|
|
O Rosal |
Luns, 24 de decembro de 2007
Gañadores do Concurso de Beléns do Concello do Rosal
Os gañadores do Concurso de Beléns celebrado no Concello do Rosal son os seguintes
1º Premio: Aula de Educación Infantil de Paradela - Tabagón
2º Premio: Nenos de iniciación musical da Agrupación Musical Rosal
3º Premio: Escola de Piñeiro – CRA “Mestre Manuel Garcés”. Tomiño
Primeiro accésit: Óscar Márquez Rodríguez. A Guarda
Segundo accésit Lucía Diego Martínez . O Rosal
Terceiro accésit: Milagros Pérez Enríquez. O Rosal.
Os Veléns están espostos durante o Nadal no Centro Social Polivalente do Rosal.
BOLETÍN OFICIAL DE PONTEVEDRA Nº 244 — Mércores, 19 de decembro de 2007
|
O ROSAL
Con data 4 de decembro de 2007, esta Alcaldía dictou o decreto
que a continuación se transcribe literalmente:
RESOLVO:
5.-Álvarez González, Nieves
11.-González Rodríguez, Mª
Cruz |
13.-Lorenzo González, Bibiana
15.-Martínez Guerreiro, Mª
Dolores 18.-Martínez Martínez, Natividad
19.-Míguez Sanlés, Noemi
EXCLUIDA
Martes, 22 de xaneiro de 2008
ás 9.30 horas.” |
Xoves, 13 de decembro de 2007
A Deputación entregou unha subvención de 18.000 euros ao Club Atlético de Balónmán Novás
O Deputado Provincial de Deportes, José Enrique Sotelo, visitou o pasado día 10 de decembro ó Club Atlético de Balónmán Novás para facerlle a entrega dunha subvención de 18.000€, así como aproveitou para visitar as instalacións e intentar buscar solucións aos problemas de condensación que as veces impide facer uso da pista e a construcción dun ximnasio anexo ó pavillón.
Mércores, 12 de decembro de 2007
Mesa redonda no Rosal sobre parques eólicos
O Colectivo Carballas organiza para o vindeiro venres, día 14 de decembro, unha mesa redonda sobre parques eólicos. O acto terá lugar no Multiusos do Rosal ás 20.30 e a el están convidados representantes da Asociación Ecoloxista Adega, a asociación SOS Groba, a Comunidade de Montes do Rosal, e as Consellerías de Industria e Medio ambiente.
O anuncio da próxima construcción do parque eólico Alvariño I na Serra da Groba, abriu unha ampla polémica entre diversos sectores cidadáns que se pronunciaron sobre esta instalación enerxética, uns a favor e outros en contra. Este parque non afecta directamente ao concello do Rosal, pero si a concellos limítrofes, como Oia e Tomiño.
No futuro está prevista, ademais, a construcción dun novo parque eólico en terreos rosaleiros. Con este acto, o Colectivo Carballas quere contribuír ao debate, que debe ter como punto de partida a exposición de diferentes puntos de vista, que darán a coñecer os pros e os contras destes parques.
Venres, 7 de decembro de 2007
Informa Pepe Martínez Castro
Antena wifi de O Rosal
En la fotografia se puede observar la antena principal que distribuye la señal de wifi por todo el municipio. Esta antena transmite la señal a otras situadas en distintos puntos alejados del centro.
En esta misma Praza do Calvario se realizaron, hace muchos años las primeras pruebas de la televisión en la comarca, recién instalado el poste en el monte Santa Trega.
Mércores, 5 de decembro de 2007
Concerto da Agrupación Musical do Rosal en Goián para honrar a Santa Cecilia
A Agrupación Musical do Rosal honrará, o día 7 de decembro a Santa Cecilia nun concerto que celebrará no Auditorio de Goián, debido a que o auditorio do Rosal atópase en obras de ampliación.
O concerto, que principiará ás 19.30h, dará paso, en primeiro lugar, ao Coro da Agrupación Musical do Rosal, dirixido por Toñi Santos Vaquero, que interpretará os villancios de Nadal cos que se presentará ao Certamen de Villacincos que organiza Caixanova o 8 de decembro, e, a continuación, será a banda de música da Agrupación Musical, dirixida por Diego Javier Lorente, quen tomará o relevo e que ofrecerá un repertorio variado de temas.
Ao rematar, ambas as dúas formacións musicais interpretarán “Canto ao Rosal”, con letra de Manuel da Ventosela e arranxo para banda de Diego Javier Lorente.
Martes, 4 de decembro de 2007
Un millar de notificaciones sin repartir en correos en O Rosal
Según el Sindicato Federal de Correos y Telégrafos de la Confederación General del Trabajo, a fecha de hoy, en la Oficina de Correos de O Rosal, hay pendientes de reparto, alrededor de 1.000 notificaciones. La delegación sindical de la Confederación General del Trabajo de Correos en Pontevedra, señala que “este hecho es debido a la falta de previsión por parte de los responsables de la Jefatura provincial de Correos, así como por los política de reducción de gastos en personal de la misma”. El mismo sindicato, CGT, indica que en alguna zona de reparto de O Rosal, “las notificaciones pendientes de reparto, superan las 300, por lo que la solución a este problema debe ser urgente y no pospuesto en el tiempo, procedimiento habitual de la jefatura provincial, que espera a que los situaciones se conviertan en insostenibles, para proceder a su posible resolución”.
Asimismo, otro de los problemas que se unen a esta situación más caótica, es que los carteros no dispongan de un puesto informático al igual que el resto de las unidades de reparto de la provincia, a pesar de que tanto los certificados habituales como estas notificaciones pendientes están informatizadas, viéndose obligado a compartir el personal de reparto el ordenador de la persona que presta el servicio de admisión y entrega a los usuarios. Este hecho, supone que todos los procesos que realizan los carteros se produzcan con la intermitencia que obliga la admisión y entrega de certificados y paquetes en la ventanilla.
