Índice

www.galiciasuroeste.info

 

SETEMBRO

 

Martes, 2 de septiembre de 2015      

O Concello de Tomiño clausura o curso de verán de tenis e pádel con máis de 80 alumnos

O Concello de Tomiño vén de clausurar o curso de verán de tenis e pádel no que participaron máis de 80 alumnos organizados nos niveis de iniciación, perfeccionamento e profesional.

A modalidade de tenis contou con 56 participantes, todos menores de 18 anos, e na de pádel 24 alumnos dos que 7 foron adultos.

A actividade formaba parte da programación estival do concello de Tomiño na que se incluían outros deportes como fútbol, ioga e piraguismo.

As actividades de verán cunha aposta polo deporte de base, contaron con máis de 320 nenos de todas as idades, a través das que se fomentan o traballo en equipo, a comunicación e as relacións entre nenos de diferentes idades e lugares.

As idades de entre 3 e 13 anos son os principais beneficiarios, mais tamén os adultos que participan en actividades como o pádel.

A actividade foi impartida polo monitor Fabián Gutiérrez Corvetto que é diplomado en educación física e coach en P.N.L.

O concelleiro de Educación, Ismael Troncoso, destaca “a importancia de fomentar o deporte de base en idades temperáns. A programación deportiva de verán ademáis facilita a conciliación familiar nas vacacións, periodo no que moitas familias teñen serios problemas para compaxinar o tempo familiar e laboral”.

Os interesados poden dirixirse para acadar máis información a Vontade.