Índice

www.galiciasuroeste.info

 

 

Mércores, 21 de decembro de 2016  

Os Bolechas “Nadal en Familia” 3 xaneiro no Rosal

Os Bolechas presentan Nadal en Familia o vindeiro 3 de xaneiro, de 16.00h a 20.00h na sala de exposicións (baixos do concello) situada na Praza do Calvario.

Os nenos poderán disfrutar de actividades diversas:

·         Concurso e exposición de postais

·         Cartas aos Reis Magos

·         Contacontos

·         Xogos populares

·         Sorteo de libros

·         Obradoiros de maquillaxe, chapas, debuxos….

  

Extraviado un talonario de participaciones de la Agrupación Musical de O Rosal

A Agrupación Musical do Rosal informa que se extraviou un talonario de participacións da Lotería de Nadal, do día 22 de diciembre de 2016, desta asociación.

Por este motivo as papeletas numeradas do 0011 ao 0020 (ambas inclusive) non darán lugar a ningún premio de resultar agraciado o número 85499, o extraviarse dito talonario e proceder a anulación das mesmas.

 

Martes, 20 de decembro de 2016  

O Rosal vístese de Nadal

O Nadal chega ata moitos dos barrios do Rosal engalanando as súas árbores e espazos públicos, malia ás dificultades debido a que os núcleos de poboación están moi dispersos, pero o obxectivo é que a veciñanza poda desfrutar da decoración navideña o máis preto posible dás súas vivendas.

Este ano hai decoración no núcleo urbano do Rosal, na ponte da Soberbia, no centro de Saúde, na estrada de Fornelos a Marzán, en Novás-Moo, na Cunchada, na árbore do cemiterio, no cruce de Villa, nos xardíns de Tabagón, diante da guardería e no parque de Pías.

Grazas a doazón de pelotas de fútbol inservibles, cedidas polos nenos do UD Ribera do Rosal e as súas familias, conseguiuse decorar O Rosal con material de reciclaxe.

Para poder desfrutar da decoración de Nadal é preciso que entre todos se coiden os espazos públicos, sinalan desde o concello co slogan “¡¡O Rosal luce mellor se o coidamos entre tod@s!!”.

 

Sábado, 17 de decembro de 2016  

Amplíase o prazo de inscrición da San Silvestre O Rosal 

O concello do Rosal amplía o prazo de inscrición, ata o 28 de decembro ás 14.00 horas, da #sansilvestreorosal. Lémbrase que  é imprescindible presentar o número de DNI dos participantes, e a data de nacemento para os menores de 12 anos se non posúen DNI.

 

Venres, 16 de decembro de 2016  

Os concelleiros do BNG do Rosal conseguiron que se aprobasen por unanimidade tres propostas que presentaron no pasado pleno do 3 de decembro

Os concelleiros do BNG do Rosal conseguiron que se aprobasen por unanimidade as tres propostas que presentaron no pasado pleno do 3 de decembro. Nas mesmas solicitaron a posta en marcha de medidas para paliar a situación de pobreza enerxética e a creación dunha tarifa eléctrica galega; demandaron o apoio da corporación á proposta da transferencia á Comunidade Galega da AP-9 e defenderon o desenvolvemento do Estatuto de Vítima de Feminicidio.

Dende o BNG do Rosal consideran que se trata de tres iniciativas para as que é importante a toma de conciencia das corporacións municipais, pois os concellos son as administracións que coñecen de primeira man a realidade social, tendo a importante labor de facer chegar as necesidades e as propostas dos cidadáns aos organismos que deben implementar medidas  para solucionar os problemas.

A portavoz do Grupo Municipal do BNG, Ánxela Fernández, resaltou a importancia que para a economía galega tería a transferencia á Comunidade da AP-9, a principal vía de comunicación de Galicia pola que, a pesares de estar máis que amortizada, os usuarios seguen pagando uns prezos abusivos.

