Índice

www.galiciasuroeste.info

 

NOVEMBRO

 

Mércores, 30 de novembro de 2016  

Tomiño presenta hoxe a Oficina Municipal de Igualdade

Os actos conmemorativos do 25 de novembro, organizados pola Oficina de Igualdade Municipal, en colaboración coa Deputación de Pontevedra, continúan hoxe, mércores 30, coa charla-presentación da mencionada oficina, co fin de informar sobre os recursos e servizos de asesoramento xurídico e asistencia a mulleres que presta o departamento, grazas a unha subvención da Deputación Provincial. Será ás 19 horas, na Casa da Cultura.

Silvia Rodríguez Fernández, avogada de profesión, é a responsable do servizo, que se presta luns e mércores, de 16.30 a 20.30 horas, nas instalacións dos Servizos  Sociais municipais, previa petición de cita no 986 622 002.

No primeiro mes de funcionamento a oficina, ademais de atender ao público, púxose en contacto con axentes sociais, coma asociacións de mulleres, instituto de ensino secundario e corpos de seguridade co fin de artellar un protocolo de actuación.

Por último, os días 1 e 2 de decembro, celebrarase o obradoiro “Acción social fronte á violencia de xénero”, a cargo do colectivo ADAVAS, tamén na Casa da Cultura, a partir das sete da tarde.

 

Acto solidario do bombeiros de Porriño a prol de SOS Tomiño-Baixo Miño

Os bombeiros de Porriño organizan unha xornada de portas abertas, onde van a mostrar como traballan, vehículos e instrumentos que utilizan no seu traballo habitual.

            Será o domingo, 4 de decembro, a partir das 11:30 horas, cando comecen os actos, que son de balde, recolléndose un kilo de alimentos (leite para os nenos, cacao, galletas, legumes), que se destinarán a SOS Tomiño-Baixo Miño, que atende a máis de 100 familias na comarca.

 

O Concello de Tomiño leva a cabo importantes melloras no mercado municipal

A Consellería de Economía, Emprego e Industria concedeu ao Concello de Tomiño unha subvención para realizar varias melloras no Mercado Municipal, dentro do plan “Tomiño, á procura da excelencia”.

O importe da subvención ascende a 38.675,71 euros, aos que o Concello sumou outros 16.238,80, de fondos propios, para poder afrontar as obras e subministros, que tiveron un custe total de máis de 55.200 euros.

A intervención consistiu en tarefas de mellora acústica e da imaxe corporativa do mercado; creación dunha zona de lavado e amoblamento no andar superior; subministración dunha cámara comunitaria para froitas e dunha máquina para fregado, secado e abrillantado do chan; instalación dun sistema colga cadros en carril con movemento flexible, etc.

O mercado municipal, que fora obxecto dunha profunda reforma hai un par de anos, conta agora con máis servizos que ofrecer aos seus praceiros e aos clientes, que contan cunha oferta diferenciada e de calidade.

O mercado conta cunha ducia de postos de produtos frescos (froita, verdura, carne, peixe, chacinaría, panadería, produtos ecolóxicos, conservas, florería, etc.), situados todos eles na planta baixa do edificio.

A planta superior acolle postos coma un de comida caseira para levar, conservas naturais, viñoteca e outros que se incorporarán en breve. Esta planta, á que pode accederse tamén por ascensor, constitúe un novo espazo lúdico-gastronómico, dotado de música ambiental, wifi gratuíta, e outros servizos.

Por outra banda, dende hai un tempo é posible visitar o mercado a través de Google Maps, e percorrelo de forma virtual en 360º. Aínda que algúns mercados de Galicia xa teñen este servizo, o de Tomiño, é un dos primeiros da Comunidade Galega en ofrecer este tipo de difusión pública e globalizada.

Ademais da visita virtual polo interior do edificio, o navegante atopará na ligazón (http://maps.google.com/maps/place?cid=15113498850728130126) unha ampla galería fotográfica, cos distintos postos do mercado, servizos e actividades complementarias que se levan a cabo dentro da instalación.

Con esta acción “posicionamos o noso mercado en buscas de Google e podemos visitalo, grazas ás novas tecnoloxías”, sinala a alcaldesa de Tomiño, Sandra González.

Ademais, o Concello creou unha páxina web (www.mercadotomino.com), e outra de Facebook (Mercado de Tomiño) que xa ten cerca de tres mil seguidores.

 

Martes, 29 de novembro de 2016  

O mercado de Tomiño prepara unha campaña de Nadal con obradoiros, menús e sorteos

Co lema “O mercado sabe a Nadal”, o Concello de Tomiño organiza unha campaña ao longo do mes de decembro, que inclúe obradoiros florais, de maquillaxe e cociña; ideas e receitas para preparar os mellores menús de Nadal, e sorteos, con cestas de Nadal e lotaría. Asemade, os praceiros prepararon un portal dos desexos, onde poderán depositarse cartas dirixidas a Papá Noel e un photocall (pequeno escenario onde facerse fotos), cunha singular decoración acorde a estas datas festivas.

A primeira das actividades programadas terá lugar o día 3 de decembro, de 17.00 a 19.00 horas. Será un taller de confección de coroas e centros de Nadal, acompañado por un chocolate quente. As inscricións, cunha matrícula de 10 euros, deben facerse no posto Floristería Marisa, na planta baixa do edificio.

 

A Comunidade Terapéutica Alborada, de Tomiño, organiza o seu sétimo concurso de fotografía

A Asociación Cidadán de Loita contra a Droga ACLAD  Alborada, con sede na parroquia tomiñesa de Piñeiro, organiza en colaboración coa Deputación de Pontevedra e o Servizo Galego de Saúde, o VII Concurso de Fotografía, co obxectivo de promover e difundir o recoñecemento da creatividade na arte da fotografía, entre as persoas usuarias da asociación.

O tema das fotografías presentadas a concurso será “Emociones” e cada traballo deberá levar un título que garde relación coa foto. Cada participante poderá presentar un máximo de 3 obras, inéditas e orixinais non publicadas noutros medios de comunicación e non premiadas anteriormente.

Establécense tres premios, realizados de xeito artesanal no taller de carpintaría ca Comunidade Terapéutica Alborada.

O prazo de presentación das obras permanecerá aberto até o 14 de decembro de 2016. Os traballos deberán enviarse por correo electrónico ao enderezo concursoalborada@gmail.com, co asunto “VII Concurso Fotográfico Alborada”.

Para máis información ou consulta das bases completas é recomendable porse en contacto coa Educadora Social, Inés Sancho, no teléfono 986 63 34 03.

 

Luns, 28 de novembro de 2016  

El PSOE de Tomiño denuncia el despotismo del gobierno municipal

Desde el Grupo Municipal Socialista de Tomiño, a raíz de la convocatoria del pleno extraordinario, celebrado este pasado sábado en la Casa de la Cultura, solicitando el apoyo unánime a un proyecto del que no se ha proporcionado acceso a toda la información necesaria, de modo que, según los socialistas, en la mañana del viernes, a las 12:00 del mediodía, no estaba la información preparada para los concejales y al parecer, sólo la edil socialista Mónica Hermida, se había mostrado interesada en tener esa información, que recibió de forma incompleta a las 13.30 horas.

Los socialistas denuncian que no es la primera vez que esto ocurre y temen que no será la última. “El ninguneo por parte de del gobierno del BNG a los vecinos y a los concejales elegidos se está convirtiendo en la tónica general de funcionamiento”, con un comportamiento reiteradamente déspota que confirma con estas formas su falta de cultura democrática, denunciada desde hace meses por los socialistas.

 

A Corporación Municipal de Tomiño solicita á Deputación e á Xunta a construción dunha variante ao núcleo urbano do Seixo

O Concello de Tomiño celebrou o pasado sábado sesión plenaria extraordinaria, na que se validou a proposta política de solicitar á Xunta de Galicia e á Deputación, que leven a cabo un proxecto estratéxico para o futuro do municipio: a construción dunha variante ao núcleo do Seixo. Esta proposta foi aprobada cos votos a favor do BNG, PP e CdT e coa abstención do PSOE.

