Índice

www.galiciasuroeste.info

 

XANEIRO

 

Mércores, 31 de xaneiro de 2018       

A OMIX impulsa un curso de monitor de tempo libre e un obradoiro de galletas para marzo

A Concellería de Xuventude, a través da Oficina de Información á Xuventude (OMIX) da Guarda, lanza dúas novas propostas de accións formativas e lúdicas que darán comezo no mes de marzo: un curso para a obtención do título de monitor de tempo libre e un obradoiro de cociña orientado á elaboración de galletas.

O curso para a obtención do título de monitor de tempo libre impartirase as fins de semana dende marzo e incluirá, como novidade, a formación e certificación de manipulador/a de alimentos. As clases teóricas terán lugar no antigo colexio Sinde e durarán ata comezos do mes de xuño, reservando o verán para a realización das prácticas. O custe do curso, homologado pola Xunta de Galicia e con prazas limitadas, será de 175 euros por persoa. 

O obradoiro de elaboración caseira de galletas ofrecerá unha opción de cociña creativa e apetitosa para elaborar doces. O taller desenvolverase en tres sesións, previsiblemente, durante os luns do mes de marzo en horario de 19 a 21 h. O prezo da actividade será de 28 euros por persoa, con todo o material necesario incluído.

As persoas interesadas en realizar algunha das accións formativas, poderán ampliar información e formalizar a súa inscrición na OMIX da Guarda, chamando ao 986 614 546, a través do correo electrónico informacion@aguarda.es ou ben na súa páxina de Facebook (@patricia.omixaguarda).

 

Martes, 30 de xaneiro de 2018       

O Entroido guardés traerá cinco días de festa, música e desfiles para toda a veciñanza

O Entroido comezará na Guarda a próxima semana e prolongarase durante 5 días cunha ampla programación de actividades e o tradicional desfile-concurso aberto á participación de todos os veciños e veciñas da vila.

O inicio das festas será o vindeiro venres 9 de febreiro co  “Entroido dos coles”. Nel, o alumnado dos centros de educación infantil e primaria da Guarda amosarán os  disfraces elaborados manualmente para a ocasión, cun desfile que partirá da Alameda ás 12 h e percorrerá a rúa Galicia ata a coñecida como “esquina do Galo”.

O 10 de febreiro será o “sábado de güateque” co concerto de Rockin’ Gina & the Sentinels na Alameda a partir das 23:30 horas. Deseguido, a música retro tomará o paseo, coa actuación de DJ Guille ata ben entrada a madrugada. A música e o baile continuarán o 11 de febreiro co denominado “domingo das familias”, no que contaremos coa actuación da orquestra Abanico na Alameda a partir das 18 horas.

Os cativos serán os protagonistas o luns, na festa infantil na que poderán gozar dun obradoiro de maquillaxe, xogos xigantes, un baile de disfraces con concurso e un carriño larpeiro de filloas, todo amenizado por unha discoteca móbil na Alameda dende as 18 horas.

Martes de Entroido

A gran festa dos disfraces chegará o Martes de Entroido, coa celebración do desfile-concurso no que poderán participar todos os veciños, veciñas e asociacións da vila. As bases contemplan ata cinco categorías diferentes de participación (carrozas, comparsas, grupos, individual-parellas tanto adulto coma infantil) na modalidade de concurso, cunha ampla variedade de premios.

Nesta liña, as 10 primeiras comparsas e carrozas que se inscriban recibirán unha axuda de 200€ como compensación polo traballo e esforzo realizado. As comparsas e carrozas concursarán por un primeiro e segundo premio (dotados de 250€ e 150€, respectivamente) e  nas demais categorías repartiranse ata 18 recoñecementos entre os 6 mellor valorados en cada grupo, cun orzamento total de 1.070€. As persoas interesadas en participar poderán ampliar a información nas bases dispoñibles neste enlace e realizar as inscricións entre o  30 de xaneiro e o 6 de febreiro.

O desfile partirá ás 17:30 h da coñecida como “esquina Famosa” na rúa San Bernardo, para despois percorrer as rúas Porto Rico e Galicia ata chegar á Alameda, onde se darán a coñecer os gañadores en cada categoría do concurso.

Saborear o Entroido

Como complemento ás festas, entre o sábado 10 e o martes 13 de febreiro ofertarase o popular Menú de Entroido, cunha completa oferta de alimentos típicos dos que se poderá gozar en 7 restaurantes guardeses a un prezo único de 18€.

O menú por persoa constará dun primeiro prato a elixir entre caldo ou empanada, un segundo prato composto por lacón con grelos, patacas e chourizo, e unhas sobremesas típicas destas festas: as filloas ou as orellas de entroido.

Os restaurantes adheridos á iniciativa son: Arruaz, Camping Santa Tecla, La Pizzicata. Novo Funil, O Cangrexal, Xantar e Xeito. Recoméndase, con todo, reservar mesa previamente nos restaurantes para asegurar a dispoñibilidade do menú, do que poderán gozar todas aquelas persoas que gusten dos pratos típicos.

 

Mércores, 31 de xaneiro de 2018       

Os escolares da Guarda invitados pola Comunidade de Montes de Caamposancos para plantar 1.000 árboles

Hoxe, mércores, o xoves e o venres, a Comunidade de montes de Camposancos en colaboración cos colexios de primaria da Guarda, Manuel Rodriguez Sinde, PP.Somascos e HH. Carmelitas, plantarán 500 árbores: 250 cerdeiras e 250 nogais. 

            Esta actividade comezará ás 11.00 horas de hoxe co colexio Rodríguez Sinde; mañá, ás 10 horas, será a quenda do alumnado do colexio PP Somascos, e o venres, ás 11 da mañá, subirán ao Trega os alumnos do colexio HH, Carmelitas.

Fernando Martínez, presidente dos comuneiros de Camposancos, explica que pasado o Entroido, seguirán coa plantación doutras 500 árbores, neste caso 300 castiñeiros, 100 nogais e 100 cerdeiras.

Nestes momentos os comuneiros traballan preparando o terreo onde se farán as prantacións con cinco obreiros contratados pola Comunidade na zona de Chans de arriba, para continuar posteriormente, co arrincado de rebrotes de acacias en toda a zona deforestada en anos anteriores e na limpeza de sendeiros.

 

Martes, 30 de xaneiro de 2018       

O curso preparatorio para o graduado en ESO comeza con 30 persoas inscritas

O curso preparatorio para a obtención do graduado en Educación Secundaria Obrigatoria (ESO), organizado polo Concello da Guarda, comezou o pasado 22 de xaneiro con preto de 30 persoas inscritas.

As clases, sen custe para o alumnado, impartiranse ata setembro no antigo colexio Sinde en horario de mañá, con profesorado cualificado e un programa de ensino orientado á superación do exame en modalidade libre.

Prazo de matriculación nas probas

As persoas interesadas en realizar a proba para a obtención do graduado en ESO xa poden consultar as datas para a matriculación nas convocatorias de maio e setembro no Diario Oficial de Galicia (DOG) Nº 16, do 23 de xaneiro de 2018.

Así, para a realización do exame do 25 de maio, a matriculación deberá realizarse entre o 12 e o 23 de marzo; namentres para acudir á segunda convocatoria (7 de setembro), compre realizar a matriculación entre o 2 e o 9 de xullo (*).

Aquelas persoas que desexen manterse informadas sobre a apertura do prazo de inscrición en futuros cursos preparatorios, poderán dirixirse á Oficina de Información á Xuventude (OMIX), chamando ao 986 614 546, ou á Axencia de Emprego e Desenvolvemento Local (AEDL) do Concello da Guarda, chamando ao 986 610 000 ou no correo electrónico emprego@aguarda.es.