 

Actos da Agrupación Musical do Rosal para os próximos días

Con motivo do fin de trimestre e das festas do Nadal a Agrupación Musical do Rosal organiza, no Auditorio Municipal, este domingo, 18 de decembro, ás 19.00 horas, o Festival de Nadal coa  participación do Coro Infantil e de Voces, Coral, Banda Infantil, Minibanda e nenos de Iniciación Musical da escola de música.

Durante o acto realizarase a entrega dos premios do II Concurso de Carteis de Nadal, organizado pola asociación dentro da escola de música, estando expostos os debuxos gañadores e finalistas na entrada do auditorio.

Outros actos terán lugar o xoves, 22 decembro, e o venres, 23, ás 20,30 horas, coa Audición de alumnos da escola.

 

Xoves, 15 de decembro de 2016  

El sábado, concierto de Navidad en el auditorio de O Rosal

            Organizado por la Coral Polifónica “Ecos do Folón”, con el patrocinio del Ayuntamiento de O Rosal, la Comunidad de Montes Santa Mariña y la Diputación de Pontevedra, el Auditorio de O Rosal acogerá el este sábado, a las 19 horas, el VII Concerto Coral Ecos do Nadal, con la participación de la Coral Polifónica “Lira”, de San Miguel de Oia (Vigo) que interpretará “Natal”, villancico de Elvas, Portugal, con música de Enrique García Vall;Ven, Niño, Ven”, villancico cuyano de  F. A. Rey Rivero, y “Las Espigadoras”, de La Rosa del Azafrán, de Jacinto Guerrero.

La Coral Polifónica de A Cañiza,  interpretará “Cuando Venga, letra de Gerardo Diego y música de Enrique García Vall; “Pastores Cantái”, letra de Xosé Casal y música de Enrique García Vall, y “El Invierno Más Glacial”,  de Enrique García Vall.

La anfitriona, Coral Polifónica “Ecos do Folón”, pondrá voz a “Suenan Campanas”,  de Felix Mendelssohn con arreglos de: M. Nosetti y letra de J. Blasco; “Señora Doña María”, tonada-villancico tradicional chileno, y “Canto ó Rosal”, con letra de Manuel de Ventosela y música de José “Marino” González.

            El concierto finalizará cantando las tres corales juntas bajo la dirección de Jorge Fernández.

 

Mércores, 14 de decembro de 2016  

Obradoiros de monicreques e máscaras no Rosal

O concello do Rosal organiza obradorios de máscaras e monicreques, o 26 decembro, na sala de exposicións, baixo a dirección de Viravolta.

Levarase a cabo un primeiro obradoiro de monicreques de luva con materiais de refugallo, de 11.00 a 13.00 horas, para as idades de entre 6 e 12 anos.

O segundo obradoiro será de máscaras con materiais alternativos, desenvolverase de 17:00

a 18:30 horas, para as idades de entre 5 e 12 anos.

As inscricións faranse no número de teléfono 986 62 50 00 extensión 4

 

Sábado, 10 de decembro de 2016  

O BNG do Rosal reclama a aplicación das bonificacións catastrais

O BNG do Rosal vén de reclamar ó alcalde, no último pleno celebrado, que cumpra o compromiso cos veciños e  aplique as bonificacións potestativas relativas ó “catastrazo” que foron aprobadas no Pleno do 2 de abril.

A aplicación das bonificacións  favorecería ás granxas e ás familias numerosas ante a situación de dificultade económica vivida pola sociedade no seu conxunto e polas explotacións agrogandeiras. Ademais, insisten os nacionalistas, incentivaría o emprego das enerxías renovables.

 

Sábado, 3 de decembro de 2016  

Iniciativa do Rosal para promover o respecto polos parques

Este Nadal o Concello do Rosal ten, entre as súas prioridades, acondicionar os espazos públicos e chegar a cada barrio do concello, para o que promove a iniciativa “Abraza unha Árbore”, que chega estes días ao Parque de Pías e á Praza do Calvario, continuando os próximos días con Tabagón, Pías-San Gregorio, Cunchada, Marzán e Cumieira, ata chegar ao máximo posible de parroquias.