A proposta xurdiu dunha demanda que o goberno municipal fixo á Deputación en setembro de 2015, para solucionar os problemas de tráfico e paso de vehículos polo núcleo urbano. A Deputación de Pontevedra redactou un estudo para a mellora da conexión entre a EP-3102 Tomiño-Sabarís e a PO-344 ao seu paso polo núcleo urbano do Seixo. Este estudo previo definiu como solución máis acaída a prolongación da EP-3102 a modo de variante ao Seixo, coa finalidade de conseguir unha conexión viaria eficaz entre a estrada provincial EP-3102 Tomiño–Sabarís e a estrada autonómica PO-344, xa que na actualidade a confluencia destas estradas ao seu paso polo núcleo urbano do Seixo, soporta un volume de tránsito de vehículos que afecta o normal desenvolvemento da vida diaria e o desfrute do espazo público.

            Ademais, o desenvolvemento de Tomiño nos últimos anos ten provocado un aumento poboacional importante (arredor dun 30% en 15 anos) e a creación dunha serie de equipamentos públicos (instituto de ensino secundario, campo de fútbol, pavillón polideportivo, centro de saúde, centro de día e centro de persoas con discapacidade) co conseguinte incremento do paso de vehículos polo centro urbano.

Segundo a alcaldesa de Tomiño, Sandra González, "esta actuación será estratéxica para o futuro desenvolvemento de Tomiño e posibilitará un crecemento mais ordenado, así como seguir transformando Tomiño e facendo do noso concello un lugar que cambia para favorecer a mobilidade e desfrute do espazo público".

Este proxecto foi presentado en xullo deste ano á conselleira de Infraestruturas e Vivenda, Ethel Vázquez, así como unha proposta de colaboración para o financiamento e execución deste investimento entre as tres administracións.

Despois da votación plenaria e do respaldo maioritario a esta reivindicación da corporación municipal de Tomiño, a alcaldesa salientou "o sentido de responsabilidade dos grupos políticos do PP e CdT” e agradeceu que “se antepoñan os intereses públicos para así entre todos facer ver á Deputación e Xunta da necesidade deste proxecto para o futuro de Tomiño".

 

Sábado, 26 de novembro de 2016  

Tomiño celebrou o día contra a violencia de xénero con bolboretas na Praza do Seixo

Alumnado do IES de Tomiño, decorou onte a Praza do Seixo, co seu traballo “Bolboretas”, símbolo das mulleres asasinadas, para conmemorar o Día Internacional contra a Violencia de Xénero.

Os estudantes da ESO tomaron a Praza do Seixo, para vestir a pérgola situada en fronte do Concello, de bolboretas de vivas cores e lendas contrarias á violencia de xénero. “A túa ira non aplaca acosando a outros” ou “Corta se revisa o teu móbil” rezaban algunhas das moitas frases colgadas polos mozos e mozas do instituto. Para rematar, o alumnado entregou bolboretas de cores pintadas a man, con palabras coma “denuncia”, “sentimento”, “cóidate” ou “quérete”.

Pola tarde-noite, no primeiro andar do mercado municipal, celebrouse unha lectura de poemas de varias poetisas galegas a cargo de mulleres tomiñesas (representantes de distintas asociacións e a título individual), acompañadas polo clarinete de Adriana Carrera, profesora da escola de música da Agrupación Musical de Goián.

Pouco despois, Vero Rilo, do grupo Daboapipa, interpretou a obra teatral “As Lavandeiras”, e para rematar a xornada conmemorativa, nos soportais do mercado, representantes de Adavas Baixo Miño, leron os nomes das mulleres asasinadas no último ano, como preludio ao Concerto de Checho, cantante de rap solidarizado e comprometido coa loita contra a violencia de xénero.

Os actos, organizados pola Oficina de Igualdade Municipal, en colaboración coa Deputación de Pontevedra, continúan o día 30 de novembro, coa charla-presentación da devandita oficina, co fin de informar sobre os recursos e servizos de asesoramento xurídico e asistencia a mulleres que presta o departamento, grazas a unha subvención da Deputación Provincial. Será ás 19 horas, na Casa da Cultura.

Por último, os días 1 e 2 de decembro, celebrarase o obradoiro “Acción social fronte á violencia de xénero”, a cargo do colectivo ADAVAS. Tamén na Casa da Cultura, a partir das sete da tarde. 

 

Expertos abordan en Tomiño o problema do saneamento en concellos rurais con moita dispersión

Durante tres días, expertos de diferentes universidades galegas e organismos públicos e privados, abordaron o problemático tema do saneamento en concellos rurais con moita dispersión, no marco das  I Xornadas de Saneamento e Depuración de Augas, organizadas pola Concellalía de Medio Ambiente do Concello de Tomiño.

María Xosé Vázquez, concelleira responsable da área, explicou que os obxectivos da actividade eran reflexionar sobre a situación do saneamento en Galicia e a problemática en concellos rurais coma Tomiño, con hábitats dispersos; analizar problemas de pozos negros e fosas sépticas obsoletas ou deficientes, e alternativas para pequenas poboacións.

 “A situación actual do saneamento e depuración en Concellos rurais galegos. O caso de Tomiño”, foi o tema, abordado o primeiro día (22 de novembro)  por David Hernández Oubiña, enxeñeiro de Camiños, Canais e Portos; técnico de Augas de Galicia e profesor asociado da Universidade da Coruña (UDC).

Segundo o experto, o 20% da poboación total de Tomiño (13.873 habitantes) vive en 62 núcleos de menos de 500 habitantes, e o resto faino en entidades de poboación diseminadas, constituídas por edificacións ou vivendas que non poden incluírse no concepto de núcleo.

Xunto a el, estiveron tamén Joaquín Suárez López (doutor e enxeñeiro de Camiños, Canais e Portos; investigador do Grupo de Enxeñaría da auga e do Medio Ambiente, e profesor titular da UDC, e Marián Lago Torrado, técnica responsable da empresa Aqualia en Tomiño.

Os expertos coincidiron na necesidade de analizar o sistema de saneamento máis viable e axeitado para cada unidade de poboación, segundo as súas características e número de habitantes, e comentaron as diferentes alternativas existentes dende os sistemas colectivos de proximidade até os autónomos.

As conferencias continuaron os días 23 e 24, na Casa da Cultura, en horario de 20.00 a 22.00 horas, contando con asistencia de público.

Ao longo deste tres días, os técnicos analizaron tamén sistemas de depuración autónomos mediante tanques ou fosas sépticas; solucións individuais e para pequenas poboacións, e sistemas de depuración alternativos baseados en plantas; humidais artificiais e ecolagoas.

 

Hoxe sesión extraordinaria e urxente ás 10.30 hor

O Concello de Tomiño celebrará hixe, sábado, sesión extraordinaria e urxente ás 10.30 horas, cos seguintes puntos na Orde do Día:

1. Declaración da urxencia da sesión.

2. Proposta da Alcaldía para aprobar a proposta de trazado da variante de Tomiño, prolongando a estrada EP-3102, remitida pola Deputación de Pontevedra, con data 28/10/2016, segundo o proxecto realizado coma solución para unha mellor conexión, evitando o excesivo tránsito de vehículos polo núcleo urbano.

A sesión terá lugar na Casa da Cultura de Tomiño, debido ás obras de reforma que se están a levar a cabo no salón de plenos do concello.

 

Venres, 25 de novembro de 2016  

Última actuación do Outono Cultural de Tomiño

Tras dous meses de programación, o Outono Cultural organizado polo Concello de Tomiño chega ao seu remate o domingo, con ”Deserto de centos”, un concerto de Sonia Lebedinsky.

A artista convidada para este último concerto, foi durante unha década a voz do exitoso grupo Fía na Roca. Afincada en Boiro, presenta agora o seu primeiro traballo en solitario “Deserto de centos”. Trátase dunha “viaxe didáctica cara a un horizonte por descubrir”. Entre os colaboradores do disco atópanse Xosé Lois Romero , Guadi Galego, Uxía e Óscar Losada.

