Xoves, 31 de xaneiro de 2008  

O BNG presenta seis mocións en Tui ao pleno de xaneiro de 2008

O Bloque nacionalista galego presentou 3 mocións no mes de decembro de 2007 que serán  debatidas agora no Pleno de xaneiro de 2008. A primeira realízase por iniciativa de Galiza Nova, quen demanda que se melloren os servizos de transporte, solicitando que se incrementen tanto as conexións das liñas de tren como a periodicidade das liñas de autobuses, nomeadamente cos concellos limítrofes (Porriño, Salceda de Caselas, Salvaterra, Gondomar, etc.) e tamén que se cree unha liña de transporte interparroquial, claramente necesaria para o municipio. Nesta mesma moción Galiza Nova solicita que os estudantes dos institutos tudenses teñan gratuidade nos seus billetes de autobús.

A segunda moción presentada polo BNG solicita do Concello que se inste á Deputación de Pontevedra a gastar os seus orzamentos naquilo no que ten competencias habida conta da cantidade de diñeiro que gasta en cuestións que non lle competen en prexuízo das areas nas que realmente debe investir.

A terceira moción presentada polo BNG, en conxunto con outras forzas políticas, solicitaba a creación do Rexistro de Parellas de Feito por parte do Concello de Tui.

            O BNG engadiu a estas tres mocións outras tantas no mes de xaneiro. Unha moción para que se siga prestando dignamente o servizo de correos, en especial nas parroquias onde o reparto a domicilio vai a desaparecer para as casas “que estean a mais de 250 m. da vía pública habitualmente utilizada por calquera dos servizos públicos” e vai a ser substituído por “buzóns colectivos” en cruces de camiños. Esta é unha situación que preocupa enormente ao BNG sobre todo se pensamos que no rural galego viven moitas persoas maiores ás que agora se lles pretende suprimir servizos.

Outra das mocións presentadas en Xaneiro de 2008 solicita unha regulación clara da Tarifa eléctrica nocturna que desaparecerá definitivamente no mes xullo sen que se teñan ofrecido alternativas económicas a aqueles que disfrutaban dela e que agora terán que gastar unha boa suma de diñeiro para “adaptar” o seu sistema eléctrico ás novas esixencias.  Neste senso o BNG tamén solicita que se subvencionen parte dos gastos que van a ter os usuarios da tarifa nocturna aos que se lles obriga a cambiar de sistema.

Finalmente o BNG presenta unha moción de apoio ao pobo saharaui a través de diversas medidas como o irmanamento de Tui cunha chaira.

Mércores, 30 de xaneiro de 2008  

“Unha tarde de entroido na Biblioteca” mañá en Tui

A Biblioteca Pública Municipal de Tui organiza para a tarde de mañá, 31 de xaneiroás 18.00 horas, unha actividade de animación á lectura que baixo a denominación de “Una tarde de entroido na Biblioteca” agrupa unha actividade de contacontos e un obradoiro de obxectos característicos destas festas anuais. Está dirixido fundamentalmente aos alumnos dos primeiros anos de Educación Primaria.

Esta actividade forma parte do programa de animación á lectura que ao longo do ano desenvolve a Biblioteca Pública Municipal tudense para favorecer o achegamento dos rapaces ao mundo do libro.

Para o concelleiro responsable da área de cultura do Concello de Tui, Moisés Rodríguez Pérez, a celebración desta “Tarde de entroido na Biblioteca” é unha nova oferta de actividade que promove este centro que cómpre lembrar ten sido distinguido, no pasado ano 2007, cunha mención de honra no X Premio de Animación Lectora “María Moliner” na categoría de “labor bibliotecario”, estando convocado este certame  polo Ministerio de Cultura, a Federación Española de Municipios e Provincias e a Fundación Coca-Cola España.

José Juan Durán recibe a Moisés Rodríguez para valorar a posibilidade de elaborar un documental sobre Tui

O vicepresidente da Deputación de Pontevedra, José Juan Durán, recibiu onte a mañá no Pazo Provincial ao tenente de alcalde do concello de Tui, Moisés Rodríguez, para analizar a posibilidade de elaborar unha reportaxe audiovisual sobre Tui.

Pola súa importancia arquitectónica, histórica e social, pola repercusión que acadou e segue acadando a súa natureza fronteiriza, pola súa candidatura a ser Patrimonio da Humanidade e polo bispado, Tui convértese nun punto de interese e referencia que ben se podería ver reflectido nun documental.

Durán garantiu a Rodríguez que, despois de manter unha xuntanza co Servizo de Publicacións, se valorará a súa proposta para levar a cabo a realización da peza.

Martes, 29 de xaneiro de 2008  

Os socialistas presentan hoxe a candidatura por Pontevedra ás Eleccións do 9 de marzo

Tui acollerá, hoxe, ás 20.00 h, a presentación da candidatura do PSdeG-PSOE pola provincia de Pontevedra, ás Eleccións Xerais do 9 de marzo.

No acto falarán o secretario xeral da agrupación de Tui, Manuel Freiría; a candidata número dous ao Congreso, Marta Estrada; a candidata ao Senado, Carmela Silva, e o cabeza da lista ao Congreso, Antón Louro.

A presentación da candidatura socialista terá lugar na sala “Félix Rodríguez” da Área Panorámica de Tui.

Luns, 28 de xaneiro de 2008  

Cursos que están próximos a comezar en Tui

     Repasamos os distintos cursos que están convocados na comarca:

    O Centro de Formación do Concello de Tui informa que están abertas as listas para inscribirse nos cursos de galego CELGA que se impartirá en datas que están aínda por confirmar. Os interesados poden inscribirse no 986.60.39.49. Amais no mesmo centro de Formación Ocupacional está a listaxe de cursos do Plan FIP solicitados á Consellería de Traballo e para os que está aberto o prazo de preinscrición.

    Por outra parte este venres está previsto que comecen na Casa da Xuventude tanto o Curso de Danza Africana coma o de Sombras Chinesas. En ambos casos os interesados poden aínda anotarse pasando por este centro xuvenil ou chamando ao teléfono 986.60.05.68.

    A Asociación de Comerciantes e Industriais de Tui, ACITUI, dentro do seu programa de formación continua para os seus asociados, oferta un curso de Informática que comezará o 11 de febreiro. Ten 40 horas lectivas, e é gratuíto sendo as prazas limitadas. Terá lugar os luns e mércores de  20.25  a 23.10 horas até o 21 de abril. Máis información na sé de ACITUI ou no teléfono 986.60.75.56 de 9.30 a 15h.