Esta iniciativa xorde da idea de inculcar o respecto polos espazos públicos para o goce de todos os veciños do Rosal.

Asímismo puxéronse uns carteis co lema “O Rosal loce máis se o coidamos entre tod@s”.

 

Venres, 2 de decembro de 2016  

Obra Social La Caixa entrega un lote de alimentos ó concello do Rosal

Jesús Mª Fernández Portela, alcalde do Rosal, e Mª del Carmen Alonso Alonso, tenente alcalde, recibiron nas instalacións do Centro Social Polivalente a Igor de las Heras Liñero, director da Área de Negocio de Pontevedra Sur, e a José Antonio González Quintas, director da oficina de La Caixa do Rosal, na entrega dunha doazón de alimentos por valor de 1.500 euros.

Esta entidade non é a primeira vez que colabora con entregas de alimentos procedentes da súa obra social, polo que dende o concello agradecen este feito, e recoñecen o apoio que sempre amosou a entidade cos veciños e co propio concello.

Estes alimentos serán entregados entre as familias máis necesitadas do municipio do Rosal.

 

Xoves, 1 de decembro de 2016  

Concerto da Agrupación Musical do Rosal coa participación dos novos músicos

A banda da Agrupación Musical do Rosal, que este ano conmemorou o 30º Aniversario, ofrecerá un concerto no Auditorio do Rosal, ás 20:30 horas do sábado, 3 de decembro, no que debutarán os novos integrantes, rematando a velada cunha ceabaile na que participarán músicos, socios e familiares da Agrupación Musical.

Os actos comezarán cunha misa, ás 18:30 horas, na honra a Santa Icía, na Igrexa Parroquial de Santa Mariña.

A continuación terá lugar o acto central da celebración, o concerto da banda, no que farán a súa presentación dous novos integrantes: Juan Román, de 12 anos, e Sergio Rivero, de 14, ambos da especialidade de percusión. Para esta ocasión a banda preparou un programa baseado en música de países do Cáucaso (Armenia, Azerbaiján, Georgia, entre outros), con obras de Fikret Amirov, Aram Kachaturian e Alfred Reed, ademais dalgunha sorpresa.

 

Martes, 29 de novembro de 2016  

Éxito de recollida de alimentos no Rosal

A pasada fin de semana, o Auditorio Municipal do Rosal acolleu unha obra de teatro e unha longametraxe con gran asistencia de público.

O sábado, día 26, representouse a obra de teatro “Maruxiña bailona” do grupo de teatro “Os mellores do Ghrupo”, de Oia, con entrada gratuita, pero que ofrecía a posibilidade de entregar un quilo de alimento. A resposta foi moi positiva e recolléronse centos de kilogramos a favor de SOS Tomiño.

O domingo a quenda era para a longametraxe “Anriquito” de elenco goianés e presentada polo “Grupo de Cine Sanroquiño”. A entrada tamén foi gratuita e a recolleita de alimentos foi nesta ocasión para Conrazones.

 

Sábado, 26 de novembro de 2016  

Aberta a inscrición para a III San Silvestre non competitiva do Rosal

A III San Silvestre do Rosal realizarase o día 31 de decembro e será organizada polo Concello en colaboración co comercio do Rosal, non tendo carácter competitivo, senón que se trata dunha xuntanza familiar de tódalas persoas e tódalas idades posibles.

O percorrido realizarase polo casco urbano do Rosal cun total de 5.142 metros no caso da carreira e de 2.400 metros no caso das persoas que prefiren realizalo camiñando xunto cos pais, avós e nenos.

A entrega de dorsais efectuarase no momento de pago da cota de inscrición, e a saída será ás 11.00 da mañá para a carreira de 5 km e a continuación sairá a de 2.400 m para aqueles que decidan facer o percorrido camiñando. Ó finalizar, os participantes poderán tomar un chocolate quente mentres se realizan o sorteo dos premios. Así mesmo, o premiado deberá estar presente para recibir o premio, senón sortearase novamente. Os produtos ou servizos sorteados son cedidos polo comercio do Rosal que colabora activamente nesta iniciativa

As inscricións da San Silvestre do Rosal realizaranse no Servizo de Información Xuvenil e Animación Sociocultural do Concello do Rosal ou a través do teléfono 986 62 50 00.

