Xoves, 27 de outubro de 2011    

204 vehículos foron inscritos no padrón municipal de vehículos do casco histórico

Logo de rematado, a finais do pasado mes de setembro, o período de inscrición de vehículos cuxos propietarios residan no conxunto histórico de Tui foi solicitada a inscrición de 204 vehículos de residentes neste enclave tudense.

Para os concelleiros responsable do conxunto histórico, Nicolás Lorenzo Montes, e de tráfico, Ángel Gutiérrez González, este é o primeiro paso do proceso de peonalización do casco monumental tudense no que está empeñado o goberno municipal. Ao contar con este padrón é posible acometer un estudio sobre o regulamento do tráfico rodado neste área histórica que favoreza a accesibilidade dos veciños ao seu lugar de residencia e que regule, incluso, os lugares de estacionamento. Na actualidade o Concello está valorando o procedemento de control de acceso dos residentes para que o sistema adoptado non supoña un atranco na mobilidade dos veciños.

Esta medida é unha das iniciativas que promove o Concello de Tui para a conservación e valorización do conxunto monumental da nosa cidade. Xunto a ela nos últimos tempos, se levan realizado diversas accións puntuais como a creación de áreas axardinadas na zona do Náutico, a limpeza das murallas e de pintadas, etc. namentres que continúa a bo ritmo o traballo de elaboración do Plan Especial de Protección do Conxunto Histórico, que tras o acordo da Consellería de Medio Ambiente, de non sometelo á avaliación ambiental estratéxica, pode iniciar axiña a súa tramitación administrativa unha vez que a empresa redactora entregue a súa proposta inicial.

Hoxe terá lugar unha tertulia con Víctor F. Freixanes e Marga do Val sobre as súas obras gañadoras do Premio da Crítica Española 2011

Para rematar coa programación de actividades da “Semana da Biblioteca” hoxe, xoves, a Biblioteca Pública Municipal de Tui organiza unha tertulia literaria na que participarán Victor F. Freixanes e Marga do Val, ambos galardoados co Premio da Crítica Española 2011, na modalidade de lingua galega, pola novela “Cabalo de ouros” e o poemario “A cidade sen roupa ao sol” respectivamente, como as mellores obras editadas na nosa lingua no pasado ano 2010.

No decurso desta tertulia cada un dos autores falará nomeadamente da obra do seu compañeiro; Victor F. Freixanes do libro de poemas de Marga do Val e esta da novela “Cabalo de ouros”, sen renunciar a calquera outra referencia ao panorama da nosa literatura.

Este acto comezará ás 20,00 horas na sala Feliz Rodríguez González, no edificio Área Panorámica de Tui (rúa Colón, 2 – entrada polo aparcamento municipal).

 “Cabalo de ouros” (Galaxia) é unha novela coa que Freixanes retoma o seu mítico territorio literario, Vilanova de Alba, e está ambientada nos anos do wolfran en Galicia e narra a desaparición, física e cultural, de toda unha cidade. É a primeira novela de Freixanes logo de dezasete anos dende a súa anterior obra “A cidades do césares”.

 “A cidade sen roupa ao sol” (Espiral Maior) é o seu poemario individual, de carácter metaliterario, onde Marga do Val mestura cuestións sociais con elementos biográficos, obxectos, lugares e personaxes relacionados con Tui, realizando una novidosa ollada sobre este temas.

Para a concelleira de cultura do Concello de Tui, Vanesa Rodríguez Pereira, resulta todo un luxo contar coa presenza de ambos escritores neste acto que pecha a “Semana da Biblioteca” e que posibilita una achegamento as súas obras literarias por parte dos veciños de Tui e todos os interesados na nosa cultura. É a primeira vez que os galardoados co Premio da Critica Española 2011, ás mellores obras editadas en lingua galega no ano 2010 falaran conxuntamente das súa obras. Vanesa Rodríguez agradece a colaboración de ambos escritores que xenerosamente achéganse a este acto que organiza a Biblioteca Pública Municipal tudense na súa programación de actividades de difusión da lectura pública.

Actividades de ACITUI

A Asociación de Comerciantes e Industriais de Tui, ACITUI, organiza dúas actividades para este venres e sábado.

Por unha parte o venres ás 20.30h vai celebrar no Parador de  Turismo San Telmo de Tui unha Xornada de urbanismo comercial,aberta o publico en xeral. Na mesma haberá tres conferenciantes e será moderada por Jose Antonio Quiroga Quiroga . Nesta actividade colabora a Xunta de Galicia e a Escola Superior Gallaecia de Vila Nova de Cerveira, Portugal.

E por outra parte o sábado ás 23h na Sala Metropol vaise celebrar un desfile para presentar a colección Outono-Inverno 2011/2012 dos comercios asociados. No mesmo van participar doce establecementos de roupa infanfil, deportiva, calzado, complementos, e festa. Colaboran amais sete perruquerías da cidade e dúas florerías.

No transcurso do desfile actuará a Escola de Danza Paula Cobián e o humorista Sergio Pazos.

Viaxe á Coruña da Peña Celtista tudense

A Peña Celtista Tudense organiza unha viaxe a Coruña para o 12 ou 13 de novembro co gallo do encontro que van disputar o Celta e o Deportivo. A saída de Tui está prevista ás 9.30h visitando Santiago de Compostela, e xantando en Santa Comba.

O prezo para socios é de 65 € incluíndo a viaxe, o xantar e a entrada ao partido, e de 75€ para non socios

Para realizar a viaxe é preciso contar cun mínimo de 30 persoas. Os interesados deben inscribirse antes do 6 de novembro no 653 84 21 30.

Tui sede oficial das seleccións galegas de baloncesto de categorías inferiores

O Concello de Tui e a Federación Galega de Baloncesto asinarán hoxe, xoves, ás 11.30h, na sala de reunións do Concello de Tui  o acordo de colaboración entre as dúas institucións, polo que se realizarán en Tui as concentracións das seleccións galegas de baloncesto en categorías inferiores.

No acto estarán presentes o alcalde de Tui, Moisés Rodríguez, o presidente da Federación Galega de Baloncesto, Francisco Martín Picó, e o concelleiro de Deportes do Concello de Tui, Nicolás Lorenzo Montes.

Mércores, 26 de outubro de 2011    

Contacontos e teatriño xaponés hoxe na biblioteca tudense

Ao abeiro da programación organizada pola Biblioteca Municipal de Tui co gallo do Día da Biblioteca, este centro acollerá ás cinco desta tarde unha sesión lectura de contos e de kamishibai, teatriño tradicional xaponés, para rapaces de 3 a 6 anos de idade.

Por último mañá   xoves ás oito da tarde na Sala Félix Rodríguez haberá unha tertulia cos Premios da Critica 2010 en lingua galega Víctor F. Freixanes, coa súa novela “Cabalo de ouros” e Marga do Val, co seu poemario “A cidade sen roupa ao sol”. Ambos disertarán arredor das súas respectivas obras literarias.

Martes, 25 de outubro de 2011    

Actividades extraescolares no IES Francisco Sánchez

O IES Francisco Sánchez de Tui vén de dar a coñecer as actividades extraescolares que se desenvolverán todos os mércores pola tarde durante o presente curso.

As actividades que se levarán a cabo teñen un carácter lúdico-deportivo: sendeirismo, futbiño, baloncesto  e xogos tradicionais (Ra, Chave, Carreiras de sacos, Buxaina, Bólos, ...). Tamén se constituíu un club de lectura.

Estas actividades arrancan coa participación de 70 alumnos e a coordinación de 4 profesores.

Ao final de curso, nunha cerimonia homenaxe, entregaranse os Trofeos Indalecio Peréz Tizón aos máis entusiastas lectores e deportistas.

Por outra parte o venres, 4 de novembro, de 12.30 a 14.30h no recinto escolar celebrarase a festa do magosto. Faranse 4 fogueiras para asar as castañas e realizaranse xogos populares: xogo da ra, a chave, carreiras de sacos, brilé, baile de trompos, aro, sogatira, zancos, carrilanas, ...

Clausura da exposición do Circuíto de Creatividade en Tui

O director Xeral de Xuventude, Ovidio Rodeiro , clausurou onte na Casa da Xuventude de Tui a exposición de artes plásticas e videocreación, enmarcada no Circuíto de Creatividade 2011. No acto estivo acompañado polo alcalde Moisés Rodríguez xunto a distintos concelleiros do equipo de goberno.

Ovidio Rodeiro explicou que este circuito busca promocionar a creatividade e talento xuvenil, tanto en Galicia coma en Portugal, e mesmo con Castela León.

Pola súa parte o alcalde de Tui congratulouse de que a Casa da Xuventude siga viva e con actividades agradecendo o traballo do Director Xeral.

A exposición coas obras de Beatriz Suárez Saa, Miguel Cuba Taboada, Sheila Pazos Silva, Rodrigo Currás Torres, Julia Aranda Girón, Pablo Rodríguez Barreiro, Juan Silva Cabral, Marta González Suárez, Sofía Grandío Barrio, Daniel Diéguez, Diego Pintos, Sabela Pernas Soto, Cristina Ferreiro Real e Pablo González Muñiz pode visitarse ata o xoves na Casa da Xuventude de Tui, e logo desprazase ata Ourense.

Manuel Garrido, Campeón do Mundo Sub 23, será o pregoeiro das Festas de San Telmo 2012

O padeeiro tudense Manuel Garrido, tres veces Campión do Mundo de Piraguismo na modalidade de maratón, será en 2012 o pregoeiro das Festas de San Telmo.

Este ofrecemento fíxoo o alcalde de Tui, Moisés Rodríguez, no mediodía de onte no recibimento oficial organizado polo concello ao que asistiron máis de 700 persoas entre escolares, asociacións, clubs e amigos no vello pavillón de deportes de Tui.

Á chegada ao pavillón de Manu Garrido e de Iván Alonso, quinto do Mundo en K1, foron recibidos cunha gran ovación, aplausos e baixo o canto de “campións”.

Posteriormente o alcalde e o concelleiro de deportes lles derón á benvida e os felicitaron polos resultados logrados no Campionato do Mundo en Singapur. Iván Alonso tomou a palabra agradecendo o recibimento e apoio, e o mesmo fixo Manu Garrido quen dixo sentirse orgulloso de ser tudense.

No transcurso do acto o alcalde de Tui ofrecíalle a Manuel Garrido coma Campión do Mundo, ser o pregoeiro das festas de San Telmo de 2012, algo que o padeeiro aceptou. O mandatario tudense explicaba a oferta realizada coma unha aposta pola xente nova e pola xente da casa, sinalando que é un digno representante do deporte de Tui.

Cabaleiro formula reivindicacións históricas para Tui na presentación da lista socialista ao Congreso

O Partido Socialista de Galicia presentou onte ao mediodía en Tui a súa candidatura pola provincia de Pontevedra ás Eleccións Xerais do 20N. O acto, que se celebrou no Hotel Colón, contou coa presenza de socialistas de toda a comarca, así coma dos cinco primeiros da lista ao Congreso pola provincia que encabeza Carmela Silva, o nº2 Guillermo Meijón, o nº3 Manel, a nº4 Eva García de la Torre, e o nº 5 Modesto Pose.

O primeiro en tomar a palabra o Secretario Xeral dos Socialistas Tudenses, Enrique Cabaleiro quen van formular aos candidatos unha serie de reivindicacións históricas da cidade con investimentos e infraestruturas en comunicacións que son prioritarias para o desenvolvemento económico da cidade. Citou así o eixo ferroviario Vigo-Porto que ten que ter un novo pulo, así coma as comunicacións entre Tui e Porto, e Tui-Porriño-Vigo e os polígonos industriales. Tamén demandarán a execución de proxectos que xa teñen consignación coma Senda Litoral do río Miño, ou a transferencia da titularidade da N-550 no tramo da Avenida de Portugal para ser remodelada e acondicionada coma porta de entrada a Galicia dende Portugal. Tamén reclaman retomar a candidatura conxunta de Tui-Valença a Patrimonio da Humanidade para o que Cabaleiro sinalaba que é necesario facer unha sere de infraestruturas.

Tras a intervención de Eva García e de Modesto Pose, Carmela Silva manfiestou que van apoiar as reivindicacións feitas polo Secretario Xeral dos Socialistas tudenses. Comprimetíase en volver levar ao Congreso a iniciativa para apoiar a candidatura de Tui-Valença a Patrimonio da Humanidade, do mesmo xeito que a da execución da Senda Litoral do río Miño, para que este proxecto se converta en realidade. 

Hoxe presentación do libro de Manuel Vázquez de la Cruz “O Punteiro”

Hoxe, martes, terá lugar a presentación do libro recentemente editado de Manuel Vázquez de la Cruz titulado “O Punteiro” e que recolle unha escolma do artigos que periodicamente publica na sección homónima do suplemento comarcal do Baixo Miño do xornal “Faro de Vigo”.

Acompañarán ao autor neste acto de presentación José Manuel Cousido (“Petote”) promotos da edición desta obra e Ángel Vázquez de la Cruz, médico e que recentemente editou un libro de relatos “Luz de Tebra” cun gran éxito de crítica e de lectores.

Manuel Vázquez de la Cruz, é un enxeñeiro técnico agrícola tudense, e promotor de múltiples iniciativas de caracter social e cultural na nosa cidade e en numerosos lugares da Península Ibérica. Esta publicación foi un agasallo que os seus amigos acordaron realizar, hai un par de meses, para celebrar o seu 75 aniversario.

O interese das crónicas recollidas nesta obra, que abranguen dende 1995 ata o ano 2011, son unha testemuña da vida tudense nunha columna de opinión seguida por moitos lectores do xornal “Faro de Vigo”. Este acto de presentación terá lugar na Sala Felix Rodríguez (edificio Área Panorámica – entrada polo aparcamento municipal) o martes 25 de outubro ás 20,00 horas.

Esta actividade abre a programación da “Semana da Biblioteca” que organizada polo centro bibliotecario tudense, para conmemorar o “Día da Biblioteca” (24 de outubro) abrangue un amplo programa de actividades centradas na promoción do libro e a lectura.

Este programa comprende amais as seguintes actividades

-          Mércores 26: contacontos e kamishibai na Biblioteca ás 17,30 h.

-          Xoves 27: tertulia cos Premios da Critica 2010 en lingua galega: Victor F. Freixanes e Marga do Val – 20,00 h. Sala Felix Rodríguez

A celebración do “Día da Biblioteca” é unha iniciativa da Asociación Española do Libro Infantil e Xuvenil que dende 1997 ven promovendo esta efeméride para a difusión do importante papel que cumpren as bibliotecas no desenvolvemento social das persoas e das colectividades e para favorecer o coñecemento pola opinión pública do traballo que realizan estes centros culturais. Amais, a concelleira de cultura de Tui, Vanesa Rodríguez Pérez, salienta como con esta presentación o centro bibliotecario tudense segue traballo a prol da difusión da obra dos autores locais, como é neste caso Manuel Vázquez de la Cruz.

Sábado, 22 de outubro de 2011    

O Concello de Tui recibirá aos padeeiros do Kaiak Tudense que están a participar no Campionato do Mundo

O Concello de Tui vai brindar o próximo luns, 24 de outubro, unha recepción aos tres padeeiros do Club Kaiak Tudense, que está na participar no Campionato do Mundo de Piragüismo que se está a celebrar en Singapur.

Trátase de  Manuel Garrido, que esta madrugada lograba por terceiro ano consecutivo o título de Campión do Mundo en c1 sub 23, a Iván Alonso que compite mañá sábado en K1 e a Ramón Ferro que o domingo xunto a Manuel Garrido compite en C2.

A recepción será ás 13.30h no vello pavillón de deportes, onde estarán presentes máis de 600 nenos e nenas dos distintos centros educativos de Tui, que foron convidados ao acto xunto a distintos clubs e asociacións do municipio. Dende o Concello convidan tamén ao público a asistir a este recibimento a estas mundialistas o próximo luns.

A cita é a partir ás 13.15h para ter o pavillón cheo á chegada dos deportistas prevista para ás 13.30h.