    Por outra parte FEBAM impartirá en febreiro un curso de manipulador de alimentos e oferta outro de Microsoft Excell. Os interesados deben inscribirse nas súas oficinas na rúa Martínez Padín de Tui ou no teléfono 986.60.50.84

Venres, 25 de xaneiro de 2008  

Hoxe inaugúrase unha exposición de fotografias de Pepe Buiza sobre arquitectura popular portuguesa

A Sala Municipal de Exposicións do Concello de Tui acolle desde hoxe a exposición titulada “Tradición e construcción no norte de Portugal” que ofrece unha escolma de fotografías de Pepe Buiza sobre a arquitectura popular do norte de Portugal. Esta mostra permanecerá aberta ao público ata o 15 de febreiro.

Ao longo das máis de setenta fotografías que integran esta exposición os visitantes ponden achegarse ás diversas manifestacións da arquitectura tradicional do país veciño: dende as construccións de vivendas, os alpendres, os hórreos ou “espigueiros” e os muiños, que son obxecto de atención da cámara fotográfica de Pepe Buiza. Deste xeito os espectadores poden contemplar as diversas tipoloxias constructivas existentes nas zonas do Minho e de Tras-os-Montes, adaptándose ás condicións xeograficas e climáticas de cada territorio.

Pero a pescuda do fotógrafo, a súa curiosidade, abrangue tamén os pequenos detalles que moitas veces escapan da ollada do espectador pouco habituado á investigación etnográfica e que deste xeito podemos decatarnos da capacidade artística, da habelencia dos anónimos constructores que lograban unha adecuada adaptación ás necesidades habitacionais.

Con esta nova exposición a Concellería de Cultura do Concello de Tui, que dirixe Moisés Rodríguez Pérez, continúa traballando para dotar a esta Sala Municipal de Exposicións dunha programación ampla e diversificada nas diversas temáticas, e que ten no achegamento á realidade de Portugal unha das súas principais liñas de traballo. Con esta nova exposición do concello tudense continúa apostando por converter á cidade fronteriza nun lugar de encontro, de “ponte” de comunicación, entre Galicia e Portugal. Así no pasado ano nesta sala poidemos comtemplar diversas exposicións artísticas relacionadas con Portugal como foi o pintor Orlando Pompeu, o escultor Carlos Oliveira, a exposición da Bienal de Cerveira ou a mostra colectiva da Cámara Municipal de Boticas.

Moisés Rodríguez, concelleiro de cultura, convida aos veciños de Tui e interesados nesta temática a participar na inauguración desta exposición que terá lugar mañá ás 20.00 horas.

Jorge A. Álvarez Bautista elegido nuevo presidente de ACITUI

La Asociación de Comerciantes e Industriais de Tui, ACITUI, celebró el pasado lunes 21 de enero, en la Cámara de Comercio de Tui,  Asamblea General Extraordinaria para la Elección de la  Junta Directiva. La única candidatura presentada fur la de Jorge A. Álvarez Bautista que al ser  apoyada por la mayoría de los socios asistentes se erigió como nuevo presidente de ACITUI, al cual le acompañarán como vicepresidente, Hernán Sanz Soldani; secretaria, Lourdes Estévez Piño; Tesorera Goretty Rodríguez Vázquez, y como vocales Miguel A. Martínez Rodríguez, Manuela Landeira Troitiño y Juan Dacuña González.

Según palabras de Jorge A. Álvarez, ”será un orgullo representar en esta nueva etapa como presidente de Acitui a todos los socios, y ante el escenario económico de desaceleración que se presenta, en la medida de las posibilidades de la Asociación se buscarán formas o vías para intentar solucionar los problemas que surjan.”

Además, Jorge A. Álvarez Bautista señaló que lo verdaderamente interesante para la Asociación, es que el socio se implique y participe, dando su opinión y proponga iniciativas en beneficio del comercio tudense.

Por último, Jorge Álvarez, anunció las campañas que se llevarán a cabo en las próximas fechas, en concreto la de Carnavales, San Valentín y día de San José y  también propondrá fechas para próximas ferias de oportunidades.

Conferencia sobre o Glaucoma hoxe venres en Tui

    Hoxe, ás 19h,  terá lugar na Sala Félix Rodríguez da Área Panorámica unha conferencia sobre “O Glaucoma no novo milenio”. Correrá a cargo do oftalmólogo Javier González Rodríguez.

    A charla está organizada pola Asociación de Amas de Casa e Consumidores e Usuarios de Tui en colaboración coa Asociación Galega para a prevención do glaucoma.

Doazón de Sangue en Tui

    Unha unidade móbil do Centro de Transfusións de Sangue de Galicia está hoxe venres e mañá sábado en Tui na Praza de Galicia.

    Hoxe venres poderase doar de 16 a 21h e mañá sábado de 10 a 15h.

Romaría de San xulián no monte Aloia

    Este domingo celébrase a Romaría de San Xulián no Monte Aloia. Trátase dunha cita secular que vén reunindo aos tudenses e veciños dos concellos limítrofes no Monte Aloia cada 27 de xaneiro para celebra a San Xulián. Este ano o feito de cadrar a festividade en domingo permitirá que a afluencia de xente sexa aínda maior que en anos anteriores.

    Ao longo da mañá, na ermida do Santo celebraranse varias misas, tendo lugar a solemne ao mediodía.

Asembleas das Asociacións Culturais de Randufe e Pexegueiro

    Esta fin de semana celebran asemblea as asociacións Culturais de Randufe e Pexegueiro.

    A Asociación Cultural Xuntanza de Randufe celebra asemblema mañá, sábado, ás 21.30h en primeira convocatoria e ás 22h en segunda para facer valoración do traballo realizado ao longo do último ano.

    Na orde do día figuran sete puntos comezando pola aprobación das actas anteriores e o estado de contas. Logo o Presidente fará un resumo anual das actividades realizadas. O punto cuarto corresponde á Vogalía de Xuventude e no quinto tratarase sobre a Casa Cultural. No sexto procederase á renovación da Xunta Directiva para rematar coa quenda de rogos e preguntas.  

    Por outra parte a Asociación Cultural “O Mosteiro” de Pexegueiro celebra este domingo Asemblea Xeral Ordinaria a partir das doce do mediodía.

    No primeiro punto presentarán as contas e as someterán a aprobación. O segundo punto son rogos e preguntas. E rematarán coa presentación de novas candidaturas para a directiva.

