Índice

www.galiciasuroeste.info

 

OUTUBRO

 

Sábado, 29 de outubro de 2016  

O BNG aposta por planificar a mobilidade global da Guarda para priorizar as actuacións nos espazos públicos

O BNG aposta por priorizar as actuacións en estradas e ordenar o espazo público do Concello da Guarda de xeito planificado a través dun estudo de mobilidade que sirva como modelo para os próximos anos. Así o asegurou nunha charla o tenente de alcalde en Tomiño e deputado provincial de Mobilidade, Uxío Benítez, que se trasladou á Guarda para presentar o modelo de mobilidade do BNG, que considera ás persoas como principais usuarias das estradas.

O nacionalista destacou que é necesaria unha visión estratéxica a medio e longo prazo sobre as actuacións na rede viaria da vila antes de executar obras que poidan hipotecar o futuro do concello. “Deste xeito poderanse aproveitar as súas potencialidades”, sinalou.

Benítez asegurou que calquera actuación en materia de tráfico precisa ter en conta a realidade do municipio (como se moven os seus veciños) e as súas necesidades de cara o futuro, algo que quedará reflectido no estudo de mobilidade que financiará a Deputación para A Guarda. Ese documento marcará zonas a peonalizar, cambios nas direccións de tráfico, ubicacións das bolsas de estacionamento necesarias e ordenará o espazo público en xeral. De feito, poderá propoñer alternativas para a urbanización da rúa Concepción Arenal, a saída sur do porto ou a zona histórica.

“É preciso un cambio de modelo de mobilidade con respecto ao que se viña sostendo ata o de agora. Non se deben dar facilidades aos vehículos, senón que debemos buscar unha mobilidade sustentable na que se prioricen as persoas e se establezan espazos de convivencia, gañando áreas para os veciñose, por tanto, calidade de vida”, explicou o nacionalista.

Benítez destacou que a aposta por unha mobilidade sustentable require “gobernos dispostos á enfrontarse con maneiras de pensar que teñen interiorizado que os vehículos teñen privilexios e que a comodidade de ir no coche é máis importante que os desprazamentos peonís”. “É necesario recuperar os espazos das persoas que dende hai unhas décadas están invadidos polos coches e, sobre todo, apostar por ter en conta aqueles colectivos máis vulnerábeis que deben estar en primeiro lugar como os nenos, persoas con mobilidade reducida ou maiores e apostar por transportes colectivos e pouco contaminantes como a bicicleta”, finalizou.

Pola súa banda, o portavoz municipal do BNG na Guarda, Ángel Baz, destacou tamén que o municipio ten moita potencialidade á hora de mellorar os seus espazos públicos “se estamos dispostos a cambiar a mentalidade de potenciar o vehículo privado. Os beneficios de espazos para os viandantes van dende a saúde até a promoción turística, cultural e ambiental”.

 

Sábado, 29 de outubro de 2016  

O alcalde da Guarda inaugurou a primeira sesión de Afterworks, unha iniciativa dirixida ao sector do comercio da Guarda

A Casa dos Alonsos acolleu a primeira sesión das ponencias de Afterworks. Comeza así a primeira das catro citas organizadas dende o Concello da Guarda dirixidas a profesionais do Sector do Comercio.

Á inauguración desta primeira sesión, que contaba como ponente cun representante do grupo empresarial Frutas Nieves, asistiron Antonio Lomba, alcalde da Guarda, e Montse Magallanes, concelleira de Comercio. O alcalde foi o encargado de presentar a ponencia e a iniciativa, para a que se empezaron a establecer os primeiros contactos o pasado mes de xaneiro con Fátima Rodríguez de Talentea, empresa que colabora na organización deste evento. O alcalde quixo destacar que o obxectivo principal é “conseguir traer á Guarda a xente que conte experiencias” para extraer coñecementos, ideas e motivación para poder aplicalos no futuro.

Tras esta presentación deu comezo a ponencia de Frutas Nieves que, como as vindeiras, ten como obxectivo contar a súa experiencia para que logo os asistentes podan abrir un debate, sacar conclusións e extrapolar ideas para levalas aos seus negocios. En concreto, esta sesión centrouse na historia e evolución empresarial do grupo, que comezou a súa andadura como empresa familiar no ano 1983 cun almacén de froita e que se foi estendendo ata que en 1991 abriron a súa primeira tenda. 

Entre os diversos temas relacionado co Sector que se trataron falouse, por exemplo, da importancia do marketing, a colaboración en eventos nos lugares no que está implantada, a calidade e a presencia online. Destacou a necesidade de estar hoxe en día en Redes Sociais, unha ferramenta “áxil, gratuíta e coa que podes chegar a máis xente e establecer vínculos”, o que repercutirá tamén na fidelización de clientes.

Outros asuntos de importancia foron a implantación das novas tecnoloxías no traballo diario, o tratamento das finanzas do grupo empresarial ou a complexidade da loxística nas rutas de reparto, entre moitos outros.