A Biblioteca Municipal de Tui celebra o “Día da Biblioteca” o vindeiro luns cun encontro con Xosé Neira Vila

A Biblioteca Pública Municipal celebrará o vindeiro luns, 24 de outubro, o Día da Biblioteca, desenvolvendo un encontro entre os escolares do noso municipio co escritor Xosé Neira Vilas. Serán arredor de mil alumnos dos centros educativos do noso concello os que asistan as dúas sesións que a celebrar nesta xornada.

Ás 12,00 horas da mañá serán os nenos e nenas de Educación Primaria e de do Primeiro Curso da ESO os que asistan no Teatro Municipal a este encontro co autor de “Memorias dun neno labrego”. Pola tarde ás 16,30 tócalle é a quenda dos alumnos de Secundaria e Bacharelato os que compartan encontro con Neira Vilas. Son 10 centros escolares os que participan nesta actividade.

Con este encontro a Biblioteca quere sumarse á celebración que por todo a país desenvolvese arredor dos cincuenta anos da edición de “Memorias dun neno labrego”, unha das obras máis lidas da literatura en lingua galega, leva vendidos máis de 600.000 exemplares. “Memorias dun neno labrego” é xa todo un clásico da nosa literatura traducido a múltiples linguas. O seu personaxe central, Balbino, forma parte indiscutible do acervo de personaxes patrimonio literario da humanidade e coas súas vivencias téñense identificado lectores dos cinco continentes.

A concelleira de cultura tudense, Vanesa Rodríguez Pereira, agradece, en primeiro lugar, ao escrito Xosé Neira Vila a súa deferencia ao achegarse ata Tui para participar neste encontro e tamén aos centros educativos, e especialmente, ás súas bibliotecas escolares, a cooperación realizada coa Biblioteca Municipal para facer posible este encontro.

Esta actividade abre a programación da “Semana da Biblioteca” que organizada polo centro bibliotecario tudense abrangue un amplo programa de actividades centradas na promoción do libro e a lectura.

Este programa comprende ademais as seguintes actividades

Martes 25, presentación do libro de Manuel Vázquez de la Cruz: “O punteiro”, 20,00 horas – Sala Felix Rodríguez

Mércores 26, contacontos e kamishibai na Biblioteca ás 17,30 h.

Xoves 27: tertulia cos Premios da Critica 2010 en lingua galega: Victor F. Freixanes e Marga do Val – 20,00 h. Sala Felix Rodríguez

            A celebración do “Día da Biblioteca” é unha iniciativa da Asociación Española do Libro Infantil e Xuvenil que dende 1997 ven promovendo esta efeméride para a difusión do importante papel que cumpren as bibliotecas no desenvolvemento social das persoas e das colectividades e para favorecer o coñecemento pola opinión pública do traballo que realizan estes centros culturais

Hoxe celébrase o I Encontro Internacional de Encaixeiras Cidade de Tui

Hoxe  celébrase o I Encontro Internacional de Encaixeiras Cidade de Tui coa participación de máis de 600 palilleiras de toda Galicia, doutros puntos de España e mesmo de Portugal. A organización corresponde á Asociación de Palilleiras do Baixo Miño coa colaboración do Concello de Tui.

Terá lugar nunha nave industrial,cedida por un particular, que está situada ao carón do Pavillón Municipal. Este Encontro abrirá as súas portas mañá ás 10 da mañá comezando o encontro media hora máis tarde. Prolongarase ata ás sete da tarde facendo un alto de dúas a catro da tarde par ao xantar.

Salomé Álvarez, presidenta da Asociación de Palilleiras do Baixo Miño, explicaba que se van dar cita 680 palilleiras de toda Galicia, doutros puntos de España, e de Portugal. (Peniche, Badajoz, Cataluña, Burgos, Ponferrada, Cambrils...)

Amais das palilleiras haberá tamén unha artesá do liño, Carmen Rivero, que traballará en directo co liño, amosando todo o proceso.

Tamén haberá unha serie de postos de vendedores de accesorios relacionados co encaixe.

Tamén estará asinando libros Mariña Regueiro, profesora de prestixio internacional.

A inauguración oficial do encontro  será ás 12.30h da man da directora Xeral de Comercio, Nava Castro, e do alcalde de Tui, Moisés Rodríguez, xunto a outros membros do equipo de goberno.

Concerto do Cuarteto Noborsavek

A Viñoteca de García na rúa Seixas acolle mañá domingo á unha do mediodía un concerto do cuarteto Noborsavek formado por Eduardo Vecbastiks: violín; Manuel Sabucedo: violín; Alba Novoa: viola e Beatriz Laborda: violoncello

Xuntanza Folclórica en Pexegueiro este domingo

Este domingo celébrase en Pexegueiro a X Xuntanza Folclórica organizada pola Asociación Socio Cultural e Xuvenil “O Mosteiro”.

A partir das cinco da tarde actuarán os grupos folclóricos “San Fins” de Rebordáns, “Santa Columba” de Ribadelouro, “Malante” de Malpica de Bergantiños da Coruña, e “O Mosteiro” de Pexegueiro.

Manuel Garrido, Campión do Mundo de Maratón en c1 sub 23

El palista del Kayak Tudense ha conseguido tu tercer título mundial al alzarse con la medalla de oro en el Campeonato del Mundo de Maratón que se esta disputando en Marina Bay – Singapur -. Manu empleo un total de 1hora 52´y 34” para cubrir los 21,5 km de los que constaba este mundial, superando en 5” al segundo clasificado, el húngaro Kistof Zoltan Szabo y  en 33” al polaco Mateusz Kaminski.

A pesar de la corta diferencia que marca el crono, este fue el título mundial conquistado con mayor facilidad, ya que el temor de sus rivales era patente durante el transcurso de la competición, lo que posibilito que Manu marcase siempre el ritmo que mas le convenía para sus intereses, y sabedor de su buen final y experiencia, todo parecía indicar que la balanza se inclinaría hacia su lado, tal y como aconteció.

A pesar de que el Campeonato desde un principio no pintaba bien, ya que nunca hasta ahora se había disputado un mundial en octubre, ya que normalmente la temporada piragüística acaba en septiembre, la aclimatación y la hora temprana de la disputa de la regata – Manuel remo a las 4:00 horas de España -, eran ya de por si suficientes obstáculos a superar, a lo que a última hora se sumo el que la embarcación de Manuel, y la totalidad del equipo español, se quedó por el camino, con lo que hubo que adaptar otra embarcación. A pesar de todas estas dificultades el tercer título ya esta en las vitrinas de Manuel, que al mismo tiempo otorga la medalla número 23 en un mundial para el Kayak Tudense.

Manuel el domingo volverá a luchar por las medallas, en este caso será en la categoría absoluta y en la modalidad de C2, con su compañero de club, Ramón Ferro. Manu ha entrado a última hora en esta embarcación como consecuencia de la baja de Oscar Graña.

Mañana sábado, será el turno de Iván Alonso en k1 senior, por delante 32 kilómetros y todas las ganas del mundo, será el primer mundial de maratón en la categoría senior para Iván que ya el año pasado consiguió un décimo lugar en el mundial de pista en Poznan en el k1 5000 metros. Iván a pesar de su juventud tratará de luchar por un puesto en el podio.

Venres, 21 de outubro de 2011    

Os veciños rexeitan os PERI’s en San Bartolomé e piden outra figura urbanística acorde a singularidade do barrio

Os veciños do barrio de San Bartolomé de Tui denuncian en nota de prensa a situación inxusta na que no seu parecer queda o barrio tras a aprobación do PXOM, xa que este planeamento recolle un PERI nesta zona para o seu desenvolvemento urbanístico.  Segundo os veciños os PERI’s son excesivamente extenso,  o que consideran vai provocar que non se poidan desenvolver xa que tanto para os propietarios coma para unha promotora externa será difícil conseguir o financiamento preciso.

Engaden que ao seu entender o PERI é unha figura excesivamente gravosa para os propietarios dos inmobles, tanto fincas coma vivendas, neste ámbito, xa que dende a entrada en vigor so poden efectuar obras de acondicionamento nas vivendas o que din pode chegar a provocar, de non desenvolverse os PERI’s, unha degradación paulatina do entorno afectado.

Destacan tamén os veciños que o barrio de San Bartolomé ten unha especial singularidade polo que consideran que merece unha especial protección, algo que no seu parecer non respectan pola súa configuración e características os PERI’s polo que manifestan que esta non é a figura de planificación máis idónea para esta zona.

Por iso teñen solicitado ao Concello a realización dun rigoroso estudo urbanístico da área afectada polos PERI’s en vigor, co obxectivo de modificar a figura urbanística aprobada polo actual PXOM, e que atenda a singularidade do barrio, de tal xeito que permita o seu desenvolvemento urbanístico racional e equilibrado.  De non levarse a cabo esta modificación din que as consecuencia a curto prazo será que moitos dos seus fillos teñan que vivir noutras localidades ao non dispor de solo efectivo para ubicarse no barrio.

Actividades da Asociación do Traxe Tudense

A Asociación Cultural e Xuvenil do Traxe tudense vén de presentar a oferta de actividades para este novo curso dando continuidade ás impartidas o ano pasado. Así o contaban na RMT Ángel Alonso, presidente, e Pili Pazo vicepresidenta desta asociación.

Na oferta presentan un curso a abelorios de azabache, outro de baile, gaita e percusión, que se impartirán sempre que haxa un mínimo de participantes.

O ano pasado lograron un bo número de inscritos no de abeloiro e no debaile, xa nos de pandeireta este ano teñen bastantes interesados, e teñen pendente agora o de gaita.

Explicaban precisamente que o grupo de baile xa fixo as súas primeiras actuacións e este ano continuarán coa mesma xente ou incluso incrementándoo. Na actualidade contan con 8 parellas, sendo un éxito precisamente o feito de ter 8 homes bailando. Este ano plantexan como obxectivo crear tamén un grupo infantil.

Outro dos fins cos que se creou esta asociación foi a recuperación do traxe de Tui . Pili Pazo explicaba que a consecución dos obxectivos vai pór bo camiño, e o obxectivo é ter unha sede fixa. Arestora reúnense os luns ás 8 en Riomuíños no antigo matadoiro.

Os interesados nestas actividades poden anotarse na Mercería Mari Carmen nas Galerías Caracas.
 

O grupo de teatro “Chirlomirmo” presenta “O Zarandallo”

O Teatro Municipal acollerá ás 20.30 horas de mañá a representación da obra “O Zarandallo” por parte do grupo de teatro “Chirlomirlo” da Asociación Cultural “Xuntanza”.

A obra está dirixida por Miguel Ángel Martínez, e interpretada por Noelia Solla, Alba Martínez, Laura Solla, Daniel Álvarez, Jesús Martínez, Miguel A. Martínez, José A. Muíños, Pili Álvarez, Marita Giráldez e Lorena Hermida coma apuntadora.

A comedia, con 60 minutos de duración, fala do regreso á súa aldea de Froilán que volve das Américas. Coa súa galantería quere namorar a máis dunha muller, pero as cousas non lle sairán moi ben.

Esta obra ía ser representada durante as festas de San Telmo no marco da Semana do Teatro Amador, pero daquela tivo que suspenderse por enfermidade dun dos actores. Este sábado poderase disfrutar do bo facer desta compañía teatral de Tui.

As entradas, sen numerar, poranse á venda o sábado dende ás 19h  no despacho de billetes ao prezo de 1€.

Concerto do Cuarteto Noborsavek

A Viñoteca de García na rúa Seixas acolle este domingo á unha da tarde un concerto do cuarteto Noborsavek formado por Eduardo Vecbastiks: violín; Manuel Sabucedo: violín; Alba Novoa: viola e Beatriz Laborda: violoncello

Empresarios del sector turístico de Brasil visitan los principales enclaves del Baixo Miño

Un grupo de diez personas del sector del turismo y periodistas especializados del sector vitivinícola de Brasil visitan los principales enclaves turísticos del Baixo Miño, invitados por el Centro de Iniciativas Turísticas “Turismo Baixo Miño” en el marco de la XIX edición de la Feria de Turismo y Enoturismo “Ferpalia” que se está celebrando desde el miércoles en Pontevedra. Durante estos días, el grupo de empresarios y periodistas conocerán el casco histórico de Tui, el potencial vitivinícola de la subzona de O Rosal, el estuario y el entorno del río Miño y Oia. El objetivo de esta visita es dar a conocer a los responsables de las agencias de viajes del país carioca las cualidades de la comarca para que puedan valorar la posibilidad de incluir los atractivos turísticos de la zona en sus paquetes vacacionales. En palabras de David Villar, Director de Turismo Baixo Miño, “se trata de una oportunidad única para dar a conocer nuestro potencial y poder atraer visitantes internacionales a la zona. Contamos en nuestra demarcación con enclaves turísticos de gran belleza y con empresas especializadas en el sector que podrían ofrecer al visitante numerosas actividades de ocio como son el turismo fluvial, la práctica de deportes acuáticos o las rutas de senderismo. Además, disponemos de una importante red de alojamientos y establecimientos de restauración. Nuestra proximidad con Portugal es otro de los atractivos para el visitante”.

Además de responsables de agencias de viajes y touroperadores, entre el grupo de personas también se encuentran periodistas brasileños especializados del mundo vitivinícola que podrán conocer el gran potencial de los caldos de la zona. Brasil se ha convertido en uno de los países importadores de vino más importantes del mundo, no en vano se encuentra entre los 20 primeros países del ranking en importaciones y se trata del único país de Latinoamérica en aparecer en estas primeras posiciones. En opinión de David Villar, “Galicia tiene mucho capacidad para conseguir colocar sus vinos en Brasil. Esta visita es una oportunidad para promocionar en el exterior los caldos de nuestras bodegas”. La Cámara de Comercio de Tui está muy volcada con todos los sectores económicos de la demarcación. En el caso del sector vitivinícola, una de las últimas acciones realizadas fue una misión comercial inversa formada por 11 importadores de vino de Brasil que visitaron el pasado mes de julio un total de 20 bodegas de las principales denominaciones de origen gallegas para establecer alianzas comerciales.

Gasto de los turistas brasileños en España

El gasto total de los turistas extranjeros en España entre mayo y agosto de 2011 fue de más de 3.900 millones de euros, lo que supone un incremento del 11,06% sobre el total de los 3.542 millones registrados en el mismo periodo del año anterior. “La importancia creciente del gasto de los turistas procedentes de los países emergentes, entre los que se encuentra Brasil, queda patente en el gasto interanual realizado por los turistas brasileños que pasó de un 1,63% entre mayo y agosto de 2010 a 2,04% en el mismo periodo de 2011”, señala David Villar, quien ve en esta visita una oportunidad de negocio para la economía del Baixo Miño.

Turismo Baixo Miño

El Centro de Iniciativas Turísticas del Baixo Miño se constituyó en julio de 2011 con cerca de 40 empresas del sector turístico de la comarca con el objetivo primordial de fomentar el turismo en el Baixo Miño y atraer visitantes a la zona. El Centro de Iniciativas Turísticas está dirigido por el Director del Parador de Tui, David Villar.

O subdelegado do Goberno en Pontevedra copreside co alcalde de Tui a Xunta Local de Seguridade

            Ás doce deste mediodía reunirase a Xunta Local de Seguridade, copresidida polo subdelegado do Goberno en Potnevedra, Delfín Fernández Álvarez, e o alcalde de Tui, Moisés Rodríguez Pérez.

            No transcurso da reunión, que comezará ás 12 do mediodía, analizaranse, entre outros asuntos, a evolución da criminalidade durante o pasado ano 2010, a cooperación municipal en seguridade vial e a coordinación entre a Policía Local e a Garda Civil.

Xoves, 20 de outubro de 2011    

O Centro de Saúde de Tui suspende as revisións dos nenos maiores de dous anos por mor dos recortes en sanidade

A deputada do BNG, Carme Adán, rexistrou  unha iniciativa parlamentaria ao fin de coñecer os motivos da Consellería de Sanidade para impedir que o servizo de pediatría do Centro de Saúde de Tui realice revisións aos nenos e nenas maiores de dous anos.

Adán salienta que este centro soporta unha sobrecarga de traballo dende hai bastantes anos que provoca grande preocupación entre os e as traballadores e os usuarios e usuarias.

