Tui - galiciasuroeste

Title
Vaya al Contenido

Tui

COMARCA
Ábrese a reserva de entradas para novas quendas para a recepción dos Reis Magos en Tui
Mércores, 30 de novembro de 2020. Ás 16 h ábrese a reserva de entradas para novas quendas que se veñen de habilitar para a recepción dos Reis Magos o próximo martes, 5 de xaneiro, no Teatro Municipal.
Habilítanse 60 novas quendas en horario matinal entre as 11.30 h e ás 13.30 h para grupos de máximo de catro persoas.
Onte á tarde esgotáronse nunhas horas as 110 quendas habilitadas para a recepción de Melchor, Gaspar e Baltasar entre ás 16 e as 19.30 h. Un total de 230 nenos e nenas e 110 persoas adultas teñen xa a súa quenda reserva para saudar as súas maxestades de Oriente.
Lembramos que a recepción real contará cun estrito protocolo anticovid. Recoméndase acudir unha antelación de 10 minutos sobre a hora fixada, e no caso de non poder asistir agradécese anular a reserva no enlace dispoñible no correo de confirmación recibido, para que deste xeito outra familia poida acudir á recepción real.
 

Os Reis Magos ofrecerán unha recepción o próximo martes no Teatro Municipal
Tui. Martes, 29 de decembro de 2020. Os Reis Magos de Oriente, Melchor, Gaspar e Baltasar, estarán o próximo martes, 5 de xaneiro, en Tui.
Este ano debido á pandemia da COVID 19 non se celebrará a tradicional Cabalgata Internacional da Eurocidade Tui-Valença. De todos os xeitos as súas maxestades de Oriente chegarán en tren até a Eurocidade realizando un percorrido máxico por Valença e Tui que se poderá visualizar nun vídeo que o luns, día 4, á noite se difundirá a través das redes sociais e a web municipal.
Os Reis Magos volverán repartir maxia e ilusión o martes día 5, e compartir uns momentos cos cativos e cativas que se acheguen ao Teatro Municipal de Tui. De 16 a 19.30 h terá lugar no teatro tudense a recepción real para a que será preciso reservar previamente entrada de forma gratuíta en tui.gal dende hoxe ás 19 h. Cada entrada dará acceso a un máximo de 4 persoas, e establécense cinco quendas cada 10 minutos, cun total de 110 quendas ao longo da tarde. No momento de facer a reserva débese cubrir o nome e apelidos e teléfono de contacto de cada unha  das persoas asistentes. A recepción contará cun estrito protoloco anticovid. Á chega á Area Panorámica os paxes reais e o persoa municipal irán conducindo aos asistentes no circuíto establecido até o interior do teatro onde dende as escadas que dan acceso ao escenario os cativos poderán saudar con distancia a Melchor, Gaspar e Baltasar e fotografarse con eles. Recoméndase acudir ao Teatro con 10 minutos de antelación sobre a hora fixada na entrada para evitar aglomeracións. No vestíbulo será preciso a desinfección de mans con hidroxel e lémbrase o uso obrigatorio de máscara para os maiores de 6 anos.
O escenario do Teatro Municipal transformarase cunha decoración especial para unha cita tan destacada coma esta recepción de Melchor, Gaspar e Baltasar. Amais as carrozas reais permanecerán estacionadas na parte peonil do Paseo da Corredoira.
Cómpre lembrar que Tui continúa en peche perimetral e que conta cun nivel de restricións medio-alto que inclúe entre outras cuestións agrupacións máximo de 4 persoas.
  
O Consorcio de Augas do Louro finaliza as obras de reparación da estrada na Veiga do Louro, que se reabre ao tráfico
Tui, 28 de decembro de 2020. O Consorcio de Augas do Louro, vén de rematar as obras de reparación do afundimento da rúa Loureiro na Veiga do Louro, que xa están abertas novamente ao tráfico.
As obras consistiron na reconstrución da pendente, beirarrúa e calzada caídas a consecuencia das intensas choivas e o desbordamento do río Louro producidas durante o temporal Cecilia en novembro de 2019.
Como parte das actuacións, tense limitado o peso dos vehículos que poden circular a 3,5 Tm. e se ten limitado a velocidade máxima a 30 km/h. Ademais, tense instalados lombos na calzada para reducir a velocidade, reposto a sinalización horizontal e mellorado a drenaxe da calzada.
  

Tui celebra Pleno Extraordinario
Tui, 28 de decembro de 2020. A Corporación de Tui celebra este marte, 29 de decembro, sesión Extraordinaria do Pleno Corporativo ás 18:00 horas, e dous días despois á mesma hora en segunda convocatoria en caso de non existir o quórum esixido na primeira, cos seguintes puntos na Orde do Día:
1º.- Aprobación, se procede, de borrador da acta de sesión anterior ordinaria no 10/2020, do 19 de novembro.
2º.- Expediente 2298/2020. Ditame da Comisión informativa de Contas, Facenda, Patrimonio e Persoal de data 22/12/2020, favorable a proposta do conxunto dos grupos da corporación relativa á aprobación das bases reguladoras e convocatoria para a concesión de axudas á reactivación económica do Concello de Tui a través dos bonos "Activa Tui".
3º.- Expediente 2705/2019. Ditame da comisión informativa de Urbanismo, Obras, Contratación e Servizos, de data 22/12/2020, favorable a proposta de Alcaldía de data 14/12/2020 de aprobación licitación concesión de obra pública aparcadoiro soterrado.
4º.- Expediente 2269/2020 (Relacionado con expte. 2987/2018). Ditame da Comisión Informativa de Contas, Facenda, Patrimonio e Persoal do 22/12/2020 favorable a proposta da concelleira de Facenda, de data 09/12/2020, relativa a bonificación de ICIO a solicitude de obra de afectado pola explosión de Paramos.
5º.- Expediente no 2258/2020. Ditame da Comisión Informativa de Contas, Facenda, Patrimonio e Persoal do 22/12/2020 favorable a proposta da Alcaldía, de data 17/12/2020, sobre ratificación resolución de Alcaldía de data 14/12/2020.
6º.- Expediente 1884/2020. Ditame da Comisión Informativa de Ensino, Servizos Sociais, Cultura, Turismo e Deporte do 22/12/2020 favorable a proposta de Alcaldía, de data 26/10/2020, relativa a corrección de erro do acordo de Pleno adoptado o 22/10/2020 no día correspondente ao Martes de Entroido.
7º.- Expediente 317/2020. Ditame da Comisión Informativa de Ensino, Servizos Sociais, Cultura, Turismo e Deporte do 22/12/2020 favorable a proposta de Alcaldía, de data 17/12/2020, relativa a aprobación de III Plan municipal de igualdade de oportunidades entre mulleres e homes de Tui 2020-2024.
8º.- Expediente 2569/2018. Ditame da Comisión Informativa de Urbanismo, Obras, Contratación e Servizos municipais de data 22/12/2020, favorable a Proposta de Alcaldía, de data 17/12/2020, declarando a necesidade de ocupación de parte da parcela 36055A047001200000UA pertencente a KIWI ESPAÑA S.A segundo consta no proxecto de “Pasarela peatonal en la desembocadura del río Louro. T.M. de Tui (Pontevedra)”.
9º.- Expediente 476/2017. Ditame da Comisión Informativa de Urbanismo, Obras, Contratación e Servizos municipais de data 22/12/2020, favorable a proposta de Alcaldía, de data 09/12/2020, relativa a aprobación definitiva do Plan Especial do Conxunto Histórico-Artístico do Concello de Tui.
    