Coma vén sendo habitual, o espectáculo será no Auditorio de Goián, a partir das 19.00 horas. As entradas, a 6 euros, poden mercarse dende unha hora antes da función.

Precederon a Sonia Lebedinsky durante o mes de novembro, os espectáculos de Talabarte, Sergio Tannus Trío e Agrupación Musical de Goián acompañada polos músicos Vaamonde, Lamas e Romero, a fin de semana pasada.

No mes de outubro, dedicado ao teatro, preto de 300 persoas asistiron ás seis actuacións programadas.

Paralelamente, segue aberta a exposición A retranca dun país (humor gráfico), de Luis Davila, até o domingo 27 de novembro, con entrada de balde.

 

Xoves, 24 de novembro de 2016  

Accidente en la carretera PO 552 Tui-A Guarda con un herido leve

La Policía Local de Tomiño informa del accidente de circulación, ocurrido a las 17:50 horas del martes, en la carretera PO 552 Tui-A Guarda, con dos vehículos implicados y un herido leve.

Personada una patrulla de la Policía Local de Tomiño en el lugar, comprobaron la existencia del accidente de circulación entre dos unidades de tráfico, al invadir el sentido contrario el vehículo turismo Citroën Picasso que circulaba en dirección a A Guarda, colisionando con el vehículo Renault Clío que circulaba en sentido Tomiño, a la altura de Viveros Nilo (parroquia de Figueiró).

Los vehículos sufrieron daños importantes en su estructura, dañando también parte del muro de cierre de Viveros Nilo.

En el vehículo Citroën Picasso viajaban un varón con sus dos hijos menores, vecinos de la localidad de A Guarda, no resultando herido ninguno de ellos. En el vehículo Renault Clío viajaba tan solo el conductor vecino de Tomiño, herido leve, siendo atendido en el lugar por una ambulancia medicalizada del 061, la cual pasaba por el lugar minutos más tarde de producirse el accidente.

 

Mércores, 23 de novembro de 2016  

Tomiño celebra o día contra a violencia de xénero con bolboretas, teatro e poemas

O Concello de Tomiño celebra o Día Internacional contra a Violencia de Xénero, cunha serie de actos conmemorativos a cargo de distintos colectivos.

O día 25 de novembro ás 12 horas, alumnado do IES, presentará na Praza do Seixo, o traballo “Bolboretas”, símbolo das mulleres asasinadas.

Ese mesmo día. ás 20.30 horas, no mercado municipal, haberá unha lectura de poemas a cargo de mulleres tomiñesas, e ás 21.00, Vero Rilo, do grupo Daboapipa, interpretará a obra teatral “As Lavandeiras”.

Ás dez da noite, nos soportais do mercado, Concerto de Checho, organizado por ADAVAS Baixo Miño.

Os actos, organizados pola Oficina de Igualdade municipal, en colaboración coa Deputación de Pontevedra, continuarán o día 30 de novembro, coa charla-presentación da devandita oficina de igualdade, para informar sobre os recursos e servizos de asesoramento e asistencia a mulleres. Será ás 19 horas, na Casa da Cultura.

Por último, os días 1 e 2 de decembro, celebrarase o obradoiro “Acción social fronte á violencia de xénero”, a cargo do colectivo ADAVAS. Tamén na Casa da Cultura, a partir das sete da tarde.

 

Sábado, 19 de novembro de 2016  

Andrés Álvarez y su composición Symphonic Sketches triunfan en Hollywood

El compositor goianés Andrés Álvarez acudió a la gala de los premios Hollywood Music in Media Awards (HMMA) celebrada en la noche del 17 de noviembre en el Fonda Theatre de Hollywood, Los Ángeles (California) para recibir la Mención de Honor por su composición Symphonic Sketches. Durante la gala fue presentada la composición que fué recibida por fuertes aplausos entre el público asistente, entre los que se encontraban los miembros más destacados de la musica, composición y cine americano.

Además de la distinción del músico gallego, cabe destacar el premio HMMA en la categoria de pelicula de animación ganado por el compositor francés Alexandre Desplat (9 veces nominado a los Oscar por mejor banda sonora y ganador en 2014 por El gran Hotel Budapest) y el premio HMMA en la categoria de pelicula de ciencia ficción y fantasia gando por el compositor californiano John Debney por su música en “El libro de la Jungla”.

Estos reconocidos premios de la música abarcan todas las categorías de la música, desde música clásica hasta el rock, pasando por música para cine, videojuegos, música folk, blues... Siendo nominados y premiados en anteriores ocasiones gente como Lady Gaga, Michael Giaccino (ganador del Óscar por la banda sonora de "Up", "Lost", "Inside out"), Dave Porter ("Breaking Bad"), Steven Price ("Gravity"), John Williams ("Star Wars", "Superman", "Indiana Jones", "E.T."), Hans Zimmer ("Gladiador", "Piratas del Caribe"), Howard Shore ("El Señor de los Anillos")...

Andrés Álvarez tiene en su haber varios premios de composición y su obra ha sido interpretada como obra libre y obligada en diferentes certámenes de la geografía española e internacionales, siendo también estrenada e interpretada en diferentes países como Francia, Bélgica, Holanda, Italia, Japón, Venezuela, Colombia, Brasil...

Andrés Álvarez ha impartido numerosos cursos de composición e instrumentación por toda la geografía española y portuguesa y ha sido requerido para formar parte de diferentes jurados, destacando la última edición del certamen internacional de banda Flicorno D'Oro en Italia. Así también ha participado en diversos cortometrajes y documentales, como en la banda sonora del largometraje Sueños de Sal (ganador este año al premio Goya al mejor documental), en la banda sonora de La Mula o en la grabación de la música original de la serie Seis Hermanas emitida por RTVE, compaginando su trabajo de compositor con la de director de la Banda de música de Chapela.

SYMPHONIC SKETCHES o bocetos sinfónicos es un concierto para banda sinfónica y quinteto de viento, encargo del quinteto gallego RUBATO que fue estrenado el pasado octubre por la gira que realizaron el compositor y el quinteto por tierras brasileiras, haciendo conciertos en Santos, Río de Janeiro y Niteroi que sigue la estructura de la sinfonía clásica, pero no comparte todas sus características, ya que la duración es inferior a la de una sinfonía (18 minutos aproximadamente) y está estructurada en un sólo movimiento.

Internamente nos encontramos con sus cuatro movimientos pero en este caso están enlazados y desordenados, de ahí el sobrenombre de bocetos.

Dividido en cuatro movimientos, sin pausa entre sí, I.- Adagio-Andante, II.- Allegro, III.- Largo- Adagio y IV.- Presto scherzando es una composición en la que destacan sus contrastes rítmicos y su colorido, en la que el quinteto de viento ejerce su papel de concertante pero sin descuidar la banda, que no sólo hace función de acompañamiento.

 

A petición dos nenos de Tomiño, o Concello comprométese a axudar aos refuxiados, a través de Unicef 

O Concello de Tomiño comprometeuse hoxe a través da alcaldesa, Sandra González, a crear unha partida orzamentaria destinada a canalizar por medio de Unicef, a axuda aos refuxiados que se vén obrigados a fuxir dos seus países por culpa das guerras e outras catástrofes.

A promesa da rexedora, tivo lugar ao final do pleno infantil celebrado onte na Casa da Cultura, co fin de conmemorar o Día Internacional da Infancia e o 27 aniversario da Convención sobre os Dereitos do Neno (CDN).

A sesión plenaria contou coa presencia de alumnado dos colexios públicos de Primaria, incluído o CRA (Centro Rural Agrupado) Mestre Manuel Garcés; Marisé Pérez Mariño, vocal do comité vigués de Unicef, docentes e público en xeral.