 

Sábado, 27 de xaneiro de 2018       

O BNG presenta moción na Guarda contra a suba das peaxes da AP-9

O Bloque Nacionalista Galego presentou unha moción na que se insta á Xunta de Galicia a demandar a supresión da subida das peaxes na AP-9, así mesmo, tamén se insta a Xunta de Galicia a que cumpra os acordos do Parlamento galego e demando ao Goberno do estado a transferencia da AP-9 á administración galega e a supresión do tramo da AP-9 entre Vigo e Rande.

O BNG lembra que o Goberno do Estado do PP, a través do Ministerio de Fomento, acaba de autorizar a Audasa unha subida extraordinaria durante os próximos 3 anos do 3,1% para todos os tramos da AP-9, que vén representar o dobre do IPC.

O BNG aspira a que desde Galicia se tome o control desta autoestrada para rematar coas deficiencias na súa xestión, as tarifas abusivas, os incrementos constantes e mesmo que sexa empregada como obxecto especulativo por parte de fondos de investimento dados os altos beneficios que xera a custa do peto do pobo galego.

“É indecente que esta infraestrutura vaia a unha concesión de 75 anos, sen poñer unha alternativa pública gratuíta, simplemente é unha chantaxe as persoas e empresas que están obrigadas a utilizar a AP-9, afectando a competitividade de concellos como o noso”, comentou Xan Lois Lomba concelleiro do BNG.

O BNG leva anos loitando contra o que se considera unha ultraxe ao pobo galego, onde o PSOE e o PP obraron cunha dobre moral cando ostentaron o Goberno do Estado.

“É indecente o que fai o PP: votar no Parlamento galego a favor da transferencia e vetala no Congreso en Madrid. De que serven estes representantes para Galiza?”, sinalou Xan.

O BNG seguirá loitando para que a AP-9 sexa unha infraestrutura ao servizo do pobo galego e non a grupos de investimento de risco.

 

Sábado, 27 de xaneiro de 2018       

C´s presenta unha mocion en pleno propoñendo a saída do porto polo paseo marítimo paraleo á rúa Malteses

A Agrupación C´s A Guarda  presentou, para o debate no pleno, unha moción para instar á Xunta de Galicia á redacción do proxecto da saída sur do porto, non prosperando ó non contar co apoio de PSOE, PP e BNG, e só cos vosdtos favorables de CG e a concelleira non adscrita Fátima Iglesias quen a asumiu e defendeu a moción no plenario.

Desde C’s consideran que a zona portuaria da Guarda leva bloqueada demasiado tempo polo mal facer dos proxectos e obras que se levan realizado no pobo, como foi no seu día a rúa Concepción Arenal e, posteriormente, a rúa Fernández Albor dirección cara a Grelo, ao non ser de dobre sentido, sen que con anterioridade os gobernos municipais no seu momento buscasen unha solución de entrada e saída á zona portuaria, porque ademais de afectar aos mariñeiros que teñen que acceder dende distintos puntos da Guarda polo seu traballo, tamén  afecta ao comercio e en especial a hostelaría, que é unha das vías de entrada económica e do turismo no concello.

Esta formación política non esta en contra das obras que se poidesen realizar no concello e que se financien con fondos doutras administracións plúblicas, sempre que se poña por diante, se é posible, atender as necesidades prioritarias, como sería que antes de facer por segunda vez a urbanización da rúa Concepción Arenal, se fixese con eses cartos, estando   xa asinado un convenio entre concello e a  Deputación, d saída sur da Guarda.

 

O pobo da Guarda é coñecedor de que se asinou este convenio da rúa Concepción Arenal, como que tamén se pediu unha proposta de ideas á Deputación Provincial dunha nova saída sur, que  presentaron con tres alternativas, e poñendo como a menos factible a opción 1 desa proposta que é a que contempla o Plan Xeral de Ordenación Urbán do concello da Guarda e propoñendo como posible alternativa a 2 e a 3 dese estudo, o que vai levar unha demora no tempo entre exposicións públicas e permisos.

C’s considera que é posible unha alternativa de saída e entrada norte, entre o paseo marítimo e as casas que dan ao mar na rúa Malteses, que daría un servizo aos mariñeiros, a cidadanía e persoas que se acercan ao pobo da Guarda, evitando un gran tráfico rodado polo medio da vila, polo que esta formación propuxo votar a moción na que se instase á Xunta de Galicia e a Portos de Galicia, a realizar con carácter urxente, un estudo de viabilidade de entrada e saída norte, entre o paseo marítimo e as casas que dan na parte traseira ca rúa Malteses e que, de ser factible este vial, que a Xunta de Galicia redacte o proxecto e adxudicación desta obra para darlle unha viabilidade a problemática que ten o porto da Guarda.

 

Sábado, 27 de xaneiro de 2018       

Comezan os programas de promoción da saúde e prevención das condutas aditivas no CEIP A Sangriña e no IES A Sangriña de A Guarda

A Asociación Érguete Baixo Miño comezou os cursos de educación e promoción da saúde así como os de prevención das condutas aditivas no C.E.I.P e no I.E.S A Sangriña nos cursos de 4º, 5º e 6º de Primaria así como tamén en 1º, 3º e 4º da ESO no Concello de A Guarda.

Por unha banda, estanse a levar a cabo os programas de Intervención Socioeducativa na Aula e Non Pasa Nada, ¿Pasa Algo?  os cales se atopan financiados pola subvención da Consellería de Sanidade, Dirección Xeral de Saúde Pública, Servizo de Prevención de Condutas Aditivas e pola cota dos socios ias.

Nos cursos de 4º, 5º e 6º de Primaria traballamos as habilidades sociais e a autoestima, sen embargo, cos rapaces de 1º e 3º da ESO fanse actividades sobre os riscos das drogas, así como actividades para que aprendan a xestionar as redes sociais. Trátanse dunhas idades moi vulnerables e de gran influencia para o seu desenvolvemento físico, psíquico e social.

Pola outra banda, o programa Perséfone Saúde que vai dirixido a 4º da ESO, atópase financiado pola subvención a cargo do IRPF 2017 (execución 2018).

Este programa ten como obxectivo mellorar as relacións interpersoais e afectivas dos xoves, incrementar o autocoñecemento persoal e a autoestima positiva, educar nas diferenzas de xénero, así como promover actitudes de prevención de enfermidades de transmisión sexual e condutas de anorexia e bulimia.

Estas accións están dentro da carteira de servizos que a Asociación Érguete Baixo Miño, de maneira altruísta, ven ofrecendo desde hai varios anos no ámbito escolar e que ano tras ano ten moi boa acollida tanto nos centros educativos da comarca como por parte dos mozos aos que vai dirixido.

 

Venres, 26 de xaneiro de 2018       

O Concello da Guarda ofertará 18 postos para persoas desempregadas con cargo ao Plan Concellos

O Concello da Guarda ven de solicitar á Deputación de Pontevedra unha subvención para a contratación laboral temporal de 18 persoas en situación de desemprego, con cargo ao Plan Concellos 2018.

As prazas ofertadas destinaranse a traballos de conservación e funcionamento de bens e servizos municipais, cunha duración máxima de 9 meses, para o que se solicitarán  dous axudantes para a recollida do lixo, persoal para a limpeza das praias (4), dous varredores, técnicos de turismo (1), informática (1), e medio ambiente (1), tres peóns forestais, un oficial e un axudante de albanelería,  un auxiliar para o Centro Cultural e un conserxe para o Castelo de Santa Cruz.

As persoas interesadas nalgúns dos postos ofertados deberán estar inscritos no Servizo Público de Emprego (SEPE) como demandantes e dados de alta no Código Nacional de Ocupación (CNO) correspondente á praza que desexan solicitar.

O SEPE realizará unha sondaxe para localizar, en base aos seus datos, ás persoas candidatas que reúnan os requisitos, de xeito que é moi importante que as persoas interesadas estean inscritas no CNO asociado ao posto do seu interese. Para coñecer o código que corresponde, os interesados poden achegarse á Axencia de Emprego e Desenvolvemento Local (AEDL) do Concello da Guarda, onde se lles facilitará toda a información necesaria.