Al sindicato CGT, le parece vergonzoso que a la vez que se ingresan alrededor de 3.000€ extras, no se realice la contratación necesaria para mantener el servicio en los mínimos establecidos por ley o se inviertan 300€ en un ordenador o se utilicen otros que en la provincia están sin usar; mientras en O Rosal se hace más que necesaria en estas fechas navideñas en las que por correo se envían gran número de objetos, tales como regalos, lotería o felicitaciones.
Luns, 3 de decembro de 2007
Charla informativa sobre o Banco de Terras de Galicia no Rosal
Tal e como adiantou o concelleiro de Medio Ambiente do c
oncello da Guarda, Javier Crespo, hoxe, día 3, ás sete do serán celebrarase no salón de plenos do concello do Rosal unha charla informativa sobre o Banco de Terras de Galicia -BANTEGAL- creado recentemente pola Xunta de Galicia a través da Consellería do Medio Rural co obxectivo de mobilizar terras agrarias mediante aluguer. O Banco de Terras garante ao propietario o cobro da renda de aluguer e a devolución da finca nas mesmas condicións de uso cando remate o período de arrendamento.
Xoves, 29 de novembro de 2007
O Rosal tratará no Pleno do sábado os Orzamentos para 2008
O sábado, ás 9.30h, celebrarase Pleno Ordinario no concello do Rosal no que, entre outros asuntos, se levarán a aprobación os Orzamentos para o ano 2007 que acada os 3.830.000 euros, nos que se recollen, dentro do capítulo de investimentos, 1.101.260 euros.
Martes, 27 de novembro de 2007
U.D. Ribera sortea unha Cesta de Nadal
Decembro é un mes no que se prodigan as posibilidades de recadar fondos destinados a sufragar gastos de institucións, colectivos e estudantes, aproveitando o sorteo especial do 22 de decembro e mesmo porque o Nadal é unha data propensa ao gasto.
Ben en forma de participacións dun determinado número, que pode conlevar un recargo ou non, mesmo mediante o sorteo de Cestas de Nadal, xa están na rúa esas rifas e participacións.
O Unión Deportiva Ribera sortea unha Cesta de Nadal que corresponderá a papeleta cuxas catro última cifras coincidan coas do Primeiro Premio da Lotería Nacional do 22 de decembro. O donativo é de un euro.
Venres, 23 de novembro de 2007
Obradoiro de Xestións Básicas, promovido polo concello do Rosal, con carácter gratuíto
O concello do Rosal, a través do Servizo da Muller, vai pór en práctica un Obradoiro de Xestións Básicas, no que se formará ás mulleres interesadas en cuestións como Manexarse co papeleo; de uso común, Aprender a facer instancias; saber os prazos da administración; Onde presentar a documentación, e outras cuestións de tipo administrativo.
Os destinatarios son os veciños do Rosal maiores de idade, sen coñecementos ou con poucos coñecementos das xestións administrativas básicas, pois se trata dun obradoiro de carácter introdutorio, sendo totalmente gratuíto para os participantes.
O Obradoiro vaise impartir, no Centro Social Polivalente (rúa Cabaqueiros, 4), os días 17, 18 e 19 de decembro de 2007, de 10.00 a 12.00 horas.
Os interesados poden inscribirse acudindo á Técnica de Programas de Promoción da Muller, no Centro Social Polivalente, de luns a venres de 8.00 A 15.00h, ou chamando ao tel. 986 62 54 01
Xoves, 22 de novembro de 2007
A Deputación aproba o proxecto modificado de reforma e ampliación do Auditorio do Rosal por importe de 268.500 euros
A Deputación Provincial de Pontevedra aprobou onte, na Xunta de Goberno, o proxecto modificado das obras de reforma e ampliación do Centro Multiusos – Auditorio de O Rosal por valor de 268.500 euros.
A modificación do devandito proxecto, redactada polo arquitecto director Ignacio Martínez Rodríguez, cun orzamento líquido de 268.500 euros, vén correxir unha serie de anomalías detectadas en determinados elementos estructurais como soleiras, forrados, muros, petos ou cambotes que se presumían resoltas no proxecto inicial e presenta melloras funcionais —a inclusión de escola de música, auditorio ou zona de repertorio, entre outras— e contempla, asemade, outras melloras na calidade de algunhas unidades de obra, como o cambio de instalación de saneamento, substitución de carpintería e melloras no illamento.
O Auditorio de O Rosal, cunha capacidade para acoller ata 400 persoas sentadas, dispón de varias aulas de ensaio e ensino, locais administrativos, vestiarios e outros elementos.
Coa aprobación do proxecto modificado, vense a compensar a longa tradición musical do concello do Rosal, que ostenta unha das bandas de música máis importantes de Galicia e ó gran número de alumnos que seguen as ensinanzas musicais.
Luns, 19 de novembro de 2007
A composición “Batalla de Rande” será estrenada mañá en Vigo pola Agrupación Musical do Rosal
A Agrupación Musical do Rosal, estreará mañá, no Teatro Sala de Concertos do Centro Cultural Caixanova de Vigo, a composición “Batalla de Rande”, de Juan Gonzalo Gómez de Deval.
Baixo a dirección de Diego Javier Lorente López, ademais do estreno antes mencionado, a formación musical rosaleira interpretará “Dynamica”, de Jan Van der Roost, e “Highlights from Chess”, con arranxos de Johan de Meij.
A Agrupación Musical do Rosal, co gallo de Santa Cecilia, patroa dos músicos, tamén ofrecerá un concerto o 7 de decembro no Auditorio de Goián, será ás 19.30 horas e, posteriormente, reunirase nunha cea-baile de confraternidade no Restaurante " Glasgow" Viladesuso
Novo Boletín informativo do BNG
O Bloque Nacionalista Galego, do Rosal, vén de publicar un novo boletín informativo, que chega ao número 45, con novas relacionadas fundamentalmente co concello rosaleiro.
Para a súa consulta premer AQUÍ.