Poderán participar todas as persoas que o desexen e sen límite de idade. Os vehículos a utilizar serán os propios da Policía Local do Rosal e a ambulancia. Non haberá paradas técnicas xa que o percorrido é moi pequeno.

Os rapaces de 0 a 5 anos recibirán todos un agasallo, e non existen premios ós participantes que cheguen en primeiro lugar a meta, senón que se premiará á participación seguindo as categorías para efectuar o sorteo dos premios.

A categoría Infantil: de 0 a 14 anos, nos tramos de idade de 0 a 5 anos (non participan no sorteo); de 6 a 10 anos e de 11 a 14 anos.

A categoría Xuvenil – Adulto, cos tramos de 15 a 20 anos e de 21 en adiante.

 

Venres, 25 de novembro de 2016  

Case 150 niños de vespa velutina retirados no Rosal

148 niños de vespa asiática foron retirados nos diferentes barrios do Rosal no que vai de xuño a novembro. 43 en Ferreiros, 28 en Fornelos, 27 en Novás, 23 en Marzán, 16 en San Miguel, 7 en Tabagón, 4 en Eiras. Nos concellos limítrofes da Guarda, Oia e Tomiño tamén se retiraron 9 niños.

Nesta actuación participaron 3 persoas voluntarias que colaboran co Concello do Rosal.

A presenza desta especie invasora, é especialmente agresiva para as abellas locais, pondo en perigo a polinización e a produción de mel, pero tamén a froita ou a vide xa que a abella asiática vese atraída pola froita madura.

 

O Auditorio Municipal do Rosal acollerá o 10 de decembro un espectáculo de baile

O sábado, 10 de decembro, a Escola de Baile, Marcando Pasos, formada por rapaces representarán un espectáculo de baile no Auditorio Municipal do Rosal, ás 18.00 horas, que será o preámbulo do inicio das festas de Nadal, xa que, ademais de diversas modalidades de baile haberá algunha animación navideña.

 

Xoves, 24 de novembro de 2016  

Curso interxeracional de cociña no Rosal

O Concello do Rosal, en colaboración coa Deputación de Pontevedra, a través do  programa “Tecendo lazos” organiza un curso de cociña onde poden participar pais e avós, preparando xuntos diferentes pratos. A duración do curso é de 16 horas, impartíndose en decembro, en días e horas por determinar.

O obxectivo fundamental deste cursiño é organizar unha actividade que favoraza as relacións interxeneracionais de xeito que fillos, pais e avós participen conxuntamente na actividade.

            Terán preferencia na inscrición aquelas persoas que se anoten xuntas e pertenzan a diferentes xeracións.

Os participantes de entre 13 e 17 anos que queiran acudir sós deberán achegar o consentimento dos pais. Os menores de 13 anos deberán acudir sempre acompañados por un adulto.

A solicitude será cuberta co nome e apelidos, DNI, data nacemento e enderezo. Ademais deberase entregar a fotocopia do DNI, volante de empadroamento e autorización dos pais no caso de ser preciso.

 

Mércores, 23 de novembro de 2016  

Campaña do profesorado do Rosal co lema “Eu tomo partido, e ti?”, co gallo do Día Internacional conta a violencia de xénero

Con motivo do 25 de novembro, Día Internacional conta a violencia de xénero, o Concello do Rosal quere comprometerse dun xeito especial implicando a cada colectivo que ten representación na nosa sociedade.

Este ano o profesorado, que vén traballando de xeito comprometido coa xente máis nova do concello, formando, coidando e guiando aos escolares, quere amosar o seu desacordo con esta lacra, mediante a campaña “Eu tomo partido, e ti?”.

O colectivo do profesorado, ten un peso fundamental xa que fai un labor de concienciación dentro das aulas pero tamén fora delas, traspasando o centro educativo, chegando ás familias e en definitiva a toda a sociedade.