 

Venres, 26 de xaneiro de 2018       

Curso de preparación da ESO para adultos en Érguete Baixo Miño

A Asociación Érguete Baixo Miño informa que se están a impartir nas instalacións deste colectivo, clases de preparación para as probas libres de obtención do título de Graduado en Educación Secundaria Obrigatoria para maiores de 18 anos da Xunta de Galicia.

O persoal laboral técnico da Asociación é o encargado de impartir os diferentes ámbitos social e de comunicación xunto cunha Licenciada en matemáticas, encargada do ámbito científico-tecnolóxico.

Esta iniciativa encóntrase dentro da carteira de servizos da Asociación e trátase do programa incorporación social e laboral financiado pola Consellería de Política Social, Dirección Xeral de Inclusión Social, e que en colaboración co Concello da Guarda, decídese a que persoas vai destinado o curso.

Hoxe en día vese de vital importancia contar co título da ESO para acceder a calquera posto de traballo polo que é unha iniciativa moi favorecedora para a sociedade e dentro das nosas accións de prevención para futuros riscos de exclusión social.

Trátanse dunhas probas con certa dificultade e que require dedicación por parte do alumnado pero que coa axuda do equipo técnico pódense levar a cabo e conseguir deste xeito unha mellor situación laboral.

É o primeiro ano que se imparten clases para a obtención do título da ESO nas instalacións da Asociación, pero unha vez valorada a boa acollida por parte dos usuarios, valorarase realizar máis cursos enfocados na obtención do título da ESO.

 

Venres, 26 de xaneiro de 2018       

O PP reclama maior transparencia e igualdade no acceso ás subvencións do Concello da Guarda e avoga por evitar posibles arbitrariedades a través da aprobación dunhas bases reguladoras

A voceira do PP no Concello da Guardia, Conchi Ortega, presentou unha moción para que sexa debatida no seguinte pleno da Corporación demandando unha maior transparencia e igualdade de oportunidades a través da posta en marcha polo equipo de goberno dunhas bases que baremen axeitada e obxectivamente o proceso de concesión de subvencións a entidades asociativas do municipio no eido da cultura, o deporte, etc. tal e como figura na Lei Xeral de Subvencións e unha vez vistas as advertencias reiteradas e os reparos que reflicten os informes técnicos da Intervención Municipal, os derradeiros .

Conchi Ortega na defensa da súa moción argumenta que a aprobación dunhas bases previas “axudaría a borrar calquera sombra de dúbida, de posibilidade de escurantismo e incluso de arbitrariedade á hora de que se concedan as axudas aos distintos clubes ou entidades do tecido asociativo do noso municipio, tal e como dispón a normativa vixente”.

Ortega basea a súa argumentación na necesidade de “ademais de facer un procedemento limpo, transparente e equitativo para todos os colectivos sociais, culturais e deportivos, queremos gañar en tranquilidade para todos os beneficiarios non vaia a ser que por cuestións técnicas e administrativas ao terse feito mal teñan que voltar cartos que xa foron gastados en actividades, pero por non haber unha seguridade xurídica teñan que devolvelos. Non sería o noso desexo, pero ninguén estaría deslixitimado para defender os seus intereses cunha reclamación que puidera ser estimada”.

Finalmente Conchi Ortega incidiu no “espírito positivo” da súa moción coa intención de “evitar faladurías” e prexuízos sobre “repartos arbitrarios” e predeterminados de subvencións “acolléndonos para iso a unha norma clara, aprobada en pleno, cunhas bases e uns baremos ponderados que poidan facer máis eficiente e equitativo o reparto dos recursos públicos en función de proxectos ou iniciativas e non preferencias que puideran ser interesadas ou non, pero que deste xeito e coa axuda dos técnicos e a lexislación vixente poderían corrixirse o máximo posible en beneficio de todos os colectivos representativos do amplo tecido asociativo do noso municipio”, conluíu a voceira popular.

 

Xoves, 25 de xaneiro de 2018       

A Biblioteca celebrará o Día da Ilustración cunha sesión de Contos Contados dedicada a Castelao

Co gaio do Día da Ilustración e o aniversario do nacemento de Castelao, a Biblioteca Pública Municipal da Guarda celebrará este sábado, 27 de xaneiro, unha nova sesión de “Contos contados” centrada na obra do escritor e debuxante rianxeiro, baixo o título “Castelao e os nenos”.

A actividade comezará ás 11:30 horas, coa lectura conxunta dunha selección de textos da obra “Cousas da vida”, na que se recollen todos os debuxos do autor, acompañados por textos explicativos ou diálogos, publicados dende 1924 nos diarios Galicia e Faro de Vigo.

Deseguido, os cativos e os seus acompañantes poderán participar no obradoiro “Decora con Castelao”, elaborando un recordo propio relacionado coa temática da sesión.

“Contos contados” é unha actividade de animación á lectura dirixida ao público infantil que propón un acercamento aos libros de forma creativa e lúdica, favorecendo a participación das familias.

 

Xoves, 25 de xaneiro de 2018       

O Concello convoca ao comercio guardés para tratar sobre a reubicación do ‘mercadillo’

O Concello da Guarda, a través da Concellería de Comercio, convoca ás asociacións de comerciantes da Guarda a unha reunión para tratar sobre a reubicación do mercado popular, que na actualidade se celebra cada sábado pola mañá na rúa A Coruña.

Tal e como se anticipou na Mesa de Comercio Local, celebrada o pasado 22 de xaneiro, cómpre acordar unha nova localización para a realización do ‘mercadillo’, co obxectivo de potenciar a súa actividade. A cita será ás 20:00 horas do vindeiro luns, 29 de xaneiro, no Concello da Guarda.

 

Mércores, 24 de xaneiro de 2018       

A Guarda homenaxeará aos fundadores do Hospital Casa-Asilo no centenario da súa xuntanza

O Concello da Guarda organiza este sábado, 27 de xaneiro, un acto conmemorativo con motivo do centenario da constitución da Xunta Organizadora para a construción do Hospital Casa-Asilo da Guarda, edificio que na actualidade serve de Centro Cultural.

O acto comezará ás 20:30 horas co descubrimento dunha placa no busto de Avelino Vicente, impulsor da iniciativa para a construción do edificio, fronte a entrada do Centro Cultural. Deseguido, o historiador Joaquín Miguel Villa ofrecerá un relatorio sobre o labor da Xunta Organizadora Pro Hospital Casa-Asilo, formada o 17 de xaneiro de 1918 en San Juan de Puerto Rico por oito emigrantes guardeses que, sabedores das necesidades sanitarias e de atención dos seus compatriotas, decidiron impulsar a creación dun complexo sanitario benéfico na vila guardesa.

O edificio de estilo indiano construise entre 1921 e 1932, e mantivo actividade sanitaria ata 1990, ano no que foi remodelado para acoller o Centro Cultural da Guarda, sen alterar a esencia do emblemático edificio, legado do altruismo dos emigrantes guardeses.

 

Martes, 23 de xaneiro de 2018       

Acto conmemorativo co gallo do centenario do Hospital-Casa Asilo

            Con motivo do centenario da constitución da Xunta organizadora para a construción dun Hospital-Casa Asilo na Guarda, o vindeiro sábado, 27 de xaneiro, celebrase ás 20,30 horas no Centro Cultural, un acto conmemorativo contando coa ponencia do historiador Joaquín Miguel Villa, que rememorará este acontecimento.

 

Martes, 23 de xaneiro de 2018       

O Concello celebrará unha xuntanza informativa sobre a humanización de Concepción Arenal

            O vindeiro xoves, 25 de xaneiro, o Concello da Guarda celebrará unha xuntanza na que o equipo de goberno ofrecerá información sobre o proxecto de humanización da rúa Concepción Arenal a todas aquelas persoas que asistan. A reunión comezará ás 21:00 horas no Centro Cultural.