Venres, 16 de novembro de 2007
|
Hoxe, as 11.30h da noite preséntase o calendario do Ribera que levantou espectación na comarca O “As de Copas” será hoxe, o escenario que acollerá a presentación do Calendario 2008 do U.D. Ribera, unha iniciativa que ten como obxectivo recadar fondos con destino ao club rosaleiro que milita na 3ª Autonómica. A plantilla, co ánimo de lograr recursos financieiros e desta maneira poder dispor de fondos cos que facer fronte ás arbitraxes e desprazamentos, prestouse a posar espida diante do fotógrafo Gándara, da Guarda, que co para quitar tensión aos xogadores, preferiu realizar a sesión fotográfica no mesmo vestiario da Mata. Aínda así para o fotógrafo, que xa ten feito traballos semellantes no estudo, sendo a primeira vez que o fae para un calendario e fóra do estudo, “a maior dificultade foi superar a tensión dos futbolistas, pois ningún quería ser o primeiro”. Para romper o xeo inicial, Gándara decidiu “realizar a primeira foto con dous rapaces xuntos”. A nivel técnico a dificultade foi vencer o exceso de brancos no vestiario que facía rebotar a luz, polo que houbo que traballar o escenario con teas e focos perfectamente situados: “Paredes brancas, luz rebotada para todos os lados, de modo que para o resultado final que buscaba, non era o sitio máis idóneo”. Luis Mariano Farias, presidente do U.D. Ribera, explica que a idea xurdiu no pasado verán. O equipo descendera de categoría e os xogadores atopábanse animicamente nunha situación baixa. A alguén se lle ocurriu a idea de elaborar o calendario co dobre obxectivo de animalos e, ao mesmo tempo, conseguir fondos para o Ribera. Para o presidente do club a sensación que atopou na rúa foi “sensacional e agradable”. Asegura que “a reacción foi positiva”. Incluso, no bo sentido, préstase á típica broma do “desnudo”, pero sen má intención “en ningún momento me chegou un comentario despectivo”. Para Luis Mariano Farias os rapaces “son os protagonistas, como se soe dicir, por un día”. Aínda que a tirada inicial son 500 calendarios, desde o Club coidan que a cifra pódese superar, pero se eso é necesario faranse. “Non queremos que, se as expectativas nos fallan, atoparnos con outro desembolso a maiores”. Mari Carmen Alonso, tesoureira do U.D. Ribera, explica que a idea de facer o calendario xurdiu desde a plantatilla do Club e se espuxo ao presidente coma unha forma de recadar algúns cartos para o club. O descenso de categoría supuxo a baixa tamén dalgúns socios, sen embargo Mari Carmen Alonso recoñece que a situación do club non é que sexa de agobio, aínda que ao atoparse O Rosal nun extremo, os desprazamentos que se encareceron ao ser maior o gasto do combustíbel, e as arbitraxes que tamén se levan unha parte subtanciosa dos recursos económicos cos que contan, motivan que sen estar en números vermellos o presuposto sexa moi xusto. Pero tamén, coincidindo co presidente, a tesoureira di que co descenso de categoría os xogadores atopábanse coa moral moi baixa e esto serviulles para animalos. A tesoureira de club afirma que, con algunha excepción que confirma a regra, “todas foron boas reaccións a esta iniciativa” e xa conta cun importante número de encargos, “ao fin e ao cabo tampouco mostran máis que o que se pode ver no verán na praia; as fotos foron realizadas con bo gusto” e engade que o chamativo deste feito é ter sido a primeira vez que se promove neste recuncho de Galicia. Do calendario que se vai presentar a partires das once e media desta noite no “As de Copas”, espérase vender 500 copias a 5 euros cada unha. |
A Deputación concede máis de 15.000 euros para melloras no campo de fútbol do Rosal
A Deputación de Pontevedra concedeu onte, 15.898 euros para a reforma e mellora das instalacións do campo de fútbol municipal da Mata, no Rosal. A axuda enmárcase dentro do Plan de Acción Municipal (PAM) e vai destinada ao arranxo e mellora dalgúns desperfectos habidos no campo de fútbol, sobre todo relacionados co alumeado.
Aspirantes admitidos/as e excluídos/as para a cobertura de cinco prazas de limpador/a de edificios públicos
Lista de aspirantes admitidos/as e excluídos/as para a cobertura de cinco prazas
de limpador/a de edificios públicos (a tempo parcial), vacantes no cadro de
persoal do concello do Rosal :
ADMITIDOS/AS
Nome e apelidos
1.—Alonso Loureiro, Estrella
2.—Alonso Loureiro, Margarita
3.—Alonso Martínez, Mª Ángeles
4.—Álvarez Fernández, Concepción
5.—Álvarez González, Nieves
6.—Calzado Santos, Ana Celia
7.—Diego Flores, Consuelo
8.—Fernández Martínez, Ricarda
9.—González Martínez, Mª Carmen
10.—González Rodríguez, Mª Consuelo
11.—González Rodríguez, Mª Cruz
12.—Lomba Barbosa, Natalia
13.—Lorenzo González, Bibiana
14.—Martínez Alonso, Mª Mercedes
15.—Martínez Guerreiro, Mª Dolores
16.—Martínez Guerreiro, Mª Inés
17.—Martínez Martínez, Ana Vanessa
18.—Martínez Martínez, Natividad
19.—Míguez Sanlés, Noemi
20.—Pereira Sousa, Azucena
21.—Piñeiro Álvarez, Mª Isabel
22.—Rodríguez Alonso, Aurora
23.—Rodríguez Rodríguez, Consuelo
24.—Soler Vidal, Celeste
25.—Troncoso Rodríguez, Mª Luisa
26.—Verde Rodríguez, Mª Dolores
27.—Vicente Portela, Eugenia
EXCLUIDA
1.—Bedoya Restrepo, Orfa Nery
Causa de exclusión: Non presentar o visado da titulación ou a súa homologación
polo Ministerio de Educación e Ciencia.
Xoves, 15 de novembro de 2007
Curso de Adornos de Nadal
O concello do Rosal desenvolverá un Curso de Adornos de Nadal para a elaboración de obxectos destinados a adornar a casa ante a próxima chegada do Nadal e no que se traballarán as árbores de Nadal, bólas para as árbores, campás, e outros obxectos, utilizando maioritariamente material de refugallo.