As seguintes sesións de Afterworks terán lugar o xoves 3 de novembro, cunha ponencia a cargo de Cerveza Nós, e o 10 de novembro, coa empresa Don Disfraz. Para rematar esta iniciativa o día 17 de novembro haberá unha Mesa de Traballo para debatir as ideas e conclusións extraídas destas ponencias, nunha sesión de “Brainstorming e presentación de iniciativas innovadoras no Pequeno Comercio”. Todas estas sesións se realizarán na Casa dos Alonsos ás 20,30 horas.

 

Venres, 28 de outubro de 2016  

Miguel Vidal coa bandeira da Guarda na maratón de Chicago

O maratoniano guardés Miguel Vidal acudiu o pasado 9 de outubro a maratón de Chicago. Orgulloso das súas orixes, este guardés despregou, na meta, a enseña local que non dubida en mostrar en cada súa carreira.  O maratón de Chicago é unha proba de 41.195 metros que xunto cos maratóns de Nueva York, Boston, Berlín, Londres e Tokio forman a World Marathon Majors. A primeira maratón de Chicago celebrouse en 1905, participando 15 corredores. Hoxe son máis de 45.000 atletas os que participan nesta carreira.

 

Xoves, 27 de outubro de 2016  

A exposición “Escenarios da Prehistoria” permanece aberta ao público ata o 31 de outubro no Centro Cultural da Guarda

Durante esta semana e ata fin do mes de outubro todo o que o desexe pode achegarse ata o Centro Cultural da Guarda para visitar a exposición “Escenarios da Prehistoria”. A mostra, que foi inaugurada o pasado 14 deste mes, estará aberta ao público ata o luns 31 e o horario, de luns a venres, será das 10 ás 13 horas pola mañá e de 17 a 20 horas pola tarde; os sábados só en horario de mañá das 10 ás 13 horas.

A mostra chegou ó Concello da Guarda tras estar en Marín, Mos e Cuntis, e está organizada polo Servizo de Cultura e Lingua da Deputación de Pontevedra dentro da programación cultural do Ano Castelao. Nesta exposición inclúense 37 fotografías, que están acompañadas de textos que explican os xacementos que nelas se amosan.

En conxunto coas obras fotográficas, as ilustracións e os paneis explicativos que as acompañan faise un percorrido polas mámoas, castros e petróglifos máis singulares da provincia a través das fotografías de Federico de la Peña. Ademais, a exposición busca reflexar a preocupación que Castelao sempre mostrou polo noso patrimonio arqueolóxico e artístico e que deixou patente en obras como ‘As cruces de pedra na Galiza’.  É a idea de conservar o noso patrimonio a que vertebra a exposición ‘Escenarios da Prehistoria’, na que se pon de manifesto un dos bens patrimoniais máis relevante da provincia de Pontevedra, como é a súa riqueza en asentamentos prehistóricos de gran relevancia.

Quedan por tanto uns últimos días para desfrutar dunha exposición que se divide en catro grandes bloques temáticos: Asentamentos paleolíticos, Monumentos megalíticos, Petróglifos e Castros; e que ten como obxectivo principal poñer en valor o patrimonio da provincia de Pontevedra, dándoo a coñecer nos seus diferentes concellos.

 

Xoves, 27 de outubro de 2016  

A Guarda celebra a fin de semana de Samaín cunha nova cita dos Contos Contados e con Cinema

Para celebrar o Samaín o Concello da Guarda organiza distintas actividades para a familia. No Centro Cultural hoxe, venres, ás  21,30 horas, proxectarase o film “La Cumbre Escarlata”, dirixido ao público xuvenil e adulto. Para os máis cativos mañá, sábado, ás 17,30 horas, hai unha sesión de cine familiar e infantil coa película “El Libro de la Vida”.

Por outra banda, tras retomar o pasado sábado os Contos Contados coa presentación de Heraldo, a recentemente elixida como mascota da Biblioteca, este sábado terá lugar a segunda sesión dos Contos Contados na Biblioteca Municipal ás 11,30 horas. Nesta ocasión a actividade estará dedicada ao Samaín, polo que os conta contos incluirán historias de medo e tamén realizaranse outras actividades como manualidades e pintacaras.

Ademais, ata o luns 31 de outubro, pode visitarse a exposición “Escenarios da Prehistoria” no Centro Cultural, unha mostra de 37 fotografías de Federico de la Peña, acompañadas de  ilustracións e paneis explicativos que fan un percorrido polas mámoas, castros e petróglifos máis singulares da provincia de Pontevedra. Está aberta, de luns a venres, das 10 ás 13 horas e de 17 a 20 horas; e os sábados só en horario de mañá das 10 ás 13 horas.

 

Conrazones recibió una ayuda de 5.000 euros de La Obra Social "La Caixa"

El director de La Caixa en A Guardia, Alberto Garcia Novo, visitó las instalaciones de Conrazones para ver la cámara frigorifica, que necesitaba este colectivo para conservar los alimentos que recolectan en los invernaderos solidarios así como la fruta que recogen de los huertos. Esta cámara fue adquirida con los 5.000 euros dnados por La Obra Social "La Caixa" a Conrazores, siendo el tercer año consecutivo que la entidad financiera colabora con la mencionada asociación. 