Por outra parte, o servizo de pediatría permanece “baixo mínimos” a pesar de seren aprobada unha iniciativa por unanimidade no Parlamento galego, a instancias do BNG, pola que se instaba á Xunta de Galiza a realizar as necesarias xestións para a contratación, durante o ano 2010, un/ha novo/a pediatra para o centro de Saúde de Tui.

A nacionalista afirma que visto que esta contratación non se produciu, “a situación empeorou” e agora mesmo hai un cartel na porta da consulta de pediatría que informa que “a causa dos recortes orzamentarios da Consellería de sanidade non se realizarán revisións aos nenos e nenas maiores de dous anos”.

Carme Adán preguntará ao Goberno galego polo dereito dos nenos e nenas adscritas ao Centro de Saúde de Tui a realizaren unha revisión se superan os dous anos e se a Consellería de Sanidade vai cumprir co compromiso de contratar a un/ha pediatra como figuraba na resolución da Cámara galega no ano 2010.+

Converxencia XXI logra o aval da sociedade galega para presentarse ás eleccións ás Cortes

Converxencia XXI logrou o aval da sociedade galega para presentarse ás eleccións ás Cortes Xerais do Estado do vindeiro 20 de novembro. Con tan só dous anos de vida, o partido galego de centro, conseguiu xuntar preto de 4.000 sinaturas entre as catro circunscripcións electorais galegas.

Deste xeito Converxencia practicamente dobra o requisito esixido pola lei electoral, que se “reformou precisamente para bloquear a entrada de novos partidos e novas ideas”, lembra o seu secretario xeral Carlos Vázquez Padín. Segundo esta reforma electoral, os partidos políticos sen representación no Congreso e no Senado necesitan o 0,1% do censo electoral provincial en avais de cidadáns, debidamente asinados e cos seus datos completos.

Converxencia XXI, un partido que só se financia coas cotas dos seus afiliados, fixo un grande esforzo material e humano despregando mesas, e visitando cidadáns porta por porta nas principais cidades e vilas de Galicia. Grazas a este esforzo, Converxencia XXI foi o único partido sen representación parlamentaria que conseguiu as sinaturas necessárias nas catro províncias galegas.

A valoración da experiencia de recollida dos avais foi positiva para Converxencia XXI. Antonio Pérez, coordinador electoral da formación, afirmou que ademais de recoller os avais, os afiliados de Converxencia XXI recibiran tamén numerosos apoios de galegos e galegas que cren necesario o novo proxecto político que defende Converxencia XXI para Galicia. Así, o secretario xeral, Carlos Vázquez Padín, expresou o seu agradecemento aos cidadáns que asinaron os avais e aos que escoitaron a atenderon amablemente os afiliados da formación. “Vinte anos despois, os electores decidiron que Galicia merecía unha opción electoral, de centro galeguista, seria e dinámica”, sinalou Vázquez Padín.

O alcalde de Tui deu a saída aos corredores do proxecto “1 euro por km – SOS Corno de Africa” na súa terceira etapa

O alcalde de Tui, Moisés Rodríguez Pérez, acompañado de varios concelleiros do grupo de goberno deu onte a saída dende a praza do Concello de Tui aos corredores que participan na carreira solidaria “1 euro por qm – SOS Corno de África” que emprendían así a súa terceira etapa do seu percorrido.

Trátase dun proxecto que aspira a percorrer España realizando unha carreira por relevos que tenta recadar fondos para axudar na loita contra a fame e denunciar o abandono da comunidade internacional diante da traxedia que sucede no chamado “Corno de África”.

Hoxe serán 15,3 km entre Tui e Porriño os que cubran este grupo de corredores solidarios. Esta carreira iniciada na Guarda o domingo 16 de outubro, rematará o vindeiro sábado 29 de outubro en Verín.

Os populares propoñen iniciar os trámites para declarar a ponte internacional de Tui como Ben de Interese Cultural

A Comisión 4.ª, Educación e Cultura, na reunión do 19 de outubro de 2011, aprobou por unanimidade sen modificacións: a Proposición non de lei presentada polo Grupo Parlamentario Popular de Galicia, asinada por Ignacio Javier López-Chaves Castro e outros sete deputados populares, para que se inicien os trámites que permitan solicitar a declaración da ponte internacional de Tui, proxectada por Pelayo Mancebo, como Ben de Interese Cultural.

A Biblioteca Municipal organiza un programa de actividades arredor do 24 de outubro “Día da Biblioteca”

A Biblioteca Pública Municipal de Tui organiza a “Semana da Biblioteca”, arredor da celebración o vindeiro luns, 24 de outubro, do “Día da Biblioteca”, que abrangue un amplo programa de actividades centradas na promoción do libro e a lectura.

Este programa comprende as seguintes actividades

          Luns 24 de outubro, Día da biblioteca, “Maratón sobre Memorias dun neno labrego” coa presenza de Xosé Neira Vilas no Teatro Municipal:

12,00 h. para Primaria

16,30 h. para Secundaria e Bacherelato

Martes 25, presentación do libro de Manuel Vázquez de la Cruz: “O punteiro”, 20,00 horas – Sala Felix Rodríguez

Mércores 26, contacontos e kamishibai na Biblioteca ás 17,30 h.

Xoves 27: tertulia cos Premios da Critica 2010 en lingua galega: Victor F. Freixanes e Marga do Val – 20,00 h. Sala Felix Rodríguez

            A celebración o luns 24 do encontro dos escolares tudenses co escritor Xosé Neira Vilas, neste ano en que se celebra o cincuenta aniversario da edición do seu libro “Memorias dun neno labrego” é unha oportunidade única para compartir co escritor de Vila de Cruces as súas impresións sobre esta obra literaria que marca un fito na literatura galega contemporánea e que se ten convertido xa nun clásico.

Ao día seguinte, martes 25, terá lugar a presentación do libro que recolle unha escolma dos artigos que o tudense Manuel Vázquez de la Cruz ven publicando periodicamente no suplemento comarcal do Baixo Miño do xornal “Faro de Vigo” na sección denominada “ O punteiro”. Neste acto, a celebrar ás 20,00 h na Sala Felix Rodríguez, participarán, xunto ao autor, José Manuel Cousido (Petote), promotor da edición deste libro, e o escritor tudense Ángel Vázquez de la Cruz.

Culmina esta Semana coa tertulia que realizaran os autores gañadores do Premio da Critica Española, na modalidade de lingua galega correspondente aso libros editados no anos 2010 e fallado na pasada primavera: Víctor F. Freixanes, coa súa novela “Cabalo de ouros” e Marga do Val, co seu poemario “A cidade sen roupa ao sol”. Ambos disertarán arredor das súas respectivas obras literarias. Este acto terá lugar ás 20,00 h na Sala Félix Rodríguez.

Completa este programa de actividades a celebración dunha sesión lectura de contos e de kamishibai (teatriño tradicional xaponés) que terá lugar na Biblioteca Municipal o mércores ás 17,30 horas, dirixido aos rapaces máis cativos entre 3 e 6 anos de idade.

Para a concelleira de cultura, Vanesa Rodríguez Pereira, as actividades desta “Semana da Biblioteca” posibilitan que os tudenses poidan achegarse a un amplo abano de actividades arredor do libro e a lectura.

Para Vanesa Rodríguez Pereira a celebración desta “Semana da Biblioteca” evidencia o traballo que este centro realiza diariamente a prol da lectura, entendida non só como unha opción para o lecer das persoas de todas as idades senón como unha ferramenta básica para a súa formación, onde a información ocupa un lugar primordial.

A celebración do “Día da Biblioteca” é unha iniciativa da Asociación Española do Libro Infantil e Xuvenil que dende 1997 ven promovendo esta efeméride para a difusión do importante papel que cumpren as bibliotecas no desenvolvemento social das persoas e das colectividades e para favorecer o coñecemento pola opinión pública do traballo que realizan estes centros culturais.

Pista Catro trae a Tui un espectáculo de clown musical titulado “Ringo, Rango”

Un espectáculo de clown familiar é o que chega este venres ao Teatro Municipal de Tui da man de Pista Catro que leva a escena “Ringo, Rango”. A función comeza ás oito da tarde.

O espectáculo está dirixido por Marcos Orsi e Rolando San Martín, e o elenco está formado por Pablo Reboleiro “Trasno”, Aitor Garuz e Xabier García Mera.

Tres amigos con personalidades opostas son os protagonistas dos distintos sketchs nos que están presentes elementos coma unha guitarra, unha batería, un acordeón, ou balóns de baloncesto.  Os tres amigos únense para mostrar a bondade e a saúde de ser un mesmo. Fano cun cóctel  de circo, música e humor, surrealista e impensable que transcorre a un ritmo trepidante. O resultado é un espectáculo para todos os públicos remendado a partir dos catro anos.

A compañía Pista Catro forxouse, dende a súa creación no ano 2008, un nome propio no novo circo, non só en España senón tamén a  nivel internacional. Este mesmo mes estiveron actuando na sala “Atelier du Plateau” de París no marco do programa cultural “Fait son Cirque” organizado por Jeunes Talents Cirque Europe.

As entradas están á venda na web www.culturatui.info ata o venres ás 13h ou o venres dende ás 18.30h no despacho de billetes ao prezo de 3€ e 2€.

Mércores, 19 de outubro de 2011    

Reunión da Asociación Santa Columba para os cursos que vai impartir

A Asociación Cultural Santa Columba de Ribadelouro celebra mañá xoves, ás 21h, unha reunión no Centro Cultural da Magdalena. Á mesma están convocadas todas aquelas persoas interesadas en realizar os cursos de ximnasia, mantemento, aerobic ou pilates que van impartir. Na reunión deste xoves van concretar cos profesores o día e hora de cada actividade. As prazas en cada curso son limitadas. Os interesados poden acadar máis información no 618 28 93 15.

Por outra parte a Asociación Santa Columba organiza tamén un curso de Arte Floral, no que realizarán composición de flor natural, artificial, flor seca e de Nadal. As clases terán unha duración de dúas horas un día á semana.

Aberto o prazo de inscrición na Escola Municipal de Xadrez

O pasado mércores, 5 de outubro, comezaron as clases da Escola Municipal de Xadrez, que dende este ano xestiona o Club Xadrez Tui nas instalacións do Novo Pavillón Deportivo Municipal de Tui.

Os horarios de partida das clases son os mércores e venres de 18.00 a 19.30 horas, aínda que se irán aumentando segundo se vaian anotando máis alumnos.

Todas aquelas persoas interesadas nesta actividade poden informarse a través da páxina web www.xadreztui.org ou no número de teléfono 667.060.369

X Xuntanza Folclórica en Pexegueiro este domingo

Este domingo celébrase en Pexegueiro a X Xuntanza Folclórica organizada pola Asociación Socio Cultural e Xuvenil “O Mosteiro”.

A partir das cinco da tarde actuarán os grupos folclóricos “San Fins” de Rebordáns, “Santa Columba” de Ribadelouro, “Malante” de Malpica de Bergantiños da Coruña, e “O Mosteiro” de Pexegueiro.

Martes, 18 de outubro de 2011    

Noemí Gago gañadora do Certame Fotográfico Viaxando na súa quinta edición

Noemí Gago Antón, de Salceda de Caselas, é a gañadora da edición deste ano do certame fotográfico “Viaxando” organizado pola Casa da Xuventude de Tui e as OMIX da zona.

Amais o xurado decidiu conceder unha Mención Especial a Alberto Pena Lomba da Guarda.

A primeira exposición do Certame inaugurouse onte, en Baiona onde se entregarán os premios.

A mostra chegará a Tui o 17 de novembro onde se poderá visitar na Casa da Xuventude ata o 15 de decembro.

Manuel Garrido e Iván Alonso, do Kaiak Tudense, están xa en Singapur para disputar o Campionato do Mundo

Este xoves comeza a disputarse en Singapur o Campionato do Mundo de Piragüismo na modalidade de Maratón. Alí, formando parte da selección española, van competir catro membros do Club Kaiak Tudense. Trátase de Iván Alonso, Manuel Garrido, Ramón Ferro e Óscar Graña. Os dous primeiros están xa dende o venres neste país asiático para acostumarse tanto ao cambio horario, seis horas máis con respecto a España, así coma ao alto grao de humidade e as altas temperaturas.  Mentres Ramón Ferro e Oscar Graña desprazaranse esta semana a Singapur, ao non podelo facer a semana pasada por problemas laborais.

Durante as últimas semanas, o catro padeeiros do Kaiak Tudense viviron coa incerteza de se poderían competir nas súas piraguas ou non, xa que un problema co transporte dos barcos a Singapur fixo que todos os barcos da selección española non cheguen a tempo para poder competir. Grazas ao fabricante de piraguas portugués Nelo, os padeeiros tudenses, ao final poderán competir nunhas piraguas exactas ás súas, xa que lles fabricou unhas novas e levoullas até Singapur.

A competición comeza este venres e na mesma tanto Manu Garrido, como o C2 de Óscar Graña e Ramón Ferro, tratarán de revalidar os seus respectivos títulos de Campións do Mundo. Mentres Iván Alonso que chega nun gran momento de forma loitará sen dúbida polas medallas.

Convocado o cuarto certame fotográfico “Relación home/muller 100% positivo”

O Departamento de Servizos Sociais do Concello de Tui convoca a cuarta edición do  SEQ CHAPTER \h \r 1concurso  fotográfico  co  gallo  do  Día Internacional contra  a  Violencia de Xénero “Relación home/muller 100% positivo”

            No mesmo poderán participar todas as persoas maiores de 18 anos residentes en España, sen importar a súa nacionalidade.

            As fotografías deberán adecuarse ao tema e contidos do concurso. O comité organizador do concurso gárdase o dereito de aceptación das obras segundo se adecúen ou non á temática do concurso.

            O tema “Relación home/muller 100% positivo”, quere facer fincapé na relación entre a muller e o home, resaltando dunha forma positiva a relación de parella, amizade e convivencia no traballo, é dicir, en todos os ámbitos da vida.

            Con este concurso quérese resaltar que aínda que, desgraciadamente, existan vítimas de violencia de xénero, afortunadamente, a maioría de relacións entre homes e mulleres son relacións non violentas. Con esta campaña queremos fomentar este tipo de relacións e que acabemos entre todos coa violencia machista.

            Cada participante poderá enviar un máximo de 3 obras. Aceptaranse obras con retoque fotográfico sempre que non se trate de fotomontaxes. As fotografías poderán ser en color ou en branco e negro.  Os traballos, que se presentarán en papel, terán un tamaño mínimo de 20cmx15cm e un tamaño máximo de A3 (42cmx29.70cm). Cada fotografía debe levar un título.

            Os traballos presentaranse nun sobre pechado, especificando no seu exterior: “Concurso fotográfico: Relación home/Muller 100% positivo, 3ª edición” que poderá ser entregado directamente na oficina ou ser enviado por correo ao Concello de Tui. Os traballos presentaranse nun sobre, máximo 3 fotografías (recórdase titular cada fotografía), e xunto a este sobre presentarase outro sobre pechado cos datos do autor: Nome e apelidos, enderezo, nº de teléfono e fotocopia do DNI.

            O prazo de recepción das fotografías finalizará o 15 de novembro de 2011, ás 12h.

            Coas fotografías premiadas e seleccionadas (un total de 50 fotografías) realizarase unha exposición na Area Panorámica. O 25 de novembro comunicarase a decisión do xurado aos finalistas, por teléfono, e farase público a través da Radio Municipal de Tui. Os autores seleccionados para a exposición cederán os dereitos de utilización, exposición, reprodución e distribución pública das obras seleccionadas, para uso exclusivo das accións relacionadas co concurso en cuestión.

            O xurado elixirá as fotografías finalistas que mellor se axusten aos criterios do concurso, tomando en consideración a súa calidade técnica e artística, e a temática das mesmas.

            Os premios poderán declararse desertos.

            -O finalista recibirá un premio de 300 €, e será agasallado cunha estancia dunha fin de semana gratuíta para dúas persoas en calquera Parador de Turismo de España.

            -2º finalista recibirá un agasallo dunha estancia dunha fin de semana para dúas persoas no Parador de Turismo San Telmo de Tui.