Badminton TTR SUB13 Sub17 - V Torneo de Nadal Deputación de Pontevedra en Tui

Tui, 28 de decembro de 2020. Este fin de semana organizábamos en Tui el TTR SUB13 Sub17 - V Torneo de Nadal Deputación de Pontevedra.
Fue en las instalaciones del IES San Paio, con la paticipación de clubes de toda Galicia y también de Asturias
La competición se dividió en dos jornadas, siendo el sábado la categoría Sub13 y el domingo la Sub 17.
Nuestros deportistas alcanzaron todos las medallas siendo estos los resultados obtenidos:
- ORO para Lía Salvado y Roque Fernández en Dobles Mixtos Sub13
- BRONCE para Lía Savado en Individual Femenino Sub13
- PLATA para Bruno Fernández y Miguel González en Dobles Masculinos Sub17
- BRONCE para Sonia Navas y Andrea Pérez en Dobles Femenino Sub17
- BRONCE para Jessica Santos y Daniela Sanz en Dobles Femenino Sub17
Con este torneo ponemos fin a este estraño 2020, y a la minitemporada septiembre-diciembre.
A partir de enero empezamos con el nuevo sistema de temporadas enero-diciembre.
 

Badminton Tui organiza un Torneo de Navidad
Tui, 21 de decembro de 2020. Este fin de semana organizamos en Tui el GALICIA TTR Tui Sub13-Sub17 - V Torneo de Nadal "Deputación de Pontevedra".
Será el sábado en la categoria Sub 13 y el domingo la categoría Sub17
Por protocolos COVID será sin público y con la presencia en el pabellón solamente de jugadores y técnicos de los clubes participantes tanto gallegos como de otras regiones.
Agradecemos a la Federación Gallega la oportunidad de organizar nuevamente un TTR en Tui, y la colaboración un año más de la Diputación de Pontevedra y del Concello de Tui.
Con este Torneo damos por finalizado este 2020 en lo que a competiciones se refiere. Este 2020 ha traído cambios en el formato de nuestra competición pasando de temporadas en calendario escolar a lo que a partir de enero serán temporadas anuales enero-diciembre. Así que a partir del 1 de enero se plantea una nueva temporada, nuevos retos e ilusiones, pero siempre disfrutando de nuestro deporte.
 

Resultados de Badminton Tui obtenidos el pasado fin de semana

Tui, 21 de decembro de 2020. El sábado por la tarde, se celebraba en Ponteareas la Liga Gallega Sub15.
Fue una competición sin público debido a los protocolos COVID.
Nuestros deportistas, a pesar de llevar tiempo sin entrenar y haber retomado la actividad recientemente, hicieron un buen papel consiguiendo un 5° puesto, que pudo haber sido 4°, de un total de 10 equipos de toda Galicia.
Felicitar a los seis componentes del esuipo: Andrea Pérez Vila, Sonia Navas Castiñeira, Lía Salvado Areal, Telmo Portela Otero, Emilio González Jiménez y Roque Fernández Varela.
Contentos del resultado y sobre todo por su buen comportamiento. Dar las gracias a las familias por seguir confiando en nosotros pese a la situación que seguimos viviendo.
 

“Valença e Tui con historia…” é o título do calendario da Eurocidade Tui-Valença para 2021
Tui. Sábado, 19 de decembro de 2019. A Eurocidade Tui-Valença vén de editar o calendario de 2021 co título “Valença e Tui con historia…” ilustrado polo artista portugués Antonio Nunes.
Ao longo dos doce meses do ano pódese facer un percorrido pola Praça da República e o Edificio dos Paços, a capela de San Teotonio, o Monte do Faro e a Capela de Santa Ana, a Igrexa de Santa María dos Anjos,  e Fortaleza e a igrexa de Santo Estevao, e a Estación ferroviaria de Valença e pola a vella Ponte Internacional, a capela de San Telmo, o centro de Interpretación do Parque Natural do Monte Aloia, o Paseo da Corredoira de Tui,  a Igrexa de San Domingos e a Catedral de Tui.
Os calendarios distribuiranse dende o luns, 21 de decembro, e até fin de existencias, na casa do concello a cambio de alimentos non perecedoiros. Todos os alimentos entregados serán logo distribuídos polos Servizos Sociais Comunitarios do Concello de Tui e SOS Tomiño Baixo Miño.  Agradécese principalmente a entrega de conservas de froitas, legumes ou peixe  e produtos de Nadal…
 

A Deputación rende homenaxe á mestra Teresa Domínguez polo seu “compromiso e dedicación por unha educación en igualdade”
Tui, 18 de decembro de 2020. “Ela é a mestra”, sentenciou hoxe a presidenta da Deputación, Carmela Silva, no emotivo acto de homenaxe que esta mañá a institución dedicou á docente Teresa Domínguez. Este “merecidísimo recoñecemento” á ex directora do CRA Clara Torres de Tui, “polo seu exemplo de compromiso e dedicación por unha educación en igualdade”, tivo lugar na presentación da nova edición para o 2021 dos Calendarios Competenciais, coordinados pola propia Teresa Domínguez e que a Deputación vai distribuír un ano máis en 7.600 centros de Infantil, Primaria e Secundaria da provincia. No acto, a presidenta provincial fíxolle entrega dunha figura de porcelana e gres titulada “Flor de Inverno”, inspirada nunha camelia e que foi elaborada pola creadora viguesa Ana Tenorio. ”Como di a artista –sinalou- , a camelia simboliza en xeral estima, admiración e gratitude, e nós estimamos a Teresa, a admiramos e lle temos unha inmensa gratitude”.
Carmela Silva destacou á docente como “un exemplo da loita por unha educación pública de calidade” e definiuna como “unha muller inspiradora, que nos permite ter esperanza, primeiro porque a pesar de xubilarse segue moi activa, e logo porque deixa a outras moitas mulleres herdeiras dunha forma de entender o mundo, baseada nunha educación pública, de calidade e na defensa a morte dos centros do rural”.  Neste senso, tamén subliñou que os “imprescindibles” Calendarios Competenciais que Teresa Domínguez leva realizando desde o 2010, foron unha das iniciativas que máis valorou o xurado da Fundación Princesa de Girona, para concederlle este ano ao Clara Torres o premio Escola do Ano. “É moi difícil que un CRA de un pequeno concello consiga ser a mellor escola, así que sintámonos orgullosos das nosas mestras e mestres da nosa comunidade, que a pesares de recortes seguen a manter a calidade educativa”, dixo.
Teresa Domínguez quixo agradecer a implicación da Deputación co mundo rural e sinalou a necesidade de “seguir loitando pola educación” e sobre todo, de “reseteala”, algo que segundo indicou volveu evidenciar o confinamento “no que nos centros educativos vivimos situacións dramáticas”. A docente apuntou que “non podemos seguir reproducindo nos centros e nos contextos sociais o mesmo cada ano. Sexamos arriscados e mudemos cousas. A educación non é cuestión de ideoloxías, senón do dereito que teñen os nosos nenos e nenas, e os nosos adolescentes”.
Os Calendarios Competenciais, unha ferramenta didáctica que aporta imaxinativas propostas de aprendizaxe para traballar nas aulas e no fogar cada mes, chegan por vez primeira á etapa de Secundaria e “tratan de integrar os retos e as metas que a ONU establece na Axenda 2030”. “O desenvolvemento sostible e estes obxectivos están integrados xa no currículum, só lle temos que dar forza, visibilidade e importancia”, apuntou Domínguez. “Queremos persoas do futuro –engadiu- que teñan iniciativas e pensamento crítico e poidan visibilizar as desigualdades ou a fame na súa contorna”. No caso de Infantil e Primeira, incídese nas actividades corresponsables, “porque a igualdade empézase a xestar no contexto familiar“. “Debemos visibilizar cales son os contidos de referencia para seguir adiante cunha educación de calidade, que leve aos nosos nenos e nenas a ter habilidades e coñecementos e valores para a sociedade do século XXI. Eles e elas teñen o dereito a que as familias se impliquen na súa educación. Pero tamén é un deber dos centros educativos ofrecer ás familias esas ferramentas. O querer aprender xuntos e xuntas é unha ferramenta de futuro e  unha ferramenta de presente”.
Os calendarios prestan especial atención ás actividades relacionadas cos ODS e tamén visibilizan o papel das mulleres en distintos ámbitos. No 2021 teñen como protagonistas ás do sector da saúde, “mulleres sanitarias do pasado que marcaron unha liña para as do presente”.  Deste xeito, destácanse a dúas enfermeiras, unha pediatra, catro médicas, tres matronas, unha ATS e unha catedrática de Inmunoloxía da provincia. Así mesmo, a presencia de mulleres destaca nas ideas de literatura e cine. “Porque non hai posibilidade de boas producións audiovisuais se ese cine non nos mira”, sinalou a mestra aludindo a unha frase dou seu irmá Daniel, referente do sector en Galicia e recentemente falecido.  
A Deputación distribuirá  7.672 calendarios en 46 centros  (35 de Infantil e Primaria e 11 institutos). Serán 2.067 en Infantil; 2.668 en Primaria; 2.729 en Secundaria e 208 en Bacharelato.
  