El primer año La Caixa aporto 1.000 euros que fueron utilizados para la adquisición de alimentos para las familias desfavorecidas, y el segundo año, Conrazones recibió 8.000 euros, destinados a la compra del furgón de la asociación.

Piede ampliarse esta información en el enlace

https://www.facebook.com/conrazones/videos/vb.1450122635216493/1881719338723485/?type=2&theater&notif_t=like&notif_id=1477494679931128

 

Sábado, 22 de outubro de 2016  

O PP da Guarda ve inaceptables as 155 anomalías informadas por Intervención nas contas do Concello

O Partido Popular da Guarda alerta das 155 anomalías detectadas por Intervención Municipal nas contas do Concello en 2015 e que afectan a distintos aspectos da xestión municipal. Reparos suspensivos e reiterados en moitos casos, mais de 50,  que reproban totalmente a xestión do Goberno Local, segundo a voceira popular, Conchi Ortega.

 “O Informe de Intervención parece unha emenda á totalidade das contas do Concello e polo tanto á xestión do grupo de goberno pero o que é máis grave, a reiteración das anomalías e a falta de reacción do alcalde ante as advertencias e as recomendacións do propio Interventor podería ter consecuencias moi graves que terá que valorar o tribunal de Contas ou outras instancias”, explicou.

Neste sentido, a voceira popular sinala que hai asuntos nese informe de diferente índole, uns son reparos por atencións protocolarias non debidas, outros por facturas pagadas que segundo o Tribunal de Contas só se poderían aplicar a gastos necesarios con interese para o municipio. “Co diñeiro dos veciños non se poden pagar facturas de comidas se non son de interese para o municipio”, incide a voceira popular.

O groso dos reparos ten que ver ca omisión de procedemento de adxudicacións de contratos que son necesarios licitar. “Nada menos que 51 reparos por  contratos sen licitar ou adxudicar, incumprimento reiterado da Lei de Contratos públicos polo Alcalde e o seu grupo de goberno, para a nosa indignación, ademais de incumprir a lei  moitas veces se lle dá o traballo sen adxudicar a empresas de fóra da Guarda”.

Hai 37 reparos por non atender a orde de pago das facturas segundo a data de entrada en rexistro do Concello. “Págase sen criterio, sen ter en conta a data das facturas e sen ter aprobado o plan de disposición de fondos requirido pola lei. “Preguntámonos por que non se aproba, quizais para seguir pagando segundo lle convén ao equipo de goberno”.

Tamén hai pagos reparados de emerxencia social 14, que se poderían ter evitado, a criterio dos populares se se aprobara a ordenanza de emerxencia social que o Partido Popular presentou hai máis de un ano en pleno e se aprobou a súa elaboración cos votos da maioría. “Pero parece que a Concelleira non tivo tempo en meses de traer nin a proposta inicial para estudar en pleno. Estes reparos non existirían de ter cumprido o acordo plenario cunha ordenanza de emerxencia social”.

Na contratación de persoal tamén hai 10 reparos, por exemplo nun publicar bases de postos de traballo ofertados no DOG ou no BOE, prexudicando a igualdade de oportunidades para presentarse. Convocáronse prazas sen garantir a lei en canto a inserción social  de colectivos desfavorecidos, fanse prórrogas sen convocar prazas con publicidade, polo tanto sen dar igualdade de oportunidade a outras persoas, e cometendo fraude de lei nestas prórrogas de contratos, segundo puidemos ler no informe de intervención, denuncia Conchi Ortega.

Mención a parte merece o proceso de contratación da Festa da Lagosta, sen ter en conta os 3.500 euros máis IVE que custou o pregoeiro, que tamén, senón a todo o proceso de contratación da festa, que está tan reparado que o informe é demoledor.

Así ata 155 deficiencias reiteradas, que parece que non fan mella no grupo de goberno, que vai ao seu ritmo, sen evitar que o ano que vén as contas volvan a estar reparadas, algunhas de doada solución como a de emerxencia social, solución que lle deu o Partido Popular da Guarda pero que ningunean incumprindo acordo plenario, como de costume.

Segundo Conchi Ortega o Goberno Local non asume que goberna en minoría, e que non poderán seguir facendo todo o que lle ven en gana, informándonos a oposición pola prensa ou polos informes de intervención, xa que pedimos documentación que se nos denega en base a que din “non é necesario  que o PP coñeza esa información para realizar o seu labor de concelleiros”.

 “O informe de Intervención resúmese nunha mala xestión que o goberno deberá explicar, xa que non se está xestionando con rigor, unha situación preocupante e inadmisible”, sinala a voceira do PP.

 

Venres, 21 de outubro de 2016  

Actividades no Fuscalho

Esta sexta-feira apresentarase a Distribuidora Polaris, com ceador vegano e posteriores concertos

E o sábado, A Protectora de animais “Bai.Senpulgas” organiza uns concertos para recadar fondos que se destinarán a Kym, um cam doente que require um tratamento moi caro.