            -3º finalista recibirá un agasallo dunha comida para dúas persoas no Parador de Turismo San Telmo de Tui.

Esta fin de semana celébrase o V Rastro de Tui

O Paseo da Corredoira acolle este sábado e domingo o V Rastro de Tui. Será de dez da mañá a dez da noite. Esta actividade está organizada pola Asociación de comerciantes e industrias de Tui, ACITUI, en colaboración co Concello de Tui.

As persoas interesadas en participar poden facelo poñéndose en contacto con ACITUI  no teléfono 986 60 75 56  e a través do correo electrónico  acitui@acitui.com .

Comezaron as clases na aula da UNED en Tui

Comezaron xa as clases do curso de acceso á universidade na Aula da UNED de Tui no curso 2011/2012. Aínda así ata o próximo día 27 deste mes está aberto o prazo de matrícula.  Polo momento hai xa 52 persoas que formalizaron a súa inscrición na aula de Tui e que van asistir ás titorías as que se sumarán outras persoas que aínda que están matriculadas noutras aulas, asistirán a Tui por cercanía ou por comodidade.

Margarita Pino, a coordinadora da Aula da UNED de Tui salientaba na Radio Municipal de Tui que esta cifra de matrícula é moi aceptable, e agardan chegar aos 60 alumnos.

Destacaba amais que neste curso produciuse unha consolidación dos titores, resaltando a gran labor realizada o ano pasado, que se traduciu en que todos Os alumnos que asistiron a titorías aprobaron o curso de acceso.

Amais deste curso de acceso á universidade a Aula da UNED de Tui ofrece de novo un curso de iniciación ao inglés para maiores de 45 anos, que o curso pasado se celebrou con gran éxito. O prazo de matrícula está aberto e as clases comezarán o 28 de outubro.

En canto a programación prevista para este curso 2011/2012 Margarita Pino avanzaba que nos próximos meses van impartir un curso de E-learning, outro de Coñecer e dominar a memoria, e de inglés.

Amais ofrecerán unha serie de talleres os venres e os sábados pola mañá de Agricultura Ecolóxica, Literatura Creativa, Taller Xurídico, e Taller educativo sobre cómo programar por competencias.

Na UNED Senior neste primeiro cuadrimestre teñen previsto un curso de inglés e outro de Hábitos Saudables, e no segundo cuadrimestre impartirán un curso de Coidados de persoas maiores, e Cómo mellorar a comunicación oral e escrita.

Éxito dos padeeiros do Kaiak Tudense no XIX Trofeo Raíña Sofia

Éxito do Club Kaiak Tudense esta fin de semana na Regata Raíña Sofía disputada no parque do Retiro en Madrid.

Carla Pérez fíxose co triunfo no k1 200 m, facéndose coa segunda posición a súa compañeira de equipo Valeria Romero.

Nas embarcacións k2, tamén dobrete para o Kaiak Tudense, correspondendo o triunfo a Carla Pérez con Ana Varela, mentres que Leti Piña xunto con Valeria Romero facíanse co segundo lugar  Xa na embarcación k4 Ana Varela, Carla Pérez, Leti Piña e Valeria Romero facíanse tamén co ouro.

En canoas, cuarto lugar para Adrián González en C1, que repetiría posto en c2 xunto con David Costa, mentres que en C4 facíanse co segundo lugar nunha embarcación onde estaba tamén Daniel Costa e o xuvenil David Casaleiro.

No kaiak home, terceira posición para o k4 de Joan Ardit, Rubén Millán, Diego Piña e o xuvenil Marcos González. Por último en k2 cuarto lugar para Rubén Millán e Marcos González.

Creado un banco de tempo en Tui

Hai algunha semana que se creou en Tui un Banco de Tui. Desta iniciativa falaba na Radio Municipal de Tui, Luís Miguel González, un dos voceiros da administración do Banco de Tempo de Tui.

Explicaba que un banco de tempo é un sistema de intercambio de servizos por servizos, empregando coma moeda a hora de tempo. Sinalaba que a idea non é nova, e hai lugares onde hai xa tempo que está implantada esta iniciativa. A principal novidade do Banco de Tempo de Tui é que a xestión faise ao través dunha páxina web.

O Banco de Tempo é un sistema solidario que parte da boa fe das persoas, que fan un traballo ou a prestación dun servizo de xeito voluntario.

De momento e pese a pouca difusión que teñen dado a iniciativa está contentos coa acollida. Plantexan que este sexa un proxecto a longo prazo que contemple tamén o intercambio de bens tarifados en horas, ou banco de terras, que sería que a xente que ten terras que non traballan que as ofrezan para que outras persoas as traballen.

Para pórse en contacto co Banco de Tempo os interesados poden acceder á  web www.bdt.org ou ben no correo bdttui@gmail.com.

Sábado, 15 de outubro de 2011    

O concello de Tui recibiu o premio “Entreculturas  2011” polo seu labor cos inmigrantes e emigrantes

O Alcalde de Tui, Moisés Rodríguez Pérez, recolleu o mércores 12 de outubro en Baiona de máns do Vicepresidente da Deputación de Pontevedra, Xosé Manuel Figueroa Vila, o premio  “Entreculturas 2011” outorgado pola Excma.  Deputación Provincial de Pontevedra para premiar a unha entidade ou persoa do ámbito galego por “fomentar a solidariedade, a integración, o intercambio, a profundización do mutuo coñecemento e o mutuo apoio entre os pobos e os inmigrantes” .

No decurso do acto o Alcalde tudense salientou que “a nosa cidade está enclavada na fronteira máis antiga que posúe Europa e esa posicións en lugar de illarnos, foi de sempre unha condición da nosa identidade aberta á presenza de xentes de diversas nacionalidades; un crisol aumentado pola nosa condición de porta de entrada en Galicia do centenario Camiño de Santiago que o longo dos séculos ten achegado a Tui a xentes de múltiples procedencias. (...) Nesta “escola” temos os tudenses aprendido a convivir con xentes de todas as procedencias, na actualidade son arredor de 892 os inmigrantes que residen en Tui, cerca dun 5% da poboación, salientando especialmente os portugueses, que supoñen a metade deste continxentes. Os procedentes de Marrocos, Brasil, Arxentina, Colombia, Uruguai ou Venezuela... completan esta diversidade.

Moisés Rodríguez agradeceu ás diversas Corporación Municipais do Concello de Tui que, dende a chegada da democracia, teñen apostado con forza neste traballo hoxe recoñecido con este premio, cunha especial mención para o anterior alcalde, Antonio Feliciano Fernández Rocha e tamén para todo o persoal que traballa no Concello de Tui nos seus diversos departamentos, que coa súa profesionalidade e dedicación fixeron posible acadar este galardón.

Este premio está dotado con 6000 euros e foi entregado o mércores 12 de outubro, coincidindo coa festa da Hispanidade. Os premios Entreculturas os concede a Deputación Provincial de Pontevedra dende o ano 2005 a persoas e entidades que salientan polo seu labor desde dentro e fora de Galicia en pro da solidariedade, a integración o mutuo apoio e a profundización do coñecemento entre os pobos.

O “I Encuentro Internacional de Encajeras” de Tui, o 22 de outubro, reunirá a máis de 600 palilleiras

O Alcalde de Tui Moisés Rodríguez acompañado dos concelleiros: Nicolás Lorenzo, Manuel González, José Angel Villaverde e Olga Montes e a Xunta Directiva da Asociación de Palilleiras do Baixo Miño, presentaron onte o "Encuentro Internacional de Encajeras" que se vai a celebrar o 22 de outubro na cidade

Na presentación a presidenta da Asociación de Palilleiras, Salomé Álvarez, aseguraba que máis de seiscentas palilleiras vanse dar cita en Tui nesta xuntanza e que teñen unha lista de espera de máis de cen persoas ata ter a certeza de que o espazo do que dispoñen é suficiente para acollelas.

Ademais das palilleiras tamén estarán presentes uns coarenta profesionais do sector que instalarán postos de venda de produtos relacionados co encaixe.

Haberá palilleiras chegadas desde practicamente toda España, por suposto de toda Galicia e tamén de Portugal; cabe salientar a presenza dunha representación de “rendilheiras” de Peniche-Portugal que, por vez primeira, acudirán a unha xuntanza fóra do seu país, e tamén un grupo chegado desde Camariñas, que tampouco adoitan asistir ás xuntanzas de palilleiras.

Como curiosidade sinalar que unha artesá do liño de Vimianzo acudirá a esta xuntanza con un tear co que traballará en directo,  amais mostrará un traxe de noiva realizado en liño. Esta muller está considerada unha referencia no mundo do traballo do liño en Galicia.

Pilar García vicepresidenta e Cani Carnero secretaria da Asociación de Palilleiras, deron conta da gran ocupación hoteleira que vai ter Tui nesa fin de semana, con algúns estabelecementos que están practicamente cheos, ademais das numerosas reservas nos distintos restaurantes da cidade, asegurando que este primeiro encontro de palilleiras é unha boa oportunidade de negocio para Tui.

O lugar onde se vai celebrar este “I Encuentro Internacional de Encajeras de Tui” é unha nave industrial,cedida por un particular, que está situada ao carón do Pavillón Municipal. Este Encontro abrirá as súas portas o sábado ás 9.00h e pechará ás 19.00h, cunha pausa para o xantar entre as 14.00h e as 16.00h, durante toda a xornada as palilleiras estarán traballando cara o público e haberá distintas demostracións xunto con sorteos entre os participantes e entrega de diplomas ao remate de xornada.

O alcalde de Tui, Moisés Rodríguez, felicitou ás organizadoras por esta iniciativa, pola ilusión con que acometeron a preparación deste evento e asegurou que este Encontro sen dubida vai favorecer a Tui, tanto polo negocio que poidan xenerar os participantes como polo feito de dar a coñecer o noso Concello, dicía que este encontro vai ser un acontecemento cultural e turístico de primeira categoría.

Venres, 14 de outubro de 2011    

O Plan Especial de Protección do Conxunto Histórico de Tui non precisa someterse a avaliación ambiental estratéxica

A Consellería de Medio Ambiente, Territorio e Infraestruturas ten comunicado ao Concello de Tui a súa decisión de non someter á Avaliación Ambiental Estratéxica ao Plan Especial de Protección do Conxunto Histórico de Tui ao considerar que “o devandito Plan carece de efectos ambientais significativos determinantes da súa necesidade de avaliación ambiental estratéxica”.

Esta resolución se produce logo do período de exposición pública do avance deste PEPCH que segundo establece a legislación vixente foi remitido polo Concello de Tui á Conselleria de Medio Ambiente a estes efectos. Foron presentadas cinco observacións ou alegacións por outros tantos particulares e un informe do organismo Augas de Galicia que non afectaban á tramitación desta figura de planeamento.

A Secretaria Xeral de Calidade e Avaliación Ambiental establece na citada Resolución únicamente tres criterios de protección ambiental, a considerar na elaboración do Plan Especial, derivados do necesidade de contar cunha normativa acústica específica no ámbito do PEPCH; igualmente convida a avaliar a posibilidade de habilitar espazos para unha movilidades sostible e non contaminante como pode ser o tránsito peonil ou en bicicleta. Finalmente apunta a necesidade de contemplar os espazos e infraestruturas necesarios para a correcta recollida, transporte e xestión dos residuos evitando que interfiran o menos posible na actividade urbana.

O Alcalde de Tui, Moisés Rodríguez Pérez, congratúlase por esta decisión da Conselleria de Medio Ambiente que favorece o proceso de redacción do Plan Especial actualmente en elaboración e que pode deste xeito axilizar os seus plazos. De tal forma que o goberno municipal agarda que nun breve período temporal poida ser presentado o proxecto do Plan Especial de Protección do Conxunto Histórico de Tui, evidenciando o compromiso de traballo que o goberno municipal ten adquirido co patrimonio cultural da nosa cidade e a súa conservación.

Moisés Rodríguez informa que avanzan a bó ritmo os traballos da empresa redactora e que confía que en menos dun mes o Concello dispoña xa do proxecto do PEPCH para iniciar a súa tramitación administrativa.

Hoxe será presentado o "Encuentro Internacional de Encajeras" en Tui

O alcalde de Tui, Moisés Rodríguez Pérez,  presentará hoxe, ás 12.15 horas na Sala de Concelleiros da Casa do Concello o "Encuentro Internacional de Encajeras" a celebrar na cidade o 22 de outubro.

Ademais do rexidor local comparecerá a presidenta da Asociaciación de palilleiras do Baixo Miño, Salomé Álvarez; a Vicepresidenta desta Asociación, Encarnación Carnero, e a coordinadora do encontro, Pilar García.

Xoves 13 de outubro de 2011    

Manu Garrido presenta su página web oficial accesible en www.manugarrido.es

El piragüista del Club Kayak Tudense y miembro de la Selección Española, Manuel Garrido, acaba de presentar su página web oficial www.manugarrido.es a pocos días de su participación en el Campeonato del Mundo de Maratón.

En www.manugarrido.es podemos encontrar la bienvenida a su página por parte del deportista, su biografía y palmarés, donde destaca su doble título de Campeón del Mundo Sub23 de Maratón. Otra de las secciones presentes es una galería de fotos donde están accesibles las de los mundiales de 2009 y 2010, y  a las que se irán sumando nuevas instantáneas de su carrera deportiva.

En el apartado de noticias se recogen las últimas competiciones de la temporada en las que ha participado. Esta sección se irá actualizando con sus competiciones, resultados, y otras cuestiones de interés.

La web recoge también un apartado destinado a los patrocinadores donde Fundilusa tiene lugar destacado junto a los colaboradores del palista Bracsa, Nelo, Club Kayak Tudense y Ayuntamiento de Tui.

Manu Garrido parte el próximo jueves, 13 de octubre, junto el resto de la selección española, hacia Singapur donde disputará el Campeonato del Mundo de Maratón, en C1 Sub 23. El tudense buscará revalidar el título que ya consiguió en 2009 y 2010.  Su competición será el viernes 21 a las 4 de la mañana hora española. Precisamente el viaje con tanta antelación se debe a la necesidad de que los palistas se adapten tanto al cambio horario como a las condiciones de humedad y altas temperaturas en las que tendrán que competir. Los resultados de este Mundial se podrán seguir a través de la web www.manugarrido.es

Lagarta, Lagarta presenta “Unha hora na vida de Stefan Zweig”

O Teatro Municipal de Tui acolle este venres, ás 21.30h, a representación de “Unha hora na vida de Stefan Zweig” da man da compañía Lagarta, Lagarta. Este espectáculo forma parte da programación cultural que organiza a Concellería de Cultura.

 “Unha hora na vida de Stefan Zwieg” está dirixida por Rosa Álvarez e interpretada por Ernesto Chao, Belén Constenla, César Cambeiro. A obra, escrita por Antonio Tabares, introdúcenos na vida do matrimonio Zweig, nun momento moi especial, manténdonos en vilo sobre o que en realidade aconteceu na vida deste escritor e o que puido ter acontecido.

O matrimonio Zweig toma unha gran determinación sobre a súa vida, calculada con meticulosidade, pero no seu fogar presentase un estraño e inoportuno visitante. Esa visita permítenos afondar nos seus posicionamentos ante a vida, a morte, os medos, o amor, o exilio, as guerras, o poder, a liberdade individual, a fuxida permanente dun mundo que horroriza……

A compañía Lagarta, Lagarta creouse en 2001 da man de Ernesto Chao e Rosa Álvarez, dous actores de longa traxectoria profesional en Galicia. Esta é unha compañía de actores nada co espírito de facer espectáculos e proxectos que moitos actores agardan e desexan enfrontarse a eles, pero que por diversos motivos non se puideron facer no seu momento. Por este motivo Lagarta, Lagarta non conta cun cadro fixo de profesionais senón que buscan os máis idóneos para cada produción. Os seus últimos espectáculos foron “As últimas lúas”, “Aeroplanos”, “O segredo dos Hofmann” e “Casting” aos que agora se ven de sumar “Unha hora na vida de Stefan Zweig”.