O proxecto

O pasado 3 de xaneiro, o Concello da Guarda e a Deputación de Pontevedra asinaron o convenio de colaboración para executar as obras de urbanización da rúa. No documento recóllese o compromiso da institución provincial de asumir o 70% do custe da obra (1.119.128 €), mentres que o Concello asumirá o restante 30 % (479.626 €).

Esta actuación contempla a renovación de tódolos servizos da parte máis alta da rúa, ata o cruce con Domínguez Fontela. A nova vía terá unha plataforma única en toda a súa lonxitude, creando un espazo de lecer na praza Avelino Vicente e ampliando as zonas de espallamento no entorno de San Bieito. Terá unha circulación de vehículos calmada, cunha limitación de 20 km/h para favorecer a mobilidade peonil. A circulación será en dobre sentido en toda a rúa, permitindo a subida de autobuses e transportes pesados. A plataforma única permite delimitar con mobiliario as zonas destinadas a circulación de vehículos e o espazo para os peóns.

Para humanizar a rúa, tamén será necesario reubicar as prazas de estacionamento que existen na actualidade.Neste sentido, xa se habilitaron 30 novas prazas na última reforma da rúa Manuel Álvarez e, ademais, o Concello creará novas zonas de aparcamento para que, cando remate a obra, a oferta de estacionamento -a unha distancia de 5 minutos de calquera punto da rúa- sexa maior que a actual.

Esta é unha actuación de gran importancia para A Guarda, posto que afecta a unha das nosas rúas principais. É por isto que o equipo de goberno, consciente de que as obras sempre producen molestias, leva tempo traballando co obxectivo de minimizar os inconvenientes.          Nesta liña, realizouse un estudo das alternativas de tráfico e das fases de execución, para que a repercusión das obras nos meses de verán sexa nula. Unha vez realizada a licitación por parte da Deputación, a empresa adxudicataria e o Goberno local sentaranse para programar a súa execución.

 

Sábado, 20 de xaneiro de 2018       

As citas dispoñibles para a renovación do DNI esgotáronse ata marzo

Xa non quedan citas dispoñibles no concello da Guarda para a renovación do Documento Nacional de Identidade (DNI) durante o primeiro trimestre de 2018.

A partir do mes de marzo informarase da apertura do prazo para a solicitude de novas citas nos meses de abril, maio e xuño. Ata entón, aquelas persoas que de xeito urxente necesiten realizar a renovación do seu DNI, poderán acudir ás oficinas de expedición de Tui (na rúa Párroco Rodríguez Vázquez, 3) ou Vigo (rúa Álvaro Cunqueiro, 6) previa solicitude de cita no teléfono 060 ou ben a través da páxina web www.citapreviadni.es.

 

O BNG esixe ao Alcalde da Guarda medidas para a posta en marcha do Plan de Mobilidade da Guarda

O Bloque Nacionalista Galego insta ao Alcalde da Guarda a posta en marcha de medidas que poñan en valor proxectos como o da rúa Concepción Arenal, estas medidas están plasmadas no Plan de Mobilidade que ten agochado nun caixón o actual grupo de goberno socialista.

“Existen unha serie de medidas que son de competencia municipal e que teñen como finalidade un cambio de modelo para a Guarda. Pensar que a reforma de Concepción Arenal vai solucionar por si mesmo os problemas que ten a Guarda é non entender a obra en si mesma”, comentou Ángel Baz, portavoz municipal do BNG

Entre as medidas estarían a creación de rutas peonís seguras aos destinos máis concorridos da vila, consecución de aparcamentos disuasorios, campañas de concienciación sobre uso responsábel do coche e hábitos saudables, transformación do Casco Vello e barrio da Cruzada en espazos de prioridades peonil...

O veto do PP a un novo aceso ao Porto da Guarda

Para o BNG chama atención a actitude do PP, formación política con responsabilidades de goberno na Xunta que ten competencias para dotar á Guarda dun novo aceso ao Porto da Guarda moderno que despexaría o casco urbano da actual saturación de vehículos que padece.

“Os deputados e deputadas do PP deberían vir explicar ao comercio e aos guardeses e guardesas por que o seu partido está en contra da realización dun novo aceso ao Porto da Guarda”, sinala Ángel Baz.

Para o BNG un cambio de modelo para a Guarda é o único camiño que pode reverter a actual tendencia que está levando á Guarda a un descenso no censo de habitantes, así como o peche de negocios e o empobrecemento do tecido comercial guardés.

“Ou facemos algo diferente ao que se ten feito até o de agora ou estamos condenados a morrer como pobo. O novo Plan de Mobilidade ten a chave”, di Ángel Baz.

 

Sábado, 20 de xaneiro de 2018       

A Biblioteca Municipal premia aos seus tres mellores lectores polo Día dos Usuarios

Co gallo do Día do Usurio das Bibliotecas, que se conmemora cada 11 de xaneiro, a Biblioteca Pública Municipal da Guarda agasallou aos tres mellores lectores do ano 2017 nas categorías xuvenil, infantil e adulto.

Onte, 18 de xaneiro, os premiados recibiron da man da concelleira de Cultura e Educación, Elena Baz, un diploma que da conta da súa condición de usuarios e lectores asiduos e un lote de libros adaptados ao seu perfil lector.

Os lectores premiados foron  os seguintes José Manuel Álvarez Álvarez, co recoñecemento como mellor lector adulto; Xoán Dijean Vidal Rodríguez, co premio ao mellor lector xuvenil; e Estela Martínez da Silva, mellor lectora en categoría infantil da Biblioteca Municipal.

 

Sábado, 20 de xaneiro de 2018       

O Concello da Guarda impulsa a promoción da vila como destino turístico en FITUR 2018

O Concello da Guarda participou na Feira Internacional de Turismo (FITUR) 2018, que se celebra entre os días 17 e 21 de xaneiro en Madrid, impulsando a promoción da vila como destino turístico de calidade.

A delegación da Guarda, formada pola concelleira de Turismo, Montserrat Magallanes, o concelleiro de Patrimonio, Xavier Crespo, e a técnica de Turismo, Rosalía Verde, mantivo durante as xornadas do mércores e xoves, días 17 e 18 de xaneiro, diversas reunións e encontros con consultores turísticos especializados, empresas de turismo tecnolóxico e turismo activo, e importantes axencias turísticas, tanto consolidadas como de creación recente. Estas últimas, especializadas en segmentos do mercado turístico, resultaron de gran interese para A Guarda.

Na tarde do mércores, os representantes da localidade acudiron ao acto de entrega dos premios EDEN (Destinos Europeos de Excelencia) 2017 que tivo lugar no expositor de Turespaña. No evento, convocado pola Secretaría de Estado de Turismo e presentado polo subdirector xeral de Cooperación e Competitividade Turística, Antonio Nieto Magro, e a secretaria de Estado de Turismo, Matilde Asián González, fíxose entrega do galardón ao proxecto vasco “Tierra Ignaciana. Tras a entrega do premio, os técnicos dos destinos EDEN mantiveron a habitual reunión de traballo na que se concretaron as próximas actuacións para a promoción dos Destinos Europeos de Excelencia, entre os que se atopa a vila guardesa.

O xoves foi o día máis importante para a delegación da Guarda nesta trixésimo oitava edición da feira. Ás 12 h, os representantes municipais acudiron á presentación da campaña  «Rías Baixas,somos historias» realizada pola Deputación de Pontevedra, co obxectivo de prestixiar a provincia como destino turístico cultural e de lecer e propiciar un turismo desestacionalizado.

Este ano, o Concello da Guarda e a Comisión das Festas do Monte traballarán conxuntamente para lograr o recoñecemento destas como Festas de Interese Turístico Nacional. Con este obxectivo, a delegación guardesa mantivo durante a súa estadía en Madrid reunións con axencias de comunicación e asociacións de xornalistas especializados en turismo.