Este é o caso de Kym:

"Quando o recolhimos nom tinha máis que lombrigas no seu bandulho... medrou com problemas nos seus osos.

Tem umha displasia na cadeira, para ajuda-lo precissa de penso especial e de condroprotectores, todo o cal, supom um gasto moi elevado.

Este cam tem tam só ano e meio e há cousa de um mes comezou a coxear de umha das patas dianteiras, tratou-se, mas, sem melhoria... ao fazer máis probas demos com máis acepçons...

Temos que opera-lo, o traumatólogo debe fazer-lhe dúas artrocospias nas patas dianteiras para ver como esta, da máis danada, operaria-o no mesmo dia, da outra, um pouco máis adiante.

O presuposto do tratamento ascende dos 800€, que debemos conseguir quanto antes para evitar umha maior degeneraçom e dor para o animal.

Kim é um mestiço de PPP, umha raza um tanto complexa e com umha enfermidade crónica, dolorosa e custosa."

 

Venres, 21 de outubro de 2016  

O Concello da Guarda e a Deputación de Pontevedra anuncian a redacción dunha proposta de mobilidade para A Guarda

Despois de que o Concello da Guarda presentara diante da Deputación de Pontevedra  unha proposta para a humanización da rúa Concepción Arenal e de manter varias reunións en relación a esta obra,  a Deputación propuxo ao goberno guardés a integración desta humanización nunha proposta de mobilidade sostible global para todo o Concello. Iniciativa que contou coa inmediata aprobación do o equipo de goberno Guardés.

A necesidade  de facer un estudo deriva da importancia desta rúa no que respecta ao tránsito de persoas e vehículos dentro do Concello. A Deputación  xustifica esta iniciativa tendo en conta tamén que Concepción Arenal é unha vía provincial dentro dun casco urbano e das que máis tráfico soporta entre as vías da Deputación.

Na proposta inicial que o alcalde da Guarda presentou na Deputación para a humanización desta rúa xa contemplaba dar preferencia aos peóns sobre os vehículos naqueles lugares que era posible, en concreto, a peonalización da Praza Avelino Vicente.

A reunión tivo como obxectivo a presentación diante dos grupos da corporación do Concello da Guarda da redacción dun estudo de mobilidade sustentable no que, en palabras do deputado de mobilidade Uxío Benítez, a rúa Concepción Arenal sería unha peza clave. Segundo o deputado, a filosofía da proposta é que as rúas estean pensadas para as persoas e de que é necesario adaptar os espazos públicos a criterios de accesibilidade. Para isto se buscará, se é posible, que a proposta que se faga sexa aprobada por unanimidade dos grupos e senón, polo menos, que haxa unha maioría de consenso para un proxecto clave para A Guarda no que tódolos partidos poidan participar e aportar ideas.

Tamén asistiron á reunión os técnicos da empresa encargada de realizar este estudo. Comentaron que nesta primeira fase o traballo se organiza en dúas liñas: un estudo de campo sobre o terreo, e un análise a través da participación de persoas e axentes sociais implicados. 

Na liña da participación ademais de buscar o consenso coa poboación crearase unha mesa de traballo cos grupos políticos para sacar conclusións e extraer propostas que podan cubrir as necesidades detectadas e que se transformen en obras concretas, como sucederá a corto prazo na rúa Concepción Arenal.

O alcalde da Guarda, Antonio Lomba Baz, quixo expresar que a intención desta reunión era a de implicar a tódolos grupos políticos e que estes puideran transmitir as súas opinións, dúbidas e suxestións sobre a proposta nesta fase previa do estudo. Ademais, recalcou que dende o grupo de goberno teñen claro que existen unha serie de condicionantes, derivados das necesidades que plantea unha rúa da importancia que ten a de Concepción Arenal (con parada de autobús, baixada ao Porto, aparcadoiro, etc...)  que se terán moi en conta. Subliñou que o estudo e o traballo de campo que está realizando a empresa é para detectar o que necesita A Guarda e buscar posibles respostas a estas necesidades.

Ademais, Miguel Español, concelleiro de Vías e Obras do Concello da Guarda, comentou a necesidade de realizar obra física en prazos concretos. Unha afirmación que contou co compromiso por parte dos representantes da Deputación, que calculan un prazo de 2 ou 3 meses para redactar a proposta de mobilidade de cara a realizar as obras en Concepción Arenal o vindeiro ano.

 

Mércores, 19 de outubro de 2016 

Protesta en el partido contra el Ajax por el “atropello de la UEFA al prohibir el Trisquel”

La Peña Celtista Baixo Miño, apoiada por otras peñas, manifestará en el partido del Celta contra el Ajax, su desacuerdo con la decisión de la UEFA de prohibir el trisquel en la camiseta de “nuestro equipo”, explicando a quienes adoptaron esa decisión que “ el trisquel es celta y representa la  evolución y el crecimiento, algo quenecesita esa organización”.