A catedral de Tui acolle a exposición “Beléns do Mundo” con mais de 400 nacementos procedentes dos cinco continentes
Tui, 17 de decembro de 2020. A Catedral de Tui acolle un ano máis a exposición “Beléns do mundo” organizada pola Asociación de Amigos da Catedral de Tui que acolle máis de 400 beléns procedentes dos cinco continentes e que constitúen unha fermosa expresión de arte e devoción popular de máis de cincuenta países representados nas vitrinas desta exposición. Este ano como novidade hai una colección de beléns de cartolina igualmente figura unha Natividade procedente de Corea do Sur, que o pasado ano enviou unha peregrina daquela nacionalidade que contemplara esta exposición na súa peregrinación polo Camiño Portugués a Compostela.
Este ano debido as obras que están en curso da Capela do Santísimo e que motiva que o culto diario da catedral se celebre na Capela de San Telmo ou das Reliquias, a exposición belenística está distribuída polas naves do templo catedralicio tudense, nunha nova localización que posibilita unha maior amplitude e, consecuentemente, unha mellorada visión das obras expostas.
Como sinala o Papa Francisco o belén es realmente un ejercicio de fantasía creativa, que utiliza los materiales más dispares para crear pequeñas obras maestras llenas de belleza. Se aprende desde niños: cuando papá y mamá, junto a los abuelos, transmiten esta alegre tradición, que contiene en sí una rica espiritualidad popular. Espero que esta práctica nunca se debilite; es más, confío en que, allí donde hubiera caído en desuso, sea descubierta de nuevo y revitalizada.
Xunto a esta exposición, xa está a aberto o Belén monumental da Catedral tudense que chega como cada ano fiel a súa cita, con cerca dun centenar de figuras e diversas escenas que rememoran os episodios bíblicos relacionados co nacemento do Cristo.
Dende a Asociación de Amigos da Catedral de Tui queren expresar o seu agradecemento ao Cabido da catedral así como ao Concello de Tui pola colaboración prestada para a montaxe desta mostra navideña asi como aos colaboradores altruístas (María José, Loli, Sita e Lee). Todo este labor coordinado polo presidente da Asociación, Eduardo e a súa esposa Dolores, que cada ano coordinan esta extraordinaria mostra belenística.
A exposición estará aberta ao público ata o 10 de xaneiro.
 

Cortes puntuais na circulación na rúa Colón por obras
Tui. Mércores, 16 de decembro de 2020. Mañá xoves e o venres realizaránse cortes puntuais na rúa Colón de Tui debido ás obras de humanización que se están a realizar ao abeiro do Plan Concello.
En concreto nas próximas xornadas debido á instalación de canalizacións e á necesidade de cruzamento da calzada con tubaxes será preciso en momentos puntuais cortar o tráfico rodado neste vial. Por este motivo recoméndase empregar vías alternativas á rúa Colón, xa se poden producir retencións.
   
En xaneiro comezará en Tui un novo curso de Deshabituación Tabáquica
Tui. Mércores, 16 de decembro de 2020. O departamento de Prevención de Drogodependencias do Concello de Tui, en colaboración coa Asociación Española Contra o Cancro, un curso de Deshabituación Tabáquica.
Vai dirixido a todas as persoas fumadoras, maiores de 18 anos, que desexen deixar este hábito. É un programa de axuda específica e personalizada para facer fronte ao complexo proceso de abandono.
O curso dará comezo o 18 de xaneiro. Constará de 7 sesións, de hora e media de duración cada unha, en horario de tarde, que se celebrarán na Área Panorámica. Esta actividade brindará apoio técnico, consellos,  compañía e recompensas.
As persoas interesadas poden inscribirse no correo paula.ssociais@tui.gal ou no teléfono 986 60 36 25. Debido as medidas de prevención ante a COVID19 o número de prazas queda limitado a 8 persoas participantes.
    
O Concello de Tui instala un novo desfibrilador no Campo Municipal de Fútbol de Guillarei
Tui. Mércores, 16 de decembro de 2020.  Dende o día de onte, o Campo Municipal de Fútbol de Guillarei conta cun desfibrilador semiautomático externo, que dará seguridade aos deportistas usuarios da instalación ante os posibles riscos cardíacos que se poidan producir durante a práctica deportiva.
O concelleiro de deportes de Tui, Rafael Estévez e o presidente do Club de Fútbol de Guillarei, Manuel Rodríguez, estiveron presentes durante a instalación do desfibrilador na instalación, e remataron a coordinación do curso certificado que o 061, a través do médico Rosendo Bugarín, impartirá a seis directivos do club local.
O Concello de Tui xa conta con sete desfibriladores nas súas instalacións deportivas, que dan cobertura a dez instalacións: Pavillón novo (da cobertura ao pavillón vello),  Campo Municipal de Fútbol “Álvarez Durán”, Centro Interfederado (con cobertura ao Centro Municipal de Remo e o de Piragüismo “Enrique Míguez”), Pavillón da Macoca, Campo Municipal de Fútbol de Caldelas, de Ribadelouro e, dende onte, no de Guillarei.
A intención do Concello de Tui é ter todas as instalacións deportivas municipais cardioprotexidas, polo que, no próximo ano 2021, instalará un novo desfibrilador nas pistas municipais de tenis de Areas e, co apoio do médico tudense Rosendo Bugarín, seguirá impartindo obradoiros básicos sobre o manexo destes aparatos entre os directivos, adestradores e deportistas dos clubs deportivos tudenses.
  
Mitma y Cultura y Deporte proponen financiar 5 proyectos en Galicia, entre ellos la catedral de Tui
Tui, 15 de decembro de 2020. La Comisión Mixta del 1,5% Cultural, presidida por el secretario de Estado de Infraestructuras, Transporte y Vivienda, Pedro Saura, y compuesta por representantes dl Ministerio de Transportes, Movilidad y Agenda Urbana y del Ministerio de Cultura y Deporte, ha elevado una propuesta al ministro de Transportes, Movilidad y Agenda Urbana para la financiación de 5 nuevas actuaciones como consecuencia de la Convocatoria publicada en enero de 2020.
El Ministerio de Transportes, Movilidad y Agenda Urbana aportará 3.072.041,39 euros a proyectos de recuperación y puesta en valor del patrimonio histórico español en Galicia con cargo a los fondos que se generan para el 1,5% Cultural como consecuencia de la contratación de la obra pública.
La inversión total prevista en Galicia, por las entidades y administraciones participantes, incluyendo las aportaciones del Estado, es de 4.970.679,56 euros.
La resolución provisional permitirá continuar con el procedimiento hasta la adopción de la resolución definitiva, condicionada ésta a la aprobación de los proyectos y a las aportaciones financieras comprometidas. A partir de esta resolución provisional los participantes disponen de 10 días para aceptar la ayuda y de 90 para presentar toda la documentación. Cabe destacar que en tanto no se notifique la resolución de concesión definitiva al futuro beneficiario, no se habrá creado ningún derecho a favor del mismo.
En Tui esta aportación permitirá hacer frente a la segunda fase de actuaciones en el conjunto catedralicio para usos museísticos. El Ministerio de Transportes, Movilidad y Agenda Urbana aporta el 75% del presupuesto total de la actuación, que asciende a 586.530,74 euros.
    