Os representantes municipais, aproveitando a viaxe, visitaron a mostra pictórica «Laberinto de colores» do artista guardés Antonio Martínez («Cachi»), formada por lenzos que amosan a natureza, o mar e a terra, e nos que A Guarda é protagonista. As obras permanecerán expostas na Casa de Galicia en Madrid ata o próximo 31 de xaneiro.

FITUR 2018

A Guarda, que participa na feira dende o ano 2011, estivo presente durante as xornadas do 17 e o 18 de xaneiro no expositor de Turismo de Galicia, ofrecendo información turística de interese ao público en xeral. A información sobre a vila permanecerá exposta ata o remate da feira, para que profesionais e visitantes podan dispoñer dela e coñecer a oferta turística da Guarda.

A Feira Internacional de Turismo (FITUR) defínese como un punto de encontro global entre os profesionais do sector, coa participación  anual de miles de empresas, entidades públicas e profesionais de todo o mundo.

 

Venres, 19 de xaneiro de 2018       

Concerto na Casa de Montes de Camposancos

Mañá, sábado, ás 20.00 horas, na Casa de Montes de Camposancos terá lugar un concerto, con entrada de balde, a cargo do Grupo de Saxos da Agrupación Musical de O Rosal.

Novas prantacións no monte Trega

Por outra banda, esta comunidade de montes dispón de cinco empregados que dende o pasado día 15 de xaneiro, preparan o terreno para plantar, a finais do mes no que andamos, coa colaboración dos colexios de primaria da Guarda, un milleiro de árbores: 300 castañeiros, 300 cerdeiras 300 nogais e 100 ornamentais para primeiras liñas de pistas forestales.

 

Venres, 19 de xaneiro de 2018       

Petición para retirar as antenas do monte Santa Trega

A Xunta Rectora da Comunidade de Montes da Guarda, presentou no rexistro do Concello da Guarda, unha moción ao pleno propoñendo o estudo para a retirada das antenas situadas no Monte Santa Trega.

Esta comunidade de montes, deixa aberto o debate o pleno para que tódalas formacións políticas, poidan adherirse a dita moción, como aportar contido a mesma. Na moción proponse como alternativa trasladalas a outro monte da mesma propiedade, cos estudos pertinentes e así evitar  feismo e a ocupación destes obstáculos dentro do BIC do Monte Santa Trega.

Texto íntegro da moción

Por un monte sen obstaculos visuais e contra o feísmo

O icono identificativo do noso pobo, é o Monte de Santa Trega, sendo así mesmo, unha das grandes  referencias turísticas do Baixo Miño e de toda Galicia.

Dentro das grandes preocupacións da Administración Autonómica, é o impacto visual negativo que na paisaxe reflexan as vivendas sen rematar, semiderruidas, os peches de leiras feitos con mezcolanza de materiais de distintas índole, as cores e outros.

Tendo en conta a cantidade de visitantes que recibe o Monte de Santa Trega, a maior crítica que recibe, é a presenza dunha serie de antenas de transmisións e de empresas de audiovisuais e televisión, que escomenzaron a inundar O Facho a partir dos anos 60, sendo incrementada a cantidade das mesmas, colocadas sen ningún tipo armónico e estético, que nalgún caso, xa ten afectado algún do ben patrimoniais arqueolóxicos.

Non debemos esquecer, que o Monte de Santa Trega, ten a consideración de Ben de Interese Cultural, dado que foi declarado Monumento Histórico Artístico Nacional no ano   1931 e o poboado Galaico-Romano de Santa Trega, e o Museo cuia construcción foi diseñada  polo arquitecto Antonio Palacios, foron declarados Monumento HistóricoArtístico Nacional posteriormente, polo que é unha obriga de tódolas administración, a súa conservación e mantenemento, para deixarllo nas mellores condicións posibles aos nosos descendentes.

A Comunidade de Montes en Man Común da Parroquia de A Guarda, considera, que se debe dar inicio dende o Concello, para que ditas antenas, sexan retiradas deste lugar, dando traslado das mesmas ao Monte Torroso, donde esta Comunidade, estaría disposta a habilitar unha parcela na que é existe accesibidade rodada e instalacións básicas.

Por todo elo, a C.M.V.M.C. da Parroquia de A Guarda, ven a presentar ao Pleno para o séu debate e aprobación se procede, a seguinte MOCION:

a).- O Concello, dará inicio a tramitación diante das distintas administración, tanto Autonómica como Estatal, así como cas empresas propietarias de ditas instalacións, a fin de chegar a un acordo para o traslado de ditas antenas, o novo punto de ubicación, ou a dar unha alternativa, que conleve a desaparición das mesmas do Monte de Santa Trega.

 

 

Xoves, 18 de xaneiro de 2018       

O PP lamenta que o Concello da Guarda non teña peso político na Deputación e acepte pagar con fondos propios o arranxo da rúa Concepción Arenal, de titularidade provincial

A portavoz de o PP de A Guarda, Conchi Ortega, agradeceu o deputado popular Santiago Rodríguez Davila que aceptase o convite de Acigu, para celebrar unha xuntanza de achegamento e contacto directo coa preocupación cidadá no que puideron coñecer de primeira man os motivos da oposición deste colectivo ás pretensións da Deputación de Pontevedra e do goberno local de realizar unha obra complexa nunha vía neurálxica para a vila sen que se coñeza en profundidade o proxecto e, polo tanto, se poida alegar en tempo e forma. Agradeceu a Acigu, a organización da reunión que foi todo un éxito, quedando pequena a sala para tantos afectados que pedían explicación deste proxecto.

Os presentes na xuntanza, que tamén agradeceron a presenza do deputado popular, manifestaron a súa inquedanza por unha obra da que aseguran descoñecer os detalles suficientes pese a que se trata dunha vía de acceso ao porto e que ten unha importancia capital, sobre todo no verán, momento no que terán que convivir as obras coa actividade económica que supón nesta época o turismo, esta foi unha das grandes preocupación na reunión, eses 10 meses de obras, na arteria máis importante da Guarda.

Os afectados consideran que debería establecerse un prazo amplo e canto antes de exposición pública do proxecto a executar coa intención de que se poida alegar para evitar danos maiores como a supresión de prazas de aparcamento, cambio de dirección e accesos a garaxes e propiedades.

Pola súa parte, Santiago Rodríguez sincerouse cos presentes ao recoñecer que foi unha “auténtica sorpresa” o feito de que o Concello da Guarda “aceptase sen rechistar a imposición dun convenio que obriga a pagar con cargo ás arcas municipais o 30% total do investimento a través dun acordo que hipotecará as arcas municipais ao impoñerlle o pago de 500.000 euros cando o arranxo desta rúa é unha obriga da Deputación como ten feito noutros concellos onde o ente provincial asume o 100% do orzamento do investimento, incluso en rúas municipais como en Pontevedra recentemente mediante un convenio”.

A voceira popular  Conchi Ortega, manifestou que nunca puideron achegar ideas, que intentaron ser construtivos, pero que non coñeceron o proxecto ata que estivo acabado e aprobado “preguntamos polo proxecto moitas veces pero incluso no mesmo día que se convocaba o pleno para aprobalo, o alcalde me dixo que xa me enteraría. Votamos que non a este convenio polo esforzo económico que lle toca soportar á Guarda, pola falta de transparencia co grupo municipal popular, pola falta de información os veciños e colectivos afectados”.

Os representantes populares achacan esta decisión á “falla de peso político do goberno da Guarda no bipartito da Deputación e obedece a un pacto entre PSOE e BNG en Pontevedra, ás costas dos veciños e comerciantes do noso municipio coa clara intención de non desairar os compromisos do Plan de Mobilidade do BNG coa intención de realizar futuras peonalizacións. Chegouse a un acordo sen contar coa opinión do pobo, un acordo estritamente político baseado na procura da rendabilidade electoral para ambos os dous partidos”.