Tras recordar que otros equipos llevan otros distintivos como el Sevilla, la bandera española en el mismo sitio que nuestro trisquel; el Barcelona una señera, pero “posiblemente al pueblo celta lo tienen como subversivo o genocida”.

Recuerdan desde la Peña Celtista Baixo Miño que “el trisquel fue descubierto en el Monte Santa Trega de A Guarda y el R. C. Celta, que nació de la fusión del Fortuna y el Vigo Sporting, lo acogió como un signo de su identidad con muy buen criterio, convirtiéndose en Celta, recordando a un pueblo del cual descendemos”.

Este colectivo de la comarca confeccionó 8.000 tarjetas rojas con la inscripción del trisquel “para que (en la UEFA) se enteren que nosotros somos Celtas con todo el orgullo”.

Al empezar el partido, después del saque de centro los aficionados mostrarán la tarjeta y cantarán “este trisquel celta es”, a los 30 minutos repetirán esta acción al considerar que “es la única manera de que se enteren de lo que significa el trisquel y no hagan racismo contra nuestros orígenes”.

 

Mércores, 19 de outubro de 2016 

A guardesa Cristina Araujo, gañadora do X Certame Fotográfico Viaxando

O pasado luns a moza guardesa Cristina Araujo Acevedo recibiu na sala de exposicións da Casa da Cultura de Salceda de Caselas o premio do X Certame Fotográfico Viaxando, pola fotografía “La Frontera entre el Cielo y la Tierra”, elexida polo xurado consituído polo representante do estudo de fotografía Foto Balbino de Salceda e os fotógrafos afeccionados da localidade Pepe Álvarez e David del Río.

O premio, unha Tablet TAB 3 10 Business, foi entregado pola Concelleira de Mocidade do Concello de Salceda de Caselas, Carla Pérez Pérez, acompañada da concelleira de mocidade da Guarda Elena Baz, como representante do concello de onde procede a gañadora.

O certame fotográfico Viaxando cumpre esta ano a súa X edición, e está organizado conxuntamente polas OMIX dos concellos de Baiona, Gondomar, A Guarda, O Rosal, Tomiño, O Porriño, Salceda de Caselas e o Espazo Xove de Tui dependente da Consellería de Xuventude da Xunta de Galicia.

Este ano foi o concello de Salceda de Caselas o encargado de entregar o premio e inaugurar a exposición itinerante que percorrerá todos e cada un dos concellos organizadores e posiblemente o edificio administrativo da Xunta en Vigo ata o outono de 2017. Na Guarda a exposición poderá visitarse no edificio do concello en xaneiro de 2017.

 

Martes, 18 de outubro de 2016 

Presentación da exposición da Cruz Vermella “En familia por dereito”, que se pode visitar no Concello da Guarda ata o 21 de outubro

Onte presentouse no Concello da Guarda a exposición de Cruz Vermella “En familia por dereito”, coa presenza do alcalde, Antonio Lomba Baz; a concelleira de Servizos Sociais, María Teresa Vicente Baz; o presidente comarcal e outros representantes de Cruz Vermella do Baixo Miño, José María Salcidos; e unha familia acolledora da comarca.

A exposición encádrase na campaña da Cruz Vermella do Baixo Miño co obxectivo de promover o acollemento familiar de menores de idade, proporcionando un entorno familiar  como alternativa á estancia nun centro de protección, podendo ser familia acolledora calquera persoa, matrimonio ou parella de feito que teña a capacidade necesaria para proporcionar os coidados, a seguridade, a educación e o cariño que necesitan os menores que por diversas problemáticas das súas familias precisan un novo fogar.

A exposición consta de 8 paneis informativos con imaxes que se poderá visitar no vestíbulo do Concello da Guarda ata o venres 21 de outubro, e que mostran a experiencia e historias de familias acolledoras, así como de persoas adultas que foron acollidas e contan as súas vivencias.

Dende Cruz Vermella afirman que o 90 por cento das familias de acollida repite a experiencia polo que o balance global é na súa maioría moi positivo.

Para saber máis sobre as historias expostas no edificio do  Concello da Guarda, ou para obter máis información sobre a campaña e o programa de acollida pódese consultar a web www.acollementofamiliar.org ou chamar ao teléfono 900 812 880.

 

Martes, 18 de outubro de 2016 

3 puntos para el Sporting Guardés en a Sangriña

Informa José Mª Salcidos

Partido correspondiente a la 7ª jornada del Campeonato de 1ª División Autonómica, Grupo V, disputado en el Municipal de “A Sangriña” entre los equipos Sporting Guardés (4º clasificado, con 10 puntos) y C.C.D. Chaín (9º clasificado, con 8 puntos).

Temperatura 19º con lluvia en algunos momentos.

Entrada floja

Sporting   Guardés,   2       -      C. C. D. Chaín,   0

Sporting Guardés: Miguel, Josiño, Enmanuel (Isidro, min. 34), Saúl, Sergio Lima, Sergio Aballe (Portela, min. 74), Santi (Cristian, min. 71), Ita (Javi, min.46), Manu Aballe (Puertas, min.56), Iván e Iglesias.