Música e teatro nas rúas tudenses polo Nadal
Tui. Mércores, 16 de decembro de 2020. As rúas e prazas do centro urbano será o escenario da actividade de animación programada polo Concello dentro da programación “Tui, o Camiño do Nadal” que se vai desenvolver dende este sábado 19 de decembro e até finais de ano. O programa festivo pecharse coa recepción dos Reis Magos o 5 de xaneiro, nun acto cheo de maxia e ilusión do que proximamente se darán a coñecer todos os detalles.  
Catorce agrupacións serán as encargadas dos pasarrúas musicais ou teatrais previstos e plantexadas con todas as medidas de seguridade de prevención da COVID19 e con espectáculos sempre en movemento.
A Banda de Música Popular de Tui ofrecerá varios concertos nestas semanas reducindo o número de músicos de cada actuación a unha véntena e adaptando o repertorio a estas condicións especiais tanto nos ensaios coma nas actuacións.
As charangas tudenses Cantos Somos e A Tu Ritmo encherán de festa rúas e prazas nestas datas festivas. Nesta programación de Nadal estarán tamén presentes as agrupacións folclóricas das distintas parroquias tudenses que farán soar a nosa música tradicional nos pasarrúas previstos a cargo dos grupos Aloia de Pazos de Reis, O Mosteiro de Pexegueiro, San Fins de Rebordáns, Seixos Albos de Areas, Arume de Malvas, Xuntanza de Randufe, ou A Insua de Caldelas.
Barafunda presentará os espectáculo de animación con globos “Trasnos” e “Alicornos”. A compañía de novo circo Asacocirco presentará “De Branco” e “Con Frak”, e Troula achegará “Krasnobarak” e “Carteiro Branco Real”.
Amais o día 24 estará  en Tui dentro do “Nadal en Galego” da Deputación o Apalpador. Dende ás 17 h fará un pasarrúas musical xunto a un compañeiro acordeonista, Servando Barreiro, e do seu burro Río Lor para que os nenos e nenas poidan gozar das súas lendas, da súa sabiduría.
A programación pecharase o 5 de xaneiro coa presenza en Tui de Melchor, Gaspar e Baltasar cunha recepción real da que proximamente se darán a coñecer todos os detalles.
Programación de rúa
Sábado 19
·         Ás 12:30 h Grupo de gaitas Aloia de Pazos de Reis
·         Ás 18:30 h Charanga A Tu Ritmo
·         Ás 19:30 h Banda de Música Popular de Tui Xs
Domingo 20
·         Ás 12:30 h Grupo de gaitas O Mosteiro de Pexegueiro
·         Ás 18:30 h Charanga Cantos Somos
·         Ás 19:30 h Banda de Música Popular de Tui Xs
Luns 21
·         Ás 17:30 h Barafunda "Trasnos"
Martes 22
·         Ás 17.30  h Asacocirco "De Branco"
Mércores 23
·         Ás 17:30 h Troula "Krasnobarak"
Xoves 24
·         Ás 17:00 horas no Paseo da Corredoira O apalpador
·         Ás 18.30 h Charanga A Tu Ritmo
Sábado 26
·         Ás 12:30h Grupo de gaitas Seixos Albos de Areas
·         Ás 18:30h Banda de Gaitas Arume de Malvas
·         ÁS 19:30h Banda de Gaitas Arume de Malvas
Domingo 27
·         Ás 12:30 h Alumnado da Escola de Gaitas e Percusión A Insua de Caldelas
·         Ás 13.15 h Grupo de Gaitas San Fins de Rebordáns
·         Ás 18:30 h Grupo de gaitas Xuntanza de Randufe
·         Ás 19:30h Grupo de gaitas Xuntanza de Randufe
Luns 28
·         Ás 17:30 h ASACOCIRCO "Con FRAC"
·         Ás 18:30 h Banda de Música Popular Tui Xs
Martes 29
·         Ás 17:30 h Barafunda "Alicornos"
·         Ás 18:30 h Banda de Música Popular Tui Xs
Mércores 30
·         Ás 17:30 h Troula " Carteiro Branco Real"
·         ÁS 18:30 h Charanga Cantos Somos
Martes 5 de xaneiro
·         Recepción dos Reis Magos
  

Inauguración da exposición “O Tui (in)visible” de Loty
Tui. Martes, 15 de decembro de 2020. Mañá mércores, 16 de decembro, ás 18 h na Sala de Exposición de Municipal, na Área Panorámica, terá lugar a inauguración da exposición “O Tui (in)visible” do fotógrafo Loty. A mostra está organizada polo AMIT, o Arquivo Municipal da Imaxe de Tui, con fondos procedentes do Arquivo Histórico Provincial de Lugo.
A mostra recolle 35 de fotografías tomadas nos anos 20 polo fotógrafo franscés Justin Marie Charles Alberty Jeanneret “Loty” que xunto a súa dona Concepción López, crearon un banco de imaxes de España, Portugal e otros países.
O acto inaugural contará coa presenza do alcalde de Tui, Enrique Cabaleiro
 

O barrio da Torre de Paramos en Tui convértese nun exemplo de modernidade residencial no rural coas obras financiadas pola Deputación
Tui, 14 de decembro de 2020. O núcleo rural da Torre, na parroquia tudense de Paramos, que en maio de 2018 sufriu os devastadores efectos da explosión dun almacén pirotécnico clandestino, deu un cambio radical coas obras do Plan de Mellora da Seguridade Viaria en Vías Municipais (DepoRemse), cun investimento de 370.000 euros. O que antes era un espazo rural desestruturado e carente de servizos reconvértese agora, despois das obras financiadas pola Deputación, nunha contorna dotada de modernos servizos e dotacións urbanísticas.
A presidenta da Deputación de Pontevedra, Carmela Silva, visitou o barrio acompañada do alcalde, Enrique Cabaleiro, así como o deputado Gregorio Agís e membros da Corporación local para comprobar os resultados dunha “actuación que era imprescindible”. Na visita participaron tamén representantes da empresa construtora Sodein Soluciones Inteligentes e algúns veciños e veciñas, que tiveron ocasión de comprobar o resultado dunhas obras que supoñen unha completa transformación e reurbanización da Torre, pois inclúen a renovación completa e soterramento de tódolos servizos e a creación dunha plataforma única de convivencia, sen barreiras arquitectónicas e con prioridade peonil.
Silva fixo unha lembranza explícita ao sufrimento causado por aquel tráxico suceso rememorando “ás persoas que tanto sufriron naquel día e, moi especialmente, ás dúas persoas falecidas, ás que nunca esqueceremos”. A presidenta expresou a súa satisfacción polos resultados da obra “que engade valor a este núcleo rural” e polo feito de que, “finalmente, puidéramos dar resposta ás necesidades  urbanísticas deste barrio”. Un traballo que quixo agradecer aos técnicos provinciais e municipais, así como á empresa  construtora. “Todo iso permite que hoxe aquí haxa servizos de calidade e do século XXI”.
O alcalde, Enrique Cabaleiro subliñou que este 14 de febreiro é un día de gratitude cara á Deputación, pero tamén ao persoal técnico “que dedicou moitas horas” e á empresa e ao o seu encargado. Un recoñecemento que estendeu “a todas as persoas que fixeron posible que dous anos despois da explosión, o barrio volva recobrar vida e estea agora nunhas condicións magníficas, converténdose nun pobo atractivo para vivir”. Cabaleiro aproveitou a ocasión para destacar o valor da cooperación e a lealdade institucional “porque cando as Administracións colaboran o resultado, como vemos, é magnífico”. O primeiro edil tampouco quixo esquecer ao anterior equipo de goberno municipal “ao que lle tocou  vivir momentos realmente difíciles”.
Máis de 9.000 metros cadrados transformados, onde as instalacións que non se ven son máis importantes que o que queda á vista
A obra da Torre ten como singularidade que supón a replanificación completa de todo un núcleo rural, dotándoo de servizos de última xeración, completamente soterrados, e dando así un importante salto cualitativo na mellora da calidade de vida dos seus habitantes. A obra abrangue máis de 9.000 metros cadrados de superficie transformada e ordena definitivamente un núcleo que creceu no pasado á marxe da planificación pública. Ademais vai moito máis alá da simple lreparación dos danos causados pola deflagración de 2018 porque renova completamente, baixo superficie, a totalidade dos servizos, proporcionando unhas prestacións equivalentes aos dun espazo urbano. Deste xeito renováronse as canalizacións de alumeado público, saneamento, abastecemento de auga e recollida de pluviais, a rede de subministro eléctrico e de telefonía, incorporando tamén as de datos para proporcionar acceso á Internet.
O tratamento da superficie, cun destacado resultado estético, resolveuse cun moderno proxecto de calmado de tráfico sobre plataforma única, dando prioridade aos peóns, así como ás circulacións de persoas con mobilidade reducida nunha contorna cun alto índice de avellentamento, e ás/aos ciclistas. Diante da eliminación de todo tipo de barreira arquitectónica, a velocidade de circulación queda limitada a 30 Km/h, con sinalización vertical e horizontal, así como coa instalación de varios elementos redutores na calzada. Diante do estreito de moitos dos viais de A Torre (a maioría deles de só 3 metros) creáronse ampliacións de ata 6 metros onde había terreos dispoñibles.
 