Participan no proxecto Ana Sofía Rodríguez Pereira, directora do CPI Manuel Suárez Marquier e profesora de educación primaria; Moncho Fernández Leal, profesor de educación primaria na unitaria de Fornelos; Loli Sánchez Blázquez, profesora de apoio educativo en educación secundaria; Manolo Alonso Macías Jorreto, profesor de educación primaria na unitaria de Pías; Sonia García Castiñeira, profesora de inglés en educación secundaria; Xosé manuel Méndez Díaz, xefe de estudos de educación primaria e profesor de música, Pablo Alexis Rodríguez Soler, profesor de tecnoloxía en educación secundaria, Esperanza Iglesias Vilacha, directora e profesora do CRA María Zambrano; Mª Teresa Iglesias Pena, profesora de educación primaria no CPI, e Lobina Santoke Basanti, profesora de educación primaria no CPI

 

Martes, 22 de novembro de 2016  

Teatro no Rosal “Maruxiña Bailona”

O 26 de novembro, ás 20.00 horas, no Auditorio Municipal do Rosal o grupo de teatro “Os Mellores do Ghrupo”, de Santa Mª de Oia, presenta a obra “Maruxiña Bailona” con motivo do Día Internacional Contra a Violencia de Xénero. O prezo da entrada será 1 kg de alimento non perecedoiro a beneficio de SOS Tomiño, colaboradora cos Servizos Sociais do Rosal

                                            

Cine: “Anriquito” longametraxe do Grupo San Roquiño de Goían

O  vindeiro 27 de novembro, ás 18.00 horas, no Auditorio Municipal do Rosal o Grupo de Cine San Roquiño  de Goián presenta o film “Anriquito”, inspirada na canción dos anos cincuenta “Anriquito, unha historia de amor ghoianesa”.

Entrada solidaria 1kg de alimento non perecedoiro a beneficio de Conrazones.

 

Sábado, 19 de novembro de 2016  

Fachada morada y panel de firmas contra la violencia de género

Ante la conmemoración del Día Internacional contra la violencia de género, el  25 de Noviembre, el concello do Rosal se une a esta fecha recordando a los vecinos de O Rosal, que este no es un día más.

A la vez que se reafirma el compromiso de trabajar por una educación y un trato igualitario y no sexista con la juventud del municipio, se quiere incidir incidir en los cambios que suponen comenzar a asumir que estas conductas violentas  deben desaparecer de nuestras  vidas.

Para ello la fachada del concello y de la Cámara Agraria se iluminará de color morado, iluminación que se mantendrá durante todo el mes de noviembre como recordatorio de que aún falta mucho por hacer.  Y un lazo morado acompaña a la iluminación para señalar esta fecha.

Además se colocará un panel de firmas en la entrada del Ayuntamiento para que todos aquellos que lo deseen se unan a este compromiso, firmando en contra de la violencia de género.

 

Mércores, 16 de novembro de 2016  

Festival de acordeóns na honra de Santa Icía

O domingo, 20 de novembro, ás 18.00 horas no Auditorio Municipal do Rosal celebrarase o Festival de Acordeóns na honra a Santa Icía, organizado polo Grupo de Acordeóns Mascarenhas, da Guarda

 

Luns, 14 de novembro de 2016  

Magosto de A Jalleira o 26 de novembro

O sábado, 26 de novembro, o colectivo A Jalleira organiza un Magosto Popular, que comezará ás 15:30 horas, cunha andaina dirixida por Pepe Buraco, que mostrará a arqueoloxía descoñecida do entorno ós Muiños do Folón e do Picón, (Castro de Martín, Mámoa do Picón, arqueoloxía industrial). A saída será dende a explanada do Folón, Martín, cun percorrido de 5 km de dificultade baixa. 

Ás 19:30 horas celebrarase o Magosto na praza do Calvario do Rosal, con foliada, troula e castañas de balde.