Cada un dos centros educativos expuxo un tema relacionado coa CDN (dereitos á saúde, á participación, á protección, á familia, á educación, etc.). O CEIP de Tebra (clase de 4º curso) tocou o tema do dereito á protección da poboación infantil a non traballar, a non ser maltratado nin obxecto de acoso escolar e a ser protexido das guerras e desastres naturais. Neste punto, e trala proxección dun vídeo alusivo, foi notoria a preocupación dos menores tomiñeses polo drama dos refuxiados e incluso preguntaron á alcaldesa se o Concello tiña previsto axudarlles dalgunha forma.

Deste xeito e logo de consultalo coa representante de Unicef, a rexedora local anunciou formalmente o seu compromiso e o do seu equipo de goberno, explicando que ao non ter unha forma máis directa de poder axudar ás familias afectadas, faríano a través dos canais de Unicef.

O alumnado participante fixo propostas concretas para mellorar a situación da poboación infantil no mundo, que entregou por escrito á alcaldesa. Os peques do CRA, fixeron un vídeo, que foi proxectado ao inicio da sesión, defendendo o dereito a xogar.

Sandra González pechou a sesión plenaria, agradecendo a presenza e traballo de todos os participantes e animando a seguir loitando polos dereitos infantís e doutros grupos sociais desfavorecidos.

 

Venres, 18 de novembro de 2016  

O programa transfronteirizo “Deporte para todos” promove a integración dos maiores de 55 anos

No marco do programa transfronteirizo "Deporte para todos", levado a cabo polos municipios de Tomiño e Vila Nova de Cerveira, para persoas maiores de 55 anos, celebrouse onte unha competición, na que tamén participaron equipos das localidades lusas de Melgaço, Caminha e Viana do Castelo, xunto ao de Tomiño/Cerveira, sumando entre todos preto dun centenar de deportistas.

Cada equipo aportou de 15 a 30 participantes, que se repartiron nas distintas probas (Fútbol 5, Baloncesto 3, Natación 50m, Atletismo 1500m e 60m, e xogos tradicionais (corda, petanca, malla).

Ademais de acudir ás competicións rexionais, os trinta participantes dos concellos de Cerveira e Tomiño, adestran ao longo de todo o ano, a razón de 2 veces por semana  (unha en Vilanova e outra en Tomiño), realizando actividades físicas funcionais e tamén deportes colectivos e individuais.

 

Concerto de Santa Cecilia da Agrupación Musical de Goián co trío “Vaamonde, Lamas e Romero”

Mañá, sábado, ás 20:00 horas, celebrarase no auditorio de Goián o concerto de Santa Cecilia da Agrupación Musical de o acompañamento do trío “Vaamonde, Lamas e Romero”.

Suso Vaamonde, Xosé Lois Romero e Pedro Lamas son tres músicos que uniron os seus talentos en 2006 para formar o proxecto VL&R. O conxunto mestura tres traxectorias que teñen pasado por diferentes estilos como o jazz, o folk ou a fusión, conseguindo unha nova combinación chea de talento musical, no que tamén hai espazo para a retranca.

Este trío e a Banda de Goián ofrecerán un espectáculo orixinal e divertido, no que se combina música popular co mellor humor e a retranca.

 

Concerto de Inverno da Coral Polifónica de Tomiño, o vindeiro domingo na Casa da Cultura

A Coral Polifónica de Tomiño, dirixida por David González, acompañada pola Coral Polifónica Val do Fragoso, ofrecerá este domingo, 20 de novembro, ás 20 horas, na Casa da Cultura, o Concerto de Inverno, organizado en colaboración co Concello de Tomiño

O programa

A Coral Polifónica Val do Fragoso interpretará “Cantiga do can”, “¿Dónde vas pescador?”, “Si la nieve resbala” e “Ojos de mar”.

A Coral Polifónica de Tomiño porá voz a “Una lágrima”, “La bella Lola”, “Compañeira”, “Hermosa” e “Siyahamba”.

 

Xoves, 17 de novembro de 2016  

Erro nas rifas de Nadal do Club Spartan Team de Tomiño

O Club Spartan Team de Tomiño, comunica que hai un erro de numeración nas rifas de Nadal que puxo á venda. Para evitar problemas, rogan a todas as persoas que teñan adquirido papeletas (cor laranxa), que se poñan en contacto co vendedor, co fin de cambialas por una correcta, sen custe algún, loxicamente.

Tamén poden chamar ao teléfono 687 299 477.

 

Pleno infantil no concello de Tomiño

O Concello de Tomiño organiza, en colaboración con Unicef Galicia, un pleno infantil, co fin de conmemorar o Día Internacional da Infancia 2016 e o 27 aniversario da Convención sobre os Dereitos do Neno (CDN).

bullet

Será o venres, 18 de novembro, ás 12 da mañá na Casa da Cultura e terá unha duración de 1 hora e media aproximadamente.

bullet

Asistiran 4 ou 5 nenos/as de cada colexio e 2 do IES, sumando uns 30 participantes (máis o público). 

bullet

De parte do Concello asistirán a alcaldesa, e as concelleiras de Cultura e Mocidade.

bullet

Sandra González, alcaldesa de Tomiño, dará a benvida aos estudantes e fará unha breve introdución, falando da importancia de que os escolares propoñan melloras para o cumprimento da CDN a través de accións participativas coma un pleno.

bullet

A rexedora dará paso á reflexión de cada centro sobre un tema relacionado coa conmemoración do día, no que traballaron previamente.

bullet

Despois das reflexións, farase unha valoración xeral dos traballos e pecharase a sesión cunha foto de todas as persoas asistentes.

 

Mércores, 16 de novembro de 2016  

Tomiño analizará a situación actual do saneamento en concellos rurais galegos, no marco dunhas xornadas que durarán tres días

Os días 22, 23 e 24 de novembro, expertos de distintas universidades e doutros organismos relacionados co tema da depuración de augas e saneamento, analizarán en Tomiño a situación de municipios con núcleos dispersos, como é o caso de Tomiño.

Organizadas polo Concello de Tomiño, as I Xornadas de Saneamento e Depuración de Augas, terán lugar na Casa da Cultura de Tomiño, en horario de 20.00 a 22.00 horas.

Ao longo deste tres días, os técnicos falarán tamén de sistemas de depuración autónomos mediante tanques ou fosas sépticas; solucións individuais e para pequenas poboacións; sistemas de depuración alternativos baseados en plantas; humidais artificiais, ecolagoas, etc.

María Xosé Vázquez, concelleira de Medio Ambiente, explica que un dos obxectivos principais destas xornadas é reflexionar sobre a situación do saneamento en Galicia e a problemática en concellos rurais con hábitat disperso, con especial atención á situación de Tomiño. Analizar problemas de pozos negros e fosas sépticas obsoletas ou deficientes, e alternativas para pequenas poboacións e hábitats dispersos, son outros dos obxectivos deste ciclo de conferencias, a cargo de profesionais especializados nestes temas, que relatarán tamén diferentes experiencias.

Programa

Sesión 1. Día martes 22 de novembro.

Tema: A situación actual do saneamento e depuración en Concellos rurais galegos. O caso de Tomiño.

Poñentes:

o       David Hernández Oubiña. Enxeñeiro de Camiños, Canais e Portos. Técnico de Augas de Galicia e profesor asociado da Universidade da Coruña (UDC).

o       Joaquín Suárez López. Doutor e Enxeñeiro de Camiños, Canais e Portos. Investigador do GEAMA (Grupo de Enxeñaría da auga e do Medio Ambiente), e profesor titular da UDC.

o       Marián Lago Torrado. Responsable de Aqualia en Tomiño.

Sesión 2. Día mércores 23 de novembro.

Tema: Depuración autónoma mediante tanques/fosas sépticas. Solucións individuais e para pequenas poboacións.

Poñentes:

o       Miguel Ángel Torres. Enxeñeiro da empresa Pru Sistema de depuración de augas residuais.

Sesión 3. Día  xoves 24 de novembro.

Tema: Sistemas de depuración alternativos baseados en plantas. Humidais artificiais e Fitodepuración/ecolagoas.

Poñentes:

o       Javier Santiago Díaz. Enxeñeiro Forestal. Especialista en sistemas de Ecolagoas.

o       David de la Varga. Especialista en humidais artificiais. Proxecto Sedaqua spin-off da UDC.