As entradas están á venda na web www.culturatui.info ata o venres ás 13h ou o venres dende ás 20h no despacho de billetes ao prezo de 5€ e 3€.

Mércores, 12 de outubro de 2011    

A Oficina Municipal de Turismo de Tui atendeu no pasado mes de setembro 3.693 consultas

A Oficina Municipal de Turismo do Concello de Tui atendeu ao longo do pasado mes de setembro un total de 3.693 consultas efectuadas, O 75% destes visitantes eran de procedencia nacional, en concreto 2.777 persoas, namentras que o número de estranxeiros acadou os 916 visitantes, un 25% do total.

Da análise dos datos podemos comprobar como na procedencia dos turistas españois, salienta especialmente Madrid con 691 consultas, Castela e León con 325, Andalucia con 266, Cataluña con 243, Galicia con 229, continuando logo Valencia, Asturias ou o País Vasco. Na procedencia dos turistas chegados de aló das nosas fronteiras, destaca Portugal con 273 consultas, Alemania con 152, Francia con 67, Italia con 47, Irlanda con 39, Inglaterra con 37 e ata un total de 32 paises máis dos cinco continentes.

Salienta tamén dos datos estatísticos achegados pola Oficina de Turismo tudense que destas consultas 508 eran de peregrinos (282 estranxeiros –especialmente alemás, irlandeses e italianos- e 226 españois –destacando os madrileños, andaluces e cataláns) que testemuña a importancia que o itinerario de peregrinación posúe na nosa cidade.

Para a responsable de turismo tudense estes datos estatísticos evidencian que, a pesares da crise, o movemento turístico na nosa cidade aguantou no número de visitantes no pasado mes de setembro favorecido pola boa climatoloxía deste mes.

A Oficina Municipal de Turismo sita no Paseo da Corredoira está aberta ao público todos os días neste enclave emblemático da nosa cidade oficina, o seu número de teléfono 677 418 405 e o horario de apertura ao público de 10h a 20h de lúns a venres e 10h30 a 14h30 – 15h30 a 19h30 os fins de semana.

Para Raquel Lorenzo Pimentel, concelleira de turismo do Concello de Tui, este importante número de visitantes certifica a importancia que o turismo posúe na nosa cidade que recibe un importante número de visitantes atraídos polo noso patrimonio cultural e natural. Engade amáis que estes datos da Oficina Municipal de Turismo só recollen unha procentaxe reducida dos visitantes, pois os numerosos grupos organizados que se achegan ata Tui non realizan consultas nesta Oficina de Turismo.

Martes, 11 de outubro de 2011    

A aula da UNED de Tui abre a matricula para o curso senior: inglés I

A aula da UNED de Tui informa que o próximo 28 de outubro comezará un curso de inglés en nivel I para maiores de 45 anos, con independencia da formación académica que posúan.

          O prezo do primeiro cuadrimestre é de 50€.  A clases prolongaranse ata o 17 de febreiro cun total de 30 horas lectivas. Os interesados poden acadar máis información na Aula da UNED de Tui na antigo convento de Santo Domingo ou no teléfono 986 60 51 50.

A matrícula é exclusivamente on-line a través da seguinte páxina web: http://www.extensionuned.es/actividad/2968. O prazo está aberto ata completar o número de prazas sendo imprescindible para realizar a actividade contar cun número mínimo de 18 matriculados.

Os obxectivos das actividades da Uned Senior, dirixidas á maiores de 45 anos, son:

- ofrecer información sobre temáticas de interese xeral coa finalidade de mellorar a súa calidade de vida

- proporcionar coñecementos, aprendizaxes e estratexias para o desenvolvemento integral da persoa e a súa autonomía

- favorecer a comunicación a través das relacións interpersoais e o encontro interxeracional.

As actividades da Uned Senior comezaron a realizar na Aula Universitaria de Tui no pasado curso escolar con senllos cursos de inglés e de achegamento ao patrimonio cultural de Valença e Tui. Estas actividades desenvolvéronse cunha aceptable participación de alumnos, polo que resulta de interese continuar con esta oferta de formación para os veciños de Tui e a súa bisbarra.

Para a concelleira de cultura do Concello de Tui, Vanesa Rodríguez Pereira, a celebración deste curso da Uned Senior, que será complementado con novas accións formativas en breve prazo, consolida a presenza da Aula Universitaria da Uned en Tui que coa súa oferta de actividades abrangue a formación regrada, a través do curso de acceso á universidade para maiores de 25 anos, pero tamén unha formación non regrada como son estes cursos que enriquecen a oferta de formación do noso municipio.

XXIV Mercadiño de antiguidades en Tui

La Asociación de Comerciantes e Industriais de Tui, ACITUI, en colaboración con el  Ayuntamiento de Tui, el próximo  sábado , día 15 de octubre,  realizará en el Paseo de la  Corredera de Tui, el “XXIV Mercadiño de antiguidades” a partir  de las 10:00 hasta las 21:00 horas.

Los objetos antiguos siguen cobrarando protagonismo en este mercadillo, donde además de estar expuestos se podrán comprar gran variedad de antiguedades venidas de distintos puntos de toda Europa en más de 15 puestos.

Acitui anima a todos/as a que este fin de semana se acerquen a Tui y curioseen por el mercadiño, y disfruten de la ciudad.

Luns, 10 de outubro de 2011    

Inglés para maiores de 45 anos na Aula da UNED de Tui

A aula da UNED de Tui informa que o próximo 28 de outubro comezará un curso de inglés en nivel I para maiores de 45 anos, con independencia da formación académica que posúan.

O prezo do primeiro cuadrimestre é de 50€.  A clases prolongaranse ata o 17 de febreiro cun total de 30 horas lectivas.

Os interesados poden acadar máis información na Aula da UNED de Tui na antigo convento de Santo Domingo ou no teléfono 986 60 51 50.

O PSOE tudense denuncia a grave situación ambiental que padece o Río Louro

O Portavoz Municipal do PsdeG-PSOE no Concello de Tui Enrique Cabaleiro, denuncia a grave situación ambiental que padece o Río Louro na marxe da súa desembocadura no Concello de Tui. Unha situación esta, que lonxe de arranxarse está a agravarse nos últimos meses.

Este domingo era perfectamente visible dende a ponte romana situada no “Camiño de Santiago” na Veiga do Louro, como unha cor blanquecina  cubría toda a auga  do seu cauce, así coma era perceptible un cheiro pestilente que se desprendía do mesmo, producido moi probablemente, polos continuos verquidos que está a sufrir este río.

O feito vese agravado pola longa sequía que estamos a padecer, que fai moito máis visible a contaminación que padece tanto o Río Louro coma algúns dos seu afluintes, lembrando que xa no seu momento y para solucionar este grave problema se executou o Proxecto de Saneamento Integral da Cunca do Río Louro e os seus afluintes, no que se investiron preto de cen millóns de euros.

Para Enrique Cabaleiro é difícilmente comprensible que despois de máis dun ano da apertura da EDAR de Guillarei, incluidan o proxecto de saneamento do Río Louro e finalizados os colectores xedrais, este cauce hídrico, un dos máis importantes de Galicia e que desemboca no Río Miño, presente un estado tan lamentable, polo que reclama que se proceda a dar máxima prioridade as obras de finalización dos colectores “secundarios” e o saneamento integral de todo o Concello. así mesmo se reclama que se efectue unha maior vixiancia dos cauces hídricos municipais, para evitar así algún tipo de verquido incontrolado que se poida efectuar nos mesmos.

Cabaleiro lembra que este non é a única situación problemática que existe de contaminación fluvial no Concello, recordando  tamén os nocivos efectos que se poden producir no cauce do Río Furnia, si non se arranxan as graves deficiencias atopadas na execución  dos colectores de saneamento de ese Río, y que dunha maneira reiteranda levan denunciando os veciños das parroquias de Pexegueiro e Malvas en Tui.

Para a executiva socialista tudense, a defensa do medio ambiente e o patrimonio natural do Concello de Tui van a ser unha prioridade ao longo de toda a lexislatura, y dentro de este ámbito, faise necesaria a adecuación e posta en valor dos múltiples cauces hídricos que ten o Concello, polo seu alto valor medioambiental e coma principal fonte de recursos vencellados ao disfrute do medio e o lecer.

Sábado, 8 de outubro de 2011    

Inauguración dunha exposición de José Carlos Guerra en Trisquel e Medulio

Hoxe, sábado ás 20.30h terá lugar na Galería de Arte “Trisquel e Medulio” de Tui a inauguración dunha exposición de pintura de Jose Carlos Guerra.  Coincidindo coa inauguración haberá un concerto de tangos a cargo de Rebagliati.

A exposición permanecerá aberta ata o 20 de novembro de luns a venres de 17 a 21h e o sábados de 11 a 14h.

II Serán en Ribadelouro, Tui

O torreiro da festa de Ribadelouro acolle hoxe a partir das nove da noite o II Serán organizado polo Centro Cultural Santa Columba de Ribadelouro. Haberá chourizos, pan, viño e chocolatada gratis. Os que queiran participar poden inscribirse no 618 289 315 ou mañá antes do comezo do serán.

A Deputación de Pontevedra concede os premios Entreculturas 2011 ao Concello de Tui e ó Centro Galicia de Buenos Aires

Os Premios Entreculturas 2011, que entrega cada ano a Deputación de Pontevedra, recaeron nesta ocasión no Centro Galicia de Buenos Aires e no Concello de Tui.

Os premios, dotados con 6.000 euros para cada entidade, teñen como finalidade potenciar a sociedade civil e apoiar a entidades e personas que, dende unha e outra beira do Atlántico, traballan pola mellora e integración de emigrantes e inmigrantes. Os galardóns serán entregados o vindeiro 12 de outubro en Baiona, vila que acolleu a arribada da carabela Pinta coa nova do Descubrimento de América e do encontro de culturas que o fito supuxo.

No caso do Centro Galicia de Buenos Aires, que preside o estradense José María Vila Alén, o xurado valorou a súa intensa actividade a favor dos emigrantes galegos na Arxentina. Creado en 1979 trala fusión dos Centros Coruñés, Lucense, Ourensán e Pontevedrés, o seu obxecto é defender e potenciar a cultura galega, os seus siños de identidade, a enseñanza e o cultivo da solidaridade.

O Centro Galicia conta con 13.200 socios e, entre outras actividades, xestiona o Colexio Santiago Apóstol, as instalación sociais e deportivas de Olivos cun un pavillón de 2.000 m2 e canchas, pistas, campos de fútbol e diversas instalación de ocio e relación social.

No caso do O Concello de Tui, o galardón foi otorgado polo seu compromiso na prestación de servizos no ámbeto cultural e social a favor da emigración e inmigración, así como polas súas iniciativas culturais, laborais, educativas, sanitarias e con diversos programas específicos adicados á muller e á mocidade inmigrante.

O Concello de Tui dirixe a súa laboura especialmente ós 750 inmigrantes empadroados no concello que, polo carácter fronteirizo do concello con Portugal, son maioritariamente portugueses.

Os Premios Entreculturas concedense dende o ano 2004 cando resultaron gañadores  o Arquivo da Emigración Galega e o Centro Galego de Montevideo, o máis antigo do mundo.

En 2005 foron galardoados a Fundación Cume, de Redondela, e o Fogar Galego para Anciáns de Domselar, en Bos Aires. En 2006, Francisco Fernández del Riego e a Irmandade Galega de Venezuela. En 2007, a Fundación Balms para a infancia, de Vigo, e a Asociación Caballeros de Santiago, de San Salvador de Bahia, en Brasil. No 2008, o Concello de Ponteareas e o Centro Hijos de Lalín de Buenos Aires . En 2009, Celestino Pichel Bouzas _un emigrante de Viascón (Cotobade) no Uruguai que é, ós seus 83 anos, o gaiteiro máis lonxevo de América_ e ó Concello de Cambados. No 2010, o Concello de Pontecaldelas e Centro Galego de México. E, finalmente, este ano de 2011, os Premios Entreculturas recaeron no Concello de Tui e no Centro Galicia de Buenos Aires.

Programación de outono da Casa da Xuventude de Tui

CURSO DE BATUKA

Para mozos de entre 12 e 35 anos. Comeza o curso o día 19 de outubro e rematará o 14 de decembro. Celébrase os mércores de 17.15 a 18.30 horas.

XORNADAS DE MICOLOXIA

Impartidas pola empresa Helios (educación e interpretación ambiental) e coa colaboración do Parador de Tui.

As xornadas terán o seguinte programa:

     - Charla

     - Saída, clasificación e degustación

Poderán participar tódolos interesados a partir de 16 anos e terán prioridade os mozos de ata 35 anos. As prazas son limitadas e cubriranse por orde de inscrición.

EXPOSICION CIRCUITO DE CREATIVIDADE

A Casa da Xuventude de Tui acolle desde o 14 ao 26 de outubro a exposición Circuito de Creatividade integrada polas obras premiadas no Certame Galego de Creadores Novos da edición 2009-2010 na modalidade de Artes Plásticas.

EXPOSICION:  CERTAME DE FOTOGRAFÍA “VIAXANDO” 

No V Certame de Fotografía “Viaxando” , organizado pola Casa da Xuventude de Tui, e as Oficinas Municipais de Información Xuvenil de A Guarda, O Rosal, Tomiño, O Porriño, Salceda de Caselas, Gondomar e Baiona, foron presentados finalmente 19 traballos.

A exposición dos traballos presentados estará na Casa da Xuventude entre o 17 de novembro e o 15 de decembro. Esta exposición está integrada no

OUTONO FOTOGRAFICO organizado pola Casa da Xuventude de Ourense.  

A exposición viaxará nos vindeiros meses por tódolos concellos organizadores a través das súas OMIX. A próxima parada será Salceda de Caselas que acollerá a exposición durante o mes de decembro.

Venres, 7 de outubro de 2011    

Fulano, Mengano e Citano presenta en Tui “”Viva a crise!”

A compañía Fulano, Mengano e Citano volve mañá sábado a Tui para presentar no Teatro Municipal de Tui a súa última montaxe ”Viva a crise!”. A función comezará ás 20.30h e durante 70 minutos está garantido o humor e as risas características deste trío de actores.

 “Viva a Crise!!” é unha  serie de historias entrelazadas que se desenvolven arredor deste tempo difícil que nos toca vivir, aderezas con sátira, crítica e actualidade fresca, ademais de con moito humor.  Nesta obra Fulano, Mengano e Citano propoñen ollar a crise dun xeito diferente, e aínda que non a van solucionar si axudan a pasala cun sorriso na faciana.

A compañía Fulano, Mengano e Citano está formada polos actores Manuel Pombal, Manuel Botana e Suso Pando. Dende 1994 presentan divertidas obras teatrais coma "Cheiro de Estrelas”, "Shss...Calma", "O Faro" e "Arte" de Yasmina Reza. Na actualidade amais de "Viva a Crise" tamén teñen en cartel "Nunca Menos". Nas ocasións anteriores en que estiveron en Tui tiveron gran éxito de público chegando a colgar o cartel de cheo.

As entradas para o espectáculo custan 5€ e 3€ e pódense adquirir na web www.culturatui.info, ou o sábado dende ás 19h no despacho de billetes.

O Concello de Tui galardoado co premio Interculturas da Deputación

O Concello de Tui foi galardoado co premio Interculturas da Deputación de Pontevedra no apartado de “persoa ou entidade de ámbito galego”. O premio é concedido, segundo figura na acta do xurado, polo “seu compromiso na prestación de servizos no ámbito cultural e social a favor da emigración e inmigración, e polas súas iniciativas no ámbito cultural, sociolaboral, educativo e sanitario con programas específicos dedicados á muller e á mocidade inmigrante.

Destaca o xurado que a labor desenvolvida no Concello de Tui vai dirixida especialmente a máis de 750 inmigrantes empadroados no municipio, que polo seu carácter fronteirizo con Portugal, boa parte son de nacionalidade portuguesa.

O premio está dotado con 6 mil euros e concédese pola labor social e cultural cos emigrantes e inmigrantes do Concello de Tui.