 

Xoves, 10 de novembro de 2016  

Hoxe asemblea do BNG-AA no Rosal

Ás 20:00 horas de hoxe o BNG convoca unha asemblea aberta nos baixos do Concello do Rosal co obxectivo de escoitar, intercambiar opinións e recoller propostas dos veciños do Rosal, e dar conta do traballo realizado como grupo municipal e como concelleiros.

Lembran desde a formación nacionalista que as asembleas abertas teñen data fixa, celebrándose o segundo xoves de cada mes impar, que son nos que hai pleno, nos baixos do Concello ás 20:00.

 

Martes, 8 de novembro de 2016  

Abadía de San Campio 2015 recibe la máxima distinción en el V Concurso Internacional Albariños al Mundo Holanda 2016

Abadía de San Campio 2015 recibió un nuevo premio en el V Concurso Internacional Albariños al Mundo Holanda 2016, que lo distinguió con el Gran Albariño de Oro.

El certamen, celebrado en la ciudad de Utrecht, congregó a un jurado internacional compuesto por sumilleres, periodistas, responsables de compras y prescriptores para valorar los mejores vinos de Galicia y Portugal elaborados con la variedad autóctona gallega.

La Unión Española de Catadores es la entidad organizadora del concurso, un proyecto itinerante con el objetivo de  potenciar en los principales mercados vinícolas internacionales el reconocimiento de los vinos en los que el Albariño es la variedad protagonista.

Este premio se suma a la Medalla de Oro obtenida por la añada del 2015 del monovarietal de Albariño de Bodegas Terras Gauda en el Challenge International du Vin de Burdeos, en el que participaron cerca de 5.000 vinos de 38 países.

El único vino de Terras Gauda que se presenta a concursos está elaborado con uva procedente de los viñedos de mayor altitud, con menor humedad, más frescos y una mayor diferencia de temperatura entre el día y la noche, lo que favorece una maduración más lenta. El resultado es un Albariño muy fresco, de gran intensidad aromática, con mayor acidez y suavidad en la boca.

Consolidar su presencia en mercados internacionales es uno de los objetivos de la bodega, que destina un 21% de su producción a exportaciones. Terras Gauda está presente en 58 países de todo el mundo.

Estados Unidos, Reino Unido, Canadá, México, Noruega, Alemania y Holanda son los mercados de referencia en el exterior para la bodega, que en los últimos meses ha reforzado su posicionamiento en  Japón, China, Bélgica, Dinamarca, Alemania y Suiza mediante la firma de nuevos acuerdos de distribución.

 

Sábado, 29 de outubro de 2016  

'Pegadas de Castelao' representación a cargo da compañía Migallas Teatro, no Auditorio Municipal

                'Pegadas de Castelao' de Migallas Teatro chega a O Rosal no marco da xira teatral do Ano Castelao da Deputación de Pontevedra. Esta obra, de carácter familiar, será representada hoxe, ás 19:30 horas no Auditorio Municipal.

                'Pegadas de Castelao' é un espectáculo dirixido a todos os públicos a partir de 6 anos, e ten como obxectivo a difusión da figura e obra de Castelao en todas as súas facetas dunha forma amena e divertida. Combina cantar de cego, títeres, e teatro de actor, todo acompañado por música en directo e cantigas tradicionais vinculadas  á súa vida e obra. Tamén trata de axudar a descubrir as fondas pegadas que deixou Castelao no pobo galego e que fan que, en moitos eidos, continúe sendo un firme guieiro do presente. O espectáculo corre a cargo de 'Ermelinda' e 'Maximino', os dous personaxes da obra que, entre outros temas, interpretarán pezas tan coñecidas como 'A Rianxeira', creada por dous veciños de Rianxo para recibir a Castelao cando chegou a Arxentina exiliado.