 

Martes, 15 de novembro de 2016  

‘Antón Alonso Ríos’, nome escollido por votación popular para o instituto de Tomiño

            Antón Alonso Ríos é o nome máis votado para bautizar ao IES de Tomiño, que pasará a chamarse IES Antón Alonso Ríos, logo dos resultados escrutados onte e previa ratificación do Consello Escolar.

A elección de Antón Alonso Ríos foi apoiada por 1.026 votos, o 36% do total dos emitidos. A participación na votación foi de 2.818 votos, dos que 402 foron depositados nas urnas físicas, e 2.416 rexistráronse polo sistema dixital. A defensora das mulleres e dos movementos do campesiñado Isaura Gómez, foi o segundo nome máis votado, con 967 votos (34%). A terceira candidatura, o mantemento da súa actual denominación IES de Tomiño, foi votada por 825 persoas (29%).

O Concello de Tomiño puxo en marcha un proceso pioneiro en Galicia para a proposta e elección participativa de un nome para o instituto de educación secundaria do municipio. O proceso comezou en outubro coa recepción de propostas de tódolos cidadáns, que foron seleccionadas por un comité de expertos. En total recibíronse 51 propostas de nomes diferentes, das que o comité seleccionou 5 e o consello escolar do instituto decidiu os tres nomes finalistas que se someteron a votación.

A votación celebrouse durante 12 días (2-13 de novembro), en urnas situadas no instituto e na casa consistorial de Tomiño e tamén a través dun procedemento de votación on line.

Onte procedeuse a apertura das urnas no Concello e ao proceso de reconto. Os resultados serán notificados ao consello escolar do IES de Tomiño que, unha vez aprobado, presentará unha solicitude formal de cambio de nome á Consellería de Educación.

Antón Alonso Ríos (Silleda 1887 - Bos Aires 1980) foi un mestre e pedagogo intimamente ligado a Tomiño, especialmente na etapa da II República. En Tomiño dirixiu a escola Aurora del Porvenir, onde desenvolveu un modelo educativo innovador, incorporando á educación práctica forestal. O franquismo obrigouno a emigrar a América. Participou na fundación do Consello de Galicia en Montevideo, que presidiu logo da morte de Castelao e ata 1950.

O instituto de Tomiño conta con 600 alumnos. O proceso participativo para escoller o novo nome do instituto de Tomiño é unha iniciativa pioneira, incluída no programa Educación da boa, posto en marcha no curso pasado polo Concello de Tomiño , coa finalidade de promocionar o instituto e un ensino público de calidade.

A alcaldesa explicou que a intención do equipo de goberno é lograr un maior vencellamento entre o instituto e os veciños e veciñas. “Por esta razón comezamos pola escolla do nome; queremos que os cidadáns participen máis na actividade e na mellora do IES, e que o IES se abra cada vez máis á sociedade. Cremos que é fundamental ter, mais tamén valorar unha educación pública de calidade”, salientou Sandra González.

O programa Educación da boa inclúe, ademais do bautizo, unha análise das preferencias da comunidade escolar a través dunha enquisa, un programa de conferencias de orientación profesional para os alumnos do instituto e un plan comunicación e divulgación en redes sociais sobre as actividades do centro educativo.

 

Sábado, 12 de novembro de 2016  

O Outono Cultural de Tomiño dedica o mes de novembro á música

A programación cultural de Tomiño dedica o outono aos concertos de diferentes tipos de música, sendo protagonista hoxe, sábado, ás 20 horas, “Son Brasilego”, con Sergio Tannus Trío e o custe da entrada 6 euros.

O sábado 19, tamén ás 20.00 horas, os músicos Vaamonde, Lamas e Romero actuarán xunto á Agrupación Musical de Goián, con entrada de balde. Pechará o mes da música, o domingo 27, ás 19.00 horas, ”Deserto de centos”, con Sonia Lebedinsky, e o custe da entrada 6 euros.

Todos os eventos celebraranse no Auditorio de Goián, sendo posible mercar as entradas unha hora antes da función.

Paralelamente, segue aberta a exposición de humor gráfico, “A retranca dun país”, de Luis Davila, até o domingo 27 de novembro e entrada de balde.

Os protagonistas dos concertos

Sergio Tannus Trío

Sérgio Tannus é un dos artistas máis completos da “safra brasileira”. Autodidacta e virtuoso en instrumentos variados, como guitarras, violões, baixos, cavaquinho, bandolín e percusións. Desde 2006, vive en Santiago de Compostela. Desde a súa chegada a Galicia, leva compartindo experiencias e colaboracións, tanto como músico acompañante, coma en calidade de produtor musical, con artistas como Uxía, Antonio Zambujo, Carlos do Carmo, Chico Cesar, Lenine, João Afonso, Kepa Junkera, entre moitos outros. Ademais, tamén co-produciu e gravou varios CDs infantís de moito éxito en Galicia; entre eles, “Maria Fumaça” e “Rosalía pequeniña”, con Uxía.

Tamén actuou co seu trío en obras teatrais como “Ordem e Progresso”, xunto ao Carlos Blanco.

Desde xullo de 2013, Tannus agregou ao seu vasto currículo musical, outro importante proxecto, aceptando a invitación de formar parte da banda e xira mundial da cantante Doce Pontes, unha das voces máis significativas e famosas de Portugal.

Tras numerosos traballos e colaboracións con outros artistas, en 2012 ideou e levou a cabo o proxecto do seu novo disco “Son Brasilego”; un proxecto de gran porte e numerosos colaboradores, no cal o apoia, como sempre, a formación base que conforma o seu trío.

Este disco, que presentará o vindeiro domingo en Tomiño, aposta polo intercambio, achegamento cultural e persoal, fusión de ideas, ritmos e raíces comúns. Pero sobre todo é un agasallo, un agradecemento a todos aqueles músicos e amigos que fixeron posible o crecemento musical e artístico de Sérgio Tannus deste lado do Atlántico.

“Trío Vaamonde, Lamas e Romero” coa Agrupación Musical de Goián.

O tradicional concerto de Santa Cecilia terá este ano, como novidade, o trío musical “Vaamonde, Lamas e Romero”, ao que acompañará a Agrupación Musical de Goián, nun concerto orixinal e divertido.

Trátase de tres músicos que uniron os seus talentos en 2006, para formar o proxecto VL&R.

O conxunto mestura tres traxectorias que teñen pasado por diferentes estilos como o jazz, o folk ou a fusión, conseguindo unha nova combinación chea de talento, na que tamén hai espazo para a retranca.

”Deserto de centos”. Con Sonia Lebedinsky

Tras ser durante unha década a voz do exitoso grupo Fía na Roca, Sonia Lebendynski, artista afincada en Boiro, presenta o seu primeiro traballo en solitario “Deserto de centos”. Trátase dunha viaxe didáctica cara a un horizonte por descubrir.

Entre os colaboradores do disco figuran Xosé Lois Romero, Guadi Galego, Uxía e Óscar Losada.

 

Venres, 11 de novembro de 2016  

Os cidadáns de Tomiño e Cerveira poderán escoller ata tres proxectos para ser realizados conxuntamente por ambos concellos

Durante un mes, iníaciase a experiencia de cooperación entre Tomiño e Vila Nova de Cerveira, co lanzamento do primeiro orzamento participativo  de carácter transfronteirzo, que posibilitará que los cidadáns maiores de 18 anos e electores dos dous concellos podan escoller mediante votación telemática, tres proxectos de cooperación (a realizar ao longo de 2017) de entre seis, redactados no marco da Axenda de Cooperación Transfronteiriza Cerveira Tomiño.

En Educación, as propostas a escoller son a realización da Semana da Comunidade Educativa Cerveira-Tomiño 2017 ou o 1º Campus Deportivo e Educativo Cerveira-Tomiño.

En Cultura, poderase elixir entre a organización da Festa Amizade Cerveira-Tomiño ou a realización do Encontro de Creatividade Cultural e Musical do Miño.