O premio será entregado o próximo mércores, 12 de outubro, coincidindo coa festa da Hispanidade. Os premios Entreculturas concédeos a Deputación Provincial de Pontevedra dende o ano 2005 a persoas e entidades que salientan polo seu labor desde dentro e fóra de Galicia en pro da solidariedade, a integración o mutuo apoio e a profundización do coñecemento entre os pobos.

Con estes premios a Deputación Provincial da un novo enfoque á celebración do Día da Hispanidade e pretende subliñar o papel da provincia de Pontevedra como ponte entre Portugal e Galicia, Galicia e España e España e o mundo hispánico. Pretende tamén conmemorar o encontro entre culturas que supuxo a xesta de Colón, na que participou activamente a provincia de Pontevedra. E, sobre todo, quere axeitar a tradicional celebración do 12 de outubro á nova realidade social da provincia, Galicia e España como terra de acollida, de encontro entre culturas e de integración de emigrantes. 

Para o Alcalde de Tui, Moisés Rodríguez Pérez, a concesión deste premio é unha gran satisfacción para o Concello de Tui que por medio dos diversos departamentos municipais ven traballando, dende hai moitos anos, no labor de integración e promoción do colectivo de inmigrantes existente no noso municipio e na intensificación da colaboración transfronteiriza. Un labor asentado de atención a inmigrantes e emigrantes retornados, que en virtude do convenio asinado coa Xunta de Galicia para a creación dunha oficina específica, ten afondado neste importante labor.

A condición fronteiriza do noso municipio, manifesta Moisés Rodríguez Pérez, axuda de xeito eficaz neste labor pois os tudenses están acostumados a convivir con xentes doutras nacionalidades e podemos afirmar que existe unha asentada integración destes colectivos na vida social da cidade. As actividades que en diversos ámbitos municipais se desenvolven son unha eficaz ferramenta para acadar este obxectivo e lograr, cada día, cotas máis amplas de integración. Especial mención, engade o alcalde, é para o colectivo de inmigrantes lusos que de sempre manteñen unha completa integración na vida local que agora acadará maior relevancia coa sinatura do acordo de creación da “Eurocidade” con Valença do Minho.

O alcalde tudense remata agradecendo ao xurado deste premio e á Deputación Provincial este galardón e ao persoal do Concello que traballan nestes ámbitos o seu labor agora amplamente recoñecido.

A orquestra e coro Gaos interpretará o Requiem de Mozart

A Catedral de Tui acolle este domingo ás 19.30h un concerto da Orquestra e Coro Gaos enmarcada no Ciclo de concertos nas Catedrais Galegas organizada pola Consellería de Cultura enmarcado na conmemoración do Ano da Música de Galicia 2011.

A Orquestra e o Coro Gaos, unha das formacións musicais máis nova, activas e con maior proxección de Galicia,  interpretará a ‘Misa de Réquiem en re menor’, de Wolfgang Amadeus Mozart, unha peza que se ten convertido nunha referencia inescusable da música sacra. Esta formación está dirixida por Fernando L. Briones  e actuarán como solistas Carmen Subrido, soprano, Nuria Lorenzo, mezzosoprano, Francisco Corujo, tenor e Borja Quiza, barítono.

A Orquestra Gaos, creada en 2009, está formada por músicos de toda Galicia, principalmente, estudantes e profesores dos principais conservatorios galegos. Neste dous anos ten desenvolvido unha intensa actividade concertística.

Así grazas á participación da orquestra na presentación do Xacobeo 2010, a formación comparte escenario coa soprano chilena Cristina Gallardo-Domâs, coa que realiza a súa primeira gravación discográfica: un cd con 14 temas galegos orquestrados por Juan Durán. Participou no XXIII Concurso Internacional de piano Cidade de Ferrol, e ofreceu un concierto coa soprano galega Teresa Novoa. Amais a Orquesta Gaos ten a súa propia temporada de concertos no Teatro Colón da Coruña e xa está inmersa na súa terceira temporada na que participarán o pianista Gabriel López, o violinista Javier Cedrón ou o frautista André Cebrián. Ademais, estreará obras de cinco compositores galegos e, en decembro, realizará unha gala lírica coa soprano Ainhoa Arteta. Está dirixida por Fernando L. Briones.

Pola súa parte o Coro Gaos naceu en setembro de 2010 como continuación do proxecto da Orquesta Gaos. Está constituído por 50 voces e todos eles teñen unha ampla experiencia en diferentes coros da comunidade. Reciben formación vocal mediante clases de técnica con profesoras da categoría de Mª Carmen Subrido ou Manuela Soto, así como mediante a organización de cursos de canto con importantes figuras da lírica.

Misa de Réquiem en re menor, K626W. A. Mozart

Orquesta e Coro Gao

Fernando L. Briones, director

Carmen Subrido, soprano

Nuria Lorenzo, mezzosoprano

Francisco Corujo, tenor

Borja Quiza, barítono

I. INTROITUS

Requiem

II. KYRIE

III. SEQUENZ

nº 1 Dies irae

nº 2 Tuba mirum

nº 3 Rex tremendae

nº 4 Recordare

nº 5 Confutatis

nº 6 Lacrimosa

IV. OFFERTORIUM

nº 1 Domine Jesu

nº 2 Hostias

V. SACNTUS

VI. BENEDICTUS

VII. AGNUS DEI

VIII. COMMUNIO

Xoves, 6 de outubro de 2011    

ACITUI organiza unha selección de modelos para un Desfile

A Asociación de Comerciantes e Industriais de Tui convoca unha selección de modelos este venres ás 18h na Sala Metropol para formar parte dun desfile que van celebrar o sábado 29 ás 23h na Sala Metropol. Precisan seis nenos e nenas a partir de 5 anos, e tamén 12 mozas e 3 mozos, tal e coma explicaba Ángela Estévez, xerente de ACITUI, na RMT

Explicaba que realizan esta selección de modelos porque considera que en Tui existen persoas con cualidades para desfilar. A selección será realizada por unha modelo profesional.

A entrada será totalmente gratuíta e contarase coa actuación dun monologuista e da Escola de Danza Paula Cobián. No desfile colaboran a Sala Metropol e a Sociedade Electricista de Tui.

As persoas interesadas en participar na selección de modelos non teñen máis que presentarse este venres ás 18h na Sala Metropol.

Fulano, Mengano e Citano presenta en Tui “”Viva a crise!”

A compañía Fulano, Mengano e Citano volve este sábado a Tui para presentar no Teatro Municipal de Tui a súa última montaxe ”Viva a crise!”. A función comezará ás 20.30h e durante 70 minutos está garantido o humor e as risas características deste trío de actores.

 “Viva a Crise!!” é unha  serie de historias entrelazadas que se desenvolven arredor deste tempo difícil que nos toca vivir, aderezas con sátira, crítica e actualidade fresca, ademais de con moito humor.  Nesta obra Fulano, Mengano e Citano propoñen ollar a crise dun xeito diferente, e aínda que non a van solucionar si axudan a pasala cun sorriso na faciana.

A compañía Fulano, Mengano e Citano está formada polos actores Manuel Pombal, Manuel Botana e Suso Pando. Dende 1994 presentan divertidas obras teatrais coma "Cheiro de Estrelas”, "Shss...Calma", "O Faro" e "Arte" de Yasmina Reza. Na actualidade amais de "Viva a Crise" tamén teñen en cartel "Nunca Menos". Nas ocasións anteriores en que estiveron en Tui tiveron gran éxito de público chegando a colgar o cartel de cheo.

As entradas para o espectáculo custan 5€ e 3€ e pódense adquirir na web www.culturatui.info, ou o sábado dende ás 19h no despacho de billetes.

Mércores, 5 de outubro de 2011    

Panamesiana Teatro achega este venres unha aventura para nenos a partir de 3 anos: “Oh, qué bonito é Panamá”

Dentro de programación cultural organizada pola Concellería de Cultura de Tui este venres o Teatro Municipal de Tui acolle a representación da obra “Oh, qué bonito é Panamá” a cargo de Panamesiana Teatro. A obra, con 50 minutos de duración, vai dirixida a público familiar a partir dos tres anos.

Os protagonistas de “Oh, qué bonito é Panamá” son Oso Pequeno e Tigre Pequeno que viven nunha casiña-caravana á beira dun lago. Un día tras atopar unha caixa con olor a plátano  que leva inscrita a palabra “Panamá” de deciden emprender a súa viaxe, e aí comeza a aventura.

Segundo a propia compañía “Oh, qué bonito é Panamá é “un xogo de teatro, monicreques, música e clown coa inocencia, a amizade, o respecto á natureza e a felicidade das pequenas cousas como protagonistas absolutos”.

Petra Hofmann dirixe esta montaxe ao tempo que forma parte tamén do elenco de actores xunto a Mónica García e Tomás Lijó.

 “Oh, qué bonito é Panamá” xurde tras confluír unha serie de circunstancias coa chegada a Galicia da actriz alemá Petra Hofmann. A súa experiencia na montaxe deste texto de Janosch no teatro nacional alemán, a súa peregrinaxe a Compostela en 2009, e o encontro cos outros membros da compañía deron lugar a montaxe.

As entradas custan 3€ e 2€ e pódense adquirir na web www.culturatui.info, ou o venres dende ás 18.30h no despacho de billetes.

NOTA: Na axenda cultural Corredoira esta obra figura para o venres 21 de outubro xa que houbo en un cambio e a actuación de Pista Catro prevista para este venres 7 adiouse para o 21, de tal xeito que Panamesiana Teatro actúa este venres ás 20h.

O alcalde de Tui nomeado Confrade Maior de Iacobus

O alcalde de Tui, Moisés Rodríguez, será nomeado hoxe coma Confrade Maior de Iacobus, a Confraría de Santiago de Tui e Baixo Miño. Segundo informa a presidenta de Iacobus, Mª Victoria Álvarez Fernández, o acto terá lugar mañá ás cinco e media da tarde no concello de Tui.

Exposición do censo electoral

Ata o próximo luns, 10 de outubro, está exposto o censo electoral de Tui co gallo das eleccións xerais do 20 de novembro. O censo electoral pode consultarse na oficina de Empadroamento na Casa do Concello de luns a venres de 9 a 14h.

Comezan distintos cursos na Casa da Xuventude de Tui

A Casa da Xuventude vai recuperando neste comezo de outubro as súas actividades tanto a programación propia coma a das distintas asociacións que se imparten na casa. Así o explicaba a directora deste centro xuvenil, Mónica Bugarín, na RMT dando conta de que precisamente as primeiras en iniciarse son as da Asociación de Amas de Casa con clases de pandeireta e taichi. A estas súmanse as de Corpo e Consciencia,e o curso de gaita de Asociación Gaideón.

            Xa no que respecta á programación da propia Casa da Xuventude temos que agardar a finais de semana a que se confirme a oferta.

Por outra parte neste centro xuvenil seguen tendo a dispor da mocidade a información sobre as actividades organizadas para eles tanto por parte de institucións coma de distintos colectivos. Este é o caso Do V Encontro da Mostra Asociativa Xuvenil I Foro Emprende da Dirección Xeral de Xuventude. Será en Vilagarcía de Arousa. Haberá autobús dende Tui para acudir a esta cita o 28, 29 e 30 de outubro. 

Nicolás Lorenzo, concelleiro de Deportes, “O descenso será a proba mimada, ten que ser a festa do verán en Tui”

Hoxe ás cinco da tarde terá lugar no novo pavillón de deportes de Tui a presentación das Escolas deportivas de fútbol, balonmán e patinaxe da Deputación de Pontevedra, en colaboración co Concello e cos clubs locais.

O concelleiro de Deportes, Nicolás Lorenzo Montes, explicaba no programa Día a Día da Radio Municipal de Tui  que ante a gran demanda rexistrada lograron aumentar o número de prazas que se ofertaban ata chegar aos 450 nenos e nenas, unha cifra notablemente superior aos 380 do ano pasado.

En patinaxe hai unha gran aceptación por parte desta actividade polo que o edil sinalaba que o ideal sería a creación dun club de patinaxe para o que contarían co apoio do Concello.

No caso de patinaxe a inscrición está xa pechada, pero para fútbol e balonmán os interesados están aínda a tempo de anotarse.

Por outra parte xa a nivel de concellería de Deportes o seu responsable recoñecía a importante labor que realizan os clubs locais, e avanzaba que están traballando para poder concederlles subvencións de maior entidade.

Nicolás Lorenzo explicaba que cando chegou á concellería a primeira acción foi reunirse con todos os clubs deportivos para coñecer os problemas e necesidades que teñen. Tamén visitou as instalacións deportivas para coñecer in situ as carencias que teñen cada un deles e cómo lles poden axudar dende o Concello.

Por outra parte en canto as actividades deportivas afirmaba que a nena mimada da concellería vai ser o Descenso Internacional do Miño, facendo unha aposta clara por esta proba, así coma polo descenso popular, xa que considera que esta ten que ser a festa do verán do municipio. Están xa traballando na próxima edición.

Con respecto ao trofeo interuniversitario celebrado na fin de semana indicaba que teñen que traballar para lograr unha maior repercusión, logrando tamén unha maior implicación das seis universidades participantes, de tal xeito que no evento tomen parte moitas máis persoas. Tamén indicaba que ao mellor é preciso enfocala noutro deporte para atraer máis xente, coma un trofeo de fútbol ou unha olimpíada.

Tamén aposta Nicolás Lorenzo por potenciar a Travesía a Nado que se recuperou este ano tras máis dunha década sen celebrarse. Pero en 2012 pode haber tamén novidades coma a celebración dunha proba de 10 mil metros entre Valença e Tui en colaboración co Club Atletismo Tui.

Tamén estudan a posibilidade de instalar distintas pistas multideportivas ou de skate de cara ao ano que vén, para o que haberá partida nos orzamentos da Concellería. Tamén pretende nestas contas incluír os cartos precisos para realizar unha intervención urxente na pista do Penedo.

Por outra parte daba conta de que están traballando nunha liña de becas-premios para os deportistas que conseguen excelentes resultados, coma está acontecendo. Entre os seus obxectivos está ser accesible para os clubs e os deportistas.

Por último e xa a nivel persoal manifestou sentirse orgullo de ser o concelleiro de Deportes.

A Asociación Arcebispo Lago reclama ó Consello que se destine a traseira do edificio S. Paio (Área Panorámica) aos usos para o que está disposto no recentemente aprobado PXOM

            A Asociación Arcebispo Lago reclama ó Consello que se destine a traseira do edificio S. Paio (Área Panorámica) aos usos para o que está disposto no recentemente aprobado PXOM de Tui.

Os tales uso son, segundo a Ordenanza nº 9 dese PXOM, os seguintes: xogos infantís, xogos  e áreas de deporte non regulado ó aire libre, áreas de plantación e axardinamento, illas de estancia, repouso e recreo pasivo, quioscos de música, postos de revistas, paxaros, flores, etc, servizos hixiénicos públicos, pequenas construccións destinadas á venda de bocadillos, bebidas, etc.

            Igualmente recorda este colectivo que a citada Ordenanza nº 9 prevé para a traseira do S. Paio (Espacio Libre de uso e dominio público –EL 146) que se poderá autorizar o uso do subsolo para garaxe aparcadoiro soamente nas zonas onde non exista densidade de masa arbórea.

            Una vez aprobado o PXOM son ilegais, a saber:

-- o uso de aparcadoiro en superficie actualmente consentido nese EL 146,

-- así como as obras de acondicionamento tendentes a consolidalo como zona de aparcamento en superficie,

-- e o gasto de diñeiro público nesas obras.

O PXOM obriga, logo a súa execución é esixible ante o Concello e, se necesario for, ante os tribunais; razón pola que a Asociación Arcebispo Lago denuncia ante o Concello as ilegalidades que el mesmo comete e suplica se incoe expediente de reposición da legalidade respecto de EL 146 adoptando as resolucións oportunas para acomodalo ós usos dispostos no vixente PXOM, a disposición da realidade física alterada e as eventuais responsabilidades de calquera tipo que se poidan determinar.

Martes, 4 de outubro de 2011    

Mañá mércores preséntanse as escolas deportivas de patinaxe, balonmán e fútbol

Mañá mércores  ás cinco da tarde terá lugar no Novo Pavillón Deportivo Municipal de Tui, o acto de inicio das Escolas Deportivas da Deputación de Pontevedra.