C. C. D. Chaín: Benavides, Varela (Kevin, min.23), Dani, César, Gabo, Aitor, Rafa (Gabri, min. 82), Poza, Arroyo, Nando (Ferro, min.71) y Quique.

Goles:  1 – 0, Puertas, min. 85; 2 – 0, Iván, min. 91

Árbitro:Miguel Ángel Pérez Torres, auxiliado en las bandas por Jesús Miguel Sayar Celestino y Mª. Belén Alonso Rodriguez de Vigo. Bien en lineas generales; amonestó, por el C.C.D. Chain a Kevin y por el Sporting Guardés las amarillas fueron para Iván e Iglesias.

Primera parte aburrida en la que ninguno de los dos equipos creó ocasiones de gol y donde el futbol brilló por su ausencia. El Sporting llegó al área visitante por primera vez, con peligro, en el minuto 33.

En la segunda parte, Toñete hace una serie de cambios que hacen que los locales consigan el dominio total y absoluto del encuentro con oportunidades que no tienen reflejo en el marcador, siendo las más claras la de Javi, en el minuto 62, que solo delante del portero no consigue marcar y otra de Cristian, minuto 74, que salió fuera por muy poco. Pero, el dominio da sus frutos en el minuto 85 cuando Iván centra sobre el área visitante y Puertas con un precioso remate de cabeza pone el 1 – 0 en el marcador.

El 2 – 0 tiene su origen en una jugada de Cristian que cede a Iván que marca.

Triunfo merecido del Sporting Guardés que sigue instalado en la 4ª posición de la tabla, con 13 puntos, a 4 del primer clasificado.

El próximo fin de semana el Sporting se enfrenta al Amanecer.

 

 

Sábado, 15 de outubro de 2016 

Remataron as obras de mellora do rueiro de acceso ás explotacións agrarias no camiño de Cividáns a Pintán

Dentro do “Plan Marco: Mellora de camiños de titularidade municipal de acceso a explotacións agrarias 2016”, o Concello da Guarda solicitou unha axuda para o proxecto de mellora do rueiro de acceso ás explotacións agrarias no camiño entre Cividáns e Pintán.

Esta foi solicitada á Consellería do Medio Rural da Xunta de Galicia, que concedeu unha axuda para este proxecto polo importe de 44.293 euros para un orzamento total da obra de 53.399,25 euros. A diferencia, 9.106,25 euros, foron a cargo do Concello da Guarda.

As obras consistiron no pavimentado do camiño con recollida de augas. Ademais, rehabilitouse un tramo empedrado que se atopaba en moi mal estado, e que tras as obras está totalmente acondicionado para a súa utilización.

Dende o Concello da Guarda lémbrase que esta subvención é exclusivamente para camiños que conduzan a explotacións agrarias inscritas no Rexistro de Explotacións Agrarias de Galicia (REAGA), non podendo ser invertida noutro tipo de rueiros ou estradas.

 

A exposición sobre o patrimonio arqueolóxico da provincia chega á Guarda

Trinta e sete paneis fotográficos complementados con debuxos e paneis explicativos amosan a riqueza patrimonial arqueolóxica da provincia de Pontevedra nunha exposición que xa pode visitarse no Centro Cultural da Guarda. Baixo o título 'Escenarios da Prehistoria para visitar', a mostra foi aberta esta tarde polo alcalde da localidade, Antonio Lomba, pola concelleira de Cultura, Elena Baz, e pola concelleira e deputada provincial, Montse Magallanes.

A exposición forma parte das actividades culturais que se programan nos concellos da provincia con motivo do Ano Castelao das Artes que se celebra durante este 2016. A mostra, que percorre concellos nos que a pegada arqueolóxica ten unha relevancia manifesta, como é o caso da Guarda, pretende dar a coñecer este patrimonio como primeiro paso para fomentar o seu coñecemento entre a veciñanza, e promover que sexa preservado e valorado. 'Escenarios da prehistoria para visitar' entronca, ademais, coa preocupación de Castelao polo patrimonio arqueolóxico e artístico do país. Unha preocupación que tivera o seu reflexo directo no seu álbum 'As cruces de pedra na Galiza', así como nos seus estudos sobre escudos, e na súa participación na 'Sociedad Arqueológica de Pontevedra', dedicada ao estudo e conservación dos elementos do noso patrimonio, así como a música e a poesía popular.

As fotografías da mostra amosan as mámoas, menhires, castros e petróglifos máis senlleiros da provincia, e están complementadas con ilustracións de gran formato que amosan como  se  construíron eses lugares ou como se tallaron diferentes ferramentas esenciais para a supervivencia daqueles antigos poboadores do noso territorio. Así mesmo, diferentes textos presentes tamén na sala darán resposta ás preguntas mais frecuentes sobre os lugares fotografados. Cada fotografía vai acompañada dunha cartela que indica o nome do elemento arqueolóxico, a súa localización, superficie, a descrición técnica, a súa función e importancia histórica, a data de construción e o estado actual de conservación.