Finalmente, en Acción Social, as alternativas son a elaboración dun Programa de Voluntariado de Apoio á Inclusión Social Infantil e Xuvenil ou a dun Programa transfronteirizo para a información, apoio e visibilidade das problemáticas de accesibilidade.

As fichas  explicativas dos proxectos figuran nunha páxina web creada expresamente para esta votación denominada  www. participacerveiratomino.eu

O proceso de votación é simple: trátase de entrar na páxina www.participacerveiratomino.eu e rexistrarse con nome, apelidos e número de DNI; premer en “Participa”, seleccionar un proxecto por cada categoría e votar. A participación é validada tras o cruzamento da información persoal do rexistro cos datos do padrón electoral, co fin de que o proceso sexa o máis transparente e seguro posible.

O período de votación rematará o día 10 de decembro. A presentación dos tres proxectos máis votados está prevista o día 12 de decembro.

Os proxectos de cooperación que se someterán a votación, son o resultado da actividade desenvolta durante varios meses polos grupos de traballo transfronteirizos (áreas de Educación, Cultura e Acción Social), nos que participaron unhas 40 entidades e persoas de ambas marxes; un traballo longo e concertado, desde o inicio do ano, enfocado á definición de prioridades e estratexias comúns.

O Orzamento Participativo Transfronteirizo Cerveira-Tomiño (OPT) é un proxecto pioneiro na Eurorrexión Norte de Portugal/Galicia, que ten coma obxectivo involucrar aos cidadáns dos dous concellos veciños, na formulación de solucións para necesidades comúns. Dotado de vinte mil euros (20.000€), financiados ao 50% polas dúas entidades locais, servirá para costear os proxectos acometidos conxuntamente, tras a votación popular.

 

Accidente de circulación por colisión múltiple en Tomiño

La central de la Policía Local de Tomiño recibió aviso de accidente de circulación en al carretera PO 552, PK 60, en el lugar de Granxola – Estás, trasladándose una patrulla que comprobó la existencia de un accidente de circulación, por alcance múltiple, donde están implicados los vehículos Alfa Romeo 147, matrícula 3613GNT, Peugeot 5008, matrícula 3525JBF, y el Opel Zafira, matrícula 9747BRF, y resultando dos personas con heridas leves, asistidas por ek 061.

Los agentes tomiñeses procedieron a socorrer a los implicados y a regular el tráfico, garantizando la seguridad de la vía.

Los vehículos circulaban en sentido Tui-A Guarda estando pendiente de determinar las causas que provocaron la colisión múltiple.

En el accidente intervino la Policía Local Tomiño, Guardia Civil de Tráfico y ambulancias 061.

 

Xoves, 10 de novembro de 2016  

A AD Tomiño celebra un magosto o sábado

Este sábado, día 12, dende as 17 horas, a AD Tomiño celebra un magosto no campo da Carballa invitando a este encontro a xogadores, familiares e amigos do club, pudendo disfrutarse ao mesmo tempo dalgún dos encontros de liga dos equipos de fútbol base de Tomiño.

 

El tomiñés Brais Pereira Medalla de Oro en el Torneo Internacional de Judo

El judoka tomiñés Brais Pereira Amorín participo en el Torneo Internacional de Judo que se celebró en Avilés.

Este judoka pertenece al club de Judo Baixo Miño aunque de lunes a jueves continúa por tercer año consecutivo sus entrenamientos en el CGTD de Pontevedra.

Brais Pereira Amorín consiguió la medalla de oro en la categoría de -81 kg  tras ganar todos sus combates por la máxima puntuación Ippon, demostrando ser uno de los mejores judokas nacionales en su categoría.

Ahora le esperan próximos compromisos como su participación, este próximo fin de semana, en la Copa de España Junior que se celebra en Amurrio y la Copa de España Senior que se celebrará en diciembre en Arteixo.

 

O Concello de Tomiño reforma o salón de plenos para facelo accesible a todas as persoas

O Concello de Tomiño inicia a semana vindeira as obras de reforma do Salón de Plenos, para facer del un espazo accesible a todas as persoas e dotado de mellores potencialidades.

O actual Salón de Plenos, cuxa reforma afrontarase cunha partida de 200.000 euros procedentes da Deputación de Pontevedra, non se atopa adaptado para persoas con discapacidade funcional ou mobilidade reducida. Unicamente se sitúa ao nivel da planta baixa a zona dos concelleiros, estando o resto do salón a un nivel inferior, non accesible a todos os cidadáns por ningunha das  portas existentes.

A superficie do salón rolda os 120 metros cadrados, un terzo, aproximadamente, da superficie total do Concello, razón pola cal o Concello pretende crear un novo acceso directo, dende a Praza do Seixo (recentemente remodelada tamén), aproveitando a existencia dun calexón de servizo sen uso. Deste xeito, o público que acude aos actos organizados na praza, poderá acceder directamente ao salón de plenos, que a partir da reforma, dedicarase tamén a outros usos, culturais e lúdicos.

A reforma incluirá ademais, a substitución do mobiliario do salón (sillóns do pleno, vitrinas), antigo e pouco funcional; procederase a instalar mobles máis funcionais, que permitan o seu desprazamento segundo o uso do que se trate.

 

Mércores, 9 de novembro de 2016  

Charla de compostaxe comunitaria en Goián

Baixo o lema “Participa na compostaxe comunitaria”, a Concellalía de Medio Ambiente, en colaboración coa Deputación de Pontevedra, continúa coas charlas dirixidas aos veciños interesados en apuntarse a este programa que ten coma obxectivo, entre outros, reducir o volume de lixo.

Manuel Gómez Estévez “Lolo”, técnico de compostaxe do programa Revitaliza, da Deputación de Pontevedra, será o encargado de impartir unha nova conferencia, hoxe, mércores, ás 20.30 horas no Centro Goianés.

Por outra banda, comezaron nestes días obradoiros de separación de lixo e reciclaxe, nos colexios do municipio.

 

Martes, 8 de novembro de 2016  

A votación para o nome do IES de Tomiño chega ao seu ecuador cun empate entre dous candidatos

Desde o pasado venres e durante toda esta semana o alumnado do instituto de ensino secundario de Tomiño vota en urna para poñer nome ao seu centro.

A votación prodúcese dentro da campaña de promoción “Educación da boa”, impulsada dende o Concello en colaboración co IES, e que tenta dar a coñecer e por valor o centro educativo, ao que asisten máis de 600 estudantes.

Aínda que a votación pode realizarse a través de internet, tanto no IES coma no Concello, instaláronse dúas urnas para as persoas que prefiran votar de xeito presencial. No caso do instituto, as mesas están sendo atendidas por alumnado voluntario de 1º e 2º de ESO. “O seu comportamento é exemplo de seriedade e madurez. A participación está sendo moi alta. As mesas abren so durante a media hora do recreo e levamos en dous días máis de 130 votos emitidos”, puntualiza o director do centro, Carlos Villanueva.

Segundo explica, os alumnos da materia de Oratoria de 2º de ESO, están a traballar e a debater sobre as diferentes candidaturas para o nome do instituto. No Concello, a urna está custodiada pola responsable de prensa, no segundo andar do edificio.

So no primeiro día votaron a través de internet 364 persoas, con este resultado provisional: Antón Alonso Ríos: 45%; IES de Tomiño 34% e Isaura Gómez: 21%. Pero a día de hoxe (16.00 horas) as porcentaxes mudaron, resultando até o momento empatados, cun 37% dos votos emitidos online, Isaura Gómez e Antón Alonso Ríos, seguidos por IES de Tomiño, cun 26%.

A votación continuará até o domingo 13 de novembro ás 24.00 horas en internet, rematando ás 15.00 horas do venres 11, no caso das urnas, quedando estas custodiadas por unha autoridade até o momento do reconto final dos votos, co fin de garantir a transparencia do procedemento.

Asemade, o Concello designará unha secretaria/o para levantar ACTA do reconto en urnas, que terá lugar o día seguinte ao remate da votación. Nese momento, engadirase o ficheiro completo das votacións online, rexistradas día a día.