Cea-baile de Entroido organizada por Xuntanza

    Xuntanza informa que o sábado 2 de febreiro ás 21,30h  vai celebrar unha cea-baile de Entroido na Casa Cultural servida por Emprendex. O prezo por persoa é de 20€ e os interesados deben inscribirse no teléfono 646.646.500 a partir das 21h.

Xoves, 24 de xaneiro de 2008  

O porteiro tudense Eduardo Sousa Iglesias convocado coa Selección Española sub-17

    O mozo tudense Eduardo Sousa Iglesias, de 16 anos, vén de ser convocado coa Selección Española sub 17 que o próximo mes de maio xogará o Campionato de Europa.

    Eduardo Sousa milita na actualidade co equipo xuvenil do Deportivo na división de honra, con que asinou este ano un contrato por cinco anos. Anteriormente estivo nas filas do Atlético de Madrid e previamente no Celta.

    Tanto para Eduardo Sousa coma para a súa familia é todo unha satisfacción esta convocatoria coa selección española con quen se vai concentrar nas Rozas dende o luns ao mércores xunto a outros 25 xogadores de toda España.

    Eduardo Sousa Iglesias disputou xa o ano pasado o Campionato de España de Autonomías co Atlético de Madrid onde foi recoñecido coma mellor porteiro.

    Precisamente agora á selección española é un dos dous porteiros seleccionados xunto ao garda meta do Racing de Santader.
 

A cuarta edición de Play-Doc celebrarase do 12 ao 16 de marzo

    Play-Doc, o Festival Internacional de Documentais de Tui, ten xa datas para celebrar a súa cuarta edición. A cita con este importante evento audiovisual será do 12 ao 16 de marzo.

    Nas próximas semanas irase avanzado a programación, as novidades e todos os detalles deste festival que en tan só tres edicións se ten gañado o respecto do público e da crítica. Nesta cuarta edición Play-Doc promete non defraudar e manter o listón aínda máis alto que nos tres primeiros festivais.

    A cita volverá ter o seu eixo central no Teatro Municipal da Área Panorámica de Tui, onde se realizarán as proxeccións, pero toda a cidade fronteiriza quedará contaxiada, unha vez máis, do espírito de Play-Doc.

Película e coloquio hoxe no Bar Aloia

    Ás oito deste tarde o Bar Aloia acolle a proxección da película “Elsa e Fred” que será presentada previamente. Ao remate do film haberá un coloquio sobre como “Enfocar a vellez”.

Cambio de sentido da circulación na rúa Ordóñez

    Dende onte ao mediodía a rúa Ordóñez cambiou de sentido de circulación volvendo ao que tiña hai un par de anos. Deste xeito é dirección prohibida acceder a esta rúa dende o Paseo da Corredoira e o Cantón de Diomedes.

    Con este cambio de sentido ao final do Paseo da Corredoira a altura dos soportais pódese xirar en ambos sentidos, tanto á dereita cara á rúa Coruña coma á esquerda cara a rúa Ordóñez. O obxectivo é dar máis fluidez á zona segundo onte á tarde explicaba o Concelleiro de Tráfico, Antonio Castro, á Radio Municipal de Tui, ao tempo que beneficia tamén ao comercio da zona.

O venres pecha o prazo de inscrición par ao Desfile-Concurso de Entroido que se celebrará o 5 de febreiro

    Ata mañá, venres, está aberto o prazo de inscrición para participar no Desfile-Concurso de Entroido que organiza a Concellería de Cultura do Concello de Tui.

    As inscricións pódense realizar no Departamento de Cultura ou no Rexistro de Entrada do Concello de Tui no impreso normalizado para tal fin, ate este venres en horario de 9 a 14h.  Establécese a participación dun máximo de vinte comparsas, por orde de inscrición, coa salvidade de que nunca unha comparsa de Tui quedaría fóra do desfile.

    Neste concurso poderán participar comparsas integradas por un mínimo de vintecinco persoas disfrazadas, que poderán ir acompañadas de carroza, cun máximo de catro metros de altura, e de acompañamento musical, xulgándose nesta categoría que a música sexa en directo realizada con instrumentos musicais.

    O Desfile-Concurso de Entroido celebrarase o martes de Entroido, 5 de febreiro, Festivo Local en Tui, dende ás 18 horas, nun circuíto establecido polas rúas Casal Aboy, Compostela, Betanzos, Irmáns Maristas, Ourense e A Guarda. O xurado, integrado por un delegado das asociacións culturais de cada parroquia e do casco urbano de Tui, así coma por membros do Departamento de Cultura,  será o responsable de outorga-los premios establecidos, tendo en conta coma méritos a calidade, orixinalidade, a dificultade de realización, e a acollida por parte do público. O xurado poderá amais declarar deserto un ou varios premios, así coma diminuír a contía dos accésits outorgados por participación.

A Asociación Cultural Xuntanza celebra asemblea xeral este sábado

    A Asociación Cultural Xuntanza de Randufe celebra este sábado Asemblea Xeral Anual. Será ás 21.30h, en primeira convocatoria, e ás 22h en segunda para facer valoración do traballo realizado ao longo do último ano.

    Na orde do día figuran sete puntos comezando pola aprobación das actas anteriores e o estado de contas. Logo o Presidente fará un resumo anual das actividades realizadas. O punto cuarto corresponde á Vogalía de Xuventude e no quinto tratarase sobre a Casa Cultural. No sexto procederase á renovación da Xunta Directiva para rematar coa quenda de rogos e preguntas.

    Por outra parte Xuntanza informa que o sábado, 2 de febreiro, ás 21,30h  vai celebrar unha cea-baile de Entroido na Casa Cultural servida por Emprendex. O prezo por persoa é de 20€ e os interesados deben inscribirse no teléfono 646.646.500 a partir das 21h.

Jorge Álvarez elixido presidente de ACITUI

    Jorge Álvarez Bautista foi elixido o luns á noite coma presidente de ACITUI, cargo que ocupou xa nos últimos dez anos, e que deixara o ano pasado para presentarse ás eleccións municipais. Agora volveu a asociación de comerciantes encabezando a única candidatura que se presentou.

    Xunto a el integran a directiva Hernán Sanz. coma vicepresidente: Goreti Rodríguez Vázquez, coma tesoureira; Lourdes Estévez Piña, coma secretaria, e Miguel Martínez, Manuela Landeira e Juan Dacuña, coma vogais.