Unha obra necesaria e reclamada polo PP desde hai 2 anos

Pola súa banda, os representantes do PP reiteraron aos veciños e comerciantes a súa aposta pola arranxo e mellora da rúa Concepción Arenal “pero non a calquera prezo nin de calquera xeito cando é unha vía de titularidade da propia Deputacións e a ela lle compete en exclusiva o seu arranxo e mantemento. Nós levamos dous anos pedindo insistentemente que se invista desde a Deputación no concello da Guarda e concretamente no arranxo desta rúa, pero non a costa de que se hipoteque aos pequenos concellos cando sabemos, e presumen delo, que a Deputación está asinando convenios millonarios coas grandes vilas en lugar de axudar aos municipios máis modestos e que precisan do pulo do ente provincial para avanzar”.

Finalmente, Rodríguez e Ortega agradeceron o clima e a franqueza amosada por veciños e comerciantes  afectados polas obras da rúa Concepción Arenal e apostaron por unir esforzos a prol do ben común e na defensa dos intereses xerais dos veciños da Guarda para que “non se vexan marxinados ante unha actuación claramente dañina para as arcas municipais ao ter que facer fronte ao pagamento dun investimento que non lle é propio, tamén dañina para o aparcamento polas prazas que suprime, mentres que non soluciona a saída de autobuses e camións do Porto, na espera de outra solución. Eles saben que non poden chegar ante os electores da Guarda coa asignatura pendente da rúa Concepción Arenal. Nós ímosllo recordar, pero non é de recibo que pretendan cubrir o expediente a costa dos cartos dos veciños e veciñas da Guarda e sen contar ca súa opinión”.

 

Xoves, 18 de xaneiro de 2018       

A Guarda estará presente na 38ª edición da Feira Internacional de Turismo (FITUR)

O Concello da Guarda estará presente na Feria Internacional de Turismo de Madrid (FITUR) que este ano celebrará a súa trixésimo oitava edición entre os días 17 e 21 de xaneiro.

A Guarda promocionarase no expositor de Turismo de Galicia e, o xoves ás 12.00 h, estará presente no acto organizado pola Deputación de Pontevedra no que se promocionará o Destino Rías baixas no Ano Europeo do Patrimonio Cultural.

Durante estas xornadas, a delegación da Guarda -formada polo alcalde, Antonio Lomba, a concelleira de Turismo, Montserrat Magallanes e o concelleiro de Patrimonio, Javier Crespo- manterá diversas reunións con maioristas e asociacións de Turismo, co obxectivo de potenciar a promoción da vila guardesa como destino turístico.

Dentro da programación de actividades e encontros da representación guardesa nesta nova edición de FITUR, destaca tamén a participación no acto de entrega do Premio dos Destinos EDEN (European Destinations of Excellence) 2017, que terá lugar no expositor de Turespaña. Tras o acto, a técnica de Turismo do Concello da Guarda, Rosalía Verde, asistirá á reunión técnica dos Destinos EDEN que anualmente se celebra coincidindo coa celebracion da feira.

 

Xoves, 18 de xaneiro de 2018       

O Concello da Guarda acolle a exposición fotográfica do XI certame «Viaxando» 

O Concello da Guarda acolle a exposición formada polas fotografías participantes no XI certame fotográfico “Viaxando”, que poderá visitarse ata o 15 de febreiro na casa consistorial.

O concurso, organizado polas OMIX dos concellos da Guarda, O Rosal, Tomiño, Baiona, Gondomar, Salceda de Caselas, Porriño e a Casa de Xuventude de Tui, contou coa participación de máis de 20 mozos de distintos puntos da xeografía galega. A fotografía gañadora do certame, que se deu a coñecer no mes de outubro, foi «Namorados no Interrail», obra do tomiñés Daniel Álvarez Fonterosa.

 

Martes, 16 de xaneiro de 2018       

A Guarda gaña peso no Camiño Portugués da Costa con 2.439 peregrinos no albergue durante 2017

O Camiño Portugués da Costa non deixa de crecer en número de peregrinos e, como ven sendo habitual, os datos rexistrados na Guarda dan conta deste incremento en 2017. Durante o pasado ano, un total de 2.439 peregrinos pasaron a noite no albergue guardés, o que supón unha suba do 40% con respecto a 2016, e o triplo se o comparamos co ano 2015.

En canto a súa procedencia, a meirande parte dos visitantes chegan dende o estranxeiro. Portuguesa, alemá e polaca son as nacionalidades máis habituais entre os peregrinos que visitan A Guarda, aínda que tamén contamos con visitantes procedentes de países tan afastados como Corea, Vietman, China, Canadá ou Estados Unidos. De entre eles, moitos continúan o seu camiño cara O Rosal e Oia tras cruzar o río Miño, namentres outros escollen o albergue guardés ou algúns dos establecementos hoteleiros da vila para pasar a noite.

Agárdase que esta tendencia ascendente da popularidade do Camiño Portugués da Costa se manteña durante o presente o ano. Conta disto da a visita dos 155 peregrinos  procedentes do norte portugués que o pasado sábado, 13 de xaneiro, realizaron a etapa dende Caminha ata Mougas (Oia) e foron recibidos polo alcalde do Concello da Guarda, Antonio Lomba, e o concelleiro de Patrimonio e Deporte, Xavier Crespo, ao seu paso pola vila guardesa.

 

Martes, 16 de xaneiro de 2018       

O BNG esixe ao Concello e á Xunta un proxecto integral para a Praza de Abastos da Guarda

O BNG insta ao alcalde da Guarda e á Consellería de Comercio a afrontar un proxecto de futuro serio para revitalizar a praza de Abastos da localidade.

“Viñeron inaugurar un ascensor, cunha praza baleira e obsoleta. Non se pode seguir con esta política de parches. A Guarda necesita unha praza moderna, cun novo modelo, tal e como fixeron noutros concellos como Tomiño. Para iso necesitamos o compromiso do Concello e da Dirección Xeral de Comercio”, comentou Ángel Baz, portavoz municipal do BNG.

Dende a formación nacionalista, considérase que hai que afrontar un proxecto ambicioso dentro dunha nova visión para a praza de Abastos. Unha praza que debe estar integrada dentro dunha contorna onde as persoas sexan as protagonistas, atractiva aos potenciais compradores e consumidoras, así como un atractivo para o turismo.

Para o BNG, as actuacións que se levan realizando na praza de Abastos, son meros parches, realizados sen informar aos praceiros, que non coñecían as obras a realizar e sen telos en conta.

“Temos claro que calquera actuación na Praza de Abastos debería empezar pola redacción dun proxecto-estudo realizado por especialistas e non dando paus de cego”, subliña Ángel Baz.

O BNG instan ao PP que abandone a actitude do NON polo NON, tal e como levan facendo coa proposta do novo aceso ao Porto da Guarda ou coa reforma de Concepción Arenal.

Os nacionalistas esixen un compromiso serio ao Partido Popular para afrontar unha reforma integral da Praza de Abastos que asegure unha viabilidade dos negocios e que potencie esta infraestrutura como un referente comercial e turístico para a Guarda.

 

Luns, 15 de xaneiro de 2018       

260 participantes en la Paletada de Camposancos

            A Comunidade de Montes de Camposancos celebrou, o pasado sábado, a XXI Paletada Laconada de San Amaro, nas instalacións do Hotel O Muíño, a carón do río Miño. Máis de 260 comensais acudiron a esta cita gastronómica, comuneiros e non comuneiros, que degustaron os distintos platos e licores, e puideron bailar ao son do trío “Nostalgias”, ademais de recibir como sorporesa ao cuarteto de acordeóns nos que debutaban diante do público os camposinos Tere e Mario, baixo a dirección de Juan Bande e a súa dona, que forman parte do sexteto Argonat Band, de Mos.

