálogos en Educación»:  éxito de asistencia na primeira charla dedicada ao mindfulness

A Casa dos Alonso acolleu o pasado venres, 27 de outubro, unha das sesións con máis éxito participativo do ciclo de charlas «Diálogos en Educación», que chega este ano a súa terceira edición.

A este primeiro encontro, dedicado á «educación consciente, baseada en mindfulness», acudiron preto de corenta persoas de distintos perfís, aínda que unidas por ter inquedanzas no eido educativo e as novas formas de relación cos cativos e adolescentes nunha sociedade cambiante. 

A psicóloga e traballadora do centro San Xerome Emiliani, Joana L. Pereira, foi a encargada de guiar este primeiro faladoiro, no que os asistentes achegáronse ao concepto de atención consciente ou plena, tradución do termo anglosaxón mindfulness. Esta é, segundo expuxo a especialista, unha  técnica de meditación e relaxación mediante a cal búscase «atopar o botón de pausa» de cada persoa, parando a cascada de pensamentos que se suceden durante o día e deixando a un lado os xuízos de valor para pasar a centrarnos unicamente no que vemos, ulimos ou tocamos.

Algúns dos exercicios propostos pola psicóloga para ser aplicados aos escolares pasan, como exemplos, por centrarse nun obxecto para deterse a describilo dun xeito obxectivo (sen caer el cualificativos tales como bonito/feo, que dependen da percepción persoal), escoitar con atención e definir os sons que decotío pasan desapercibidos, ou saborear un caramelo de maneira pausada e analizando as texturas.

Nas persoas adultas, incidiu Pereira, «é importante manter unha ‘mente de principiante’», isto é, «non deixarse levar polas experiencias pasadas» para xulgar situacións semellantes e afrontar cada unha delas como se fose a primeira.

Próximos faladoiros

A charla «O multiculturalismo nas aulas, problema ou oportunidade» celebrarase o venres 10 de novembro contando coa participación do profesor da UDC no departamento de Pedagoxía e Didácticas, Juán José Bueno. Javier F. Rouco, tamén profesor da UDC no departamento de Pedagoxía e Didácticas, participará no terceiro faladoiro, titulado «Filosofía para/con a infancia», namentres a derradeira entrega deste outono será o 1 de decembro e estará dirixida polo catedrático da UDC, Jurjo Torres. Este versará sobre as «Políticas educativas e as influencias neoliberais» realizando, amais, unha análise sobre o futuro da educación.

Todos os encontros serán na Casa dos Alonso ás 20:30 horas, sen límite de aforo e sen necesidade de inscrición previa.

 

Mércores, 1 de novembro de 2017    

O Concello convida ás asociacións guardesas a participar no decorado urbano de Nadal

O Concello da Guarda promove dende un ano máis a iniciativa “Decora o teu Nadal”, coa que se anima ás distintas asociacións da Guarda a participar na decoración urbana con temática propia do Nadal en distintos puntos da vila.

Segundo explica o alcalde da Guarda, Antonio Lomba, esta actividade busca “facer entender a nosa vila como un espazo de expresión artística que a xente sinta como propio, ofrecendo a posibilidade de actuar sobre el para embelecelo”. Búscase, amais de embelecer e caracterizar o entorno, fomentar o traballo en equipo e unir ás distintas asociacións traballando nun mesmo obxectivo.

Cada unha das asociacións participantes terá asignado un espazo público, que deberá decorar principalmente con materiais de refugallo, non contaminantes e resistentes ao exterior. O Concello poderá outorgar axudas económicas para a adquisición de material se estas son estritamente necesarias e sempre que se respecte a filosofía da iniciativa, dando prioridade á utilización de materiais de refugallo.

As asociacións interesadas deberán confirmar a súa participación antes do día 8 de novembro, acudindo á casa do concello, chamando o teléfono 986 610 000 ou ben mediante correo electrónico á dirección cultura@aguarda.es. O día 10 de novembro comunicaráselle a cada unha das asociacións o punto que poderá decorar, acción que poderán levar a cabo entre os días 4 e 11 de decembro.