O resultado da votación será vencellante e decidirá o nome do instituto dun xeito popular, participativo e democrático.

Ver candidaturas

 

Sábado, 5 de novembro de 2016  

Primeiras xornadas micolóxicas organizadas pola Asociación de Praceiros do Mercado de Tomiño

A Asociación de Praceiros do Mercado  de Tomiño, organiza as I Xornadas Micolóxicas os días 11, 12 e 13 de novembro, con exposición de cogumelos no propio mercado, degustacións e saídas didácticas.

O programa comeza o venres 11, ás 17.00 horas coa apertura da mostra de setas no propio mercado. Ás 20.30 celebrarase a conferencia “Iniciación á Micoloxía”.

O sábado 12, de 10.30 a 13.30 horasm haberá unha saída ao monte para buscar cogumelos. E de 13.00 a 14.00 horas, degustación no mercado.

Por último, o domingo 13, repetirase a saída e degustación ás mesmas horas.

A exposición permanecerá aberta os tres días en horario de mercado (9.00 a 14.00 horas e de 17.00 a 20.00 horas) e polas tardes a experta en micoloxía, Puri Lorenzo, do laboratorio de micoloxía da Universidade de Vigo, atenderá consultas e despexará dúbidas das persoas interesadas.

A actividade ten un custe de 15 euros por persoa e as prazas son limitadas, pudendo formalizarse a inscrición e venda de tíckets nos postos do mercado ou chamando aos teléfonos: 699 277 311 ou 649 901 113.

 

Unhas oitenta familias de Tomiño benefícianse das axudas municipais para material escolar

Aproximadamente oitenta familias de Tomiño (47 delas usuarias dos Servizos Sociais municipais) beneficiaranse das axudas para material escolar concedidas polo Concello, cun importe total de 5.191,68 euros, que se repartiron entre cen menores demandantes.

Os criterios valorados polas concellalías de Servizos Sociais e Educación, para conceder as subvencións foron varios: a situación familiar (familias monoparentais, con enfermidades, discapacidades, ou causas sobrevidas, etc.), as débedas e gastos (hipotecas e créditos) e os ingresos, estudando cada caso de xeito individualizado. De feito, segundo as necesidades de cada estudante, concedéronse axudas por distintos conceptos, coma libros de texto, material escolar e incluso, transporte.

A concelleira de Servizos Sociais, Cristina Martínez, explica que o obxectivo foi cubrir as necesidades reais das familias que se atopan nunha situación de vulnerabilidade por situacións coma o desemprego, a exclusión social ou unha enfermidade. “Deste xeito, os menores teñen o material que necesitan en condicións de igualdade co resto do alumnado, nun proceso que levamos adiante de forma anónima, no que se refire ás familias beneficiarias”, indica.

Asemade, a concelleira salienta a honradez de moitas familias que non aceptaron a axuda, argumentando que xa conseguiran o material que precisaban.

Por último, e á proposta de varias familias beneficiarias, estase a valorar o xeito de que os textos pagados polo Concello, sexan devoltos ao remate do curso, co fin de ir formando un fondo de libros, do que poidan beneficiarse outros rapaces o vindeiro ano.

 

Venres, 4 de novembro de 2016  

O Mercado de Tomiño xa pode visitarse de xeito online dende calquera parte do mundo

O mercado de Tomiño xa está na internet, de modo que se alguén pon “mercado de Tomiño” no  buscador de Google desde calquera lugar do mundo con conexión a internet, poderá coñecer e visitar o mercado de abastos, reformado hai un tempo.

Os navegantes terán a posibilidade de visitar o mercado a través de Google Maps, e percorrelo de forma virtual en 360º dende onde se atopen, sen ter que facelo fisicamente.

Con esta acción “posicionamos o noso mercado en buscas de Google e podemos visitalo, grazas ás novas tecnoloxías”, sinala a alcaldesa de Tomiño, Sandra González.

Aínda que algúns mercados de Galicia xa teñen este servizo, o de Tomiño, é un dos primeiros da Comunidade Galega en ofrecer este tipo de difusión pública e globalizada.

Ademais da visita virtual polo interior do edificio, o navegante atopará na ligazón (http://maps.google.com/maps/place?cid=15113498850728130126) unha ampla galería fotográfica, cos distintos postos do mercado, servizos e actividades complementarias que se levan a cabo dentro da instalación.

O mercado conta cunha ducia de postos de produtos frescos (froita, verdura, carne, peixe, chacinaría, panadería, produtos ecolóxicos, conservas, florería, etc.), situados todos eles na planta baixa do edificio.

A planta superior acolle postos coma un de comida caseira para levar, conservas naturais, viñoteca e outros que se incorporarán en breve. Esta planta, á que pode accederse tamén por ascensor, constitúe un novo espazo lúdico-gastronómico, dotado de música ambiental, wifi gratuíta, e outros servizos.

Dentro da campaña de difusión que se está levando a cabo, o Concello creou unha páxina web (www.mercadotomino.com), e outra de Facebook (Mercado de Tomiño) que xa ten cerca de tres mil seguidores.

  

O grupo de música acústica tradicional “Talabarte” abre o Outono Cultural en Tomiño

O grupo compostelán “Talabarte”, será o encargado de abrir, o domingo, día 6, ás 19 horas no Auditorio de Goián, o Outono Cultural de novembro organizado polo Concello de Tomiño.

Trátase dun novo concepto de formación en Galicia, estritamente acústico e baseado na música tradicional, un proxecto no que se unen tres músicos con cadanseu instrumento: o violín de Quim Farinha, o acordeón diatónico de Pedro Pascual e o contrabaixo de Kin García.

Xuntos propoñen unha viaxe a través das músicas populares de Galicia e doutras latitudes cun repertorio que se completa con composicións propias, e con distintos enfoques estéticos que van desde a linguaxe do jazz, pasando polo tango até a tradición musical europea.

Províntes de bandas como Berrogüetto, Marful ou Susana Seivane Grupo, estes tres músicos ofrecen contemporaneidade e tradición xuntas nun concerto diferente.

As entradas teñen un prezo de 6 euros, e poderán adquirirse dende unha hora antes do comezo da función.

 

O PP sinala que o bipartito recupera a libre disposición e o que eles chaman “convenios a dedo” no novo plan da Deputación

A voceira do grupo provincial do Partido Popular, Nidia Arévalo, reuniuse en Tomiño cos alcaldes e voceiros do PP na comarca do Baixo Miño, para comezar a traballar nas propostas que os populares farán de cara aos orzamentos da Deputación de Pontevedra para 2017. Nidia Arévalo recordou que, alcaldes e alcaldesas levan dous meses esperando a ter unha reunión con Carmela Silva sobre o Plan Concellos, e salientou que a súa proposta pasa porque o próximo ano se incrementen en, como mínimo, 20 millóns de euros os fondos que destinan para os concellos da provincia.

Nesta liña, salientou que o fracaso do Plan Concellos é unha evidencia, xa que incluso o propio bipartito anunciou que vai haber cambios. Ademais, referiuse ao novo plan de investimentos para concellos de menos de 20.000 habitantes que o goberno provincial presentou onte, e que supón que recuperan na Deputación de Pontevedra a libre disposición e o que eles chaman “convenios a dedo”. Nidia Arévalo di que saben que estas son palabras tabú para o bipartito, porque levan un ano falando da libre disposición como si fora case ilegal, e agora teñen que volver a estes convenios a dedo, que tanto criticaron, e o fan sen ningún criterio obxectivo.

A voceira do grupo provincial entende que este plan é para contentar aos alcaldes socialistas e nacionalistas da provincia, que estaban desconformes co Plan Concellos, polo que vén a recoñecer que o orzamento que se destinaba era insuficiente, tal e como denunciaron en multitude de ocasións os deputados populares, e non representaba as demandas reais dos alcaldes e, polo tanto, tampouco dos concellos.