Nova axuda da Deputación para o concello de Tui
Tui, 12 de decembro de 2020. A Xunta de Goberno da Deputación de Pontevedra vén de aprobar novas achegas do Plan Concellos 2020 para distintos concellos da provincia, entre eles, no Baixo Miño, para Tui que recibirá 357.858 euros destinados a acometer a construción dunha glorieta no ramal de enlace da estrada N-550 coa A-55 en Guillarei. Esta obra pretende mellorar a seguridade viaria nas conexións do tráfico co citado ramal da autovía e co núcleo de Sobredo desde a estrada nacional, así como garantir a seguridade dos peóns. Hai que ter en conta que esta intersección ten unha grande afluencia de tráfico ao tratarse dun punto onde concorre principalmente circulación en sentido norte-sur e cara onde se desvían, tanto tráfico lixeiro como pesado para incorporarse á autovía. A maiores, o estado do firme é inadecuado en diferentes zonas. Deste xeito, procederase á mellora da capa de rodadura en toda a superficie coa renovación do firme e coa nova glorieta, así como coas conexións coas vías adxacentes. Amais, ampliaranse e melloraranse as beirarrúas existentes, e acometerase a renovación e proxección da sinalización horizontal e vertical da intersección. Tamén se proxectan novas luminarias para mellorar a seguridade.  
 
Jara García Coello do CEP de Caldelas é a gañadora do concurso escolar da postal de Nadal do Concello de Tui
Tui. Venres, 11 de decembro de 2020. Jara García Coello, alumna de 2º curso de Primaria do CEP de Caldelas, é a gañadora do primeiro premio do concurso escolar para a elección da postal de Nadal do Concello de Tui para este ano 2020 convocado pola Concellería de Ensino e Cultura, que dirixe a concelleira Sonsoles Vicente Solla.
A responsable desta concellería explica que a finalidade deste certame escolar foi fomentar a expresión artística, a creatividade e a participación activa da poboación infantil tudense nas tradicións do Nadal, procurando que os nenos e nenas do noso municipio, expresasen a través dun debuxo o significado do Nadal e a súa relación co noso Concello.
A primeira edición deste certame contou coa participación dos seguintes centros escolares tudenses: CEP de Caldelas, CEIP’s de Randufe, de Guillarei e Nº 1 e Nº 2 de Tui.
O xurado acordou conceder os seguintes premios:
·         3º premio á postal presentada por Sergio Vázquez Álvarez de 6º curso do CEIP de Guillarei, consistente nun vale de 50 € para consumir en establecementos comerciais do municipio e lote de libros
·         2º premio á postal presentada por Sharay Iglesias Rodríguez de 5º curso do CEIP de Randufe consistente nun vale de 70€ para consumir en establecementos de Tui e lote de libros
·         1º premio á postal presentada por Jara Garcia Coello de 2º curso do CEP de Caldelas consistente nun vale de 100€ para consumir en establecementos comerciais do municipio, un lote de pinturas, bloc e material de pintura e un lote libros, valorado en 40 euros.
O debuxo da gañadora será a felicitación oficial do concello tudense neste nadal do ano 2020.
  

Jara García Coello do CEP de Caldelas é a gañadora do concurso escolar da postal de Nadal do Concello de Tui
Tui. Venres, 11 de decembro de 2020. Jara García Coello, alumna de 2º curso de Primaria do CEP de Caldelas, é a gañadora do primeiro premio do concurso escolar para a elección da postal de Nadal do Concello de Tui para este ano 2020 convocado pola Concellería de Ensino e Cultura, que dirixe a concelleira Sonsoles Vicente Solla.
A responsable desta concellería explica que a finalidade deste certame escolar foi fomentar a expresión artística, a creatividade e a participación activa da poboación infantil tudense nas tradicións do Nadal, procurando que os nenos e nenas do noso municipio, expresasen a través dun debuxo o significado do Nadal e a súa relación co noso Concello.
A primeira edición deste certame contou coa participación dos seguintes centros escolares tudenses: CEP de Caldelas, CEIP’s de Randufe, de Guillarei e Nº 1 e Nº 2 de Tui.
O xurado acordou conceder os seguintes premios:
·         3º premio á postal presentada por Sergio Vázquez Álvarez de 6º curso do CEIP de Guillarei, consistente nun vale de 50 € para consumir en establecementos comerciais do municipio e lote de libros
·         2º premio á postal presentada por Sharay Iglesias Rodríguez de 5º curso do CEIP de Randufe consistente nun vale de 70€ para consumir en establecementos de Tui e lote de libros
·         1º premio á postal presentada por Jara Garcia Coello de 2º curso do CEP de Caldelas consistente nun vale de 100€ para consumir en establecementos comerciais do municipio, un lote de pinturas, bloc e material de pintura e un lote libros, valorado en 40 euros.
O debuxo da gañadora será a felicitación oficial do concello tudense neste nadal do ano 2020.
 