    Jorge Álvarez, explicou xa na Asemblea Xeral Extraordinaria, onde saíu elixido presidente, as próximas iniciativas que vai acometer a asociación entre as que están as campañas do Entroido, de San Valentín e San Xosé, e avanzou que se fixarían datas para a celebración de feiras. Tamén espuxo que coma presidente velaría polos intereses do comercio local nos tempos difíciles que están a vivir.

O Náutico San Telmo comeza en febreiro novos cursos para obter o título de patrón de embarcacións

    O Club Náutico San Telmo informa do próximo comezo das clases para obter o título de patrón de embarcacións. Será a partir do 9 de febreiro e as clases serán os sábados pola tarde e os domingos pola mañá.

    O exame será a mediados de abril.

    As persoas interesadas poden obter máis información telefonicamente no 986.60.24.64, en horario de oficina de 11.30 a 13.30 e de 16.00 a 20.00 h de luns a venres, ou no correo electrónico nautico@cnsantelmo.com

    Nesta convocatoria impartiranse clases para obter o título de Patrón de Navegación Básica, (PNB), o Título de Patrón de Embarcacións de Recreo, (PER) e Patrón de Iate.

Martes, 22 de xaneiro de 2008  

Conferencia sobre o Glaucoma este venres en Tui

    Este venres, ás 19h,  terá lugar na Sala Félix Rodríguez da Área Panorámica unha conferencia sobre “O Glaucoma no novo milenio”. Correrá a cargo do oftalmólogo Javier González Rodríguez.

    A charla está organizada pola Asociación de Amas de Casa e Consumidores e Usuarios de Tui en colaboración coa Asociación Galega para a prevención do glaucoma.

Búscase a unha  persoa desaparecida da súa casa en Portugal que foi vista na fin de semana en Tui

    O domingo foi presentada na Policía Local de Tui a denuncia pola desaparición dunha muller de 42 anos de nacionalidade portuguesa. Chámase Ana Paula Fernández. Mide 1,65, é moi delgada, con pelo moreno, moi liso e longo. Foi vista o sábado pola tarde e pola noite en Tui.

    Se alguén pode aportar algunha pista que se poña en contacto coa Policía Local de Tui no 986.60.36.77 ou coa Guarda Civil.

Inscrición para os cursos de galego CELGA en Tui

    O Centro de Formación do Concello de Tui informa que están abertas as listas para inscribirse nos cursos de galego CELGA que se impartirán en datas que están aínda por confirmar. Os interesados poden inscribirse no 986.60.39.49.

Asemblea  Xeral Ordinaria no Centro Cultural de Pexegueiro

    O Centro Cultural “O Mosteiro” de Pexegueiro celebra este domingo Asemblea Xeral Ordinaria a partir das doce do mediodía.

    No primeiro punto presentarán as contas e as someterán a aprobación. O segundo punto son rogos e preguntas. E rematarán coa presentación de novas candidaturas para a directiva.

Os veciños de Guillarei demandan unha solución aos accesos na estrada Guillarei-Caldelas cara a Veiga do Louro

    Máis dun centenar de veciños de Guillarei concentráronse onte a mañá na intersección entre a estrada de Guillarei-Caldelas e a que vai a Veiga do Louro para reclamar que no lugar se faga un acceso en condicións que lles permite circular en todas as direccións, xa que na actualidade está proxectada unha isleta que non daría esa posibilidade e complicaría os accesos.

    En outubro pasado dende o Concello remitiuse un escrito á Consellería de Política Territorial acompañado dun informe da policía local solicitando modificar a sinalización do cruzamento entre a PO-404 coa pista de Areeiros. No escrito indícase que na zona está previsto unha isleta divisoria de carrís de entrada e saída e que os veciños procedentes de Caldelas non poderían xirar cara a pista. Por iso demandaban no escrito que en tanto non se faga unha rotonda se solucione a situación facendo un novo pintado ou colocando semáforos de velocidade.

    No informe da Policía Local explícase que tal e coma está realizado o trazado os vehículos procedentes de Caldelas non ponde xirar cara a pista de Areeiros, e teñen que efectuar o cambio a máis de 500 metros, mentres que si se trata de camións terían que dar unha volta de 1.200 ou 1.300 metros para facer o cambio de sentido.

    Igualmente os vehículos procedentes da pista de Areeiros só poderían xirar cara Caldelas.

Sábado, 19 de xaneiro de 2008  

Núñez Feijoo di que o Baixo Miño pasou de ser unha comarca prioritaria a unha comarca esquecida

    O Baixo Miño pasou de ser unha comarca prioritaria a estar esquecida, e a aposta prometida pola mesma non se fixo. Así o afirmaba onte ao mediodía Alberto Núñez Feijoo, o Presidente do PPdG na comparecencia ante os medios de comunicación co gallo do encontro que mantivo cos representantes populares da zona.

    Ao tempo Núñez Feijoo avanzou que o grupo parlamentario popular vai presentar iniciativas na Cámara Galega para sacar a comarca da situación actual na que está, centradas en dous temas principais: as infraestruturas e a sanidade. Solicitarán do Goberno bipartito que explique o porqué non se levaron adiante os proxectos que había sobre o Vial Tui-A Guarda, os tres parques empresarias na comarca, ou os novos centros de saúde para Tui e Oia.

    Núñez Feijoo na súa intervención sinalaba que o Baixo Miño tiña que ser unha comarca con actuacións prioritarias pola súa cercanía a Portugal o que conleva que ten que facer fronte á competencia que dende alí chega tanto nun prezo máis baixo na man de obra, coma no solo empresarial, e sobre este último dicía que a ausencia de solo industrial na comarca fai que as empresas estean a marchar cara ao país veciño.

    Denunciaba amais o Presidente dos Populares Galegos que o investimento máis importante que se ía acometer, cifrado en 120 millóns de euros, para o vial Tui-A Guarda está sen realizar, non hai expropiacións feitas e nin sequera o trazado está aprobado. Ese investimento era unha discriminación positiva cara a comarca que non se levou  a cabo, pese aos reiterados anuncios feitos dende Política Territorial. Por iso sinalaba que isto é unha falta de respecto para o Baixo Miño.

    Engadía Núñez Feijoo que había outros tres obxectivos que eran dotar dun millón de metros cadrados de solo industrial á comarca co parque  A Guarda-O Rosal, o de Tomiño e a ampliación do de Tui. E engadía que estas obras que tamén tiñan que estar en execución están paradas. O que conleva que as persoas que queren investir téñense que ir a Portugal.