                Despois de pasar por O Rosal, esta obra tamén estará en Vilaboa (12 de novembro), A Illa de Arousa (10 de decembro), Portas (11 de decembro), e Barro (23 de decembro). Esta é unha das cinco propostas que o ente provincial incluíu na súa programación teatral con motivo do Ano Castelao e co obxectivo de que os concellos poidan complementar a súas ofertas culturais e posibilitar que o teatro chegue a toda a poboación da provincia. Esta programación inclúe cinco obras, a mencionada 'Pegadas de Castelao' de Migallas Teatro, 'Os vellos non deben de namorarse' de Teatro do Morcego, 'Retrincos de Castelao' de Culturactiva, 'Que comera o rei?' de Cándido Pazó, e 'A lingua na boca' de Limiar Teatro. Cinco propostas que sumarán 90 representacións ata finais de ano, das cales 62 xa tiveron lugar nos meses de xullo e agosto coa obra 'A lingua na boca', que percorreu xa todos os concellos pontevedreses.

 

SOS Tomiño Baixo Miño, en O Rosal se traslada a la Casa de Oficios de A Mata

Desde los primeros días de julio la Asociación Asistencial SOS Tomiño Baixo Miño, extiende su labor humanitaria al municipio de O Rosal, destacando que la colaboración del concello fue muy importante brindándoles un local donde atender a las familias que han acudido a solicitar la ayuda.

Recuerdan que iniciaron su trabajo en el edificio Social Polivalente, y que la recogida de expedientes se realizó los lunes y los jueves, desde las 10:30 de la mañana hasta las 12:30, entregándose los alimentos los sábados.

Tras este periodo de implantación, y con el objetivo de mejorar la labor, SOS Tomiño Baixo Miño, se trasladó a la Casa de Oficios de A Mata, en el barrio Cumieira de Arriba, donde, a partir del día 1 de noviembre, se realizará la recogida de expedientes, se dará la información que todos los interesados soliciten y se entregarán los alimentos que son asignados a cada familia beneficiaria.

Hacen desde este colectivo un llamamiento para que las personas que desean colaborar a título individual, puede hacerlo en el lugar y en los horarios anteriormente citados.

 

Mércores, 26 de outubro de 2016  

30º Aniversario da Agrupación Musical do Rosal

A Agrupación Musical do Rosal conmemora este vindeiro domingo, día 30, o 30º Aniversario, cun concerto que ofrecerá a banda de música no Auditorio do Rosal, ás 18:30 horas.

Baixo a dirección de José Javier Bascoy interpretarán un programa con obras de diversos estilos dos compositores Luis Serrano Alarcón, Shostakovich, José Serrano, Teo Aparicio Barberán e Gershwin.

A asociación quere dedicar esta data tan sinalada aos fundadores da asociación, facendo unha pequena homenaxe á primeira Xunta Directiva que alá polo ano 1986 deron os primeiros pasos para construír a gran familia musical da que hoxe temos a sorte de formar parte.

Ademais, este domingo a Agrupación Musical do Rosal contará con antigos componentes que aceptaron a iniciativa de compartir unha tarde de música.

 

Martes, 25 de outubro de 2016  

Teatro no Rosal coa representación de “Pegadas de Castelao” o 29 de outubro ás 19.30 horas

O sábado, 29 de outubro, ás 19.30 horas no Auditorio Municipal do Rosal a compañía Migallas Teatro presenta, “Pegadas de Castelao”, un espectáculo dirixido a todos os públicos a partir de 6 anos que ten como obxectivo a difusión da figura e obra de Castelao en todas as súas facetas: escritor, político, artista e promotor cultural, dunha forma amena e divertida.

Para lograr este obxectivo, combínanse diferentes técnicas dramáticas: cantar de cego, títeres e teatro de actor, acompañado por música en directo e cantigas tradicionais vinculadas á súa vida e obra.

Así mesmo, con “Pegadas de Castelao”, quérese axudar a descubrir as fondas pegadas que deixou Castelao no pobo galego e que fan que, en moitos eidos, continúe sendo un firme guieiro para o noso presente e futuro.

 

Martes, 6 de setembro de 2016 

Aberta a matrícula na Escola de Música da Agrupación Musical do Rosal

Ata o 15 de setembro permanece aberto o prazo de matrícula para o curso 2016/2017 na Escola de Música da Agrupación Musical do Rosal, autorizada pola Xunta de Galicia e como tal figura inscrita co código de centro 36000843 no rexistro de escolas de música.