Nesta presentación estarán a deputada Provincial, Marta Iglesias, o alcalde de Tui, Moisés Rodríguez, o concelleiro de Deportes, Nicolás Lorenzo, así como os responsables dos tres deportes da escola: fútbol, balonmán e patinaxe. Ao acto están convidados os pais, nais e titores dos nenos e nenas inscritas nestas actividades.

Tras esta presentación, o responsable da Federación Galega de Patinaxe, Alberto Covelo xunto a monitora da actividade, manterán unha reunión cos pais, nais ou titores dos nenos e nenas inscritos na escola de patinaxe. Nesta reunión informarase aos mesmos dos horarios e grupos establecidos este ano, no que máis de 140 nenos/as se inscribiron.

En total neste curso serán máis de 400 os nenos e nenas participantes nas escolas de patinaxe, fútbol e balonmán.

Curso de castelán para mulleres estranxeiras  do concello de Tui

Hoxe comeza a impartirse en Tui un curso de castelán para mulleres estranxeiras. Está organizado pola Concellería de Servizos Sociais a través da Oficina de atención a inmigrantes e emigrantes retornados.

No curso, que se estenderá ata o día 13 deste mes, van participar 12 mulleres estranxeiras  do municipio.

Esta actividade conta cunha parte de financiamento do Ministerio de Traballo e Inmigración e da Secretaría Xeral da Emigración, e con ela preténdese favorecer a integración social das mulleres inmigrantes que se encontran en situación de especial vulnerabilidade, agravada pola barreira que o descoñecemento do idioma supón para a comunicación e o desenvolvemento de calquera actividade da vida diaria e o establecemento de relacións sociais.

Moisés Rodríguez fai un balance positivo dos cen primeiros de goberno

O alcalde de Tui, Moisés Rodríguez, fixo onte á mañá un balance positivo dos cen primeiros días do seu mandato. Destacaba que se trata dun novo equipo de goberno no que só tres dos nove membros tiñan experiencia política previa. Os outros seis explica que se están adaptando ao proceso de traballo na administración.

Para Moisés Rodríguez o mellor destes cen primeiro días é “que se xerou ilusión de cambio, que se ve un goberno forte e unido”. Engadía que outras administracións está respondendo tamén ás solicitudes que se fan dende o Concello. En canto á peor parte deste cen días destacaba o importante número de persoas que se achegan ao Concello para solicitar axudas ou traballo debido a actual situación económica.

Entre as tres principais prioridades o rexedor municipal destacaba o novo centro de saúde, a escola infantil e o centro de día. Con respecto ao novo centro de saúde explicaba que proximamente virá a Tui a Conselleira de Sanidade para presentar o proxecto, explicando que o inicio da obra será pronto. En canto á Escola Infantil indicaba que se está tramitando a desafectación da parcela para a súa construción.

Neste balance dos cen primeiros días Moisés Rodríguez referíase tamén á conexión ferroviaria con Oporto e Vigo, salientando que era prioritario que este servizo non parase, e aludiu as distintas iniciativas realizadas para evitar a súa supresión.

Outro dos temas nos que avanzou nestes primeiros meses o goberno municipal foi no proxecto para a apertura da rúa Ourense, contando xa co proxecto para a expropiación das vivendas Do mesmo xeito se ten avanzado na compra da Finca Lagarteira, están agardando que os Maristas acepten a oferta feita dende o Concello para acudir ao notario para escriturar o inmoble.

Os trámites iniciados por Tui e Valença para constituírse en Eurocidade figuran tamén no balance municipal feito por Moisés Rodríguez, que avanzou que tanto el coma o presidente da Cámara de Valença foron convidados a unha reunión de traballo á Eurocidade Verín-Chaves.

O cumprimento dos prazos marcados na redacción do Plan Especial do Conxunto Histórico foi outro dos temas destacados, ao que engadiu coma prioritario avanzar no desenvolvemento do PXOM unha vez que este documento está xa aprobado.

Por outra parte o alcalde de Tui fixo referencia a outra cuestións coma a reapertura das portas principais do Concello, a renovación da páxina web, a creación dunha concellería do Conxunto Histórico, e a aprobación dun regulamento orgánico dos plenos. Amais aludía a limpeza feita de monumentos afectados por pintadas, ao bando emitido para a limpeza de fachadas e ornato público, ou ao referido ao consumo responsable da auga.

Mencionaba tamén o mandatario municipal a recente visita do Conselleiro de Industria á empresa Nor Rubber, ou a visita da delegación oficial de Versmold, que o concello devolverá neste mes de outubro, así comas os distintos grupos que pasaron pola cidade co gallo da JMJ, entre eles o grupo australiano interesado en coñecer as orixes do Bispo Salvado.

Fixo amais Moisés Rodríguez un balance das distintas áreas, e avanzou que están traballando xa nos orzamentos e nas ordenanzas municipais de 2012.

Inauguración dunha exposición de José Carlos Guerra en Trisquel e Medulio

Este sábado ás 20.30h terá lugar na Galería de Arte “Trisquel e Medulio” de Tui a inauguración dunha exposición de pintura de Jose Carlos Guerra.  Coincidindo coa inauguración haberá un concerto de tangos a cargo de Rebagliati.

A exposición permanecerá aberta ata o 20 de novembro de luns a venres de 17 a 21h e o sábados de 11 a 14h.

Comprobación das listas do Censo Electoral no Rosal

Ata o10 de outubro, poderán consultarse nas oficinas do concello as listas do Censo Electoral que se utilizarán nas Eleccións a Cortes Xerais do vindeiro 20 de novembro.
          É conveniente que aquelas persoas que cambiasen de domicilio, ou que cumprisen 18 anos recentemente comproben a súa correcta inscrición no censo, sendo necesario a identificación da persoa (mediante D.N.I., pasaporte ou permiso de conducir).

Luns, 3 de outubro de 2011    

Convocatoria de rolda de prensa

Hoxe, luns, ás 11,30 horas terá lugar na Sala de Concelleiros da Casa do Concello de Tui unha rolda de prensa para dar conta do balance dos 100 días de xestión do goberno municipal que preside o alcalde, Moisés Rodríguez Pérez.

Sábado, 1 de outubro de 2011    

Aberta a inscrición para curso “Webs para mobiles” no mes de outubro na rede CeMit

A Aula da Rede CeMit de Tui acollerá un curso no vindeiro mes de outubro, no marco do Programa de Formación Multimedia e Audiovisual da Rede CeMIT, co título Curso de creación de webs para dispositivos móviles, con dúas quendas: a primeira na Semana do 24 ao 27 de outubro e a segunda, do 31 de outubro ao 3 de novembro.

O obxectivo do curso é fornecer unha idea clara de como planificar o deseño dun sitio web orientado ás plataformas móbiles, falando das peculiaridades da web móbil fronte ao deseño web tradicional.

É preciso que os interesados/as neste curso teñan coñecementos de desenvolvemento de web tradicional con HTML e estilos, así como comprendan a diferenza entre contido e visualización e ter deseñado sen usar táboas.

A inscrición está aberta ata o 10 de outubro,  e os interesados poden realizala on-line a través da páxina web: http://www.cmg.xunta.es/of_cursosonline.php tamén poden solicitar máis información en: formacion-cemit@xunta.es ou no teléfono 902 222 321.

O modelo formativo deste curso baséase no concepto de blended learning, é dicir, combina actividades presenciais, síncronas e de e-learning. Así, durante os cinco días de duración do curso, emitirase un capítulo do video documental realizado para a ocasión cos contidos do curso, seguido dunha explicación e resolución de dúbidas (tutorización) polo técnico experto, utilizando a plataforma de teleformación.

Aquelas persoas que superen satisfactoriamente os contidos do curso, recibirán un diploma acreditativo expedido pola entidade organizadora.

           Está tamén aberto o  prazo de inscrición para o Curso de streaming de audio e video, igualmente con dúas quendas: do 21 ao 24 de novembro e do 28 de novembro ao 1 de decembro

Neste caso é preciso ter coñecementos de medios de informática e recoméndase ter usado ferramentas informáticas de edición de vídeo.

A inscrición está aberta ata o 07 de novembro

Actividades en la Casa da Xuventude de Tui organizadas por asociaciones

La Casa da Xuventude de Tui informa de las distintas propuestas que se ofrecen en octubre, por  iniciativa de distintos colectivos.

Se iniciará, a partir del 4 de octubre de 19 a 20.30 horas, un curso de gaita, promovido por la Asociación Gaideón

Este curso se prolongará hasta junio de 2012.

Por su parte la Asociación Española de Cuerpo y Consciencia oferta el Curso de cuerpo y consciencia, que se impartirá los jueves de 19.00 a 20.30 horas, desde el 6 de octubre hasta junio de 2012.

Inicio das escolas deportivas Deputación de Pontevedra en Tui

O próximo mércores, 5 de outubro, ás 17 horas, no Novo Pavillón Deportivo Municipal de Tui, terá lugar o acto de inicio das Escolas Deportivas da Deputación de Pontevedra. Ao mesmo acudirán a Deputada Provincial, Marta Iglesias o Alcalde de Tui, Moisés Rodríguez, o Concelleiro de Deportes, Nicolás Lorenzo, así como os responsables dos tres deportes da escola.

A este acto invítase a tódolos pais, nais e titores dos nenos e nenas inscritas nestas actividades.

Escola de patinaxe

Tras esta presentación, o responsable da Federación Galega de Patinaxe, Alberto Covelo xunto a monitora da actividade, manterán unha reunión cos pais, nais ou titores dos nenos e nenas inscritos na escola de patinaxe.

Nesta reunión informarase aos mesmos dos horarios e grupos establecidos este ano, nel que máis de 140 nenos/as se inscribiron.

Sábado, 30 de outubro de 2010 

Aprobado o documento completo do PXOM de Tui tal e coma requiría a Secretaría Xeral de Ordenación do Territorio

Cos votos a favor do PP, AT e TUI e a abstención do PSOE e BNG o xoves foi aprobado en pleno o documento íntegro do Plan Xeral de Ordenación Municipal de Tui. Así o requiriu a Secretaría Xeral de Ordenación do Territorio que é quen se debe pronunciar sobre a aprobación definitiva do PXOM tudense. Logo do trámite plenario completado onte o documento terá agora que ser dilixenciado e remitido de novo á Xunta. Segundo se expuxo no pleno de onte amais de solicitar a aprobación plenaria do documento completo a Secretaría Xeral de Ordenación do Territorio pedira realizar seis novas correccións destacando entre elas unha explicación da capacidade edificatoria do Plan, unha memoria aportando unha clasificación máis detallada do solo urbano, e unha memoria aportando unha xustificación do risco de inundación.

O debate do punto prolongouse durante case unha hora e no mesmo volveron escoitarse voces críticas co contido do planeamento referidas principalmente á edificabilidade prevista de B+5, á area industrial de Ribadelouro ou á zona deportiva de Veiga do Louro. Cuestións que foron criticadas unha vez máis polo PSOE, o BNG e AT.

Dende o Partido Socialista o seu voceiro Manuel Freiría expuña que coa suspensión do Plan realizado no seu día polo Conselleiro Cuíña “Tui comezou un calvario terrible que leva case 10 anos amargándonos a vida”. Neste tempo expuña que se lle deron moitas voltas ao planeamento e con retrasos, acumulándose agora un novo ao ter que volver o Plan ao pleno para ser aprobado na súa integridade, cuestión que Freiría lembraba insistiran no pleno de xullo onde se aprobaran as modificación e non se lles fixo caso. Os socialistas aproveitaron onte para presentar seis emendas que non foron nin votadas, xa que segundo a secretaria tiñan que ter sido presentadas en comisión, nas que propuñan grafiar de novo os castiñeiros da Finca Patazumba, suspender o solo urbanizable nº3 que rodea o barrio da Magdalena en Ribadelouro, eliminar a zona deportiva da Veiga, trazar unha rúa entre o barrio do Carballo e a estrada que vai a Anta en Areas, ampliar a zona deportiva Álvarez Durán, e limitar a edificación en todo o concello a B+3.

Laureano Alonso, voceiro do BNG, expuña que “estamos fartos desta situación” engandido que  “o BNG pensa que xa é hora de saír desta longa noite de pedra na que o PP nos leva tantos anos metidos”. Referiuse o voceiro nacionalista as suspensións e correccións solicitadas no plan, entre elas as 80 sinaladas en 2007 pola Consellería que no seu parecer “era unha cuestión política aceptar todo o que dicía aquel documento”. Logo referiuse ao tratado nunha comisión informativa, que non son públicas, polo que o Alcalde lle retirou a palabra. Proseguiu por tanto a intervención a súa compañeira Carmen Verde que en primeiro lugar apuntaba que “seguimos nunha situación caótica respecto ao Plan” engandindo que “hai moitísimas modificación a realizar”. Demandaba que “o PXOM sexa exposto de novo ao público porque os veciños e veciñas teñen dereito a ver o Plan” Nese senso presentaba unha emenda solicitando que antes da súa probación o Plan Xeral volvese a exposición pública.

Un plantexamento inicial erróneo foi o argumento esgrimido na súa intervención por Miguel Capón Rey de Acción Tudense xa que coma ten manifestado en ocasións anteriores no seu parecer tería que terse adaptado o Plan do 94 á Lei do Solo e non partir de cero cun novo plan. Máis aló diso dicía que nestes intres había que “facer un exercicio de responsabilidade” xa que considera que “nestes momentos é mellor ter un plan que non nos guste a ter a situación na que estamos” e referíase ao prexuízo que a carencia de plan está causando ás pequenas empresas da construción.  Por iso dicía que pese a todos os inconvenientes que ven no planeamento ía votar a favor do PXOM xa que é necesaria a maioría absoluta para a súa aprobación.

Jose Manuel González Pérez de Tudense Unidos Independentes avanzaba tamén o seu voto a favor do Plan.

Tamén interviña José Prada para desexar que “este sexa o último escollo para aprobar o Plan” que sinalaba “está bastante reducido con respecto ás ambicións de tiñamos”. E preguntaba se habería lugar a unha nova exposición ao público.

A secretaria municipal sobre a exposición pública apuntada polo BNG e José Prada indicaba que esa exposición é un paso que se dá trala aprobación inicial, polo que dicía que agora na aprobación provisional carece de sentido porque se presentarían alegacións que ninguén resolvería. Só no caso de que a Xunta considerase que hai modificacións substanciais do planeamento retrotraería o proceso podendo dar lugar a esa exposición.

Por último o Alcalde, Antonio Fernández Rocha, indicaba que non se puido no seu día facer unha modificación do Plan do 94 porque este estaba suspendido, explicando que se debera a un erro da Comisión Provincial de Urbanismo á hora de enviar os documento a Santiago.

Con respecto ás modificacións suxeridas pola Xunta en 2007 explicaba o rexedor que dos 80 puntos aceptouse o 80% apuntando que hai un 4% que non se aceptou pero se xustificou. Nese senso citaba coma exemplo que nesas modificación solicitábase a redución da edificabilidade no rural en 1,2 millóns de metros cadrados, e o Concello aceptou baixar só en 800 mil metros cadrados. Sobre a edificabilidade apuntaba amais que no casco urbano figura o mesmo volume de edificabilidade no Plan que onte foi aprobado que no do 94. Por último explicaba que a Xunta é que ten as competencias para aprobar definitivamente o PXOM e nesa decisión “pode dicir non a determinadas cousas” polo que o planeamento, nese caso, quedaría aprobado pero condicionado a que no texto refundido se incorporasen os parámetros salientados pola Xunta.

Catro horas de pleno ordinario nas que aprobou a Conta Xeral, entre outros temas

Catro horas durou o pleno ordinario de outubro celebrado pola corporación municipal de Tui. No mesmo amais de ser aprobado o PXOM tamén recibiu o visto bo dos corporativos un expediente de modificación de créditos motivado pola lei que obrigaba a rebaixar o salario dos empregados municipais nun 5% que no conxunto supón entorno aos 77 mil euros, e que segundo o Concelleiro de Facenda, a mesma lei apunta que deben destinarse a emisión de débeda pública.  O punto recibiu 14 votos a favor de PP, AT, TUI e PSdG-PSOE e a abstención do BNG.