    Igualmente denuncia que non se teñan construído os novos centros de saúde de Tui e Oia, ou que non se teña ampliado a dotación de medios humanos dos Xulgados de Tui.

    Na súa comparecencia referiuse tamén a sinestralidade no mar amosando a súa solidariedade coas familias do mariñeiro morto e dos desaparecidos do “Cordero” e explicaba que van solicitar que no Parlamento se cree unha comisión para avaliar a seguridade no mar na que se escoite tamén ao sector. Nesa comisión débese estudar as medidas para diminuír a sinestralidade  nas rías e no litoral galego. E estudar en qué circunstancias os portos se deben pechar, explicado que esa decisión se  pode tomar amparados pola lei.

    A proximidade das elección xerais estivo tamén presente nas preguntas dos informadores dos distintos medios. Así Núñez Feijoo afirmaba que o 29 deste mes darase a coñecer a lista completa ao Congreso e ao Senado do seu partido en Pontevedra, sen querer polo momento facer ningún avance. Só dicía que están seguros que “vai ser unha lista francamente boa con persoas políticas de relevancia.”

    E tamén se lle preguntaba polo súa opinión sobre o "non" dado a Ruiz Gallardón para ir nas listas xunto a Rajoy. Dicía Feijoo que os madrileños saíron gañando porque seguirán tendo ao seu alcalde dedicado ao municipio ao 100% do tempo. Manifestaba tamén que Gallardón segue a ser un dos mellores alcaldes de Europa, sen pronunciarse máis aló sobre a decisión do Partido,  máis que explicando que non lle gustaría que o PP de Madrid opinase sobre as listas galegas e por tanto el tampouco o fará sobre as de Madrid.

Venres, 18 de xaneiro de 2008  

Curso de informática para o comercio de Tui

A Asociación de Comerciantes e Industriais de Tui, ACITUI, dentro do seu programa de formación continua para os seus asociados, oferta un curso de Informática, cunha duración de 40 horas.

O curso, que é gratuíto, dará comezo o próximo  11 de Febreiro e rematará o 21 de Abril. As clases impartiranse todos os luns e mércores en horario de  20.25  a 23.10 horas.

As prazas son limitadas polo que todos aqueles comerciantes que estén interesados na realización deste curso, deben pórse en contacto con ACITUI no 986 607 556 ou acudir as súas oficinas sitas no Paseo da Corredoira, 21, de luns a venres en horario de 9.30 a 15-00 horas.

Alberto Núñez Feijoo no Hotel Alfonso I

Ás 12.00 do mediodía o presidente do PPdeG, Alberto Núñez Feijóo, acompañado do portavoz do Grupo Parlamentario Popular e de responsables locais e comarcais do PPdeG ofrece hoxe unha rolda de prensa para dar conta dos asuntos abordados nunha reunión celebrada previamente coa participación dos deputados autonómicos deste partido.

A reunión e a rolda de prensa posterior celebraranse no Hotel Alfonso I (Gándara, s/n. Guillarei – Tui)

Exposición do Censo Electoral para as eleccións xerais do 9 de marzo  

    O Alcalde de Tui, Antonio Fernández Rocha, ao través dun bando dá conta da exposición do censo electoral ante a convocatoria de eleccións xerais do 9 de marzo.

    O Censo exporase ao público dende o próximo luns, 21 de xaneiro ata o 28 de xaneiron nas oficinas de secretaría do Concello, podendo consultarse de 9 a 14h de luns a venres e os sábados de 9 a 12.30h.

    É de especial interese que comproben os seus datos aquelas persoas que veñen de cumprir os 18 anos, as que se deron de alta no concello recentemente ou cambiaron de domicilio.

    As reclamacións deberaas facer o interesado presentando o DNI, Pasaporte ou Permiso de Conducir.

Xoves, 17 de xaneiro de 2008  

Consecuencias do temporal en Tui

    O martes á tarde as intensas choivas caídas e o forte temporal ocasionou diversos desperfectos de distinta importancia no término municipal de Tui.

    O máis grave foi a caída dunha árbore en Caldelas sobre un camión, no impacto resultou ferido o condutor do vehículo segundo onte á tarde informaba a Policía Local de Tui.

    Amais un vehículo quedaba anegado pola auga na ponte da vía, nas Bornetas, en dirección ao Parque Empresarial.

    A isto hai que sumar as inundacións puntuais en diversas rúas pola intensidade da choiva.

    Na estación meteorolóxica do Monte Aloia rexistráronse 60l/m2 e refachos de até 80km/h.

Mércores, 16 de xaneiro de 2008 

O Curso de Danza Africana na Casa da Xuventude poderíase aprazar se non hai un número mínimo de inscritos

    Mónica Bugarín, Directora da Casa da Xuventude, estaba onte na sintonía da Radio Municipal dentro da súa comparecencia semanal para falar das actividades que propoñen dende este centro xuvenil.

    Explicaba que aínda non hai grupo para que poida comezar o curso de Danza Africana na Casa da Xuventude previsto para este venres. De non haber un número suficiente terá que aprazarse un par de semanas.

    Si está confirmado o curso de sombras chinesas que comezará o 1 de febreiro. Quedan prazas vacantes.

    E onte mesmo comezou a aula de xadrez para nenos que terá lugar os martes de xeito quincenal. Os cativos están a tempo de anotarse.

Xuntanza dos anos en 1942 en Areas

    Este sábado pola noite 50 persoas de Areas vanse xuntar nunha cea conmemorativa. Na mesma compartiran lembranzas de cando ían á escola xa que foron compañeiros, 12 deles do mesmo curso e o resto de curso anteriores ou posteriores.

    Clara Torres, unha das promotoras desta iniciativa, explicaba na RMT coma xurdiu esta xuntanza, sendo varios os motivos, entre eles celebrar os seus 65 anos.

    A acollida que tiveron por parte dos veciños foi magnífica e a meirande parte dos nados en 1942 en Areas estarán presentes este sábado na cea.

    Indicaba que a xente importante é a anónima por iso este sábado faranse unha homenaxe a sí mesmos e entregaranse os diplomas expedidos pola Real Academia da Vida.

ACITUI celebra o próximo luns eleccións a Xunta Directiva

    O próximo luns a Asociación de Comerciantes e Industriais de Tui, ACITUI, vai celebrar eleccións á Xunta Directiva unha vez transcorreu o prazo de presentación de candidaturas.

    A elección terá lugar na Asemblea Xeral Extraordinaria que se celebrará  o luns, ás 20.30h, en primeira convocatoria, e ás 21h en segunda, nos locais da Cámara de Comercio de Tui.