O curso desenvolverase os sábados 15 e 22 de decembro, de dez da mañá á unha da tarde, no Centro Social Polivalente.
O prezo do cursiño completo, destinado a nenos e adultos, polo tanto podendo asistir xuntos pais e fillos, é de 5 euros.
O BNG de O Rosal demanda que se busque solución a un cruce perigoso de acceso ó barrio de Couselo
O cruce que, no lugar da Petada, dá entrada ó Barrio de Couselo, no Rosal, presenta un problema de falta de visibilidade que continuamente provoca situacións de risco de colisión. Existen sinais que advirten da súa perigosidade, pero a experiencia diaria dinos que resultan insuficientes e non cumpren a finalidade para a que foron colocados.
Os vehículos que veñen do Cruce de Villa e queren xirar para Couselo deben realizar a manobra sen visibilidade, poñéndose en perigo a si mesmos e aos que veñen desde Tabagón cara ó Calvario. Se, ademáis, quen fai a manobra é un vehículo pesado e lento, a situación agrávase. Cando en maio de 2004 algúns pais e nais solicitaron ante a Consellería de Educación que o servicio de transporte escolar subise a Couselo a recoller aos seus fillos e fillas, a Consellería denegou a petición alegando a perigosidade do cruce.
En canto aos automóbiles que baixan de Couselo, se ben existe un espello que permite ver aos vehículos que veñen do Morán, a velocidade destes provoca situacións moi comprometidas.
Todos estes problemas veríanse agravados se a construción da nova vía de comunicación prevista entre Tui e A Guarda contempla unha saída para o Calvario no Morán, xa que o tráfico experimentaría un importante incremento, facendo o cruce aínda máis perigoso.
Por estas razóns o Grupo Municipal do BNG do Rosal ten presentado unha moción ante o Pleno Municipal para que o problema sexa tomado en consideración e se recurra ás instancias correspondentes para dar solucións preventivas e estruturais a este cruce.
Mércores, 14 de novembro de 2007
Presentación do Calendario do Ribera do ano 2008
El próximo viernes, 16 de noviembre, a las 23.30 tendrá lugar en el As de Copas de A Guarda, la presentación del calendario 2008 del Club Unión Deportiva Ribera. El fin de esta iniciativa es recaudar fondos para los gastos de desplazamientos y de arbitraje. El presupuesto del club Ribera es bastante modesto por lo que se espera que esta iniciativa suponga un buen incremento en las arcas del club.
El precio de venta de los calendarios será de 5 euros y podrán adquirirse en las instalaciones del club.
En dicho calendario participan parte de los jugadores aficionados en poses... "un poco comprometidas".
El fotógrafo Gándara ha realizado unas fotos artísticas de los chicos desprovistos de toda ropa, tapados únicamente por un balón, en alguno de los casos.
En la presentación del As de Copas se proyectarán las fotografías a gran escala. Después del acto se celebrará el inicio de la nueva temporada en la que el Club Ribera ha comenzado con buen pie.
Martes, 13 de novembro de 2007
A CIG-Ensino rexeita a decisión da Delegación de pechar a unidade de Primaria de Couso, no CRA do Rosal
A CIG-Ensino vén de ter coñecemento dunha comunicación do delegado ao CRA do Rosal, segundo a cal dá por pechado o conflito xerado durante este curso polo peche da aula de Primaria da Unitaria do Couso, integrada no CRA do Rosal.
A CIG-Ensino xa fixo público o seu rexeitamento ao proceder da Delegación que no mesmo inicio de curso, e sen pór en coñecemento do centro educativo a situación, trasladou o alumnado de primaria ao CPI do Rosal. Isto deu lugar a que se suprimise, na práctica, un posto de traballo para o que acababa de nomearse un profesor con destino definitivo, a quen se lle vulneraron os seus dereitos laborais pois, despois de participar en tempo e forma, e segundo o cadro de vacantes ofertado pola Consellaría, no que figuraba ese posto de Primaria, chega ao centro e atópase con que o posto para o que concursou non existe.
Para a CIG-Ensino o único motivo polo que se pecha a aula de Couso é puramente un motivo económico, tal e como recoñece o propio delegado na súa comunicación ao centro, unha decisión que se toma de xeito unilateral por parte da Delegación baseada nos altos custes dunha mellora da aula destes nenos e nenas. O sindicato non acepta que para suavizar esta decisión se invoquen argumentos pedagóxicos, que, como mínimo, son discutíbeis, pois existen outros argumentos que inciden na idoneidade do mantemento destes centros escolares, con menor número de alumnado e de menor idade. Ademais, para a CIG-Ensino unha das cuestións prioritarias é o mantemento da escola rural, fundamental para a mellor atención de nenos e nenas e mesmo para a fixación de poboación no rural.
A CIG-Ensino rexeita que o delegado tome decisións sen contar co centro educativo afectado, os seus traballadores e traballadoras, e os seus lexítimos representantes, especialmente cando esta decisión se traduce na perda de postos de traballo. A CIG-Ensino rexeita tamén que os criterios económicos sigan imperando sobre os criterios educativos e que a Delegación opte pola vía da redución de recursos, polo que este sindicato esixe a reapertura desta unidade e o mantemento dos postos escolares do CRA.
Entrevista Alcalde do Rosal
Informa Beti Rey
O Alcalde do Rosal pechou onte á mañá na sintonía da Radio Municipal de Tui a rolda de conversas para avaliar os primeiros meses da lexislatura neste concello. Jesús Mª Fernández Portela, explicaba que se está dando continuidade a proxectos iniciados na lexislatura anterior coma saneamento, as obras na casa do Concello ou o PXOM.
A estes temas engaden o Parque Empresarial e o Vial de Alta Capacidade.
Con respecto ao PXOM están esperando o informe da Dirección Xeral de Urbanismo previa a aprobación inicial do documento en Pleno, algo que agardan aconteza o próximo ano. Explicaba o rexedor rosaleiro que hai que pensar moito e con sentido común a aprobación deste plan, buscando o benestar dos veciños.