A Deputación pon fin aos problemas da oficina do Oral en Tui coa estrea dunhas novas instalacións céntricas, modernas e accesibles
Tui, 10 de decembro de 2020. As novas oficinas do Organismo de Recadación Local (ORAL) de Tui abriron as súas portas na rúa do Rosal, número 1, un local alugado co que a Deputación de Pontevedra dá solución a un problema histórico, froito das pésimas condicións das antigas dependencias  que foran adquiridas polo anterior Goberno provincial. O deputado de Cooperación, Santos Héctor Rodríguez, acompañado do alcalde Enrique Cabaleiro e a directora do ORAL, Inmaculada Viña, visitou hoxe as instalacións e celebrou o “cambio radical na calidade de atención ao público e nas condicións para as traballadoras”.
O ORAL da Deputación en Tui viña funcionando desde o mes de febreiro nuns locais cedidos polo Concello no edificio Área Panorámica, na rúa Colón, como solución provisional tralo peche de urxencia que se decidiu a causa das graves deficiencias das instalacións anteriores na rúa da Coruña, adquiridas polo anterior Goberno provincial no 2003. A clausura da oficina orixinal foi obrigada diante da súa situación de insalubridade, provocada polas patoloxías construtivas que, segundo os técnicos, resultaban de moi difícil resolución. A maiores, o local carecía de acceso para persoas con diversidade funcional.
Na visita, o deputado Santos Héctor agradeceu ao alcalde o apoio do Concello coa cesión do local provisional “para darnos o tempo necesario para saír do burato onde estabamos” coa localización dun novo emprazamento digno, moderno e accesible. As novas oficinas están situadas nun céntrico baixo de 94 metros cadrados con dúas entradas e dúas fachadas acristaladas. Finalmente, reúne as condicións axeitadas para o labor das cinco traballadoras que prestan servizo na oficina e conta cunha sala de espera para o público, que poderá así gozar dunha atención máis coidada. Está previsto, ademais, dotalo cun tótem informativo con pantalla táctil para axudar á realización de xestións.
Santos Héctor destacou as condicións da nova oficina e enxalzou o labor das traballadoras “porque sei que ides seguir facendo un gran traballo”. “Hai que atender á cidadanía con ese cariño e paciencia e tratar de resolverlle os problemas, porque para iso estamos na Administración pública”, recalcou.
Pola súa banda, o alcalde tamén quixo destacar “o recoñecemento da cidadanía e a nosa institución” ás persoas traballadoras do ORAL, “porque o voso traballo é fundamental para a veciñanza e tamén para as administracións”. “Obviamente ese traballo ten que desenvolverse nas mellores condicións posibles e hoxe nos temos que felicitar porque poidades dispor dunhas novas oficinas, un lugar de traballo máis digno que o tiñades, con máis luz e medios. O Concello colaborou en ofrecer un local provisional alternativo e reiteramos que estamos a disposición para o que necesitedes”.
A sede do ORAL de Tui presta servizo de atención  presencial en relación cos tributos do IBI ,IAE, IVTM (vehículos), así como recadación de multas e  taxas municipais do Concello de Tui. Ademais está descentralizado, pois conta con atención presencial en Tomiño (os mércores) e no Rosal (martes e xoves).  Este servizo constitúe o núcleo de actualización dos padróns de tributos da comarca do Baixo Miño (Tui, Tomiño , O Rosal e Oia) e atende anualmente máis de 7.500 consultas presenciais, aínda que a cifra baixou neste 2020 por mor da pandemia. A oficina xestionou preto de 9 ,4 millóns de euros en impostos, taxas e multas na comarca no que vai deste ano. No caso do Concello de Tui foron  4,1 millóns de euros desde xaneiro ata hoxe. Ademais, está en cifras de recadación histórica  en período de pago voluntario ao ter alcanzado o 85% do total.


A praza de Abastos realiza unha campaña de recollida solidaria de alimentos a favor de SOS Tomiño Baixo Miño
Tui. Mércores, 9 de decembro de 2020. A Praza de Abastos de Tui, en colaboración coa Concellería de Comercio e Mercado, realiza unha campaña solidaria de recollida de alimentos destinados a SOS Tomiño Baixo Miño. Na propia praza habilitouse un espazo para depositar estes produtos.  
A recollida de alimentos non perecedoiros realizarase entre o 10 de decembro e o 10 de xaneiro. Voluntarios de SOS Tomiño Baixo Miño recollerán semanalmente os produtos entregados
A iniciativa parte de Flores Rita e conta coa colaboración dos praceiros e praceiras do mercado Municipal de Tui.  
A campaña iníciase o 10 de decembro e desenvolverase ata o 10 de xaneiro con recollidas semanas por parte de SOS Tomiño. O punto de recollida está establecido no propio mercado municipal.
O obxectivo desta iniciativa é obter alimentos non perecedoiros que logo serán distribuídos por SOS Tomiño Baixo entre as familias ás que prestan axuda e están nunha  situación vulnerable.
A concelleira de Comercio e Mercado, Ana Mª Núñez, expresa a súa gratitude “polas inmensas propostas solidarias que están a xurdir entre a sociedade” o que indica é “unha mostra da humanidade que sen dúbida precisamos nesta complicada situación para superar o que nos toca vivir”.
  

O Concello de Tui recoñeceu esta tarde o labor desenvolvido por cinco membros de Protección Civil durante o estado de alarma
Tui. Sábado, 5 de decembro de 2020.  O salón de sesións da casa do concello acolleu esta tarde o acto de entrega dunha placa honorífica a cinco integrantes da Agrupación de Voluntarios de Protección Civil de Tui. O Concello de Tui recoñeceu deste xeito o labor que desenvolveron durante o estado de alarma María Fernanda Esteves Abreu, Isaac Estévez Carballal, Juan Manuel González Estevez, Adolfo Pérez Paramos e Alberto Solleiro Álvarez.
O alcalde, Enrique Cabaleiro, abriu o acto lembrando coma a actual Agrupación de Voluntarios de Protección Civil se formou hai dous anos, lembrando ao daquela alcalde, Carlos Vázquez Padín, e a o concelleiro de Seguridade, Antonio Castro, que impulsaron o nacemento desta agrupación.  Engadiu que “a aparición da covid fixo aos voluntarios de Protección Civil protagonistas involuntarios dunha situación difícil, na que o voso traballo e dedicación foi imprescindible”. Un labor que se quixo recoñecer coa entrega das placas coincidindo hoxe coa celebración do Día do Voluntariado, e coas que se “recoñece o mérito que coma persoas tedes pola contribución que estades a facer”, sinalaba Enrique Cabaleiro. O rexedor tudense concluíu agradecendo ese labor e comprometéndose a dotar á agrupación de voluntarios dos medios que precisan nas tarefas que levan a cabo.
O concelleiro de Seguridade, José Ramón Magán, deu lectura ao decreto de concesión deste recoñecemento no que sinalan as 477 horas realizadas por estes voluntarios durante o estado de alarma no reparto de alimentos colaborando con SOS Tomiño Baixo Miño e os Servizos Sociais municipais, no reparto de máscaras, na pegada de carteis informativos, nas desinfeccións de contedores e das instalacións da Policía Local cando se produciu un brote neste corpo, o reparto de ordenadores e cadernos en colaboración cos centros educativos, na celebración de cumpreanos infantís e mesmo no traslado dunha persoa.
Os representantes de todos os grupos da corporación presentes no acto, José Ángel Fernández polo PP, Pilar Besada por C’s, José Martínez Tato polo BNG, José Manuel Palacín por C21, e Laureano Alonso por En Marea, coincidiron en amosar o seu agradecemento polo traballo “imprescindible” realizado, cun “labor encomiable” que feito de forma altruista. Nun acto, o desta tarde, no que dicían se plasma o cariño e orgullo da cidadanía cara eles.  
O presidente da Agrupación de Voluntarios de Protección Civil, Juan Manuel González, agradeceu o recoñecemento recibindo, que os encheu de satisfacción e lles motiva aínda máis no seu labor.
 
Unha persoa foi detida o sábado á noite por desobediencia e resistencia a autoridade tras ser detectada nun control conxunto de Policía Local e Garda Civil
Tui. Luns, 7 de decembro de 2020. A Policía Local de Tui realizou na noite do sábado ao domingo un control conxunto coa Garda Civil de Tui. O obxectivo era comprobar o cumprimento da prohibición de tránsito entre ás 23 h e ás 6 h.  
No mesmo procederon á detención dunha persoa por desobediencia e resistencia á autoridade. O detido circulaba nun vehículo ás 23.50 h e saltouse o alto dado polos axentes no control.  Foi interceptado 500 metros despois, negándose a someterse á proba de alcoholemia sen ningún tipo de explicación polo que nun primeiro momento lle foi imputado un delito por negarse á realización destas probas. Posteriormente os efectivos de Policía Local e Garda Civil  procederon a súa detención por desobediencia e resistencia á autoridade, resultado ferido, sen gravidade, un dos axentes. Fíxose cargo desta segunda intervención a Gardia Civil.
Por outra parte axentes da Policía Local acudiron o sábado ás 22.05 h á autovía A55, a altura da saída de Guillarei,  onde se rexistrou un accidente, ao envorcar un vehículo. Tamén acudiron efectivos da Agrupación de Voluntarios de Protección Civil de Tui, os Bombeiros do Porriño e da Garda Civil de Tráfico.
  