Martes, 15 de xaneiro de 2008 

Os sanitarios portugueses desminten que a modificación da lei solucione o problema de matriculación de vehículo do 80% dos afectados

    A Asociación de Profesionais Sanitarios españois que traballan en Portugal veñen de saír ao paso das manifestacións realizadas polo goberno portugués nas que afirman que co novo decreto que veñen de sacar polo que consideran transfronteirizos aos traballadores que teñan o seu posto de traballo até a 60 quilómetros da fronteira, solventan o problema de matriculación do 80% dos afectados. Xoán Gómez, presidente deste colectivo, así o afirmaba na RMT.

    Criticaban amais que coa nova normativa os requisitos a cumprir son moi numerosos para que lles dean a carta para poder circular.

    Os sanitarios van continuar coas súas reivindicacións e a próxima fin de semana acudirán a Braga ao cumio hispano-luso.

Presentada a obra da estrada Virxe do Camiño-Mosende que comeza en breve

    Onte á  mañá foron presentadas as obras de acondicionamento da estrada que vai da Virxe do Camiño a Mosende e cuxa execución suporá un investimento de 4,5 millóns de euros. Estarán rematadas nun ano xa que 12 meses é o prazo de execución.

    O acto estivo presidido pola conselleira de Política Territorial, Obras Públicas e Transportes, María José Caride, e asistiron a Delegada Provincial da Consellería e os Alcaldes de Tui e o Porriño.

    Esta estrada coincide en boa parte do seu percorrido (ao longo de dous quilómetros concretamente) co trazado do Camiño Portugués a Santiago, polo que as obras que se realizarán nela terán en conta esta singularidade. Así, en toda a súa lonxitude construirase unha senda peonil paralela á calzada de xeito que poida ser utilizada cun maior grado de seguridade tanto polos peregrinos como polos propios veciños da zona.

    O Alcalde de Tui amosaba a súa satisfacción por esta obra que dará servizo aos habitantes da comarca.

    Pola súa parte a Conselleira de Política Territorial destacou o importante da obra e . agradeceu o traballo feito dende a Delegación cos veciños para lograr o proxecto axeitado.

    Engadía que do traballo de colaboración feito todos saímos gañando, e permitirá dar máis seguridade ás interseccións, e mellorarase a propia estrada con 8 metros de ancho e senda peonil.

    A estrada ten preto de 7 quilómetros de lonxitude e nela ampliarase a calzada ata os oito metros, con dous carrís de 3,5 metros e dúas beiravías de medio metro. De xeito paralelo e perfectamente separada discorrerá a senda peonil de outros dous metros de ancho. Ademais, rectificaranse diversas curvas, ampliaranse os pontóns sobre os regatos, reporanse os servizos afectados e habilitaranse espazos para as paradas dos autobuses de xeito que os usuarios poidan acceder ao transporte público en mellores condicións de seguridade.

    Ademais, cumprindo cos compromisos da CPTOPT en materia de seguridade viaria, trala súa remodelación a estrada incorporará os sistemas de protección de motociclistas naquelas zonas onde así o aconsella a Dirección General de Carreteras seguindo os criterios fixados na Orde circular do Ministerio de Fomento 18/2004.

    Por outra parte a Conselleira fixo referencia a outras actuacións do seu departamento no entorno.

    Así daba conta que o pasado 4 de xaneiro adxudicouse a obra da estrada que vai de Areas a Tomiño cun investimento de 1,5 millóns para mellorar firme e pintura. Tamén se iniciou a mellora da estrada Paramos e Salceda.

    E se refería, finalmente, as obras do cruce da Casilla e da Costilleta, no Porriño que supoñen un custe de 5 millóns de euros.

    Amais María José Caride tamén anunciou que este xoves o Consello da Xunta aprobará o decreto de declaración de utilidade pública e urxente ocupación dos terreos necesarios para reformar a Autoestrada do Val Miñor (AG-57). Con este paso iniciarase o procedemento expropiador para reformar a autoestrada de xeito que poida ser utilizada tamén para traxectos interiores entre os concellos de Nigrán, Gondomar e Baiona e non só para a súa comunicación con Vigo, como ocorre ata agora. Esta reforma tamén permitirá dotar a Baiona dunha circunvalación libre de peaxe. A conselleira avanzou que as obras de reforma da autoestrada suporán un investimento de preto de 25 millóns de euros e terán un prazo de execución de 15 meses.

    Ademais, María José Caride lembrou que a empresa concesionaria comprometeuse a implantar tanto nesta como na outra autoestrada de titularidade autonómica, A Coruña-Carballo (AG-55), a peaxe dinámica ou telepeaxe.

A parroquia do Sagrario de Tui inicia catequeses para mozos e adultos

    A parroquia do Sagrario de Tui inicia catequeses para mozos e adultos co obxecto de profundizar na vida cristiá entre os feligreses.

    As charlas serán os luns e mércores, ás oito da tarde, na Sala da Fundación Félix Rodríguez na Área Panorámica, con entrada polo aparcamento municipal.

Hoxe abre o prazo de inscrición para o Desfile-Concurso de Entroido en Tui

    Dende hoxe e ata o próximo día 25 pódese facer a inscrición para o Desfile-Concurso de Entroido en Tui que se celebrará o 5 de febreiro.

    A inscrición debe facerse no Departamento de Cultura ou no Rexistro de Entrada do Concello de Tui no impreso normalizado para tal fin, en horario de 9 a 14h.  Establécese a participación dun máximo de vinte comparsas, por orde de inscrición, coa salvedade de que nunca unha comparsa de Tui quedará fóra do desfile.

    Neste concurso poderán participar comparsas integradas por un mínimo de vintecinco persoas disfrazadas, que poderán ir acompañadas de carroza, cun máximo de catro metros de altura, e de acompañamento musical, xulgándose nesta categoría que a música sexa en directo realizada con instrumentos musicais.

Eleccións á Xunta Directiva de ACITUI

A Asociación de Comerciantes e Industriais de Tui, ACITUI, informa que unha vez transcurrido o prazo de presentación de candidaturas para a Xunta Directiva de ACITUI, convoca aos socios en Asamblea Xeral Extraordinaria para a celebración de Eleccións a Xunta Directiva de ACITUI  para o vindeiro luns, 21 de Xaneiro de 2008, as 20.30 horas, en primeira convocatoria, e as 21.00 horas, en segunda convocatoria, na Cámara de Comercio de Tui (C/ Augusto González Besada, nº 15-1º Dcha.).