Sobre a participación dos outros grupos no PXOM sinalaba Fernández Portela que a oposición participou na primeira exposición pública presentando suxestións ao mesmo, ao igual que o puideron facer os distintos grupos sociais ou os veciños. Agora están a espera da resposta de Urbanismo, e logo dicía que farán un seguimento en comisión.
Outras das obras importantes acometidas foi a rehabilitación da Casa do Concello, que está xa rematada e agardan poder comezar a empregala a comezos de ano.
Un dos temas sobre os que se amosou preocupado o Alcalde do Rosal foi a Vía de Alta Capacidade.
Falaba por unha parte de que é preciso compensar con valor de mercado aos afectados por esta infraestrutura.
Sobre a alternativa de levar o vial ao Monte para Jesús María Fernández Portela é inviable, xa que a cota sería moi alta polo que se precisaría viadutos e túneles que xerarían un importante impacto, ao que se suma o acceso aos núcleos.
Sábado, 10 de novembro de 2007
O saneamento un dos problemas a solucionar no Rosal, segundo o líder do BNG
Eladio Fernández Portela, voceiro do BNG no Concello do Rosal, estivo na sintonía da Radio Municipal de Tui dentro das conversas que está a manter cos grupos políticos para avaliar o comezo desta lexislatura.
Eladio Fernández Portela, manifestaba que estes primeiros meses de lexislatura seguen a mesma rutina que nos últimos catros anos.
Un dos principais problemas a solucionar para o voceiro nacionalista é o saneamento e que este chegue de xeito igualitario a todos os veciños.
Os grandes temas a abordar amais do saneamento é o plan xeral e buscar solución ao problema de aparcamento que comeza a afectar tamén ao Concello do Rosal.
A isto súmase o problema do rueiro xa que as rúas non teñen nomes e son travesías, pese a que se estivo traballando neste tema pero non está rematado, o que as veces xera problemas co servizo de correos. Demandaba amais que haxa axudas ás comunidades de augas.
Con respecto aos orzamentos de 2008 non teñen aínda novas sobre os mesmos, pero explicaba que non esperan nada novo do equipo de goberno, e opinan que serán continuístas.
Con respecto ás relacións entre os distintos grupos dicía que pese as diferenzas políticas a relación é boa.
Xoves, 8 de novembro de 2007
Ata o 30 de novembro aberto o prazo para participar no “I Concurso de Beléns do concello do Rosal”
O concello do Rosal, a través da Oficina de Información Xuvenil e a Concellaría de Cultura, organiza o I Concurso de Beléns que se rexirá polas seguintes bases:
Os Beléns irán montados sobre taboeiro de madeira ou superficie ríxida, cunhas medidas de 100X100cm, e estarán feitos con materiais propios de manualidades, de desfeito ou refugallo, pero nunca elementos mercados especificamente para a construcción de Beléns, e deberán colocarse, os días 17 e 18 de decembro, entre as 20.00 e as 22.00 no Centro Social Polivalente, no lugar que se lles asigne.
Cos traballos presentados montarase unha exposición que se inaugurará o 21 de decembro, datan a que tamén se entregarán os premios, e que se poderá visitar ata o 6 de xaneiro no Centro Social Polivalente.
Concluída a exposición, os traballos poderán retirarse o 7 ou o 8 de xaneiro de 2008, entre as 17.00 e as 20.00h, perdendo os autores o dereito sobre as obras transcorridas esas datas.
Establécense os seguintes premios, que se fallarán antes de inaugurarse a exposición: 1º. 150 euros; 21. 100 euros, 3º. 50 euros. O xurado, ademais, poderá outorgar ata tres accésits de 20 euros a aqueles Beléns que ao seu suízo o merezan.
A organización resérvase o dereito de admisión dos traballos presentados ao concurso así como de declarar deserto algún ou todos os premios.
O prazo e lugar de inscrición dos Beléns está aberto ata o 30 de novembro na Oficina Municipal de Información Xuvenil do Rosal, onde se pode solicitar máis información. Tamén pode acudirse ao teléfono 986 60 96 14.
O PSdG-PSOE cualifica o comezo desta lexislatura no Rosal de continuísta
A corporación municipal do Rosal está formada por tres grupos políticos, o PP que goberna con maioría absoluta, o Bloque Nacionalista Galego, que ten 3 concelleiros, e o Partido Socialista, que ten un representante.
Hoxe comezamos no Rosal a rolda de conversas para valorar o inicio deste lexislatura. O primeiro en comparecer foi Luis Giráldez Giráldez, do PSdG-PSOE.
Luis Giráldez destacaba que estes meses están a ser unha continuidade dos oito anos que leva xa gobernando o actual alcalde, ao que calificaba de falta de ideas e proxectos novos.
Por outra parte o voceiro socialista destacaba que nestes primeiros meses vese unha falta de traballo para solucionar as necesidades do Rosal coma o solo industrial que están a demandar as empresas e ante a súa carencia están a marchar do municipio.
Este, xunto coas infraestruturas, son dous dos problemas destacados polo líder do PSOE que destacaba que unha infraestrutura de acceso ao municipio, o retraso nas obras do auditorio son temas que urxe solventar.
Sobre os orzamentos para 2008 Luis Giráldez manifestaba que polo momento non teñen ningún tipo de información sobre as mesmas pero agardan que non sexan unhas contas continuístas.
No eido persoal Luis Giráldez que asumiu nesta lexislatura a representación socialista na corporación indicaba que mantén unha boa relación co equipo de goberno, pero quéixase de que ao estar en maioría absoluta a oposición non ten “nin voz nin voto” e a meirande parte das mocións que presentan son rexeitadas.
Sábado, 3 de novembro de 2007
O concello do Rosal abre de novo as portas do Servizo Municipal de Orientacion Laboral
Depois de 7 meses de interrupción deste Servizo por parte da Consellería de Traballo, o Concello do Rosal retoma novamente as súas prestacións como Centro Colaborador do Servizo Público de Emprego - Servizo Galego de Colocación, e reanuda no mes de novembro a actividade deste Servizo Municipal de Orientación Laboral.