As materias que se imparten son Iniciación Musical (de 4 a 7 anos); Linguaxe Musical (a partir dos 8 anos: 1º, 2º, 3º, 4º e 5º), Solfexo para adultos e Harmonía.

Como instrumentos ofrece alternativas de oboe, frauta, clarinete, saxofón, fagot, trompeta, trompa, trombón, bombardino, tuba, violoncello, percusión, piano, guitarra, gaita;  tamboril, pandeireta e baile tradicional

Conta a Agrupación Musical do Rosal con distintos grupos como a Minibanda, Banda Infantil, Música de Cámara, Coro Infantil (a partir dos 3 anos), Coro de Voces e Coro de Adultos.

As clases darán comezo o 3 de outubro, realizándose unha reunión previa cos alumnos matriculados.

Para máis información as persoas interesadas poden dirixirse á oficina da escola, no Auditorio do Rosal ou ben chamando aos teléfonos 986.626.311 ou 609.866.792.

 

A Xunta publica a aprobación do expedente de información pública e o proxecto de construción das obras de mellora da estrada Pancenteo-Marzán (PO-353) 

A Xunta publica hoxe no Diario Oficial de Galicia (DOG) a aprobación do expedente de información pública e o proxecto de construción da mellora da estrada que une as localidades de Pancenteo e Marzán (PO-353) na provincia de Pontevedra ao seu paso polo Concello do Rosal, concretamente, entre os puntos quilométricos 3+150 ao 5+360. Este anuncio pódese consultar na seguinte dirección: http://goo.gl/fQYhLn

O proxecto ten por obxecto a mellora da seguridade vial e a accesibilidade, tanto dos vehículos como dos peóns, actualizando e complentando a drenaxe e a sinalización existente en dito vial.

As obras, que darán continuidade ás executadas na Guarda, contemplan unha actuación na sección da estrada, a renovación e ampliación das beirarrúas, a incorporación dunha senda peonil, a substitución da drenaxe lonxitudinal, e a ampliación das drenaxes transversais. Ademais, do reforzo de firme e renovación da sinalización, balizamento e defensas ao longo do treito obxecto do proxecto.

Con isto, ao Concello do Rosal deberá adaptar o seu planeamento urbanístico o contido no proxecto.

Con estas accións aumentarase a comodidade da circulación ao ampliar o raio das curvas e se incrementará a seguridade e facilitarán os xiros en condicións máis seguras, reordenando as interseccións existentes no tramo.

 

Sábado, 3 de setembro de 2016 

'A lingua na boca' da compañía Limiar Teatro remata a xira na provincia no Rosal

                Hoxe, sábado, ás 22 horas no Auditorio do Rosal, representarase a obra 'A lingua na boca', da compañía Limiar Teatro, co que rematará o seu percorrido polos 62 concellos da provincia. Trátase dunha representación teatral creada especificamente para achegar, dun xeito contemporáneo e atractivo, a figura de Castelao ao público actual. A obra, que forma parte da programación do Ano Castelao da Deputación, está interpretada polos actores Fran Núñez e Brais Iriarte e conxuga música, humor e narración oral, partindo de textos do propio Castelao combinados con historias de creación propia sobre a vida e a traxectoria do autor pontevedrés de adopción. As historias acompáñanse de temas musicais e melodías tradicionais galegas actualizadas e interpretadas en directo con diferentes instrumentos como guitarra, contrabaixo, frautas e melódica. Cunha escenografía sinxela, os dous intérpretes van repasando as diferentes facetas do Castelao médico, debuxante, escritor e político, para amosarllas ao público dun xeito comprensible e suxestivo.

                Segundo ten explicado o director da obra, Fran Núñez, trátase dun "espectáculo sobre Galicia e a súa lingua a través dunha achega contemporánea á obra de Castelao, unha das principais figuras da historia da Galicia".