Tamén foi aprobado un recoñecemento extraxudicial de créditos por importe de 27.948,15€ que segundo o concelleiro delegado de facenda, Moisés Rodríguez, ten por obxecto pagar facturas presentadas fóra de prazo ou gastos que hai que asumir. Dende a oposición criticouse que haxa retrasos nos pagamentos das facturas, e o debate centrouse despois nunha factura concreta de adquisición dunha canoa C2 para o Centro Interfederado o que derivou o debate no uso desta instalacións e quen debe facerse cargo dos custes que supón, ou se apuntaba que se debe cobrar polo seu uso coma se fai noutros lugares.

Outro dos asuntos tratados, e que saíu adiante por unanimidade foi modificación da Relación de Postos de Traballos para aplicar o complemento específico ao posto de tesoureiro, e  a inclusión da praza de Axente de Desenvolvemento Local.

Tamén por unanimidade foi aprobada solicitar a desafectación dos terreos adxacentes á Escola Unitaria de Baldráns para construír unha pista multiusos e un parque infantil.

No punto sétimo someteuse a aprobación a Conta Xeral de 2009 que saíu adiante tras un debate de case 40 minutos. Aquí dende o Partido Socialista, o concelleiro Pablo Alonso, criticou que  os orzamentos presentados no 2009 non eran reais tal e coma demostra a Conta Xeral xa que dos impostos indirectos que estaba previsto recadar só que ingresou un 32,59%, ou de enaxenación de investimentos se ingresou o 0,62%.  Concluía Pablo Alonso que “o resultado da Conta Xeral é malo e nalgunhas partidas nefasto” e manifestaba o seu parecer de que “este ano por desgraza vai volver pasar o mesmo”.

Laureano Alonso do BNG expuña que “hai cousas que non cadran”  apuntando a sobreestimación na recadación dos ingresos do ICIO, ou que o remanente de tesourería está mal artellado. E referíase a advertencia do inteventor que dende hai dous anos sinala que é preciso elaborar un Plan económico-financeiro.

Miguel Capón de AT pola súa parte incidía a súa crítica en que seguen botando en falla o Inventario de Bens, xa que no seu parecer ao carecer do mesmo “o balance do concello é impresentable”.

Por último o Alcalde sinalaba que se está avanzando no Inventario de Bens que podería estar listo a finais de ano, pero que logo de facer un estudo técnico agora estase a elaborar un estudo xurídico para estudar a situacións coma as de vivendas construídas en terreo municipal, ou a titularidade dos sobrantes de vías.

Fernández Rocha con respecto á  Conta Xeral indicaba que Concello de Tui terminou o ano 2009 cun superávit de 500 mil euros, segundo dicía grazas as subvencións recibidas e a que houbo obras que foron executadas por outras administracións. Informaba amais que a débeda do concello supera en pouco o 11%, engadindo que “o Concello de Tui ten unha estabilidade económica boa, envexable”.

Por último na orde do día aprobouse unha moción do BNG para retomar un acordo de 2007 para incrementar os puntos de recollida selectiva e para realizar unha campaña de concienciación sobre este tema na Radio Municipal, nos centros educativos e nas parroquias. Tamén por unanimidade saíu adiante outra moción nacionalista na que se acordou solicitar ao Delegado do Goberno en Galicia e ao Subdelegado do Goberno en Pontevedra a implantación do servizo de cita previa na Comisaría da Policía Nacional en Tui para a expedición do DNI.

Xa na quenda de rogos e preguntas Miguel Capón solicitaba a dimisión ou cese do Concelleiro Antonio Castro nas súas competencias por revelar o tratado nunha comisión informativa, que non son públicas, á membros da Policía Local cando se falaba do seu aumento de soldo, e por mandar de volta unha maquinaria que o Alcalde enviara a Randufe a solicitude dos veciños, así coma pola mala xestión do aparcamento da Área Panorámica onde se veñen de gastar 10 mil euros na colocación de tubaxes que delimitan a zona de aparcamento.

Os veciños de Areas espuxeron ao pleno a problemática xerada na parroquia polas obras da VAC

Un grupos de veciños de Areas asistiron ao pleno ordinario da corporación para reclamar maior interese dos corporación polos problemas xurdidos na parroquia coma consecuencia das obras da Vía de Alta Capacidade Tui-A Guarda a raíz das choivas de comezos de outubro. Unha situación que temen pode volver producirse, xa que segundo expuñan non se fixo nada para evitalo.

Así o explicaron na quenda de rogos e preguntas do público onde lamentaban que ningunha autoridade se puxo en contacto con eles logo das inundacións de terra e barro sufridas que afectaron a moitas finas e algunhas casas. Lamentaban que semanas despois do sucedido as cunetas sigan taponadas polo que os problemas coa choiva prevista para esta fin de semana pode volver repetirse. A parroquia, dicían, acordou exercer as medidas de presión necesarias para solucionar a situación.

O Alcalde contestoulles que se está traballando para solucionar o tema e que se poría en contacto coa empresa construtora xa que é quen debe facerse cargo de arranxar os desperfectos. Tamén dicía que tentaría que a Xunta dea unha resposta aos veciños o antes posible.

Comezou a actividade de “Mozas e mozos fan equipo” organizada co gallo do 25N

O pasado xoves comezou a actividade “Mozas e mozos fan equipo” que forma parte do programa “Relación Home - Muller 100% positiva” organizado pola Concellería de Muller do Concello de Tui co gallo da celebración do día 25 de novembro, Día internacional contra a violencia de xénero.

Esta actividade lúdico- deportiva consiste nun descenso de dúas horas facendo rafting por un tramo do río Miño en embarcacións mixtas, e no que van a participar todos os IES do municipio, con entre 3 e 5 lanchas de 9 persoas cada unha, segundo o número de participantes por cada xornada.

Os primeiros en realizar a actividade foron os alumnos do IES Irmáns Maristas, que estiveron acompañados pola Concelleira Patricia Ricón. Proximamente participarán o IES Francisco Sánchez  e o IES San Paio.

Xornada técnica de Yamaha no Conservatorio Profesional de Tui

O Conservatorio Profesional de Música de Tui vai acoller o xoves, 4 de novembro, de 16.30h a 21.30h unha xornada técnica de Yamaha a cargo de Emilio Martínez. Comezará cunha charla sobre a fabricación e o mantemento de instrumentos vento metal e madeira. Logo haberá un obradoiro de axuste básico para instrumentos vento madeira.

O aforo é limitado e a entrada gratuíta. Os interesados, que deben ter máis de 8 anos, teñen que inscribirse con anterioridade no teléfono 986 60 44 04 ou na oficina do Centro.

Suspendida a tertulia deste mes de outubro do Parador de Tui

Por razóns alleas á vontade do Parador de Turismo “San Telmo” de Tui a tertulia que debía celebrarse este domingo, 31 de novembro, vén de ser suspendida.

A dirección do Parador transmite as súas desculpas a todos os asistentes a este ciclo de tertulia e comunica que o mesmo continuará no último domingo do mes de novembro, concretamente o día 28.

David Villar Alonso agradece a todos os participantes a súa xenerosa colaboración e aos asistentes a súa presenza así como o apoio do Concello de Tui que anima esta interesante iniciativa.

O concello de Tui promove dous cursos de iniciación básica  á informática ao longo de novembro, un deles destinado a xubilados e amas de casa

O Concello de Tui, a través da súa Concelleria de Xultura, promove a realización ao longo do mes de novembro de senllos cursos de iniciación básica  á informática a impartir no Telecentro de Tui, ubicado no Edificio “Área Panorámica” na rúa Colón, 2.

As personas interesadas poden inscribirse na Biblioteca Municipal de Tui ata o lúns 8 de novembro ou ata completar as 40 prazas do Telecentro.

Para o concelleiro de Cultura tudense con esta oferta de cursos o Concello de Tui tenta dinamizar a actividade do Telecentro e respostar a unha ampla demanada de actividades formativas para os diversos segmentos sociais, neste caso cunha actividade dirixida especificamente a un sector precisado de accións de achegamento ás novas tecnoloxías: xubilados e amas de casa.

O Telecentro de Tui é un equipamento promovido polo Concello de Tui e a Secretaria Xeral de Medios da Xunta de Galicia e que desenvolve una actividade formtiva en diversos ámbitos e materias, concretamente na actualidade acolle un curso para funcionarios de xustiza e de monitores de balonmán. En definitiva, trátase dun espazo á disposición da sociedade tudense para a súa formación e acceso ás novas tecnoloxias da comunicación e da información.

Os próximos cursos a impartir son:

1.- Curso de introdución á internet e correo electrónico

Duración: 8 horas
Horarios: Lúns e mercores de 12,00 a 13,00 h.
Datas: do 10 de novembro ao 3 de decembro
Lugar: Telecentro de Tui (Edificio Área Panorámica, rúa Colón, 2 – primeiro andar)
Prazo de matrícula: ata 8 de novembro na Biblioteca Municipal
Nº de prazas: 40
Destinatarios: Xubilados e amas de casa
Inscrición gratuita

2.-  Iniciación á informatica: procesador de textos

Horarios: martes e xoves de 12,00 a 13,00 h.
Datas: do 11 de novembro ao 7 de decembro
Lugar: Telecentro de Tui (Edificio Área Panorámica, rúa Colón, 2 – primeiro andar)
Prazo de matrícula: ata 8 de novembro na Biblioteca Municipal
Nº de prazas: 40
Destinatarios: Público en xeral
Inscrición gratuita

Venres, 29 de outubro de 2010 

En novembro porase en marcha a Aula da UNED en Tui

A oferta educativa que ofrece Tui vaise ver ampliada dende o próximo mes de novembro coa apertura na cidade dunha Aula da UNED dependente do Centro Asociado de Pontevedra. A súa sede, aínda por definir, estará na Área Panorámica ou no antigo convento de Santo Domingo. Neste primeiro ano da posta en marcha desta Aula vanse impartir as tutorías para os cursos de Acceso para  maiores de 25 e de 45 anos. Estes alumnos, máis de 50 que están xa matriculados, poderán asistir en Tui ás tutorías das materias que cursen, ben de xeito presencial, ou virtual a través de vídeoconferencia naquelas que teñen menor matrícula.

Co establecemento desta aula na cidade búscase “achegar os cursos e a filosofía da UNED” tal e coma explicaba Beatriz Rodríguez López, directora do Centro Asociado da UNED en Pontevedra na presentación desta aula, un acto no que estivo acompañada polo alcalde de Tui. Tamén asistiron outros membros da corporación municipal.

Salientaba Beatriz Rodríguez a importante matrícula que existe no Centro Asociado de Pontevedra de alumnos de Tui e da súa área de influencia cun total de 111 matrículas das que 43 corresponden a estudos de grao. Nese senso apuntaba que a raíz da creación da Aula en Tui posiblemente a matrícula nos próximos cursos verase incrementada notablemente.

As tutorías comezarán a ofrecerse ao longo do próximo mes de novembro para o que serán contratados entre 5 e 8 profesores en función das materias na que haxa máis demanda.

O alcalde de Tui, Antonio Fernández Rocha, salientaba na súa intervención que o sistema educativo de Tui, que conta con Escola de Música, Conservatorio Profesional e Escola Oficial de Idiomas, complétase agora coa creación desta aula da UNED. Engadía que Tui xa é referencia en ámbitos coma o deporte e a cultura e que agora debe selo tamén na educación.

Fernández Rocha manifestaba o seu agradecemento á UNED porque sempre estivo aberta e tiveron interese en implantarse en Tui.

Matriculación

A matrícula na UNED, que se realiza a través da web www.uned.es, está xa pechada dende o pasado venres para os cursos de Acceso, e tamén para as licenciaturas e grao. Mentres que permance aberta no CIUD, Centro Universitario de Idiomas a Distancia, e na Aula Senior.

Obradoiro de SIDA, ETS e sexualidade no IES Francisco Sánchez de Tui

        O Servizo de Prevención de Drogodependencias do Concello de Tui está impartindo obradoiros sobre SIDA, ETS e Sexualidade, no Instituto Francisco Sánchez. Nestes obradoiros que comezaron o pasado luns, 25 de outubro, e que se prolongarán ata o 9 de novembro, participan os alumnos de 3º e 4º da ESO.

        A metodoloxía que empregada é eminentemente activa e participativa, favorecendo a expresión das ideas previas do alumnado, a súa reflexión e contrastación e posibilitando a súa transformación. Trátase de deseñar situacións de aprendizaxe máis que de transmitir información de xeito directivo que, doutra banda, non permite que afloren as actitudes e opinións que os grupos teñen cara a diferentes feitos sexuais, nin promove o avance das ideas e recursos persoais.

        Para poder traballar nesta liña, detéctanse e trabállanse cos intereses dos grupos, con contidos próximos á súa realidade cotiá, funcionais, útiles, coa posibilidade de utilizar o aprendido para afrontar situacións novas, facéndolles protagonistas nos seus propios procesos de aprendizaxe e reflexión.

Festas na honra á Virxe do Rosario en Areas

        A parroquia de Areas celebra este domingo festas na honra á Virxe do Rosario. Comezarán ás 18.30h no recinto de festas coa actuación das orquestras Sintonía e Charleston. Mentres no antigo recinto de festas dende ás 19.30h haberá disco-pub con bar e animación a cargo de dj’s convidados. Organiza a Comisión de festas de Areas 2010-2011.

Oito aspirantes á plaza de Animador Deportivo do concello de Tui

Finalizado o prazo de presentación de solicitudes para tomar parte no procedemento selectivo, mediante concurso-oposición, para a provisión con carácter interino dunha plaza de Animador Deportivo, presentáronse á mesma un total de dez aspirantes, dos que dous quedaron excluídos por non presentar a titulación esixida na convocatoria ou no ter aboadas as taxas correspondientes.

             Os oitos admitidos (Ángel Aldea Armesto, Rurh María Calvo Ferrer, Leticia Diz Gregores, Diego Fernández López, Lara Lorenzo Martínez, Alberto Mondelo Garcés, Carmen Moral Soto, e Jacobo Moroño Montes) realizarán o vindeiro día 2 de novembro, martes, a partir das dez da mañá, as probas correspondientes ao proceso de selección.

Mércores, 27 de outubro de 2010 

Presentación da Aula Universitaria da UNED en Tui

Hoxe, mércores, será presentada na Sala de Concelleiros do Concello de Tui a creación da Aula Universitaria da UNED en Tui. Comparecerán neste acto que comezará ás 10.30 horas, o alcalde de Tui, Antonio Fernández Rocha, e a directora do Centro Asociado da UNED en Pontevedra, Beatriz Rodríguez López.

O PXOM volve este xoves a pleno

         A aprobación do documento do Plan Xeral de Ordenación Municipal de Tui é un dos asuntos que figuran na orde do día do pleno que este xoves ás oito da tarde celebra a corporación municipal. O PXOM volve a pleno logo do requirimento feito neste senso pola Secretaría Xeral de Ordenación do Territorio. Este é o segundo punto da orde do día que se tratará logo da aprobación da acta da sesión anterior.

        A este pleno, con dez punto na orde do día,  vai amais a aprobación da modificación de crédito nº 31/2010, e un expediente de recoñecemento extraxudicial de créditos nº 1/2010, así coma a aprobación da conta xeral de 2009.

        O punto cuarto desta sesión é a modificación da relación de postos de traballo do Concello de Tui, e no quinto vai a solicitude de desafectación dos terreos adxacentes á escola unitaria de Baldráns.

        Na orde do día figuran tamén dúas mocións do BNG: unha sobre cuestións relativas á recollida do lixo selectivo e outra sobre as deficiencias na expedición do DNI no Baixo Miño.

        O pleno rematará co control aos órganos de goberno.

Charla do BNG para informar do PXOM

O BNG de Tui invita a tódolos cidadáns a unhas charlas informativas que terán lugar este  venres, 29 de outubro, as 21.00 horas, na Sal Félix Rodríguez, para expoñerlles a situación na que se atopa o Plan Xeral de Ordenación Municipal.

Martes, 26 de outubro de 2010