O local atópase na súa mesma ubicación anterior: nas instalacións do Centro de Formación Ocupacional, no barrio da Mata. Ó seu cargo atópase unha Técnico de Orientación Laboral para prestar asesoramento e información a todas aquelas persoas que estean interesadas na busca de emprego. Horario do Centro: de luns a venres de 8 a 3, e a tarde dos martes de 4 a 6¨30.
Xoves, 1 de novembro de 2007
Lona branca contra a violencia que se exerce sobre as mulleres
O 25 de novembro celébrase o Día Internacional para a Eliminación da Violencia contra as Mulleres. Co gallo desa celebración, e días antes da mesma, o concello vai colocar unha lona branca nos arcos da Casa Consistorial (Praza do Calvario, 1) na que todos os cidadáns e colectivos que o desexen poderán expresar de diversos xeitos (frases, poemas, debuxos) a súa repulsa contra a violencia que se exerce sobre as mulleres.
Martes, 30 de outubro de 2007
O concello do Rosal quere promover os hábitos lectores e aumentar o número de socios da Biblioteca
O Concello do Rosal vai emprender unha Campaña de Animación á Lectura para Persoas Adultas. Comporase de diversas actuacións orientadas ao fomento dos hábitos lectores e do uso da Biblioteca Pública Municipal por toda a poboación. Entre as actividades programadas están: Artellamento dun club de lectura, un Ciclo de cine de adaptacións literarias, Campaña de captación de socios/as adultos/as da biblioteca e Conferencias e presentacións de libros.
O xoves, 29 de novembro, ás 18.00h, presentarase máis polo miúdo esta campaña nas instalacións da Biblioteca Pública situada na Praza do Calvario, 1. Asemesmo presentarase tamén a actividade específica do Club de Lectura.
Sábado, 27 de outubro de 2007
Doazón no Rosal
Unha unidade móbil do Centro de Doazón de Sangue de Galicia estará o luns no Rosal. Será na praza do Calvario, e se poderá doar de 10 a 14 e de 16.30 a 21h
Venres, 26 de outubro de 2007
Desenvólvese no Rosal o “Obradoiro de coeducación e reparto de responsabilidades para pais e nais”
Organizado polo Concello do Rosal - Concellería de Servizos Sociais e Muller- e subvencionado pola Vicepresidencia da Igualdade e do Benestar da Xunta de Galicia - Secretaría Xeral de Igualdade estase desenvolvendo un “Obradoiro de coeducación e reparto de responsabilidades para pais e nais” con fillos en idade escolar.
Este Obradoiro realízase mediante sesións prácticas nas que se fomenta o debate para promover o reparto igualitario de responsabilidades entre homes e mulleres e desenvólvense estratexias de negociación cos fillos e coas fillas, entre outros temas de interese.
Trátase dunha actividade gratuíta, que se leva a cabo entre as 19.00 e as 21.00 h, e que xa comezou o pasado 22 de outubro, o pasado mércores celebrouse a segunda sesión, e hoxe terá lugar a terceira. As dúas últimas desenvolveranse os días 29 e 31 de outubro
Mércores, 24 de outubro de 2007
Unha muller ferida nun Accidente no Rosal
Unha muller resultou ferida onte a mañá nun accidente de tráfico rexistrado no Concello do Rosal ás 08.22h, segundo a información da Central de Coordinación de Chamadas do 061-Galicia.
O sinistro tivo lugar na Cumieira de Abaixo, na estrada antes da ponte de Tamuxe. Ata o lugar desprazouse unha ambulancia asistencial e outra medicalizada para atender á vítima, unha muller cun traumatismo craneoencefálico, que logo dunha primeira valoración e asistencia médica, foi trasladado ao Complexo Hospitalario Universitario de Vigo .
Sábado, 20 de outubro de 2007
Accidente no Rosal onte á mañá
Onte á mañá, ás nove menos cuarto, produciuse un accidente en Tabagón no concello do Rosal na estrada que vai da Guarda a Tui segundo informa a Central de Coordinación de Chamadas do 061-Galicia.
Alí foi atentido un home cunha posible fractura nunha perna sendo trasladado nunha ambulancia asistencial a un centro privado de Vigo.
Xoves, 18 de outubro de 2007
Ciclobiblioteca no CPI Suárez Marquier do Rosal
Mañá, 19 de outubro, a partires das 10.30h a Ciclobiblioteca vai visitar ao alumnado de primaria do CPI Suárez Marquier.
As Ciclobibliotecas son un proxecto da Dirección Xeral de Creación e Difusión Cultural da Consellería de Cultura e Deporte que busca unir un medio de transporte como a bicicleta co fomento dos hábitos lectores co fin de achegar o mundo do libro directamente á sociedade e buscar o compromiso coa protección do contorno.
Cun fondo bibliográfico adaptado aos lectores máis novos, levan tamén diferentes actividades de animación como contacontos ou obradoiros diversos.
Martes, 16 de outubro de 2007
Charla sobre o cancro de mama no Rosal
Con motivo do Día Internacional do Cancro de Mama o próximo venres, 19 de outubro de 2007, ás 20.00 horas, vaise desenvolver no Centro Social Polivalente do Rosal (rúa Cabaqueiros, 4) unha charla-coloquio sobre esta doenza impartida por unha profesional da Asociación Española contra o Cancro (AECC).
A entrada é libre ata completar aforo.
Venres, 12 de outubro de 2007
Festas na honra á Virxe do Pilar e homenaxe aos cabaqueiros
Onte comezou no Rosal o programa das Festas na honra á Virxe do Pilar e a homenaxe aos cabaqueiros.
Entre as 4 e as 6, na Praza do Calvario celebrouse un obradoiro de tellas para nenos e nenas. E pola noite disfrutouse coa primeira verbena.
Hoxe venres, festividade do Pilar, ás once da mañá ofrecerá un pasarrúas a Agrupación Musical do Rosal. Ás 12 celebrarase misa solemne con sermón e procesión cantada pola Coral da Agrupación Musical do Rosal. E terá lugar tamén a Festa de lembranza popular “Aos Cabaqueiros”, con demostración do traballo dos cabaqueiros. A verbena da noite será amenizada por Iris e Troco.