A mostra poderá visitarse no Centro Cultural da Guarda, en horario de 10:00 a 13:00 e de 17:00 a 20:00 de luns a venres, e de 10:00 a 13:00 os sábados. Antes de chegar á Guarda, onde rematará a súa andaina, xa estivera en Marín, en Mos, e en Cuntis.

Elementos arqueolóxicos de Marín incluídos na mostra (texto que figura nas cartelas explicativas das fotografías da mostra)

Xacemento de Camposancos

Localizado na parroquia de Camposancos, concello de A Guarda. É o lugar de Galicia onde se descubriron por primeira vez útiles correspondentes ao Paleolítico Inferior, no ano 1925. Dispersos pola zona, en superficie, aparecen frecuentemente picos mesolíticos. Normalmente están moi erosionados pola acción do mar. De utilidade descoñecida, pénsase que puideron empregarse para separar as lapas e os mexillóns das rochas.

Castro de Santa Trega. Localizado no Concello de A Guarda. Habitado durante os séculos IV a.C. e I d.C. Ocupado, pois, durante a época romana, cando se reurbaniza. É o castro de maior extensión en Galicia. Calcúlase que na súa época de maior esplendor (S. I d.C.) debeu roldar as 20 has. Sería unha cidade da época castrexa. Foi o terceiro lugar de importancia monumental máis visitado en Galicia durante 2015, despois da Catedral de Santiago de Compostela e a Torre de Hércules. Por el pasaron, nese ano, arredor de 400.000 persoas. O seu estado de conservación é regular. Categoría de Protección: Monumento Histórico Artístico desde 1931 e Ben de Interese Cultural (B.I.C.)

 

 

Sábado, 15 de outubro de 2016 

Xornada de micoloxía organizada pola Omix do concello da Guarda

O 12 de novembro terá lugar na Guarda unha xornada de micoloxía organizada pola Concellería de Xuventude. Nesta xornada aprenderemos a ecoloxía dos fungos, un mundo cheo de curiosidades sobre uns organismos fundamentais para o funcionamento dos ecosistemas. Ademais iniciarémonos no proceso de identificación de cogomelos; os froitos dalgúns fungos. Ante todo aprenderemos a respectar estes organismos e a actuar de forma responsable no caso de que esteamos interesados na súa recolección.

A xornada estará dividida en dúas partes: pola mañá terá lugar a parte expositiva a partir das 10 da mañá e pola tarde levarase a cabo unha saída ao monte co fin de exemplificar mellor a procura de setas.

As prazas son limitadas polo que a inscrición será na OMIX ou ben a través do seu e-mail informacion@aguarda.es ou no teléfono 986 614 546.

 

Un 60 por cento de aprobados na ESO entre os alumnos que prepara o Concello da Guarda

No ano 2016 foron 11 os alumnos que conseguiron o título de ESO logo de realizar o curso de preparación das probas de ESO para adultos na Guarda. Isto supón que un 60% dos alumnos que se presentaron ás probas as superaron, obtendo así o título de ESO.

O curso para preparar estas probas desenvolveuse en dúas fases. A primeira foi do 1 de febreiro ao 26 de maio, e a segunda fase foi dende o 1 de xuño ao 15 de setembro.

Inscricións para o novo curso a partir do 1 de decembro

Dende o Concello da Guarda felicítaselles por ter superado unhas probas coas que acadan un título necesario para a mellora profesional, pero que tamén os axuda a mellorar a nivel persoal.  Ademais, anímase a que todos os interesados en participar en próximos cursos se anoten a partir do vindeiro 1 de decembro, día no que se abren as inscricións para o curso do próximo ano 2017.

Para máis información e para realizar as inscricións poden acudir á OMIX ou ó Departamento de Desenvolvemento local (AEDL) do Concello da Guarda en horario de oficina, ou poñerse en contacto a través do e-mail emprego@aguarda.es ou do teléfono 986 614 546 .

 

Venres, 14 de outubro de 2016 

Ampliado ata o 27 de outubro o prazo para participar no “Concurso de Fotografía Día Mundial do Turismo” da Guarda

Debido ó interese amosado polos posibles participantes e en previsión do mal tempo para esta vindeira fin de semana amplíase ata o 27 de outubro o prazo para entregar as fotografías para participar no “Concurso de Fotografía Día Mundial do Turismo”.

Este concurso é unha iniciativa que promove o Concello da Guarda para conmemorar o Día Mundial do Turismo celebrado o pasado 27 de setembro co obxectivo de poñer en valor e dar a coñecer os recursos naturais, patrimoniais e atractivos turísticos da vila. Lánzase unha iniciativa que, ademais, busca realizar unha campaña de promoción turística da vila e promover a creatividade no ámbito da fotografía.