Luns, 14 de xaneiro de 2008 

Audiência Zero apresenta Phantom Club em Ponte da Barca e Fnac

Oriundos de Tui, os Phantom Club são a primeira aposta da Audiência Zero para 2008 e apresentam-se em Portugal no fim-de-semana de 18 e 19 de Janeiro, a fim de cumprirem dois showcases na Fnac Santa Catarina e Fnac Norte Shopping, fechando a pequena gira em Ponte da Barca, através de um concerto marcado para o Bar Belião, no dia 19, data que registará também a presença em palco dos portuenses Chemical Wire.

Formado no Verão 2002, os Phantom Club percorrem os caminhos do rock e do funk através de músicos nascidos em Tui, Vigo e Buenos Aires (Argentina). Eles são Frans Banfield (voz), Nena Seila (voz), Charlie Hermida (guitarra) Brian Moure (baixo) Juanma Ons (guitarra) Paco Juncal (violino) e Victor Franco (bateria).

O grupo acaba de lançar – Dezembro de 2007 – o seu primeiro Ep - «Funksiona», gravado no estúdios Océano, em Vigo, com a direcção de Javier Abreu e do argentino Claudio Gabis. Este EP tem como sétima faixa enquanto tema extra uma música gravada por Seila junto do raper americano Keyd, que já colaborou anteriormente com Snoop Dog. Entre o leque de colaborações conta-se também a participação de Javier Vargas, figura grande do blues espanhol. «Funksiona» começa 2008 em exposição por Portugal, seguindo-se paragens por toda a Espanha – Madrid, Barcelona, Valência, Bilbao, Valladolid ou Salamanca, estando prevista para Novembro a estreia do grupo na Argentina, de onde são naturais Frans Banfield e Juanma Ons.

O repertório dos Phantom Club baseia-se em instrumentais próprios e algumas versões. Com letras em castelhano, o estilo musical do grupo assenta na grande capacidade cénica dos seus músicos, que criam por onde passam forte interacção com o público. Esta é uma característica muito importante nos concertos oferecidos pelos Phantom Club, sendo cada um dos quais sinónimo de festa. Com duas maquetas anteriores ao EP – Funksiona – os Phantom Club já tiveram oportunidade de tocar com os portugueses Mão Morta (em Vigo, na Fabrica de Chocolate), ou com os argentinos La Mississippi, Viticus e SuperRatones.

A juntar a um showcase na Fnac Santa Catarina (dia 18, 17 horas) e Fnac Norte Shopping (dia 19, 17 horas), este grupo de Vigo irá tocar na noite de dia 19 (sábado) no Bar Belião, em Ponte da Barca, naquela que será uma primeira data organizada pela Audiência Zero neste espaço, que é um já ex-libris no que respeita a concertos em toda a região do Alto Minho. Além dos Phantom Club, também os portuenses Chemical Wire estão convocados a abrilhantar a festa, eles que são senhores de um rock extremamente virtuoso, experimental e ruidoso, embora destacando-se nos primórdios da sua construção criativa uma certa matriz funk.

Sábado, 12 de xaneiro de 2008 

O Centro de Formación solicitou quince cursos á Consellería

    O Centro de Formación do Concello de Tui solicitou quince cursos ao abeiro do Plan FIP á Consellería. Trátase dos cursos de carpinteiro, fontaneiro, electricista de edificios, electricista de mantemento, instalador de sistemas de enerxía solar térmica, informática de usuario, iniciación á rede internet, aplicacións informáticas de xestión, instalador de sistemas fotovoltáicos e eólicos, empregado de axencia de viaxes, auxiliar de montaxes electrónicos, colocador de prefabricados lixeiros, colocador de paneis de cartón, xeso e similares, axente de desenvolvemento turístico, e azafata/auxiliar de congresos.

    A duración dos cursos oscila entre ás 820 e as 79 horas. E en función da súa concesión está previsto que comecen a partir do mes de marzo.

    As persoas interesadas en realizar algúns destes cursos poden inscribirse xa no Centro de Formación do Concello no teléfono 986.60.18.59 ou no enderezo electrónico cfo@concellotui.org. Os programas de cada curso poden verse no propio centro ou na páxina www.traballo.xunta.es

Tui conta cunha poboación de 18.793 persoas segundo o padrón de habitantes

    O Concello de Tui conta cunha poboación de 18.793 persoas segundo o padrón de habitantes a 10 de xaneiro deste ano. Deste total o 51,71% son mulleres e o 48,29% restante homes.

    Nos últimos catro anos naceron na cidade 741 nenos e nenas que representan case o 4% da poboación. Se facemos a suma da poboación menor de 20 anos, en Tui viven 3.573 persoas menores desta idade.

    Tomando a poboación en tramos de idade de catro en catro anos o tramo máis numeroso está entre os 30 e os 34 anos cun 9,84% do total é dicir 1.849 persoas, seguido moi de preto polo tramo inferior e posterior, polo que a pirámide de idade se engrosa no medio o dunha poboación xove na cidade.

    En canto as persoas que superan os 65 anos, residen na cidade un total de 3.229. Deles 13 cumpriron xa os cen anos e incluso hai 5 persoas, catro mulleres e un home, que teñen máis de 105 anos.

    Comparada a poboación por sexos as porcentaxes son moi similares ata os 65 anos, cando o número de mulleres comeza a ser maior que o de homes pola lonxevidade feminina.

    Por outra parte analizando a poboación por nacionalidade, en Tui viven 1.501 estranxeitos dos que a meirande parte, 700, son portugueses, seguidos de marroquís con 274 cidadáns e de Brasil con 88, Arxentina con 72 e Uruguai con 41. En total hai até 44 nacionalidades distintas de lugares tan distantes coma Indonesia, Xordania, Ucraína, Mali ou India.

Acitui premia aos escolares de Tui no concurso “ Debuxos de nadal”

    A Asociación de Comerciantes e Industriais de Tui, ACITUI, entregou o pasado xoves, 10 de xaneiro, na sede social, bicicletas aos gañadores do Concurso “Debuxos de Nadal”.

    As categorias comprendían dende infantil ata cuarto curso da ESO, sendo os gañadores: na categoría A (educación infantil) Daniel Pregal do CEIP Nº2; na categoría B (1º, 2º de primaria) Alba Pino, do CEIP Pazos de Reis; na categoría C (3º, 4º de primaria) Juan Valverde do CPR Marista; na categoría D (5º, 6º de primaria) Alba González do CEP de Caldelas; na categoría E (1º, 2º de ESO) Adela Rodríguez do CPR O Pelouro, e na categoría F (3º, 4º de ESO) Miguel Mayor, do CPR O Pelouro.