Mañá sábado ás 20.45 actuará na Igrexa Parroquial de Santa Mariña o Coro Enol de Vitoria.
De forma paralela ás festas, na Liga de Amigos poderase visitar unha exposición de pintura.
Mércores, 10 de outubro de 2007
O Rosal participa nos encontros de corais que promove a Consellería de Cultura
O concello do Rosal e Oia participa no programa de encontros corais que organizan a Consellería de Cultura e Deporte e a Federación Coral Galega. O obxectivo desta iniciativa é dar a coñecer o traballo musical que elaboran estas formacións musicais no noso país.
En total benefícianse desta actividade 17 concellos e participan 62 corais.
No Rosal a cita será o próximo día 20. Será ás 20.30h na Igrexa Parroquial de Santa Mariña.
Mércores, 3 de outubro de 2007
II Xornada de Voluntariado, Cooperación e Solidariedade organizada polo concello do Rosal
O vindeiro venres, 5 de outubro, o concello do Rosal vai realizar no Centro Social Polivalente, a partires das 20.30h, a II Xornada de Voluntariado, Cooperación e Solidariedade.
Este ano tratarase o tema dos Acollementos Temporais de Menores e, para coñecer todo o relacionado cos acollementos estará, como invitada, unha especialista de Cruz Vermella de Pontevedra e unha familia que leva anos acollendo e participando no programa.
Existen distintas formas de acollemento: en convivencia plena, só acollemento de día, e acollemento de fin de semana ou vacacións. Nesta II Xornada de Voluntariado, Cooperación e Solidariedade trataranse en profundidade estas formas de acollemento e se desvelarán aquelas dúbidas que poidan ter as persoas dispostas a participar neste ámbito solidario.
Martes, 2 de outubro de 2007
Un tríptico divulga a imaxinería e riqueza artística do retablo maior da igrexa de Santa Mariña do Rosal
A parroquia de Santa Mariña do Rosal conta, desde hai uns meses, cun tríptico que co título “Igrexa parroquial de Santa Mariña do Rosal e Retábulo Maior Barroco”, da autoría de Xoán Martínez Tamuxe, divulga os valores do primeiro templo rosaleiro.
Con fotografías a toda cor, o texto comeza historiando a edificación da igrexa e as sucesivas reformas que sufriu desde o século XVI, baixo o bispado de Diego de Terquemada, ata a incorporación das pinturas do guardés Manuel Ángel, xa no último cuarto do século XIX, reproducindo escenas da vida e martirio de Santa Mariña.
A segunda parte do tríptico, e a máis ampla pois ocupa 4/6 do contido, dedícase ao retablo barroco do presbiterio que se descibe pormenorizadamente, enumerando as distintas partes en que se divide e as imaxes, coa súa disposición, distribuídas na “fachada” deste considerado como “un dos retablos máis interesantes e fermosos da diócese tudense”, e que, segundo explica Martínez Tamuxe, foi realizado “no primeiro cuarto do século XVIII”.
O autor do texto amplía esta información lembrando que “no mes de marzo de 1729, na cidade de Tui, D. Juan Antonio Ferreirós y Araújo, coengo prevendado da Santa Catedral e abade ‘sin cura’ (beneficio simple) da parroquia de Santa Mariña do Rosal, asina un contrato en unión dos artistas Ignacio Álvarez de Lara, veciño de Tui, e Juan Antonio Rolán de Santa Cruz, veciño da vila da Guarda (este en nome tamén do seu irmán Francisco). En dito contrato dise que se obrigan a pintar, dourar e a estofar onde corresponda ‘y cuyo oro ha de ser del más subido quilate’. Traballo que se fará, lembra o documento, ‘según arte y con todo primor’ ”.
“Esta obra comezaría a primiros de maio (1729) e se remataría ‘por todo mes de agosto que viene’. Os pagos, en tres prazos, faraos D. Juan Antonio Ferreirós, nun total de 12.000 reais de vellón.”
Para Xoán Martínez Tamuxe, este retablo “polas súas características e semellanzas con diversos retablos portugueses (de Monzón e Caminha), podemos asegurar que é obra de artista e taller portugueses”.
Luns, 1 de outubro de 2007
En outubro desenvolverase o “Obradoiro de coeducación e reparto de responsabilidades para pais e nais” no Rosal
Organizado polo Concello do Rosal - Concellería de Servizos Sociais e Muller- e subvencionado pola Vicepresidencia da Igualdade e do Benestar da Xunta de Galicia - Secretaría Xeral de Igualdade o próximo mes vaise poñer en marcha un “Obradoiro de coeducación e reparto de responsabilidades para pais e nais” con fillos en idade escolar.
Este Obradoiro realizarase mediante sesións prácticas nas que se fomenta o debate para promover o reparto igualitario de responsabilidades entre homes e mulleres e desenvolveranse estratexias de negociación cos fillos e coas fillas, entre outros temas de interese.
Trátase dunha actividade gratuíta que comezará o vindeiro 22 de outubro e continuará os días 24, 26, 29 e 31 entre as 19.00 e as 21.00 horas.
As persoas interesadas en participar neste obradoiro poden solicitar máis información ou realizar a inscrición dirixíndose ao concello do Rosal chamando ao teléfono 986 60 96 14.
Venres, 28 de setembro de 2007
Louzán entrega maquinaria valorada en máis de 230.000 euros á Mancomunidade do Baixo Miño
O presidente da Deputación de Pontevedra, Rafael Louzán, entregou hoxe maquinaria valorada en 234.436 euros á Mancomunidade do Baixo Miño. Ambas dotacións fóronlle adxudicadas á empresa Comercial Custodio.
No acto de entrega o titular do organismo provincial reiterou o seu compromiso de “potenciar as áreas metropolitanas e as mancomunidades”, unha liña de traballo que “xa manifestei no meu discurso de investidura e na que estou e seguirei a traballar para axudar a solucionar os problemas reais e non os ficticios e inventados da xente”.