Mercadiño de libros solidarios na Biblioteca Municipal de Tui
Tui, 4 de decembro de 2020. A Biblioteca Pública Municipal de Tui organiza entre venres 4 e o sábado 12 de decembro un mercadiño solidario de libros, en colaboración co departamento de Servizos Sociais do Concello de Tui.
Nestas xornadas a Biblioteca Municipal ofrece os libros destinados ao expurgo, procedentes dos seus propios fondos ou de doazóns de veciños, para que aqueles lectores interesados poidan recoller aquelas obras que resulten do seu interese. A condición para acceder a este mercadiño é a entrega dun lote de produtos de Nadal que estarán destinados ás familias atendidas polos Servizos Sociais municipais.
Os libros ofertados son de temática moi ampla e variada, dende novelas, libros infantís e xuvenís, libros de coñecementos, de non ficción, incluso algunhas obras de consulta.
O mercadiño estará aberto no horario de atención ao público da Biblioteca Municipal de luns a venres de 9 a 14 h e de 15.30 a 21.30 h e os sábados de 9 a 14 h.
Para a concelleira de Cultura, Sonsoles Vicente Solla, con esta actividade a Biblioteca Municipal oferta un amplo abano de libros a todos os afeccionados á lectura a cambio da entrega de produtos do Nadal cunha finalidade solidaria. É unha ocasión de achegarse para atopar algunha publicación, xa fora do mercado ou descatalogada, que deste xeito aproveita ao lector interesado e tamén á familia que recibirá os produtos de Nadal.
    
Empresarios tudenses xunto co Concello promoven unha campaña de bonos agasallo coma alternativa as ceas e aguinaldos de Nadal das empresas
Tui, 4 de decembro de 2020.  “En Nadal Tui QuereTui” é o lema da campaña de bonos agasallo presentada esta mañá na Casa do Concello de Tui.
Na presentación participaron o alcalde de Tui, Enrique Cabaleiro, a concelleira de Comercio, Ana Mª Núñez, o presidente de ACITUI, Juan Carlos Blanco, o representante de EMPRETUI, Abel Vila, o presidente da Asociación de empresarios/as de Areas, Giorgio Casoni, e interviu Jesús Vaz e Manuel González da empresa Coplegal S.L.
O obxectivo da Campaña “En Nadal Tui QuereTui” é contribuír a paliar os efectos do peche da hostalería, as perdas no sector turístico e a baixada de ventas no comercio. As empresas que, tradicionalmente veñen celebrando as ceas de Nadal e que este ano non se poderán celebrar, poderán nestes tempos de pandemia agasallar aos seus traballadores e traballadoras con bonos para desfrutar en establecementos comerciais e de restauración e aloxamento de Tui. A iniciativa partiu dos empresarios de Coplegal S.L, Jesús Vaz e Manuel González.
O alcalde de Tui, Enrique Cabaleiro, asegurou que “esta iniciativa tan solidaria chega nun momento moi difícil para Tui no que, debido ao peche perimetral e ao peche da hostalería, está en risco a vialibilidade de moitos negocios”. Agradeceu tamén aos empresarios de Coplegal S.L e as asociacións participantes a súa colaboración. Afirmou tamén que “a responsabilidade social das empresas é fundamental na recuperación económica”.
A concelleira de Comercio, Ana Núñez, explicaba que esta campaña “fai unha chamada a solidaridade das empresas para que agasallen os seus traballadores tarxetas regalo como alternativa ao tradicional aguinaldo e as comidas e ceas de empresa no nadal, co obxectivo de contribuir a paliar os efectos do peche continuado no sector hostaleiro, as perdas no sector turístico e a baixada de vendas no comercio”. Engadía a concelleira que “este xesto solidario  permitirá axudar a moitas familias que levan moito tempo cos seus locais pechados ou baixo mínimos”.
Na presentación os representantes de ACITUI, Juan Carlos Blanco, e o de EMPRETUI, Abel Vila, explicaron o funcionamento destes bonos. As empresas que queiran agasallar cun destes vales aos seus empregados e empregadas, poderán facelo dirixíndose a ACITUI se o que desexan é regalar un bono para o comercio local, e a EMPRETUI se o que queren é agasallar cun bono de hostalería e aloxamento. Os beneficiarios destes cheques terán até o 30 de xuño para desfrutar do seu bono en Tui. As papeletas son numeradas e en ningún caso poden ser intercambiadas por diñeiro en efectivo.
Jesus Vaz da empresa Coplegal S.L, de quen partiu a idea xunto ao seu socio Manuel González,  que plantexaron esta iniciativa para non perder as tradicións de Nadal das empresas  ao tempo contribuír  á mellora da economía tudense.
O presidente da Asociación de empresarios e empresarias do Polígono de Areas, Giorgio Casoni, asegurou que a iniciativa está a ter unha moi boa acollida no tecido empresarial de Tui, con varias empresas xa interesadas en participar.
Os establecementos  de Tui que estean interesados en participar nesta iniciativa poden adherirse até o domingo 13 de decembro cumprimentando o formulario dispoñible na web municipal www.tui.gal.
Mentres as empresas que desexen agasallar aos seus traballadores e traballadoras con este bonos poderán optar entre AGASALLA COMERCIO LOCAL, para o que se deben pór en contacto con ACITUI (986 60 75 56 - acitui@acitui.es), ou AGASALLA HOSTALERÍA E ALOXAMENTO para o que se deben dirixir a EMPRETUI (604 03 27 31 - info@empretui.com) solicitando o número de tarxetas que precise co importe que desexe. Logo a persoa beneficiara terá até xuño de 2021 para consumir o importe íntegro da tarxeta nun único establecemento entre os que figuren na listaxe de adheridos á campaña.
  

Tui inicia a campaña  “O Camiño do Nadal” co acendido do alumeado ás 18 h
Tui. Xoves, 3 de decembro de 2020.  Este venres, 4 de decembro, ás 18 h terá lugar o acendido da iluminación de Nadal en Tui. Co lema “O Camiño do Nadal” o Concello de Tui continua a campaña iniciada en 2019 na que a posta en valor dos elementos locais, a reutilización de elementos e a reciclaxe marcan a decoración destas festas.
As actuais condicións de pandemia limitarán a celebración de actividades que tiñan lugar en anos anteriores, pero con todas as medidas de seguridade dende a Concellería de Cultura artellouse unha programación para o disfrute na rúa dunhas festas diferentes por parte de cativos e maiores.
Para o acendido de Nadal non haberá un acto simbólico coma noutras ocasións para tentar evitar así a aglomeración de persoas nun punto concreto. Por iso optouse simplemente polo acendido dos 113 arcos e os 55 elementos de iluminación con tecnoloxía led instalados nas rúas do centro urbano e tamén nos puntos de entrada ás distintas parroquias mañá venres ás 20 h. A principal novidade será a iluminación de novo, tras oito anos, do gran abeto situado no cruzamento entre o Paseo da Corredoira, a Avenida da Concordia e rúa Maristas que foi iluminado con 3 mil lámpadas led.
Na decoración das rúas e prazas optouse por segundo ano pola posta en valor do patrimonio local destacando o Camiño Portugués de Santiago, do que Tui é a porta de entrada a Galicia. Así unha frecha amarela e a palabra “Tui”  son a imaxe desta campaña “O Camiño do Nadal”. Na decoración realizada primou a reutilización e a reciclaxe de elementos. Entre as principais novidades está a colocación dunha casiña de madeira de Nadal na zona peonil do Paseo da Corredoira, para a que se reutilizou unha estrutura de madeira que hai anos foi oficina de Turismo.  Xunto a esta casiña de chocolate haberá tamén un pergamiño no que deixar mensaxes para estas festas, o buzón real ou un elemento decorativo coas imaxes da campaña para poder facerse fotografías  Tamén se incorporan á decoración figuras de anxos realizados con madeira e corda, e xunto a farois de madeira. Un pequeno tren de madeira, bicicletas, renos, coellos, … serán outros dos elementos, estreados xa en 2019, e que volven reutilizarse nestas festas.  Tamén se volveu instalar na rúa Ordóñez a árbore de Nadal de madeira coa frecha amarela coma estrela e co nome de todas as parroquias na súa base. Estes elementos estarán colocados nas prazas de Fromista, a Armada e San Fernando, a carón da igrexa de San Telmo, no Paseo da Corredoira, nas rúas Ordóñez, Ourense, Colón, e no Paseo Familia Álvarez Blázquez.
Nas próxima semanas darase a coñecer o programa de animación musical que haberá durante as datas festivas con pasarrúas a cargo de distintos grupos.  A programación pecharase o 5 de xaneiro coa presenza en Tui dos Reis Magos, Melchor, Gaspar e Baltasar.
 