    Os traballos realizados por estes pequenos artistas tiñan como tema un motivo de Nadal incluían, entre outros a presenza de Papa Noel cos seus renos, os Reis Magos, nacementos e escenas da vida familiar celebrando estas festas. Debido a alta participación e á calidade dos debuxos fixo que a elección por parte do xurado resultase unha tarefa difícil e o mesmo tempo gratificante xa que se podían ver o esforzo dos rapaces.

Presentado o programa de visitas guiadas de carácter didáctico ao casco histórico de Tui

    O alcalde de Tui, Antonio F. Fernández Rocha, acompañado polos concelleiros de Cultura, Moisés Rodríguez Pérez, e de Turismo, María José Rosada Silva, presentaron onte a maña o programa de visitas guiadas ao conxunto histórico tudense que promove o Concello de Tui.

    A Concellería de Cultura, segundo informou o seu concelleiro responsable, está traballando na creación do Centro de Interpretación do Casco Histórico tudense, como unha peza básica para a posta en valor e difusión do noso conxunto monumental. Este centro que está previsto se ubique no edificio coñecido como “Cárcere vello”, na rúa Sanz, comeza a sua actividade cunha proposta de visitas guiadas de caracter didáctico orientandas aos grupos e colectivos interesados.

    En concreto, hai deseñados tres roteiros que varian en función do tempo que desexen empregar os visitantes no percorrido polas vellas rúas da nosa cidade así como, no caso dos escolares, en función do seu nivel educativo.

    Para a posta en marcha deste Centro de Interpretación do Conxunto Histórico o Concello de Tui, ao abiero dos plans de cooperación coa Xunta de Galicia, ten contratada a unha licenciada en arte e unha auxilar, que teñen deseñado estes itinerarios e que acompañarán aos diversos grupos no seu percorrido. Estes roteiros esán dirixidos de xeito especial aos numerosos grupos escolares que visitan á nosa cidade ao longo do ano e que con esta oferta poden desenvolver unha visita guiada por especialistas e incrementar o aproveitamento didáctico da mesma.

    Os colectivos interesados nesta oferta de visitas guiadas poden solicitar a correspondente cita a través do correo electrónico centro.interpretación@concellotui.org

    Para o Concelleiro de Cultura do Concello de Tui esta oferta de visitas guiadas é un primeiro paso nos proxectos desta concellería para a posta en valor do conxunto patrimonial tudense, a creación deste centro de interpretación e de seguido do Museo Municipal contribuirán de xeito eficaz na difusión e proteccción do conxunto histórico da cidade e constituirán un novo atractivo para a visita á nosa cidade. O Centro de Interpretación está chamado a ser o lugar de acollida dos visitantes e onde poidan achegarse mediante diversos elementos expositivos ao coñecemento das principais características do casco histórico, da sua evolución, dos seus momumentos, etc e que logo posiblitarán un meirande disfrute da visita á vella cidade de Tui.

    Como primeira proposta deste Centro xorden pois estas visitas guiadas de carácter gratuíto que o alcalde tudense valorou como unha oferta que está convencido resultará de interese para os numerosos grupos que visitan a nosa cidade. Pola súa parte o alcalde de Tui salientaba que co Centro de Interpretación darase a coñecer o Conxunto Histórico, cuxa obras están xa rematadas, aínda que falta completar o equipamente, e se refería a estas visitas coma “punto de partida”.

Venres, 11 de xaneiro de 2008 

ACITUI anima a mercar na cidade no período de Rebaixas

    A Asociación de Comerciantes e Industriais de Tui, Acitui, anima a todos os cidadáns a mercar no comercio tudense durante as rebaixas deste inverno.

    Asimesmo, pon a disposición de todos os comerciantes, os carteis xenéricos das rebaixas de inverno do comercio de Pontevedra, e as normas  que deben rexir este periodo de rebaixas, que se iniciou o 7 de Xaneiro  e se prolonga ata o 7 de Abril. Todos aqueles interesados poden pasar polas oficinas de Acitui, sitas no Paseo da Corredoira, 21-1º Dta., ou chamar ao número de teléfono 986 607 556.

Dobre cita de remo esta fin de semana en Tui

    Esta fin de semana celébranse en Tui dúas competicións de remo.

    O sábado celebrarase no novo pavillón de deportes o Campionato de Galicia de Remoergómetro. Pola mañá será en individuais en todas as categorías e pola tarde por equipos.

    O domingo celebrarase en augas do Miño fronte ao Centro Interfederado  a Regata Internacional del Miño Copa Presidente de Deputación a partir das doce menos cuarto. Será nas modalidades de 4 scull absoluto feminino e masculino e 8 absoluto masculino.

En exposición pública o Plan Director do Parque Natural do Monte Aloia

    Ata o próximo 21 de xaneiro está en exposición pública o Plan Director do Parque Natural do Monte Aloia para que poidan ser presentadas alegacións. Unha vez estudadas o trámite final será levar o documento ao Consello da Xunta para a súa aprobación.

    No caso do Parque Natural do Monte Aloia, a entrada en vigor do Plan Director non suporá cambios substancias ao tratarse dun parque consolidado, segundo explicaba o director de Conservación, Gonzalo Puerto na Radio Municipal de Tui. O plan recolle as actuacións a realizar e os orzamentos para os próximos seis anos.

    A Consellería de Medio Ambiente irá pondo en marcha de forma progresiva un Centro de Visitantes para todos os Parques Naturais de Galicia no que estarán todos os espazos naturais galegos. No caso do Parque Natural do Monte Aloia estará representado polo seu uso público e de educación ambiental, por ser referentes neste tema, froito de moitos anos de traballo.

    A ordenación do parque faise de xeito integrado no uso público do parque facendo aproveitamentos localizados sen presentar problemas nin paisaxísticos nin loxísticos.

    Con respecto á presión que os visitantes poidan exercer vaise facer un plan de uso público e seguridade para que o tema non se escape das mans.

    Gonzalo Puerto avanzaba que están a estudar a posibilidade de adecuar as sendas existentes coma rotas cicloturistas. Este é un dos obxectivos para este ano cando en decembro o Aloia cumprirá 30 anos dende o seu recoñecemento coma espazo natural.