Do mesmo xeito, Louzán recordou que a provincia de Pontevedra é a mellor dotada de parques de bombeiros e tamén con máis mancomunidades constituídas (Baixo Miño, Condado, Vigo, Deza e Salnés), iniciativas que “apoiamos e lideramos dende Deputación co obxecto de ofrecer mellores servizos ós cidadáns”.
Unha vez realizada a entrega e recepción, a maquinaria descrita pasará a ser propiedade da Mancomunidade que será responsable e asumirá o pago dos seguros e dos impostos, así coma os gastos correspondentes á súa conservación e mantemento.
O auditorio de O Rosal listo para decembro
Rafael Louzán, presidente da Deputación de Pontevedra, aproveitou a súa presenza no Rosal para visitar as obras de reforma do auditorio municipal nas que se están a investir máis de 500.000 euros.
Estas actuacións están practicamente rematadas xa que só quedan pendentes as dotacións interiores (chan, butacas, cafetería), así como o adecentamento exterior. Unha vez rematado, o auditorio terá capacidade para 400 persoas sentadas e disporá de varias aulas de ensaio. Previsiblemente, a reforma quedará rematada a finais de decembro.
Mércores, 26 de setembro de 2007
Recepción oficial a Serafín Martínez no concello do Rosal
O sábado, 22 de setembro, a Corporación do Rosal ofreceu unha recepción oficial ao ciclista Serafín Martínez, quen no seu primeiro ano como profesional participou no Volta Ciclista a España sendo líder, durante nove etapas consecutivas, da Montaña.
Ao acto, presidido polo alcalde Jesús Mª Fernández Portela, asistiron a totalidade dos corporativos rosaleiros, representantes do Club Ciclista O Rosal, no que se iniciou Serafín Martínez, da Fundación O Rosal e afeccioados ao ciclismo e familiares.
Jesús Mª Fernández Portela referiuse ao Rosal como un concello de campións recordando a outras figuras salientables do deporte. “Grazas a Serafín”, dixo noutro momento o alcalde, “falouse de Galicia nos medios de comunicación, e falouse do Rosal”. “Hoxe”, continuou Fernández Portela, “Serafín ocupa unha páxina no deporte do Rosal”. Destacou o gran labor feito polo ciclista na Volta “recoñecida polos técnicos, medios de comunicación e, por suposto, polos rosaleiros”.
Desexoulle o alcalde a Serafín "que no futuro sigas colleitando victorias e levando o nome do Rosal, como nesta ocasión, máis alá da nosa terra”.
Recoñeceu Jesús Fernández o gran esforzo que supón estar arriba, o traballo importante que hai detrás “cun gran sacrificio, privándose do disfrute, da juerga, de saír de noite para acadar as metas conseguidas por Serafín”.
Co acto que se desenvolvía o concello e o pobo do Rosal, “recoñece o gran labor realizado por Serafín produto, como dixen, do esforzo, do sacrificio, do tesón feitos cada día”.
Gerardo Álvarez Martínez, presidente do Club Ciclista O Rosal, interviu a continuación para felicitar ao ciclista de Martín polo éxito acadado. Destacou do ciclista que “sempre foi consciente do traballo que tiña que facer” e desexoulle que “poida continuar colleitando éxitos e que sexa a referencia dos nosos ciclistas”. Felicitou tamén “aos pais (de Serafín)” copartícipes do éxito conseguido polo ciclista.
A continuación o concelleiro de Deportes, Lito Martínez, que é ademais o pai de Serafín, fixo entrega en nome do concello dunha placa ao ciclista “para que figure como recordo deste acto no futuro, nas súas vitrinas”, dixo o alcalde quen, acto seguido, lle entregou a insignia de ouro do Rosal, en forma de pin.
Pola súa banda o presidente do Club Ciclista do Rosal, Gerardo Álvarez, tamén lle entregou un detalle: “traémosche só ilusión e ánimos”, díxolle a Serafín que agradeceu o agasallo recibido polo primeiro club ao que pertenceu.
Gerardo Álvarez pediu ao ciclista que asinara na bandeira do Club Ciclista O Rosal, onde xa figura a firma doutro gran corredor galego: Óscar Pereiro, líder do Tour de Francia 2006.
Serafín Martínez agradeceu a homenaxe que recibía por parte dos rosaleiros. Calificou de impresionante o recibimento que lle fixeron os rosaleiros no aeroporto. Sinalou que non era consciente da fazaña realizada ata que viu as pancartas coas que foi recibilo. Engadiu que é imposible darlle as grazas a cada rosaleiro persoalmente e unha forma de agradecer ao Rosal ese apoio incondicional, é entregándolle o primeiro dos maillot da Montaña conseguido, asinado por todos os ciclistas galegos do “Karpin Galicia” que correron a Volta Ciclista a España.
Logo de entregar ese primeiro maillot da Montaña, Serafín Martínez engadiu que “quería entregarlle outro ao Club Ciclista O Rosal representado por Gerardo para que o conserven no club”, lembrando que estivo “dez anos neste Club, igual que están estes rapaces, e ogallá máis de un poida saír adiante”.
Foi moita a xente que ao chegar ao Rosal lle pediu un dos maillots, sendo imposible contentar a todos, dixo, polo que “o maillot entregado ao concello e o maillot de todos os rosaleiros”.
Traxectoria
Gerardo Álvarez lembrou a traxectoria de Serafín Martínez na súa carreira como ciclista: Serafín empezou a correr no ano 1991, como benxamín, categoría na que estivo catro anos, facendo dous podiums en 1991, outros dous en 1992, seis en 1993, e 13 no 1994.
En 1995, xa na categoría alevín, consiguiu 5 podiums; en 1996, 23 podiums. No 1997, explicou Gerardo, por un problema de saúde, pasou un ano en branco.
En 1998, categoría infantil, logra 8 podiums.
No primeiro ano de cadetes, 1999, fae 12 podiums, e no segundo ano, no 2000, 9 podiums.
Como junior, categoría na que xa é máis difícil lograr podium, consigue 4 .
Os anos seguintes, Serafín Martínez milita noutros equipos: en Ponteareas, Superfroiz, C.C. Vigués e Karpin Galicia “onde espero que teñas moitos éxitos”.