            Fernando Martínez, que mostró su satisfacción por la aceptación que un año más tiene este encuentro entre vecinos, y que se celebra conmemorando pasadas tradiciones de Camposancos vinculadas a San Amaro, patrón de la parroquia puesta bajo la advocación de La Visitación de Santa Isabel, aseguraba que viendo cómo disfruta la gente que acude, nos da ánimos para continuar con esta tradición.

            El presidente de los comuneros de Camposancos adelantaba otras actividades previstas para los próximos días. Hoy mismo, lunes, un cuadrilla de obreros se dedicará a hacer, en el entorno de Chans, los hoyos en los que se plantarán, con la colaboración de los escolares de todos los colegios de A Guarda, mil árboles: 300 nogales, 300 cerezos, 300 castaños y 100 ornamentales.

            El próximo sábado, 20 de enero, habrá una cita musical en la Casa de la Comunidad de Montes, con la actuación del Grupo de Saxos de la Agrupación Musical de O Rosal, y el primer sábado de febrero, también en la Casa Comunal, volverá “Música e Palabras”, una oportunidad para que espontáneamente los aficionados a la música o a las letras, se suban al escenario y deleiten a los asistentes.

 

Sábado, 13 de xaneiro de 2018       

A Guarda aproba as bases para participar no Desfile – Concurso do Martes de Entroido

            O Concello da Guarda, a través da Concellería de Cultura, organiza o Desfile-Concurso de Entroido 2018,  co obxectivo de manter a tradición local a través da participación de tódolos veciños e asociacións da localidade.
Así preséntanse estas bases nas que se contemplan ata cinco categorías diferentes de participación (Carrozas, Comparsas, Grupos,  Individual-Parellas adulto e infantil) na modalidade de concurso cunha ampla variedade de premios, e unha modalidade de axudas para as Carrozas e Comparsas.

           O prazo para anotarse abrirase o vindeiro 30 de xaneiro ata o 6 de febreiro. Os interesados deberán entregar o formulario de inscrición e a documentación recollida ba base  4ª  no Rexistro Xeral do Concello ou a través da sede electrónica. 

O Desfile realizarase o vindeiro 13 de febreiro, Martes de Entroido, no percorrido habitual entre a Esquina Famosa (Esquina da Rúa San Bernardo ) e a Alameda da Guarda.  O veredicto do xurado darase a coñecer, tralo desfile, na correspondente entrega de premios.

A participación neste desfile queda aberta a todos aqueles que aínda que non queiran competir no concurso, queiran sumarse a esta celebración.

Ver BASES

Ver FORMULARIO DE INSCRICIÓN

 

Sábado, 13 de xaneiro de 2018       

Nace na Guarda a Asociación Cultural de Embarcacións Tradicionais Piueiro

Dende hai anos son varias as voces de A Guarda que amosaron, de xeito público ou privado, o seu interese por pór en marcha unha asociación que recuperase o pasado e a historia mariñeira da localidade. Esta idea foi tomando forma co paso dos meses e finalmente o pasado 21 de outubro tivo lugar a primeira reunión formal dos impulsores desta iniciativa. Deste xeito, reuníronse na sede de Orpagu representantes da propia Organización de Palangreros Guardeses, da Asociación Naturalista Baixo Miño (ANABAM), da Confraría de Pescadores Santa Tecla, Proxecto Socheo e da Asociación Infomaxe, así como varios veciños que quixeron formar parte do proxecto.

Bautizada co nome de Asociación Cultural de Embarcacións Tradicionais “Piueiro”, nome co que na Guarda se coñecen ás pedras que serven para suxeitar as redes no fondo, o colectivo conta xa cun local social, cedido pola Confraría de Pescadores, onde dende o mes de outubro teñen feito varias xuntanzas de cara a definir o traballo da asociación e nomear a súa primera xunta directiva.

No obxetivo de potenciar, recuperar e pór en valor o mundo do mar no aspecto máis tradicional do mesmo definíronse tres eixos sobre os que actuar: acadar tódolas fotografías e documentos anteriores dos arquivos existentes para crear unha base de datos que permita profundizar no tempo para visualizar a estreita ligazón que existe entre a orixe da nosa vila co mar; recuperar as embarcacións tradicionais xa desaparecidas (dos antigos botes até a gamela) comenzando coa contrucción dunha réplica do “volanteiro” guardés, desaparecido a primeiros do século XX, e presentación da candidatura para ser sede do XIV Encontro de Embarcacións Tradicionais de Galicia co obxetivo de xerar na vila estímulos que consoliden a necesidade de traballar na recuperación do patrimonio marítimo-fluvial ao longo do tempo.

Parte do traballo que está a facer "Piueiro" nestas primeiras semanas de existencia  é a recompilación dese material. É por iso que fan un chamamento aos veciños para que aporten toda a información que teñan nas súas casas vencellada ao mundo do mar, xa sexan fotografías, publicacións ou mesmo historias que lembren sobre o tema.

A primera xunta directiva de "Piueiro" está constituida, coma presidente, Joaquín Cadilla Castro; vicepresidente: José Benito Rodríguez González; secretario: Celso Rodríguez Fariñas; tesoureiro: Antolín Verde Alonso;  e vogais: Agustín Ferreira Lorenzo, Prudencio T. Núñez González; Antonio Martínez Vicente, Silvia Mª Crespo Campos,  Bernardo Lomba Lomba e Francisco Antonio González Durán.

 

Venres, 12 de xaneiro de 2018       

O concello agradece o traballo das asociacións na decoración de Nadal

O alcalde da Guarda, Antonio Lomba Baz, e a concelleira de Cultura, Elena Baz, recibiron o pasado luns 8 de xaneiro na Casa dos Alonso a tódalas asociacións que participaron na campaña “Decora o teu Nadal”, nun encontro no que quixeron entregarlles un pequeno agasallo en recoñecemento da labor realizada polas diferentes asociacións que colaboraron na decoración  das nosas prazas e rúas. 

Os responsábeis municipais agradeceron publicamente o esforzo e traballo que hai detrás das decoracións, suliñando a importancia deste tipo de iniciativas, nas que a propia xente da vila, neste caso a través do tecido asociativo, se implica activamente na decoración urbana. Esta iniciativa, que se celebra por terceiro ano, sumou novos participantes, dobrando a participación de anos anteriores, con doce asociacións que decoraron diferentes puntos do municipio, dende Salcidos ata o Porto. Así mesmo o rexidor municipal destacou a importancia do asociacionismo guardés, tanto polo amplo repertorio de asociacións de distinta índole, como por a súa intensa actividade sendo as protagonistas de gran parte da programación cultural municipal

Recordamos que o programa Decora o teu Nadal proponlle as asociacións decorar diferentes enclaves a base de elementos de refugallo, dándolles visibilidade e protagonismo na organización e decoración urbana. As asociacións participantes este ano foron: A.C. Xamaraina (Praza de Salcidos), Avelaíña (Praza do Coruto), Sporting Guardés (Alameda), Rock’n’rolla (Centro de Saúde), Mulleres  Progresistas (Centro Cultural), San Xerome (Rúa Galicia), Cruz Vermella(Praza da Igrexa), Sociedade Atlética do Trega (Atrio da igrexa), Agrupación Cultural Guardesa (Antigo colexio Sinde), U.D. A Guía (Praza da Guía), Coro Infantil Somascos (Praza de San Benito) e Vento Mareiro (Praza do Reló).

A esta activa participación hai que sumarlle o traballo e esforzo dos comerciantes da vila, da asociación AGUDE, que en colaboración cos centros de ensino realizou os trineos que alegraron as nosas rúas e ACIGU, responsable do nacemento na Alameda. Entre todos traballaron por ter unha vila rebosante de decoración de Nadal.