Outro dos temas que denunciaron na reunión foi a falta de diálogo e o desprezo que amosa Carmela Silva e o bipartito das portas e ventás abertas. Así, coincidiron en criticar que é inxustificable que a estas alturas de mandato non coñeza a todos os alcaldes desta provincia, e que se escuse dicindo que é porque non se relaciona con quen a insulta gravemente. Sobre isto, referiuse Cristina Correa, a alcaldesa de Oia, que ten solicitadas ata tres entrevistas con Carmela Silva e a día de hoxe non foi recibida. Sinalou que a súa intención é trasladarlle as prioridades que ten Oia e pide que non haxa discriminación. Cuestionou en que puido faltar ela ao respecto á presidenta da Deputación, se non houbo ningunha ocasión porque o certo é que a día de hoxe aínda non coincidiron.

 

Xoves, 3 de novembro de 2016  

Continúan as charlas de compostaxe comunitario en Tomiño

Baixo o lema “Participa na compostaxe comunitaria”, a Concellalía de Medio Ambiente, en colaboración coa Deputación de Pontevedra, continúa coas charlas dirixidas a veciños interesados en apuntarse a este programa que ten coma obxectivo, entre outros, reducir o volume de lixo.

Manuel Gómez Estévez “Lolo”, técnico de compostaxe do programa Revitaliza, da Deputación de Pontevedra, impartirá hoxe, ás 20.30 horas, unha charla no Salón de Plenos do Concello de Tomiño.

 

Abriuse o prazo para elixir o nome do instituto de Tomiño, entre os tres preseleccionados polo comité de expertos

Comezou a votación final para dar nome ao instituto de Tomiño. Calquera cidadán pode participar e elixir o nome: IES Antón Alonso Ríos, IES Isaura Gómez ou IES de Tomiño

Os votos poden emitirse até o 13 de novembro, cando se pecha o proceso e se procede ao reconto.

Os nomes escollidos polo consello escolar do instituto, os votantes decidirán cal será o que leve en adiante o centro educativo, foron: Instituto Antón Alonso Ríos, Instituto Isaura Gómez e Instituto de Tomiño, a actual denominación deste centro.

No enlace http://bit.ly/2fepYRm pode atoparse a biografía dos candidatos seleccionados, que tamén figuran de xeito resumido na páxina de Facebook do IES de Tomiño (https://www.facebook.com/iesdetomino/).

A votación pódese facer online dende o formulario que figura na páxina web do Concello de Tomiño (www.concellotomino.gal) ou nas urnas situadas no Concello ou no instituto. O resultado da votación será vencellante e decidirá o nome do instituto de xeito popular, participativo e democrático.

Ver candidaturas

 

Magallanes, un thriller peruano, no cineclub Poleiro de Goián

            Hoxe, xoves 3 de novembro, ás 21.30h no Auditorio de Goián, o cineclub Poleiro proxecta o thriller Magallanes, dirixido por Salvador del Solar , unha coproducción de Perú-Arxentina e Colombia, sobre as víctimas do enfrontamento entre o goberno peruano e Sendero Luminoso.

Sinopse:A anodina vida de Magallanes (Damián Alcázar) da un xiro o día en que Celina , unha muller que coñeceu nos violentos anos nos que foi soldado no exército peruano e loitaba contra Sendero Luminoso , sube ao seu taxi nunha rúa de  Lima. Este inesperado reencontro, despois de 25 anos, co escuro pasado que os une, dalle pulo a Magallanes para embarcarse nun arriscado plan para axudar a Celina a conseguir cartos ao tempo que busca tamén a maneira de redimerse polo pasado.

Premios, entroutros:

2014: Festival de San Sebastian: Premio cine en construción

2015: Premios : Nominada mellor película extranxeira

2015: Festival de la Habana: Premio Coral Especial do Xurado (Ópera Prima)

O xoves, 1 de decembro  chega O fillo de Saúl, dirixida polo húngaro Laszlo Nemes . Unha historia de salvación nos campos de concentración nazis.

O xoves 12 de xaneiro, a norteamericana, Eu, el e Rachel, dirixida por Alfonso Gómez Rejón. Unha perfecta combinacion entre comedia e drama, unha historia de adolescencia, amistade e enfermidade.

O bono das catro películas custa 12 euros

            O cineclub Poleiro  conta co apoio da Concellería de Cultura do Concello de Tomiño e da Federación de Cineclubes.de Galicia.

 

O escritor vigués Franciso Castro participará nunha “Tertulia literaria” na biblioteca do CEIP pintor Antonio Fernández de Goián

Este venres, día 4 de novembro, o escritor vigués Franciso Castro participará nunha “Tertulia literaria” na biblioteca do CEIP pintor Antonio Fernández de Goián.

Francisco Castro é, ademais de escritor de lingua galega, editor de Literatura Infantil e Xuvenil e coordinador de Novos Proxectos na Editorial Galaxia

Entre outras obras escribiu Spam (premio Blanco Amor de novela 2005) Chamádeme Simbad (lista de Honra de IBBY 2012) O neno can con Fina Casalderrey (lista de Honra IBBY 2013), Tes ata as 10, Amor é una palabra coma outra calquera, sendo a día de hoxe un autor de referencia nos centros de ensino.

O escritor falará de libros, amor, emocións, intrigas e compartirá co público reflexións e experiencias literarias.

O acto está organizado polo Club de Lectura “Chocolate con libros”. Será ás 20:00h e a entrada é libre.

 

Mércores, 2 de novembro de 2016  

A feira de Motos Antigas de Goián chega á súa décimo terceira edición

O pavillón polideportivo de Goián acollerá esta vindeira fin de semana, o “XIII Mercadillo y Exposición de Motos Antiguas”, organizado pola Asociación Amigos das Motos Antigas “Dalle Gas”, de Tomiño.

Preto de 60 expositores chegados de distintos puntos de España e Portugal, participarán na feira.

Ademais da compra-venta de recambios para motos antigas, coches clásicos e miniaturas, os visitantes poderán contemplar verdadeiras reliquias, con máis de 80 anos de antigüidade. Haberá tamén exemplares de Harley Davison, Norton e BSA, así coma das nacionais Montesa, Derby, Bultaco e Ossa. Colabora o Concello de Tomiño.

 

Vinte mulleres participaron no curso de “Cociña en verde”, promovido pola Deputación de Pontevedra

Unhas vinte mulleres de Tomiño participaron no curso “Cociña en Verde”; unha actividade impulsada pola Deputación de Pontevedra, dende o departamento de Cohesión Social e Xuventude, a través de DepoRuárte, un programa de dinamización xuvenil que ten coma finalidade desenvolver actividades alternativas, educativas e de lecer, que potencien movementos de participación e cooperación social para concellos de menos de 50.000 habitantes.

A actividade tivo unha duración de 25 horas realizándose nunha casa restaurada pola asociación "Copo sen Fundo", en Goián.

A concelleira de Mocidade, Fátima Rodríguez, clausurou o curso xunto a Mª Montserrat Magallanes, deputada de Emprego, nun acto no que salientaron o bo aproveitamento realizado por todas as participantes.

 

Continúan as charlas de compostaxe comunitario os días 2 e 3 de novembro en Goián e Tomiño centro

Baixo o lema “Participa na compostaxe comunitaria”, a Concellalía de Medio Ambiente, en colaboración coa Deputación de Pontevedra, continúa coas charlas dirixidas a veciños interesados en apuntarse a este programa que ten coma obxectivo, entre outros, reducir o volume de lixo.

Unhas vinte mulleres de Tomiño participaron no curso “Cociña en Verde”; unha actividade impulsada pola Deputación de Pontevedra, dende a Consellería de Cohesión Social e Xuventude.

Manuel Gómez Estévez “Lolo”, técnico de compostaxe do programa Revitaliza, da Deputación de Pontevedra, será o encargado de impartir as conferencias os días 2 e 3 de novembro, en Goián e Tomiño centro, respectivamente.

O día mércores 2 de novembro, a charla celebrarase ás 20.30 horas no Centro Goianés. E o xoves 3 de novembro, no Salón de Plenos do Concello de Tomiño, tamén ás 20.30 horas.