A exposición “Benjamín de Tudela, un viajero en el tiempo” pode visitarse en Tui até o 12 deste mes
Tui, 2 de decembro de 2020.  A exposición de fotografías “Benjamín de Tudela. Un viajero en el tiempo” chega a Tui ata o vindeiro 12 de decembro, dentro da súa itinerancia polas cidades que integran a Red de Juderías de España. A mostra está conformada por 54 fotografías de Jesús Álvarez tomadas nunha viaxe que emulou o que describe nos seus escritos o propio Benjamín de Tudela e que o levaron a coñecer numerosas comunidades sefardís por todo o Mediterráneo e por Europa.
Para o concelleiro de Patrimonio, Turismo e Camiño de Santiago do Concello de Tui, Laureano Alonso, esta exposición permite achegarnos a un percorrido pola “ruta do viaxeiro máis internacional da Idade Media: de Tudela a Xerusalén pasando por Roma, Alexandría, Constantinopla ou Francia”. A exposición recolle o estado actual das xuderías e dos países que Benjamín de Tudela visitou entre 1163 e 1174, impresións recollidas posteriormente no seu Libro de Viaxes publicado en Constantinopla en 1543.
Laureano Alonso sinala como esta exposición é unha das actividades programadas pola Red de Juderías entre os seus socios para a promoción e difusión do legado da cultura xudía, que ten en Tui un dos lugares sobranceiros no Noroeste peninsular.
A exposición pode visitarse de luns a venres de 9 a 14 h e de 15.30 a 21.30 h e os sábados de 9 a 14 h.
Información complementaria
Benjamín de Tudela viviu na segunda metade do s. XII e foi o viaxeiro xudeu medieval máis importante. A única fonte de que dispomos é a súa obra Libro de Viaxes. Aínda que escritores non xudeus titúlanlle frecuentemente como rabí, non existen probas de que o fose, se se exceptúa a abreviatura convencional fixada ao seu nome nas fontes hebreas. Fillo do rabí Jonás e home preparado, pois tiña formación en historia, ademais de ser coñecedor do hebreo, arameo, grego, latín e árabe.
Podería fixarse o inicio das súas viaxes entre 1159 e 1167 (reinando en Navarra Sancho VI o Sabio) e o seu regreso en 1172-1173 (ano 4933 do calendario xudeu). Segundo isto, as súas viaxes tiveron unha duración mínima de cinco anos e unha máxima de catorce. Esta última hipótese parece a máis probable, dado que a súa última etapa -desde que abandona Exipto e chega a España- durou polo menos un ano.
Tampouco se coñece a finalidade destas viaxes, aínda que parece que Benjamín de Tudela puidese ser comerciante en pedras preciosas xa que consta que en máis dunha ocasión mostrou vivo interese polo comercio da coral. Na súa viaxe tomou contacto coas comunidades xudías que se ía atopando.
En total, visitou 190 cidades de Europa e Oriente, converténdose nunha das primeiras fontes da demografía xudía. O seu interese de centrou nos xudeus e a súa situación, describindo personalidades, centros de estudos, poboación, formas de vida, dificultades e éxitos. Tamén fala dos grandes acontecementos políticos e históricos da súa época.
O seu Libro de Viaxes (Sefer Maasaot), publicado en hebreo en Constantinopla en 1543, baséase nas notas e impresións recollidas durante o seu longo periplo. Desde Tudela descende polo val do Ebro: Zaragoza, Tortosa, Tarragona, Barcelona e penetra en Provenza a través de Girona. Embárcase en Marsella e viaxa a Xénova, Pisa, Lucca e Roma, cidade na que debeu deterse durante un tempo, a xulgar polo minucioso relato que ofrece dos seus monumentos.
Deixa Roma e encamíñase cara ao sur, onde chega a Salerno. Embarca novamente en Otranto, pasa pola illa grega Corfú, no mar Xónico e Arta. Atravesa Grecia e detense en Constantinopla, da que ofrece unha viva descrición, de gran importancia para o coñecemento das condicións e situación socioeconómica dos seus habitantes naquel momento.
Cruza o mar Exeo (illas Mytilene, Chíos, Samos, Rodas) até Chipre. Xa en terra firme, pasa por Antioquía, Sidón e Tiro, entrando en Israel por Acre, naqueles momentos en mans dos Cruzados. Percorre o país e describe detalladamente os Santos Lugares deixando un documento de especial interese para o coñecemento de Palestina daquela época.
De camiño cara ao Norte, pasa por Tiberíades, Damasco, Alepo e Mosul, cun itinerario difícil de precisar. Chega a Bagdad, cidade que describe con maior extensión que calquera outra. É probable que viaxase ao longo e ancho de Mesopotamia e Persia, aínda que nestes relatos abundan os materiais lendarios. É improbable que se aventurase a traspasar estes ámbitos xeográficos, aínda que se esforzou por reunir noticias sobre as comunidades xudías de lugares aos que non viaxou, como Arabia, Persia, Asia central, India ou Ceilán, e mesmo menciona a existencia da xudaría de Kai Fong en China.
Xa de volta, fai unha admirable descrición de Exipto e en especial, da vida dos xudeus no Cairo e Alexandría, cidade na que embarca para chegar a Sicilia. Dános unha descrición coidadosa e pintoresca de Palermo. De alí, probablemente, regresa a España por mar, aínda que o itinerario finaliza cunha idealizada visión da vida xudía de Alemaña e do norte de Francia, baseada talvez en relatos que chegaron aos seus oídos.
Datos extraídos de:
·         Libro de viaxes de Benjamín de Tudela. Riopiedras Edicións, 1982.
·         Versión castelá, introdución e notas de José Ramón Magdalena Nom de Déu
     
O Consorcio de Augas do Louro inicia a reparación da estrada na Ponte do Louro
Tui, 2 de decembro de 2020.  O Consorcio de Augas do Louro, inicia as obras de reparación da estrada no Camiño da Veiga, preto da Ponte do Louro.
As obras consistirán na reconstrución da pendente, beirarrúa e calzada caídas a consecuencia das intensas choivas e o desbordamento do río Louro producidas durante o temporal Cecilia en novembro de 2019.
O importe dos traballos ascenderá a 39.083,93 €.
 

C21 solicita a ordenación do tráfico en fronte do Colexio Nº 1
Tui, 1 de decembro de 2020. O partido liberal de Tui insiste en que o tráfico diante do Colexio Nº 1 debe ser correctamente regulado debido ao caos que se xera ca saída do alumnado.
O voceiro liberal, José Palacín, xa realizou esta petición durante pleno de novembro e pide ao Goberno Local que se reúna con AMPAS e persoal docente para que despois das datas de Nadal xa estea artellada unha solución, tanto por seguridade viaria como polo COVID, debido a que en moitos casos son os avós os que recollen ao alumnos.
Para Palacín: “Tui non se pode permitir a subida da incidencia por cuestións de saúde pública e porque nestes intres o peche perimetral e da hostalería, máis a situación caótica do tráfico, están a esnaquizar o tecido produtivo da cidade”.   
A propósito deste Centro, Converxencia 21 recorda que existe un proxecto de ampliación do patio pendente de executar e que agora é máis necesario que nunca.   
Regreso al contenido