 

Xoves, 11 de xaneiro de 2018       

Unha nova barferencia abre a programación cultural do 2018

Mañá, venres, ás 20.30 horas, terá lugar o terceiro faladoiro do ciclo Barferencias de inverno 2017/18. Baixo o título A represión franquista contra as mulleres, a xornalista Montserrat Fajardo, especialista en memoria das mulleres, achegarannos a esta realidade histórica do século XX.

Montserrat Fajardo forma parte do equipo redactor do programa Memoria das Mulleres -promovido polo Concello de Pontevedra- a consecuencia do cal ten investigado sobre a represión franquista sobre as mulleres na provincia de Pontevedra, e tamén na comarca do Baixo Miño. O froito destas investigacións tense divulgado a través de varias publicacións “Do gris ao violeta. Achega á historia das mulleres pontevedresas”, “Matriarcas” e “Un cesto de mazás”, así como mediante charlas como a que poderemos escoitar este venres no Oasis, en centros de ensino, asociacións culturais e outros centros públicos.

 

Mércores, 10 de xaneiro de 2018       

El Guardés recibirá al Rocasa el viernes a las 21 horas

Este viernes, 12 de enero, visita A Sangriña (21 h, Teledeporte) el conjunto que dirige Antonio Moreno, el Rocasa Gran Canaria ACE, líder imbatido, en partido de la decimoprimera jornada, a modo de reedición de la Supercopa de España del pasado mes de septiembre, un título que se metieron en el bolsillo las de Teide tras ganar en Vigo a las guardesas por 28-26.

La plantilla del Mecalia Atl. Guardés, bajo la dirección de José I. Prades, prepara desde el lunes esta importante cita de la semana, clave en la pelea por el título de campeón de liga. El Mecalia Atlético Guardés, que tuvo doble sesión el pasado lunes, y la tendrá hoy miércoles, completará un entrenamiento más mañana, jueves por la tarde. Las únicas ausentes son la central Gabriela Romero y la extremo Rosario Urban, tras la reincorporación de Marta Méndez este lunes. El resto de jugadoras está a disposición del técnico, incluida la capitana Estela Doiro, que el pasado  de enero recibió el alta médica tras estar cuatro meses alejada de las pistas, al lesionarse en la Supercopa precisamente ante el Rocasa y podría reaparecer contra el equipo de Teide, el próximo viernes.

El club de A Guarda, está a 4 puntos del Rocasa -actual líder de la clasificación-, ocupando la tercera posición de la tabla. A Sangriña deberá convertirse una vez más en un auténtico “inferno” para que los dos puntos se queden en casa, por lo que se espera que el pabellón complete su aforo.

El material promocional del partido entre el vigente campeón de Liga y las vencedoras de la Copa de la Reina y Supercopa es una clara alusión a ‘La Guerra de las Galaxias’.  El alto nivel deportivo del choque, uno de los mejores encuentros de los que se puede disfrutar en la máxima categoría del balonmano femenino español, lo convierte, por el palmarés de sus protagonistas, en “un partido doutra galaxia”.

El sorteo de una camiseta de esta temporada firmada por toda la plantilla y de una entrada doble para el partido son otras de las iniciativas que se realizarán estos días en los medios sociales del club.

Además, para amenizar el descanso del partido, actuará en A Sangriña el “Cuarteto Tetramorph”.

 

Martes, 09 de xaneiro de 2018       

Programa de actividades de Anabam para enero

            El programa de actividades previstas por Anabam para el presente mes de enero, salvo cambios de última hora, y que se realizan los sábados por la tarde, excepto los censos que son de mañana y tarde, es el siguiente: día 13, saída al campo, para conocer la flora y fauna de la comarca; día 14, Proyecto Eurynebria, en Vila Praia de Âncora; día 20 Proyecto Borrelho en Moledo, Vila Praia de Âncora, y día 27, Censo de aves acuáticas.

 

Martes, 09 de xaneiro de 2018       

 A Piscina Municipal oferta Pilates, ‘Cross training’ e TRX como novidades esta tempada

Co comezo da tempada 2017-2018, a Piscina Municipal da Guarda amplía e mellora o servizo aos seus usuarios, ofertando novas actividades ‘fitness’ na sala funcional do ximnasio. As novidades nesta tempada son as clases de Pilates, ‘Cross training’ e TRX.

Novas clases e horarios

O  método Pilates consta dun programa de exercicios controlados e precisos a través dos cales se traballa o autocontrol e a consciencia do propio corpo. Esta actividade impártese os luns e os mércores ás 8:45 h e ás 9:30 h, e os martes e xoves ás 19:45 e ás 20:30 h.

O ‘cross training’ defínese como un sistema de acondicionamento físico baseado en movementos funcionais, en constante variación e executados a alta velocidade. As persoas interesadas en practicar esta actividade, poderán facelo os luns e os mércores ás 20:45 h, e os martes e xoves ás 9:45 h.  O TRX, pola súa parte, consiste nun adestramento en suspensión que permite traballar todo o corpo utilizando o propio peso e a resistencia da gravidade. Esta modalidade pode practicarse os venres ás 9:45 e ás 19 h.

As actividades realízanse en grupos reducidos dun máximo de 6 persoas, garantindo a individualización do traballo e o control das usuarias e usuarios por parte do monitor, atendendo ás necesidades específicas de cada persoa.

Actividades de continuidade

Amais destas novidades, continúan as clases de ‘spinning’ e as actividades acuáticas dirixidas (‘aquagym’, ‘aquazumba’, ‘queimacalorías’, ‘aquatraining’, aletas, travesía, ‘matronatación’, iniciación e perfeccionamento) xa ofertadas en anteriores tempadas, pudendo gozar dunha cota a xeito de tarifa plana para o acceso a todas elas.

As inscricións continúan abertas e dependerán da dispoñibilidade de prazas en cada franxa horaria. As persoas interesadas poderán gozar dunha clase de proba e, para máis información, deberán dirixirse á Piscina Municipal, acudindo de xeito presencial, chamando ao teléfono 986 611 412, a través da súa páxina de Facebook (@piscinamunicipalaguarda) ou na páxina web www.piscinamunicipalaguarda.com.

 

Martes, 09 de xaneiro de 2018       

Cruz Roja organiza un curso de primeros auxilios en el deporte

Cruz Roja Española del Baixo Miño, con sede en A Guarda, convoca un curso de interés sanitario sobre primeros auxilios en el deporte, baremable para el SERGAS, dirigido a personas mayores de 16 años, con una duración de 10 horas teórico – prácticas, impartiéndose el 20 y 27 de enero, de 09:00 a 14:00 horas. El coste del curso es de 40 euros.

            El objetivo general es capacitar a los alumnos para desarrollar correctamente su actuación ante una urgencia, así como facilitar la adquisición de conocimientos y un nivel adecuado de formación en cuanto a los contenidos.

            En su estructura el curso incluye los módulos: Introducción; Cadena de supervivencia universal; Pautas de actuación ante una situación de emergencia: conducta PAS; Soporte vital básico. Algoritmo universal. Secuencia de actuación; Posición lateral de seguridad; Movilidad y manejo urgente de la víctima; Exploración secundaria Primeros auxilios en : Obstrucción de la vía aérea por cuerpo extraño, Hemorragias, Heridas, Quemaduras, Traumatismos, Picaduras y mordeduras de animales, Intoxicaciones, Urgencias por alteraciones de la termorregulación; El Botiquín; Prevención: conducta AVA.

            El curso se llevará a cabo en A Guarda, pudiendo solicitarse más información en la sede local de Cruz Roja Baixo Miño, o llamando al teléfono 986-61 46 09 o 6063484741 en horario de 8:00 a 15:00h y de 16:00 a 19:00.

            El plazo de inscripción finaliza el 17 de enero, siendo el número de plazas limitado, y la realización del curso queda sujeta a que se cubra el número de plazas.