Os interesados en remitir as súas obras o poderán facer ata o vindeiro 27 de outubro, seguindo as indicacións que rexen as Bases do Concurso que poden consultar na web aguarda.es. Así, cada participante pode achegar ata un máximo de 4 fotografías que teñen que presentarse en papel fotográfico cun tamaño de 20x25 cm., ademais de entregar un CD-ROM coas imaxes en formato JPG ou TIFF cunha resolución igual ou superior a 300dpi.

Tanto a versión impresa como a copia dixital debe ser entregada nun sobre fechado, identificado exteriormente por un pseudónimo e pola referencia Concurso de Fotografía “Día Mundial do Turismo”. Incluirase un sobre pechado identificado exteriormente co pseudónimo e a ficha de inscrición, que será aberto polo xurado despois de seleccionar os traballos gañadores. As fotografías poden entregarse persoalmente en man en horario de oficina ou ben remitilas por correo ordinario ó enderezo: Concello da Guarda - Oficina Turismo Concurso de Fotografía “Día Mundial do Turismo” Praza do Reló,1 - 36780 A Guarda (Pontevedra).

As fotografías seleccionadas serán as protagonistas de novas campañas turísticas. Os tres gañadores, ademais da satisfacción de que sexan difundidas cunha tirada de postais e noutros formatos, tamén recibirán un diploma e uns agasallos. O primeiro clasificado poderá desfrutar dunha estancia de 7 días no Aparthotel Marouco. O segundo, dunha estancia de 7 días no Mobilhome do Camping Santa Tecla
e o que acade o terceiro posto gañará unha cena para dúas persoas no Restaurante Chupaovos.

A resolución do xurado farase pública o venres 4 de novembro de 2016. Para elixir as tres imaxes premiadas o xurado terá en conta a calidade técnica, artística e a adaptación das fotografías ó tema do concurso; podendo ser descalificadas as obras de realidades alleas ó Concello da Guarda.

 

Mércores, 12 de outubro de 2016 

Andaina solidaria de Conrazones

Este sábado, día 15 de octubre, tendrá lugar la "Andaina solidaria" de Conrazones en A Guarda, con un “coste” de 5 euros en alimentos, y salida a las 16 horas, iniciándose el recorrido con una jornada de puertas abiertas en las escuelas de Sete Camiños, para dar a conocer las instalaciones en las que este colectivo realiza su labor.

A las 16:30 horas se partirá desde este punto en sentido de las tienda de Trueque, continuando por el gallinero solidario, pasando por las fincas y visitando los invernaderos, regresando a las escuelas donde se repondrán fuerzas con un magosto, amenizado por el grupo de gaitas "O Trebón dos Xidos".

 

Aberto ata o 17 de outubro o prazo para participar no “Concurso de Fotografía Día Mundial do Turismo” da Guarda

O Concello da Guarda, co motivo de conmemorar o vindeiro 27 de outubro, convoca o “Concurso de Fotografía Día Mundial do Turismo” para poñer en valor e dar a coñecer os recursos naturais, patrimoniais e atractivos turísticos da vila. Lánzase unha iniciativa que, ademais, busca realizar unha campaña de promoción turística da vila e promover a creatividade no ámbito da fotografía.

Os interesados en remitir as súas obras o poderán facer ata o vindeiro luns 17 de outubro, seguindo as indicacións que rexen as Bases do Concurso que poden consultar na web aguarda.es. Así, cada participante pode achegar ata un máximo de 4 fotografías que teñen que presentarse en papel fotográfico cun tamaño de 20x25 cm., ademais de entregar un CD-ROM coas imaxes en formato JPG ou TIFF cunha resolución igual ou superior a 300dpi.

Tanto a versión impresa como a copia dixital debe ser entregada nun sobre fechado, identificado exteriormente por un pseudónimo e pola referencia Concurso de Fotografía “Día Mundial do Turismo”. Incluirase un sobre pechado identificado exteriormente co pseudónimo e a ficha de inscrición, que será aberto polo xurado despois de seleccionar os traballos gañadores. As fotografías poden entregarse persoalmente en man en horario de oficina ou ben remitilas por correo ordinario ó enderezo: Concello da Guarda - Oficina Turismo Concurso de Fotografía “Día Mundial do Turismo” Praza do Reló,1 - 36780 A GUARDA (Pontevedra).

As fotografías seleccionadas serán as protagonistas de novas campañas turísticas. Os tres gañadores, ademais da satisfacción de que sexan difundidas cunha tirada de postais e noutros formatos, tamén recibirán un diploma e uns agasallos. O primeiro clasificado poderá desfrutar dunha estancia de 7 días no Aparthotel Marouco. O segundo, dunha estancia de 7 días no Mobilhome do Camping Santa Tecla e o que acade o terceiro posto gañará unha cena para dúas persoas no Restaurante Chupaovos.

A resolución do xurado farase pública o 21 de outubro de 2016. Para elixir as tres imaxes premiadas o xurado terá en conta a calidade técnica, artística e a adaptación das fotografías ó tema do concurso; podendo ser descalificadas as obras de realidades alleas ó Concello da Guarda.